ფსიქიკური დაავადებები, ეზოთერულად და არა მარტო |
ფსიქიკური დაავადებები, ეზოთერულად და არა მარტო |
Jan 9 2012, 08:29 PM
Post
#1
|
|
VIOLET soul Group: Moderator Posts: 3,964 Joined: 25-April 07 From: tbilisi Member No.: 28 ნიკის ჩასმა პოსტში მონიშნულის ციტატაში ჩასმა |
მაინტერესებს ეზოთერული კუთხით ვის რა ინფორმაცია გაქვთ, როგორ იხსნება? რა არის თანდაყოლილი ფსიქიკური დაავადებებების მიზეზები?
საინტერესოა თქვენი პირადი აზრიც.. ასევე საინტერესო იქნება სხვადასხვა რელიგიები როგორ ხსნიან მათ (ოღონდ სამგვერდიან ქადაგებებს ნუ დააკოპირებთ რა, მცირე რეზიუმე დაწერეთ თქვენი სიტყვებით ) -------------------- know yourself and you will know the universe
It's choice--not chance--that determines your destiny |
|
|
Nov 12 2012, 11:21 AM
Post
#2
|
|
GREEN soul Group: პლანეტელი Posts: 1,099 Joined: 11-August 11 From: Georgia Member No.: 6,541 ნიკის ჩასმა პოსტში მონიშნულის ციტატაში ჩასმა |
ბიპოლარული აშლილობა
რა არის ბიპოლარული აშლილობა? ბიპოლარული აშლილობა, ანუ მანიაკალური დეპრესია, არის სამედიცინო დაავადება, რომელიც იწვევს გუნება – განწყობილების, ენერგიის და პიროვნების ფუნქციონირების უკიდურეს ცვლილებებს. ეს ცვლილებები შეიძლება იყოს შეუმჩნეველი ან გამოხატული, და ტიპიურად დიდად იცვლებოდეს ადამიანის ცხოვრების მანძილზე, ისევე როგორც ცალკეულ პიროვნებებში. ამერიკაში 10 მილიონზე მეტ ადამიანს აქვს ბიპოლარული აშლილობა, და ეს დაავადება ერთნაირად მოქმედებს როგორც მამაკაცებზე, ასევე ქალებზე. ბიპოლარული აშლილობა წარმოადგენს ქრონიკულ და, როგორც წესი, მუდმივ მდგომარეობას მანიის და დეპრესიის პერიოდულად განმეორებადი ეპიზოდებით, რომელიც შესაძლებელია გაგრძელდეს დღეებიდან თვეებამდე. ის ხშირად იწყება მოზარდობის ან ადრეულ მომწიფების ასაკში, და იშვიათად ჩნდება ბავშვებშიც კი. ადამიანთა უმრავლესობა, ჩვეულებრივ, მოითხოვს გარკვეული სახის მუდმივ მკურნალობას მთელი ცხოვრების მანძილზე. იმ დროს როდესაც მედიკამენტოზური მკურნალობა წარმოადგენს მნიშვნელოვან საკვანძო ელემენტს ბიპოლარული აშლილობის წარმატებული მკურნალობისათვის, ფსიქოთერაპია, მხარდაჭერა და განათლება მოცემული დაავადების შესახებ ასევე წარმოადგენენ მკურნალობის პროცესის არსებით კომპონენტებს. რას წარმოადგენს მანიაკალური აშლილობის სიმპტომები? მანია არის სიტყვა, რომელიც აღწერს ბიპოლარული აშლილობის აქტივიზირებულ ფაზას. მანიის სიმპტომები შეიძლება მოიცავდეს: • ან ხალისიან და ბედნიერ, ან გაღიზიანებულ, გაბრაზებულ, არასასიამოვნო განწყობილებას • მომეტებულ ფიზიკურ და გონებრივ აქტივობას და მოჭარბებულ ენერგიას • სწრაფად მორბენალ აზრებს და ერთი აზრიდან მეორეზე გადახტომას • მოჭარბებულ საუბარს, ჩვეულებრივზე უფრო სწრაფ მეტყველებას • ამბიციურ, ხშირად გრანდიოზულ გეგმებს • რისკის გაწევას • იმპულსურ ქმედებას, როგორიცაა ფულის ფლანგვა, სექსუალური გაუფრთხილებლობა და ალკოჰოლის ჭარბი მოხმარება • ძილის შემცირებას დაღლილობს განცდის გარეშე რას წარმოადგენს დეპრესიის სიმპტომები? დეპრესია არის ბიპოლარული აშლილობის სხვა ფაზა. დეპრესიის სიმპტომები შეიძლება მოიცავდეს: • ენერგიის დაკარგვას • გახანგრძლივებულ სევდას • დაქვეითებულ აქტივობასა და ენერგიას • მოუსვენრობასა და გაღიზიანებადობას • კონცენტრაციისა და გადაწყვეტილების მიღების უუნარობას • წუხილისა და შფოთვის განცდის ზრდას • ინტერესისა და