IPB

Welcome Guest ( Log In | Register )

2 Pages V   1 2 >

დათო.
Posted on: Mar 25 2019, 09:47 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


მართალია, ადამიანი, როგორც ერთი მთლიანობა, ისე გვევლინება, მაგრამ იგი ძალიან ბევრი მესაგან, ჭრილისგან შედგება.
ზოგი იმდენად სკრუპულოზურია, ვერც სახელს დაარქვევ, ვერც აღქმის მხრივ შენიშნავ.
ძალზე იშვიათია, როდესაც ორ ადამიანს შორის, თითოეული ჭრილის კორელაცია დგება და ძირითადად, სწორედ ეს არის პრობლემა.
ინტიმური ჭრილი, სხვა ჭრილების მსგავსად, მკვეთრად ეგზისტენციალურია, იმდენად რომ მის მოდიფიცირებას ვერ მოახდენ.
შესაძლებელია, ამ მხრივ, ფიზიკურ დონეზე თუკი არსებობს პრობლემა, ერთობლივი ძალისხმევის შედეგად, საბოლოოდ, აღმოფხვრად, მაგრამ თუ არის, ასე რომ ვთქვათ, გემოვნებათა შორის სხვაობა, საერთო კონსესუსამდე, რაც არ უნდა რესურსი გაწიოთ, ვერ დაგხვალთ. ეს არის თავისთავად მოცემული – მაშასადამე, ან დგება თანხვედრა, ან არა და სამწუხაროდ, აქ სხვა ალტერნატივა არ არსებობს.
ასე რომ, რაც შენ ხელთ არის ახლა, უნდა გაარკვიო, იქნებ და, ეს შეუსაბამობა ფიზიკურობიდან წარმოიშვება, რაც აგრეთვე, არცთუ ისე მწირი შემთხვევაა ხოლმე. და თუკი, მართლაც, ფიზიკურია მხოლოდ და გემოვნების მხრივ, არ გაქვთ ფუნდამენტალური სხვაობა, მაშ, დიდი ალბათობით, მოგვარებადია. რა, როგორ, რანაირად, თუ ამრიგად დადგინილი იქნა და თუკი სურვილი გექნა ამის, შეგიძლია, PM მომმართო და რამდენიმე მითითებას მოგცემ. თუ გემოვნების მხრივ, სხვაობას აქვს ადგილი, ჩემი პირადი რჩევა იქნება, რაც შეიძლება, ადრე დაასრულეთ ურთიერთობა, რადგან, საბოლოო ჯამში, ჰარმონია თქვენ შორის მაინც ვერ შედგება.
  Forum: დახმარების ოთახი · Post Preview: #127151 · Replies: 18 · Views: 13,153

დათო.
Posted on: Dec 8 2018, 03:16 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


laito
უპირველეს ყოვლისა, რაც უნდა გააკეთო, უნდა გაარკვიო რამდენად კვალიფიცირებულ ფსიქოლოგთან დადიხარ, თუ ეს, ჯერჯერობით, არ გაგიკეთებია.
დღესდღეობით, საქართველოში ფსიქოლოგია საკმაოდ ტრენდული გახდა და შესაბამისად, ამ სფეროში, ძალიან ბევრმა არაპროფესიონალმა მოიყარა თავი.
მედიკამენტური ჩარევა, როგორც წესი, ხდება გარდაუვალ შემთხვევებში და ესეც, თავის მხრივ, უნდა დადგინდეს. უმჯობესი იქნება, თუ მაინცდამაინც მკვეთრი საჭიროება არ ფიქსირდება, თუ არ მიიღებ. ასევე, აღნიშნე ასეთი რამ, დაახლოებით, რომ ცდილობ, რაც შეიძლება, მეტი რამით დაკავდე, რათა ფიქრისთვის ნაკლები დრო დაგრჩეს – ეს ერთგვარი ესკაპიზმია და მერწმუნე, არაფერში არ გარგებს. პირიქით, უმჯობესი იქნება, თუ დროებით, ყველაფერს გვერდით გაწევ და იფიქრებ. მესმის, ეს ყველაზე ნაკლებად გინდა ახლა და მეტიც, საშინელ მდგომარეობაში გაგდებს, მაგრამ, დამიჯერე, ამის იქეთ, უბრალოდ, გზა არ არის. გასწავლი ერთ მედიტაციურ ხერხს, რომელიც ამაში დაგეხმარება. დილით, ან კი, საღამოს, ოთახში განმარტოვდი, ისე, რომ თან არაფერი გქონდეს იმგვარი, რაზეც კონცენტრაციას გადაიტან, სმართფონი იქნება, ლეპტოპი თუ ნებისმიერი რამ. ნებისმიერი პოზა აირჩიე, გინდ დაწექი, ანდა სულაც დაჯექი, როგორც, რამდენადაც მოგიხერხდება და უბრალოდ, იფიქრე. ოღონდ, ამ ფიქრის პარარელურად, ეცადე, მე-2 მხარე გამოჰყო, რომელიც ამას დააკვირდება. ხაზს ვუსვამ, დააკვირდება და არა განსჯის და შეაფასებს. გაჰყევი, თუნდაც ნეგატივისკენ წაგიყვანოს და ნელ-ნელა, დროდადრო შვებას იგრძნობ. დამატებითი რეკომენდაციები, რაც იქნება, ბუნებაში მეტ-ნაკლები დროის გატარებაა. თუ გაქვს შესაძლებლობა, რომ მთლად სადმე წახვიდე დასასვენებლად, მით მეტად უკეთესი. სეირნობა, ფიზიკური, გონებრივი ვარჯიში და სექსუალური აქტივობა. ამოიღე, ან კი, რამდენადაც შესაძლებელია, შეამცირე ყოველდღიური რაციონიდან – თამბაქო, ალკოჰოლი, კოფეინი, პორნოგრაფია. თუ იპოვი საკუთარ თავში ძალას, შესაბამისად განეწყობი, უმოკლეს დროში, დადებ შედეგს.
  Forum: დახმარების ოთახი · Post Preview: #125920 · Replies: 16 · Views: 12,131

დათო.
Posted on: Dec 8 2018, 02:48 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


tikoroma
QUOTE(tikoroma @ Dec 8 2018, 02:38 AM) *
ეგ ყველაფერი სიკვდილის შემდეგ რამეში გვეხმარება?

კაცმა არ იცის, დროისა და სივრცის მიღმა, რა ხდება, მათ შორის, მეც.
მაშასადამე, ვერც კის გეტყვი, ვერც არას – არ ვიცი, თუმცა თვით ცხოვრებაში, რომ დანამდვილებით დაგეხმარება, ეგ უთუოდ ვიცი.
  Forum: ეზოთერული განყოფ... · Post Preview: #125919 · Replies: 28 · Views: 28,725

დათო.
Posted on: Dec 8 2018, 02:27 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


tikorama
QUOTE(tikoroma @ Nov 17 2018, 11:52 PM) *
რა გგონიათ ადამიანის მისია, დანიშნულება?

უპირველესია შინაგანი სტაბილურობის მოპოვება და ამ თვალსაზრისით, პერმანენტულად, გრადაციული სვლა, ყველაფრის მიუხედავად აბსოლუტურად.
შემდგომ, არანაკლებ რელევანტური, შენი ფუნდამენტალური ინტერესის თუ ინტერესების პოვნაა, რის გარეშეც, ფაქტობრივად, ცხოვრება არ შეგიძლია, იმდენად დეტერმინებული ხარ მისით.
ეს უკანასკნელი კი, თავის მხრივ, ქვეცნობიერ დონეზე, დაბადებიდან თან გვდებს და ასე ვთქვათ, დღის შუქზეა გამოტანა საჭირო, თუმცა აქ მხოლოდ საჭიროებით ისევე ვერაფერს გახდები, რამდენადაც სიყვარულის იდეით, ვერავის შეიყვარებ, მთელი რიგი გარემოებები უნდა ახლდეს თან, რაც მეტ-ნაკლებად ჩვენგან დამოუკიდებელია.

QUOTE(tikoroma @ Nov 17 2018, 11:52 PM) *
ერთგან წავიკითხე, რაიმეს რომ აკეთებ, თუ სიამოვნებას განიჭებს, ესე იგი სწორ გზას ადგახარო?

ეს, დაახლოებით, იმის ჰომოგენურია, – რაც ხშირად მომისმენია, სხვათა შორის, – რომ მთავარია, კარგად იყო, რა მნიშვნელობა აქვს, საიდან გამომდინარე.
რეალურად, თუკი, ამ შემთხვევაში, მნიშვნელობა რამეს აქვს, სწორედ ეგ არის, საიდან გამომდინარე ხარ, ვინაიდან და რადგანაც, ეს განსაზღვრავას რეალური კარგად ყოფნის ავთენტურობას.
ანალოგიურად, შესაძლოა, რაღაც გარკვეული ექვივალენტობის სიამოვნებას განიჭებდეს, თუმცა ამავდროულად, არ იყოს შენი შინაგანის თანდამწრე, ასე რომ, მხოლოდ სიამოვნების განცდით, ვერ განსაზღვრავ სისწორეს.

