Printable Version of Topic

Posted by: tikoroma Nov 17 2018, 11:52 PM

მშვიდობა თქვენდა
ერთი კითხვა მაქვს
რა გგონიათ ადამიანის მისია, დანიშნულება?
ერთი კონკრეტული ჩვენგანის?

ერთგან წავიკითხე, რაიმეს რომ აკეთებ, თუ სიამოვნებას განიჭებს, ესე იგი სწორ გზას ადგახარო?
ნუთუ ასეა?
მე თუ შემეცნება მანიჭებს სიამოვნებას
ხოლო სხვას ყვავილების მოვლა
როგორ მივალთ ჩვენს საბოლოო საერთო მიზნამდე?
გვაქვს ასეთი საერთო მიზანი ადამიანებს?

Posted by: ano Nov 18 2018, 03:27 AM

დაახლოებით ადეითხვა ანანტას (გასხივოსნებულს) დავუსვი დავითის შუამავლობით,
რატომ გაჩნდა ადამიანი რა საჭიროა მეთქი
მიპასუხა რომ საკუთარი თავი შეიცნოს, ეს არის ინსტრუმენტი, რომ იცოდეს არსებობს

Posted by: tikoroma Nov 18 2018, 01:52 PM

ეს სიტყვები გაცვდა: გაიღვიძე, შეიცანი საკუთარი თავი, ის ვიცი, რომ არაერი ვიცი
რამე კონკრეტული?
რას ნიშნავს თავის შეცნბა
ვინც შეიცნო რა დაინახა?

Posted by: td......... Nov 18 2018, 01:58 PM

მე მგონია ყველაფერი ერთი დიდი თამაშის რაღაც ლეველია, ყველა თავის დონეზეა და აქ ჩვენ მხოლოდ სიუეტის ნაწილი ვართ სხვადასხვა პერსონაჟების სახით. ჩემ შვილს რომ ვუყურებ კომპ.თააშების დროს ზუსტად სამყარს აგებულება წარმომიდგება ხოლმე თავლწინ, თავის პროგრამისტებიანა, რომლებიც თააშს წერენ, მერე პიარი, რომ ეს თამაში გააპოპულარო და ბოლოს თვითონ პროცესი. უბრალოდ ასე პრიმიტიულადაც არაა ალბათ. ჩათვალე, რომ ჩვენ ის პერსონაჯები ვართ, რომლებმაც გააცნობიერა, რომ პერსონაჟია.. :დ

Posted by: tikoroma Nov 18 2018, 03:07 PM

გავაცნობიერე და მორჩა?

Posted by: td......... Nov 18 2018, 04:07 PM

tikoroma
არა, შეგიძლია სცენარი ცვალო, დახაკო და ა.შ

Posted by: tikoroma Nov 18 2018, 06:18 PM

ჰოლივუდში ვართ კაცო?

Posted by: David Monny Nov 18 2018, 07:55 PM

tikoroma

ეს არის ერთ-ერთი დაწყევლილი კითხვათაგანი ფილოსოფიაში და საერთოდ შემეცნებაში. თუმცა ამ კითხვაზე პასუხის 2 ძირიტადი მიმართულება შეიძლება გამოვყოთ, სარტრისეული ეგზისტენციალიზმის ჭრილში, რომ შენ თვითონ უნდა შექმნა შენი მისია, რადგან უნივერსალური ჭეშმარიტება არ არსებობს, როგორც ცალკე მდგომი ადამიანისგან, ანუ შენ და მე საერთო მისია და ვერც მერე შესაბამისად მიზანი არ გვექნება და მეორე მიმართულება, რომელშიც შეიგიძლია განიხილო ყველა სოფისტური პარადიგმა ჯამში, რომ არის სამოთხე და შენ უნდა მიისწრაფოდე გადარჩენისკენ, ცხონებისკენ. არის ნირვანა და შენ უნდა გათავისუფლდე დაბადება სიკვდილის, ანუ ტანჯვის ციკლიდან, რომ არის მოკშა, სადაც ბრაჰმანი ანუ აბსოლუტი ერწყმის ატმანს და პარამატმანს ანუ უმაღლეს სულს, ან როდესაც შივა ერწყმის შაქტის, ასევე, რომ არსებობს მხოლოდ მთლიანობა ადვაიტას მიხედვით და რომ ყველაფერი არის ერთი და ეს უნდა გააცნობიერო. ანუ არსებობს განმარტოვებით ამ კითხვაზე პასუხის ძიება, როდესაც შენ რჩები მარტო და ამ მარტოობაში ეძებ აბსოლუტური ჭეშმარიტების გამონათებას, ან აირჩიო მზამზარეული პასუხები. არჩევანი დიდია.

