IPB

Welcome Guest ( Log In | Register )

7 Pages V   1 2 3 > »   
Reply to this topicStart new topic
> კრისტალის ქალაქი "ილუმენი" (გზავნილი ჰანიმედიდან), კოსმოსური ოდისეა
ანანდა...
post Sep 2 2010, 12:44 PM
Post #1


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



....65 მილიონი წლის წინ ორიონის თანავარსკვლავედიდან გამოფრენილი ჰუმანოიდების მცირე ჯგუფი დედამიწაზე ჩამოვიდა, ამ დროს მზის სისტემაში სხვა ცივილიზაციები არ არსებობდა.

ორიონიდან მოსულმა კოლონიებმა აქ შექმნეს მაღალ განვითარებული ცივილიზაცია, მაგრამ კოსმოსური კატასტროფის გამო, რომელმაც ეკოსისტემის განადგურება გამოიწვია, იძულებული გახდნენ პლანეტა დაეტოვებინათ.. .


გავიდა წლები..

ორიონიდან 80 000 წლის წინ დედამიწაზე ჩამოვიდა ახალი კოლონია, მათი მიზანი იყო, წარსულში აქ მყოფი ცივილიზაციის ნაშთები მოეძებნა.

აღმოჩნდა, რომ გადარჩენილ ცივილიზაციებს შორის მძიმე დამოკიდებულება იყო, მიმდინარეობდა ომები.

ორიონის დელეგაცია, მათ ცხოვრებაში არ ჩაერია და პლანეტაზე ბუნებრივი განვითარების პროცესი გაგრძელდა. ორიონელები დარჩნენ მზის სისტემაში და დასახლდნენ იუპიტერის ერთ-ერთ თანამგზავრ “ჰანიმედზე”.

“ორიონელების” დაბრუნება მზის სისტემაში, კონკრეტულ მიზნებს უკავშირდებოდა. მათ გადაწყვიტეს საფუძვლიანად შეესწავლათ იუპიტერის ეს თანამგზავრი და მასზე დიდი ხნით ცხოვრებისთვის საჭირო პირობები შეექმნათ.

პირველი ჯგუფი, რომელიც “ჰანიმედზე” ჩაფრინდა, 25 000 ჰუმანოიდისგან შედგებოდა. ისინი 200 წლის განმავლობაში ჰანიმედზე ცხოვრებისთვის საჭირო პირობებს ქმნიდნენ. აყალიბებდნენ ხელოვნურ კლიმატს და აშენებდნენ მიწისქვეშა ქალაქს.

-"ჰანიმედზე” არსებობდა ყველა საშუალება იმისთვის, რომ აქ ცხოვრება შემდგარიყო. მიუხედავად ჟანგბადის ნაკლებობისა, თანამგზავრზე ბევრი სასრგებლო წიაღისეული აღმოჩნდა.

ჰუმანოიდები ენერგეტიკულ ბაზად პლანეტის ატმოსფეროში არსებულ ინერტულ აირებს იყენებდნენ. საშენ მასალად კი მთის ბროლს, რომელიც დიდი რაოდენობით მოიპოვებოდა თანამგზავრზე.

იქ არსებული თითქმის ყველა შენობა, ამ მასალით იქნა აგებული. ამიტომაც იმ ქალაქს სადაც ისინი ცხოვრობენ, “კრისტალის ქალაქი” დაერქვა.

გუმბათოვანი ნაგებობები, ერთი შეხვედით ესკიმოსების ტრადიციულ საცხოვრებელ სახლს “იგლუს” წააგავს. ნახევრად გამჭვირვალე შენობებით დაფარული დასახლება, წარმოუდგენელ სილამაზეს ქმნის...



გაგრძელება იქნება













Go to the top of the page
 
+Quote Post
Zet
post Sep 2 2010, 01:22 PM
Post #2


VIOLET soul
Group Icon

Group: Root Admin
Posts: 2,939
Joined: 24-January 07
From: astral
Member No.: 1

ნიკის ჩასმა პოსტში
მონიშნულის ციტატაში ჩასმა



ძალიან საინტერესოა!!! ხომ არიცი ორიონის რომელი მზის სისტემიდან? იმიტომ გეკითხები რომ ჩვენი მეგობარია ორიონიდან, ორიონ ნებულადან, ( რიგელის მარცხნივ და ზემოთ) მანდ ადრე ომი მოხდა და განადგურდა სისტემა ეხლა მარტო ნარჩენებია, და მერე ჩვენი მეგობარი დედამიწაზე გადმოვიდა და იბადება უკვე კაი ხანია უკვე. და კიდე ერთი კითხვა ამ ჰამინედზე წამყვანი სიმკვრივე რომელი იყო. დანარჩენს მერე გკითხავ smile.gif
Go to the top of the page
 
+Quote Post
ირმა
post Sep 2 2010, 04:00 PM
Post #3


VIOLET soul
Group Icon

Group: Moderator
Posts: 3,718
Joined: 24-July 08
From: :))))))))
Member No.: 3,438

ნიკის ჩასმა პოსტში
მონიშნულის ციტატაში ჩასმა



ანანდა
QUOTE( date= @ 2nd September 2010 - 02:22 PM)
გაგრძელება იქნება

სიამოვნებით გისმენ... smile.gif)


--------------------
კაცად მაშინ ხარ საქები,
თუ ეს წესი წესად დარგე:
ყოველ დღესა შენს თავს ჰკითხო,–
აბა, მე დღეს ვის რა ვარგე?

Go to the top of the page
 
+Quote Post
ანანდა...
post Sep 3 2010, 12:53 PM
Post #4


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



''როგორც გითხარით ჩვენმა რასებმა თავიანთი საცხოვრებელი ადგილი დატოვეს და ახალი პლანეტის საძებნელად მოგზაურობდნენ კოსმოსში, რადგან ჩვენი პლანეტა კოსმოსური კატასტროფის შედეგად განადგურდა.

"მზის სისტემაში მოსვლისას თავდაპირველად დავიკავეთ პლანეტა, რომელსაც თქვენი მეცნიერები ''ფაეტონს'' (ტრიუმფალურ ვაგონს) უწოდებენ..

პლანეტა ფაეტონი მდებარეობდა მარსსა და იუპიტერს შორის, იმ ზონაში, სადაც ახლა ასტეროიდების სახიფათო სარტყელია. მაგრამ ჩვენი მცდელობა უშედეგოდ დამთავრდა, რადგან ასტეროიდის დაჯახებამ გვ აიძულა პლანეტა დაგვეტოვებინათ და დედამიწაზე გადმოვსულიყავით."

ნათქვამის სინამდვილეს, დღევანდელი მეცნიერული გამოკვლევები ამტკიცებს, სადაც აღნიშნულია, რომ მზის სისტემაში მომხდარი კატასტროფის გამო მოხდა ურანისა და ნეპტუნის ბრუნვის ღერძის დახრილობის შეცვლა. 1986 წლის 4 ივლისს ჟურნალ “საიენსის”- ში გამოქვეყნდა მეცნიერთა ჯგუფის მიერ წარმოებული გამოთვლები, (ამ კვლევის ავტორი იყო, ელის მინერი, რომელიც ამავე დროს პროექტ “ჟი-ელ-ეი”-ს ხელმძღვანელობდა) ტექსტში აღნიშნულია, რომ ურანისა და ნეპტუნის თანამგზავრები ბუნებრივად არ უნდა იყოს შექმნილი. მათი წარმოქმნის მიზეზი ერთ-ერთ მათგანზე დიდი ციური სხეულის დაჯახებას უნდა გამოეწვია. მოგვიანებით “ნასას” მეცნიერებმა დაადასტურეს, რომ 60 000 კილომეტრ საათში სიჩქარით მოძრავი ობიექტი, (რომელიც ზომებში დედამიწას არ ჩამოუვარდებოდა) დაეჯახა ამ პლანეტებს, რამაც მათი ორბიტის შეცვლა გამოიწვია. ასეთივე შეხედულება აქვს ინგლისელ ასტრონომს, ჰარი ჰუნდტს, იგი ლონდონის სამეფო კოლეჯში მოღვაწეობს. ეს მოვლენა მან მხოლოდ რამდენიმე ფრაზით შეაჯამა, “მოხდა ის რომ ურანმა დიდი დარტყმა იგემა”

ჰანიმედზე ბუნების ფანტასტიკური ლანდშაფტია. სივრცის სიღრმეში ქალაქის განათებული ხედები მოსჩანს. დიდი ზომის შენობები, ფორმით ესკიმოსების კარვებს მოგაგონებდათ. გეოგრაფიულ რელიეფი უცნაურია.

ჰანიმედელები, თავიანთ ენაზე ამ პლანეტას '' მორლენს'' ეძახიან. მორლენის-მთავარი ქალაქი ''ილუმენი'' დიდია. მთელი დასახლებული სივრცე მიწისქვეშა სამყაროა.

'' ხელოვნური კლიმატის შექმნა მაღალი ტექნოლოგიებიით შევძელით. პლანეტაზე არსებული ვულკანები და გაზები, რომლებიც ატმოსფეროს მეთანით ავსებენ, ენერგიის მიღების საშუალებად იქნა გამოყენებული. რომ არა ჩვენი ტექნოლოგიები, აქ სიცოცხლის არსებობა გამორიცხული იქნებოდა. . .



გარძელება იქნება
Go to the top of the page
 
+Quote Post
Emigranti
post Sep 3 2010, 05:57 PM
Post #5


GREEN soul
Group Icon

Group: Members
Posts: 1,002
Joined: 24-October 09
From: Austria
Member No.: 6,057

ნიკის ჩასმა პოსტში
მონიშნულის ციტატაში ჩასმა



ანანდა
მოგესალმები ჩვენს პატარა ფორუმზე.

საინტერესოდ წერ, უბრალოდ კარგი იქნება, თუ ყველა ინფორმაციას, წყაროს მიუთითებ. წიგნი, ვებ-გვერდი, სტატია და ა.შ.

თუ ეს ყველაფერი შენი პირადი მეხსიერებიდან ამოტივტივდა, შეგიძლია ესევე დაწერო. ასეთ შემთხვევაში, საინტერესო იქნებოდა რეგრესიის რომელ მეთოდს იყენებდი.

საუკეთესო სურვილებით
smile.gif


--------------------
სხვებში ის გვაღიზიანებს, რაც ჩვენში ძალიან ბევრია.

პესიმიზმიც ეგოიზმია.

«Терпи казак, атаманом будешь!» - უკრაინული ანდაზა

ZetaTalk-ის რუსული ვერსია
Go to the top of the page
 
+Quote Post
ანანდა...
post Sep 6 2010, 11:31 AM
Post #6


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



ეს ინფორმაცია საერთოდ არსად არ დევს, ქართული ვერსია. არსებობს მხოლოდ პორტუგალიური წყარო ”ეს სემეადორეს ლა ვიდა” და ახალი თარგმანი ინგლისურდ ’’სოუერს ოფ ლაიფ’’ მე პირადად ვიცნობ ამ ჯგუფის წევრებს კანადაში-ისინი იყენებდნენ ფსიქოგრაფიის მეთოდს..მასალა მომაწოდეს მე..და ის რასაც მე წარმოვადგენ აქ მხოლოდ დეტალებია ჩემს მიერ თარგმნილი, კანადურ ჯგუფთან ერთად ვეცდები ქრთული ვერსია გამოვცეთ!


...საბჭოთა მეცნიერის ევგენი კრინოვი რომელიც მეტეორების მოქმედებას იკვლევდა მზის სისტემაში მოძრავ მატერიის ნარჩენებზე დაკვირვებებით ასკვნის: რომ დედამიწაზე ჩამოვარდნილი მეტეორიტები, და ე.წ. “მეტეორების სარტყელი” მზის სისტემაში შემოჭრილი ასტეროიდის მიერ გამოწვეული კატაკლიზმის შედეგია.

დედამიწის ზედაპირზე აღმოჩენილი იქნა გაქვავებული ერთუჯრედიანების ჰიდროფიტები. ფოლირიზებულ მცენარეულ მიკროორგანიზმებზე კი ტრილობიტების გაქვავებული ნაშთები აღმოჩნდა.

ტრილობიტი უძველეს კიბოსნაირებს მიეკუთვნება. ამ გამოკვლევების თანახმად შეგვიძლია ვივარაუდოთ, რომ სანამ “ფაეტონს” ციური სხეული დაეჯახებოდა, მასზე სიცოცხლე არსებობდა.

სხვა საბჭოთა მეცნიერი, დოქტორი ალექსანდრე ზავორეცკი, რომელიც ასტეროიდების ბუნებას იკვლევდა, იმ დასკვნამდე მივიდა, რომ პლანეტა “ფაეტონი”, მზის სისტემის მეოთხე პლანეტა იყო. მისი სტრუქტურა მიახლოებული იქნებოდა, დედამიწასთან ხოლო ზომით კი ალბათ მარსის ტოლი იყო. იმ ფრაგმენტებიდან, რაც მეცნიერებმა გამოიკვლიეს, იმის თქმა შეიძლება, რომ “ფაეტონზე” შეიძლება ყოფილიყო ზღვები, ოკეანეები, მთები და ატმოსფერო. პლანეტაზე შესაძლოა სიცოცხლისთვის საჭირო ყველა პირობა ყოფილიყო. მეცნიერის აზრით, კოსმოსში მომხდარმა კატასტროფამ, მნიშვნელოვნად შეცვალა მზის სისტემის კონფიგურაცია.

თუ ასტეროიდების სარტყელს, როგორც ერთგვარ პირობით ათვლის წერტილად განვიხილავთ და მასთან დავაკავშირებთ პლანეტების მზის გარშემო მოძრაობას. (ზოგი მოძრაობს მარჯვნიდან მარცხნივ და ზოგი პირიქით მარცხნიდან მარჯვნივ) ასევე დავაკვირდებით მათი თანამგზავრების მოძრაობის ტრაექტორიას, მოვახდენთ მათ კლასიფიკაციას დავინახავთ, რომ მარჯვნიდან მარცხნივ მოძრაობენ, მარსი თავისი ორი თანამგზავრით, დედამიწა ერთი თანამგზავრით, ვენერა და მერკური ასევე თითო თანამგზავრებით.

მარცხნიდან, მარჯვნივ მოძრაობენ, იუპიტერი, დამატებითი 16 ფრაგმენტით, სატურნი ასეთივე 18 ფრაგმენტით, ურანი 15-თ, ნეპტუნი 8 და პლუტონი ერთით. ამ სურათის გაანალიზებით შეგვიძლია ვთქვათ, რომ კოსმიური შეჯახება, რომელმაც პლანეტა ფაეტონის აფეთქება გამოიწვია (ეს ინფორმაცია ჩვენს მიღებულ გზავნილებში იყო გადმოცემული) არა მხოლოდ მზის სისტემაში არსებული ასტეროიდების სარტყელი შექმნა, არამედ დედამიწის და სხვა პლანეტების თანამგზავრებიც წარმოქმნა.

”ფაეტონის” აფეთქებისას, მისი დიდი რაოდენობით ფრაგმენტი გაიტყორცნა სივრცეში. მიზიდულობის ძალის ზემოქმედებით, ისინი პლანეტებისკენ გაემართნენ და დროთა განმავლობაში მათ თანამგზავრებად იქცნენ.


უცხო ცივილიზაციები “მარსზეც” ცხოვრობდნენ, მათაც მოუწიათ დედამიწაზე გადმოსვლა, რადგან პლანეტა “ფაეტონის” დაშლისას წარმოქმნილმა ასტეროიდების წვიმამ პლანეტა “მარსიც” დაბომბა.

ეს ფანტასტიური ინფორმაცია, რომლის ზოგიერთი ნაწილი შეიძლება უაზრობადაც გეჩვენოთ, სხვადასხვა რელიგიურ წყაროებშიც გვხდება. მათ შორის ებრაულში და ქრისტიანულში. იგი ასევე აისახა არქიტექტურაში და სხვა კულტურულ ძეგლებში.
Go to the top of the page
 
+Quote Post
ანანდა...
post Sep 7 2010, 11:05 AM
Post #7


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



”ფაეტონის” აფეთქებისას, მისი დიდი რაოდენობით ფრაგმენტი გაიტყორცნა სივრცეში. მიზიდულობის ძალის ზემოქმედებით, ისინი პლანეტებისკენ გაემართნენ და დროთა განმავლობაში მათ თანამგზავრებად იქცნენ.

შუმერულ მითოლოგიაში გადმოცემულია, ღმერთ “მარდუქსა” და და ქალღმერთ “თიამათს” შორის ბრძოლა. შეტაკებისას მარდუქმა ქალღმერთი ორ ნაწილად გაგლიჯა. ამ ნაწილებისაგან შეიქმნა შემდეგში დედამიწა და მთვარე.

მეცნიერები ფიქრობენ, რომ დიდი ხნის წინ, მზის სისტემაში ციური სხეულები შემოიჭრნენ, რომელთა დედამიწასთან შეჯახებამ, დიდი გეოლოგიური ცვლილებები გამოიწვია. ამ დიდი მატერიალური ობიექტების დედამიწაზე ჩამოვარდნამ კრატერები წარმოქმნა. სულ მათი რაოდენობა ოთხმოცდარვაა. ზოგიერთი კარგად ჩანს სიმაღლიდან ზოგის დანახვას კი სპეციალური მოწყობილობა სჭირდება, ასეთი სპეციალური საშუალებებით აღმოჩენილი იქნა კრატერი “ანანეკოგანი”, რომელიც კვებეკის მახლობლად, კანადაში მდებარეობს. მისი დიამეტრი 60 კილომეტრია. თვითმფრინავიდან, კარგად ჩანს ავსტრალიაში არსებული კრატერი “ალფა გროსე”. ამ ტერიტორიაზე ციური სხეულის ჩამოვარდნამ დიდი მთები წარმოქმნა.

