 გურჯიევი, გიორგი გურჯიევი იგივე გურ |
  |
| გურჯიევი, გიორგი გურჯიევი იგივე გურ |
 May 5 2010, 03:40 PM
Post
#41
|
|
 WHITE soul  Group: Members Posts: 41 Joined: 2-May 10 Member No.: 6,222 ნიკის ჩასმა პოსტში მონიშნულის ციტატაში ჩასმა  |
QUOTE(georgius-asmoday @ Jun 24 2009, 02:31 PM)  გიორგი გურჯიევი... მაინტერესებთ რა ფიქრობთ ამ პიროვნებაზე? თანამედროვე არ იყო, ეპოქალურად, ცხადია არც ქართულია, კულტურულად, ცხადია ისე ჯიგრიანი კახური იუმორი რო ჰქონდა, ესეც ცხადია )) |
 |
 
|
|
May 7 2010, 02:12 PM
Post
#42
|
|
|
RED soul  Group: Members Posts: 248 Joined: 15-May 09 From: Tbilisi Member No.: 5,954 ნიკის ჩასმა პოსტში მონიშნულის ციტატაში ჩასმა |
ნამდვილი მასწავლებელი იყო, ყოველგვარი სექტანტიზმის, აჟიტირების და ეგზალტაციების გარეშე. მასწავლებელი, ვისი წიგნიც ცხოვრება იყო.
|
|
|
|
|
May 7 2010, 03:32 PM
Post
#43
|
|
 YELLOW soul  Group: Members Posts: 691 Joined: 15-January 10 From: yvelgan da arsad Member No.: 6,118 ნიკის ჩასმა პოსტში მონიშნულის ციტატაში ჩასმა |
david6david
რა ზუსტად დაახასიატე.. -------------------- -----------------------------------------------------------------
|
|
|
|
|
May 14 2010, 12:46 AM
Post
#44
|
|
|
RED soul Group: Members Posts: 206 Joined: 23-January 10 Member No.: 6,129 ნიკის ჩასმა პოსტში მონიშნულის ციტატაში ჩასმა |
david6david
[quote]ნამდვილი მასწავლებელი იყო, ყოველგვარი სექტანტიზმის, აჟიტირების და ეგზალტაციების გარეშე. მასწავლებელი, ვისი წიგნიც ცხოვრება იყო. [ /quote] კი, ასეა და ამიტომ ვცემ დიდ პატივს მას. ნამდვილად ფლობდა დიდ ძალას და ცოდნას განსხვავებით ბევრი შარლატანისგან. და ამ ცოდნას ის თან დაატარებდა, ყოველგვარი თეორიების და წიგნებიდან ამოკენკილი ციტირების გარეშე. |
|
|
|
|
May 14 2010, 01:19 PM
Post
#45
|
|
|
WHITE soul Group: Members Posts: 48 Joined: 12-April 10 Member No.: 6,201 ნიკის ჩასმა პოსტში მონიშნულის ციტატაში ჩასმა |
მასობრივ ჰიპნოზს მართლა ჩალიჩობდა ? ... ბევრი ამბობს მამენტ შარლატანიაო
|
|
|
|
|
Nov 27 2010, 05:54 PM
Post
#46
|
|
|
VIOLET soul  Group: Members Posts: 3,007 Joined: 29-October 09 Member No.: 6,058 ნიკის ჩასმა პოსტში მონიშნულის ციტატაში ჩასმა |
რაღაც ბიოგრაფიული ფილმი ვიპოვე გურჯიევზე:
Встречи с замечательными людьми Режиссер: Питер Брук / Peter Brook http://rutracker.org/forum/viewtopic.php?t=3264165 კარგი ფილმია თუ იცით? -------------------- ჰარერ ნამა ჰარერ ნამა ჰარერ ნამაივა კევალამ
კალაუ ნასტი ევა ნასტი ევა ნასტი ევა გატირ ანიათჰა «კალის ამ ეპოქაში არ არსებობს სხვა გზა, არ არსებობს სხვა გზა, არ არსებობს სხვა გზა თვითრეალიზაციის მისაღწევად, გარდა უფალი ჰარის წმინდა სახელის გამეორებისა, წმინდა სახელის გამეორებისა, წმინდა სახელის გამეორებისა» |
|
|
|
|
Nov 27 2010, 08:02 PM
Post
#47
|
|
 MASTER  Group: Moderator Posts: 7,261 Joined: 4-September 10 Member No.: 6,254 ნიკის ჩასმა პოსტში მონიშნულის ციტატაში ჩასმა |
პიტერ ბრუკი კარგი რეჟისორია,იმედია ფილმიც კარგი იქნება..
 ვნახავ და გეტყვი...
