Printable Version of Topic

Posted by: narilla Dec 3 2012, 07:18 PM

ამ თემას შესავალი იმიტომ გავუკეთე, რომ მე ეს მაწუხებს, მაწუხებს სხვა ადამიანების ბედი, ჩვენი დამოკიდებულება სხვების მიმართ, არ მსიამოვნებს სხვათა "დაკონსერვებული" აზრების ბრმად გაზიარების ტენდენცია, არ მსიამოვნებს დილეტანტიზმი და საკითხში ფსევდო-ეზოთერიკულ-ინტელექტუალური დასკვნების გაკეთების ფაქტები, არ მსიამოვნებს სხვათა შეზღუდვა იმის გამო, რო არის ჰიპერაქტიური, ან იმის გამო, რო არის ახლადდარეგისტრირებული.

ძალიან არ მსიამოვნებს იმ ფაქტის გაცნობიერება, რომ სხვის აზრებს დიდ მნიშვნელობას და დატვირთვას ვანიჭებთ. უფრო ცუდი კი ის არის, რომ ამ აზრებს, იმათზე, ვისაც ეხება ის, დიდი ზეგავლენის მოხდენა შეუძლია და სხვა თუ არაფერი, ერთის მხრივ, თანაფორუმელების დამოკიდებულებაში ერთგვარი სტერეოტიპის ჩამოყალიბებას უწყობს ხელს და მეორეს მხრივ, თავად ამ ადამიანებს ეცვლებათ საკუთარ თავზე წარმოდგენა. ხოლო იმის გათვალისწინებით, თუ რამდენად ემოციურად მიიღებენ სხვათა ამ შეფასებებს, მით უფრო მტკივნეული იქნება საკუთარ თავთან ყოველივე ამის დაკავშირება.

მე კარგად მესმის, რომ ადამიანს სჭირდება და თავად მასშივე დევს ის ტენდენცია, რასაც საკუთარი სახელის (დავარქვათ ამას თუნდაც ავტორიტეტი) დაცვა ჰქვია, მაგრამ, მოდით, ცოტახნით დავივიწყოთ ერთგვარი სიამაყის გრძნობა და არ დაემსგავსოს ისეთ დიალოგს ჩვენი ურთიერთობა, სადაც ყოველი მხარე შეეცდება მაქსიმალურად შეტევაზე გადასვლას.

აღვნიშნავ იმასაც, რომ ყოველი ჩვენთაგანი არის „უმაღლესი ღირებულების მატარებელი არსება“ და ამავე დროს ის თავისი არსით უნიკალურია, ხოლო მისი შეფასებისას ჩვენ არ გვჭირდება რაიმე ჩარჩოს მოშველიება და სტერეოტიპული კლიშეების გამოძებნა. რადგან ამას ჩვენ მივყავართ, ცნობიერად თუ არაცნობირად, ნებით თუ უნებლიედ, სხვისი პიროვნების დაბალი თვითშეფასების დამკვიდრებასთან და მის მორალურ შეზღუდვასთან.
ეს რეალობაა და გამოფხიზლების საჭიროება არსებობს ამ რეალობას (ვირტუალურს, თუმცა არა მხოლოდ) რომ შევხედოთ ჯანსაღი მზერით და არა ეზოთერიკული სათვალეებით...

მე განზრახ არ დავაკონკრეტებ საკუთრივ იმ მაგალითებს და იმ შემთხვევებს, რომლებსაც ვაწყდები, რადგან არ მიმაჩნია საჭოროდ, ამ საკითხის ზედმეტი კონკრეტულობით გადამძიმება. შემოვიფარგლები ჩემი პოზიციის დაფიქსირებით და აღნიშნულ თემაზე ჩემი დაკვირვებით.

ყოველთვის გვახსოვდეს, რომ ჩვენ საიდანღაც, ცხოვრების რომელიღაცა ეტაპიდან მოვდივართ და გამიხარდება, თუ ყოველთვის ვიქნებით კორექტულები ერთმანეთის მიმართ.
ბევრს აღარ გავაგრძელებ, რადგან მსურს ყველას დავუტოვო მეტი თავისუფალი სააზროვნო სივრცე!