დედამიწასთან დიდი ზომის ციური სხეულის შეჯახებამ კლიმატის შეცვლა გამოიწვია, ამან კი გიგანტური ხვლიკების, დინოზავრების ამოწყვეტას შეუწყო ხელი. ერთ-ერთი ასეთი დიდი ზომის ციური სხეული, მექსიკაში ნახევარკუნძულ “იუკატანზე” ჩამოვარდა მან წარმოშვა კრატერი, რომლის დიამეტრი 200 კმ .


იუდაიზმის მიხედვით, სამყარო „ელოჰიმების“ მიერ შეიქმნა. სიტყვა ”ელოჰიმ” ებრაულად ღმერთებს ნიშნავს. იუდაისტურ ტექსტებში ეს სიტყვა 270 ჯერ არის ნახსენები, მათი გადმოცემების მიხედვით ელოჰიმი ანგელოზის ძალაუფლების მქონე არსებაა.

თორას, მიხედვით, რომელიც ბიბლიის ებრაულ ნაწილს წარმოადგენს, ელოჰიმებს მიეწერებათ სამყაროს შექმნა. ღმერთის დამხმარედ განიხილავენ მათ ქრისტიანობაშიც.

ბიბლიური წყაროების მიხედვით. ადამის შექმნამდე ზეცაში ანგელოზთა შორის დაპირისპირება მოხდა, სადაც ერთი მათგანი დამარცხდა და დედამიწაზე იქნა ჩამოგდებული. ეს თემა ასევე გაშუქებულია, “კუმრანში” ნაპოვნ “მკვდარი ზღვის ჩანაწერებში”. გამოქვაბულში აღმოჩენილი იქნა ათასამდე გრაგნილი, რომელთა უმეტესობა არამეულ და ბერძნლ ენაზეა დაწერილი. ასევე ნაპოვნია, “თორას” ძველი ტექსტები, რომელსაც ქრისტიანობა როგორც ძველ აღქმად აღიარებს.

ამ ტექსტებში არსებობს თავი, სადაც გადმოცემულია ”ომი სინათლისა და ბნელეთის შვილებს შორის”, ეს ომი წარმოადგენს ზეცაში წარმოქმნილ დიდ ასტრალურ კონფლიქტს.

ეგვიპტეში მდებარე, დიდი ტაძრის “დეფერის” კედლებზე წარწერაა, რომ ეს წმინდა ქალაქი ეკუთვნის ღმერთ “ქორუსს”. ტაძრის კედლებზე აღმოჩენილ წარწერებში ასევე აღწერილია, “ქორუსსა” და მის მტრებს შორის გამართულ ომზე. ლეგენდის თანახმად, “ქორუსმა” დედამიწაზე, ლითონის ჩამომსხმელი ქარხანა შექმნა. ქარხანაში მას მზის დისკო ჰქონდა, რომლის დახმარებითაც, იგი ზეცაში დაფრინავდა. ტექსტის მიხედვით, ეს ამბავი ადამიანის გაჩენამდე ხდებოდა. “ქორუსი” მოგზაურობდა ზეცაში ღმერთ “რა”-სთან ერთად და ამ მგზავრობისთვის ფრთოსან დისკოს იყენებდა.

“ქორუსი” და “რა” გაერთიანდნენ და ბრძოლა გამართეს მტრულად განწყობილ არსებებთან. ვისაც მათთვის ლუმინესენცირებული გვირგვინის წართმევა უნდოდათ. ეს ცეცხლოვანი თავსაბური დედამიწაზე ძალაუფლების ქონას ნიშნავდა. 4000 წლის წინ, ასურელები და შუმერები თვლიდნენ, რომ ღმერთმა “ვაალმა” სამყარო ურჩხულის სხეულისგან შექმნა, რომელსაც იგი შეებრძოლა და დაამარცხა.

ინდუიზმის მიხედვით, რომელიც 5000 წლის წინ განვითარდა ინდოეთში, ვგებულობთ, რომ ადამიანი ღმერთებმა შექმნეს. თითქმის ყველა რელიგიური წყარო თანხმდება, რომ დასაწყისში იყვნენ ღმერთები და შემდეგ შეიქმნა ადამიანი.

მსოფლიო კულტურებში არსებობს ინფორმაცია, საკმაოდ წინ წასულ ცივილიზაციებზე, რომელიც ძველად ცხოვრობდნენ დედამიწაზე და შემდეგ გაქრნენ. მათ შორის მოხსენიებულია “ლემურიელები” რომლებიც კონტინენტ “მუ”-ზე სახლობდნენ. ისინი წყნარ ოკეანეში მომხდარი დიდი კატასტროფის შედეგად გაქრნენ. ეს ამბავი გადმოცემულია ფილოსოფიურ ტექსტებში და ასევე ნახსენებია რამდენიმე ინდურ წყაროში.

დაკარგული კონტინენტის შესახებ საუბრობენ ჰავაიზე პოლინეზიელები. ასევე არსებობს ცნობა კონტინენტზე “ჰივა”-ზე რომელიც “აღდგომის კუნძულებთან” ახლოს იყო და გაქრა წყნარ ოკეანეში. არსებობს ჩანაწერები, ლეგენდარულ ’’აცტლან-აცკეტაზე’’, “ატლანტანზე”, ან “აზატლენ ნორობაზე”. ასეთი ე.წ. “გამქრალი ტერიტორიები”, მრავლადაა ისტორიულ წყაროებში: “ტოია”-მაიას ტომელებისთვის, “ჰიპერბორნი” და “თული”-სკანდინავიელებისთვის, “ტინო ჰელიტი”-უელსებისთვის, “ლიონესკი”-ფრანგებისთვის.

ასევე საკმაოდაა ცნობილი “ატლანტიდა”, რომელიც მოხსენებული აქვს პლატონს. შეგვიძლია საკმაო არქეოლოგიური საბუთი მოვიძიოთ იმის დასამტკიცებლად რომ, წლების განმავლობაში ჩვენი პლანეტის გეოგრაფია, მისი ზედაპირი და თვით მისი პოლუსებიც შეიცვალა.

Go to the top of the page
 
+Quote Post
ანანდა...
post Sep 8 2010, 10:57 AM
Post #8


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



შესაძლებელია, ბევრი არქეოლოგიური ძეგლი ოკეანის ფსკერზეა მოქცეული. ოკეანის დონემ ამ ხნის განმავლობაში 100 მეტრით აიწია. ასე რომ უამრავი საიდუმლო წყლის ფსკერზეა მოქცეული. ასევე დედამიწის სიღრმეშიც, ბევრი საინტერესო ნივთია დამარხული. მაგალითისთვის გავიხსენოთ თუ როგორ ჩაიმარხა მიწაში, უძველესი ქალაქი “პომპეი”, ვულკან “ვეზუვის” ამოფრქვევის შედეგად ჩვ. წ. აღრიცხვამდე 79 წელს. მისი ნაშთები მხოლოდ 1719 წელს იქნა აღმოჩენილი, ან კიდევ “არაკატირე” კუნძულ “სინტორინზე”, რომელსაც ძველი ბერძნები “ტერსას” ან “კალისტას” ეძახდნენ და რომელიც საშინელი ვულკანის ამოფრქვევამ გაანადგურა 3500 წელს ჩვ.წ. აღრიცხვამდე. 1907 წელს მისი ნაშთებიც მიწის სიღრმეში, 9 მეტრის ქვეშ აღმოაჩინეს,.

ამ მაგალითების შემდეგ, შეგვიძლია ვთქვათ, რომ 250 მილიონი წლის წინ არსებული ცივილიზაციის ნაშთების აღმოჩენა პრაქტიკულად შეუძლებელია ალბათ არც მილიონი წლის წინ არსებულის! წარმოიდგინეთ რამდენად ღრმად უნდა იყოს მათი ნაშთები ზღვის ან მიწის ქვეშ ?!

ასევე ძნელია იმ ნივთის პოვნა, რომელიც დაამტკიცებს, რომ დედამიწაზე არსებობდა, ჩვენზე უფრო განვითარებული ცივილიზაცია, რომელიც მილიონი წლის წინ გაქრა.

მაგრამ რამდენიმე მნიშვნელოვანი აღმოჩენა მაინც გაკეთდა, რამაც შეიძლება ეს ჰიპოთეზა დაადასტუროს.

1851 წელს აშშ-ს ერთერთ შტატში, კერძოდ “ილინოისში”, 36 მეტრის სიღრმეში, ორი სპილენძის რგოლი აღმოაჩინეს. მოგვიანებით, ასევე ამერიკაში “მასაჩუსეტის” შტატში, “დორცესტერში” აფეთქების შემდეგ დედამიწის ზედაპირზე აღმოაჩინეს ქვის დიდი ლოდი, რომელზეც მეტალის ზარი იყო მიმაგრებული და მომართული.

1865 წელს ავსტრიაში აღმოჩენილი იქნა საინტერესო ლითონისგან დამზადებული კუბი, რომლის გამოკვლევის ნახშირბადული ანალიზის ჩატარების შემდეგ დადგინდა, რომ ეს საგანი სულ ცოტა 12-70 მილიონი წლისაა.

ინგლისში, ქალაქ “სოლსბერის”, ერთ-ერთ მუზეუმში, უფრო უცნაური ნივთია შენახული, იგი 1869 წელს იქნა აღმოჩენილი, მაგრამ თავისი მონაცემებით აღმოჩენა იმდროინდელ ინდუსტრიულ და ტექნიკური განვითარების დონეს არ შეესაბამებოდა. ნივთი აშშ-ში, კერძოდ “ნევადის” შტატში კლდის დამუშავებისას იპოვნეს, საგანზე უცნაური გრავირებაა გაკეთებული. ამ აღმოჩენამ, მთელი მეცნიერული სამყარო შეძრა. არტეფაქტი გამოიკვლია აშშ-ს, “სან ფრანცისკოს” მეცნიერებათა აკადემიამ.

ამავე პერიოდში კიდევ ერთი საინტერესო აღმოჩენა გაკეთდა, ეს იყო ადამიანის ნაკვლევი, ოღონდ ძალიან დიდი ზომის. იგი, “ტეხასში” “გლენ როუზის” მიდამოში მდებარე დამშრალი მდინარის კალაპოტში აღმოაჩინეს. აქ ადრე დინოზავრის ნაკვალევი იყო აღმოჩენილი. იგი “ცარცულ პერიოდს” მიეკუთვნებოდა. ეს ხანა დადგა მეზოზოური ერის ბოლოს. ასე რომ ეს ნაფეხურები სულ მცირე 140 მილიონი წლისაა.
Go to the top of the page
 
+Quote Post
td.........
post Sep 8 2010, 12:46 PM
Post #9


MASTER
Group Icon

Group: Moderator
Posts: 7,261
Joined: 4-September 10
Member No.: 6,254

ნიკის ჩასმა პოსტში
მონიშნულის ციტატაში ჩასმა



ანანდა
თანამედროვე ცივილიზაციამ იმის მეათიატასედიც კი არ იცის რაც მანამდე იყო... რაც გვაქვს ისიც ზრაპრები გონია ბევრს... საინტერესო თემა გაქვს, ველი გაგრძელებას..smile.gif


--------------------
-----------Купила мелок от тараканов! Теперь в голове тихо, спокойно. .. сидят, рисуют.-------------------
Go to the top of the page
 
+Quote Post
ანანდა...
post Sep 9 2010, 12:15 PM
Post #10


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



. . . აბსურდულია არქეოლოგების ის შეხედულებები, სადაც აღნიშნულია რომ, “ჰომო ერექტუსი” 1,5 მილიონი წლისაა ხოლო “ჰომო საპიენსი” 100 000 წლის. 1931 წელს, დოქტორმა უილბერ ბაროუსმა, რომელიც აშშ-ს “კენტუკის” შტატის, “ბეროუს კოლეჯის” გეოლოგიურ განყოფილებაში მუშაობს. უძველესი ადამიანის ნაკვალევი აღმოაჩინა. ეს ადგილი ჩრდილო დასავლეთ “ვერნონის” მიდამოშია. როგორც შემდგომში გამოიკვლიეს, კვალი 250 000 წლის უნდა ყოფილიყო. ვიზუალურად იგი როგორც ჩვეულებრივი ადამიანის ხუთ თითიანი ნაფეხური, ისე გამოიყურება. ზომით: 23,73 /10, 25 სანტიმეტრზე.

1968 წელს, ბატონების, უილიამ მეოსტესის და ფერენს შტაფის მიერ აღმოჩენილი იქნა ახალი ნაკვალევი. ამ ადგილს “ანტილოპა სპრინგს” ეძახიან. იგი 43 მილითაა დაშორებული “იუტას” შტატში მდებარე ქალაქ დელტიდან. ეს იყო შემოსილი ფეხის გაქვავებული ნაშთი. ზომით, 32,5 სმ /11, 25 სმ.

ეს წარმოუდგენელი აღმოჩენა იყო, გასაკვირი აქ ის იყო, რომ ნაკვალევში ჩარჩენილია გაჭყლეტილი ტრილობიტის (უძველესი კიბოსნაირი) გაქვავებული ნაშთი. ეს არსება სულ მცირე 250 მილიონი წლის წინათ გადაშენდა.

გარდა ამისა, ციმბირში აღმოჩენილია ბიზონის თავის ქალა, რომელსაც აშკარად ეტყობა ცეცხლსასროლი იარაღით მიყენებული ნატყვიარი. ამ სახეობის ბიზონი 10 000 წლის წინ გადაშენდა. ეს თავის ქალა შენახულია პეტერბურგის ბუნებისმეტყველების მუზეუმში. ასევე საყურადღებო აღმოჩენა გააკეთეს ბატონებმა მაიკ მიკეზლიმ, უორსონ ლანდომ და ვირჯინია მოლსომ. 1961 წლის 3 თებერვალს ქალაქ “ორლანდოში”, კალიფორნიის უნივერსიტეტში. ეს ადამიანები ეძებდნენ განსკუთრებულ წიაღისეულს. მინდვრის შპატებს და ნახევრად ძვირფას ქვებს.

იმ დღეს, მათ რამდენიმე ეგზემპლარის მოძებნა მოახერხეს. ეს საბადოები მდებარეობდა “აინესის” მიდამოში მდებარე ტბის მახლობლად 1300 მეტრზე ზღვის დონიდან. მაძიებლებმა საკმაოდ დიდი და მასიური ლოდები მოჭრეს და მათი დათვალიერება დაიწყეს. ამ ნატეხებში აღმოჩენილ, დეკორატიული ქვის ნიმუშებთან ერთად შეამჩნიეს, რომ კლდეში ჩამაგრებული იყო მინიატურული, 2 მილიმეტრის სიგრძის ლითონის ჯოხი. მასზე თხელი სპირალი იყო შემოხვეული. არტეფაქტის სრული ვარიანტი, არ იყო შემონახული. კვლევის შემდეგ გაირკვა, რომ ეს უცნობი ობიექტი შიდა წვის ძრავის ერთერთ დეტალს წააგავდა. აღმოჩენილი ნაშთი, რამდენიმე ათასი წელს ითვლიდა.

ასეთივე ექტრაორდინალური შემთხვევა იყო “ნამპას” პატარა ფიგურის აღმოჩენა, იგი სიმაღლით 26 სანტიმეტრი იყო. ეს ფიგურა აღმოაჩინეს აშშ-ში “აიდახოს” შტატის ერთ-ერთ სოფელ “ნამპაში”

აღმოჩენა გაკეთდა 1889 წელს. 90 მეტრის სიღრმეში. ობიექტი გამოიძია, დოქტორმა ვერკომ, “დევის პარკ”-ის მუზეუმში. გამოკვლევამ აჩვენა, რომ ეს ნივთი, სულ მცირე ერთი მილიონი წლისაა. ამასთან ერთად აღსანიშნავია 1936 წელს, გიგანტური ადამიანის ჩონჩხის აღმოჩენა გერმანელი არქეოლოგის დარსან კოლის მიერ, ”ელისის” ტყის მიდამოებში. ეს ადგილი ცენტრალურ აფრიკაში მდებარეობს. გერმანელების, გუსტავ ფონ კონიქსვალდისა და ფრანც ვუნვერიხის მიერ ქალაქ პეკინში ასეთივე გიგანტური ადამიანის ჩონჩხი იქნა აღმოჩენილი.

ისტორიული ცნობების გამოკვლევა და სიმართლის გამჟღავნება, კაცობრიობის წარსულშია დამალული და ჩვენ გველოდება.

Go to the top of the page
 
+Quote Post
ანანდა...
post Sep 10 2010, 12:22 PM
Post #11


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



როგორც ზემოთ იყო აღნიშნული 65 მილიონი წლის წინ ორიონის თანავარსკვლავედიდან გამოფრენილი მცირე ჯგუფი დედამიწაზე ჩამოვიდა, ეს თანავარსკვლავედი 500 სინათლის წლით არის დაშორებული მზის სისტემიდან.

ამ თანავარსკვლავედში შესული ვარსკვლავები ქმნიან “სამ მარაოს” პირველი სამის ასტრონომიული სახელწოდებებია ”მინიტაკა” “ალმანალი” და “ანიტაკი” ერთად დაჯგუფებულები არიან კიდევ სამი მათგანი: “როგელი”, “ალმინალი” და “ბელატრიქსი” მათი პლანეტის მზე ერთ-ერთი ამ ვარსკვლავთაგანია.

ორიონიდან მოსულმა კოლონიებმა შექმნეს მაღალ განვითარებული ცივილიზაცია, მაგრამ კოსმოსური კატასტროფის გამო, რომელმაც ეკოსისტემის განადგურება გამოიწვია, იძულებული გახდნენ პლანეტა დაეტოვებინათ.



ასეთი ჩანაწერები “ჰესიოდეს თეოგონიაშია” მოხსენიებული. ასევე ევრიპიდეს აქვს გადმოცემული თავის ტრაგედიებში. პლატონსაც აქვს აღწერილი თავის დიალოგებში და წიგნში “რესპუბლიკა”. მსგავსი წარმოდგენები გააჩნია ცნობილ წინასწარმეტყველს, ედგარ კეისს.