-------------------- -----------Купила мелок от тараканов! Теперь в голове тихо, спокойно. .. сидят, рисуют.-------------------
|
|
|
|
|
Nov 29 2010, 11:46 PM
Post
#48
|
|
|
RED soul Group: Members Posts: 248 Joined: 15-May 09 From: Tbilisi Member No.: 5,954 ნიკის ჩასმა პოსტში მონიშნულის ციტატაში ჩასმა |
გურჯიევმა პირველი სერიოზული ინსტრუქტაჟი მიიღო ყარსში, თურქეთში ბრმა შეიხთან, რომელსაც შემთხვევით გადაეყარა ჭეშმარიტების ძიების გზაზე. შემდეგ სწავლობდა კონიაში, ანატოლიაში მევლევის ორდენში და სტამბულში ჰაკიმ ბეისთან.
|
|
|
|
|
Nov 29 2010, 11:56 PM
Post
#49
|
|
|
RED soul Group: Members Posts: 248 Joined: 15-May 09 From: Tbilisi Member No.: 5,954 ნიკის ჩასმა პოსტში მონიშნულის ციტატაში ჩასმა |
სუფიზმში ისევე როგორც სხვა მისტიკურ ტრადიციებში მურშიდის და მურიდის (ეს მარტო უბრალოდ მასწავლებელი და მოსწავლე არაა) გარეშე არაფერი ხდება და ეს შარლატანობას ძირშივე გამორიცხავს, განსხვავებით თვითნასწავლი და თვითგანვითარებული ნიუ ეიჯის ეგრეთწოდებული მისტიკოსებისგან, რომლებმაც იშვიათ შემთხვევებში შეიძლება მიიღონ დამოუკიდებელი ან შემთხვევითი ხელდასხმა, მაგრამ ტრადიციის ფარგლებს გარეთ დიდია შანსი რომ ეგოიზმი გაუძლიერდეთ და საბოლოოდ არეული სწავლების გავრცელება დაიწყონ.
|
|
|
|
|
Nov 30 2010, 09:42 AM
Post
#50
|
|
|
MASTER Group: Moderator Posts: 7,261 Joined: 4-September 10 Member No.: 6,254 ნიკის ჩასმა პოსტში მონიშნულის ციტატაში ჩასმა |
QUOTE(david6david @ 29th November 2010 - 11:56 PM) სუფიზმში ისევე როგორც სხვა მისტიკურ ტრადიციებში მურშიდის და მურიდის (ეს მარტო უბრალოდ მასწავლებელი და მოსწავლე არაა) გარეშე არაფერი ხდება და ეს შარლატანობას ძირშივე გამორიცხავს, განსხვავებით თვითნასწავლი და თვითგანვითარებული ნიუ ეიჯის ეგრეთწოდებული მისტიკოსებისგან, რომლებმაც იშვიათ შემთხვევებში შეიძლება მიიღონ დამოუკიდებელი ან შემთხვევითი ხელდასხმა, მაგრამ ტრადიციის ფარგლებს გარეთ დიდია შანსი რომ ეგოიზმი გაუძლიერდეთ და საბოლოოდ არეული სწავლების გავრცელება დაიწყონ. რა ზუსტი პოსტია და რა სიმართლე წერია აქ! 100% გეთანხმები.. ამას ყოველ ფეხის ნაბიჯზე ვაწყდებით.. -------------------- -----------Купила мелок от тараканов! Теперь в голове тихо, спокойно. .. сидят, рисуют.-------------------
|
|
|
|
|
Jan 6 2011, 07:36 PM
Post
#51
|
|
|
WHITE soul Group: Members Posts: 5 Joined: 10-December 10 Member No.: 6,328 ნიკის ჩასმა პოსტში მონიშნულის ციტატაში ჩასმა |
ესეც ცოტა რამ გურჯიევის შესახებ
ცნობილი მისტიკოსისა და მედიუმის გიორგი გურჯიევის წარმომავლობა და ბიოგრაფიული მონაცემების ნაწილი დაზუსტებით არაა ცნობილი. დაბადების თარიღად ასახელებენ 1866-დან 1877-მდე წლებს. პასპორტის მიხედვით, ის დაბადებული იყო 1877 წლის 28 ნოემბერს, თუმცა მისი ცხოვრების სტილიდან გამომდინარე ამას უტყუარ ფაქტად ვერ მივიღებთ (უფრო კონკრეტულად ქვემოთ შეიტყობთ). აზრთა სხვადასხვაობაა მის ბიოგრაფებს შორისაც. მაგალითად, ჯეიმს მური 1866 წელს მიიჩნევს უფრო შესაფერისად, უილიამ პეტერსონი – 