მონაწილეობის შემცირებას, ნაკლები სიამოვნების მიღებას იმ საქმიანობისაგან, რომელიც ჩვეულებრივ სიამოვნების მომგვრელი იყო • დანაშაულისა და უიმედობის განცდას • სუიციდურ აზრებს • მადის ცვლილებებს (ან მეტის ან ნაკლების ჭამას) • ძილის ხასიათის ცვლილებას (მეტი ან ნაკლები ძილი) რას წარმოადგენს "შერეული" მდგომარეობა? შერეული მდგომარეობა არის ისეთი მდგომარეობა, როდესაც მანიისა და დეპრესიის სიმპტომები ერთდროულად გვხვდება. შერეული მდგომარეობის დროს დეპრესიულ განწყობას თან ახლავს მანიაკალური აქტივაცია. რა არის ციკლის სწრაფი ცვლილება? ზოგჯერ ადამიანებს შეიძლება აღენიშნებოდეთ ეპიზოდების სიხშირის ზრდა. როდესაც დაავადების ოთხი ან მეტი ეპიზოდი თავს იჩენს 12 თვის მანძილზე, ამბობენ რომ ასეთ პიროვნებას აქვს ბიპოლარული აშლილობა ციკლთა სწრაფი ცვლილებით. ციკლის სწრაფი ცვალებადობა უფრო გავრცელებულია ქალებში. რა არის ბიპოლარული აშლილობის მიზეზები? მართალია, ბიპოლარული აშლილობის გამომწვევი ზუსტი მიზეზი არ არის ცნობილი, მაგრამ მეცნიერთა უმეტესობას სჯერა, რომ ბიპოლარულ აშლილობას შესაძლებელია ის მრავალი ფაქტორი იწვევდეს, რომელიც ურთიერთქმედებს ერთმანეთთან ქიმიური დისბალანსის წარმოსაქმნელად, რაც, თავის მხრივ, ზემოქმედებას ახდენს ტვინის გარკვეულ ნაწილებზე. ბიპოლარული აშლილობა ხშირად ერთი ოჯახის ფარგლებში მიმდინარეობს, და კვლევები მიუთითებენ მოცემული დაავადების გენეტიკურ კომპონენტზე. სტრესულმა გარემომ ან ნეგატიურმა ცხოვრებისეულმა მოვლენებმა შესაძლებელია იმოქმედონ ძირითად გენეტიკურ და ბიოლოგიურ მოწყვლადობაზე და წარმოქმნან აშლილობა. არსებობს ბიპოლარული ეპიზოდების სხვა შესაძლებელი “გამომწვევები”: დეპრესიის მკურნალობამ ანტიპერესანტული პრეპარატებით შესაძლებელია მოახდინოს მანიაკალურ მდგომარეობაზე გადართვის პროვოცირება, ძილის დაკარგვამ შეიძლება გამოიწვიოს მანია, ან ჰიპეთირეოზმა შეიძლება წარმოშვას დეპრესია ან გუნება-განწყობილების გაუწონასწორებლობა. მნიშვნელოვანია აღინიშნოს, რომ ბიპოლარული ეპიზოდები შესაძლებელია და ხშირად ჩნდება აშკარად გამოკვეთილი გამომწვევების გარეშეც. როგორ იკურნება ბიპოლარული აშლილობა? მიუხედავად იმისა, რომ არ არსებობს ბიპოლარული აშლილობის განკურნების საშუალება, ის მაინც ექვემდებარება მკურნალობას და მართვად დაავადებას წარმოადგენს. ზუსტი დიაგნოზის დასმის შემდეგ, ადამიანების უმრავლესობამ შეიძლება მიაღწიოს დამაკმაყოფილებელი ჯანმრთელი მდგომარეობის ოპტიმალურ დონეს. მედიკამენტოზური მკურნალობა წარმოადგენს წარმატებული მკურნალობის არსებით ელემენტს ბიპოლარული აშლილობის მქონე ადამიანებისათვის. ამასთან, ფსიქოსოციალური თერაპიები, კოგნიტურ–ბიჰევიორულიი თერაპიის, ინტერპერსონალური თერაპიის, ოჯახური თერაპიის ჩათვლით, და ფსიქოგანათლება მნიშვნელოვანია იმისათვის, რომ დავეხმაროთ ადამიანებს მოცემული დაავადების გაგებაში და იმ უნარ-ჩვევების ათვისებაში, რომელიც გაუმკლავდება ბიპოლარული ეპიზოდების მაპროვოცირებელ სტრესულ ფაქტორებს. დაავადების სხვადასხვა ეტაპზე მედიკამენტების ან დოზირების ცვლილება შეიძლება ისეთივე აუცილებელი იყოს, როგორც ცვლილებები მკურნალობის გეგმაში. მედიცინის მეცნიერებათა დოქტორის კენ დაკუორტის მიმოხილვა, ოქტომბერი, 2006 მასალის წყარო: www.nami.org -------------------- "ვვარსებობ მათთვის, ვისთვისაც ვვარსებობ" - /ვლადიმირ მეგრე, ანასტასია/
|
|
|
Lo-Fi Version | Time is now: 5th June 2024 - 03:00 PM |