ლეგენდების უმეტესობა კონკრეტულ ადგილებს უკავშირდება. ჩანაწერებში მოთხრობილია, რომ დედამიწაზე ცხოვრობდნენ გიგანტები და სხვა უცნაური არსებები. ისინი ერთმანეთთან კონფლიქტში მოვიდნენ. ბრძოლაში, მათ თავიანთი საცხოვრებელი გაანადგურეს, რის გამოც ისინი ღმერთებმა დასაჯეს. ლეგენდებში რა თქმა უნდა სრული სიმართლე არაა აღწერილი. დროთა განმავლობაში სინამდვილე შეიცვალა, დამახინჯდა და ჩვენამდე მხოლოდ გაუგებარი მითების სახით მოაღწია.

ჰანიმედელების სოციალურ-პოლიტიკური სისტემა, ადრეულ პატრიარქატს და ძველ მესოპოტამიაში არსებულ მმართველობის ფორმას ჰგავს. იგი ასევე ახლოს დგას, ძველ რომში არსებულ მმართველობის ფორმა “არისტოკრატიასთან”.

მართველობის ასეთი ტიპი ვერტიკალურია, ქვეყანას მართავს “საბჭო,” რომელიც გარკვეული რაოდენობის ადამიანებითაა დაკომპლექტებული. საბჭო წარმართავს და კოორდინირებას უწევს, ქალაქის მთელ პოლიტიკურ და ეკონომიურ სტრუქტურას. საბჭოს წევრებმა უკეთ იციან , სად, როგორ და რა მიმართულებით უნდა ფუნქციონირებდეს მმართველობითი სისტემა.

მათი სოციალურ-პოლიტიკური სისტემა, ადრეულ პატრიარქატს და ძველ მესოპოტამიაში არსებულ მმართველობის ფორმას ჰგავს. იგი ასევე ახლოს დგას, ძველ რომში არსებულ მმართველობის ფორმა “არისტოკრატიასთან”.

მართველობის ასეთი ტიპი ვერტიკალურია, ქვეყანას მართავს “საბჭო,” რომელიც გარკვეული რაოდენობის ადამიანებითაა დაკომპლექტებული. საბჭო წარმართავს და კოორდინირებას უწევს, ქალაქის მთელ პოლიტიკურ და ეკონომიურ სტრუქტურას. მათ უკეთ იციან და ესმით, სად, როგორ და რა მიმართულებით უნდა ფუნქციონირებდეს სისტემა.


ჰანიმედელების ფილოსოფიის მიხედვით, ინდივიდუალიზმის სტიმულირება ადამიანში ეგოცენტრიზმს, ქედმაღლობას, ამბიციურობას აძლიერებს, რაც მთლიანობაში ხელს უშლის ადამიანთა ურთიერთობას, როგორც ჰორიზონტალურ ისე ვერტიკალურ დონეზე.



შეხვედრა ჰანიმედელთან
(ნაწყვეტი)


. . . გამოქვაბულისკენ გავემართეთ და შესასვლელში ფრთხილად შევიხედეთ, გამოქვაბულის სიღრმიდან მომწვანო ნათება გამოდიოდა. შიგნით შევედით. ისეთი განცდა იყო თითქოს უთვალავი ციცინათელა ერთად მოგროვილიყო გამოქვაბულის ჭერზე და ანათებდა. ჩვენს წინ კლდეში გამოკვეთილი ქვის დერეფანი გამოჩნდა. გზას ფრთხილად გავუყევით და მალე ვეებერთელა დარბაზში აღმოვჩნდით. დარბაზის ჭერი საკმაოდ მაღალი იქნებოდა, ალბათ ასე ექვს მეტრამდე, სიგრძე კი ძალიან დიდი. კედლის ორივე მხარეს უშველებელი ქვაში გამოკვეთილი თაროები, ერთმანეთის პარალელურად სიმაღლეზე იყო ჩამწკრივებული. ეს შენობა რაღაც მიწისქვეშა საწყობს ჰგავდა. თაროებზე სიმეტრიულად განთავსებული ოთხკუთხა ბლოკები ეწყო. მივუახლოვდი და შევამჩნიე, რომ ეს ბლოკები კი არა, ძალიან თხელი, ოქროსფერი, ერთმანეთზე დაწყობილი ლითონის ფირფიტები იყო. თითოეული ზომით 40 სანტიმეტრის სიგრძის და 20 სანტიმეტრი სიგანის იქნებოდა. მათზე მკაფიოდ ჩანდა იეროგლიფები, იდეოგრამები, ზოგან გრავიურები და გამჭვირვალე კრისტალები. ისინი მხოლოდ პირველ ფურცლებს ჰქონდა მიმაგრებული. თითოეული ასე კილოგრამს იწონიდა, ყველა აქ მოთავსებული ფირფიტა თითქმის ერთნაირი იყო ფორმითაც და მასალითაც, სხვაობა მათ გაფორმებაში და ალბათ მათში დაფიქსირებულ ინფორმაციაში იქნებოდა. ამ თაროებზე ათასობით ასეთი ფირფიტა იყო შენახული, მაგრამ ვის მიერ და რა მიზნით? ჯერჯერობით ჩემთვის გაურკვეველი იყო.

მოულოდნელად ჩვენს წინ უცნობი გაჩნდა. ეგზოტიკური და უცნაური მორთულობის ადამიანი. გარეგნულად შუა საუკუნეების დროინდელი “მრგვალი მაგიდის” რაინდს ჩამოჰგავდა, ლეგენდარული მეფე არტურის თანამედროვე მებრძოლს. იგი რაღაცით მითიურ ჯადოქარს მერილინსაც წააგავდა. ძალიან დაძაბული და შეშფოთებული ვიყავით. მისმა გამოჩენამ საკმაოდ აგვაფორიაქა. ეტყობა უცხომაც შეამჩნია ჩვენი მღელვარება და ამიტომ არ მოძრაობდა და ხმასაც არ იღებდა. მხოლოდ უხმოდ გვიცქერდა. ასე მდუმარედ მდგომთ არ ვიცოდით რა გვექნა. უცნობ მოხუცს ტანზე ტოგა ეცვა, რომელიც ტილოს მსგავსი ქსოვილისგან იყო შეკერილი, ფართო დაშვებული გრძელი სახელოებით და განიერი სარტყლით ეს სამოსი კიმონოს მოგაგონებდათ, ფეხზე ძველი რომაელების დროინდელი ტყავის სანდლების მსგავსი ფეხსაცმელები ეცვა, კათოლიკე ბერები რომ ატარებდნენ, ადრეულ ქრისტიანულ პერიოდში. მის გამოჩენისთანავე ჰაერში, ყვავილების ნაზი სურნელი დადგა, თან ისეთი ხმა ჩაგვესმოდა, როგორიც კონდენციონერსა აქვს მუშაობის დროს.

მოხუცი ჩუმად გვიმზერდა. ამ ხნის განმავლობაში მას არანაირი ჟესტი არ გამოუხატია და ბგერა არ გამოუცია. ამ ადამიანს სულში ჩამწვდომი და საოცრად ცოცხალი და სანდომიანი გამოხედვა ჰქონდა. გრძელი თეთრი თმები და შევერცხლილი ასევე თეთრი წვერი, უცნაურ კონტრასტს ქმნიდა. ათლეტურ სხეულს არანაირად არ შეესაბამებოდა მისი ხანშიშესული ასაკი. ჩვენი სიტუაცია იმას ჰგავდა, ბავშვებთან სანტა კლაუსი რომ გაჩნდება ხოლმე, ოღონდ იმ განსხვავებით, რომ ჩვენს სტუმარს თავზე ჩაჩი არ ეხურა და ტკბილეულით სავსე ხურჯინი არ ეკავა ხელში. გრძელი და ფართო სახელოები მის ხელებს ვერ ფარავდნენ საოცრად ნატიფი ხელის მტევნები და გრძელი დახვეწილი თითები ჰქონდა.

რამდენიმე ხანში მოხუცმა სიჩუმე დაარღვია. მისი ხმა გრგვინვასავით გაისმა გამოქვაბულის კედლებში: “ნუ გეშინიათ! მე აქ იმიტომ ვარ რომ თქვენ დაგეხმაროთ. მე იოაკიმე მქვია, ამ ადგილის მცველი ვარ!”

მისმა სიტყვებმა ჩვენში ჯერ კიდევ დარჩენილი სიმამაცე თითქმის გააქრო, ძალიან დავიძაბეთ. შემდეგ ეს დაძაბულობა გაქრა და რაღაც უჩვეულო განცდა დაგვეუფლა, თითქოს მოხუცმ, რომელიღაც უცნობი კუნჭული გახსნა ჩვენს სულში. ეს იყო ერთმანეთში არეული, შიში, მოწიწება, ცნობისმოყვარეობა და კიდევ რაღაც უჩვეულო და თან ამავე დროს ნაცნობი განცდა. შეხვედრა ისეთ ემოციას იწვევდა, თითქოს ჩვენი დიდი ხნის უნახავი მეგობარი ვიხილეთ, ადამიანი რომელსაც უკვე ვიცნობდით და დიდი ხანია ველოდით.

აქ ამ ადგილზე წარსულის შესახებ სრული ისტორიული ნარკვევები ინახება, ეს კაცობრიობის განვითარების ისტორიაა. აღწერილია ყველაფერი ის თუ რა ხდებოდა სინამდვილეში ათობით ათასი წლის განმავლობაში დედამიწაზე. კაცობრიობის წარმატება თუ წარუმატებლობა, ამ ლითონის ფურცლებზეა ჩაწერილი. ამ ცოდნას ადამიანი დღესაც არ იცნობს. ეს ინფორმაცია პლანეტის განვითარების საწყისი ეტაპიდან იწყება, მაშინ როცა სიცოცხლე ახალი ჩასახული იყო დედამიწაზე.







Go to the top of the page
 
+Quote Post
ablabuda13
post Sep 12 2010, 01:39 AM
Post #12


WHITE soul
Group Icon

Group: Members
Posts: 2
Joined: 10-September 10
Member No.: 6,261

ნიკის ჩასმა პოსტში
მონიშნულის ციტატაში ჩასმა



რა საინტერესოა smile.gif tender.gif
Go to the top of the page
 
+Quote Post
ანანდა...
post Sep 13 2010, 04:06 PM
Post #13


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



- ეს განსაკუთრებული ადგილია. იგი შეგიძლიათ როგორც მიწისქვეშა ბაზა ისე განიხილოთ. აქ მიწიერი საზოგადოება გალაქტიკურ ფედერაციის წარმომადგენლებთან ერთად მნიშვნელოვან სამუშაოს აწარმოებს. გარკვეული აზრით მეც ამ სამყაროსეული, მიწიერი ვარ. ჩემი წინაპრები. დედამიწაზე მცხოვრები უძველესი რასაა. მათ პირველი პროტო ადამიანი შექმნეს. თქვენში ეს არსებები ჰომინიდებად იწოდებიან ამ ეპოქას კი “ატლანტების პერიოდს” უწოდებენ. ეს იყო მაღალ განვითარებული საზოგადოება, რომელიც ამ პლანეტაზე გარე ცივილიზაციების მიერ იყო ჩამოსხმული. თუმცა ჩვენი საზოგადოება კოსმიური რასების კონფედერაციაში, ჯერ კიდევ არ იყო გაწევრიანებული. ამ არსებებისთვის მხოლოდ დედამიწა იყო საცხოვრებელი ადგილი.

მათ გადაწყვიტეს საკუთარი ძალებით გაეუმჯობესებინათ საცხოვრებელი პირობები. დედამიწაზე ამათ გარდა არსებობდნენ სხვა ადამიანთა კოლონიები, რომლებიც ასევე უცხო ცივილიზაციების მიერ ადრე იქნენ ჩამოსხმულები.

ჩემმა წინაპრებმა გადაწყვიტეს დაკავშირებოდნენ ამ რასებს და მათაც შეძლებისდაგვარად საცხოვრებელი გარემოს გაუმჯობესებაში დახმარებოდნენ. ჩვენი საზოგადოების ამ მათთან ინტეგრაცია მოეხდინათ. საუბედუროდ ამ მცდელობამ დადებითი შედეგი არ მოგვიტანა.

ჩვენმა საზოგადოებამ უკუაგდო ძირითადი ზნეობრივი პრინციპები და უპასუხისმგებლოდ გადაწყვიტა ბუნების კანონებში ჩარევა და მისი მართვა. მათი აზრით საჭირო იყო დედამიწის კლიმატის შეცვლა, მეცნიერთა აზრით ამისთვის პლანეტის ორბიტის შეცვლა იყო აუცილებელი. მაგრამ ეს მცდელობა საუბედუროდ კრახით დასრულდა. ახალგაზრდა პლანეტა ჯერ ისევ არამდგრად წონასწორობაში იმყოფებოდა და არც საკმაო მომზადება და ტექნოლოგიები არ ჰქონდათ. ასეთი რადიკალური ცვლილება საშინელ ტრაგედიად გვექცა, პლანეტის ორბიტის შეცვლამ, დედამიწის ორიდან ერთი თანამგზავრის ჩამოვარდნა გამოიწვია, ამ კატასტროფამ პლანეტა ჯოჯოხეთად გადააქცია. წყობიდან გამოვიდა ეკოსისტემა, სიცოცხლის უდიდესი ნაწილი მოისპო, ჩვენი კულტურაც ამ კატასტროფამ მთლიანად გაანადგურა. ამ პლანეტარულმა კოლაპსმა ათიათასობით წლით უკან დაგვაბრუნა. ამის შემდეგ დიდი დრო დაგვჭირდა, რათა რამდენადმე აღგვედგინა დაკარგული შესაძლებლობები. ჩვენს საზოგადოებას ხელიდან გამოეცალა, მაღალი ტექნოლოგიები, ხოლო მთლიანად რასამ კლიმატის გაუარესების გამო დაკარგა რეპროდუქციის უნარი. გარკვეული დროის შემდეგ გადაშენების საშიშროების პირს დავდექით. რაღაც უნდა გვეღონა რომ გადავრჩენილიყავით. ჩვენს შორის იყო ერთი მეცნიერი სახელად “ლუციფერი”, ვინც გადაწყვიტა აერჩია რამდენიმე ჰომინიდი და დაეწყო გენეტიკური კვლევები, კვლევა ეხებოდა იმას, თუ რამდენად შესაძლებელი იყო პრიმიტიული ჰომინიდების გენეტიკური მონაცემები ჩვენი რასების გადასარჩენად გამოგვეყენებინა. ასევე იმისთვის, რომ ხელოვნურად შექმნილი არსებები, როგორც სამუშაო ძალა ისე გამოგვეყენებინა. ეს ისე უნდა მომხდარიყო, რომ საკუთარი მონაცემები და შესაძლებლობები მათთვის დაგვემალა. ამ ექსპერიმენტის შედეგად შეიქმნა იდეალური მუტანტი. პირველი ქმნილების გენერაცია წარმატებით განხორციელდა.

ეს არსებები ძლიერი ამტანობით, მაღალი შრომისუნარიანობით და მზის გამოსხივებისა და სხვა ავადმყოფობების მიმართ დაცვის უნარიანობით გამოირჩეოდნენ

-ეს ადამიანები დღეს დედამიწაზე ცნობილია, ე.წ. “ლურჯი რასის” სახელით. მათ შეეძლოთ დღე და ღამე შეუსვენებლად ემუშავათ, არ აშინებდათ არც სიცხე და არც სიცივე. მათ ორგანიზმში ძნელად აღწევდა პარაზიტები და თითქმის არ ავადდებოდნენ. მათში შენარჩუნებული იყო ინტელექტის ის დონე, რომ ჩვენი ბრძანებები მიეღოთ და შეესრულებინათ. თავიდან ეს ექსპერიმენტი წარმატებულად მიდიოდა, მათი მოქმედება კონტროლზე იყო აყვანილი, კარგი შედეგი მივიღეთ, ეს არსებები საუკეთესოდ გვემსახურებოდნენ. მაგრამ თანდათან სიტუაცია შეიცვალა. ისინი განვითარდნენ და მიხვდნენ, რომ ჩვენც მათი მსგავსნი ვიყავით, მათსავით ჩვეულებრივი მოკვდავნი, ისიც გაიგეს რომ მათ მხოლოდ პირადი გამორჩენის მიზნით, შავ მუშებად ვიყენებდით.

ამ ინფორმაციის მიღების შემდეგ მათი არსებობა ჩვენთვის სახიფათო გახდა. ეს ჰომინიდები ძალიან ადვილად და სწრაფად მრავლდებოდნენ, რაც დრო გადიოდა მათთან ურთიერთობაში ჩვენი სიცოცხლის ხელყოფის რისკი იზრდებოდა. ამიტომაც ჩვენმა საზოგადოებამ მათი სასწრაფოდ თავიდან მოშორება გადაწყვიტა.

ჩვენი ხალხი, გაამაყებული და გათავხედებული იყო. არ გვსურდა, რომ დედამიწის სხვა რასებიც ჩვენსავით განვითარებულიყვნენ, უფრო მისაღები იყო, რომ ისინი შავ მუშად დარჩენილიყვნენ.

ბოლოს და ბოლოს გალაქტიკური კონფედერაცია ამ პროცესში ჩაერია, მათ არ მოგვცეს საშუალება ასეთი საშინელი თვითნებობისა, არ დაუშვეს, რომ თავისი უპირატესობით გათავხედებულ ადამიანთა ჯგუფს სხვა დაუცველი არსებები ასე უსამართლოდ დაეჩაგრათ და პირადი ეგოისტური მიზნებისთვის გამოეყენებინათ. მაღალი ცივილიზაციები ასევე არ დაუშვებდნენ რომ ადამიანთა რასები მასობრივი ექსპერიმენტის საშუალებად ექციათ. ამიტომ დედამიწაზე არამიწიერი ცივილიზაციების ჯგუფი ჩამოფრინდა, რომელთაც “სანტა კიმრა” მეთაურობდა, ამ ჯგუფს გადაწყვეტილი ჰქონდა დედამიწაზე სიტუაცია გამოესწორებინა და ყველაფერი თავის ადგილზე დაებრუნებინა. მათი დახმარებით ჩვენმა ხალხმა აღიარა და გამოასწორა დაშვებული შეცდომები. ძირითადი ეგოისტური მოტივებით ნაკარნახევი დანაშაული.