1872-ს. ოჯახის შესახებ ტრადიციულად მიჩნეულია, რომ პონტოელი ბერძენი მამისა და სომეხი დედის ოჯახში დაიბადა. თუმცა ცნობილია, რომ საქართველოში მცხოვრები მუსლიმები ქართველებს “გურჯებს” ეძახიან, ამიტომ გვარის გამო მის ქართულ ფესვებზეც არის ეჭვები. ამერიკელი მისტიკოსი და ოკულტური წიგნების ავტორი დევიდ ალან ჰულსი წიგნში “ენციკლოპედიური მეგზური წმინდა ენებისკენ” საუბრობს ქართულ ენაზე (გვ.218) და იქვე აყოლებს: ქართულ დამწერლობაში ძირითადად ორი სტილია გავრცელებული: ხუცური, რომელიც მრგვალი ფორმებით გამოირჩევა და მხედრული. მხედრული დამწერლობა ძალიან ჰგავს იმ საიდუმლო ანბანს, რომელსაც გურჯიევი იყენებდა წერისას. შეიძლება სწორედ ეს დამწერლობა დაგვეხმარება, გავშიფროთ მისი სიმბოლოები (ე.წ. “ენაგრამები”), რომლებსაც ნაშრომებში რთავდა. გურჯიევი გაიზარდა ყარსში და მსოფლიოს მრავალი ადგილი მოიარა – ცენტრალური აზია, ეგვიპტე, ევროპა.. 1912 წელს რუსეთში დაბრუნდა და თქვა: “დავიწყე რუსეთით და დავასრულე რუსეთით.” 1912 წელს მოსკოვში მას უკვე გამოუჩნდა მოწაფეები. ამავე წელს იქორწინა პოლონელ ჯულია ოსტროვსკაზე და გადავიდა სანკტ-პეტერბურგში. მის მოწაფეებში ირიცხებოდნენ ფილოსოფოსი პიოტრ უსპენსკი, კომპოზიტორი ტომას დე ჰარტმანი და მისი მეუღლე ოლგა. 1916 წელს კი უკვე 30 მიმდევარი ჰყავდა. 1917 წელს სომხეთში, ალექსანდროპოლში დაბრუნდა. ბოლშევიკური რევოლუციის პერიოდში თავის სწავლებებს ავრცელებდა ესენტუკში, ტუაფსეში, მაიკოპში, სოჭაში, ფოთში. 1918 წელს უსპენსკი მას გამოეყო. 1919 წელს გურჯიევი ყველაზე მეტად დაახლოებულ მოწაფეებთან ერთად ტიფლისში (თბილისში) ჩამოვიდა. აქვე გახსნა “ადამიანის ჰარმონიული განვითარების ინსტიტუტი”, რომელსაც შემდგომში ‘მეოთხე გზა’ ეწოდა. მალე მას ოჯახის წევრებმა ჩააკითხეს და შეატყობინეს, რომ თურქებმა მამამისი დაჭრეს სომხების გენოციდის დროს, დედა და რამდენიმე ნათესავი კი ტიფმა იმსხვერპლა. 1920 წელს სიტუაცია აირია და ჯერ ბათუმში, შემდეგ კი სტამბულში გადაინაცვლა. აქ მოწაფეებთან ერთად გაეცნო დერვიშების ადათ-წესებს, დაინტერესდა სუფისტური ცერემონიით ‘სამა’. სტამბულშივე შეხვდა ბრიტანელ მეცნიერს, მკვლევარსა და მწერალს ჯონ ბენეტს, რომელიც მალევე გახდა მისი და უსპენსკის მიმდევარი. 1921-22 წლებში მისტიკოსმა შემოიარა დასავლეთ ევროპა, ლექციებს ატარებდა ისეთ ქალაქებში, როგორიცაა ბერლინი და ლონდონი. აქ შეძენილი მოწაფეებიდან აღსანიშნავია ბრიტანელი ინტელექტუალი ალფრედ რიჩარდ ორეგი. 1924 წელს პარიზიდან ბრუნდებოდა, როცა ავარიაში მოყვა და მძიმედ დაიმტვრა, ბეწვზე გადაურჩა სიკვდილს. არის ვარაუდი, რომ ეს ავარია თავიდან მოსაშორებლად მოუწყეს. თავისი ცოდნის დახმარებით მას ექიმი არც დასჭირვებია, ისე გამოჯანმრთელდა. ამავე წელს დაიწყო წერა წიგნისა “ყველა და ყველაფერი”. 