აქაც იგივე პასუხია. პრინციპში ამ კითხვაზე პასუხი მართლა მარტივია. ადამიანის მისიაა, რომ გააცნობიეროს, რეალობა, მან უნდა გააცნობიეროს საკუთარი მე. ძალიან მარტივია. ანუ ყველა კითხვა ამ მეს გარშემო ტრიალებს და თუ ადამიანს ეცოდინება მე, მას ეცოდინება ყველა კითხვაზე პასუხი. ძალიან მარტივია, არ ღირს გართულება.

Posted by: td......... Nov 18 2018, 08:18 PM

tikoroma
ჰოლივუდია ჩვენში :დ

Posted by: tikoroma Nov 18 2018, 08:50 PM

მადლობა დევიდ

ეგ ორი პასუხი ძირითადად კი
უბრალოდ, აი მეორეს შევეხოთ ჯერ
ამბობენ, რომ ვერ გახვალ მაგ ნირვანაში, დაფარულია ეგ ადამიანებისთვის

მეორე ციტატას კიდევ, მე ასე წარმომიდგენია ქრისტეს შედეგი - მან მისცა ხსნა ადამიანებს - ერთმა მისცა
გამოდის რაღაც კოლექტიური კარმაც გვაქვს
ერთი თუ გავა, გაიყვანს სხვებს

Posted by: starscream Nov 18 2018, 09:25 PM

გამახსენდა ერთი გასხივოსნებული მიდოდა ჰიმაილაის მთებში ზემოთ პაპაჯი ერქვა და კუნდალინი იოგას პრაქტიკოსს შეხვდა ტიპი ეს პრაქტიკოსი ლევიტირებდა როგორც არაფერი საჭმლის მატერიალიზაციას და ყველაფრის მატერიალიზაციის მოხდენა შეეძლო თქვა რო ყველა ლოკაზე იყო ნამყოფი "ბრაჰმა ლოკას" გარდა იქ მივიდა მარა გამოაგდეს არ შეუშვეს. შეცდომაა როცა ადამიანი ცდილობს რაღაცა გააკეთოს ილოცოს ან იმედიტიროს უბრალოდ უნდა გააცნობიერო და არ უნდა გააკეთო არაფერი რაც ყველაზე რთულია თუ გასხივოსნდები მაშინ კუნდალინი თავისით ავა თავში ჩვენი გონება სხეული და ყველაფერი არის მახე ადამიანის მისიაც ეგაა რო ღმერთს აბსოლუტს შეუერთდეს და გამმოვიდეს სანსარის წრესგან დააღწიოს თავი.