დაბოლოს, ჩემი ღრმა რწმენით, აგრეთვე, არანაკლებ მნიშვნელოვნის მქონეა, ცხოვრების ამა თუ იმ ეტაპზე, პერცეფციულ დონეზე, განიცადო, რისი დროა და აკეთო ეს.
  Forum: ეზოთერული განყოფ... · Post Preview: #125917 · Replies: 28 · Views: 28,725

დათო.
Posted on: Sep 1 2018, 12:31 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


QUOTE(Merlin @ Aug 31 2018, 11:08 PM) *
'''', ცდილობ, რომ ერთი, მართებული ნიმუში გამოყვანო, რომლის მიმართაც, მეორე მცდარია. '''' მე არ მითქვამს, რომ ყველაფერი სუბიექტური და ინდივიდუალურია. მე ვთქვი რომ არის რაღაც საკითხები რაშიც ინდივიდუალური მიდგომაა საჭირო და კონკრეტულად ვერ გადაუწყვიტავ ყველას ერთიანად ვინ რა ჭამოს და რამდენჯერ ჰქონდეს სექსი, მაგრამ არის უკვე ისეთ საკითხებში თუ ზოგადად რა რა არის, რა არის სწორი ცოდნა, სწორი თეორია, სწორი სწორი გზა, სწორი მიზანი, სწორი პრაქტიკა, სწორი შემეცნება, სწორი აზრი და ასე შემდეგ ობიექტურობა სასიცოცლოდ აუცილებელია. ამ ორს შორის განსხვავება ძალიან მარტივია - ერთი ეხება იმის დადგენას თუ ობიექტურად რა არის ჭეშმარიტი: მაგალითად ჩვენ შეგვიძლია ვთქვათ, რომ სექსის ფუნქცია გამრავლებაა. ეს არის ჭეშმარიტი დებულება. ამდენად იდეალურ შემთხვევაში ადამიანი სექსს უნდა იყენებდეს შვილის ჩასახვისთვის. მაგრამ იმის გამო, რომ იდეალური მდგომარეობისგან კაცობრიობა ძალიან არის დაცილებული, არის ოჯახური ცხოვრების რეკომენდაცია ნორმალური ცოლ-ქმრული ურთიერთობებით. ის საკითხი, უკვე თუ ვის რამდენად შეუძლია ამ იდეალებს მიუახლოვდეს, რა ტემპებით და როგორ არის უკვე ის სფერო სადაც ინდივიდუალური მიდგომაა საჭირო. თორემ ურთიერთგამომრიცხავი სულიერი სწავლებებიდან ორივე ჭეშმარიტი შეიძლება იყოს მეთქი ეს მე არ მითქვამს.

ანუ, საბოლოოდ რომ შევაჯამოთ, შენ, სუბიექტური ადამიანი, განსაზღვრავ ობიექტურ ჭეშმარიტებას და გვეუბნები, რომ სექსის ფუნქცია გამრალებაა, პლუს იდეალურ შემთხვევაში, იგი უნდა გამოვიყენოთ ჩასახვისთვის. აგრეთვე, გვეუბნები, აქედან გამომდინარე, ნათლად, რამდენადაც სხვა რამ არ უნდა იძახო – „აქაც იგივე სურათია, ფუნდამენტურ საკითხზე არის ორი განსვხვაებული და ურთიერთგამომრიცხავი შეხედულება. აქედან კი ერთი გზაა: ან ოშოზე ვამბობთ რომ განსხივოსნებულია ან ბლავატსკაიაზე და კრიშნამურტიზე. და რადგანაც კრიშნამურტი და ბლავატსკაია ამ შემთხვევაში სრულ ჰარმოანიაში იმყოფებიან ბუდას და ქრისტეს სწავლებასთან, ამდენად დასკვნის გამოტანა ძალიან მარტივია...“, რომ მხოლოდ, ერთ-ერთი შეიძლება იყოს, ცალსახად, მართებული, შესაბამისად, მეორე – მცდარი.
QUOTE(Merlin @ Aug 31 2018, 11:08 PM) *
ისე კი საინტერესოა, ადვილად შეიძლება სურვილის გაქრობაო, ამაში რას გულისხმობთ.

იმას, რომ ზოგადად, სექსუალური ენერგია ძალზე მგრძნობიარეა, მაშასადამე, როგორც მისი გააქტიურება, ამაღლება, ისევე დამდაბლება, ლამის გაქრობის პირას მიჰყვანა არცთუ ისე ძნელად არის შესაძლებელი. სხვა რომ არაფერი ვთქვათ, ამას მხოლოდ ყოველდღიური ჩვევები განსაზღვრავს და ამას, თავის მხრივ, მხოლოდ თამბაქოს სისტემური, ჭარბი დოზით მოხმარება ეყოფა.
QUOTE(Merlin @ Aug 31 2018, 11:08 PM) *
ოკულტური სწავლებებიდან. ანთროპოსოფია, თეოსოფია, კაბალა... ამის შესახებ რელიგიურ ტექსტებში უამრავი რამე წერია. და არა მარტო რელიგიურში.

ეს ისედაც ცხადი იყო, უბრალოდ, მინდოდა, რომ უშუალოდ თავად გეთქვა. ჩემთვის, ცოდნა, რომელიც არ არის ემპირიულობაზე დაყრდნობით, არ არის ცოდნა.
მხოლოდ ის, რომ სადღაც, რაღაც წერია, ჩემთვის პირადად, საერთოდ, არაფერია.
QUOTE(Merlin @ Aug 31 2018, 11:08 PM) *
ცოტა გასამართია ეს გრამატიკულად. ცოტა გასამართია ეს გრამატიკულად. ახლიდან დაწერეთ ეგ რომ შევძლო ზუსტად პასუხის გაცემა

სრულ პასუხისგებლობას ვიღებ, რომ გრამატიკის თითოეული ასპექტით, აღნიშნული წინადადება მართებულია.
ასე რომ, არაფრის ახლიდან დაწერას არ ვაპირებ, თუ რამე ვერ გაიგე, ეგ უკვე შენი პრობლემაა.

P.S. მე პირადად, აქ ვაჩერებ დისკუსიას. ბუნებრივია, შეგიძლია, ამის მერე, რამდენიც გინდა, იმდენი დაწერო, უბრალოდ, ჩემგან პასუხს აღარ მოელოდო.
  Forum: მედიტაცია · Post Preview: #124323 · Replies: 35 · Views: 25,564

დათო.
Posted on: Aug 31 2018, 10:29 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


QUOTE(Merlin @ Aug 31 2018, 08:50 PM) *
რა თქმა უნდა არის მრავალი საკითხი, მაგალითად კვება, სექსუალური ცხოვრება, საქმიანობის ესა თუ ის სფერო, რომელიც ძალიან ინდივიდუალურია და მაგალითად ვინმესთვის თუ მკაცრი მარხვაა საჭირო და ცხოვრელური პროდუქტისგან მაქსიმალური თავშეკავება, არიან ადამიანები, რომლებისთვისაც პირიქით შეიძლება იყოს. ასეა სექსშიც, ზოგისთვის სექსის აკრძალვა ძალიან ცუდად შეიძლება დამთავრდეს

ამასვე ვამბობ მეც და რატომღაც, იმგვარად მომეჩვენა, თითქოსდა, ამის ამბივალენტურს, კონტრასტულს იძახდი.
კიდევ ერთხელ, თვალნათლივ გადავხედე შენ პოსტს და აშკარაა, ამ სიტყვებზე დაყრდნობით – „აქედან კი ერთი გზაა: ან ოშოზე ვამბობთ რომ განსხივოსნებულია ან ბლავატსკაიაზე და კრიშნამურტიზე. და რადგანაც კრიშნამურტი და ბლავატსკაია ამ შემთხვევაში სრულ ჰარმოანიაში იმყოფებიან ბუდას და ქრისტეს სწავლებასთან, ამდენად დასკვნის გამოტანა ძალიან მარტივია...“, ცდილობ, რომ ერთი, მართებული ნიმუში გამოყვანო, რომლის მიმართაც, მეორე მცდარია.
QUOTE(Merlin @ Aug 31 2018, 08:50 PM) *
მაგრამ არსებობს იდეალური მდგომარეობები, რომლისკენაც ადამიანი უნდა ესწრაფვოს. ეს იდეალები ობიექტურად არსებობს დამოუკიდებლად ადამიანის კონკრეტული მდგომარეობისა, და ამ ინდეალებს ადამიანი სასურველია რომ ესწრაფვოდეს.