1925 წელს მისი ცოლი კიბოთი დაავადდა. სამწუხაროდ, ვერც რადიოთერაპიამ უშველა და ვერც გურჯიევის მკურნალობამ და 1926 წლის ივნისში გარდაიცვალა. ფრიც პიტერსის წიგნი “გურჯიევი ამერიკაში” გვამცნობს, რომ მისტიკოსი 1925-26 წლებში აქტიურად სტუმრობდა ნიუ-იორკს და თავისი ქონება დაახლოებით 1 მილიონი დოლარით გაზარდა (გაითვალისწინეთ, როდის ხდება მოქმედება და მცირე თანხად არ მოგეჩვენებათ). სწავლებას და ქადაგებას გიორგი მეორე მსოფლიო ომის დროსაც აგრძელებდა. ამ პერიოდში ის პარიზში ცხოვრობდა. გარდაიცვალა 1949 წლის 29 ოქტომბერს საფრანგეთში, ამერიკულ საავადმყოფოში. დაკრძალულია ფოტენბლოს სასაფლაოზე. პიროვნული თვისებები მისი თანამედროვეები არცთუ ისე დადებითად ახასიათებდნენ გიორგის. მათი აღწერით, მისტიკოსი ფრიად ცბიერი და საშიში ადამიანი იყო. მისი ქარიზმა ვერავის დატოვებდა გულგრილს. ჰქონდა ადამიანის დაჰიპნოზებისა და მისტიფიკაციის საოცარი უნარი. მასთან საუბრისას ყველა კარგავდა დროის შეგრძნებას. ბევრ მათგანს ეგონა, რომ საუბარი სულ ახლახანს დაიწყეს, არადა უკვე 6 საათი იყო გასული. როცა ევროპელ ინტელიგენტებს მათივე ისტორიიდან რამდენიმე საუკუნის წინანდელ საინტერესო ამბებს უყვებოდა, ისეთ წვრილმანებს ახსენებდა, რომ ტოვებდა შეგრძნებას, თითქოს ეს ყველაფერი საკუთარი თვალით ჰქონდა ნანახი. ადამიანებთან კონტაქტისას სიფაქიზეს ავლენდა, ყველას სხვადასხვანაირად ესაუბრებოდა. სადაც კი ჩადიოდა, ყველას თავიანთ მშობლიურ ენაზე უსაუბრებოდა, არასდროს სჭირდებოდა თარჯიმანი. ფილოსოფია, იდეოლოგია და პრაქტიკა გურჯიევი ამტკიცებდა, რომ მის მიერ შემუშავებული ინფორმაციის ათვისება ადამიანს ჭეშმარიტების კარს გაუღებდა. ეს ინფორმაცია კი დამყარებული იყო უძველეს რელიგიებზე, სხვადასხვა ხალხების ტრადიციებსა და ზნე-ჩვეულებებზე, ასევე საკუთარ გამოცდილებაზე. მისი მოწაფეები სულიერ ლიდერად მიიჩნევდნენ, ასევე ეზოთერიკოსად და ოკულტისტად. ადამიანები ვერ აღიქვამენ რეალობას, რადგან ისინი იმყოფებიან ერთგვარ “ფხიზელი ძილის” მდგომარეობაში. “ადამიანი ცხოვრობს ძილში და ძილშივე კვდება”. გურჯიევის მტკიცებით, ადამიანები რომ უფრო გააზრებულ მდგომარეობაში იყვნენ, არ მოხდებოდა ისეთი საშინელებები, როგორიც მაგალითად ომია. ადამიანები ერთფეროვანი ყოველდღიურობის გამო ერთგვარად დაჰიპნოზებულნი არიან და გაუცნობიერებლად ემგვანებიან მექანიკურ სათამაშოებს. მისტიკოსი ამბობდა, რომ რელიგიები და უძველესი ტრადიციები ერთ დროს დიდ ცოდნას ინახავდა, მაგრამ ადამიანებმა ზოგჯერ თავიანთი პატივმოყვარეობის გამო, ზოგჯერ კი უნებლიედ დაამახინჯეს და არსი დაუკარგეს, ამიტომ მათ აღარ ჰქონდათ ის ძალა, რაც უწინ. ადამიანის გონებაც თანდათან დაქვეითდა და აღარ შესწევდა უნარი, გაერჩია კარგი და ცუდი, ჩასწვდომოდა ჭეშმარიტებას. ამის ნათელი შედეგი იყო 1914-18 წლებში მიმდინარე I მსოფლიო ომი. ადამიანი შედგება სამი ნაწილისგან – სხეული, გონება და ემოციები. ჰარმონიისთვის საჭიროა სამივე მათგანი განვითარდეს. ამიტომაც გურჯიევმა შეიმუშავა სისტემა “მეოთხე გზა”, რომლის შესრულებაც არ უნდა ყოფილიყო პრობლემა იმდროინდელი საშუალო ევროპელისა და ამერიკელისთვის. თუმცა ამ ტერმინს თავად არ ხმარობდა, “მეოთხე გზა” მისმა მოწაფეებმა უწოდეს, სალაპარაკო ენაში კი გავრცელდა უსპენსკის წიგნის “მეოთხე გზის” შემდეგ, რომელიც მისტიკოსის ლექციებზე იყო დაფუძნებული. სწავლებას ასევე უწოდებენ “გურჯიევის ნაშრომს”, “სისტემას”, “საკუთარ თავზე მუშაობას” და ა.