Printable Version of Topic

Posted by: old_man Nov 6 2018, 10:36 PM

ამ თემაში დავდებ შტაინერის ლექციებიდან გარკვეულ მონაკვეთებს, რაც მნიშვნელოვნად ჩავთვალე. შედარებით მცირეს, რომ შეძლოთ წაკითხვა და კარგად აღქმა.
ამჯერად ვდებ წიგნიდან "ცხოვრება გარდაცვალებიდან ხელახალ დაბადებამდე". გვ. 91-93.
შეგვიძლია ამონარიდები განვიხილოთ, ან დაფიქისირდეთ მაინც, რომ ვიცოდე, რომ ვიღაც კითხულობს .

"თეორიული მატერიალიზმის გაფურჩქვნის ხანაში, იყო ასეთი აზრიც, რომ ადამიანები, რომელთაც არ სურთ საიქიო ცხოვრების ხელაღებით უარყოფა და მზად არიან დათმობაზე წავიდნენ და აღიარონ იგი, ასეთნაირად სჯიან: რა აუცილებლობას წარმოადგენს მიწიერი ცხოვრების პერიოდშივე ჩავეძიოთ იმას, რაც თავისთავად გაირკვევა გარდაცვალების შემდეგ. მოვა დრო და გავიგებთ კიდეც არსებობს თუ არა საიქიო ცხოვრება და რა შეიძლება მან შეგვძინოს. ერთი შეხედვით ამგვარი მსჯელობა სავსებით ლოგიკურია და მისაღები, მაგრამ რეალურად, მთლიანად ეწინააღმდეგება ფაქტებს, რომლებიც სულიერი კვლევის შედეგად ცხადდება, ანუ იმ ფაქტებს, რომელთაც ადგილი აქვთ გარდაცვალებასა და ხელახალ დაბადებას შორის.
გაივლის რა სიკვდილის კარიბჭეს, ადამიანი უმაღლეს იერარქიათა სხვადასხვა ძალებთან და არსებებთან ამყარებს ურთიერთობას. შემდგომ, დედამიწაზე კვლავ დაბადებისას, იგი მთელი თავისი სხეულებრიობისა და ასევე, მთელი თავისი ბედის თვითაღმდგგენელად გვევლინება. დიახ, გარკვეულ ფარგლებში ადამიანი მთელ თავის სხეულს - ტვინის ხვეულების ჩათვლით - წარმოქმნის და აშენებს იმ ძალთა მეშვეობით, რომლებიც სულიერი სამყაროდან ფიზიკურ ყოფიერებაში შემოსვლისას მოაქვს თან. ფიზიკური არსებობისას მთელი ჩვენი ცხოვრება დამოკიდებულია იმაზე, თუ როგორია ჩვენი ფიზიკური სხეულის ფორმები, რომელთა მეშვეობით ჩვენ შეგვიძლია კონტაქტი დავამყაროთ გარე სამყაროსთან, ვიყოთ ქმედითი, ვიაზროვნოთ. ჩვენ მხოლოდ მაშინ შევესაბამებით ფიზიკურ ყოფიერებას, როდესაც სულიერი სამყაროდან მოგვაქვს სათანადო ძალები, რომლებიც შესაძლებლობას გვანიჭებს ავაშენოთ ისეთი სხეული, ფიზიკური სამყაროს ყველა მოთხოვნას რომ აკმაყოფილებს. ადამიანი გარდაცვალებასა და ხელახალ დაბადებას შორის ნაბიჯ-ნაბიჯ უნდა მიეახლოს შესაბამის სულიერ არსებებს, რომლებიც დაამწყალობებენ მას, შთაუნერგავენ მომავალი ფიზიკური არსებობისთვის საჭირო ძალებს. გარდაცვალებასა და ხელახალ დაბადებას შორის, ერთ შემთხვევაში ადამიანი ისე ჩაუვლის ამ არსებებს, რომ შეიცნობს და გააცნაურებს კიდეც მათი ხასიათის ნიშანდობლიობებს. ამ დროს მას საშუალება ეძლევა აღიქვას, ან თუნდაც იხილოს ის, რაც ამ არსებებს ძალუძთ მიმადლონ მას და რაც აუცილებელია მომავალი მიწიერი ცხოვრებისათვის, მაგრამ სხვა შემთხვევაში ადამიანმა შესაძლოა ისე ჩაუაროს მათ, რომ ვერ კი შენიშნოს ისინი, ვერ აღიქვას ის სასიცოცხლოდ აუცილებელი ძალები, რაც მან უმაღლეს იერარქიათა არსთაგან უნდა მიიღოს, რადგანაც სულიერ სამყაროში, სულიერების თვალსაზრისით იგი წყვდიადითაა მოცული.

არჩევანს წინდაწინვე განსაზღვრავს ადამიანის ადრინდელი მიწიერი ცხოვრების ნიშანდობლიობანი. სახელდობრ, ის, ვინც უკანასკნელ მიწიერ ცხოვრებაში გულგრილად ეკიდებოდა ზეგრძნობადი სამყაროს მოვლენათა შემეცნებისთვის აუცილებელ აზრებს და იდეებს, გარდაცვალებასა და დაბადებას შორის ცხოვრების მოვლენებს წყვდიადით მოცული განლევს. მან რომ შეიცნოს სულიერი არსებანი, გაიგოს თუ რას უბოძებენ ისინი მას მომავალი მიწიერი ცხოვრებისთვის, ამისათვის აუცილებელია სულიერი სინათლე, მაგრამ ზეგრძნობად სამყაროში ამ სულიერ ნათელს ვერ მივიღებთ, იგი აქ დედამიწაზე ცხოვრებისას უნდა მოვიპოვოთ, რათა შემდგომში გავივლით რა სიკვდილის კარიბჭეს, ჩვენი იდეები და ცნებები სულიერ სამყაროში, სულიერ ყოფიერებაში შევიტანოთ. აქედან ცხადდება, თუ რაოდენ მცდარია ის აზრი, რომ სიკვდილის შემდეგ, სულიერ სამყაროში, მაშინაც კი, თუკი ადამიანმა მიწიერი ცხოვრების პერიოდში უგულვებელყო სათანადო მომზადება, ყოველივე თავისთავად მოგვემადლება. ყველა სამყაროს თავისი საკუთარი მისია აკისრია და ვერც ერთ სხვა სამყაროში ვერ მიიღებს ადამიანი იმას, რაც ფიზიკურ სხეულებრიობაში მიწიერი ცხოვრების დროს უნდა მიიღოს".

Posted by: Merlin Nov 6 2018, 10:59 PM

http://www.esoteric.ge/forum/index.php?showtopic=1584

http://www.esoteric.ge/forum/index.php?showtopic=1506&st=0&p=61668&#entry61668

ეს ორი თემაც ამ განყოფილებას ეკუთვნის (თუ შეგიძლიათ დაამატეთ).



-- tty --
მადლობა. გადმოვიტანე

Posted by: ano Nov 6 2018, 11:01 PM

აუცილებლად წავიკითხავ სულ ვაპირებ შტაინერს გადავხედო, მადლობა

Posted by: Merlin Nov 7 2018, 11:40 AM

ანთროპოსოფია და რუსთაველი!