იმ ღირებულებებიდან გამომდინარე, რაც გამაჩნია, მე, როგორც ერთი, რიგითი ადამიანი, ვერ დაგეთანხმები.
ჩემთვის, არ არსებობს იდეალური მდგომარეობა, თუ აქ უშვალოდ ჩემი პოტენციური მდგომარეობის თანდასწრება არ არის განხილული.
ანუ, მეტად სკრუპულოზურად რომ ვთქვა, მე პრეტენზია არ მაქვს, რომ იდეალურ მდგომარეობას ვფლობ, უბრალოდ, მე ვისახავ მიზანს, გავხდე იმაზე მეტი, ვიდრე ვარ და არანაირ ჩემ გარეშე, დამოუკიდებელ იდეალს არ მოვუხმობ, – რამდენადაც ვთქვი, ეს მხოლოდ ჩემი ხედვაა. –
QUOTE(Merlin @ Aug 31 2018, 08:50 PM) *
იმის და მიუხედავად რომ კაცობრიობის არსებულ მდგომარეობაში ურთულესია თუმდაც ერთ პარტნიორთან ყოფნა მთელი ცხოვრება, თუმდაც იმიტომ, რომ ძნელია ისეთი ადამიანის მოძებნა, რომელთანაც მთელი ცხოვრების გატარებას შეძლებს ადამიანი დაწყებული ახალგაზრდობიდან გარდაცვალებით დამთავრებული, მაგრამ ის რომ ერთ ადამიანს ერთი უნდა ყავდეს და იმას უტრიალოს მთელი ცხოვრება,

ეს იმას ჰგავს, ერთი შემთხვევიდან გამომდინარე, აბსოლუტურად ყველაფერი ისწავლო, – რაზეც დამეთანხმებით, ალბათ, რომ შეუძლებელია ყოველმხრივ, – ასევე, ადამიანებს, რომლებთანაც ამა თუ იმ დროით, ესა თუ ის ურთიერთობა გვაქვს, თავისი დატვირთა აქვს, რომელიც უნდა აღასრულოს.
ხოლო ის ფაქტი, რომ როდესაც ერთ ადამიანთან ხარ ურთიერთობაში, მისით საზრდოებდე, კმაყოფილდებოდე და უბრალოდ, სხვისი მოთხოვნილება არ იყოს შენში, სრულებით ადეკვატური.
QUOTE(Merlin @ Aug 31 2018, 08:50 PM) *
ან კიდევ უფრო მაღალ იდეალურ შემთხვევაში საერთოდ გადალახოს სქესობირივი სურვილები არის ის იდეალები, რომლებიც უცვლელად დგას და ადამიანი საიდანაც არ უნდა იწყებდეს ამ იდეალების მიღწევას უნდა ესწრაფოდეს

სექსუალური სურვილის გაქრობა თავის თავში არანაირ ღირებულებას არ შეიცავს, პირიქით, ფუნდამენტალურად ტრაგედიული ფაქტია და საერთოდაც, არ საჭიროებს დიდ ძალისხმევას, თუკი ვინმეს სურს. აი, თუ გაქრობის მაგიერ, სუბლიმაციაზე ვსაუბრობთ, აქ კი, მართლაც, დიდ ძალისხმევასთან გვაქვს საქმე.
QUOTE(Merlin @ Aug 31 2018, 08:50 PM) *
იმიტომ რომ თავად ადამიანი ქმნილებაა, მასზე უფრო მაღალი არსებების შემოქმედება, ყველაფერი რაც ადამიანს გააჩნია მასზე უფრო მაღლა მდგარი სულიერი არსებების მიერ აქვს ნაბოძები.

უკაცრავად, ამას საიდან, რაზე დაყრდნობით, ამბობ?
QUOTE(Merlin @ Aug 31 2018, 08:50 PM) *
მაგრამ სანამ მისი დამოუკიდებლობა და თავისუფლება უკიდურესადაა შეზღუდული თავის მოტყუება იქნებოდა იმის ფიქრი, რომ მას შეუძლია ჭეშმარიტება შეიმეცნოს მასწავლებლის გარეშე. ყველა სფეროში რასაც ადამიანი ხელს ჰკიდებს მას მასწავლბელი გააჩნია, ლაპარაკს მშობლები ასწავლიან, წერა კითხვას სკოლაში სწავლობს და ასე შემდეგ. გამონაკლისი ვერც სულიერება ვერ იქნება. ადამიანს არ გააჩნია ბუნებრივად სულიერი ხედვის უნარი.

ის, რაც თავისთავად, მისგან დამოუკიდებლივ თუ მისი მცდელობის შედეგად, არ არის უშუალოდ ადამიანში მოცემული, ვერანაირი გარეშე ობიექტი ვერ იქონიებს გავლენას, რაც არ უნდა კოლოსალური ტიპისა იყოს. თუ ხედვის უნარი არ გამაჩნია, რაც არ უნდა დამანახო, მის არსს იოტისოდენა დონეზეც ვერ ჩავწვდები.
  Forum: მედიტაცია · Post Preview: #124319 · Replies: 35 · Views: 25,564

დათო.
Posted on: Aug 31 2018, 07:24 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


QUOTE(Merlin @ Aug 31 2018, 11:20 AM) *
აი მაგალითად: ბლავატსკაიას უწერია, რომ ნებისმიერი სახის სექსუალური პრაქტიკები ''სულიერი'' მიზნებისთვის არის შავი მაგია. მეორეს მხრივ ჩვენ მაგალითად გვაქვს ოშო, რომელიც ტანტრისტულ პრაქტიკებს ძალიან უწევს რეკომენდაციას, იმდენადაც კი, რომ ამ პრაქტიკების სკოლაში სწავლების აუცილებლობაზეც კი ლაპარაკობს. აი აქედან არის ერთი გამოსავალი: ან ოშოა ცრუ მასწავლებელი ან ბლავატსკაია.

კიდევ ერთი მაგალითი: უამრავი ადმაიანია, რომელიც ფიქრობს რომ კრიშნამურტიც და ოშოც გასხივოსნებული მასწავლებლები იყვნენ. რეალობი ისეთია, რომ ოშო ტანტრისტულ სექსს ასწავლიდა ხალხს, კრიშნამურტი კი ასეთ პრაქტიკების წინააღდეგი იყო და ფიქრობდა, რომ (ჩემი სიტყვებით, რომ გადმოგცეთ) სულიერებასთან არაფერი კავშირი არა აქვს, იმდენად რამდენადაც მისი აზრით სწორი სულიერი გზა მაღალმორალურ ცხოვრებას გულისხმობდა პირველ რიგში და ნებისმიერი სხეულებრივი პრაქტიკა თუმდაც ეს ხათხა იოგას ვარჯიში იყოს ადამიანს ვერანაირად ვერ მიიყვანს ''განსხივოსნებამდე''.

აქაც იგივე სურათია, ფუნდამენტურ საკითხზე არის ორი განსვხვაებული და ურთიერთგამომრიცხავი შეხედულება. აქედან კი ერთი გზაა: ან ოშოზე ვამბობთ რომ განსხივოსნებულია ან ბლავატსკაიაზე და კრიშნამურტიზე. და რადგანაც კრიშნამურტი და ბლავატსკაია ამ შემთხვევაში სრულ ჰარმოანიაში იმყოფებიან ბუდას და ქრისტეს სწავლებასთან, ამდენად დასკვნის გამოტანა ძალიან მარტივია...

მართალია, არის რაღაცები, რაც, ნებისმიერ შემთხვევაში, არამართებულია, თუმცა, ჩემი სუბიექტური აზრით, თუკი რაიმე არამართებულობაა, უპირველესად, უტოპიური იდეის ჩამოყალიბებაა, რომ გინდა თუ არა, მაინცდამაინც ეს გზაა მართებული, არა სხვა.
ყველა ადამიანი ეგზისტენციალურია, განურჩევლად, თავისი დოზით, აქედან გამომდინარე, ის ფლობ ემპირიულობას, რომლის შემთხვევაში, შეიძლება, გამოდგეს ის, რაც მეორის შემთხვევაში არ გამოდგება და პირიქით.. ვიღაც ირჩევს აბსტინენციას, გარკვეული დროით, ვიღაც პერმანენტულად, ცხოვრების ბოლომდის, ვიღაც კი, საერთოდ, აქტიურ სექსუალურ ცხოვრებას ეწევა და ეს, თავის მხრივ, არ მეტყველებს იმაზე, რომ რომელიმე მათგანი ერთმნიშვნელოვნად მართებულია და სხვა დასაგმობი, რამდენადაც ახლოს არ უნდა იყოს რომელიმე რელიგიის სისტემასთან.
საერთოდ, ეს არგუმენტი, მე თუ მკითხავთ, რომ რაღაც დებულება, ვთქვათ, პირობითად, ახლოს არის ქრისტიანობასთან და შესაბამისად, მართებულია, წმინდა ავტორიტეტულია.
  Forum: მედიტაცია · Post Preview: #124316 · Replies: 35 · Views: 25,564