შ. მეოთხე გზა ასწავლის ადამიანს, როგორ მოახერხონ ყურადღებისა და ენერგიის მართვა თავიანთ სასარგებლოდ, განავითარონ ფარული უნარები, ნაკლები დრო დაუთმონ ოცნებებს და იყვნენ მობილიზებულნი. ადამიანი არ იბადება სულით, არამედ თავისი ცხოვრება უნდა წარმართოს ისე, რომ მასში აღმოცენდეს სული, თუ არადა “მოკვდება ისე, როგორც ძაღლი”. მხოლოდ სულის განვითარების შემდეგ მოდის ადამიანში ცოდნა, აზროვნება და შეგნება, მანამდე კი ადამიანი მხოლოდ ილუზიაშია, რომ თითქოს აზროვნებს. გურჯიევს შემუშავებული ჰქონდა მოძრაობების სისტემა, რომელსაც “წმინდა ცეკვებს” ეძახდა. მას მოწაფეებთან ერთად ასრულებდა. ამ ცეკვების სისტემას მოგვიანებით “გურჯიევის მოძრაობები” ეწოდა. მათი საწყისები იმალება სხვადასხვა რელიგიებში, ასევე ტრადიციებში, რომლებიც სათავეს იღებენ ცენტრალურ აზიაში, ინდოეთში, ტიბეტში, შორეულ აღმოსავლეთსა და აფრიკაში. ცეკვები შედგებოდა 39 მოძრაობისგან: 1. ავტომატი 2. ლოცვა სამ ნაწილში 3. ოთხი თვალწარმტაცი სანახაობა 4. ლოცვა სწავლებისთვის 5. დერვიშის მითითება 6. მოძრაობა კანონით 7. ეზოთერიკა 8. ტრიადები წყვილებში. სირთულეები სიმარტივეში 9. ‘ოლბოგმეკი’, ანუ ორმაგი გამრავლება 10. ნათელი ცეკვა 11. უფალო შეგვიწყალენ 12. ალილუია 13. მოძრაობის ლოცვა 14. წმინდა წიგნის კითხვა 15. ტიბეტური დღეები 16 – 17. ცხრაკუთხედის გამრავლება 18 – 19. ვარჯიშის შეწყვეტა 20. ექვსი გადააადგილება. დერვიშების ვარჯიში 21. სინდისის ქენჯნა 22. მეზოთერიული სერიები 23 – 24. ჩაძე ვაძე (უფალო, შეგვიწყალენ!) 25. შავი და თეთრი მაგია 26. გამრავლება 27. კანონი 28 – 29 – 30. კოსმიური ცეკვა 31. თხუთმეტი რიტმი 32. ავტომატი 33. ვარჯიში ‘ამერიკაში დაბრუნება’ 34. გამრავლება 35 – 36. დერვიშების მოძრაობა 37 – 38. კანონი 39. ფიქრი, შეგრძნება, ემოცია გურჯიევი ასწავლიდა, რომ სულიერი განვითარება შედგებოდა სამი ნაწილისგან, სამი გზისგან: ფაკირის გზა ეს ნაწილი მოიცავდა რთული ფიზიკური ვარჯიშებისა და პოზების შესრულებას, ემსახურებოდა სხეულის განვითარებას. დაფუძნებული იყო ფაკირების, ანუ მუსლიმი სუფისტი ასკეტების პრაქტიკაზე. ბერის გზა ბერის, იგივე მონაზვნის ვარჯიშები მიმართული იყო ემოციური წონასწორობის განვითარებისკენ. ყურადღება ექცეოდა ბილწი ვნებების დათრგუნვას და სულიერი, ჭეშმარიტი შეგრძნებების განვითარებას. დაფუძნებული იყო ქრისტიანი და ბუდისტი ბერების პრაქტიკაზე. იოგის გზა დაფუძნებული ინდუისტი და სიქჰისტი იოგების პრაქტიკაზე, იოგის ვარჯიშები ემსახურებოდა თვითშემეცნებას, ავითარებდა გონებრივ შესაძლებლობებს და ფარულ ნიჭებს. ეს სამი ნაწილი მთლიანობაში ადამიანს წარუძღვებოდა ჰარმონიისა და სრულყოფისკენ, რაც იყო კიდეც ნებისმიერი რელიგიის ძირითადი არსი. სამი გზა იკვრებოდა ერთ მთლიანობად, ჭეშმარიტ სწავლებად, რომელსაც სიმბოლურად ‘მეოთხე გზა’ ეწოდა. მაგრამ ეს ცოდნა არ იყო ყველასთვის. რა თქმა უნდა, ის არ წარმოადგენდა დაფარულ საიდუმლოს, მაგრამ ბევრს უბრალოდ არ აინტერესებდა. მხოლოდ მცირედნი, ვინც აღმოაჩენდნენ მასში ხსნის გზას, მიჰყვებოდნენ კიდეც. გურჯიევი ამბობდა, რომ ადამიანების მხოლოდ 20% დაფიქრებულა ერთხელ მაინც მაღალ ღირებულებებზე. მათგან მხოლოდ 