ეს იყო კლიმატურ პირობებზე უგუნური ექსპერიმენტით გამოწვეული კოსმოსური კატასტროფა, რომლისგანაც გალაქტიკური კონფედერაციის დროულმა ჩარევამ გვიხსნა. დიდი მონანიებისა და შინაგანი განწმენდის შედეგად ჩვენ გადავრჩით და ამიტომაც დავრჩით დედამიწაზე. ჩვენ გადავწყვიტეთ დავხმარებოდით გალაქტიკურ კონფედრაციას იმ დიდ საქმეში, რასაც ადამიანის ბუნებრივი გზით განვითარება ჰქვია. გვინდოდა ამით გამოგვესწორებინა ის ქაოსი, რაც ჩვენმა უპასუხისმგებლო საქციელმა გამოიწვია. ასე რომ იქიდან რაც მოგიყევით შემიძლია გითხრათ, რომ მეც თქვენსავით დედამიწელი ვარ, უფრო ზუსტად მიწის სიღრმეში მცხოვრები დედამიწელი.

ამჟამად პლანეტაზე ძალიან ცოტანი დავრჩით, ჩვენი რასების ძირითადი ნაწილი უკან თავის პლანეტებზე დააბრუნეს.

დედამიწაზე რამდენიმე მიწისქვეშა ბაზა არსებობს და ყველა მათგანი გალაქტიკური ფედერაციის წარმომადგენლების მიერ იმართება. ყველა ჩვენც და ისინიც ჩართულები არიან “დიდი გეგმის” განხორციელებისთვის საჭირო მუშაობაში. თქვენც იმიტომ ხართ აქ, რომ ამ საერთო პროცესში მიიღოთ მონაწილეობა. ჩვენ ვცდილობთ, რომ იმ ადამიანებს ვინც ჩვენთან თანამშრომლობას გადაწყვეტს, შეძლებისდაგვარად დავეხმაროთ. ეს ის საქმეა, რომელიც ამ საშინელ რეალობის დასასრულს და ახალი სამყაროს დაბადებას ემსახურება. თქვენ ამ პროცესში მედიატორის როლი უნდა ითამაშოთ. თქვენი მომზადებისა და მიხედვით მოგეცემათ საშუალება სხვა ასეთ ადგილებს გაეცნოთ, ეს ცენტრები დედამიწაზე სხვადასხვა ადგილებშია განთავსებული. თქვენი ხელმძღვანელობის გარდა, ვინც აქ გადმოგიყვანათ ჩვენც დაგეხმარებით, იმ ამოცანის შესრულებაში, რაც თქვენ გაკისრიათ. ამ სიტყვებით მოხუცმა საუბარი შეწყვიტა.

განცვიფრებული დავრჩით. ერთმანეთს ვუცქერდით და არ ვიცოდით რა გვეთქვა. გამახსენდა ჩვენს მიერ გამოვლილი ისტორიები, წიგნებში წაკითხული ცოდნაც ამომიტივტივდა თავში, ღრმად ჩავისუნთქე, რათა ცოტა დავმშვიდებულიყავი, შემდეგ როგორც იქნა გავბედე და აზრებს ძლივს მოვუყარე თავი, ემოცია ლაპარაკის საშუალებას არ მაძლევდა. მოხუცი თვალებში მიცქერდა. ბოლოს როგორც იქნა წავილუღლუღე.

- თქვენმა სიტყვებმა, ის ისტორიები გამახსენა, რაც აქამდე მხოლოდ წიგნში მქონდა წაკითხული, მაგრამ მათი წაკითხვის მერე ჯერაც ვერ გამოვიტანე აზრი. თქვენი მონაყოლი ძალიან საინტერესოა და ჩემი აზრით იმ ტექსტებს ეხმაურება, რომელიც ჩვენში რელიგიური მიმდინარეობების სახით გავრცელდა. ყველაზე მეტად იგი იუდეურ და ქრისტიანულ რელიგიურ სწავლებებთან არის ახლოს. უფრო ზუსტად კი კატარების მიერ აღიარებულ ფსევდო იოანეს სახარებასთან, რომელიც ოფიციალურმა ეკლესიამ არაკანონიკურად შერაცხა. ამ აპოკრიფულ სახარებაში აღწერილია მაცხოვრისა და იოანე წინასწარმეტყველის დიალოგი, სადაც მაცხოვარი იოანეს უხსნის რომ ადამიანი დედამიწაზე ეშმაკის დახმარებით შეიქმნა და არა ღმერთის. ნიშნავს თუ არა ეს იგივეს, რაც თქვენ თქვით, რომ პირველი პროტო ადამიანი დედამიწაზე არსებული განვითარებული რასების მიერ შეიქმნა? რას გვეტყვით ადამიანების მიერ ჩადენილ პირველ ცოდვაზე?


იოაკიმემ გააგრძელა:

- როგორც გითხარი ჩვენი წინაპრები კოსმოსიდან იყვნენ მოსულები, თანდათანობით ჩვენი საზოგადოება განვითარდა და დიდ ტექნოლოგიები და ძალაუფლება მოიპოვა, ჩვენი მეცნიერები, ხელოვნური სულის შექმნაზეც მუშაობდნენ, ამ მიმართულებითაც გარკვეული წინსვლა გვქონდა. ამ უნარების დაუფლებით ისე გავთამამდით, რომ უნივერსალური კოსმიური კანონები დავივიწყეთ და მისი დარღვევაც ვცადეთ, ჩვენ შევქმენით პირველი პროტო ადამიანი, ე.წ. ლურჯი რასა. აი ამ ქცევისთვის ჩვენ დავისაჯეთ, არა მარტო ფიზიკურად არამედ სულიერადაც, თითქოს ყველაფერი სწორედ გავაკეთეთ, ეს დასჯა მოვიდა იმ ძალისგან, რომელიც კოსმოსს განაგებს და სამყაროს მართავს. ჩვენ საზოგადოებაში იყო ჯგუფი ვისაც ამ ხელოვნური ჰიბრიდის გამოყვანის იდეა ეკუთვნოდა, ამ ჯგუფს სათავეში ედგა პიროვნება სახელად “სატანაელი”, მას რა თქმა უნდა ჰყავდა მომხრეებიც, ამ ჯგუფის ძალისხმევით მოხდა, ხელოვნური პრიმიტიული ადამიანების შექმნა და შემდეგ მათი კერძო მიზნებისთვის გამოყენება. თუმცა დროში ამ არსებებმა მოახერხეს საკუთარი თავისა და ჩვენი იდენტურობის დაფიქსირება, მიხვდნენ რომ მათაც ჰქონდათ უნარი ჩვენი ტექნოლოგიური მიღწევები გამოეყენებინათ. ჩვენ რიცხობრივად ცოტანი ვიყავით, მათთან შედარებით, ამ უპირატესობის გამო მათთვის სიძნელეს არ წარმოადგენდა ჩვენი განადგურება, ამიტომ სანამ ეს მოხდებოდა დავასწარით და მათი უმრავლესობა ჩვენი ტერიტორიებიდან განვდევნეთ.

ჩვენგან გაქცეულნი სხვადასხვა მიმართულებით გაიფანტნენ. ეს იყო ალბათ ის პირველი ცოდვა, თუ კი შეიძლება რაიმე აქტს ცოდვა ეწოდოს. ჩვენ მათი თავიდან მოშორებით შევაჩერეთ მათი ჩვენზე ზემოქმედების ზრდა. წლების მერე ჩვენი აზრით მათი უპირატესობა ჩვენზე ათჯერ უფრო გაიზრდებოდა. დიდი ხნის განმავლობაში ვეცადეთ რომ ჰომინიდებზე ზეგავლენა ისევ დაგვებრუნებინა, რამდენიმე ჯგუფთან დაკონტაქტებაც მოვახერხეთ, მაგრამ ამ არსებებმა ჩვენგან თავი შორს დაიჭირეს. თქვენს რელიგიურ წიგნებში არის ამ თემებზე საუბარი, მაგრამ ყველა მოვლენა დამახინჯებულად არის გადმოცემული.

- კი მაგრამ, იოაკიმ! რას იტყვით ბიბლიაში მოთხრობილ მოვლენებზე? თუნდაც იმაზე, თუ როგორ წაიყვანა თან ღმერთმა ენოქი და ილია? ან როგორ და ვინ გამოეცხადა, მოსეს, იაკობს, ეზეკიელს და სხვებს?

- თქვენს რელიგიურ წიგნებში, ძირითადად ბიბლიაში, აღწერილია, მოვლენა, რომ ერთ-ერთი ანგელოზი აჯანყდა. მოხდა ამასა და სხვა ანგელოზთა იერარქიებს შორის ბრძოლა. ბრძოლაში ეს უკანასკნელი დამარცხდა და დედამიწაზე როგორც “ეშმაკი” იქნა ჩამოგდებული. ამ ლეგენდას უკეთესი იქნება, თუ ისე წარმოვიდგენთ, როგორც ჩვენი წინაპრების ჩამოსხმა, მზის სისტემაში, და შემდეგ დედამიწაზე.

აცტეკების, ეგვიპტელების და სხვა მესოპოტამიელი ხალხების ლეგენდებში, არსებობდა რწმენა, რომ ყოველი მზის ჩასვლის წინ, ღმერთები სისხლისმღვრელ ომს მართავენ დემონებთან. თუმცა როგორც უკვე გითხარით ეს ლგენდები უკავშირდება მზის სისტემის პლანეტაზე, კერძოდ კი დედამიწაზე მომხდარ რეალურ მოვლენებს.

როდესაც დედამიწაზე დიდი ციური სხეული ჩამოვარდა და საშინელი კატასტროფა მოხდა. ეს იყო აქტი, როდესაც ადამიანებმა საკუთარი ხელით თავისი საცხოვრებელი სახლი გაანადგურეს. ამის შემდეგ იძულებული გავხდით დედამიწის სხვადასხვა მიმართულებით წავსულიყავით, გვეხეტიალა, ახალი საცხოვრებელი ადგილი გვეძებნა და ყველაფერი თავიდან დაგვეწყო. ზოგიერთ წმინდა წიგნებში მოთხრობილია ამაზე და სხვა შემდგომ მოვლენებზეც.

- ის რასაც თქვენ ამბობთ ნახსენებია, კატარების მიერ აღიარებულ აპოკრიფულ სახარებაში, ფსევდო იოანეს მიერ დაწერილში, ასევე ენოქის წინასწარმეტყველებაში, სადაც აღწერილია როგორ აცდუნებდა მას ეშმაკი, ეუბნებოდა, რომ შენ უფალი ხარო. როგორც თქვენ თქვით წმინდა წიგნებში აღწერილია ამ მოვლენების შესახებ. ერთერთი ასეთია ენოქის წინასწარმეტყველების წიგნი ძველი აღთქმიდან, ეს ტექსტი სხვებისგან განსხვავდება თავისი არაორდინარულებით და არაა გასაკვირი, რომ როგორც იუდეველებმა, ასევე ქრისტიანებმა ეს ჩანაწერები ბიბლიიდან ამოიღეს და არა კანონიკურად გამოაცხადეს.

ენოქი წარღვნამდელი წინასწარმეტყველი იყო, ჯარედის შვილი, სეთის პირდაპირი შთამომავალი. სეთი ადამის და ევას მესამე შვილი იყო. ენეოქი მათუსალას მამა და ლამექის დიდი ბაბუა, ნოეს დიდი ბაბუის მამა იყო. ბიბლიის თანახმად იგი ზეცად იყო აყვანილი (შესქ; 5-24): მისი სახელი გაკვრით არის ნახსენები ახალ აღქმაში, იუდას წიგნში (1-4-16): ენოქის წიგნი კომენტირებულია წმინდა კლიმენტი ალექსანდრიელის მიერ, რომელიც საყოველთაოდ აღიარებულ რელიგიურ ავტორიტეტად ითვლება, ენოქის შესახებ ასევე დაწერილი აქვს ნეტარ ავგუსტინეს, თავის ნაშრომში “ღმერთის ქალაქი”. ჩემი კვლევებით აღმოვაჩინე, რომ ამ წიგნის 350 გვერდი ამოღებული იქნა, კათოლიკური ეკლესიის მიერ და ერესად იქნა შერაცხული, თუმცა ბიბლიაში 57 ფურცელი მაინც იქნა შენარჩუნებული, ძველ აღქმაში. ასევე ძველ ებრაულ რელიგიურ წიგნში “ირკა მიდრაში”. კერძოდ ამ წიგნის მერვე თავში აღწერილია, როგორ ასწავლიდა ენოქი, ნოეს, თუ როგორ უნდა მოქცეულიყო იგი წარღვნის დროს. ეს ტექსტები ასევე შენარჩუნებულია, “ქირჯათ სეფერში”, ანუ “წერილთა ქალაქში”, რომელიც ასევე ცნობილია “დებირი”-ს სახელით. ამ ტექსტებში, ენოქის მიერ აღნიშნულია, ის რაც თქვენ მოგვითხრეთ. მაგალითად, იგი აღნიშნავს, რომ დედამიწაზე ჩამოვიდა ანგელოზი “სემიასა” სხვა 200 ანგელოზთან ერთად. მას ასევე უწერია, რომ ღმერთს წარღვნამდე უკვე არჩეული ჰყავდა ადამიანი, ვინც მხსნელის სახით დედამიწაზე მოვიდოდა, რომ წარღვნა არ იყო აუცილებელი აქტი, რომ უთანხმოება ადამიანებსა და ღმერთს შორის უკვე დამთავრებული იყო. აქ წერია ისიც, რომ ეს ურთიერთობა არა ერთ ღმერთთან არამედ ღმერთების მთელ იერარქიებთან მიმდინარეობდა. ამაზე რას გვეტყვით?

ამ კითხვებს იმიტომ გისვამთ, რომ ჩემს მიერ სხვადასხვა რელიგიური წიგნებიდან მიღებული ინფორმაციით შექმნილი გაურკვევლობიდან გამოვიდე.

- ფაქტიურად, ჩვენს მიერ შექმნილი “პროტო ადამიანი” განვითარდა და გამრავლდა. დრო გადიოდა, ჩვენი საზოგადოება ფრაქციებად დაიყო, სუსტ და ძლიერ ნაწილებად, ზოგი მათგანი ჩვენი ქალაქიდან გააძევეს თავისი იდეის გამო. გარკვეულ ხანში ამათ შექმნეს დაჯგუფებები და პრიმიტიულ ადამიანებს შეერივნენ. ერთ-ერთი მათგანი იყო “სემიასა” ვინც ჩვენი საწინააღმდეგო დაჯგუფება ჩამოაყალიბა. თუმცა ეს დაჯგუფებაც გაუუვნებლეს გალაქტიკური ფედერაციის წარმომადგენლებმა. ამ ინფორმაციის დედამიწაზე გავრცელების მიზნით გალაქტიკურმა ფედერაციებმა გამოიყენეს ენოქი, მან ადამიანებს გადასცა ცოდნა, თუ როგორ დაისჯებოდნენ ისინი თუ უნივერსალურ კანონებს წინ აღუდგებოდნენ. ენოქმა ადამიანებს ისიც უთხრა, რომ მათ მიერ დაშვებული შეცდომები არ იყო გამოუსწორებელი საშინელება.

დედამიწაზე სიცოცხლის ჩასახვიდან დაწყებული, გალაქტიკური ფედერაცია ცდილობს კორექტივები შეიტანოს ადამიანის ცხოვრებაში. ჩვენ მათთან ერთად ვცდილობთ, ადამიანები სწორი და ბუნებასთან ჰარმონიაში მყოფი განვითარების გზისკენ მივმართოთ.

ჩვენ ყურადღებიდან არ გამოგვრჩენია, რომ გარემო პირობების შეცვლა მნიშვნელოვან ზემოქმედებას ახდენს ადამიანის ბიოლოგიური სტრუქტურის ჩამოყალიბებაზე. ამ პირობების შეცვლამ რა თქმა უნდა თქვენზეც უარყოფითად იმოქმედა. თუმცა მძიმე კოსმიური ავარიის დამანგრეველ შედეგს თქვენამდე არ არ მოუღწევია.

დედამიწაზე, გალაქტიკური ფედერაციის უმაღლესი მისიის გამოცხადების მერე, რომელსაც წმინდა კიმრა ხელმძღვანელობდა, ჩვენ მიგვითითეს, რომ დედამიწის ზედაპირზე არ უნდა გვეცხოვრა და მიწისქვეშა ხელოვნურ და ბუნებრივ გამოქვაბულებში დავსახლებულიყავით. ეს იმიტომ გახდა საჭირო, რომ ავარიის შედეგად წარმოქმნილ სახიფათო ბუნებრივ პირობებს გავრიდებოდით. მიუხედავად ამისა გაზრდილმა რადიაციულმა გამოსხივებამ თავისი ქნა, რადიაციულმა ფონმა ჩვენს გენეტიკაზე უარყოფითად იმოქმედა, ჩვენი საკვების ქიმიური შემადგენლობაც მკვეთრად გაუარესდა, ამან საგრძნობლად შეამცირა ჩვენი სიცოცხლისუნარიანობა და ასაკი. იმატა ფიზიკურმა და სულიერმა დაავადებებმა. რადგან ჩვენი წინაპრები სხვა რასებთანაც შევიდნენ კავშირში გარკვეულად ეს გენეტიკური დარღვევები მცირე რაოდენობით თქვენზეც გადმოვიდა.