Posted by: David Monny Nov 18 2018, 09:41 PM

tikoroma

ბუდაც ამას ამბობს, რომ ანთებული სანთელს თუ ჩამქრალი შეეხება, ისიც აინთება, ანუ სინათლე გადამდებია. მაგრამ აქ ერთი რამ თუ არ დავამატეთ არ შეიძლება. ერთი გაიყვანს იმ შემტხვევაში, თუ გასვლისას კარს არ მოიხურავს, ანუ თუ მას აქვს ნება, და თუ მითუმეტეს ქრისტე ნიშნავს მხსნელს და სწორედ ეს მისია ქონდა, რომ გაეღო სამოთხის კარი და იქ მყოფი აბრაამი და ადამი და ევა ამოეყვანა. ასეთი მესიანიტური იდეა, არასდროს კეტავს კარს, არამედ პირიქით ამ კარზე რეკს, აკაკუნებს, რომ ვინმემ მოისმინოს და გაუღოს კარი. (ნუ აქ იგულისხმება გულის კარი, გულის ჩუჩა, ანუ როგორც პავლე აღწერს არა ფიზიკური წინდაცვეთა, არამედ გულის ჩუჩა უნდა დაიცვითოს და რომ ეს არის ამ რიტუალის ნამდვილი შინაარსი. ეს დღემდე საკამათოა იუდეველებში, მათ ეს არ მიიღეს.
არაფერია დაფარული, რომელიც არ გაცხადდება. ანუ ნირვანა ნიშნავს გაქრობას, ჩაქრობას, ეს არ უნდა აგვერიოს, რომ მას ერავინ მიაღწევს, ბუდამ მიაღწია ნირვანას, ოღონდ ეს სხვა პროცესია.

Posted by: tikoroma Nov 19 2018, 05:33 PM

კიდევ მაქვს კითხვა
გასხივოსნება რა არის
ცოდნის მიღებ თუ აღქმის გაფართოება
თუ ორივე?
ეს ბოლო წერტილია ადამიანის? (ამ ფორმაში)

Posted by: David Monny Nov 20 2018, 08:49 AM

tikoroma

სიტყვა გასხივოსნებაში, სხვადასხვა სწავლებები, სხვადასხვა რამეს გულისხმობენ. ასეთი სიტყვა დასავლურ ტრადიციებშიც არის, მეტიც ის მთელს მიმდინარეობას ეწოდა სახელით "განმანათლებლობა" (Age of Enlightenment). რაც შეეხება აღმოსავლურ ტრადიციებში, აი ამს ვგულისხმობდი სხვადასხვა სწაველბებში. მე შემიძლია ჩემი გამოცდილებიდან გითხრა, რა არის გასხივოსნების ასე ვთქვათ წინა პირობა, აი როგორც ქრისტე ამბობს, რომ როდესაც მომწიფდება ნაყოფი უკვე ხვდებით რომ ჟამმა მოაწიაო, აი დაახლოებით ასეთი რამ არის. ანუ საუბარია სამადჰის გამოცდილებაზე. მე ვრცლად მაქვს სამადჰის თემა განხილული, შენ იცი. ახლა მოკლედ შემიძლია განვმარტო, რომ არსებობს ძირიტადად 2 სახის სამადჰი, სავიკალპა და ნირვიკალპა სამადჰი. საერთოდ კონცეპტუალურად რომ ჩამოვაყალიბოთ გასხივოსნება, გვერდს ვერ ავუვლით "მე"-ს ფენომენს. ეგოს, ცრუ ეგოს, ზოგი გონებასაც ეძახის, აღმოსავლურ ტრადიციებში აჰამკარად არის ცნობილი, კონტროლიორი, ე.წ. მკეთებელი, ანუ ის, ვინც აკეთებს, უფრო სწორად ჰგონია, რომ აკეთებს. ანუ გასხივოსნება შეიძლება ჩაითვალოს ღრმა ინტუიციად, რომ არის აბსოლუტური რეალობა, უცვლელი მოცემულობა, რომელიც მარადიულია და მარად უცვლელია, რომლის გარშემოც ყველაფერი არამარადიულია და ცვალებადი, მაგრამ არის რაღაც "მე", აჰამკარა, რომელიც ასე არ თვილს, ის ფიქრობს: ადრე თუ გვიან მე მოვკვდები და საფლავში ჩამდებენ, რაღაც უნდა ვქნა, თავს უნდა ვუშველო, უნდა გადავრჩე, უნდა ვცხონდე. ეს ფიქრი, ილუზორულია. გასხივოსნებად შეიძლება ჩაითვალოს ამ ფიქრისგან გათავისუფლება, ანუ აჰამკარასგან გათავისუფლება. სავიკალპა სამადჰის დროს, ეს აჰამკარა, ანუ ეგო, რჩება მარტო და აკვირდება თავის თავს ამ სიცარიელეში, ეს არის პირველი ნაბიჯი, რომ ადამიანი მიხვდეს რეალობის შეგრძნებებს. ბევრი ადამიანი ამ ეტაპზე ჩერდება და თვისლ რომ გასხივოსნდა, მაგრამ ეს ილუზორულია. ამ სამადჰის შემდეგ არის გასხივოსნება, მას ნირვიკალპა სამადჰისაც უწოდებენ, მაგრამ ნირვიკალპა სამადჰიში არარ არის აჰამკარა, უფრო სწორად ეს აჰამკარას გაქრობის წამია. წამი, რომელიც დგება, როდესაც ეგო ქრება. ანუ პარადოქსულად ჟღერს როდესაც ვამბობთ, რომ გასხივოსნება არ ემართება ვინმეს, ან ბუდას, ან მე, ან შენ ან სხვას. ამ დროს, პირიქით, ქრება ის, ვისაც უნდოდა გასხივოსნება.