"ჩვეულებრივ, ფიზიკური და ეთერული სხეულებისაგან თავისუფალი ადამიანი დაძინებიდან გამოღვიძებამდე ცხოვრობს წყვდიადში, რადგანაც სულიერი სამყარო, რომელიც მას ამ დროს გარემოიცავს, მისი მზერისაგან დაფარულია. ეს წყვდიადი თანდათან ღრმავდება, აღწევს გარკვეულ ზღვარს და გათენებისკენ ასევე თანდათან ინქვრევა; ამ დროს ადამიანიც იღვიძებს. გარკვეულ მომენტში ის, ასე ვთქვათ, თავის უკიდურეს, ერთგვარ უმაღლეს საფეხურს აღწევს. სულიერი წყვდიადის ეს უმაღლესი საფეხური შეიძლება შევადაროთ იმას, რასაც მიწიერ სამყაროში შუაღამეს უწოდებენ. როგორც ფიზიკური სიბნელე, სავსებით ბუნებრივად, თავის უკიდურეს ზღვარს შუაღამისას აღწევს, შემდეგ კი ნელ-ნელა კლებულობს, ასევე სულიერ წყვდიადსაც გააჩნია თავისი უმაღლესი საფეხური - შუაღამე.

ნათელხილვის გარკვეულ საფეხურზე, სწორედ იმ დროს, როდესაც დანარჩენი ადამიანებისათვის წყვდიადი ღრმავდება, მოწაფეები სტიქიის სულებს ხედავენ; იგივე ხდება წყვდიადის განქრობის დროსაც. იუფლებს რა ნათელხილვის ყველაზე დაბალ საფეხურს, ადამიანი ჯერ სტიქიათა ღმერთების განცდას ეძლევა; შემდეგ, როდესაც მას სურს განიცადოს უმაღლესი სულიერი მომენტი - “შუაღამე”, იგი ჯერ ისევ წყვდიადშია, და მხოლოდ რაღაც დროის შემდეგ ჩნდება სინათლე. მაგრამ თუ იგი აღწევს ნათელხილვის გარკვეულ საფეხურს, ეს შუაღამე უფრო და უფრო მეტად ნათდება, მეტი სინათლე შემოდის მასში, და მაშინ, სწორედ შუაღამის ჟამს, ადამიანი აღწევს უმაღლეს წერტილს (ეს ის დროა, რომელიც ნორმალურ ცხოვრებაში ყველაზე მკვეთრად მიჯნავს ადამიანს ღვთაებრივ-სულიერი სამყაროსაგან, ყველაზე ღრმად ძირავს ილუზიაში - მაიაში). ამ დროს ადამიანი ღვთაებრივ-სულიერ არსებათა ჭვრეტის განცდას ეძლევა, ... სტიქიათა არსებების მიღმა ხედავს მაღალ სულიერ სამყაროს, სულიერ მზეს, მსგავსად იმისა, როგორც ფიზიკური თვალი აღიქვამს ფიზიკურ მზეს; ადამიანი მიისწრაფვის სულიერი მზისკენ, ე.ი. უმაღლეს ღვთაებრივ-სულიერ არსებებისკენ. ნათელმხილველი ამ არსებებამდე აღწევს იმ დროს, როდესაც სხვა ადამიანებისათვის სულიერი სამყარო უშორეს სიღრმეებშია დანთქმული. ... ეს არსებები კი ისეთივე მიმართებაში არიან სტიქიის ღმერთებთან, როგორც მზე - ფიზიკურ დედამიწასთან. ადამიანი მზის უმაღლეს შემოქმედ ღმერთებს განიცდის. ტექნიკურად ამას შუაღამის მზის ხილვის მომენტი ჰქვია.''

რ. შტაინერი - "აღმოსავლეთი დასავლეთის შუქჭრილში" - II ლექცია


''ღმერთსა შემვედრე, ნუთუ კვლა დამხსნას სოფლისა შრომასა,
ცეცხლსა, წყალსა და მიწასა, ჰაერთა თანა ძრომასა,
მომცნეს ფრთენი და ავფრინდე, მივხვდე მას ჩემსა ნდომასა,
დღისით და ღამით ვხედვიდე მზისა ელვათა კრთომასა.''

რუსთაველი


''რუსთაველის და რუდოლფ შტაინერის აზროვნების საოცარი თანხვედრა. როგორი მისტერიული სიბრძნე აქვს რუსთაველს გადმოცემული მარტო ამ ერთ სტროფში, რომლის გაგებაც ანთროპოსოფიის გარეშე შეუძლებელია. მხოლოდ ამ სტროფით ამტკიცებს რუსთაველი იმას, რომ მისტერიების ხელდასხმულია.
შტაინერი ამბობს, ხელდასხმული ნათელხილვის დაბალ საფეხურზე სტიქიათა მიღმა მდგარ სულიერ არსებებს წვდება და მერე მაღლდება "შუაღამის მზის" - ანუ მზის უმაღლესი სულიერი არსებების ხილვამდე. რუსთაველიც - ჯერ ოთხ სტიქიას, ცეცხლს, წყალს, მიწას და ჰაერს ასახელებს, შემდეგ ნათელხილვის ამაღლებას ხატოვნად იმით გადმოსცემს, ღმერთს ასაფრენად ფრთებს შესთხოვს, და ამ ყველაფერს აგვირგვინებს მიწიერი თვალსაზრისით სრულიად გაუგებარი სიტყვებით: დღისით გასაგებია, მაგრამ ღამით მზის ხილვა რანაირად შეიძლება?... ''ღამით ვხედვიდე მზისა ელვათა კრთომასა" - შუაღამის მზის ხილვის მისტერიაა გადმოცემული!’’

ტექსტი აღებულია ფეისბუქის ჯგუფიდან https://www.facebook.com/groups/130899027547867/

Posted by: old_man Nov 7 2018, 01:52 PM

ვდებ შემდეგ მონაკვეთს. ამჯერად წიგნიდან: "იდუმალთმეტყველების კარიბჭესთან" გვ.55-56.
ეს მონაკვეთი ეხება: მომზადება ახალი დაბადებისთვის, სხეულის შექმნა, მშობლების მოძებნა, სხვადასხვა საშიშროება