20%-ს გადაუწყვეტია რამის გაკეთება ამ მხრივ, და ამ მცირედის 5% აღწევდა რაიმე შედეგს. ანუ საბოლოო ჯამში, 0.002%, იგივე 500-დან ერთი ადამიანი აღებდა კარებს რეალობაში. ერთ-ერთი მნიშვნელოვანი ფაქტორი სწავლებისა იყო ის, რომ გურჯიევის აზრით, სამყაროში ყველაფერი ერთმანეთთან იყო კავშირში. თუკი ადამიანი ერთი რამის შესწავლას მიჰყოფდა ხელს, ის მისდაუნებურად აითვისებდა სხვა რამესაც და შეიძენდა ახალ უნარ-თვისებებს. გავლენა თავისთავად ცხადია, გურჯიევი ეხვეოდა ხოლმე კრიტიკის ქარცეცხლში. ბევრი მას მიიჩნევდა შარლატანად, რომელსაც ეს ყველაფერი საკუთარი ეგოს დასაკმაყოფილებლად სჭირდებოდა. თუმცა აშკარაა, რომ მან გავლენა მოახდინა უამრავ მისტიკოსზე, მოაზროვნეზე, მწერალზე, ლიდერზე. მაგალითისთვის საკმარისია ორი პიროვნება, რომლებზეც ამ ბლოგზე ცალ-ცალკე პოსტებია: ოშო და კარლოს კასტანედა. მისი წიგნები ბესტსელერი იყო, თავად გურჯიევზე კი რამდენიმე ათეული წიგნი დაიწერა. “ღმერთის მოსვლის მაცნე”. დაიბეჭდა 1933 წელს. ტრილოგია “ყველა და ყველაფერი” * ნაწილი I – “ბელზებუბის ამბები, რომელსაც შვილიშვილს უყვებოდა”. დაიბეჭდა 1950 წელს * ნაწილი II – “შეხვედრა შესანიშნავ ადამიანებთან”. დაიბეჭდა 1963 წელს * ნაწილი III – “ცხოვრება მხოლოდ მაშინაა რეალური, როცა ‘მე ვარ’ “. დაიბეჭდა 1974 წელს “ხედი რეალური სამყაროდან”. დაიბეჭდა 1973 წელს ასევე გადაღებულია ფილმი შეხვედრა შესანიშნავ ადამიანებთან. როგორც ზემოთ მოგახსენეთ, გურჯიევი ერთ-ერთი ვერსიით ითვლება ვოლანდის პროტოტიპად. რუსული გაზეთი “Ставропольская правда” 2006 წლის 4 თებერვლის ნომერში წერს: – არ გვაქვს დაზუსტებული ცნობები იმის შესახებ, მისტიკოსი მართლა შეხვდა თუ არა ბულგაკოვს, თუმცა ის რომ მწერლის შთაგონების წყარო გურჯიევია, აშკარაა. ამასთან, 1917 წელს ორივე ესენტუკში ისვენებდა და ეს კიდევ უფრო ზრდის ალბათობას. ასევე ცხადია, რომ მეოცე საუკუნის მთელი რუსული ინტელიგენცია ამ საოცარი ადამიანის გავლენის ქვეშ იყო. გაზეთი ასევე საუბრობს გურჯიევისა და სტალინის ურთიერთობაზე. ისინი საკმაოდ კარგად იცნობდნენ ერთმანეთს და არის ვარაუდი (არცთუ ისე საფუძველს მოკლებული), რომ ერთად სწავლობდნენ თბილისის სასულიერო სემინარიაში. თუმცა ამ დროს მისტიკოსს იმხელა ცოდნა ჰქონდა, გასაკვირია, სემინარიაში სწავლა რაში სჭირდებოდა. მაგრამ დადასტურებულია ის, რომ ეს ორი მეგობარი ამ პერიოდში ერთ ბინაში ცხოვრობდა თბილისში. თავის მხრივ, გურჯიევიც განიცდიდა სტალინის გავლენას და მასთან ერთად მონაწილეობდა აჯანყებებში. მოგვიანებით, ის იხსენებდა, როგორ დაჭრეს კავკასიაში ყოფნის პერიოდში – მას ტყვია მოხვდა 1904 წელს ჭიათურაში, როცა ის და იოსები საფოსტო ეტლის გაძარცვას ცდილობდნენ. მკვლევარების დიდმა ნაწილმა გურჯიევის გავლენა აღმოაჩინა სტალინის რიგ ნაშრომებში. გურჯიევისვე გავლენით შეიცვალა სტალინმა დაბადების თარიღი ძალაუფლების ხელში ჩაგდებისას: ის დაბადებული იყო 1878 წლის 18 დეკემბერს, მისტიკოსმა კი შეაცვლევინა და 1 წლითა და სამი დღით წინ გადააწევინა – 1879 წლის 21 დეკემბერი. ამით დიდ ბელადზე მაგიურ-ოკულტური გავლენის მოხდენა შეუძლებელი გახდა. ამ ფაქტის გამო რეალობას არაა მოკლებული აზრი, რომ იგივე მიზეზით თავად გურჯიევსაც შეცვლილი ჰქონდა დაბადების თარიღი. |