დათო.
Posted on: Jul 6 2018, 05:02 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


QUOTE(torcki @ Jun 22 2018, 03:09 PM) *
სალამიიი. თბილისში თუ არის ისე მათი თავშეყრის ადგილი ნუ ღამის კლუბებს არ ვგულისხმობ, ძალიან დიდი სურვილი მაქვს მათი გაცნობის და მათთან ურთიერთობის

ეს არაფერია, თუ არა იმის თვალნათლივი მაგალითი, რიგ შემთხვევაში, ჩვენდა უნებურად, მიზანი, როგორ ცდება შედეგს.
მე თუ მკითხავთ, არ არის საჭირო ამგვარი განსაკუთრებული მიდგომა, სხვაობა მხოლოდ ორიენტაციაშია, – რომელიც დამეთანხმებით, ალბათ, ძალიან პირობითია, – მეტში არაფერში და ამის თქმით, ფიქციური მეტი იქმნება ადამიანთა თვალში.
  Forum: თავისუფალი განყო... · Post Preview: #124016 · Replies: 99 · Views: 100,498

დათო.
Posted on: Jul 1 2018, 09:59 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


და მაინც, კაცმა არ იცის, დროსა და სივრცის მიღმა, – როდესაც გარდაცვალება დგება, – რა ხდება.
ის, რაც საკუთარი ემპირიულობით, შეგრძნების სახით, არ გამოგიცდია, არ შეგიძლია, იცოდე, მით უფრო, აპრიორულად – ამ დებულებით, შეუძლებელია, ამ მხრივ, ვინმემ რამე იცოდეს, ვინაიდან ვინც ცოცხალია, ავტომატურად, მას ეს მდგომარეობა ცალსახად არ უგემია, ხოლო მათ, ვინც უკვე „დაგვტოვა“, ჩვენდა სამწუხაროდ თუ საბედნიეროდ, ვერაფერს გვეუბნებიან, ან კი, იქნებ, საერთოდ, არც არაფერი აქვთ სათქმელი, იდეაში.
მართალია, არსებობს გარკვეული შემთხვევები, მაგალითად, როგორიცაა კლინიკური სიკვდილი, მაგრამ ჩვენ არც ამ შემთხვევაში ვიცით, რამდენად იდენტურად დგება შედეგი და საერთოდ, მიახლოებულადაც არის თუ არა.
რომც დადგინდეს, დავუშვათ, რომ რაღაც ურთიერთკავშირი არის, იქიდან გამომდინარე, რომ ბოლომდის სიკვდილი, როგორც ასეთი, არ დგება, ადამიანი „კვლავ ცოცხლდება“, ასე ვთქვათ, ამით განსხვავებულ არსს ვიღებთ.
თუმცა, მე პირადად, მგონია, რომ რაკი არ ვიცით და ამ არ ცოდნას, დიდი ალბათობით, ის იშვიათი გამონაკლისი იქნება, რომ კაცობრიობის გავითარება ვერ შეცვლის, ასეც არის საჭირო.
აბა, ერთი წამით წარმოიდგინეთ, თქვენი ქმედებათა შედეგი აპრიორშივე თავიდანვე რომ იცოდეთ, რა მოსაწყენი იქნებოდა სიცოცხლე...
ასე იქნებოდა, კაცობრიობამ რომ იცოდეს დანამდვილებით, რა ხდება სიკვდის შემდგომ – მოსაწყენი, ქაოტური, ვინაიდან მეტწილ ადამიანთა რიცხვს, თუ ყველას არა, ხელს აღეებინებდა ცხოვრებაზე, წაართმევდა თავისუფლებას, რომელიც საკუთარი შინაგანი აქტის ხარზე, მიღებულ არჩევანს გულისხმობს, შემდგომ კი, ამ არჩევანიდან გამომდინარე, ანგარიშის გასწორებას.
და მაინც, როგორც არ უნდა იყოს, იმის თქმა სიკვდილზე, როგორც სხვა დანარჩენზე, რომ ცალსახად ცუდია, არ შეგვიძლია.
ადრე ვთქვი, რომელიღაც პოსტში, რომ ყოველივეს გამოყენება სათავისოდ შეიძლება, უნარის ფლობის შემთხვევაში, სიკვდილის დროსაც ამრიგადაა – იგი კარგი სტიმულატორია. ამის თვალნათლივ გასაგებად კი, ერთ მაგალითს მოგიყვანთ – ბევრი თქვენთვის ნაცნობი მწერალი, რომ არა მათი დაავადებები, რომლებიც სიკვდილთან ძალიან აახლოვებდნენ, სულ მწირე, ვერ შექმნიდნენ იმგვარ ღირებულების მქონე რომანეს, რამდენადაც მოცემული ფაქტის დროს და საერთოდ, შესაძლებელია, სხვა შემთხვევაში, ვერც ვერაფერი დაეწერათ.
  Forum: ჯანმრთელობა და სუ... · Post Preview: #123992 · Replies: 174 · Views: 648,555

დათო.
Posted on: Jun 6 2018, 09:12 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


დიდი ხანია, რაც აქ შემოვსულვარ.
საკითხი, მართლაც, რომ საინტერესოა, მაგრამ მეტ-ნაკლებად იმგვარი ტერმინოლოგიით არის განხილული, სრულიად სხვა სივრცეში მეგონა თავი.
მართალია, თქვენი არჩევანია, თუ რას, როგორ, რანაირად გამოიყენებთ, მაგრამ ჩემი რჩევა იქნება, რომ შედარებით, ადეკვატურად ვისაუბროთ.
რაც შეეხება უშუალოდ საკითხს, პორნოგრაფია, ისევე, როგორც ალკოჰოლი, თამბაქო – ლეგალური ნარკოტიკია, ხოლო, მეტწილ შემთხვევაში, ლეგალური მეტი ზიანის მომცემია ყოველმხრივ, ვიდრე არალეგალური.
მასიურად, ჩვენდა სამწუხაროდ, ჯერჯერობით, ისევე ჩვეულ ტონად იგრძნობა უყურებდე პორნოგრაფიას და არ არის გათვიცნობიერებული, თუ რისი ზიანის მომტანია.
იწვევს სოციოფობიას, მიზანტროპობას და ეს შემიძლია, საკუთარი, გარდასული ემპირიულობით გითხრათ. აგრეთვე, ნებისყოფას ისეთ ანულირებას, ყველაფერს რომ თავი დავანებოთ, თვალებით კონტაქტი აღარ ძალგიძს, არც ერთი წამით. ასევე, ისედაც მექანიკურს კიდევ უფრო მექანიკურს გხდის და ასე, შემიძლია, დაუსრულებლივ რომ განვაგრძო. თანაც, როგორც გითხარით, ამ ყველაფერს კუთვნილი გამოცდილებით გეუბნებით, რომელიც მქონდა პორნოგრაფიიდან გამომდინარე, დიდი ხნის წინ.
ახლა მასტურბაციასთან დაკავშირებით, – მასზე, წინანდელისგან განსხვავებით, ცალსახად, ვერ ვიტყვი, რომ უარყოფითი მოვლენაა, თუმცა ვერც დადებითი. ერთი მხრივ, გარკვეულ დონეზე, იწვევს როგორც ფიზიოლოგიურ, ისე ფსიქიკურ დისბალანს, მაგრამ, მეორე მხრივ, ამასთან ერთად, აუცილებელი პირობაა, რომ სექსუალურობის მხრივ, ემპირიულობა შეიძინო და გაიგო, რა, როგორ მოგწონს, რამეთუ მოგეხსენებათ, ჩვენი ეგზისტენციალიზმის ამბავი, რამდენად განვსხვავდებით თითოულ დეტალში და მით უფრო, იმგვარ კარდინალურ საკითხში, როგორიცაა ცალკე აღებულ ჭრილში, ამ შემთხვევაში, ინტიმურ. გარკვეულწილად იგი თვით სექსზე, კოიტუსზე თვალნათლივ მეტყველების უნარი გააჩნია, ამ თვალსაზრისით. ამასთან, მასტურბაციას აქვს უნარი, გარკვეულ ეტაბამდე, სექსუალური ენერგია რომ გავავითაროთ მისით, – ესეც, ასევე, საკუთარი გამოცდილებით. –
თვით სექსზე, სუბლიმაციაზეც ვიტყვი ორიოდე სიტყვას – აქ გაიჟღერა ვერსიამ, თითქოს და, სექსი და მასტურბაცია ერთია, ვინაიდან ეაკულაცია ორივე შემთხვევაში მიიღწევა, თუმცა, მინდა გითხრათ, რომ არსობრივად, იმდენად განსხვავდება ერთმანეთისგან, რამდენადაც წერილობითი სახე და ვერბალური თქმული. ორივე, ერთი შეხედვით, ერთი და იმავეა, მაგრამ, მერწმუნეთ, მიუხედავად ერთი შეხედვით ერთგვარობისა, აბსოლუტურად სხვადასხვა განზომილებაა. ხოლო ის, თუ რა ოდენობით უნდა დავკავდეთ, ყოველი ადამიანისათვის ინდივიდუალურია, იმის და მიხედვით, როგორი ტიპის ლიბიდო გააჩნია და ამასთან, რამდენად ავითარებს, იცავს მას. პირადად მე, გარკველი ხანი, ყოველდღიურად, თანაც რამდენიმეჯერ მქონია და ვერ გეტყვით, რომ რაიმეს ვუჩიოდი, პირიქით.
დაბოლოს, სუბლიმაცია – ვფიქრობ, რომ ეტაპობრივად საჭიროა, ისევ და ისევ თვით სექსუალური ენერგიის გავითარებისთვის, სხვა თუ არაფერი. თავიდან, როგორც წესი, ურთულესია, შემდგომ გრადაციულად, ვარირება ეცემა და თითქმის აღარ გაწუხებს.
  Forum: ეზოთერული განყოფ... · Post Preview: #123822 · Replies: 126 · Views: 83,369