... როგორ მუშაობენ ძალები, რომ ადამიანი ახალ ინკარნაციაში შემოიყვანონ? როგორც ვნახეთ, დაახლოებით ათასი წელი გადის სიკვდილსა და ხელახალ დაბადებას შორის. ამ პერიოდში სამშვინველი მწიფდება იმისთვის, რომ კვლავ დაადგეს ახალი დაბადების გზას. ნათელმხილველისთვის უაღესად საინტერესოა ასტრალური სამყაროს კვლევა. აქ მას შეუძლია დააკვირდეს მფრინავ, დაშლა დაწყებულ ასტრალურ გვამებს. საკუთარ დაბალ ინსტინქტებზე ნამუშევარი განვითარებული ადამიანის ასტრალური გვამი სწრაფად იშლება. დაბალ საფეხურზე მდგომ ადამიანებთან, რომლებიც თავიანთ მიდრეკილებებსა და ვნებებს თავისუფლად ეძლეოდნენ, დაშლა ნელა ხდება. შეიძლება ისეც მოხდეს, რომ უკან მოტოვებულმა ასტრალურმა გვამმა ვერ მოასწროს დაშლა იმ დროისთვის, როცა მისი თავდაპირველი მატარებელი არსება მიემართება ახალი დაბადებიკენ. ეს კი იწვევს მძიმე ბედისწერას. ასევე შესაძლებელია, რომ ადამიანი განსაკუთრებულ გარემოებათა გამო მალე განსხეულდეს და თავის ძველ ასტრალურ გვამს შეხვდეს. ამ უკანასკნელს დიდი ლტოლვა აქვს მისკენ და მის ახალ ასტრალურ სხეულში შედის. მართალია, ადამიანი ახალ ასტრალურ სხეულს იქმნის, მაგრამ მასთან დაკავშირებულია ძველიც და იგი ორივეს მთელი სიცოცხლე ატარებს. ძველი ასტრალური სხეული როგორც მეორე „მე“ თავს იჩენს კოშმარულ სიზმრებსა და ხილვებში, აწვალებს და ტანჯავს მას.
ჩანასახმა ძველი ასტრალური სხეული კი არ უნდა მოძებნოს, არამედ არადიფერენცირებული ასტრალური სხეულისგან უნდა შექმნას ასტრალური სხეული, ასე რომ ეს პროცესი თვით ადამიანზეა დამოკიდებული. ახალი ასტრალური სხეულის ფორმა და ფერი განვლილი ცხოვრების ძალებზეა დამოკიდებული. ამ ფაქტს განსაკუთრებული ყურადღება უნდა მივაქციოთ. რატომ მოძრაობენ ეს ადამიანური ჩანასახები ასეთი სისწრაფით? იმიტომ, რომ უნდა მოძებნონ მშობელთა წყვილი, რომელიც ხასიათითა და ოჯახური დამოკიდებულებით ადამიანური ჩანასახის შესაბამისი იქნება. სისწრაფე შესაძლებელს ხდის, რომ მშობელთა ასეთი წყვილი მოიძებნოს. ადამიანის ჩანასახი ამ მომენტში შეიძლება აქ იყოს, მეორე წუთს კი სხვა კონტინენტზე აღმოჩნდეს.
რაც შემდეგ ხდება, ამაში ადამიანს დახმარება სჭირდება. მაღალი არსებები ლიპიკასები ადამიანურ ჩანასახს წყვილისკენ წარმართავენ, ხოლო მაჰარაჯასები აფორმირებენ ეთერულ სხეულს ასტრალური ფორმისა და გარეგნულ ფიზიკურ სხეულში მშობლების მიერ შეტანილი წვლილის შესაბამისად. განაყოფიერების აქტის დროს ვნებაში, რომელიც ამ დროს მშობლების მხრიდან ვითარდება, ნათელმხილველს შეუძლია ასევე დაინახოს ასტრალური მატერიაც. ამიტომ ბავშვის ვნებიანობა განისაზღვრება მშობელთა წყვილის ვნების ინტენსივობით, რომელიც განაყოფიერების აქტის დროს განვითარდა.
შესაძლებელია ყოველთვის ვერ მოხერხდეს ისეთი მშობლების პოვნა, რომელიც ადამიანის ჩანასახისთვის სრულიად შესატყვისი იქნება. ხერხდება მხოლოდ ყველაზე უფრო შესაფერისის პოვნა. ასევე ძნელია ფიზიკური სხეულის ისე აგება, რომ სრულიად შეესაბამებოდეს ეთერულ სხეულს. სრული ჰარმონია ვერასოდეს მიიღწევა. აქედან იღებს სათავეს სამშვინველსა და სხეულს შორის გახლეჩილობა.
უშუალოდ განსხეულების წინ ხდება ძალზე მნიშვნელოვანი მოვლენა, რომელიც გარდაცვალების მომენტის ასეთივე მოვლენის პარალელურია. როგორც უშუალოდ გარდაცვალების შემდეგ წარდგება სამშვინველის წინაშე მთელი განვლილი ცხოვრება პანორამის სახით, ზუსტად ასევე უშუალოდ განსხეულების წინ ჭვრეტენ მთელ მომავალ ცხოვრებას. ეს უდიდესი მნიშვნელობის მომენტია. ისეც ხდება, რომ ადამიანები, რომელთაც წინა ცხოვრებაში ბევრი რამ გადაიტანეს და მძიმე ცხოვრება გაიარეს, ახალი მიმართებებისა და ბედისწერების ხილვისას შოკში ვარდებიან და სამშვინველის სრულ განსხეულებას აბრკოლებენ ისე, რომ სხეულში სამშვინველის მხოლოდ ნაწილი შედის. ამგვარი შოკის შედეგად იბადებიან იდიოტები, ან ეპილეპტიკები.

Posted by: old_man Nov 7 2018, 04:24 PM

თუ კონკრეტულად რამე საკითხმა დაგაინტერესათ, გავშალოთ მსჯელობა
ან გაინტერესებთ რაიმე თემა თუ როგორ ხსნის რუდოლფ შტაინერი, დაწერეთ აუცილებლად და შევეცდები მოვიძიო
ასევე მინდა გაგიზიაროთ ჩემი დაკვირვება. ეს ისეთი საკითხებია, რაც მარტო წასაკითხად და იმის სათქმელად - უი რა საინტერესოა, არ ღირს. უნდა ვეცადოთ, რომ კარგად დავამუშავოთ და ცნობიერად გავიაზროთ. ეს შეცვლის მთელ თქვენს მსოფლმხედველობას, ცხოვრების აღქმას, ამ და მომავალ ცხოვრებასაც.
ცოტა ხნის წინ ვფიქრობდი იმაზე, თუ როგორ შეცვალა ჩემი მსოფლმხედველობა და მიდგომები კარმის და რეინკარნაციის ფენომენის (თუმცა მანამდე ამაზე ბევრი რამე მქონდა წაკითხული, მაგრამ არა გაცნობიერებული და მიღებული) გაცნობიერებამ. ჩემი ცხოვრება, სამყაროს აღქმა, ნაბიჯები და ურთიერთობა სხვა ადამიანებთან აღარასოდეს ყოფილა ისეთი, როგორიც მანამდე იყო, სანამ ამას მივიღებდი და გავაცნობიერებდი (სხვათა შორის, რამდენიმე დღის შემდეგ ეს წავიკითხე შტაინერთან სადაც ზუსტად ამას ამბობს კარმასა და რეინკარნაციაზე. შევეცდები მოვიძიო).
მოკლედ ველი თქვენგან აქტიურობას

Posted by: tikoroma Nov 7 2018, 08:09 PM

ციტატა(old_man @ 6th November 2018 - 10:36 PM)

Posted by: Guest Nov 7 2018, 09:30 PM

მე მეგონა ფილოსოფიური წიგნები ექნებოდა. განაგრძე ოლდ

Posted by: Merlin Nov 7 2018, 09:32 PM

ვფიქრობ კარმას მაინც განმსაზღვრელი ადგილი უჭირავს, როცა დაავადებებზეა ლაპარაკი. გონებირივ შეზღუდულობას რაც შეეხება, ამის შესახებ მნიშვნელოვანი ფაქტია, რაც ეწერა, რომ ადამიანები როდესაც სხეულში შემოსვლისას ხედავენ იმას თუ რისი გავლა მოუწევთ, ვერ უძლებენ და სამშვინველი სანახევროდ შემოდის სხეულში, რაც გარეგრნულად როგორც გონებრივი ჩამორჩენილობა ისე მჟღავნდება. ანუ აქაც კარმას უჭირავს მთავარი ადგილი, იმიტომ რომ ის ცუდი გამოცდილება რისი გავლაც ასე ძალიან არ უნდა სხეულში შემომავალს, ისევ და ისევ წარსულში დაშვებული შეცდომებითაა განპირობებული.

Posted by: Merlin Nov 7 2018, 09:36 PM

'''მე მეგონა ფილოსოფიური წიგნები ექნებოდა. განაგრძე ოლდ'''

ფილოსოფიური წიგნებიც აქვს, მაგრამ ანთროპოსოფია პირველ რიგში ოკულტური ქრისტიანობაა და სხვა ყველაფერი, რასაც ის მოიცავს სულიერი სამყაროების უშუალო შემეცნების ნაყოფებია.

Posted by: Merlin Nov 7 2018, 10:27 PM

" სულიერი იდეები მიწიერ ცხოვრებაშიც მაცოცხლებელ ძალებად გვევლინება, მაგრამ ადამიანი ამას ვერ აცნობიერებს და მხოლოდ გარდაცვალების შემდეგ ხდება მოწმე იმისა, რომ ხსენებული ძალები, რომლებიც სულისმეცნიერების მეშვეობით მიწიერი ცხოვრების დროს შემოდის მაშინ, მაორგანიზებელ, მაცოცხლებელ, გამაჯანსაღებელ ზემოქმედებას ახდენს მისი არსების იმ ნაწილზე, რომელსაც იგი სულიერ სამყაროში ხელახალ განსხეულებამდე ინარჩუნებს."