|
|
|
 Sep 9 2011, 01:57 PM
Post
#52
|
|
 WHITE soul Group: Members Posts: 8 Joined: 7-September 11 Member No.: 6,558 ნიკის ჩასმა პოსტში მონიშნულის ციტატაში ჩასმა |
QUOTE(Atman @ Nov 27 2010, 05:54 PM) რაღაც ბიოგრაფიული ფილმი ვიპოვე გურჯიევზე: Встречи с замечательными людьми Режиссер: Питер Брук / Peter Brook http://rutracker.org/forum/viewtopic.php?t=3264165 კარგი ფილმია თუ იცით? ფილმი არ ვიცი, აი წიგნი მაქვს წაკითხული...და თამამად შეიძლება ითქვას, რომ ფანტატსტიკურია, სიუჟეტი გაგიტაცებს, აზრი მოგხიბლავს და იგრძნობ გურჯიევის განსაკუთრებულ ხედვას სულიერ სამყაროზე და განსაკუთრებულ ლიტერატურულ გემოვნებას... ნახევრად სომეხი იყო, ნახევრად ბერძენი... ეს მის ხასიათშიც ზის. ჩემი მასწავლებლის, მასწავლების, მასწავლებელი მოხვდა მასთან და რათქმა უნდა გადმოცემით ვიცი რომ ნამდვილად არ იყო შარლატანი, რომ ჰიპნოზის ოსტატი იყო და ა.შ...
-------------------- კაცო, ძალსა ნუ იქადი, ნუცა მოჰკვეხ ვითა მთვრალი!
არას გარგებს ძლიერება, თუ არ შეგწევს ღმერთის ძალი! დიდთა ხეთა მოერევის, მცირე დასწვავს ნაპერწკალი, ღმერთი გფარავს, სწორედ გაჰკვეთს, შეშა ვის ჰკრა, თუნდა ხმალი. "Only in the depth of silence, you can hear the voice of God." |
|
|
|
|
Sep 9 2011, 06:38 PM
Post
#53
|
|
 RED soul Group: Members Posts: 112 Joined: 4-March 10 From: Tbilisi Member No.: 6,167 ნიკის ჩასმა პოსტში მონიშნულის ციტატაში ჩასმა |
ვისაც გაქვთ წაკითხული გურჯიევის All and Everything ან უსპენსკის the fourth way გთხოვთ გამოთქვათ თქვენი აზრი. თუ Here now პრაქტიკას მიმართავთ რა მეთოდებს იყენებთ საინტერესოა გააზიარეთ. |
|
|
|
|
Sep 9 2011, 10:05 PM
Post
#54
|
|
 VIOLET soul Group: Members Posts: 3,517 Joined: 10-November 10 From: ,,დედა''მიწა Member No.: 6,305 ნიკის ჩასმა პოსტში მონიშნულის ციტატაში ჩასმა |
მე ვარ დამკვირვებელი..ოღონდ უსპენსკი როგორც იძახდა ისე არა, ..ისე ბევრს გაუფრენია ამიტომ ყველაფერში შუა გზაა ღვთიური........ ჩემი გზა ძალიან მარტივია იმაზე მარტივი ვიდრე ბევრს წარმოუდგენია......... -------------------- მისტიკოსი და შიზოფრენიკი ერთი და იგივე მდინარეში ხვდება, მაგრამ თუ მისტიკოსი იქ ცურავს შიზოფრენიკი იძირება - ეს იმიტომ რომ მისტიკოს აზროვნების სწორი გეომეტრიის ცოდნა აქვს სიყვარულზე ხოლო შიზოფრენიკს ეს ძალიან აკლია....
Угнетатель и угнетенный в конце встречаются, и единственное, что преобладает, - это то, что жизнь была слишком короткой для них обоих. - полевые заметки |
|
|
|
|
Sep 9 2011, 11:06 PM
Post
#55
|
|
 VIOLET soul Group: Members Posts: 3,249 Joined: 16-November 10 From: თბილისი Member No.: 6,308 ნიკის ჩასმა პოსტში მონიშნულის ციტატაში ჩასმა |
მე არაფერი წამიკითხავს გურჯიევის, მაგრამ რომელღაც დოკ. ფილმში თქვეს, რომ გურჯიევის მოსაზრებით მთვარე რაღც ცოცხალი ორგანიზმია, რომელიც ადამიანების ენერგიით იკვებებაო და ხოარიცით რამე დაწვრილებით ამის შესახებ?