Posted by: David Monny Nov 20 2018, 08:57 AM

დაახლოებით ასე შეგიძლია წარმოიდგინო: გასხივოსნება, ანუ სხივის მონათება, სინათლის შემოჭრა. ხარ ოთახში. შენ იცი, რომ ამ ოთახში შეიძლება რაღაც საგნები იდოს, მაგრამ ვერ ხედავ მათ. აინთო შუქი და შენ ხედავ ყველა საგანს თავის ადგილზე. ეს არ ნიშნავს, რომ რამე გაჩნდა ოთახში. ყველაფერი ისევ ისე, როგორც შუქის ანთებამდე იყო. არაფერი იცვლება გარდა იმისა, რომ შენ ხედავ, როგორ დევს ყველა საგანი თავის ადგილზე. ეს არის გასხივოსნება. მაგრამ როგორც ვიცით ყველა საგანს თავის ჩრდილი აქვს, მაგრამ როდესაც საგანი თავდ არის სინათლის წყარო, მაშინ ჩრდილი გამორიცხულია. ჩრდილი, ეს არის აჰამკარა, ეგო, მკეთებელი, კონტროლიორი, მაგრამ როდესაც გამოსხივება ხდება შიგნიდან, ამ ჩრდილის ადგილი აღარ რჩება.

Posted by: David Monny Nov 20 2018, 09:06 AM

აქვე მინდა გამოვეხმაურო თემის სათაურს და ვთქვა ჩემი მოსაზრება ადამიანის მისიასთან დაკავშირებით. ყველა ის საშუალება, რასაც ადამიანი იყენებდა საუკუნეების განმავლობაში ემსახურებოდა ზუსტად ამ კითხვას. ფილოსოფია, თეოლოგია, პაგანიზმი, ეზოთერია, ოკულტიზმი, მეცნიერება და ა.შ. ყოველივე ეს საშუალებაა ამ კითხვაზე პასუხის გაცემის მიმართულებით. სწორედ ამ ყველაფრიდან გამომდინარე შემიძლია ვთქვა, რომ ადამიანის მისიაა, ჯერ გააცნობიეროს, რომ ის არის ადამიანი. ეს არის პირველი საფეხური და ამი შემდეგ არის ბოლო ეტაპი, მან უნდა გააცნობიეროს, რომ ის არ არის ადამიანი, ოღონდ მხოლოდ ადამიანის რანგიდან და არა მანამდე. თუ ადამიანი მანამ მიხვდება, რომ ის ადამიანი არ არის, სანამ მიხვდება რომ ადამიანია, ეს იქნება ილუზორული მდგომარეობა. მხოლოდ მას შემდეგ, რაც ადამიანი გააცნობიერებს, რომ არის ადამიანი, არის შესაძლებელი გააცნობიეროს ჭეშმარიტება, რომ ის არ არის არც ადამიანი.

Posted by: ichi Nov 20 2018, 03:56 PM

საკუთარი თავის და შესაბამისად სამყაროს შეცნობა.