დათო.
Posted on: Apr 23 2018, 07:39 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


მოგესალმებით.
ცოტა არ იყოს, გამიკვირდა, როდესაც აღმოვაჩინე, რომ ფაქტობრივად, 10 წლიანი თანაარსობის ვითარებაში, ერთი თემა, თავისი ქმედითობით არ იყო მიძღვნილი ქველმოქმედებისთვის.
ყოველი თვენგანი, ალბათ, დამეთანხმებით, რომ არაფერი ასაზრდოვებს ცნობიერებას, ისე, როგორც უპირობობა და უფრო კონკრეტულად, უპირობოდ გაცემული სიკეთე.
თუმცა ეს კანონიც დავივიწყოთ და უბრალოდ, გავაკეთოთ სიკეთე სიკეთისთვის – გამოვდივარ ინიციატივით, რომ თვეში ერთხელ, ან კიდევ, ორჯერ, ფორუმის სახელით, სხვადასხვა სოციალურად დაუცველ ოჯახს დავეხმაროთ, ან კი, ერთ კონკრეტულს. ამჟამად, ფორუმზე, სხვადასხვა ინტენსივობით, დაახლოებით, 20-დე ადამიანი პოსტავს, რაც, ვფიქრობ, გაერთიანებისთვის სრულებით საკმარისია – ყოველმა ჩვენგანმა, რამდენიც შეუძლია, იმდენი რომ დადოს, იქნება ეს 5 ლარი, 10 თუ არ აქვს მნიშვნელობა, როგორც მინიმუმ, ერთ ოჯახს მაინც დავაპურებთ.
  Forum: ეზოთერული განყოფ... · Post Preview: #123269 · Replies: 1 · Views: 4,030

დათო.
Posted on: Apr 21 2018, 03:28 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


brevalo
უპირველეს ყოვლისა, დავიწყებ იმის აღნიშვნით, რომ თითქმის ყოველივეს გამოყენება შესაძლებელია სათავისოდ, თუკი ამის უნარს ფლობ. პირობითად, მე შესაძლოა, ჩემდა უნებურად, ყოველდღიურობაში ჩავიძირო და ეს ჩაძირვა, თავის მხრივ, გაგრძელეს, დაახლოებით, რამდენიმე თვე. – ანუ, გამოდის, გაუცნობიერებლივ, რამდენიმე თვის განმავლობაში, ფაქტობრივად, არაფერი გავაკეთო, საკუთარ მესთან მიმავალ გზაზე, რომელიც მისეულ შეცნობას, დაახლოებას ემსახურება. – შემდგომ კი, რაღაც გარემოებიდან გამომდინარე, ისევე, როგორც საკუთარი თანდასწრების წყალობით, ეს გავაცნობიერო. მაშასადამე, ყოველივე ჩვეულ, მართებულ რითმს დაუბრუნდეს და ერთი შეხედვით, რომ დავუფიქრდეთ, მიუხედავად გაცნობიერებისა, ანუ გამოსწორების, ეს მაინც ცალსახა ცუდი მოვლენაა – აბა, რა შეიძლება, დროის დანაკარგზე უარესი იყოს.. თუმცა თუკი ისე აღმოჩნდება, რომ ეს გაასმაგებულ სტიმულს მომცემს, გრძელვადიან პერიოდში, თავდაუზოგავობის, შრომატევადობის მხრივ, ეს არამცთუ არცთუ ისე ცუდი, პირიქით, ძალიან კარგიც აღმოჩნდება, თანაც იმდენად, რომ შესაძლოა, აღნიშნული შეცდომის გარეშე, ვერ დამედო იმგვარი შედეგი, რამდენადაც მოცემულ შეცდომასთან და მის აღმოფხვრასთან ერთად. მე თუ მკითხავთ, ეს ერთგვარი მედიტაციაა და კიდეც, არსებობს მსგავსი ჰომოგენური ტიპის მედიტაცია.
ახლა პარერელი რომ გავავლოთ ჩემ მიერ მოყვანილ მაგალითსა და შენს სიტუაციას შორის – ჩემი აზრით, პირველ რიგში, რასაც საჭიროებ, ეს ემპათიურობის უნარი მეტად გავითარებაა, ვიდრე გაქვს და აი, რატომ: ზოგადად, ჩვენ პლანეტაზე, მრავალი კანონი მოქმედებს, ერთ-ერთია შემდეგი სახის – რაც მეტად კარგია რაიმე, არ აქვს მნიშვნელობა, რას მოვისაზრებთ, მით ნაკლებია მისი ოდენობა და სიმკვეთრის ვარირებასთან ერთად, ოდენობაც კლებულობს. ადამიანიც, როგორც ყველაფერი, ამ კანონს ექვემდებარება, შესაბამისად, შეგვიძლია, დავასკვნათ – რაც უფრო მაღალია ცნობიერების დონე, მდიდარი შინაგანი ღირებულებები, მით უფრო, ნაკლებია ამგვარი ადამიანის ოდენობა. რაც მეტად მაღალი გექნება ემპათიურობის დონე, მით უფრო, ადვილად შეამჩნევ, ამ სიტყვის არატრადიციული გაგებით, მოკლე დროში, ვინ არის ამგვარი, ვინ – არა. ხოლო როდესაც ასეთ ადამიანთან ურთიერთობას ეხება საქმე, არათუ საზიანო, პირიქით ყოველმხრივ სასარგებლოა, რაც გაქვს მხედველობაში, იმ მხრივ. თუმცა, უნდა აღინიშნოს, ჩვენდა სამწუხაროდ, ყველა ურთიერთობის ტიპი ჩვენი არჩევანი არ არის და არის შემთხვევები, როდესაც, უბრალოდ, გიწევს ისეთ ადამიანთან ურთიერთობა, რომელთანაც, ჩვეულებისამებრ, არ იურთიერთობოდი. ამ შემთხვევაშიც, შეგიძლია, რაც შეიძლება, მეტი ველიუ ამოიღო მოყვანილ სიტუაციიდან და მას ყოველმხრივ, როგორც კი შესაძლებლობა მოგეცემა, დააკვირდე. რამდენადაც დაბალი ცნობიერების არ უნდა იყოს ადამიანი, შენ კი, პირიქით, მაღალი, არის შესაძლებლობა იმისა, რომ არაერთი რამ ისწავლო მისგან, მართალია, მეტწილად, ეს მისდა უნებურად მოხდება, მაგრამ მაინც.
  Forum: ეზოთერული განყოფ... · Post Preview: #123256 · Replies: 43 · Views: 38,064

დათო.
Posted on: Apr 15 2018, 10:09 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