ახლა კი გთავაზობთ ერთგვარ ფსიქოლოგიური ტესტს, რომელიც დაგვეხმარება საკუტარი თავის უკეთ დანახვაში.. მე დაგიწერთ ამის ინსტრუქციას. შეგიძლიათ აქაც დააფიქსიროთ თქვენი მონაცემები, შეგიძლიათ სახლში გააკეთოთ და რაც მთვარაია, ეს ტესტი ადამიანს ეხმარება საკუთარ თავთან/თავზე მუშაობაში _ იმ თვისებების წინა პლანზე წამოწევაში, რომელიც დადებითია და სასარგებლო ჩვენი სულიერი და პიროვნული წინსვლისთვის და ამავე დროს შესაძლებელია იმ თვისებების დაძლევა, რომელთაც ჩვენ საჭიროდ არ ვთვლით და რომელიც ხელისშემშლელიც კი არის საკუთარი თავის უკეთესი კუთხით გასავითარებლად.

მაშ ასე, პირველ ეტაპზე ვწერთ 5 სიტყვას/ფრაზას/წინადადებას საკუთარ თავზე, რომლებიც ამომწურავად უნდა ახასიათებდნენ ჩვენს თავს. მაგალითად, შეგვიძლია ვთქვათ:

აქტიურობა/ვცდილობ ვიყო აქტიური/მე აქტიური ადამიანი ვარ

მოკლედ, როგორც გენებოთ, ისე გამოთქვით ეს თვისებები

მეორე ეტაპზე, როცა ამ თვისებებს ჩამოწერთ, მიუწერეთ მათ თავიანთი ანტონიმები. შეიძლება მოხდეს ისე, რო მათ ზუსტი ანტონიმები ვერ მოვუძებნოთ, მაგრამ მიახლოებით შესაძლებელია მათი დაწერა.

დაბოლოს, მესამე ეტაპი: თითოეულ (10-ვე) თვისებას მიუწერეთ + - შეფასება, იმის გათვალისწინებით რომელ თვისებასაც ჩათვლით დადებითად და რომელს _ უარყოფითად.

ეს თვისებები თავიანთი საპირისპირო თვისებებით არის ჩვენი ნაწილი, მხოლოდ იმგვარადაა წარმოდგენილი ჩვენში, რამდენადაც მათ ვავლენთ მეტ-ნაკლები უკიდურესობით. მას შემდეგ, რაც მოვახდენთ მათ შეფასებას +- ნიშნით, ჩვენ ვიწყებთ ამ თვისებებზე „მუშაობას“ და ვცდილობთ მათ მოდიფიკაციას.

გახსოვდეთ! ჩვენ, პირველ რიგში, ვართ თვითმოდიფიცირებადი სუბიექტები და შემდეგ ვექვემდებარებით სხვათა ზეგავლენას.


სიყვარულითა და პატივისცემით ნარილა!

Posted by: chemikerin Dec 3 2012, 09:53 PM

ვახ რაღაცაშია საქმე...

აქ ფორუმზე გულისხმობ ე.ი.? ესეთი რამე არ დამიფიქსირებია ჯერ...

გავაკეთე ტესტი და კარგი ადამიანი გამოვედი ძალიან (ნუ ესეც ვისთვის როგორ, თუმცა მე დადებითად შევაფასებდი საკუთარ თავს, ალაბთ ეს ცუდია ასე რომ ვფიქრობ, მაგრამ რას ვიზამთ... რას მირჩევ შევცვალო საკუთარი თავის მიმართ დამოკიდებულება?)

რამ გიბიძგა ამ თემის გახსნისკენ?

Posted by: kindatma Dec 3 2012, 11:04 PM

დიახ! მადლობა ნარილლ!!

Posted by: narilla Dec 3 2012, 11:09 PM

'chemikerin' date='Dec 3 2012, 09:53 PM' post='84904'
ვახ რაღაცაშია საქმე...

ზოგადად ყველგან არის ეს ტენდენცია

რატომ გგონია რო ცუდია შენი თავის დადებითად შეფასება?




შენ ტესტი გააკეთე და შედეგებს, რაც ამ ტესტის გაკეთების შემდეგ მიიღე, თავად მიანიჭე ინტერპრეტაცია _ ეს მთლიანად შენზეა დამოკიდებული. მე რატო მეკითხები?