Posted by: ichi Nov 20 2018, 04:19 PM

აბა რა არის?
ადამიანი რას ნიშნავს მე არ ვიცი, ანუ რა შესაძლებლობა აქვს და რა სტრუქტურა აქვს, საიდან მოვიდა და საით მიდის.
მე არ ვიცი რა არის ადამიანი. ანუ ადამიანი არ არის ის ადამიანი რასაც ჩვენ ვფიქრობთ ალბათ.

David Monny

Posted by: tikoroma Nov 20 2018, 05:21 PM

დავით, საინტერესოა
გასხივოსნებულობას ცოდნა თუ მოაქვს მეთქი ვიკითხე
მაგალითად შტაინერი აღწერს განდობილობის საფეხურებს
და ასე ამბობს, რომ სხვადასხვა საფეხურზე ეძლევა რაღაც ცოდნა და დავალება
და მე ისე გავიგე რომ გასხივოსნებას უწოდებს ან ამ პროცესის დასაწყისს, ან ერთ-ერთ საფეხურს
და აი ოშოს მიმდევრები ამბობენ, რომ გასხივოსნებული იყო ოშო და მან შექმნა რაღაც მასშტაბური რელიგია არა, მარა თავისი ეგრეგორი აქვს და თავისი იდეებით და მიმდევრებით
იგივე გურჯიევი
იგივე ბუდა
ლაო ძი
და შეიძლება გასხივოსნდე და ეს ცოდნა არ იყოს? ცოდნა ზესამყაროს შესახებ? თუ ეს პიროვნული არჩევანი იყო ამათი, რომ მოეყოლათ ხალხისთვის?
თუ სესაზლებელია უბრალოდ აი შენი სამადჰივით რაღაც შენს თავში შეიმეცნო

Posted by: tikoroma Nov 20 2018, 05:26 PM

[/quote]
David Monny
ადამიანებს გონიათ რომ გასხივოსნება ნიშნავს ეგოს მოშორებას და ნეგატიური ფიქრებისგან გათავისუფლებას. ეს 1 % თაც კი არ არის სიმართლე. ის რაც მე სამადჰიდან გამოვიტანე იყო, რომ ყველაფერი ისევ ისე რჩება, არავითარი ნეგატიური ფიქრები არ ქრება, უბრალოდ ის ვინც ამ ფიქრებს მნიშვნელობას ანიჭებდა ნელ ნელა სუსტდება და საბოლოოდ სულ ქრება, მაგრამ მე სწორედ ამ გაქრობის შემეშინდა.[quote name='David Monny' date='20th November 2018 - 09:06 AM' post=125705]

სამადჰის თემიდან გადმოვიტანე შენი ციტატა.

Posted by: David Monny Nov 20 2018, 11:53 PM

ichi

ადამიანის შემსწავლელ მეციერებას, ანთროპოლოგია ეწოდება. ადამიანი, არის ცნობიერების გარკვეული რანგი. ის ჯერ ცხოველია. ჭამს, სხვამს, ძაინავს, თავს იცავს და მრავლდება, როგორც ყველა სხვა ცხოველი, ფრინველი და ა.შ. ცოცხალი არსებები. მაშინ რა განსხვავებაა ადამიანსა და დანარჩენებს შორის? თუ მარტო ჭამს და ძინავს? ადამიანი სხვამს კითხვებს და ითხოვს პასუხებს. აი ეს განსხვავებაა, მაგრამ აუცილებელი ეს კითხვები ცილდებოდეს ყოველდღიურ საჭირბოროტო, რუტინულ, ბიოლოგიურ მოთხოვნილებებს, იქნება ეს სოციალურობიდან გამომდინარე თუ ფიზიკურობიდან გამომდინარე: რა ვჭამო? რა ჩავიცვა? ა.შ. დამეთანხმებით რომ ესენიც კითხვებია, მაგრამ ეს კითხვები არ ხდის ადამიანს ადამიანად. საჭიროა რარაც უფრო მეტი ვიდრე ფიზიკა. და სწორედ აქ ჩნდება მეტაფიზიკა, ეგზისტენციალიზმი: ვინ ვარ? რატომ ვარ? საიდან მოვედი? სად მივდივარ? აი კითხვებზე პასუხის გაცემის გზაზე, ხდება ადამიანი ადამიანი. ამავე დროს მან უნდა შეიმეცნოს მორალი და ზნეობა. აი ეს არის ადამიანის ლიმიტი. თუ ადამიანი ამას არ აცნობიერებს, ეს ნიშნავს, რომ ის ადამიანის რანგში არ არის. ამის შემდეგ მოდის სხვა ცნობიერება, ანუ აბსოლუტური ჭეშმარიტების ცნობიერება, სადაც ადამიანი ხვდება, რომ ის არ არის ადამიანი. ის არ არის ერთი კონკრეტული ცოხალი არსება დროის და სივრცის მოცემულ მომენტში. ის აცნობიერებს თავს მთელად. ერთ მთლიანობად. როდესაც ხარ ერთი მთ₾იანი, შეუძლებელია იყო ადამიანი. მაგრამ ვიმეორებ, ჯერ ადამინმა უნდა გაცნობიეროს, რომ ის არის ადამინი.