-------------------- Real Communication Happens In Silence
|
|
|
|
|
Sep 11 2011, 09:50 AM
Post
#56
|
|
|
RED soul Group: Members Posts: 112 Joined: 4-March 10 From: Tbilisi Member No.: 6,167 ნიკის ჩასმა პოსტში მონიშნულის ციტატაში ჩასმა |
კი მართალია გურეჯიევი ამბობდა რომ ადამიანები არიან საკვები მთვარის.რა თქმაუნდა ენერგეტიკული მნიშვნელობით.
G წერდა როდესაც ადამიანი კვდება, მისი დარჩენილი ფსიქიური ენერგია არის საკვები მთვარის. მთვარე და მისი გავლენა ადამიანებზე ძალიან დიდი თემაა, და შეიძლება ითქვას ფუნდამენტალურიც კი.ამ თემაზე წერდა უსპენსკი,კასტანედა,გნოსტიკებ ი.მოკლედ რომ ვთქვათ ნუ რეაგირებ მექანიკურად რაც შენს გარშემო ხდება ყოველდღიურად. სხვა სიტყვებით "გახსოვდეს შენი თავი" "remember youself" |
|
|
|
|
Sep 17 2011, 09:13 AM
Post
#57
|
|
|
RED soul Group: Members Posts: 112 Joined: 4-March 10 From: Tbilisi Member No.: 6,167 ნიკის ჩასმა პოსტში მონიშნულის ციტატაში ჩასმა |
Existence'
მე ვარ დამკვირვებელი..ოღონდ უსპენსკი როგორც იძახდა ისე არა, ..ისე ბევრს გაუფრენია ამიტომ ყველაფერში შუა გზაა ღვთიური........ ჩემი გზა ძალიან მარტივია იმაზე მარტივი ვიდრე ბევრს წარმოუდგენია......... ============================================================================== თუ შეიძლება წარმოგვიდგინე, რომ წარმოვიდგინოთ შენი მარტივი გზა. პირადად ჩემთვის ძალიან საინტერესოა. |
|
|
|
|
Sep 17 2011, 12:32 PM
Post
#58
|
|
 WHITE soul Group: Members Posts: 2 Joined: 6-August 11 Member No.: 6,539 ნიკის ჩასმა პოსტში მონიშნულის ციტატაში ჩასმა |
ზევით ფილმზე იყო საუბარი, თუ კიდევ აქვს ვინმეს სურვილი ნახოს:
Gurdjieff - Meetings With Remarkable Men ჩემი პირველი პოსტიც ესაა 
|
|
|
|
|
Sep 17 2011, 04:19 PM
Post
#59
|
|
|
VIOLET soul Group: Members Posts: 3,517 Joined: 10-November 10 From: ,,დედა''მიწა Member No.: 6,305 ნიკის ჩასმა პოსტში მონიშნულის ციტატაში ჩასმა |
partskhala
პრივეტ -------------------- მისტიკოსი და შიზოფრენიკი ერთი და იგივე მდინარეში ხვდება, მაგრამ თუ მისტიკოსი იქ ცურავს შიზოფრენიკი იძირება - ეს იმიტომ რომ მისტიკოს აზროვნების სწორი გეომეტრიის ცოდნა აქვს სიყვარულზე ხოლო შიზოფრენიკს ეს ძალიან აკლია....
Угнетатель и угнетенный в конце встречаются, и единственное, что преобладает, - это то, что жизнь была слишком короткой для них обоих. - полевые заметки |
|
|
|
|
Sep 17 2011, 04:24 PM
Post
#60
|
|
|
VIOLET soul Group: Members Posts: 3,007 Joined: 29-October 09 Member No.: 6,058 ნიკის ჩასმა პოსტში მონიშნულის ციტატაში ჩასმა |
partskhala
QUOTE(partskhala @ 17th September 2011 - 12:32 PM) ზევით ფილმზე იყო საუბარი, თუ კიდევ აქვს ვინმეს სურვილი ნახოს: Gurdjieff - Meetings With Remarkable Men კარგი ფილმია, ნანახი მაქვს. წელცომე!
-------------------- ჰარერ ნამა ჰარერ ნამა ჰარერ ნამაივა კევალამ
კალაუ ნასტი ევა ნასტი ევა ნასტი ევა გატირ ანიათჰა «კალის ამ ეპოქაში არ არსებობს სხვა გზა, არ არსებობს სხვა გზა, არ არსებობს სხვა გზა თვითრეალიზაციის მისაღწევად, გარდა უფალი ჰარის წმინდა სახელის გამეორებისა, წმინდა სახელის გამეორებისა, წმინდა სახელის გამეორებისა» |
|
|
|
|
| Lo-Fi Version | Time is now: 1st November 2024 - 04:10 AM |