იმან მიბიძგა, რაც შესავალშივე დავწერე. იქ ყველაფერი დავწერე, რაც საჭიროდ ჩავთვალე


მადლობა ტესტის გაკეთებისთვის!

Posted by: narilla Dec 3 2012, 11:10 PM

მადლობა შენ

Posted by: chemikerin Dec 3 2012, 11:40 PM

narilla

უბრალოდ ვივარაუდე:




მე მაინც მგონია, რომ აქ ეს ტენდენცია არ არის... კონკრეტულ მაგალითს ვერ ვხედავ და არც შენ გვეუბნები, თუმცა ხედავ...

კარგი ტესტი იყო ისე

Posted by: tikoroma Jul 13 2013, 09:12 PM

ძალიან სახალისო ფსიქოლოგიური ტესტები http://mebonia.com/testebi/kokologia-fsiqologiuri-tamashebi.html
დარეგისტრირდით და მაილზე მოგივათ კითხვები და პასუხებიც.

Posted by: ano Jan 23 2014, 04:59 PM

ზემოთ რაები წერია არ წამიკითხავს მე უბრალოდ ფსიქოლოგიურ ტესტს დავდებ რომელიც ასევე ბოლომდე არ წამიკითხია
მე მარტო რა შედეგი მივიღე ის წავიკითხე და მესიამოვნა თუ როგორი "გამოვედი"
ჯერ ფოტოს შეხედეთ მერე რაც პასუხი მოგივათ ის წაიკითხეთ

http://www.radikal.ru


როგორია თქვენი ფსიქოლოგიური ნატურა (ტესტი)

გთავაზობთ ტესტს, რომელიც ადამიანის ფსიქოლოგიურ მდგომარეობას განსაზღვრავს. აირჩიეთ გამოსახულება, რომელიც მოგწონთ ფერით და ფორმით. ე.ი შენ ხარ...

1 უპრობლემო, მოთამაშე. მხიარული ცხოვრება თქვენთის თავისუფლებაა, ყოველი წუთით ხარობთ. თქვენი დევიზია „ვცხოვრობთ ერთხელ“. გიყვართ სიახლეები და ცვლილებები. ვერ იტანთ შებოჭილობის შეგრძნებას და გიხარიათ ცხოვრების ყოველი სიურპრიზი.

2 დამოუკიდებელი, პირობითობის უარმყოფელი, უშუალო. თქვენ ყოველთვის მიდიხართ თქვენი გზით და ვერ იტანთ ხელისშემშლელ პირობებს, რომელიც აფერხებს თქვენს დამოუკიდებლობას. ხართ არტისტული ნატურა. ხშირად, შინაგანი თავისუფლების მოსაპოვებლად უნებლიედ იქცევით ყველასგან განსხვავებულად, ამიტომ თქვენთვის არ არის მთავარი ის, რაც „ახლა მოდაშია“. ცხოვრობთ საკუთარი წარმოდგენებით, რის გამოც ზოგჯერ „დინების საწინააღმდეგოდ ცურვა“ გიწევთ.

3 გახასიათებთ თვითანალიზი და დაფიქრება. მგრძნობიარე ადამიანი ხართ. არ გიყვართ ზედაპირულობა. უაზრო ლაპარაკს გირჩევნიათ თქვენს თავში ჩაიკეტოთ. მიუხედავად ამისა, მეგობრებთან გახსნილი და თბილი დამოკიდებულება გაქვთ. ეს გაძლევთ შინაგანი სიმშვიდის და ჰარმონიის შეგრძნებას. იშვიათად ხართ მოწყენილი.

4 ცხოვრებისეული, გაწონასწორებული, ჰარმონიული აფასებთ ბუნებრიობას და უბრალოებას. ადამიანები თქვენთან კომფორტულად გრძნობენ თავას, რადგან მყარად დგახართ ფეხზე და სხებისთვისაც საიმედო დასაყრდენი ხართ. სკეპტიკურად ხართ განწყობილი მოდის მიმართ. გიყვართ პრაქტიკული ტანსაცმელი. კეთილი და თბილი ადამიანი ხართ.