თქვენთვის კარგად ცნობილი ისტორიული მოვლენები, ჩვენი და გალაქტიკური საძმოს საერთო მოქმედების შედეგია. წარღვნა რაღა თქმა უნდა იყო დედამიწაზე, ოღონდ არა პლანეტარული მასშტაბით, იყო მხოლოდ ლოკალური შემთხვევები. იმდროინდელი დედამიწა მნიშვნელოვნად განსხვავდებოდა ამჟამინდელისგან, იგი მზისგან სხვა მანძილით იყო დაცილებული და სხვა ორბიტაზე მოძრაობდა. ამ მოვლენებს ათიათასობით წლები გვაშორებს. ასეთი ლოკალური წარღვნები დედამიწის სხვადასხვა კუთხეში მოხდა და დაფიქსირდა ამ ხალხთა ლეგენდებში, “ჰუნო პაცაკუტის” სახელით-იანკების კულტურში, “ნაუა ატო”-აცკეტებში, “მანუს” ლეგენდის სახელით ინდურ წარმოდგენებში, “დეუკალიონე” და პრიარა-ბერძნულ მითებში, “ზაინ სუდრა” და “გილგამეში”-ს მითები-შუმერში. თქვენი ლეგენდების და რწმენის მიხედვით ეს ბუნებრივი კატაკლიზმები, ღმერთის რისხვას მიეწერება უფლის მიერ გამოგზავნილ სასჯელს ცოდვილი კაცობრიობისადმი, რომლის დანიშნულება იყო დედამიწა ცოდვილებისგან განეწმინდა. სინამდვილეში ეს ბუნებრივი მოვლენები იყო და არ ჩვენს მიერ, გალაქტიკური ფედერაციის, ან მითუმეტეს ღმერთის მიერ გამოგზავნილი დასჯა.

Go to the top of the page
 
+Quote Post
ანანდა...
post Sep 15 2010, 11:24 AM
Post #14


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



- როგორც ხედავ, ჩვენ მიწისქვეშა ქალაქში ვცხოვრობთ, მაგრამ დიდი ხნის წინათ ეს ასე არ იყო. ჯერ კიდევ მაშინ, როდესაც ქედმაღალი და უმწიფარი საზოგადოება ვიყავით,

ჩვენმა მეცნიერებმა პლანეტის ბუნების თავისებურად გადაკეთება გადაწყვიტეს, ეს პლანეტის ატმოსფეროს სტრუქტურის შეცვლას მოითხოვდა. საუბედუროდ ექსპერიმენტი, სერიოზული შეცდომების დაშვების გამო ჩავარდა. პლანეტის ატმოსფერული ბალანსი დაირღვა, ატმოსფეროს დამცავი შრე მწყობრიდან გამოვიდა და კოსმიური რადიაცია გავრცელდა. ამ კატასტროფამ პლანეტის ფლორა და ფაუნა მთლიანად გაანადგურა. მხოლოდ ისინი გადარჩნენ, ვინც ამ დროს სხვა პლანეტაზე იმყოფებოდა. ასე ამოწყდა ჩვენი პლანეტის თითქმის მთელი პოპულაცია.

გავიდა დრო, გადარჩენილმა კოლონიებმა გადავწყვიტეთ უკან დავბრუნებულიყავით და შეძლებისდაგვარად აღგვედგინა პლანეტა, თუმცა მისი ზედაპირი, უკვე ისე იყო გამოფიტული და გადამწვარი, რომ მასზე სიცოცხლე აღარ გაიხარებდა. მაშინ ჩვენ ავაგეთ უზარმაზარი გამოქვაბულები, ხელოვნური ადაპტირებული გარემო და ეკოსისტემა შევქმენით, ის ტერიტორია, კი სადაც ქალაქის ნანგრევები ახლაც მოჩანს, თვალსაჩინოებისთვის, ხელუხლებელი დავტოვეთ, რათა მომავალმა თაობებმა საკუთარი თვალით ნახონ, თუ სადამდე შეიძლება მიგიყვანოს, გაუგონარმა თავხედობამ, ტექნიკური განვითარებით გამოწვეულმა სიბეცემ, განდიდების მანიამ და უგუნურებამ.

პლანეტაზე, ოცდაოთხი ასეთი მიწისქვეშა ქალაქია გაშენებული. საცხოვრებელ ცენტრთან ერთად, ყველგან, სამეცნიერო კველევითი, ადმინისტრაციული, სამედიცინო და სხვა ცენტრებია აშენებული. მოკლედ ცივილიზაციის საცხოვრებლად საჭირო ყველა საშუალება გაგვაჩნია.

ხელოვნური გარემო, სრული ეკოლოგიური კონტროლით მუდმივად ნარჩუნდება. მსგავსი, სტაბილური ბიოსფეროს შესაქმნელად წლების განმავლობაში სხვა გალაქტიკებიდან, როგორც ფლორის ასევე ფაუნის სიცოცხლის ფორმების იმპორტირება ხდებოდა. მცენარეები, რომელსაც აქ ხედავ, არა მარტო სილამაზეს ქმნიან, არამედ ქალაქის ეკოსისტემის შემადგენელი ნაწილიცაა.

ატმოსფეროში საჭირო ჟანგბადის ბალანსი, ეკოკონტროლის საშუალებით მოწმდება, ასევე რეგულირდება სხვა გაზების პროცენტული რაოდენობა, ტემპერატურული ბალანსი, ჰაერის ტენიანობა და ა. შ.

Go to the top of the page
 
+Quote Post
ანანდა...
post Sep 16 2010, 03:39 PM
Post #15


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა




ქალაქ ”ილუმენში” ჩემი მოგზაურობა გრძელდებოდა. ეს ქალაქი რამოდენიმე დამოუკიდებელ სექტორად იყო დაყოფილი. თითოეულ მათგანში განსხვავებული არქიტექტურული შენობები მრავალფეროვანი სტილით, ფორმით და კომპოზიციით ერთმანეთისგან მკვეთრად განირჩეოდნენ, ზოგან ფორმები ოვალური და მრგვალი იყო ზოგან კი სწორკუთხა და სიმეტრიული.

მალე ქალაქის ადმინისტრაციულ ცენტრში მივედით. ერთერთ სექტორს მივუახლოვდით და მაღალ გუმბათიან შენობაში შევედით. შენობაში დიდი დარბაზი იყო. ჭერის სიმაღლე ალბათ 50 მეტრამდე იქნებოდა, გვერდითა კედლებზე ბროლის კედლებიანი ურნები იყო განლაგებული. ყურში სასიამოვნო მელოდია ჩამესმა, ჯერ მეგონა, რომ დარბაზში მაღალი დონის აკუსტიკური სისტემა იყო დამონტაჟებული, თუმცა მოვტყუვდი. ერთერთ ურნასთან მივედით. მასში, როგორც უზარმაზარ ვიტრინაში ისე შევიხედე, შიგნით რაღაც ფიგურები მოძრაობდნენ, უფრო კარგად დავაკვირდი და სახტად დავრჩი. ეს ვიტრინები კი არა, დიდი ცხაურები აღმოჩნდა. სადაც უზარმაზარი პეპლის მაგვარი არსებები იყო მოთავსებული. თითოეული მათგანი ფრთებს აშრიალებდა, მათი ვიბრაცია, თავისებურ მუსიკალურ ბგერებს გამოსცემდა, საერთო ანსამბლში კი მსგავსი ბგერებით მელოდია იქმნებოდა. ამ საოცრებას პირდაღებული ვუყურებდი. ამის შემხედვარე გოდარს გაეღიმა.

დარბაზიდან, დერეფანში გადავინაცვლეთ. სწრაფად იარე! მანიშნა გოდარმა, გზა განვაგრძეთ და დერეფნის ბოლოში კარებს მივდექით, იგი ჩვენს თვალწინ გაიღო და მეორე დარბაზში აღმოვჩნდით. თუმცა წინასგან განსხვავებით, აქ სხვა სიტუაცია დამხვდა. ირგვლივ ბევრი სავარძელი იდგა. ერთი შეხედვით ეს ადგილი სასწავლო აუდიტორიას ჰგავდა. სავარძლები რამოდენიმე რიგად იდგა. დარბაზის შუაგულში, კი მოყვითალო ფერის, კუბის ფორმის გამჭვირვალე მაგიდა შევნიშნე. ეს ალბათ კინოდარბაზის მსგავსი განყოფილებაა, გავიფიქრე ჩემთვის. სავარძლების მოპირდაპირე კედელი, თაღებით იყო შემოფარგლული. ჭერიდან გამომავალი სინათლე, იქაურობას მქრქალი შუქით ანათებდა. იატაკი ხალიჩის მაგვარი მასალით იყო დაფარული. ზედაპირი რბილი იყო, თუმცა მასზე ფეხის დადგმისას კვალი არ რჩებოდა. ჰუმანოიდი ერთ–ერთ სავარძელში მოთავსდა და ხელით მანიშნა, მეც მის გვერდზე დავმჯდარიყავი.

ავეჯის სინთეტიკური მასალის ზედაპირი, სასიამოვნოდ ეხებოდა სხეულს. უზარმაზარ სავარძელში, თავი ცეროდენა პიგმეიდ ვიგრძენი. გოდარმა, ჩვენს წინ მოთავსებული უცნაური ფორმის მაგიდისკენ გაიწოდა ხელი, მოწყობილობაზე კუბის ფორმის გამჭვირვალე კრისტალები იყო ჩამონტაჟებული. ისინი დომინოს ქვებივით იყო ერთმანეთზე მიწყობილი და კლავიშებიან პულტს მოგაგონებდათ. ერთერთ კლავიშზე ნიშანიც მოჩანდა, ალბათ რაღაც ფუნქციის აღსანიშნავად.

ჰუმანოიდმა კრისტალს ხელი დააჭირა, და ჩვენს მოპირდაპირე კედელზე ეკრანი განათდა. იგი თითქმის მთელ კედელს მოიცავდა, ხოლო გამოსახულების ზომები ექვსიდან თორმეტ მეტრამდე აღწევდა. ამის შემხედვარე, კიდევ ერთხელ მომიცვა აღტაცებამ!


უზარმაზარ ეკრანზე, გამოსახულება შეიცვალა და ჩემს თვალწინ საომარი კონფლიქტის სცენები გამოჩნდა, როგორც მივხვდი, ეს ამერიკასა და ვიეტნამს შორის წარმოებული ომის კადრები იყო. ასეთი მაღალი დონის გამოსახულება ჯერ არსად მენახა, საოცრად ფერადოვანი, ცოცხალი და მკაფიო ფორმები იყო, ყველანაირი ხარვეზისა და ცდომილების გარეშე. ომის სცენები, ბუნების ლანდშაფტებმა შეცვალა, მერე ისევ ძალადობა, მკვლელობები, სიღარიბით და შიმშილით გაუბედურებული ხალხი, გაჩეხილი ტყეები, იავარქმნილი ბუნება, დაბინძურებული გარემო გამოჩნდა. ბოლოს ეს ყველაფერი გაქრა და უდაბნოს დიდი მასივები ვიხილე,
Go to the top of the page
 
+Quote Post
ანანდა...
post Sep 17 2010, 11:39 AM
Post #16


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



- თუმცა დედამიწელები განვითარებულ ცივილიზაციად თვლით თავს, თქვენი წარმოდგენები სივრცეში გადაადგილებაზე საკმაოდ შეზღუდულია. თქვენი საფრენი აპარატები ფრინველის ფრენის იმიტაციას ახდენს, ჩვენი ხომალდები კი პლანეტების მოძრაობის იმიტაციას.

დიდ მანძილზე მცირე დროში გადაადგილება რთული ამოცანაა.

თქვენს სამშობლოში პირველი საფრენი აპარატის გამოგონებიდან ხუთასი წელი გავიდა.

ამ დროის განმავლობაში გაუმჯობესდა ტექნოლოგიები, გაიზარდა აპარატების სიჩქარე, რამაც გადაადგილებაზე დახარჯული დრო შეამცირა. მაგრამ მანძილი ხომ იგივე დარჩა!? ამ თვალსაზრისით არაფერი არ შეცვლილა. მხოლოდ გადაადგილების საშუალებები გაუმჯობესდა.
წინათ, შორ მანძილებზე გემის საშუალებით მოგზაურობდით, ხომალდები ქარის და ზღვის ტალღების წინააღმდეგობას უმკლავდებოდნენ.

საფრენი აპარატების შემთხვევაში ეს წინააღმდეგობა აირთან ხახუნით გამოწვეული წინააღმდეგობით შეიცვალა. მომავალში შეიძლება ახალი, უფრო გაუმჯობესებული აპარატი გამოიგონოთ, რომელიც საშუალებას მოგცემთ გადაადგილებაში დახარჯული დროის რაოდენობა შეამციროთ და დანიშნულების ადგილზე უფრო სწრაფად მიხვიდეთ.

ჩვენს შემთხვევაში საქმე სხვა საშუალებასთან გვაქვს. ეს არის “სივრცითი კარი” რომლის მეშვეობითაც ჩვენ მცირე დროში ვახერხებთ კოსმოსური მანძილების გადალახვას. ეს სულ სხვა ტექნოლოგიაა, იგი მილისებურ სივრცით გვირაბს წარმოადგენს, რომელიც საშუალებას გვაძლევს შევამციროთ კოსმოსური მანძილები და ამ ფაქტორის პრაქტიკულად გაუქმების ხარჯზე მცირე დროში გადავადგილდეთ. წარმოიდგინე, თუ ჩვენი მგზავრობა ერთი ადგილიდან მეორეზე, სინათლის გავრცელების სიჩქარით მოხდება, მაშინ ამ მანძილის გადალახვისთვის ოთხი სინათლის წელი დაგვჭირდება, დრო კი თქვენი ათვლის სისტემით კიდევ უფრო ჩქარა გადის, ალბათ სახლს ათეული წლებით დაშორდები, ხოლო იმ შემთხვევაში, თუ აქ სადღაც რვა წელი დარჩები, იქ ასეული წელი გავა, თუ ამ ფაქტორს გავითვალისწინებთ, მოგზაურობა ყოველგვარ აზრს კარგავს, რადგან უკან დაბრუნებულს, შინ სულ სხვა რეალობა დაგხვდება. ის ცოდნა, რომელსაც აქ მიიღებ, იმ მომენტისთვის უკვე გამოუსადეგარი გახდება!

ასე რომ, სინათლის სიჩქარით მოგზაურობაც არ მოგვცემდა სასურველ შედეგს. ამგვარად გვრჩებოდა ერთადერთი საშუალება, სივრცითი პორტალების გამოყენება. ამ გზით ჩვენ შეგვიძლია ვარეგულიროთ სამყაროს სხვადასხვა რეგიონებს შორის უსწრაფესი კავშირები.



მარტივია იმის გაგება, რომ ორ წერტილს შორის უმოკლესი მანძილი სწორი ხაზია. მაგალითად, როცა ლიმადან უდაბნოსკენ გადაადგილდებით, ეს მანძილი სწორი ხაზია? რა თქმა უნდა არა. თქვენი პლანეტა, ისე როგორც სხვები, სფეროსებურია, მას რომ შემოუაროთ, ამ მანძილის აღსანიშნავად მრუდს მიიღებთ. ისიც ცნობილია, რომ ვარსკვლავები, რომელსაც თქვენ ცაზე ხედავთ, სინამდვილეში ფიქციაა. მათი დანახვისას თქვენ წარსულს აღიქვამთ, უყურებთ იმ ფორმას, რომელიც სინათლის სხივებით გამოგზავნილია მილიონი წლების წინ.

გარდა ამისა, ისიც გასათვალისწინებელია, რომ როგორც სხვა მატერია, სინათლის სხივიც გრავიტაციული ველის ზემოქმედებას განიცდის, მისი გავლენით სინათლე მიმართულებას იცვლის. ასე რომ, რასაც თქვენ ვარსკვლავების სახით ხედავთ, სინამდვილეში რეალობის ფარდობითი სურათია, ეს გამოსახულება მუდმივ ცვლილებას განიცდის. საქმე გვაქვს ცდომილებასთან, როცა დიდ მანძილებზე სინათლის გამოსხივება მიზიდულობის ძალის ზეგავლენით ტრაექტორიას იცვლის.

თქვენი მეცნიერები, უმთავრესად ასტროფიზიკოსები, სამყაროს, სივრცის სამ განზომილებაში განიხილავენ. მათი აზრით სიმაღლე, სიგრძე და სიგანე, მატერიის სივრცეში განლაგების აღწერისთვის საჭირო და საკმარისი პარამეტრებია. ასეთი ათვლის სისტემა მისაღებია, მაგრამ ამ სისტემიდან დანახული უნდა იქნას ახალი პარამეტრი, სივრცის მეოთხე განზომილება, სამყარო განხილული უნდა იყოს ოთხ განზომილებაში. მეოთხე განზომილება, ეს არის სივრცის ბუნება, მისი ხასიათი-დაბადოს ენერგია, შექმნას ნედლეული, რომელიც აუცილებელია, სამყაროს თვით ფორმირებისთვის. სამყარო, სხვადასხვა სიხშირის ენერგიების ერთობლიობაა. თითოეული ენერგიის სახეობას შესაბამისი ვიბრაციის სიხშირე გააჩნია!

როგორც ტელე და რადიო ტალღები თანა არსებობენ ერთმანეთთან, ისე, რომ მათი სიხშირეები ერთმანეთს ხელს არ უშლიან გავრცელებაში, ასევე უსასრულო რაოდენობის სამყაროები, თანაარსებობენ სხვადასხვა დონეზე და მდგომარეობაში. მათი მასები მანიფესტირებულია, სხვადასხვა სიხშირეზე და ვიბრაციაზე.

”ქსენდრა” გვირაბში შესასვლელი კარია, რომელიც სივრცის მეოთხე განზომილებასთან გვაკავშირებს. იგი ამავე დროს, სამყაროსეული ენერგიების სიხშირეთა უნივერსალური დეკოდერია. მისი მეშვეობით, ჩვენ განვმსჭვალავთ დროსა და სივრცეს. ამ ხერხით გადაადგილებისას, დანიშნულების ადგილამდე მანძილი თითქმის ანულირდება, ასევე ანულირდება ტრანსპორტირებული სხეულის მასაც.