"ცხოვრება გარდაცვალებიდან ხელახალ დაბადებამდე" - IV ლექცია

Posted by: Merlin Nov 7 2018, 10:39 PM

"თქვენი ნიჭი და უნარები არამიწიერი წარმოშობისაა. ისინი კოსმოსიდან მომდინარეობს. რა მიმართებაც გაქვთ კოსმოსთან, სწორედ ისეთია თქვენი ტალანტი და ნიჭი, ისეთია თქვენი სიკეთე, ანდა თქვენი მიდრეკილება სიკეთისა თუ ბოროტებისადმი."

"ხელოვანი, თუნდაც არაცნობიერად, შემოქმედებით იმპულსს სულიერი სამყაროდან იღებს. მის შემოქმედებაში ირეკლება სულიერი სამყარო."
"რათა ავითვისოთ ის, რაც ზესამყაროებიდან მოედინება, აუცილებელია ბეჯითი, გულმოდგინე სწავლა და სერიოზული ინტიმური თვითჩაღრმავება."

"ცხოვრება გარდაცვალებიდან ხელახალ დაბადებამდე" XI, I, I ლექციებიდან.

Posted by: Merlin Nov 7 2018, 11:07 PM

ეხლა რასაც დავწერ განსაკუთრებულ ყურადღებას იმსახურებს, რადგან ჩვენი დროის ეზოთერულ სწავლებებში ხშირად შეხვდებით იმ ცნობას, რომ ფიზიკური სიკვდილი არაბუნებრივია და ადამიანი არ უნდა კვდებოდეს და რომ ფიზიკური უკვდავება ეს სულიერი განვითარების უმაღლესი მიღწევაა. ეხლა ვნახოთ რა აქვს სათქმელი რუდოლფ შტაინერს ფიზიკურ სიკვდილთან დაკავშირდებით. ადამიანის შემადგენლობის წევრებიდან, გარდაცვალების შემდეგ, ჩვეულებრივ შემთხვევაში, ფიზიკური, ეთერული და ასტრალური სხეულები იშლება და ხელახლა დაბადებისას ახლიდან იქმნება, ერთი ინკარნაციიდან მეორეში ადამიანს გადაყვება მისი უკვდავი წევრები: სამშვინველი და ''მე'', თუმცა არსებობს მთელი რიგი სწავლებები, რომლებიც ამ დაშლის პროცესის გაჩერებას უსახავენ მიზნად ადამიანს. ვნახოთ იმ უამრავ მიზეზთაგან ერთ-ერთი, თუ რატომაა გარდაცვალება და ხელახლა დაბადება ადამიანის განვითარებისთვის აუცილებელი პროცესი:

"ზრდასრული ადამიანი თავის "მე" შეგნებას მოძრავ , ქმედით მდგომარეობაში ინარჩუნებს იმის მეშვეობით, რომ ეჯახება რა თავის მშვინვიერ ბუნებას, შინაგანად ერთვის მას, ანუ მთელი დღის განმავლობაში შინაგანადაა მასში ჩართული. ჩვენს "მე" შეგნებას აღანთებს ფიზიკური სხეულის უკუქმედება, მისი ერთგვარი წინააღმდეგობა. აღნიშნული შეჯახება, როგორც საერთოდ ყოველგვარი შეჯახება, იწვევს დაზიანებას, ერთგვარ უმნიშვნელო ნგრევას ჩვენს ორგანიზმში. ფიზიკურ სხეულთან ამგვარი შეჯახებისა და მისი თანდათანობითი ნგრევის გარეშე შეუძლებელი იქნებოდა "მე" სრული შეგნების განვითარება. ამ ნგრევის საბოლოო შედეგი კი გახლავთ ის, რაც ფიზიკურ სამყაროში სიკვდილს იწვევს."

''"მე"-შეგნებას ჩვენ იმის წყალობით ვინარჩუნებთ, რომ ვანგრევთ ფიზიკურ, ეთერულ და ასტრალურ სხეულებს. მაგრამ ადამიანს თავისი "მე"-ს დანგრევაც შეუძლია."

"ცხოვრება გარდაცვალებიდან ხელახალ დაბადებამდე" II ლექცია

Posted by: tikoroma Nov 9 2018, 09:30 PM

დღეს ხელდასხმის საფეხურებზე წავიკითხე
საინტერესოა

Posted by: old_man Nov 10 2018, 10:30 AM

tikoroma
გაგვიზიარე
სიცილის სმაილიკი იმას ნიშნავს, რომ რაღაც გეცნო, ჰო? )

Posted by: tikoroma Nov 10 2018, 05:17 PM

ოკულტური დამწერლობა გაეცნობა განდობილსო რომ წერია, ოდინი გამახსენდა - პაპაჩემი

Posted by: elli Nov 12 2018, 08:01 AM

old_man
ამ წიგნის: ,,ცხოვრება გარდაცვალებიდან დაბადებამდე" pdf ხომ არ გაქვს შემთხვევით

Posted by: Merlin Nov 12 2018, 10:13 AM

ქართულად არა, რუსულად, ინგლისურად და გერმანულად უხვადაა. ეს წიგნი კონკრეტული ჯგუფის გაკეთებულია და მცირე ტირაჟითაა დაბეჭდილი, და მხოლოდ მათგანვე შეიძლება ყიდვა, ისევე როგორც წიგნისა ''იოანეს სახარება სამ დანარჩენ, განსაკუთრებით, ლუკას სახარებასთან მიმართებაში''. თუმცა ავღნიშნავ, რომ არც ერთი წიგნი არ გამოდგება დამწყებთათვის, თავიდან ''იდუმალთმეტყველების ნარკვევის'' წაკითხვა იქნება ყველაზე ლოგიკური (და სასურველია არა ქართულად).

Posted by: old_man Nov 12 2018, 11:10 AM

elli

QUOTE(elli @ 12th November 2018 - 08:01 AM)

Posted by: old_man Nov 12 2018, 06:03 PM

"იდუმალთმეტყველების კარიბჭესთან". გვ. 72. 1906 წლის 6 აგვისტოს, შტუტგარტში წაკითხული ლექციიდან

"ჩვენ დროში გავრცელებულია ერთი ისეთი დაავადება, რომლის შესახებ ასი წლის წინ თითქმის არაფერი იცოდნენ. საქმე იმაში კი არ არის, რომ არ იცოდნენ, არამედ ის ნამდვილად არ იყო გავრცელებული. ეს არის ნევროზული მდგომარეობა. ეს ავადმყოფობა მე-18 საუკუნის მატერიალისტური მსოფლმხედველობის შედეგია. მატერიალისტური აზროვნებითი ჩვევა რომ არ განვითარებულიყო, ნევროზიც არასდროს წარმოიქნებოდა. ოკულტურმა მასწავლებელმა იცის, მატერიალიზმი კიდევ რამდენიმე ათასწლეულს რომ გაგრძელებულიყო, მას ხალხის ჯანმრთელობაზე დამანგრეველი გავლენა ექნებოდა. ამ მატერიალისტურ აზროვნებით ჩვევებს თუ არ გააკონტროლებდნენ, მაშინ ადამიანები არა მხოლოდ ნერვიულები იქნებოდნენ, არამედ ბავშვები კონვულსიაში დაიბადებოდნენ და გარემოს აღქმა მათ ავადმყოფურ ტკივილებს მიაყენებდა. განსაკუთრებით სწრაფად გავრცელდებოდა სულიერი (ფსიქიკური) დაავადებები. საფრთხე სწორედ ეს იყო: სულიერი დაავადებების ეპიდემია. მომავლის ეს სამყაროსეული სურათი იყო მიზეზი იმისა, რომ ოკულტურმა წარმმართველებმა, კაცობრიობის სიბრძნის მაისტერებმა აუცილებლად მიიჩნიეს მთელს კაცობრიობაში რაღაც ჩაეღვარათ სპირიტუალური სიბრძნიდან. მხოლოდ ასეთ სპირიტუალურ მსოფლმხედველობას შეუძლია მომავალ კაცობრიობას ჯანმრთელობის კარგი საფუძველი მისცეს. თქვენ ხედავთ, რომ ანთროპოსოფია არის მოძრაობა, რომელიც ამოდის კაცობრიობის სიღრმისეული მოთხოვნილებებიდან".