5 პრაგმატული, პროფესიონალი, საკუთარ ძალებში დაჯერებული. გჯერათ მხოლოდ საკუთარი შესაძლებლობების და არასოდეს ბედისწერის. უბრალო მეთოდებით წყვეტთ პრობლემებს. რეალურად უყურებთ ცხოვრებას და ყოველდღიურ საზრუნავს. არასოდეს ტოვებთ დაწყებულ საქმეს შუა გზაზე.

6 მშვიდობისმოყვარე, სამართლიანი, არააგრესიული. თქვენთან ურთიერთობა იოლია, თუმცა ძალიან ფრთხილი ხართ. მეგობრების წრეში თავს კარგად გრძნობთ, მაგრამ ზოგჯერ აუცილებლად გჭირდებათ განმარტოვებაც, რის გამოც ხშირად „იმალებით“ თქვენთვის საყვარელ ადგილებში. მიუხედავად ყველაფრისა, თავს მარტოსულად არ გრძნობთ, სამყაროსთან ხართ ჰარმონიაში და აფასებთ რასაც ცხოვრება გაძლევთ.

7 საკუთარ თავში დარწმუნებული, ანალიზის უნარის მქონე, ვისაც შეიძლება დაეყრდნო. თქვენი ცხოვრების მთავარი თანამგზავრია კულტურა. უნარი გაქვთ დაინახოთ და შეაფასოთ ისეთი რამ, რასაც სხვა ვერ ხედავს და რაც შეიძლება ნამდვილ ფასეულობას წარმოადგენდეს. გაქვთ ცხოვრების საკუთარი სტილი - ექსკლუზიური და ელეგანტური.

8 რომანტიული, მეოცნებე, ემოციური. ხართ ძალიან მგრძნობიარე ნატურა. თქვენთვის მთავარია რას გეუბნებათ გრძნობა და არა გონება, მთავარია გქონდეთ ოცნება. არ გაინტერესებთ ის ადამიანები, რომლებიც უარყოფენ რომანტიზმს და ეყრდნობიან მხოლოდ გონებას.

9 დინამიური, აქტიური, ექსტრავაგანტური. ვერ იტანთ ერთფეროვნებას. გიყვართ მოძრაობა, რისკი მრავალფეროვნება. უმოქმედობა თქვენთვის წარმოუდგენელია.

Posted by: narilla Jan 24 2014, 11:46 PM

ano

კარგი ტესტია

Posted by: old_man Jan 26 2014, 11:10 PM

დაწერეთ თქვენი ტესტის შედეგი. მე გამომივიდა 3

Posted by: narilla Jan 26 2014, 11:20 PM

ცოტა უფრო რთული ტესტები დადეთ.

Posted by: old_man Jan 26 2014, 11:52 PM

narilla

იცით რომ ძალიან მარტივი ტესტებით კეთდება საკმაოდ რთული ფსიქ. პორტრეტი?
ტესტებში ფილოსოფიური წიაღსვლების გარეშე
ერთხელ გავიარე რაღაცით მსგავსი ტესტების ნაკრები და მერე მითხრეს რომ ამ ტესტებს იყენებენ *(&^ ქვეყნის სპეცსამსახურები კადრების ასარჩევად

Posted by: earth Jan 27 2014, 12:47 AM

მე 1 მაგრამ მეორე არჩევანს 4-საც ვიტყოდი.

Posted by: mata Jan 27 2014, 02:47 PM

თავიდან 5, მერე მე-7 მოვკარი თვალი და ეგ გადავწყვიტე

Posted by: Anna Dark Jan 27 2014, 09:18 PM

მე-3. სხვა ნახატებმა დიდად ვერ მიმიზიდეს

Posted by: narilla Jan 28 2014, 09:30 PM

ფილოსოფოსობა საღი აზროვნება და აზროვნების მაღალ სტანდარტებთან ახლოს ყოფნაა. მას გვერდს ვერ აუვლის ვერავინ, ვისაც უბრალოდ აზროვნება სურს



შეგიძლია შემოგვთავაზო რაიმე ტექსტი, თუნდაც სპეცსამსახურების კადრების ასარჩევი, ან რაიმე სხვა

კარგი იქნება თუ ჯგუფში გასაკეთებელ ფსიქოლოგიურ ტესტს შემოგვთავაზებს ვინმე.