Posted by: David Monny Nov 21 2018, 12:08 AM

tikoroma

ვიმეორებ, შტაინერი ერთ ერთი სწვალების მეთოდს იყენებს. ასეთი სწავლებები მრავალია. ყველგან განსხვავებულად არის აღწერილი გასხივოსნება, თუმცა მსგავსებებიც არის.
გასხივოსნებას არაფერი მოაქვს. ვიმოერებ, ოთახში არაფერი არ შემოუტანიათ. ის საგნები, რაც შუქის ანთებამდე ოთახში იყო, ისევ იქ არის არც რამე დაუმატებიათ და არც რამე გაუტანიათ ოთახიდან. უბრალოდ აინთო შუქი ოთახში და ხედავ სად რა დევს. არჩევ საგნებს, ფორმებს და ა.შ. ცოდნა რომ მოიტანოს, ვინმე უნდა დახვდეს ამ ცოდნას ხო? ხოდა საუბარია რომ გასხივოსნება სწორედ ის არის, რომ ეს ვინმე, ვინც უნდა გასხივოსნებულიყო და ცოდნა შეეძინა, ქრება. ყველანაირი ცოდნა ილუზორულია.
რაც შეეხება ოშოს. ჩემი აზრით ის იყო იდიოტი და საფლავში ჩადეს. სულ ერთია რას დააწერენ შენი საფლავის ქვას. მან დიდის ამბით დაიბარა რომ დააწერეთ, რომ არასდროს დაბადებულა და არასდროს გარდაცვლილაო, მაგრამ მაინც საფლავში ჩადეს. ანუ გასხივოსნება პირველ რიგში იმის გაცნობიერებაა, რომ არის ვიღაც ან რაღაც ჩვენში, რომელმაც იცის, რომ ადრე თუ გვიან საფლავში მიდის. ეს გარდაუვალია. ამის აღიარებით იწყეაბა გასხივოსნება. დანარჩენი სპეც ეფექტები, მეორეხარისხოვანია. ოშო სისხლის სამართლის დანაშაულებს ჩადიოდა და არავინ გამოჩნდა, რომ პასუხი მოეთხოვა.
გურჯიევი არ ჩადიოდა სისხლის სამართლის დანაშაულს და ძალიან სასარგებლოა მისი მითითებები. გურჯიევი თუ გაიგე, მიხვდები რას ვამბობ როდესაც ვწერ, რომ საფლავში მივდივართ.
ბუდაც იგივეა და ლაო ძიც.
სამადჰი ჩემი არ არის. ეს გავს ბეტონის შემრევ მანქანას. ის მიდის და ბეტონს ზელს გზადაგზა, რომ არ გამაგრდეს. წინააღმდეგ შემთხვევაში დანიშნულების ადგილზე ვერ დაასხვას ბეტონს. გონებაც არასდროს ჩერდება, როგორც ბეტონის შემრევი მანქანა, მაგრამ როდესაც დანიშნულების ადგილზე მივა, ანელებს ტრიალს, სწორედ ეს არის სავიკალპა სამადჰი. ნელდება ფიქრების ფიქრის ნაკადი. ვიმეორებ ნელდება და არა ჩერდება. ეს გავს ბნელ ოთახში ფანრით დგომას. დგახარ და ხელი გიკანკალებს, ხან რას ანათებ ხან რას ამ ფანარს და ისე სწრაფად აკეთებ, რომ ვერ არკვევ რა საგნები დევს, როგორც კი ხელს გააჩერებ და რაიმე კონკრეტული მიმართულებით გაიშვერ ფანარს, დაინახავ იმ ადგილას რა საგანი დევს, საითაც ფანარია მინათებული. ასე ნელდება ფიქრების ფიქრის პროცესი და აკვირდები თითოეულ მათგანს რიგ რიგობით. ეს დასაწყისია.