Posted by: old_man Nov 14 2018, 11:49 PM

"იდუმალთმეტყველების კარიბჭესთან". გვ. 44-45

ასტრალური სხეულის, ასტრალური სხეულის ცნობიერების და ასევე ჩაკრების შესახებ

"როცა ადამიანს სძინავს, მისი ასტრალური სხეული გამოსულია ფიზიკური და ეთერული სხეულებიდან და მას ცნობიერება აღარ აქვს, მაგრამ იმდენ ხანს, რამდენიც ასტრალურ სხეულს თავისი ჩვეული ფუნქციის შესასრულებლად სჭირდება, კერძოდ ასწორებს და ჰარმონიაში მოჰყავს დაღლილი და არაქათგამოცლილი ფიზიკური სხეული. როცა ადამიანი კვდება, ასტრალურმა სხეულმა ეს მოღვაწეობა უკვე აღარ უნდა შეასრულოს და რა ზომითაც თავისუფლდება იგი ფიზიკური სხეულისაგან, ზუსტად იმ ზომით იღვიძებს მასში ცნობიერება. მისი ცნობიერება დღის ცხოვრების განმავლობაში დაბნელებული და შეზღუდული იყო სხეულის ფიზიკური ძალით და ღამით მას სჭირდებოდა ამ ფიზიკურ სხეულზე მუშაობა. გარდაცვალების შემდეგ ასტრალურ სხეულში ძალები თავისუფლდება და მყისიერად თავს იჩენს სრულიად განსაზღვრული ორგანოები. ეს ორგანოებია ლოტოსის შვიდი ყვავილი, ჩაკრები. ლოტოსის ყვავილების ამოძრავებისთანავე ადამიანი იწყებს ასტრალურ სამყაროში აღქმას. ფიზიკურ და ასტრალურ ორგანოებს შორის სხვაობა ის არის, რომ ფიზიკური გრძნობის ორგანოები პასიურია. ისინი აღიქვამენ ყველა გავლენას გარედან. თვალი, ყური და ა.შ. მშვიდ მდგომარეობაში არიან, სანამ მათ არ შესთავაზებენ რაიმეს - სინათლეს, ბგერებს და ა.შ. ამის საპირისპიროდ სულიერი ორგანოები აქტიურია, ისინი თავად ეკვრიან ობიექტს. ამდენად ეს ქმედითობა იღვიძებს მაშინ, როცა ასტრალური სხეულის ძალები სხვა რამისთვის არ გამოიყენება".
თანამედროვე, ჩვეულებრივი ადამიანის ასტრალური ორგანოები ოდნავაა გამოხატული, მაგრამ ნათელმხილველთან და მედიუმური ტრსანსის მდგომარეობაში მყოფთან ისინი ცხადად იკვეთება ცოცხალ, მანათობელ ფერებში და მოძრაობენ".

(ჩემთვის ეს მონაკვეთი საინტერესო იყო იმით, რომ გამახსენდა გაცნობიერებული სიზმრების პრაქტიკა, რომელსაც ვაკეთებდი რაღაც პერიოდი და ხშირად გამომდიოდა. კერძოდ, გაცნობიერებული სიზმრების ტექნიკა გამოდის ძილის მეორე ნახევარში, როცა ასტრალურმა სხეულმა უკვე საკმაოდ იმუშავა დაღლილი სხეულის აღსადგენად და შემდეგ გაღვიძებისას და ხელახლა დაძინებისას უკვე ცნობიერებას იძენდა. ის ცნობიერება რაც გაცნობიერებულ სიზმრებში მოდის არის საკუთარი თავის გაცნობიერება ასტრალურ სხეულში. შეგრძნება ისეთია საკუთარი თავის როგორც დღის მანძილზე ფიზიკურ სხეულში)

Posted by: Merlin Nov 15 2018, 11:11 AM

'''' ის ცნობიერება რაც გაცნობიერებულ სიზმრებში მოდის არის საკუთარი თავის გაცნობიერება ასტრალურ სხეულში. შეგრძნება ისეთია საკუთარი თავის როგორც დღის მანძილზე ფიზიკურ სხეულში''''

ვერ დაგეთანხმები. სიზრმის გაცნობიერება არ არის ცნობიერების გადატანა ასტრალურ სხეულში, არამედ არის ასტრალური სხეულისა და ''მე''-ს დაყოვნება ეთერულ სხეულში, ანუ ცნობიერების ეთერულში გადატანა. (იმ პერიოდში, როდესაც ასტრალური სხეული და ''მე'' გამოსულები არიან ფიზიკური სხეულიდან, მაგრამ ჯერ კიდევ ეთერულში არიან შეყოვნებულები, ეს ის დროა, როდესაც ადამიანი სიზმრებს ხედავს). ცნობიერი სიზმარი რომ ასტრალურ სხეულში ცნობიერების გადატანა იყოს, ასეთი ადამიანი სულიერი სამყაროების წინაშე დადგებოდა, მაგრამ ეს ასე არ ხდება, სულიერი სამყაროს ნაცვლად ადამიანი ისევ მატერიალური სამყაროს მსგავს რეალობაში ხვდება, რომელიც ძირითადად იმით განსხვავდება ჩვენი რეალობისგან, რომ იქ ფიზიკის კანონები არ მუშაობს, ან სხვანაირად მუშაობს, და რეალობა სწრაფად იცვლება.

უამრავჯერ გამიცნობიერება სიზმარი, ან გნებავთ სხეულიდანაც გამიტანია ცნობიერება, მაგრამ ყველა ეს შემთხვევა არის მხოლოდ ფიზიკურიდან ეთერულში ცნობიერების გადატანა, მაგრამ ჩვენთვის ცნობილი, და კარგად გავრცელებული პრაქტიკების გამოყენებით როდესაც ხდება ეს, მატერიალური აღქმაც მიგყვება თან, რის შედეგადაც ეთერულსაც ვერ აღიქვავ, ჩემი აზრით, თავისთავადი სახით, არამედ უბრალოდ იმყოფები ეთერულ სხეულში, მაგრამ სამყაროს ისევ ფიზიკური სხეულისათვის დამახასიათებელი აღქმით აღიქვავ.

ასტრალურ - სულიერ სამყაროში ადამიანი მაშინ გადადის, როდესაც მკვდარი, უსიზმრო ძილით სძინავს, ეს ის დროა როდესაც ასტრალური სხეული და ''მე'' ეთერული სხეულიდანაც არიან გამოსულები, და ეს მდგომარეობა იმდენად შორსაა ჩვენი ცნობიერებისგან, რომ სიზმრის მდგომარეობისგან განსხვავებით, სრულიად მიუწვდომელია ჩვეულებრივი ადამიანის ცნობიერებისათვის. ამდენად სწორი ნათელხილვა, სწორი სხეულიდან გასვლა, სწორედ ამ მკვდარი ძილის ფაზაში გულისხმობს ცნობიერების შეტანას და არა სიზმრიანი ძილის ფაზაში (იმიტომ, რომ ამ დროს ასტრალური სხეული და ''მე'' ჯერ კიდევ ეთერულ სხეულში არიან). ანუ ჩვენ თუ გვინდა რომ ცნობიერება ასტრალურ სხეულში გადავიტანოთ, ამისათვის საჭიროა, რომ მკვდარი ძილის ფაზის გაცნობიერება შეძლოს ადამიანმა და არა სიზმრებისა. ამ შემთხვევაში ის სულიერი სამყაროს არსებების წინაშე დადგება (ელემენტალები, ანგელოზები, მთავარანგელოზები და ასე შემდეგ), და არა ფიზიკის კანონებ შეცვლილი მატერიალური სამყაროს წინაშე, რომელიც არ არის და არც შეიძლება იყოს სულიერი სამყარო.