- როგორც ხედავ, ჩვენ მიწისქვეშა ქალაქში ვცხოვრობთ, მაგრამ დიდი ხნის წინათ ეს ასე არ იყო. ჯერ კიდევ მაშინ, როდესაც ქედმაღალი და უმწიფარი საზოგადოება ვიყავით, ჩვენმა მეცნიერებმა პლანეტის ბუნების თავისებურად გადაკეთება გადაწყვიტეს, ეს პლანეტის ატმოსფეროს სტრუქტურის შეცვლას მოითხოვდა. საუბედუროდ ექსპერიმენტი, სერიოზული შეცდომების დაშვების გამო ჩავარდა. პლანეტის ატმოსფერული ბალანსი დაირღვა, ატმოსფეროს დამცავი შრე მწყობრიდან გამოვიდა და კოსმიური რადიაცია გავრცელდა. ამ კატასტროფამ პლანეტის ფლორა და ფაუნა მთლიანად გაანადგურა. მხოლოდ ისინი გადარჩნენ, ვინც ამ დროს სხვა პლანეტაზე იმყოფებოდა. ასე ამოწყდა ჩვენი პლანეტის თითქმის მთელი პოპულაცია.

გავიდა დრო, გადარჩენილმა კოლონიებმა გადავწყვიტეთ უკან დავბრუნებულიყავით და შეძლებისდაგვარად აღგვედგინა პლანეტა, თუმცა მისი ზედაპირი, უკვე ისე იყო გამოფიტული და გადამწვარი, რომ მასზე სიცოცხლე აღარ გაიხარებდა. მაშინ ჩვენ ავაგეთ უზარმაზარი გამოქვაბულები, ხელოვნური ადაპტირებული გარემო და ეკოსისტემა შევქმენით, ის ტერიტორია, კი სადაც ქალაქის ნანგრევები ახლაც მოჩანს, თვალსაჩინოებისთვის, ხელუხლებელი დავტოვეთ, რათა მომავალმა თაობებმა საკუთარი თვალით ნახონ, თუ სადამდე შეიძლება მიგიყვანოს, გაუგონარმა თავხედობამ, ტექნიკური განვითარებით გამოწვეულმა სიბეცემ, განდიდების მანიამ და უგუნურებამ.

პლანეტაზე, ოცდაოთხი ასეთი მიწისქვეშა ქალაქია გაშენებული. საცხოვრებელ ცენტრთან ერთად, ყველგან, სამეცნიერო კველევითი, ადმინისტრაციული, სამედიცინო და სხვა ცენტრებია აშენებული. მოკლედ ცივილიზაციის საცხოვრებლად საჭირო ყველა საშუალება გაგვაჩნია.

ხელოვნური გარემო, სრული ეკოლოგიური კონტროლით მუდმივად ნარჩუნდება. მსგავსი, სტაბილური ბიოსფეროს შესაქმნელად წლების განმავლობაში სხვა გალაქტიკებიდან, როგორც ფლორის ასევე ფაუნის სიცოცხლის ფორმების იმპორტირება ხდებოდა. მცენარეები, რომელსაც აქ ხედავ, არა მარტო სილამაზეს ქმნიან, არამედ ქალაქის ეკოსისტემის შემადგენელი ნაწილიცაა.

ატმოსფეროში საჭირო ჟანგბადის ბალანსი, ეკოკონტროლის საშუალებით მოწმდება, ასევე რეგულირდება სხვა გაზების პროცენტული რაოდენობა, ტემპერატურული ბალანსი, ჰაერის ტენიანობა და ა. შ.



- ჩვენი პლანეტის პრიმიტიული ადამიანები, ანუ შორეული წინაპრები, ერთმანეთისგან მნიშვნელოვნად განსხვავდებოდნენ. ათასწლეულების გავლის შემდეგ, გენური ინჟინერიის გამოყენებით მათი გარეგნობა შევცვალეთ და ისეთი გახდნენ როგორებიც დღეს არიან.

- რას წარმოადგენს ეს ეკრანი?

იმ დარბაზს “კოსმოსური დროის” დარბაზი ჰქვია, იქ მოთავსებულ მოწყობილობას, კოსმოსის სხვადასხვა კუთხეში მცხოვრები ცივილიზაციების შესახებ ინფორმაციის მოგროვება შეუძლია. ეს აპარატურა, მიღებულ ინფორმაციას აანალიზებს და შესაბამისი გადამუშავების შემდეგ, დასკვნით გამოსახულებას ქმნის. ამ ეკრანს მიმდინარე, ან წარსულში მომხდარი ისტორიული მოვლენის შესახებ, რეალური, ბგერითი და ხატოვანი სიგნალების მიღებაც შეუძლია. ეს აპარატი, იგივე პრინციპით მუშაობს, როგორც დიდი ტელესკოპები. ისე როგორც თქვენ შეგიძლიათ ვარსკვლავის წარმოშობის და დაღუპვის ისტორიის ფიქსაცია, ასევე ჩვენ, ათასჯერ გაზრდილი შესაძლებლობებით, ადვილად ვახერხებთ ნებისმიერი პლანეტის ცივილიზაციის განვითარების შესახებ სრული, უტყუარი ინფორმაციის მიღებას. ამ ინფორმაციის ანალიზით და შემდეგ მოვლენათა მოდელირებით, საშუალება გვეძლევა, ცივილიზაციათა ინდივიდუალური განვითარების პროგნოზირება მოვახდინოთ. სცენები, რომელსაც შენ უყურებ, წარსულია, მაგრამ ამავე დროს ისევე რეალურია, როგორც ახლა ჩვენ ვსხედვართ ამ დარბაზში. ყველაფერი ზუსტად ისე მიმდინარეობდა როგორც ხედავ, შორეულ წარსულშიც და ამჟამადაც, ყველანაირი შელამაზების გარეშე. იქნება ეს ომები, ცივილიზაციებს შორის დაპირისპირება, სოციალური, პოლიტიკური, თუ რელიგიური კონფლიქტები. ეს მექანიზმი საშუალებას გვაძლევს დავინახოთ შეცდომები, რომელმაც ამა თუ იმ მძიმე მოვლენამდე მიიყვანა საზოგადოება, ქვეყანა, თუ მთლიანად ცივილიზაცია. გარდა ამისა, დროის კოსმიურ ცენტრში, ხელოვნური მოდელირების გზით, შეგვიძლია ისეთი ვარიანტები დავამუშაოთ, რომელიც გარკვეული მიზეზების გამო ვერ განხორციელდა, ან შესაძლებელია მოხდეს. ამ მეთოდით, მომავლის პროგნოზირებას ვახდენთ. მაგალითად, როცა ჩვენ მივიღეთ ინფორმაცია, ხიროსიმაში ატომური ბომბის ჩამოგდების შესახებ, ამის პარალელურად ომის გაგრძელების სხვადასხვა ვარიანტების იმიტირება მოვახდინეთ, ეს ბომბი არ ჩაეგდოთ, როგორ და რამდენ ხანში დამთავრდებოდა ომი, რას მოუტანდა ეს კაცობრიობას შემდგომში. და ა. შ.

უნივერსალური ტექნოლოგია, ცივილიზაციის მიერ გავლილი გზის დანახვის საშუალებას გვაძლევს. მის ევოლუციას, ჩასახვიდან სრულ ფორმირებამდე, ან დაღუპვამდე. აქ კარგად ჩანს განვითარების გზაზე დაშვებული კულტურული გადაცდომები, ამა თუ იმ მოვლენის დადებითი, თუ უარყოფითი ზეგავლენა ადამიანის ჩამოყალიბებაზე.

Go to the top of the page
 
+Quote Post
irma
post Sep 19 2010, 11:54 PM
Post #17


RED soul
Group Icon

Group: Members
Posts: 129
Joined: 27-January 10
Member No.: 6,132

ნიკის ჩასმა პოსტში
მონიშნულის ციტატაში ჩასმა



ანანდა
ძალიან საინტერესოა smile.gif
Go to the top of the page
 
+Quote Post
Nicolas13
post Sep 20 2010, 06:58 PM
Post #18


WHITE soul
Group Icon

Group: Members
Posts: 1
Joined: 19-September 10
Member No.: 6,275

ნიკის ჩასმა პოსტში
მონიშნულის ციტატაში ჩასმა



თუ შეგიდზლია წყარო მიაწერე რა. საინტერესოა აშკარად
Go to the top of the page
 
+Quote Post
ანანდა...
post Sep 29 2010, 04:06 PM
Post #19


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



http://www.scribd.com/doc/17293883/Sowers-...ts-in-Peru-1974
ქართული ვერსია მთლიანად ჯერ არსად არ დევს
Go to the top of the page
 
+Quote Post
ანანდა...
post Oct 1 2010, 10:58 AM
Post #20


YELLOW soul
Group Icon

Group: Members
Posts: 652
Joined: 1-September 10
From: თბილისი
Member No.: 6,251

ნიკის ჩასმა პოსტში
მონიშნულის ციტატაში ჩასმა



-კოსმოსში განთავსებული სამყაროები, ვარსკვლავები, გალაქტიკები, პლანეტარული სისტემები და მათ შორის დედამიწაც, ბუნების სხვადასხვა კონგლომერატს წარმოადგენს. ამ უსასრულო რაოდენობის მატერიალური ობიექტების არსებობას, ერთი დანიშნულება აქვთ: იარსებონ და მუდმივი სასიცოცხლო თავშესაფარი შექმნან.

რაც არ უნდა უცნაურად და მარტივად მოგეჩვენოთ ეს არის სისტემის დანიშნულება.

უნდა გაიგოთ, რომ სიცოცხლე ვერ განვითარდება, თუ მას არ ექნა სასიცოცხლო არეალი, თავშესაფარი ან ბინა, სადაც სავსე ცხოვრებაა შესაძლებელი. მოკლედ და პირდაპირ რომ ვთქვათ: საცხოვრებელი გარემოსა და ადგილის გარეშე სიცოცხლის შექმნა ყოველგვარ აზრს კარგავს!

სივრცესა და სამყაროს ყველა ელემენტს შორის უახლოესი და უშუალო დამოკიდებულებაა. ისინი, ერთმანეთის გარეშე პრაქტიკულად არც კი არსებობენ. სახეზეა დინამიკური სუბსტანცია, რომელიც თავისუფლად მოქმედებს და მასში არსებულ მარტივ და რთულ სისტემებს გარდაქმნის. სამყაროში არსებული ცოცხალი არეალის შენარჩუნებისთვის ეს გარდაქმნა აუცილებელია.

კოსმოსი, სიცოცხლის გარეშე, სივრცეში უმიზნოდ გამოკიდებულ უსულო ქვის ნატეხს დაემსგავსებოდა!

სიცოცხლის ყველა ფორმა პლანეტის მდგომარეობაზე, კლიმატზე, კონკრეტულ არეალში შესაბამისად რეაგირებს და საერთო ჯამში მთლიანად ევოლუციაზე მოქმედებს.

პლანეტარული ეკოსისტემა ელემენტების ჯგუფია, სადაც თითოეული ელემენტი ზემოქმედებს მეორეზე, მესამეზე, მეოთხეზე და ასე შემდეგ. ეს მთლიანობაში წრეს ქმნის.

იმ შემთხვევაში, როდესაც რომელიმე ცოცხალი არსება ამ დინამიკურ ბალანსს არღვევს და ურთიერთ კომპენსაცია რაღაცით ფერხდება, მაშინ სავალალო რეზულტატს ვიღებთ.

ასეთი შედეგი რა თქმა უნდა ხელისშემშლელი აგენტის განვითარების დონეზეა დამოკიდებული, სისტემას გააჩნია უნარი, დამანგრეველი ფაქტორით გამოწვეული დანაკარგი აღიდგინოს, იგი საშუალებას იძლევა დისბალანსი შეძლებისდაგვარად პირვანდელ სტაბილურ მდგომარეობას დაუბრუნდეს.

უნივერსალურ ეკოსისტემაში, სიცოცხლე რთული და ერთობ მნიშვნელოვანი მექანიზმივით მოქმედებს, იგი თავისთავად გიგანტურ ორგანიზმში მიმდინარე სტრუქტურულ ცვლილებებს ემსახურება. მისი ფუნქციაა, ქვესისტემის ჯგუფს უფლება მისცეს, იქამდე განვითარდეს, სანამ სიცოცხლის ახალ, უფრო მაღალ არეალში გაგრძელების უნარს არ დაამტკიცებს.

ასევე მისი ფუნქციაა, “აღმოაჩინოს” აქვთ თუ არა, რიგით ცოცხალ ორგანიზმებს, გიგანტური ორგანიზმის გამყარების უნარი და საშუალება, რომ ამ ვეებერთელა სისტემასთან ერთად სამყაროს უწყვეტი და მუდმივი არსებობის ღირსნი გახდნენ.

სხვანაირად რომ ვთქვათ, სამყარო, უკვდავების მისაღწევად, სხვადასხვა სისტემების დამოუკიდებელი განვითარებიდან, საუკეთესო, ოპტიმალურ ვარიანტს “ირჩევს”, ერთგვარ “პირად ექსპერიმენტს” ატარებს, რომლის შედეგად, იგი სახიფათო აგენტებს და განვითარების ნეგატიურ ვერსიებს საბოლოოდ უკუაგდებს და აქრობს. ყველა ობიექტს, რომელსაც შეუძლია ევოლუციას ხელი შეუშალოს აუვნებლებს. გამქრალი აგენტების ნაცვლად, გზას სიცოცხლის ახალ ვარიაციებს უთავისუფლებს.

თუ პროცესი, სიცოცხლის ჰარმონიული და გონივრული მიმართულებით განვითარებისკენ წარიმართა, იმ დონემდე მივიდა, სადაც დიდი სისტემის ყველა მოთხოვნის განხორციელება გარანტირებულია, მაშინ ეს სამყარო პრივილეგიას ღებულობს, გაიზარდოს, გაფართოვდეს და უფრო დიდ სისტემაში ჩაერთოს, რათა საერთო კოსმიური ბალანსი განამტკიცოს.

ამ პროცესში დიდი სისტემა, ევოლუციის ყველა ეტაპზე მიღებულ რღვევებს და დანაკარგებს შეძლებისდაგვარად ინაზღაურებს.

სიცოცხლე სხვადასხვა მიმართულებით და განსხვავებული ეკოსისტემური პროექტებით უსასრულოდ ვრცელდება. ზოგ სამყაროს შეუძლია უწყვეტ არსებობას მიაღწიოს და უნივერსალური ეკოსისტემის შემადგენელი უკვდავი ნაწილი გახდეს, თუმცა ზოგიერთს ეს არ ძალუძს.

სამყაროს მოძრაობა, შეიძლება გარკვეულად სკოლას ადამიანი კი მოწაფეს შევადაროთ. როცა მოწაფე, ერთი კლასიდან მეორე უფრო მაღალ კლასში გადადის, სწავლების დონე და შესაბამისად მოთხოვნებიც იზრდება, შემდეგ კლასში უფრო მეტი მოთხოვნა იქნება, მერე უფრო მეტი და ა. შ.

უნდა გაიგოთ, რომ მოაზროვნე არსების წარმოქმნა, პლანეტაზე ეკოსისტემის განვითარების უმნიშვნელოვანესი სტადიაა, მისი არსებობა განსაზღვრავს, ექნება თუ არა ამა თუ იმ პლანეტას და ცივილიზაციას უწყვეტი არსებობის უნარი.

მოაზროვნე არსებები ამ შემთხვევაში გადამწყვეტ როლს თამაშობენ, ადგან ყველაზე მეტად მათ ძალუძთ დადებითი ან უარყოფითი ზეგავლენა მოახდინონ პლანეტის ცივილიზაციის განვითარებაზე.

ქვესისტემის ადეკვატური რეაქციები ევოლუციის სხვადასხვა ეტაპზე, შესაბამისი ნიშანია განვითარების ერთი სტადიის გავლისა და მორიგი ახალი სტადიის დაწყებისა. გახსოვდეთ, რომ ადამიანი ერთადერთია, ვისაც ძალუძს გარემოზე უშუალოდ იმოქმედოს, წინ აღუდგეს ბუნების მკაცრ გამოვლინებებს, მთლიანად შეცვალოს პლანეტარული ეკოსისტემის მოცემული ფორმა და ჩაანაცვლოს იგი სრულიად ახალი, მანამდე არარსებულით, მართოს ბუნების კანონები პლანეტარული ბიოსფეროს ფარგლებში.

ასეთი ცვლილებები სკრუპულოზურად უნდა განხორციელდეს, რადგან საკმარისია ერთი საბედისწერო შეცდომა, რომ დამანგრეველი პროცესი შეუქცევადი გახდეს. ამაზეც უნდა დაფიქრდეთ.

გონიერ არსებებს თავისუფლებისა და დამოუკიდებლობის მოპოვება, მხოლოდ ქვესისტემის საზღვრების გათვალისწინებით შეუძლიათ.

თანდათანობითი განვითარების უმაღლეს სტადიაზე, ცივილიზაცია ეუფლება “უზენაეს ძალაუფლებას” ამ დონის ცივილიზაციას, უკვე ხელეწიფება და აქვს უფლება საკუთარი ევოლუცია მართოს.

კარგად იცით, რომ როცა ადამიანისორგანიზმს შეუტევენ ვირუსები და ბაქტერიები იგი ამჟღავნებს დამცავ რეაქციას, რათა ავადმყოფობის მაპროვოცირებელი მიზეზი მოსპოს.

შედეგი ორნაირია, ორგანიზმი ან უმკლავდება და ანადგურებს აგრესორს-ინეფქციურ აგენტს და იმარჯვებს მასზე, ან პირიქით ხდება ორგანიზმის დაღუპვა.

მას შემდეგ, რაც ორგანიზმი აგრესორს იცილებს, მისი თავდაცვისუნარიანობა დამანგრეველ აგენტზე იზრდება, მისი წინააღმდეგობის უნარი მატულობს.

ამ გაგებით, ზოგიერთი პლანეტარული ცივილიზაცია, ერები ან ადამიანთა ჯგუფები დიდ სისტემასთან მიმართებაში შეიძლება ბაქტერიებს და ვირუსებს შევადაროთ,

ასეთი დამოკიდებულებები შეიძლება ანალოგიების სახით განვაზოგადოთ როგორც, ადამიანი დედამიწასთან მიმართებაში, დედამიწა-ადამიანთან, ადამიანი-ადამიანთან, ადამიანი-საზოგადოება, ადამიანი-სამყარო, სამყარო-ადამიანი.

