betkho

მეგობრები შეიძინე, ვისგანაც არ ელოდი რომ მეგობრები იქნებოდნენ? და სანამ დაუახლოვდებოდი ჩაკეტილი იყავი მათგან? მე ეს ახსნა მაქვს

ძალიან გრძელი სიზმრები მაქვს, ყოფილა რომ სიზმარში რამდენიმე დღე მიცხოვრია, აი ერთხელ დამესიზმრა რომ გამეღვიძა და ცაზე იყო მზის სისტემის ყველა პლანეტა, ჩანდა ზოგი დიდად ზოგი პატარად და მეცნიერები ამბობდნენ, რომ ეს პლანეტარული სუიციდიაო და რომ ყველა პლანეტამ მზის სისტემაში მიმართულება შეიცვალა ორბიტაზე აღარ მოძრაობდნენ მზის გარშემო და ნელ ნელა მოდიოდნენ დედამიწისკენ და რომ ჩვენ რამდენიმე დღეში ყველას სიკვდილი გველოდა, მაგრამ თან ვერაფერს ვიზამდით.

მე რატომღაც ვიყავი ძალიან მშვიდად, დეტალურად მახსოვს რა ხდებოდა სიზმარში ის სამი დღე როგორც ცხადში ისე. რომ დაღამდა პირველ ღამეს მაინც მედიაშიც და ყველგან ამბობდნენ, რომ გაჩერდება არ მოვკვდებით და არის შანსი რომ გადავრჩეთო, მერე გათენდა და ეს პლანეტები უფრო დიდად ჩანდნენ და უფრო კარგად, ხილულად, აი მეორე დღე იყო კოშმარი, მაგრამ ჩემთვის ისევ და ისევ არა, მე ისევ მშვიდად ვიყავი.

მთელი დედამიწა შოკში იყო. ადამიანები თავს იკლავდნენ, ისტერიკაში იყვნენ. ყველა არხზე ამაზე ლაპარაკობდნენ. ყველაფერი რაც დედამიწაზე ხდებოდა გვერდზე გადადო ყველამ და ეს იყო ნომერი პირველი ამბავი.

მერე მოხდა ისე რომ მეცნიერებმა თქვეს საათები რჩებაო და ისევ დაღამდა, მაგრამ არავის აღარ ეძინა. მე მახსოვს როგორ ვიდექი აივანზე დათოსთან ერთად ხელჩაკიდებული და ძალიან მშვიდად ვიყავი. რატომღაც საერთოდ არ ვღელავდი იმაზე რაც უნდა მომხდარიყო, უბრალოდ ვგრძნობდი რომ არაფერი აღარ იქნებოდა, სიცარიელე და მეტი არაფერი.

დაიწყო ფერფლივით შავმა შიგადაშიგ გამჭვირვალეთ მომწვანო ღრუბელმა ჩამოწოლა, ძალიან დაბლა ჩამოვიდა, ყველაზე უცნაური და ლამაზი სანახაობა იყო. პლანეტები უკვე თვალისთვის შესამჩნევად იგრძნობოდა როგორ დიდდებოდნენ, ახლოვდებოდნენ და უფრო კარგად გარჩევადი ხდებოდა მათი რელიეფიც კი, ამ ღრუბელმა ცოტა დაფარა ცა და უცბად მთელ დედამიწაზე ერთდროულად იყო ჩრდილოეთის ნათება.

ყველა არხზე ამას უჩვენებდნენ, ყველა ამაზე ლაპარაკობდა. ულამაზესი იყო, ამას ვერასდროს გადმოვცემ როგორი სილამაზე იყო. მერე ერთ წამში, მაგრამ ეს წამი მახსოვს ისე ნათლად თითქოს მთელი დღე გაგრძელდა, ერთ წამში ტალღასავით, აი ზუსტად ზღვის ტალღასავით, ცაზე მრგვალი ხვრელები გაჩნდა, შუაში შავი და გარშემო ალისფერი, ცეცხლის ტალღები,

ვგრძნობდი როგორ მატულობდა ყოველ წამს ტემპერატურა და როგორ მეწვებოდა ხორცი ძვლებამდე. მახსოვს ყველა მხრიდან როგორ მოდიოდა მრგვალი შავი პლანეტები, უფრო სწორად შავი არ იყო, უფრო შავი ჩანდა იმიტომ რომ გარშემო ქონდათ საოცარი ცეცხლოვანი ტალღები, რომელიც იმდენად ცეცხლოვანი იყო, რომ მათი სინათლე თვალს მჭრიდა. მახსოვს ყველა დეტალი, ისიც კი როგორ გავიფანტე და დავიშალე ატომებად და ვიქეცი მტვრად.

Anne Beatrix Sidamonidze

ამ დილას მესიზმრა, რომ კლდის ქიმზე მეძინა და ღამით სავსე მთვარესაც ვხედავდი და მზის დაბნელებასაც.

და ჩემს დასაც დაახლოებით იგივე შინაარსის სიზმარი ესიზმრა: 2 მზე, თვითონ დედამიწა კოსმოსიდან და მთვარეც.

უცნაური დამთხვევაა

ზღვები ხო არ ადგილზე, წავიდე დავხედო