(ამის უკეთ გასაგებად შეგიძლია წაიკითხოთ ''იდუმალთმეტყველების ნარკვევის'' მესამე თავი ''ძილი და სიკვდილი'')

Posted by: starscream Nov 16 2018, 09:16 PM

Merlin
გეთანხმები ზუსტად მაგის დაწერა მინდოდა ამდენი წლებია მაგას ვამტკიცებ რო კასტანედას პრაქტიკას თუ ავიღებთ მილიონჯერ უნდა გააცნობიერო სიზმარი და მერე მეორე კარზე უნდა გადახვიდე მანდ იწყება რეალური სამყაროს აღქმა და ეგეც არ არის ასტრალი და მეორე კარზე რო მიხვალ ეგრევე დაგხვდებიან არაორგანული არსებები იმიტო რო მაგათი მოგონილია ეგ პრაქტიკა. ადამიანებს ვისაც ასწავლიან უცებ ასტრალში გასვლას 3 დღეში და ასე შემდეგ გონიათ რო სადმე გადიან სინამდვილეში გონება აკეთებს ვითომ სხეულიდან გასვლის მოდლირებას და ისევ სიზმარში არიან უბრალოდ გაცნობიერებულ სიზმარში თუ შენ რაღაც სცენის დროს აცნობიერებ აქ თავიდანვე გადიხარ და საწოლში ხარ მაგრამ მაინც სიზმარში. მეც ყოვეთვის მიკვირდა ფიზკურ სხეულს რო ვტოვებდი და გადმოვგორდებოდი ფიზიკური სხეულიდან ჯერ სიბნელეს ვხვედავდი და მერე იწყებდა ჩემი გონება ჩემი ოთახსი დახატვას ვითომ რეალურად სხეულს გარეთ ვიყავი სინამდვილეში კი ისევ გაცნობიერებულ სიზმარში ხარ. ეგ არის გონება ატყუებს ადამიანს და ხატავს ყველაფერს თუ ადამიანს უნდა მართლა განავითაროს ასტრალური ხედვის ორგანოები ან შტაინერის სავარჯიშოები უნდა აკეთოს ან დღეში რამოდენიმე საათი იჯდეს და უნდა იმედიტიროს მაგრად და დაგროვილი ენერგია აამუშავებს ჩაკრებს. რეალურად დააკვირდით ადამიანი ასტრალში ნამდვილი გასვლით დიდ ინფორმაციასთან წვდომას იღებს ყველა ეს ავტორები ვითომ ასტრალში გასვლას რო ასწავლიან ისინი რო ნამდვილად გადიოდნენ ასტრალში შეეძლებოდათ აკაშის ბიბლიოთეკაში ბევრი რამის წაკითხვა,წარსული და მომავლის ხედვა რეალური ისტორიის დაწერა ახალი პრაქტიკების შემოტანა და ასე შემდეგ იმიტო რო ყველა სერიოზული სისტემა იოგა და ცი გუნი მიმართულია იმისკენ რო ადამიანს ასწავლოს სხეულიდან გასვლა ჯერ დაბალ სამყაროში და მერე მაღალ სამყაროებში ნამდვილი პრაქტიკა იწყება როცა ნამდვილად გადიხარ ასტრალურ სამყაროში. ამას კიდე რო მიაღწიო რამოდენიმე წელი და ცხოვრების წესის აზრების გრძნობებსი რავი ყველაფრის შსეცვლა ჭირდება. ისე არავინ არათუ აკაშის ქრონიკების წაკითხვამდე ასტრალში არ მიგიშვებენ =D

Posted by: Merlin Nov 17 2018, 05:42 AM

..............

Posted by: tikoroma Nov 17 2018, 11:14 PM

ციტატა(old_man @ 7th November 2018 - 04:24 PM)

Posted by: old_man Nov 18 2018, 10:49 PM

tikoroma
რას ნიშნავს არ იღებ რეინკარნაციის პოპულისტურ ვერსიას? და თუ ეს არაა თავსმოხვეული არამედ სულის მეხსიერებიდანაა ამოღებული?

Posted by: tikoroma Nov 19 2018, 12:36 AM

პოპულისტურია მაგ. წინა ცხოვრებაში ღარიბი თუ იყავი, დღეს მდიდარი ხარ და ასეთი მარტივი გაგება. არ მჯერა, რომ ასე პირდაპირ პროპორციულია

Posted by: old_man Nov 19 2018, 01:29 AM

ეგეთი გაგება რა თქმა უნდა პოპულისტური და პრიმიტიულია. კარმული სიტუაციები და ცხოვრებისეული პირობები გაცილებით ღრმად იქსოვება

Posted by: tikoroma Nov 19 2018, 02:05 AM

შევთანხმდით უცბათ ;დ

Posted by: old_man Nov 19 2018, 12:37 PM

"ცხოვრება გარდაცვალებიდან ხელახალ დაბადებამდე", გვ. 96-97

"როდესაც ნათელმხილველი ზეგრძნობად სამყაროს ჭვრეტს, იგი იმ სამშვინველებსაც აღიქვამს, რომლებიც განსაზღვრული დროის მანძილზე გარდაცვალებიდან ხელახალ დაბადებამდე გარკვეულ ძალებს მსახურებენ - იმ ძალებს, რომელთაც ჩვენ მზარდი, ჯანსაღი და ნაყოფიერი მიწიერი ცხოვრების მეუფეებად ვსახავთ. ეს სამშვინველები რაღაც პერიოდის განმავლობაში სულიერ არსებებთან ერთად რუდუნებენ უკეთილშობილესი მისიის აღსასრულებლად - ისინი ყოველნაირად ცდილობენ გარდამოუვლინონ ფიზიკურ სამყაროს ის ძალები და იმპულსები, რომლებიც მიწიერ არსებობას გააჯანსაღებს და წინსვლისა და გამარჯვებისკენ წარმართავს. მაგრამ შესაძლოა გარკვეულ გარემოებათა გამო ადამიანი გარდაცვალებასა და ხელახალ დაბადებას შორის ავადმყოფობათა და მრავალ სხვა უბედურებათა მომავლინებელ ძალთა მსახურადაც იქცეს. მართალია, სასიცოცხლო პროცესები სულიერ ძალთა და არსებათა წარმმართველობით რეგულირდება, მაგრამ ამ პროცესებში ადამიანიც თანამონაწილეობს და თუკი აქ, დედამიწაზე გარკვეული მიმართებით სათანადოდ მომზადდება და განვითარდება, იგი უზენაეს ნეტარებას ეზიარება - იგი ღირსყოფილიქმნება სულიერ არსებებთან ერთობლივი თანაქმედებით დედამიწაზე სასიცოცხლო ძალები შთამოღვაროს. რით იმსახურებს ადამიანი ამ უდიდეს მისიაში თანამონაწილეობას?
ნათელმხილველური დაკვირვება ცხადყოფს, რომ ადამიანი მიწიერი ცხოვრების მანძილზე თავის ქმედებას და აზროვნებას ორი, ერთმანეთისგან განსხავავებული მიმართებით ავითარებს. ერთია მისი მოღვაწეობის გარეგნული ფორმა - გარეგნული ქმედება და აზროვნება. მეორე - სამშვინველის შინაგანი მისწრაფებებით იმპულსირება. მისთვის ნიშნეულია ენთუზიამზი, გულისმიერი ჩართვა და უშუალო დაინტერესება. ეს ისეთი მოღვაწეობაა, რომლისადმი ადამიანს მხოლოდ და მხოლოდ მისი სამშვინველი განაწყობს. დიახ, ეს არის სამშვინველის ერთგვარი განწყობა - იაზროვნოს და იმოქმედოს არა მოვალეობის, არამედ სიყვარულის, შინაგანი მისწრაფებების ძალით. ამგვარი განწყობა სამშვინველს ამზადებს, რათა იგი გარდაცვალების შემდეგ სიჯანსაღისა და განმკურნავ ძალთა მსახურად იქცეს, ზესამყაროებიდან ზრდისა და ნაყოფიერების იმპულსები გარდამოავლინოს და იმ ნეტარებას ეზიაროს, ამგვარი რუდუნების წყალობით რომ ისადგურებს მასში."