Posted by: David Monny Nov 21 2018, 12:14 AM

tikoroma

David Monny
ადამიანებს გონიათ რომ გასხივოსნება ნიშნავს ეგოს მოშორებას და ნეგატიური ფიქრებისგან გათავისუფლებას. ეს 1 % თაც კი არ არის სიმართლე. ის რაც მე სამადჰიდან გამოვიტანე იყო, რომ ყველაფერი ისევ ისე რჩება, არავითარი ნეგატიური ფიქრები არ ქრება, უბრალოდ ის ვინც ამ ფიქრებს მნიშვნელობას ანიჭებდა ნელ ნელა სუსტდება და საბოლოოდ სულ ქრება, მაგრამ მე სწორედ ამ გაქრობის შემეშინდა.

დიახ, ნეგატიური ფიქრების მოშორება ფსიქოლოგების საქმეა და არავიტარი კავშირი არ აქვს სამადისთან ან გასხივოსნებასთან. ეგოს მოშორებაც იგივეა. რაც უფრო ცდილობ ეგოს მოშორებას, მით უფრო ძლიერდება. ცეცხლზე ნავთს ასხამ ასეთ დროს. როგორ მოიშორებ იმას რაც არ არსებობს რეალურად? ფანტომს ავთენტურობას მხოლოდ შენი ყურადღება ანიჭებს. არის უამრავი სკოლებიდა პრაქტიკები: მოვიშოროტ ეგო, ვებრძოლოთ ეგოს, ეგოცენტრულობას და გავთავისუფლდეთ ნეგატიური ფიქრებისგან. ეს ყველაფერი თერაპიაა ფსიქოლოგიური, მეტი არაფერი.
ვიმეორებ, არსებობს 2 ძირიტადი სამადჰი: სავიკალპა და ნირვიკალპა. პირველის შემხტვევაში, ეგო რჩება თავის თავთან და სიცარიელესთან მარტო. ასმი შემდეგ მოდის გასხივოსნება, ანუ ნირვიკალპა სამადჰი, მაგრამ ვიმეორებ, ეს არ ემართება ეგოს, ან ვინმეს. არ მოდის არავიტარი შთაგონება ან ცოდნა. ყველა შემთხვევა ინდივიდუალურია, მაგრამ რაც არ უნდა იყოს, ნირვიკალპა სამადჰი არის მომენტი, როდესაც აღარავინაა სახლში. რაც არ უნდა მიიტანო ამ სახლში, მადლობას არავინ გეტყვის. სახლი ცარიელია.