არსებობს დროის ორი ნაირსახეობა, ესენია: ობიექტური, სუბიექტური.
ობიექტური არის ის ყოველთვის, რაც არის – ჩვეულებისამებრ, ფრომანულად მიედინება, ხოლო სუბიექტური არის, როდესაც ყოველი ჩვენგანი, ცხოვრების ამა თუ იმ ეტაპზე, დროს აღიქვამს, ობიექტურისგან დამოუკიდებლად.
ძირითადად, როგორც ყველაფერში, აქაც მარტივი კანონი მოქმედებს – რაც მეტად ჰარმონიულად გრძნობ ყოველმხრივ თავს, რაც მეტად კმაყოფას იძენ, მით მეტად ჩქარად გადის შენთვის დრო და თუ პირიქით, შედეგიც ამგვარია – დრო, შენი აღქმით, ნელა გადის.
ახლა რაც შეეხება ფიზიოლოგიურ სხვაობას ადამიანებს შორის, რატომ ხდება, რომ მაგალითად, ერთი, მეტად დიდი ასაკის მქონე ადამიანი გამოიყურება მეორეზე, რომელიც ბევრად ნაკლების არის, ახალგზრად. უპირველესად, აქ ყურადსაღებია გენეტიკა, შემდგომ ფიზიკური ჭრილის მართებულად განვითარება, რაც, სამწუხაროდ, ადამიანთა უმეტესი პროცენტისათვის ვერ ხერხდება და კიდევ, უფრო სამწუხაროა ის, რომ ვინც, გარკვეულწილად, სწორ გზას ადგას, ამ მხრივ, რომ ეს მექანიკურია, გარემოებრივი. მაგალითად, კონკრეტული ადამიანი თავისი თავისუფალი ნებით კი არ იღებს ალკოჰოლს, ვინაიდან მას გათვიცნობიერებული აქვს მისეული ზიანი, არამედ, უბრალოდ, მის გემოვნებაში, იგი არ ჯდება.
ერთი სიტყვით, რაც მეტად ადრეულად დავიწყებთ ზრუნვას ფიზიკურ ჭრილზე, მით მეტხანს ვიცხოვრებთ, ისე, რომ ყოველგვარ მახასიათებელს კარგ მდგომარეობაში შევინარჩუნებთ, მათ შორის, სექსობრივს. არიან ადამიანები, პირადი ემპირიულობით გეუბნებით, რომლებიც 70-80 წლის ასაკში აქტუალურ, სექსუალურ ცხოვრებას მისდევენ. დღევანდელი პირობიდან გამომდინარე, იმ მავნე ჩვევებიდან, რაც საზოგადოების დიდ ნაწილს აქვს, ამ ასაკამდე რომ მიაღწევენ, – თუ მიაღწიეს, – რბილად რომ ვთქვათ, ამაზე გაფიქრებაც კი, ფუფუნება იქნება ეს მათთვის.
  Forum: ეზოთერული განყოფ... · Post Preview: #123239 · Replies: 7 · Views: 8,039

დათო.
Posted on: Apr 9 2018, 04:39 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


ამბივალენტურობა, კონტრასტი – ეს არის კაუზალობა, იმის დაუსწრებლად, სიკეთე, ბოროტებას ვგულისხმობთ იდეაში, თუ, ზოგადად, კარგს და ცუდს.
საერთო ჯამში, მეტი ძალა აქვს, ვიდრე პროფანულ, ერთეულ შემთხვევებში, ცალ-ცალკეს.
ამრიგად რომ არ ყოფილიყო და ვთქვათ, პირობითად, სიკეთის პარარელურად, ბოროტებას არ ეარსება, თავისთავად დადებითს, ანუ, ამ შემთხვევაში, სიკეთეს დაეკარგებოდა ფასი და თითქმის იმავე ჰომოგენურობაა ყველა, მსგავსი, ანტონიმური ცნებების შემთხვევაში.
უბრალოდ, როდესაც დაბალ ცნობიერებას ეხება საქმე, სამწუხაროდ, ეს ვერ აღიქმევა და მხოლოდ დადებითის მოთხოვნილება, მიმღებლობა აქვს ადამიანს.
რეალურად, უარყოფითი გაცილებით მეტად საჭიროა, ვიდრე დადებითი, რადგან ეს დადებითს, საჭირო პირობების, გარემოების შემთხვევაში, მეტად ზრდის, ვიდრე რაიმე დადებითი თავად გაზრდიდა.
  Forum: ეზოთერული განყოფ... · Post Preview: #123206 · Replies: 10 · Views: 10,722

დათო.
Posted on: Feb 14 2018, 12:23 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


ჩემი ღრმა რწმენით, ბავშვის აღზრა შეუძლებელია, იმ მარტივი და ამავე დროს, კარდინალური მიზეზის გამო, რომ შინაგანი აქტი ძალზე ინტიმური, პირადი პროცესია.
შესაძლოა, როგორც მატერიალურად, ისე შინაგანად ბავშვისთვის ხელსაყრელი, ადეკვატური პირობები შევქმნათ, რაც შესაძლოა, ხელის შემწყობი ფაქტორი იქნას, თუმცა არამც და არამც მქნადი.
ამასთან, არ უნდა დაგვავიწყდეს შემდეგი, ზოგჯერ ხელის არ შეწყობა, უნებურად, მეტად აღმოჩნდება ხოლმე შეწყობა, ვიდრე ამას თავად შეწყობა იზავდა, თუმცა ამას სპეციფიკური გარემოებანი უნდა ზდევდეს თან, რაც იშვიათობაა ხოლმე.
ვეთანხმები გაჟღერებულ მოსაზრებას, რომ ბავშვის ყოლით, მოვლით, სწავლებით, შესაძლებია, ისეთი რაღაცების აღმოცენება საკუთარ თავში, რაც ჯერ არ არსებულა.
ასევე, მხოლოდ და მხოლოდ დაკვირვებით, არანაკლები მიიღწევა, ვგონებ, თუმცა, როგორც წინა შემთხვევაში, ეგეთი სრულმქნილი არა.
  Forum: ბავშვის აღზრდა · Post Preview: #122785 · Replies: 56 · Views: 61,636

დათო.
Posted on: Jan 20 2018, 03:36 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


ანანდა

მადლობა გაღებული რესურსისათვის, გაზიარებისთვის.
  Forum: პიროვნებები, გაერ... · Post Preview: #122683 · Replies: 52 · Views: 76,257

დათო.
Posted on: Dec 26 2017, 11:28 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


ადამიანთა უმეტესი ნაწილი ბისექსულია, ამას არა ერთი კვლევა ცხადყობს.
მეორეა, რამდენად მიშვებულია არსობრივი ჭრილი, ამან რომ გასაქანი ჰპოვოს.
ამასთან დაკავშირებით, რა აზრის ხართ?
  Forum: თავისუფალი განყო... · Post Preview: #122462 · Replies: 99 · Views: 100,498

დათო.
Posted on: Dec 26 2017, 10:58 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


earth
QUOTE(earth @ Dec 26 2017, 07:48 AM) *
ზემოთ მარჯვენა კუთხეში პარამეტრები რომ წერია იქ უნდა დააჭირო „სტანდარტული“. მასე ჩანს როცა აჭერ „შეცვლა: განტოტვილი“.

გმადლობ.
  Forum: ფორუმი · Post Preview: #122461 · Replies: 191 · Views: 131,600

დათო.
Posted on: Dec 26 2017, 01:45 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


გარკვეულ შემთხვევებში, რაღაც გარემოებიდან გამომდინარე, ფორუმი იღებს ამგვარად იერსახეს, – თავიდან ზოგადი, მაშტაბური, მეგონა, მაგრამ, როდესაც კუთვნილ ლეპტოპზე მსგავსად მიჩვენებდა და შემდგომ, მოგვიანებით, სხვის კომპიუტერით ავტორიზაციის შედეგად, ჩვეულებისამებრი იერსახე მიიღო, მივხვდი, რომ უშუალოდ, მხოლოდ ჩემთან იყო პრობლემა. ბრაუზერის Cookies-ის გასუფთავება შველის, მაგრამ გარკვეულ დროში, იმავე მეორდება.

  Forum: ფორუმი · Post Preview: #122452 · Replies: 191 · Views: 131,600

დათო.
Posted on: Dec 18 2017, 12:22 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


და კიდევ, დამავიწყდა მეთქვა, – მოდერატორს ვთხოვ, წინა, ბოლო პოსტთან გააერთიანოს, ვერ ვარედაქტირებ, – რომ ადამიანები, ვინც ამგვარ ტექნიკას მიმართავენ, ბოლოს, ძირითადად, ერთგვარად ასრულებენ ხოლმე – გიქმნიან ილუზიურ ფონს, თითქოს კოლოსალური სურვილის მიუხედავად, ფიზიკური ჭრილის გადამკიდე, ვერ ახერხებენ თქვენთან ურთიერთობას, ვთქვათ, იმის გამო, ანაზდად გამოკვლებას აჩვენა, რომ გარკვეული დაავადება სჭირს და მალე გარდაიცვლებიან, ამიტომ მოვალედ თვლიან თავს, რომ დროულად დაასრულონ თქვენთან ურთიერთობა, ვინაიდან და რადგანაც მოგცენ სრულფასოვნური სიცოცხლის საშუალება. – თქვენ ხომ გარკვეული ხანი კიდევ იცოცხლებთ, ყველაფერი წინ გაქვთ. –
ერთი სიტყვით, მიზეზი პირობითი იყო, მაგრამ მეტწილად, კონტექსტურად ამგვარ სიტყვას ამბობენ – ვითომდა, მსხვერპლზე მივდივართ თქვენს საკეთილდღეოდ. რატომ? იმიტომ, რომ დიდი ხნის განმავლობაში, დატოვონ თქვენში კვალი და „არ დაიწვან“. ხოლო მთავარი მამოძრავებელი სურვილი, თუ რატომაც არის ადამიანი ამით დაკავებული, ზემო თქმულის გარდა, არის ის, რომ ამით, თითქოს და, საკუთარ თავს რაღაცას უმტკიცებს, თანაც ეჭვგარეშედ, ეგოს იკმაყოფილებენ, უკიდეგანო ეგოცენტირიკობის ფონზე.
  Forum: თავისუფალი განყო... · Post Preview: #122416 · Replies: 65 · Views: 80,837

დათო.
Posted on: Dec 17 2017, 11:55 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


ძალზე კომიკურია, როდესაც ვიღაცას ჰგონია, რომ იმ დონემდე იცის რა არის მართებულობა ამა თუ იმ საკითხში, სხვა ადამიანის ნების დაუსწრებლად, უნდა მის გონებაში შეუყვანოს, თანაც ამას კეთილშობილური განზრახვით ნათლავს.