Posted by: Merlin Nov 24 2018, 03:51 PM

"იოანეს სახარების პირველი სიტყვები მართლაც აბათილებს ყოველგვარ განმარტებას გარდა ერთისა – იესო ნაზარეველში, რომელიც ჩვენი ერის დასაწყისში ცხოვრობდა, უმაღლესი ღირსების სულიერი არსი განსხეულდა. იოანეს სახარების ავტორს, რომელსაც მთელი თავისი არსიდან უნდა ელეპარაკა იესოზე, აუცილებლად უნდა დაწყო იმით, რასაც იგი ,,სიტყვას’’, ანუ ,,ლოგოსს’’ უწოდებს. მას უნდა ეთქვა: ,,დასაწყისში იყო სიტყვა და ყოველივე მის მიერ, ანუ ,,ლოგოსის მიერ შეიქმნა’’ (იოანე 1-1,3) – აღვიქვათ ეს სიტყვები მისი სრული მნიშვნელობით და დავინახავთ, რომ იოანეს სახარების ავტორი მთელი თავისი შინაგანი მოწოდებით ,,ლოგოსს’’ უწოდებს სამყაროს იმ დასაბამიერ საწყისს, იმ უმაღლესს, რომელთან ამაღლება ხელეწიფება ადამიანს. მან უნდა აღიაროს: ,,ყოველივე ამ პირველსათავე ლოგოსიდან შეიქმნა’’ (იოანე 1-3). შემდეგ იგი ამბობს: ..და სიტყვა ხორციელ იქმნა და დაიმკვიდრა ჩვენს შორის’’ (იოანე 1-14). ე.ი. თქვენ იხილეთ იგი, როდესაც თქვენ შორის იყო და კიდევაც შეგწევთ უნარი გაუგოთ მას, თუკი ირწმუნებთ, რომ მასში ცხოვრობდა იგივე პრინციპი, რომლიდანაც აღმოცენდნენ მცენარეები, ცხოველები, ადამიანები და ყოველივე, რასაც კი ადამიანის მზერა შემოწერს. ამრიგად, თუკი ხელოვნურ გამარტებებს ავირიდებთ, ჩვენ უბრალოდ უნდა ვაღიაროთ, რომ იოანეს სახარების თანახმად, უმაღლესი არსი ერთხელ განსხეულდა ხორციელად. "

რ. შტაინერი - "იოანეს სახარება" GA 103 - ლექცია I

Posted by: Merlin Nov 24 2018, 03:53 PM

" სულისმეცნიერება [ანთროპოსოფია] იოანეს სახარებაში აღწერილ სულიერ სამყაროთა ცოდნას თავისი არსიდან გვაწვდის... სულისმეცნიერება თავის არსში იმასვე ატარებს, რაც იოანეს სახარებაშია შთაბეჭდილი."

რ. შტაინერი - "იოანეს სახარება" GA 103 - ლექცია I

Posted by: Merlin Nov 24 2018, 03:56 PM

"ადამიანები კი თანდათან უფრო და უფრო მეტად ცდილობენ, შეძლებისამებრ, ჩვეულებრივი ადამიანური მოვლენების დონემდა დაიყვანონ ყოველივე ის, რაც ისტორიულად მოხდა. მათ აბნევს ისეთი მაღალი არსების წარმოჩენა, როგორიცაა იოანეს სახარებისეული ქრისტე, ამიტომ ისინი ლაპარაკობენ მასზე, როგორც იესოს - “უბრალო ნაზარეველი ადამიანის” აპოთეოზე, რომელიც მათ ასე მოსწონთ, იმიტომ რომ შეუძლიათ თქვან: ჩვენ ხომ ადრეც გვყავდა სოკრატე და სხვა დიდი ადამიანები. ქრისტე გამოირჩევა მათგან, მაგრამ ახსენებენ რა "უბრალო ნაზარეველ ადამიანს", ისინი ჩვეულებრივი რიგითი ადამიანის მასშტაბით უდგებიან მას. მსგავსი აზრები ,,უბრალო ნაზარეველ ადამიანზე’’, რომელიც დღეს მრავალრიცხოვან თეოლოგიურ თხზულებებში და ასევე თეოლოგიურ აკადემიურ ნაშრომებში, ე.წ. ზეგანათლებულ თეოლოგიაში ხდება, მატერიალისტური აზროვნების შედეგია, ბოლო საუკუნეებში რომ ჩამოყალიბდა და მხოლოდ ფიზიკურ-გრძნობად სამყაროს არსებობას რომ მიიჩნევს შესაძლებლად, - მხოლოდ მას ანიჭებს მნიშვნელობას.

მატერიალიზმი თავდაპირველად რელიგიურ ცხოვრებაში გაიჟონა. კაცობრიობის სულიერი განვითარებისთვის იგი ბევრად უფრო ნაკლებ საზიანოა მეცნიერულ-საბუნებისმეტყველო ფაქტების სფეროში, ვიდრე იქ, სადაც რელიგიურ წარმოდგენებსა და იდუმალებების გაგებას ეხება."

რ. შტაინერი - "იოანეს სახარება" GA 103 - ლექცია I

Posted by: Merlin Nov 26 2018, 12:33 PM

იესო ქრისტეს ნება-სურვილია ადამიანის ცნობიერებაში აღძრას და ამოზიდოს მასში დაუნჯებული ღვთაებრივ-სულიერი ბირთვის შეგნება, ანუ შეგნება იმისა, რომ ადამიანის სამშვინველში, როგორც ღვთაებრივი ნაპერწკალი, ცხოვრობს ღმერთი და რომ ყოველი ადამიანი საკუთარ არსებაში ღვთაებრივს ატარებს. ქრისტე ამას ხაზგასმით აღნიშნავს, როდესაც ამბობს: "თქვენ ღმერთები ხართ! (იოანე 10-34). იგივე გამონათქვამი სხვა არსებასაც ეკუთვნის: ლუციფერმა კაცობრიობის განვითარების დასაწყისში თქვა: "თქვენ ღმერთების თანაგვარი იქნებით"... ამრიგად, ორი არსება ერთსა და იგივე სიტყვებს წარმოთქვამს. ბიბლიაც და სახარებაც გვაუწყებს, რომ ლუციფერის ამ გამონათქვამს ადამიანისთვის არავითარი მადლი და კურთხევა არ მოაქვს, ხოლო ქრისტეს მიერ წარმოთქმული იგივე სიტყვები უზენაესი კურთხევისა და წყალობის მომნიჭებელია. აქ იფარება საოცარი საიდუმლო: ის რაც ლუციფერმა საცდურად მიუგდო კაცბრიობას, ქრისტემ გვიბოძა, როგორც სიბრძნის უმაღლესი შინაარსი. აქ არსებითია ის, თუ ვისგან წარმოსდგება ზემოხსენებული აზრი. "