Posted by: tikoroma Nov 21 2018, 06:33 PM

David Monny
მადლობა

ნუ გეგონება გავიგე
სანამ არ გამოვცდი

Posted by: David Monny Nov 21 2018, 06:39 PM

tikoroma

მესმის. თავიდან რწმენით და ნდობით უნდა დაიწყოს. შემდეგი ნაბიჯია გაგება, მიხვედრა. აი შემდეგ კი უკვე განცდა, გამოცდილება, უნდა გამოცადო. ხშირია შემთხვევა, როდესაც გაგება ხდება ბევრისთვის დაბრკოლება. გონიათ, რომ მიხვდნენ ყველაფერს. მიხვედრა გონებრივი პროცესია და ისევ აჰამკარას, ანუ ეგოს შიგნით ხდება. ეგო ხვდება "რაღაცას". შეიძლება მილიონ რამეს მიხვდე სხვადასხვა დროს. ეს არასდროს იქნბეა მთ₾იანის მიხვედრა. შენ შეიძლება აღარც გჭირდებოდეს მიხვედრა თუკი გჯერა დაგაიგე რაზეცაა საუბარი. მნიშვნელოვანი მართლაც განცდაა, მაგრამ განცდასაც აქვს საზღვარი, ის მთავრდება იქ, სადაც იწყება გასხივოსნება ანუ ნირვიკალპა სამადჰი, ეს არ არის განცდა ან გამოცდილება. ამ დროს არავინაა, ვინც რამეს განიცდის, მოხხოლოდ ამ მდგომარეობიდან გამოსვლის შემდეგ შეიძლება განიცადო და გაიგო რამე.

Posted by: დათო. Dec 8 2018, 02:27 AM

tikorama

უპირველესია შინაგანი სტაბილურობის მოპოვება და ამ თვალსაზრისით, პერმანენტულად, გრადაციული სვლა, ყველაფრის მიუხედავად აბსოლუტურად.
შემდგომ, არანაკლებ რელევანტური, შენი ფუნდამენტალური ინტერესის თუ ინტერესების პოვნაა, რის გარეშეც, ფაქტობრივად, ცხოვრება არ შეგიძლია, იმდენად დეტერმინებული ხარ მისით.
ეს უკანასკნელი კი, თავის მხრივ, ქვეცნობიერ დონეზე, დაბადებიდან თან გვდებს და ასე ვთქვათ, დღის შუქზეა გამოტანა საჭირო, თუმცა აქ მხოლოდ საჭიროებით ისევე ვერაფერს გახდები, რამდენადაც სიყვარულის იდეით, ვერავის შეიყვარებ, მთელი რიგი გარემოებები უნდა ახლდეს თან, რაც მეტ-ნაკლებად ჩვენგან დამოუკიდებელია.


ეს, დაახლოებით, იმის ჰომოგენურია, – რაც ხშირად მომისმენია, სხვათა შორის, – რომ მთავარია, კარგად იყო, რა მნიშვნელობა აქვს, საიდან გამომდინარე.
რეალურად, თუკი, ამ შემთხვევაში, მნიშვნელობა რამეს აქვს, სწორედ ეგ არის, საიდან გამომდინარე ხარ, ვინაიდან და რადგანაც, ეს განსაზღვრავას რეალური კარგად ყოფნის ავთენტურობას.
ანალოგიურად, შესაძლოა, რაღაც გარკვეული ექვივალენტობის სიამოვნებას განიჭებდეს, თუმცა ამავდროულად, არ იყოს შენი შინაგანის თანდამწრე, ასე რომ, მხოლოდ სიამოვნების განცდით, ვერ განსაზღვრავ სისწორეს.

დაბოლოს, ჩემი ღრმა რწმენით, აგრეთვე, არანაკლებ მნიშვნელოვნის მქონეა, ცხოვრების ამა თუ იმ ეტაპზე, პერცეფციულ დონეზე, განიცადო, რისი დროა და აკეთო ეს.

Posted by: tikoroma Dec 8 2018, 02:38 AM

დათო.
ეგ ყველაფერი სიკვდილის შემდეგ რამეში გვეხმარება?

Posted by: დათო. Dec 8 2018, 02:48 AM

tikoroma

კაცმა არ იცის, დროისა და სივრცის მიღმა, რა ხდება, მათ შორის, მეც.
მაშასადამე, ვერც კის გეტყვი, ვერც არას – არ ვიცი, თუმცა თვით ცხოვრებაში, რომ დანამდვილებით დაგეხმარება, ეგ უთუოდ ვიცი.

Posted by: tikoroma Dec 9 2018, 04:38 PM

აქ მშვიდად ცხოვრებისთვის ბევრი რეცეპტია კი
თუნდაც მედიტაციები, ლოცვები, ჰობი და ა.შ.