Posted by: earth Jan 29 2014, 08:16 AM

მეც მიყვარს ტესტები, დადეთ ვინ რა იცით.

Posted by: ano Feb 8 2014, 12:37 AM

კიდევ ვიოვე საინტერესო ფეისბუკის მოაზროვნეთა გვერდზე

http://www.radikal.ru

ფსიქოლოგიური ტესტი

"პირველ რიგში აირჩიეთ სასურველი სურათი და შემდეგ წაიკითხეთ შესაბამისი ტექსტი"

___________________________________________

პირველი:
ხშირად ამ სურათს ის ადამიანები ირჩევენ, ვინც ცხოვრების ამ ეტაპზე
საკუთარი თავით არიან უკმაყოფილონი, უნდათ რაღაცის შეცვლა უკეთესობისკენ
"იქ ყველაფერი არის ბედნიერებისთვის, მაგრამ მე არ ვარ და ეს იმას
ნიშნავს, რომ მე იქ აუცილებლად ვიქნები."
აი დევიზი, რომლითაც ისინი მოქმედებენ ძირითადი მახასიათებელი ამ ხალხის
არის ცნობისმოყვარეობა, სიმამაცე და ინტერესი ყველაფერ ახლის მიმართ, ისინი
მთელი გულით ელოდებიან რაღაცის შეცვლას და ძალიან მალე ითვისებენ ახალ
ინფორმაციებს. არასოდეს აქვს საბოლოო გადაწყვეტილება მიღებული, ყფველაფერს
ეჭვის ქვეშ აყენებს და ფრიად მოსალოდნელია მნიშვნელოვანი საკითხი ბოლო
მომენტში გადაწყვიტოს.

_________________________________________

მეორე:
საერთოდ ეს ხალხი ძალიან გაწონასწორებული, მშვიდი და აუღელვებელია. ხელი
ჩაიქნიოს დაწყებულ საქმეზე და თქვას "მაინც არაფერ გამომივა" არ არის მათი სტილი.
ისინი ყოველთვის აღწევენ მიზანს ნელ-ნელა
ნაბიჯ-ნაბიჯ, აუჩქარებლად დასასრულს აუცილებლად უახლოვდებიან, რაღაცით
გზის დაგებას გავს მათი ცხოვრება იწყებ და აუცილებლად ამთავრებ, ამ მახასიათებლის გამო, ისინი ხშირად თავიანთი საქმის პროფესიონალები ხდებიან.
"იმპრვიზაციისა" და "ექსპრომტის" გაგონებისას ისინი უშნოდ იჭყანებიან,
მათი გადმოსახედიდან ცხოვრებას იმ შემთხვევაში აიწყობ, თუ გეგმის მიხედვით იმოქმედებ. ძალიან სტაბილურები არიან; ცდილობენ, სამუდამო იყოს მათი განლაგება და წყობა. უყვარს ლოგიკურად მსჯელობა და ვერ იტანს ნებისმიერ ცვლილებას ცხოვრებაში, ასევე არ უყვართ სურპრიზები და კორექტირების შეტანა
მათ ცხოვრებაში, როცა ვინმე ერევა და რაიმეს ასწავლის.
_________________________________________

მესამე: დაბადებიდან ორიგინალური, განსხვავებლი და კრეატიული. ყველაფრის დამოუკიდებლად გაკეთება უყვართ, თან თავისებურად.
ამ ხალხს შორის, ხშირად გამოერევა ქარიზმატული ადამიანებიც, ისინი ძალიან მალე გამოდიან წყობიდან, მათი ხასიათი კი იმაზე სწრაფად იცვლება, ვიდრე დოლარის კურსი. არიან შესანიშნავი ორატორები, რომლებიც მზად არიან იდეების გაცვლისთვის ნებისმიერ წამს. ხშირად მათი არ ესმით, მაგრამ არასოდეს
წყვეტენ ისეთი ადამიანების ძებნას, ვინც მათ გაუგებს და ისეთს მიიღებს, როგორებიც არიან, მშობლებთან კონფლიქტი ყოველთვის მშვიდად ჩაივლიდა, თუ რა თქმა უნდა ისინი ახალს არ მოიფიქრებდნენ რაიმეს, მათთვის სასიამოვნოს და მშობლებისთვის მიუღებელს, მაგ: ყურის გახვრეტა ოთხჯერ და ა.შ
_________________________________________