რაც შეეხება ჩემს ზოგად დამოკიდებულებას მოცემულს საკითხისადმი, ერთით, არ დავეთანხმები თემის ავტორს იმაში, რომ მსგავსად იმას მართავენ, ვისაც საკუთარი თავი ნაპოვნი არ აქვს. მეტიც, მე ვიტყოდი, პირიქით, მოცემულ ხერს, თუგინდ ყველაზე გალანტურს, რაფინირებულ აღსავსე იდეით გაჯერებულს, სწორედ ამგვარი ადამიანები მიმართავენ თვითონ, პლუს მათ ახასიათებს საკუთარი ცხოვრებით დაუკმაყოფილებლობა – უბედურების შეგრძნება, არასრულფასოვნების კომპლექსი იმაზე მკვეთრი სახით, ვიდრე, ჩვეულებისამებრ, ბუნებრივ ადამიანურ საწყისში ვაწყდებით ხოლმე და ცხადია, ყოველივე ზემო თქმული არაცნობიერად მიმდინარეობს, ქვეცნობიერული სახით. 10-დან 10-ვე შემთხვევაში, შემიძლია, დაბეჯითებით, უტყუარად ვთქვა, რომ ასეა. მეორე – ვეთანხმები იმაში, რომ სტიმულირებადი განწყობით პრევალირება, ანუ, სხვა სიტყვებით რომ ვთქვათ, ერთი ადამიანის მე-2-ს აპათეოზი, რომელიც არ შეიცავს რეალობას, წინასწარ განზრახულია, გარკვეული მიზნის მისაღწევად, ერთ-ერთი ფუნდამენტალურია თავისი შედეგიანობით. უბრალოდ, ადამიანის „დამუშავება“ კარგად უნდა მოხდეს, მიწოდებული უნდა იქნას იგი დროდადრო, ეტაპობრივად, მოცემული პირის სუბიექტურობაში შეჭრით, იქიდან გადმოხედვით და გათვალისწინებით. აი, მაგალითისთვის, თუ ადამიანს აქვს წერილობითი ნიჭი და იგი ამასთან დაკავშირებით ფლობს ინფორმაციას, უფრო მეტიც – ეს საკითხი მისთვის რელევანტურია, სწორედ ამას უნდა „დაეყრდნოს“ პირი, რომელიც ამ ხერხით არის დაკავებული – გრადაციულად უნდა იქნას „საკენკი“ დაყრილი, არა ერთიანად, თუმცა, როდესაც ადგილი ექნება, ესე იგი, იგი ამაზე ხაზგას მოახდენს, ეს უნდა იყოს, რაც შეიძლება, აპათეოზური სახით, მაგალითი რომ გავაგრძელოთ – „ბევრი ადამიანი შემინიშნავს, ვისაც წერილობითი ნიჭი გააჩნია, მაგრამ იმგვარი, როგორიც შენ გაქვს, ჯერ არ შევხვედრილვარ, აღფრთოვანებული ვარ“. თუმცა, რაც ყველაზე მთავარია, უნდა იყოს თითოეულ სიტყვაში მოჩვენებითი შეგრძნობადობა ჩაქსოვილი, ანუ სხვაგვარად – ობიექტი დარწმუნებული უნდა იყოს თქვენს გულწრფელობაში, უტყუარობაში და ამასთან, ემოციურ, გრძნობით განწყობა-დამოკიდებულებაში, რომელიც, თითქოსდა, მისდამი გაგაჩნიათ. კიდევ ერთი ამგვარი, ნათესაობრივი ხერხია, როდესაც ადამიანს შენს სიცოცხლეზე დამოკიდებულს გახდი – გააცნობ მეგობრებს, ოჯახის წევრებს, საქმიანობას, რომელსაც ეწევი – ადევნებინებ თვალს შენს ყოველდღიურობისდამი და აქაც, როგორც წინაში, ყველაზე მთავარი ილუზიური შეგრძნებადობაა, რომლსაც, ძირითადად, უნდა დაეყრდნოს ეს უკანასკნელი.

P.S. ვიმედოვნებ, მოცემულს ხერხს არც ერთი თვენგანი არ გამოიყენებს, ეს მეტად იმათვის დავწერე, ვინც ამგვარი ხერხის მსხვერპლია, რომ მალევე მოახდინონ იდენტიფიკაცია, გააცნობიერონ და გათავისუფლდნენ.
P.P.S. თავად ვიყავი ოდესღაც მოცემული სფეკულაციის მსხვერპლი და რაც დავწერე, პირადი, ემპირიული ჭრილია, სუბიექტურ რეფლექსიაზე დაყრდნობით.
  Forum: თავისუფალი განყო... · Post Preview: #122415 · Replies: 65 · Views: 80,837

დათო.
Posted on: Dec 14 2017, 07:41 AM


WHITE soul
Group Icon

Group: Members
Posts: 41
Joined: 16-August 16
Member No.: 7,552


giorgi.milani

შენი საქმისა შენ იცი, მაგრამ, რაკი რჩევა ითხოვე, მოგცემ, საბოლოო ჯამში კი, თავად გადაწყვიტე.

კარგად დაფიქრე, ძალდატანებითი სიყვარული სიყვარულია(?!)
აშკარაა, რომ ძალდატანებით ხერხს ხარ მიდგომილი, თუკი იმას გავითვალისწინებთ, რომ ოკულტიზმის დახმარებით გინდა, „გახვიდე“.
ჩემი რჩევა იქნება, რომ ყოველივე გაუმხილო მას, რაც შეიძლება, ესკაპიზმური სახით, იმაზე მეტად წვრილმანურად, ვიდრე ზემოთ გაქვს აღწერილი და უბრალოდ, მოეშვი, მიუხედავად იმისა, ეს რა შედეგს მოიმკის. ხოლო მოეშვა იმიტომ, რომ, თუ, მართლაც, გიყვარს, როგორც ზემოთ ამბობ, ამ სიტყვის არატრაციული, არამედ მისი მართებული გაგებით, არ უნდა დაუშვა ის, რომ იმ ადამიანს, რომელთანაც ურთიერთობაშია, ზურგი აბრუნოს და შენკენ ინაცვლოს პირი. ამგვარი „მსხვერპლი“, უპირველესად, ვერც უნდა იქნეს მიღებული შენ მიერ და არც უნდა გინდოდეს.
გამხელა, თქმა კი, საბოლოო მრავალწერტილი იქნება, რომელსაც, საწყის ეტაპზე, დიდი ალბათობით, თუ არა გადაჭრით, მდგომარეობის გამძაფრება, გაუარესება მოსდევდეს იქნება თან, მაგრამ, ბოლოს, გარკვეული ინტერვალის შემდგომ, ყოველმხრივი შემსუბუქება დასვამს ბოლოს წინა წერტილს, ხოლო სულ უკანასკნელს – ინდიფერენტულობა, აპათია და მივიღებთ უკვე ისეთ შედეგს, როგორც მელნით სავსე ფურცლიდან ცარიელს – ანუ, სუფთა წარულს, ყოველგვარი ენერგიის, დატვირთვის გარეშე.
  Forum: თავისუფალი განყო... · Post Preview: #122384 · Replies: 21 · Views: 26,009

დათო.
Posted on: Dec 13 2017, 10:52 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