სამყარო ცდილობს ადამიანი უნივერსალური ეკოსისტემის დამაბალანსირებელ აგენტად აქციოს, ეს იმას ნიშნავს, რომ მოაზროვნე არსებები გამოყენებულ იქნენ ერთგვარ ”ქვესისტემის გამომცდელებად.” ქვესისტემებია: პლანეტები ადგილობრივი ბიოსფეროთი და ეკოსისტემით, ცივილიზაციები საკუთარი კულტურით, საზოგადოება განვითარების დონით.

ადამიანი, უნდა წარმოვიდგინოთ როგორც, პლანეტარული განვითარებისთვის აუცილებელი ფუნქციონალური პროცესების, მაპროვოცირებელი აგენტი. მისი დახმარებით ირკვევა გეზი, თუ საით უნდა წავიდეს კაცობრიობა, აშკარავდება ის მიზეზები, რაც ხელს უშლის ან პირიქით ხელს უწყობს ბიოლოგიურ, ეკოლოგიურ, სოციალურ, პოლიტიკურ, ფილოსოფიური თუ რელიგიური სისტემების სწორ ფუნქციონირებას.

კერძო ინდივიდები, ადამიანთა ჯგუფები, საზოგადოებები და ერები კონფლიქტურ სიტუაციებს ქმნიან, რაც აუცილებელია გადარჩევის პროცესის დასაჩქარებლად და სისტემის ერთი დაბალი სტადიიდან, მეორე უფრო უკეთეს, ან თუნდაც უარეს სტადიაში გადასასვლელად. მსგავსი კონფლიქტებით ისინი საზოგადოებრივ სისტემებს აიძულებენ განვითარდნენ ცვლილებებისაკენ. ეს პროცესი რა თქმა უნდა არათანმიმდევრული და უწესრიგოა. მოქმედების არეალი ნელა იზრდება, დროში ფართოვდება სხვაზე გადადის და თან გადააქვს თავისი დადებითი და უარყოფითი თვისებები, თუმცა ამ გზაზე ზოგიერთი კარგი ან ცუდი თვისება, შეიძლება გამოხშირული და დაკარგული იქნას.

კაცობრიობის განვითარების ისტორია აჩვენებს მსგავსი გადარჩევის პროცესის მიმდინარეობას, რაღა თქმა უნდა ამ პროცესის მექანიზმებიც არსებობს. იგი განუწყვეტლივ მუშაობს, ზემოქმედებს ყველა ობიექტზე, თუ სუბიექტზე და მიდრეკილია, დიდ სისტემაში არსებული ქვესისტემის დროებითი წონასწორობის შენარჩუნებისაკენ. ყოველ ჯერზე, როცა ცხოველი, ადამიანი, საზოგადოება, ერი, კვდება, მომავალში იქმნება შესაძლებლობა, მათი ადგილი სხვა ახალმა ელემენტმა დაიკავოს.

უნივერსალური სისტემისთვის ეს ის შემთხვევაა, როცა “ექსპერიმენტი” წარუმატებლად მთავრდება. ასეთ შემთხვევაში ადგილი ეთმობა სხვა ვარიანტს.

რეალობაში ასე ხდება მაშინ, როცა კაცობრიობა არასწორი გზით ვითარდება, როცა საზოგადოების პოტენციალი არადანიშნულებისამებრ გამოიყენება. ამ დროს სისტემა, სადაც ასეთი გარემოა, იწყებს დაცვითი ფუნქციის გააქტიურებას, რაც საფრთხის გამომწვევი აგრესორის განადგურებით მთავრდება.
მთლიანობაში დიდი სისტემა და ქვესისტემა გადადიან საერთო მოქმედების რეჟიმში, ისინი ყველა საშუალებით ცდილობენ საერთო სტაბილიზაციის მიღწევას და კოსმოსის ჰარმონიული, უნივერსალური წესრიგისკენ წარმართვას.

უნივერსალურ კანონებს, არანაირი პირადი დაინტერესება, ან ტენდენცია არ გააჩნიათ. უნივერსალური, ანუ დიდი ეკოსისტემა, წააგავს ვეებერთელა ორგანიზმს, რომელიც მუდმივი არსებობის შენარჩუნებას ცდილობს და ამისთვის იმ სიცოცხლის ფორმებს ირჩევს, ვინც ევოლუციის პროცესში სისტემის ბალანსის და ჰარმონიულობის შემანარჩუნებელ ძლიერ ერთეულებად ჩამოყალიბდნენ. მათ კი, ვინც მას უკვდავებისაკენ მოძრაობაში ხელს უშლის აუვნებლებს.

პროცესის სვლა არანაირ ძალას არ ემორჩილება, არც ჩვენ, და არც არანაირ ღვთაებებს.





უსასრულო სამყაროები ისე თანა არსებობენ, რომ ერთმანეთის განვითარებაში არ ერევიან. ის რაც კვდება შეიძლება ისევ აღდგეს. ადამიანში ღრმა ვლინდება მასზე ფიქრის დროს, იმის შემეცნებით თუ როგორია მის მიერ წარმოქმნილი სამყაროები.

ყველაფერი უწყვეტ ტრანსფორმაციას განიცდის, არ არსებობს საგანი, რომელსაც შეუძლია სტატიკურ წონასწორობაში დარჩეს, ნებისმიერი სტატიკურობა ირღვევა განუწყვეტელი ზემოქმედებით მანამ, სანამ იგი ორგანიზებულ დინამიკურ წონასწორობას არ მიაღწევს, ეს მდგომარეობაა ღმერთის საბოლოო მიზანი!

სამყაროში ორი მოცემულობაა: უწყვეტობა და კვდომა. პროცესები ევოლუციური განვითარების კანონთა ჯაჭვით კონტროლდება, თუ ადამიანი, საზოგადოება, ცივილიზაცია, ამ კანონებს ემორჩილება, მაშინ იგი წარმატებას და აღმასვლას აღწევს, თუ არა და მას დეგრადაცია, ქაოსი და კვდომა ელოდება.

ადამიანში არსებული განუვითარებლობა და ეგოიზმი, ჯერ კიდევ არ ნიშნავს რომ იგი ცუდია. თქვენს საზოგადოებას, რეალობის გასარკვევად, ცოდნა, სწორი წარმოდგენები აკლია, თქვენ არ იცით, რომ ყველა არასწორი საქციელი, თქვენვე გაზიანებთ და განგრევთ!

ბოროტება უნდა განვიხილოთ, როგორც უგუნურებით გამოწვეული საქციელი, რომელსაც გაქრობამდე-სიკვდილამდე მიჰყავხართ! ისევ გიმეორებ, ბოროტება და სიკეთე თქვენეული გაგებით არ არსებობს. სიკეთე არასრულფასოვნების, უგუნურების, სიბრიყვის გადალახვაა, რომელსაც სიმწიფემდე მივყავართ და პირიქით ბოროტება-უგუნურება, არცოდნა და განუვითარებლობაა, რომელსაც გადაშენება და კვდომა მოაქვს.

ცხოვრებაში, თქვენ უამრავ სისასტიკეს, ძალადობას, ჩაგვრას აწყდებით, ეს ყველაფერი პრიმიტიული და უგუნური საზოგადოების თვისებაა. თქვენთან ბოროტებას პერსონფიცირებული სახე აქვს, იგი ერთეულ სუბიექტებს, ან მითიურ პერსონაჟებს მიეწერებათ. ასევეა სიკეთეც. ფიქრობთ, რომ ეს ყველაფერი იმ ბოროტი ადამიანების და ავი სულების ბრალია, ვინც ყოველ დღე თქვენზე სანადიროდ დაძრწის. იმ პირების ბრალია, ვინც ძალაუფლებას ფლობს. ისინი მიგაჩნიათ ყველა ბოროტების, თქვენს თავზე არსებული ყველა პრობლემის სათავედ. შემდეგ რა ხდება!? მორწმუნე ხალხი ამ რეალობას უარყოფს, განუდგება, მაგრამ წინააღმდეგობის გაწევას არც ფიქრობს, რადგან მათი რწმენით ყველაფერი ღვთის ნებაა. აი ეს მდგომარეობაა ბოროტება, ეს უშლის ხელს თქვენს განვითარებას და პროგრესისკენ სვლას! თქვენ ხომ თავიდან იხსნით მთელ ვალდებულებას, საკუთარი და თანამოძმის ამ მძიმე ხვედრზე, აბარებთ რა მთელ პასუხისმგებლობას იმ ძალას, რომელსაც უფალს უწოდებთ, რომლის ხელშიც თავი მარიონეტებად წარმოგიდგენიათ.

პოზიცია, რომ წინააღმდეგობის გაწევას აზრი არა აქვს, რომ ყველაფერი ღმერთის ნებით ხდება, თქვენთან ჯერ კიდევ შუა საუკუნეებიდან არსებობს. ამ მოსაზრებიდან გამომდინარე, თქვენს პლანეტაზე უამრავი ადამიანი იქნა ფიზიკურად განადგურებული. მიუხედავად იმისა, რომ მას შემდეგ დიდი დრო გავიდა, თითქმის არაფერი არ შეცვლილა, თქვენთან ამ აზრზე მაინც ბევრია, მხოლოდ ტექნოლოგიები დაიხვეწა, წარმოების საშუალებები გაიზარდა და ჩაცმულობა გამოიცვალა, დანარჩენი იგივე დარჩა. უფრო მეტიც, ფიზიკურ სიკვდილს, თქვენს რეალობაში სულიერი სიკვდილი დაემატა. ცხოვრების მიმართ შიში გაიზარდა და ცრუმორწმუნეობის ზეგავლენა დღეს თქვენთან გაცილებით მეტია, ვიდრე ეს ოდესმე იყო.

სამყაროში ორი მოცემულობაა: უწყვეტობა და კვდომა. პროცესები ევოლუციური განვითარების კანონთა ჯაჭვით კონტროლდება, თუ ადამიანი, საზოგადოება, ცივილიზაცია, ამ კანონებს ემორჩილება, მაშინ იგი წარმატებას და აღმასვლას აღწევს, თუ არა და მას დეგრადაცია, ქაოსი და კვდომა ელოდება.

ადამიანში არსებული განუვითარებლობა და ეგოიზმი, ჯერ კიდევ არ ნიშნავს რომ იგი ცუდია. თქვენს საზოგადოებას, რეალობის გასარკვევად, ცოდნა, სწორი წარმოდგენები აკლია, თქვენ არ იცით, რომ ყველა არასწორი საქციელი, თქვენვე გაზიანებთ და განგრევთ!

ბოროტება უნდა განვიხილოთ, როგორც უგუნურებით გამოწვეული საქციელი, რომელსაც გაქრობამდე-სიკვდილამდე მიჰყავხართ! ისევ გიმეორებ, ბოროტება და სიკეთე თქვენეული გაგებით არ არსებობს. სიკეთე არასრულფასოვნების, უგუნურების, სიბრიყვის გადალახვაა, რომელსაც სიმწიფემდე მივყავართ და პირიქით ბოროტება-უგუნურება, არცოდნა და განუვითარებლობაა, რომელსაც გადაშენება და კვდომა მოაქვს.

ცხოვრებაში, თქვენ უამრავ სისასტიკეს, ძალადობას, ჩაგვრას აწყდებით, ეს ყველაფერი პრიმიტიული და უგუნური საზოგადოების თვისებაა. თქვენთან ბოროტებას პერსონფიცირებული სახე აქვს, იგი ერთეულ სუბიექტებს, ან მითიურ პერსონაჟებს მიეწერებათ. ასევეა სიკეთეც. ფიქრობთ, რომ ეს ყველაფერი იმ ბოროტი ადამიანების და ავი სულების ბრალია, ვინც ყოველ დღე თქვენზე სანადიროდ დაძრწის. იმ პირების ბრალია, ვინც ძალაუფლებას ფლობს. ისინი მიგაჩნიათ ყველა ბოროტების, თქვენს თავზე არსებული ყველა პრობლემის სათავედ. შემდეგ რა ხდება!? მორწმუნე ხალხი ამ რეალობას უარყოფს, განუდგება, მაგრამ წინააღმდეგობის გაწევას არც ფიქრობს, რადგან მათი რწმენით ყველაფერი ღვთის ნებაა. აი ეს მდგომარეობაა ბოროტება, ეს უშლის ხელს თქვენს განვითარებას და პროგრესისკენ სვლას! თქვენ ხომ თავიდან იხსნით მთელ ვალდებულებას, საკუთარი და თანამოძმის ამ მძიმე ხვედრზე, აბარებთ რა მთელ პასუხისმგებლობას იმ ძალას, რომელსაც უფალს უწოდებთ, რომლის ხელშიც თავი მარიონეტებად წარმოგიდგენიათ.

პოზიცია, რომ წინააღმდეგობის გაწევას აზრი არა აქვს, რომ ყველაფერი ღმერთის ნებით ხდება, თქვენთან ჯერ კიდევ შუა საუკუნეებიდან არსებობს. ამ მოსაზრებიდან გამომდინარე, თქვენს პლანეტაზე უამრავი ადამიანი იქნა ფიზიკურად განადგურებული. მიუხედავად იმისა, რომ მას შემდეგ დიდი დრო გავიდა, თითქმის არაფერი არ შეცვლილა, თქვენთან ამ აზრზე მაინც ბევრია, მხოლოდ ტექნოლოგიები დაიხვეწა, წარმოების საშუალებები გაიზარდა და ჩაცმულობა გამოიცვალა, დანარჩენი იგივე დარჩა. უფრო მეტიც, ფიზიკურ სიკვდილს, თქვენს რეალობაში სულიერი სიკვდილი დაემატა. ცხოვრების მიმართ შიში გაიზარდა და ცრუმორწმუნეობის ზეგავლენა დღეს თქვენთან გაცილებით მეტია, ვიდრე ეს ოდესმე იყო.

ცხოველები და ადამიანები ერთმანეთისგან უნდა განასხვაოთ! ცხოველები ინსტინქტებით მოქმედებენ, მათ ქცევებში არ არის ცუდი და კარგი საქციელი, ისინი თანმიმდევრულად რეაგირებენ ბუნებასთან, და გარემო პირობების შესატყვისად მრავლდებიან. მათგან განსხვავებით, ადამიანი მოაზროვნე არსებაა, იგი აღჭურვილია დამოუკიდებელი გადაწყვეტილების მიღებისა და გარემოსთან გამიჯვნის უნარით. მას ინტელექტის გამოყენებით, საკუთარი მოთხოვნილებების და ქცევების რეგულირება შეუძლია.

თქვენმა პოპულაციამ, ინსტინქტის უგულებელყოფით, შინაგანი ხმის მოსმენის უნარი დაკარგა, რამაც საზოგადოებას სიცოცხლის შენარჩუნების ბუნებრივი საყრდენი გამოაცალა.

ადამიანი თავს მოაზროვნე არსებად კი თვლის, მაგრამ სიბრძნის დაუფლებამდე, იგი ჯერ კიდევ შორსაა, მისი ემოციები, გონიერებაზე უფრო ძლიერია, რაც მასში ერთობ დელიკატურ პრობლემას ქმნის.

თქვენთვის მნიშვნელოვანია, რომ ემოციები და გრძნობები, ერთმანეთში არ აგერიოთ. გრძნობების ერთდროული განცდა, მნიშვნელოვნად განსხვავდება, თქვენში გუნება განწყობის ცვალებადობასთან, ეს ორივე, ერთი და იგივე არ გახლავთ.

ვიმეორებ, ადამიანებმა ინტელექტის განვითარებასთან ერთად მიატოვეს ინსტინქტები და რეალობასთან ურთიერთობაში გონებრივი რესურსების გამოყენება არჩიეს, ცხადია ამან შემეცნების უნარი გაზარდა, ბევრი ცოდნა და გამოცდილება შესძინა.

მაგრამ პარალელურად გაჩნდა საშიშროება, ამ ყველაფრის არადანიშნულებისამებრ გამოყენებისა. ასეთი ცვლილებებით, ადამიანმა დაკარგა საჭირო უნარები, რაც ევოლუციის გზაზე, სწორი გეზის არჩევაში დაეხმარებოდა.

ეს საკმაოდ რთული მდგომარეობაა! მოაზროვნე არსებათა უმრავლესობა ვერ გარკვეულა, როგორ უნდა გაანაწილოს გონების, გრძნობების და ემოციების ფუნქციები ისე, რომ რეალობის ადეკვატური შეფასება შეძლოს, ამის სავალალო შედეგი სახეზე გაქვთ!

უნდა გაიგოთ, რომ ინტუიციას, ან თუნდაც შეგრძნებათა სრულ კომპლექსსაც არ ძალუძთ, დაგაზღვიონ სერიოზულ შეცდომების დაშვებისგან. უნდა მიხვდეთ, რომ როგორც ემოციებისა და გრძნობების, ასევე მათი მოქმედების სფეროც შემოსაზღვრულია.

გონიერი არსებების ქმედება, ზემოთ აღნიშნული ყველა პარამეტრის დაბალანსების ფარგლებში უნდა ხდებოდეს. ქცევა გაანალიზებული და ორგანიზებული უნდა იყოს, რათა საშუალება მოგეცეთ, ადეკვატურად ასახოთ, თქვენი გრძნობები და განცდები. გონების, გრძნობის და ემოციების ბუნებრივი თანმიმდევრობა არ უნდა დაირღვეს.

არ გეგონოთ, რომ ამ შემთხვევაში თქვენ ცივი და უგრძნობი გახდებით, პირიქით, თქვენ შეძლებთ განიცადოთ გრძნობათა კომპლექსის მთელი სპექტრი. უნდა გახსოვდეთ, რომ ეს უნარი მაშინ მიიღწევა, როცა თვით ამ გრძნობების სიღრმეს და არსს ჩასწვდებით.

მდგომარეობა-როცა შეიგრძნობ და თან ამ გრძნობების შესახებ ყველაფერი იცი-საქმის კურსში ხარ, საშუალებას იძლევა გრძნობათა ინტენსიურობა გაზარდო და მათი მოქმედების დრო გაახანგრძლივო. ასეთი ცნობიერების მქონე ადამიანის გრძნობათა ამპლიტუდა, მნიშვნელოვნად მაღალი და დახვეწილია. სწორედ ეს განასხვავებს ადამიანს ცხოველისაგან.

