დავეხმაროთ დედამიწას Options

[Atm@n]

ვედური ასტროლოგიით დღევანდელ ნაქშატრაა "შრავანა" - საუკეთესო ნაქშატრა ახალი, სასიკეთო და დროებითი საქმის დასაწყებად. თან დღეს ახალი კვირის პირველი დღეა - მზის დღე (სინამდვილეში კვირაა პირველი დღე, და შაბათი ბოლო).

ვინაიდან ეს პერიოდი დედამიწისთვის ძალიან რთულია, მოდი დავეხმაროთ და პატარა წვლილი შევიტანოთ ტრანსფორმაციაში.

8 დღით (16-დან 23 დეკემბრამდე) საკუთარ თავზე ავიღოთ პატარა ასკეზა: დღეში 10-20 წუთი, როცა გაგვიხარდება ძალიან ყურადღებით და მთელი სერიოზულობით გავიმეოროთ მაჰა-მანტრა, იესოს ლოცვა ან ვისაც რა ურჩევნია. თუნდაც უხმო დამკვირვებლის მედიტაცია იყოს. და წინასწარ გვქონდეს განზრახვა, რომ ამ ასკეზის შედეგებს დედამიწას ვაძლევთ. განსაკუთრებული ასკეზა (შიმშილობა, ხანგრძლივი მედიტაცია და ა.შ.) სასურველია შაბათს, სატურნის დღეს, და განსაკუთრებით კი კვირას 23 დეკემბერს (ეკადაშზე).

მითუმეტეს ჯიოტიშის გამოთვლებით სატურნი ეგზალტაციაშია (სასწორის ნიშანშია და თანდათან უახლოვდება ეგზალტაციის უმაღლეს წერტილს) და ნებისმიერი ნებაყოფლობითი და თუნდაც მცირე ასკეზა ძალიან კარგი იქნება ჩვენთვისაც და სამყაროსთვისაც. წინააღმდეგ შემთხვევაში ეგზალტირებული სატურნი იძულებითი ასკეზის პრესში გაგვატარებს.




გისურვებთ წარმატებებს!