ნებისმიერი თვალსაზრისით რომ შევხედოთ, ფრიად საინტერესო საკითხია.
ჩემთვის პირადად, დრო ერთ-ერთი მთავარი ფუნდამენტალური რესურსია, თუ არა ერთადერთი.
ფაქტობრივად, თავისი არსით, ის ზოგად ენერგიის ჰომოგენურია, რომელიც დაბადებიდან გარდაცვალებამდე ეძლება ადამინს, ჩვენ კი, მას შეძლებისდაგვარად, სურვილისამებრ, ხან გაცნობიერებულად, ხან კი – გაუცნობიერებლივ ვიყენებთ.
დამეთანხმებით, ადამიანის გონება ბევრი რამით არის გაპირობებული, მათ შორის, დროული სივრცეებით, რომელიც მიჰყოლებით, ერთი მეორის გამორიცხვით – გრადაციულად იჩენს ხოლმე თავს. აწყო ეს რეალობაა, რომლითაც ჩვენი გონება, ჩვეულებისამებრ, ყველაზე ნაკლებად არის დაკავებული, მიუხედავად იმისა, რომ მუდმივ აწყმოში იმყოფება, ეს ლოგიკურიც კი არის, რაკი ადამიანის გონება, თავისი ბუნებით, მიდრეკილია ილუზიისკენ. მაშასადამე, მას ხშირ შემთხვევაში, წარსულით, ანუ ნახევრად ილუზიით ანაცვლებს ხოლმე – ნახევრად იმიტომ, რომ ერთ დროს, მართლაც, რეალური იყო, მაგრამ, იქიდან გამომდინარე, რომ მოცემულმა მომენტმა განვლო, ჩაირა, მიიღო ნახევრული სახე, – ან კი, სრული ილუზიით – მომავლით, – რომელიც კაცმა არ იცის, დადგება თუ არა, ვინაიდან და რადგანაც 1 წუთის შემდგომ, ნებისმიერი რამ არის მოსალოდნელი, თუგინდ ისეთი რამ, რასაც ამჟამინდელ გადმოსახედიდან, ყველაზე მეტად გამოვრიცხავთ. ასე რომ, სადაც არ ძალგვიძს 1 წუთის შემდგომი ეტაპის განსაზღვრა, იქ ნებისმიერ დროულ ერთეულზე იმავე ითქმის.
თუმცა, თავის მხრივ, ყოველივე დროული სივრცე მეტ-ნაკლებად გონებისათვის საჭიროა. წარსული, მიუხედავად თავისი ნახევრულობისა, ჩვენ ემპირიულობას შეიცავს, რომლის გარეშეც, ცხოვრება ძალიან გაგვიჭირდება, ანდა სულაც შეუძლბელი იქნებოდა. წარმოიდგინეთ ადამიანი, რომლის გონება, ამ მხრივ, ყოველ 24 საათის განმავლობაში, „სუფთავდება“, ისევე, როგორც თქვენ ასუფთავებთ ხოლმე კომპიტიურეს დროდადრო არასაჭირო მასალებისგან და თვალნათლივ მიხვდებით, ვფიქრობ, რაზეც მაქვს საუბარი. იმავე ითქმის მომავალზე – შესაძლოა, სულაც ვერ მივაღწიო B წერტილამდე მომავალში, ბევრმა რაღაცამ შემიშალოს ხელი, ბოლოს და ბოლოს, გარდავიცვალო, თუმცა დღეს იმით ვარ დაკავებული, რაც, B წერტილზე მისვლის დროს, დამჭირდება.
ახლა რაც შეეხეება დროულ აღქმას, ეს მეტად ეგზისტენციალური საკითხია, ვინ რამდენად, როგორ აღიქვამს დროს. ვიღაცისთვის, ჩვეულებრივ, მალე გადის, ვიღაცისთვის – ნაკლებად, ვიღაცისთვის კი – მაქსიმალურად დაახლოებულად რეალურ დროულ ერთეულთან – ეს, რაც ვთქვი, იყო ზოგადი სახე, ხოლო კონკრეტულს შემთხვევაში, შესაძლოა, კონტრასტს გადავაწყდეთ, მეტიც, ეს გარდაუვვალიც კია, ვითარც გონებრივი შესაძლებლობა, რომელიც, ერთ კონკრეტულ ადამიანის შემთხვევაში, სხვდასხვააა სხვადასხვა დროს.
ზოგადი ფორმულირება კი ამგვარია – იქიდან გამომდინარე, რაოდენც ხარ მოცული იმით, რითიც ხართ დაკავებული, მით მეტად გადის დრო, არ არის უცილებელი, რომ ეს მაინცდამაინც სიამოვნების ფრაგმენტულობაზე გადიოდეს.
თუმცა, სამწუხაროდ, ეს ფორმულა მეტწილად ადამიანთა არამართებულ გზაზე გადის. მაგალითად, ისეთი რამით დაკავებაზე, რაც მეტად ესკაპიზმური სახისაა.
  Forum: ეზოთერული განყოფ... · Post Preview: #122383 · Replies: 40 · Views: 41,271

დათო.
Posted on: Dec 3 2017, 08:31 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


მოგესალმებით.
მაინტერესებს, ყოველი თვენგანის აზრი, დამოკიდებულება შემთხვევითობისდამი.
ვინც აქტიურად ეწევა რეფლექსიას, მის ძალას უთუოდ აცნობიერებს, რომელიც მთელ ჩვენ ცხოვრებაზე ვრცელდება და მოიცავს, ჯერ კიდევ, სანამის დავიბადებოდით და სიცოცხლის ბოლო ამოსუნთქვამდე, წამამდე სტანს.
ფაქტობრივად, კაცმა რომ თქვას, ჯერ ჩვენი დაბადება რაოდენ, დიდ შემთხვევითობადი ნუსხაა და რამდენ დამთხვადობას შეიცავს, დაწყებული ჩვენი მშობლების შეხვედრით, დაოჯახებით, დამთავრებული მაინცდამაინც ჩვენი ჩასახით, განაყოფიერებით, ხოლო შემდგომ, არანაკლებ შემთხვევადობას ვაწყდებით, თუკი ჩვენ, მთელ ცხოვრებას თვალს მიმოვავლებთ – ურთიერთობები, რომელიც მეტწილად შემთხვევადობიდან გამომდინარე იწყება, გარკვეული ხანი სტანს და ბოლოს, რაღაც უწყინარი მოვლენა, რომელიც, ჩვეულებისამებრ, სრულებით შესაძლებელი იყო, არ მომხდარიყო, ხდება და ასრულებს. კულტურა, რომლისათვის, მაგალითად, საკუთარი ემპირიულობიდან რომ გითხრათ, შესაძლებელი იყო, რომ სრულიად სხვა ყოფილიყო, ცხოვრების საწყის წლებში და კაცმა არ იცის, ეს როგორ შემცლიდა და რამდენად დამაშორებდა იმისგან, ვინც დღეს ვარ, თუმცა ერთმა ვითარებამ, ჩემდა უნებურად, სრულიად სხვა ქალაქში მიმოსროლა, მაცხროვა. სიკვდილი, რომელიც ასევე არვინ არ იცის, ვისთვის, როდის მოვა და ძირითადად, ეს ვითარდება პრიმიტული სახით, პირობითად, პროდუქტების საყიდლად მივდივარ სუპერმარკეტში, ჩვეულებრივ, როგორც წესი, ყოველ შაბათ-კვირას და ამ დროს, ქუჩაში მიმავალს, მანქანა მივლის და მკლავს, პირი, რომელიც დიდი სიჩქარით ატარებს ავტომობილს და საჭე ექცევა. ანუ, როგორ გითხრათ, წამის მეასედი წამის მეასედზე ჯდება და ხდება ის, რაც ხდება, როცა შეიძლება, არ მომხდარიყო და ამ არ მომხდრობის ექვივალენტობას, როდესაც აცნობიერებ, ხვდები, რომ ნებისმიერ წამს, შესაძლებელია, ნებისმიერი რამ მოხდეს, რაც კანონზომიერების ფარგლებში ჯდება. და ბოლოს, ჩემს დამოკიდებუბას გაგაცნობთ, ვფიქრობ, რომ არსებობს რაღაც უფერო ძალა, რომელიც არც თავის ჭკუაზე დაატარებს ზემოთ მოცემულს, არც უხეშად ერევა, აქვს, ასე ვთქვათ, ნორმალიზაციის უკიდეგანო განცდა.
  Forum: ეზოთერული განყოფ... · Post Preview: #122265 · Replies: 2 · Views: 4,857

დათო.
Posted on: Nov 27 2017, 08:39 PM


WHITE soul
Group Icon

Group: Members
Posts: 41
Joined: 16-August 16
Member No.: 7,552


იმით, რომ ადამიანისეული, არასრულფასოვანური „სიყვარული“, რაც მხოლოდ და მხოლოდ გრძნობას, ემოციას მოიცავს და ამასთან, ბევრ ნეგატივს ჭრილს წარმოშობს, როგორიცაა, მაგალითად, – დამოკიდებულება, მესაკუთრეობა, პირადი სივრცის დარღვევა, თავზე მოხვევა საკუთარი სურვილების და სხვა, რომ დაავადებად ცნეს, ამით დიდად არაფერი შეცვლილა, უბრალოდ, ოფიციალური სახე მიეღო, ესაა და ეს. სიყვარული, უპირველესად, ცნობიერების მდგომარეობაა და შინაგანი, არსობრივი გამოცდილება.
  Forum: თავისუფალი განყო... · Post Preview: #122218 · Replies: 42 · Views: 49,472

2 Pages V   1 2 >

New Posts  New Replies
No New Posts  No New Replies
Hot topic  Hot Topic (New)
No new  Hot Topic (No New)
Poll  Poll (New)
No new votes  Poll (No New)
Closed  Locked Topic
Moved  Moved Topic
 

Lo-Fi Version Time is now: 29th March 2024 - 09:31 AM