მაგრამ რაოდენ საწყენია, რომ თითქმის ყველა ადამიანი უკუღმა იქცევა, იმართლებს რა თავს ცხოვრების მძიმე პირობებით, სრულად იქვეითებს ბუნებრივ ინსტინქტს, გრძნობათა უნარს სამყაროს რეალური აღქმისა.

დანახვა და შეგრძნება, მარტო ის კი არ არის, ავტომატური რეაქცია მოვახდინოთ შინაგან და გარეგან გამღიზიანებელზე, ან ის, რომ ყველას ვაჩვენოთ როგორი ემოციები გვაქვს; ადამიანი თავის გრძნობებს ხარისხობრივად უყურებს და სხვადასხვა ინტენსიურობით მაღალ ვარიაციებად აღიქვამს, ისეთი გრძნობები როგორიცაა სიახლოვე, სიმპათია, ანტიპათია, სიყვარული, უშუალო და სიღრმისეული უნდა იყოს, ისინი სწორად უნდა იქნან იდენტიფიცირებულნი და შეფასებულნი;

ნებისმიერი არსება, რეალობის ამსახველი, სხვადასხვა ტიპის დეტექტორია, მათ შესაბამისი ხარისხით შეუძლიათ, ინფორმაციის მიღება და მისი ინტერპრეტაცია.

რა დონეზეც არის განვითარებული ცოცხალი არსება, ისეთი სიზუსტით შეუძლია: ბგერებით, მეტყველებით, მოძრაობით ან სხვა ფორმით გადმოცემული ინფორმაციის მიღება, დეკოდირება; ადამიანი, სხვა არსებებისგან განსხვავებით, ამას ყველაზე კარგად ახერხებს, რადგან მას აქვს უნარი, თავის შეგრძნებებს გაემიჯნოს და ისე ასახოს რეალობა, სხვებს ეს უნარი არ გააჩნიათ.

ევოლუციის პროცესი ნელა მიმდინარეობს, ეს რთული გზაა, ყოველ ეტაპზე, ხელისშემშლელ ფაქტორებსაა აქვთ ადგილი, ისინი თითქმის ყველა ქმნილებაშია განაწილებული.

ადამიანი ამ ფაქტორებს კი არ აღმოფხვრის, არამედ ხელოვნურად ცდილობს სხვა ალტერნატიული გარემო შექმნას. ასეთი ხერხით იგი დღემდე თავს არიდებს პასუხისმგებლობას და ასე იადვილებს ცხოვრებას.

უმრავლესობა, ცდილობს მუდმივად რაღაცით იყოს დაკავებული, რათა საკუთარი შინაგანი კონტროლის მექანიზმიდან წამოსული უარყოფითი სიგნალები ვერ გაიგოს. მათი აზრით მძიმე ყოველდღიურობა არ იძლევა იმის საშუალებას, რომ რაიმე ამაღლებულზე იფიქრო.

მასის ძირითადი მიზანია, დროის გატარება და გართობა, რაც ცხოვრების ერთფეროვნებისგან გაქცევის საუკეთესო თავდაცვითი საშუალებაა.

სიცოცხლე თქვენი აზრით იმისთვის არსებობს, რომ შრომაში და გარჯაში დაიხარჯო, და ასე მუშაობაში გალიო დღენი!?

ასეთი ყოფა გამართლებული ხდება, თქვენთან არსებული სახელმწიფოებრივი მოთხოვნებით, და იმაზე არავინ არ ფიქრობს რომ ცხოვრების ეს წესი არასოდეს არ მოგცემთ შანსს ღმერთის და სიცოცხლის არსის შემეცნებისას, არ მოგცემთ საკუთარი შესაძლებლობების, პოტენციალის გამოვლინების საშუალებას.

იმისთვის რომ შემოქმედი შეიმეცნოთ, შეისწავლოთ მისი მიზნები და მექანიზმები, რომლითაც ეს ძალა ვლინდება, ხელოვნური თვით შეზღუდვები უნდა მოიხსნათ.

ევოლუციის პროცესში აუცილებელია საზოგადოების სწორი ორიენტაცია. მიზანმიმართული და თანამიმდევრული გარდაქმნები სასიცოცხლო და მნიშვნელოვანი მომენტია ცივილიზაციის განვითარებისთვის.

განვითარებული საზოგადოება რეაქციას მოახდენს თითოეულ ინდივიდზე და მასში კონსტუქციული და ჰარმონიული ცნობიერების ჩამოყალიბებას ხელს შეუწყობს!

რა თქმა უნდა ადვილია მოსახერხებელ სიტუაციაში ყოფნა, მარტივია ისეთ გარემოში ყოფნა სადაც ყველასთვის მისაღები პრინციპებით იცხოვრებ, ადვილია ასე იარო გაკვალული ბილიკებით, ვიდრე ჭეშმარიტების ძიების რთულ და სახიფათო გზას დაადგე, ცხოვრების მძიმე პირობებით გაჭირვებული ადამიანისთვის, კი ძალზედ ძნელია, კარგად შენიღბული და ათასი ილუზიებით დევალვირებული ჭეშმარიტების ძიება.

სიყვარულის უნარი, პატივისცემა, შემოქმედება, ვალდებულების გრძნობა, ამ თვისებებით ცხოვრება, არც თუ ისე ადვილია, ეს ყველაფერი სიკეთეა, იგი თქვენშია და არა სადმე წიგნებში ან კულტურულ გადმოცემებში. შინაგანი პოტენციალის რეალიზაციის გზაზე ეს გრძნობები თანდათანობით გაიხსნება თქვენში.

ეს ერთგვარი დიალოგია შინაგან და გარე სამყაროსთან, სიძნელეების გადალახვის გზაა, ურთიერთგაგების და აღმოჩენის გზაა, იმ კოსმიური პიროვნების აღმოჩენისა, რომელიც სამყაროს ეგზისტენციაში ძევს და თავისი არსით სრულყოფილებასა და საყოველთაო ჰარმონიას წარმოადგენს.

ეს პროცესი ცნობიერი აქტია, რომელიც მაშინ მიიღწევა, როცა ადამიანის სულიერება მის ცოდნასა და გონიერებზე იქნება დავანებული, სიბრძნეზე იქნება ორიენტირებული, როცა საკუთარ თავზე აიღებ მთელ პასუხისმგებლობას სიმართლის დაცვაში, აკეთებ იმ საქმეს, რომელიც ბევრ სიკეთეს გაშორებს. ამ გზაზე თქვენ სხვა ცოდნას შეიძენთ, არა ისეთს, რომლის სისწორეშიც ადრე ეჭვი გეპარებოდათ, და რომელიც დრო და დრო გატყუებდათ, ამ მდგომარეობაში თქვენ ერთი უნივერსალური ჭეშმარიტების მფლობელი ხდებით!

თუ კაცობრიობა განუდგება, საერთო, საზოგადოებრივ, სოციალურ, და კულტურულ განვითარების კანონებს, მაშინ ვერც ცალკეული ინდივიდი და ვერც მთელი პოპულაცია ამ მდგომარეობას ვერ მიაღწევს.


ერთადერთი რეალური და სწორი ნაბიჯი ევოლუციის გზაზე თქვენი ცნობიერების გარდაქმნა, თვალსაწიერის გაფართოვებაა, რათა თქვენი არსებული მენტალიტეტი, მაღალ, უნივერსალურ ცნობიერებაში გადავიდეს. ამით თქვენ მოგეცემათ საშუალება ღრმად შეიცნოთ და იგრძნოთ სიცოცხლის არსი და მისი ჭეშმარიტი გამოვლინება. ეს ცოდნა მოგეცემათ, იმისთვის, რათა მომავალში სხვასაც გადასცეთ. თქვენი გამოცდილება და სიხარული სხვებსაც გაუნაწილოთ. დაეხმაროთ, მსგავსი უნარების, საკუთარ თავში აღმოჩენაში. ხელი უნდა გაუმართოთ იმ ხალხს, ვინც თქვენსავით დაინტერესებულია სამყაროსეული საიდუმლოების შეცნობაში, რათა ამ გზით ჭეშმარიტ თავისუფლებას ეზიაროს!

გიგანტურმა ეკრანმა ისევ მიიქცია ჩემი ყურადღება, მაგრამ ის უკვე გამორთული იყო, მთელი დარბაზი თითქოს გოდარის საუბრისგან ვიბრირებდა, რამდენი შეცდომები აქვს კაცობრიობას დაშვებული, როგორ უნდა მოიქცეს დედამიწის ცივილიზაცია, რომ ამ მძიმე სიტუაციიდან გამოვიდეს!? გავიფიქრე ჩემთვის, თუმცა გოდარის ნაამბობიდან, უკვე შემეძლო პასუხის გაცემაც, მაგრამ პასუხი არა ერთმნიშვნელოვანია, და ადამიანთა უმეტესობა მას ვერც გაიგებს, მათ ხომ დაქვეითებული აქვთ რეალობის ადეკვატური აღქმის უნარი და შედეგად მათი წარმოდგენები ისევ იმ საბაზისო პარადიგმებით იქნება განმტკიცებული, რაც დღემდე არსებობს მათ წარმოდგენებში, თუმცა ზოგიერთმა შეიძლება ინტუიციურად მიაგნოს კიდეც სწორ გზას, შეიმეცნოს ჭეშმარიტების ის ნაწილი, რომელიც მიახვედრებს ამ პრობლემის გადაჭრის ხერხს, მაგრამ ერთეული პირებისთვის ეს გლობალური პრობლემა, არც თუ ისე ადვილად გადასაწყვეტი იქნება.

იგი მთლიანობაში, უნდა განვიხილოთ, როგორც ადამიანთა სიმრავლის ევოლუცია, როცა ჩვენი სული და გონება მწიფობის მისაღწევად მიზანმიმართულად იქნება გამოყენებული, როცა ადამიანთა ჯგუფები დაუკავშირდებიან ერთურთს და მზად იქნებიან ახალი ცნობიერების მისაღებად, აი სწორედ მაშინ დავუბრუნდებით იმ გზას, რომლიდანაც გადავუხვიეთ. აზროვნების უნარი და სულიერება მოგვცემს “სასწაულის”, დედამიწაზე უნივერსალური სიცოცხლის შექმნის საშუალებას.

გოდარის სიტყვები გამახსენდა: “თქვენ ადამიანებს მათი გარეგნობის მიხედვით აფასებთ, ყურადღებას მხოლოდ აშკარა რეალობაზე ამახვილებთ-აქცენტს აკეთებთ მის მატერიალურ მხარეზე. ადამიანის გარჩევის უნარიანობის ასეთი დონე ძალიან დაბალია.

იმის მაგივრად, რომ ცნობიერების არეალი გაიფართოვოთ და კოსმოსი უკეთესად შეიმეცნოთ, თქვენ ძალიან ვიწრო თვალსაწიერით ოპერირებთ, თქვენი ყურადღება, მხოლოდ რეალობის ხილულ ნაწილზეა კონცენტრირებული”.



რას წარმოადგენს სინამდვილეში ადამიანი, რომელსაც საკუთარი პოტენციალი, როგორც აღმშენებლობის, ასევე ნგრევისთვისაც შეუძლია გამოიყენოს. დიდ რბილ სავარძელში ამ ფიქრებში გართული ვიჯექი და კითხვებზე პასუხებს ვეძებდი.

გოდარი თითქოს ჩემს ფიქრებს კითხულობსო, საუბარში ჩაერთო:

- სამყაროს საიდუმლო, რომ უკეთესად შეიცნო, ჯერ მისი აგებულება უნდა გააცნობიერო, იგი ერთი, მთლიანი, რთული ორგანიზმია. მისი თითოეული ნაწილი, ასევე ამ ორგანიზმის დეტალია. ყველაფერ ამას, ჩვენ ”უნივერსალურ ეკოსისტემას” ვუწოდებთ.

ეს ადგილია, სადაც სიცოცხლე ვითარდება, ორგანიზმები იბადებიან, ვითარდებიან, გარემოსთან შეთავსებას, ადაპტირებას ცდილობენ და პარალელურად იმავე გარემოს გარდაქმნაშიც მონაწილეობენ, სადაც ცხოვრობენ.

კოსმოსში არსებული უამრავი პლანეტა ერთმანეთისგან ფლორითა და ფაუნით განსხვავდება, ამ სხვაობას არსებული შინაგანი და გარეგანი ფაქტორები განაპირობებენ, სხვა სიტყვებით რომ ვთქვათ პლანეტაზე არსებული სიცოცხლის სხვადასხვაობა გამოწვეულია მასზე მაცხოვრებელი ცოცხალი ორგანიზმების განსხვავებული ცხოვრების წესით და პლანეტის გარემოს ჩამოყალიბებაში მონაწილეობით. რაც იმას ნიშნავს, რომ ყველა ცივილიზაცია თავის კონტროლის ქვეშ აქცევს პლანეტის ეკოსისტემის განვითარებას. ფლორისა და ფაუნის წარმომადგენლებთან ერთად აკონტროლებს პლანეტის მეტაბოლიზმს, რაც ზემოქმედებას ახდენს მასზე და ერთ გიგანტურ თვით შემნახავ სისტემად გარდაქმნის.

თქვენს მეცნიერებს, უკვე დიდი დრო აღარ დასჭირდებათ იმის აღმოსაჩენად, რომ ჟანგბადი, რომელიც სიცოცხლის აუცილებელ კომპონენტს წარმოადგენს, ორი მილიარდი წლის წინათ თქვენს პლანეტაზე ჯერ კიდევ არ არსებობდა, მისი წარმოქმნა პირველი მცენარეების გაჩენამ გამოიწვია, მცენარეთა სამყარო ფოტოსინთეზის რეაქციის შედეგად აკონტროლებს ატმოსფეროში არსებულ აირებს, ტემპერატურას, ტენიანობას, ზემოქმედებს კლიმატის შექმნაზე და მის სტაბილიზაცია, შენარჩუნებაზე. ტყეების გაჩეხვამ, ზღვებისა და ოკეანეების დაბინძურებამ, მიწის გამოშრობამ და ეროზიამ, თქვენს პლანეტაზე შეიძლება ბუნებრივი კატაკლიზმები გამოიწვიოს, რაც ადამიანისთვის უბედურების მომტანია.



- მცენარე არა არის ის ერთადერთი წყარო, რითაც დედამიწის ატმოსფერო ჟანგბადით მდიდრდება. ზღვაში და ოკეანეში ბინადრობს მიკროსკოპული ორგანიზმი, რომელსაც თქვენი მეცნიერები პლანქტონს ეძახიან.

პლანქტონი, დედამიწაზე ჟანგბადის წარმოქმნის ერთერთი მთავარი გენერატორია. პლანქტონების სხვა სახეობებიც არსებობენ, რომლებიც ჰაერში აორთქლების შემდეგ ქიმიურ ელემენტებად გარდაიქმნებიან და ღრუბლების სიმკვრივის კორექტირებაში მონაწილეობას ღებულობენ.

სიცოცხლის ნებისმიერი ფორმა, როგორც უზარმაზარი ორგანიზმის რიგითი ელემენტი, თავის როლს ასრულებს ადგილობრივი ეკოსისტემის შენარჩუნებაში. სამყაროში ზედმეტი არაფერია, ყველაფერს, რაც არსებობს, თავის აზრი და დანიშნულება გააჩნია..

ყველაფერი მომართულია ერთი განსაზღვრული მიზნისკენ.

თითოეული მათგანი, თავის როლს ასრულებს სრულყოფილი ბალანსის ჩამოყალიბებაში. თუ ამ მიმართულებისაკენ სვლაში შეფერხებები ჩნდება, მაშინ პროცესის რეფორმირება იწყება.

პლანეტარული ორგანიზმი ბალანსის დამრღვევ აგენტზე რეაგირებას ამჟღავნებს, მსგავსად იმისა, როგორც ცოცხალი ორგანიზმი ვირუსზე ან ბაქტერიაზე რეაგირებას იწყებს, და ამ შემაფერხებელ აგენტს ანადგურებს.

ადამიანი, იმის მაგივრად რომ ამ პროცესში საერთო პლანეტარულ ორგანიზმთან თანამშრომლობდეს, პლანეტის ეკოსისტემას იცავდეს და ამით საკუთარ სიცოცხლესაც ინარჩუნებდეს, როგორ იქცევა?

პლანეტის სიმდიდრეს, მის ბუნებრივ რესურსებს უყაირათოდ ხარჯავს, გარემოს ეკო სტრუქტურაზე დამანგრეველად მოქმედებს. თუ ასე გაგრძელდა და არ მოხდა პლანეტის გამოჯანსაღება, ეს მდგომარეობა კატასტროფულ შედეგს მოიტანს, ბუნებაში ჟანგბადის რაოდენობა დაიკლებს და სუნთქვის პროცესი გართულდება.

ამასთან ერთად ეს ატმოსფეროს შემადგენლობაზეც იმოქმედებს და მის დამცავ შრეს მწყობრიდან გამოიყვანს, რადიაციული გამოსხივება გაიზრდება, რაც ადამიანის გენეტიკაზე იმოქმედებს, მუტაციები გახშირდება.

ენერგეტიკული რესურსის უმისამართოდ ხარჯვით, მისი მარაგი დედამიწაზე ამოიწურება, მიწის უშველებელი მასივები, მოსავლის მისაღებად გამოუსადეგარი გახდება. ჯაჭვური რეაქცია დაიწყება, რაც მთელი დედამიწის ეკონომიურ კრიზისს გამოიწვევს. ამას სოციალური ქაოსი მოჰყვება, რაც მომავალში სავალალო შედეგებს მოიტანს.


Go to the top of the page
 
+Quote Post

7 Pages V   1 2 3 > » 
Reply to this topicStart new topic
1 User(s) are reading this topic (1 Guests and 0 Anonymous Users)
0 Members:

 



Lo-Fi Version Time is now: 29th March 2024 - 06:41 AM