მეოთხე: ზამთარში თუ ზაფხულში, არ აქვს მნიშვნელობა ცივა თუ ცხელა ეს ადამიანები შემოსილი არიან ყვითელ ლიდერის მაისურში, ეს ხალხი არის ნამდვილი ენერგოვამპირები, მაგრამ ელემენტებისგან განსხვავებით ამ ხალხს თავმოყვარეობა და მორიდება გააჩნია, არიან ძალიან ამბიციურები და იციან რა უნდათ, მეტიც, მათ ისიც იციან როგორ მიაღწიონ სასურველ მიზანს. სამსახურში ძალიან უყვართ, ბევრს კი მის მიმართ შური და ბოღმა გააჩნია, ხშირად ამბობენ რომ:
არსებობს ორი გადმოსახედი არასწორი და მათი !
არიან ძალიან კატეგორიულები, ძლიერი პიროვნებები და საშიში კონკურენტები, ხანდახან გვგონია რომ სისხლთან ერთად მათ მიმოქცევაში ჯინიანობაც დაჰყვებათ.
__________________________________________

მეხუთე: მას ძალიან ნათლად შეუძლია წარმოიდგინოს თავი სხვის ადგილას, მხარში ამოუდგეს გაჭირვებულს, არის კარგი მოტივატორი და იდეოლოგი. მათ ხშირად ახასიათებთ
სიკეთე, თავს ბედნიერად იმ შემტხვევაში გრძნობენ თუ ყველაფერ კარგად არა მხოლოდ მათ, არამედ მათ ირგვლივ მყოფთაც აქვთ. მათ ურჩევნიათ ფიცხ ადამიანებს დაეთანხმონ და ამით ჩხუბი ჩააქრონ, იმ შემთხვევაშიც, თუ ის არასწორია, შეიძლება ვთქვათ, რომ მათთვის სიწყნარე და სიმშვიდე ძალიან ძვირად ფასობს, 99% დათმობაზე პირველი წავლენ, არ არიან შურიანები და სხვისი ბედნიერება საკუთარივით უხარიათ...

Posted by: earth Feb 8 2014, 11:08 PM

3 ვთქვი, მაგრამ არ დაემთხვა. ორატორული ნიჭი ნამდვილად არა მაქვს.

Posted by: old_man Feb 11 2014, 05:46 PM

ჩემი 2
ემთხვევა

Posted by: earth Feb 11 2014, 06:06 PM

old_man
სიურპრიზები არ უყვარსო?!
წარმოუდგენელია

Posted by: ano Feb 12 2014, 12:32 AM

მეც მესამეს ნახატი მომეწონა თუმცა არ ემთხვევა ჩემს ხასიათს განსაკუთრებით ბოლო ფრაზები, მშობლებთან და ყურის 4 ჯერ გახვრეტასთან დაკავშირებით

Posted by: old_man Feb 12 2014, 11:52 AM

earth

ჰო არ ვგიჟდები, ჯობია ყველაფერი წინასწარ ვიცოდე

Posted by: tikoroma Feb 12 2014, 08:09 PM

4 ცხოვრებისეული, გაწონასწორებული, ჰარმონიული აფასებთ ბუნებრიობას და უბრალოებას. ადამიანები თქვენთან კომფორტულად გრძნობენ თავას, რადგან მყარად დგახართ ფეხზე და სხებისთვისაც საიმედო დასაყრდენი ხართ. სკეპტიკურად ხართ განწყობილი მოდის მიმართ. გიყვართ პრაქტიკული ტანსაცმელი. კეთილი და თბილი ადამიანი ხართ.

კარგი რო ვიყავი ვიცოდი, მარა ასეთი?!

Posted by: earth Feb 12 2014, 11:54 PM

Posted by: narilla Feb 13 2014, 11:17 PM

მეც მესამეზე შევაჩერე არჩევანი, რა ხდება, რა ყველა მესამეს ირჩევს :

Posted by: Lacrimosa Feb 23 2014, 03:26 PM

დაემთხვევა რა იქნება აბა მაქედან 2 დახასიათების გარდა ყველა ვარ ;დ დააკვირდით როგორ არის შედგენილი - ,,ვალიდობა''