რ. შტაინერი - "ცხოვრება გარდაცვალებიდან ხელახალ დაბადებამდე" - ლექცია II

Posted by: Merlin Nov 26 2018, 12:54 PM

ეს სულ მცირე იმას ნიშნავს, რომ ის სულიერი სწავლებები რომლებიც მოედინება ერთის მხრივ ლუციფერისგან და მეორეს მხრივ ქრისტესგან, გარეგნული ფორმით შეიძლება ძალიან ჰგავდეს ერთმანეთს, არც ლუციფერი არაა ისეთი შინაარსების წინააღდეგი, როგორიცაა სიყვარული, სულიერება, მორალი, მშვენიერება, სიბრძნე, სინათლე, გასხივოსნება, განღრმრთობა და ასე შემდეგ. მაგრამ მათ შორის არსებით განსხვავებებს ვიპოვით, თუ ჩვენ სიღრმისეულად ჩავეძიებით ერთსაც და მეორესაც. ამდენად ზედაპირული შეფასებები, რომ ეს მასწავლებელი სიყვარულს, სიკეთეს, მსახურებას და გასხივოსნებას ქადაგებს და რა შეიძლება ამაში ცუდი იყოს? - ვერ გაგვიყვანს სამშვიდობოზე. მხოლოდ სწავლების შინაგანი არსის სიღრმისეული გაცნობიერებით შეიძლება, რომ ადამიანში ჭეშმარიტი მასწავლებელი ამოვიცნოთ. გარეგნული შეფასებები, რომლებიც დაიყვანება ისეთ ფრაზებზე, როგორიცაა - პოზიტიურ რამეებს ასწავლის, ან თუმდაც მისი პრაქტიკები მუშაობს, აუცილებლად შეგვიყვანს შეცდომაში. ამიტომაც ეწოდება ლუციფერს მაცდური, და ამიტომაც ვლოცულობთ ასე: ...და ნუ შეგვიყვან ჩვენ განსაცდელში... (საცდურში) (ინგლისურად ასეა: ''and lead us not into temptation''). საცდური კი რქიანი და კუდიანი ურჩხულის სახით კი არ ვლინდება, არამედ ყველაზე უფრო ნატიფი და ბრწყინვალე ფორმებით იმოსება. და ისევ ქრისტეს სიტყვებით დავასრულებ: 23. ნეტარია ვინც არ შეცდება ჩემში“.

Posted by: elli Nov 27 2018, 11:42 AM

ძალიან დაღლილიც, რომ შემოვიდე ვიცი ეს თემა მაინც დამხვდება, მადლობა თქვენ

Posted by: tty_ Nov 29 2018, 03:18 AM

elli
მეც რამდენიხანია მადლობის თქმა მინდა ;დ .

Merlin
old_man

Posted by: Merlin Nov 29 2018, 10:59 AM

რის მადლობა... მადლობა თქვენ პირიქით

Posted by: Merlin Nov 29 2018, 11:32 AM

https://www.youtube.com/watch?v=hWAbM1iIDj4

https://www.youtube.com/watch?v=5B-BnwMV9M4

https://www.youtube.com/watch?v=SNPmk2xmS6g

https://www.youtube.com/watch?v=9hAjAfELKN4

ეს გახლავთ ანთროპოსოფიულად გაგებული ქრისტიანობის შესავალი ლექციები, თუ სწორად მახსოვს ეს ციკლი ოცამდე ლექციისგან შედგება და ეტაპობრივად დაიდება. ლექციებს კითხულობს სულიკო ავჟანდაძე, რომელიც საქართველოში ერთ-ერთი ყველაზე მცოდნე ადამიანია ანთროპოსოფიის და მით უმეტეს ქრისტოლოგიის სფეროში.

Posted by: Merlin Dec 1 2018, 02:16 PM

" ის რასაც ქვია ჭეშმარიტი და ნამდვილი, კაცობრიობას მუდმივად ახალ და ახალ ფორმებში უნდა მიეწოდებოდეს; და ვინაიდან კაცობრიობის მოთხოვნები ეპოქალური წინმავლობის კვალდაკვალ მუდმივად იცვლება, ჩვენი დროებაც, გარკვეული თვალსაზრისით, ასევე საჭიროებს მიწიერი კაცობრიობის განვითარების ამ უდიადესი მოვლენის - ქრისტეს მოვლენის ახალ მაუწყებლობას. ანთროპოსოფიას სურს იყოს ეს მაუწყებლობა...
ქრისტეს მისტერიის ანთროპოსოფიული მაუწყებლობა, არც ჩვენთვის და არც ზოგადად, თავისი შინაარსით არ წარმოადგენს რაღაც ახალს. მაგრამ ფორმის თვალსაზრისით მაინც არის რაღაც ახალი."

რ. შტაინერი - "იოანეს სახარება სამ დანარჩენ, განსაკუთრებით, ლუკას სახარებასთან მიმართებაში" - ლექცია I

Posted by: Merlin Dec 9 2018, 08:05 PM

ფილონ ალექსანდრიელი (ძვ.წ.აღ 20 წ - ახ.წ.აღ 50 წ) ებრაელი ფილოსოფოსი - ძე ღმერთის შესახებ.

‘’ფილონის ღმერთი, როგორც ერთადერთი ჭეშმარიტი, უცვლელი და უძრავი არსი პლატონის იდეათა სამყაროს მიღმაცაა, მაგრამ ამავე დროს ავსებს ყოველ ამქვეყნიურს, როგორც გაფორმებულ მატერიას. ამ ვითარების წარმოსადგენად იგი პლატონის ‘’ტიმაიოსის’’ სამკუთხედს იყენებს (დემიური, იდეები, მატერია), მაგრამ ღმერთის ტრანსცენდენტობისა და სიწმინდისათვის შეუძლებლად მიაჩნია, რომ იგი მატერიას უშუალოდ შეეხოს. ამ ფუნქციას ასრულებს ლოგოსი [ბერძ. ''სიტყვა''], როგორც იდეათა მთლიანობა და ღმერთის პირველშობილი ძე (ბიბლიის ასპექტით დანახული, როგორც ანგელოსთა ერთიანობა). ღმერთი მამობრივი მიზეზია, ლოგოსი მოსაშუალეა მასსა და სამყაროს შორის. მასში თეოლოგები ქრისტეს წინათგრძნობას დაინახავენ. ეს ლოგოსი, რომელსაც ფილონი ზოგჯერ მეორე ღმერთს უწოდებს, ქრისტესაგან იმით განსხვავდება, რომ არ სხეულდება. მაგრამ ანთროპომორფიზმის ნაშთი რჩება თავად ტრანსცენდენტურ ღმერთში, რომლის შესახებაც მხოლოდ ის შეიძლება ვიცოდეთ, რომ ის არის და არა ის, თუ რაა და როგორ არის. აღმოჩნდება, რომ ფილონისათვის ის თავისუფალი ნების მქონე პიროვნული ღმერთი რჩება, რომელიც სიბრაზისას ბოროტ ძალებს ქმნის, რომლის წყალობის გარეშე ვერავითარი მცდელობით ვერ მიუახლოვდება მას ადამიანი. ღმერთის განგების საყოველთაობის მიუხედავად, ადამიანის სული მისივე დანაშაულის გამო ექცევა სხეულში.’’

გურამ თევზაძე - ანტიკური ფილოსოფია (გვერდი 137-138).

Posted by: Merlin Dec 9 2018, 08:31 PM

ფილონი არ ყოფილა ქრისტიეანი, ის იუდეველი ფილოსოფოსი იყო, რომელიც ძველი აღთქმისა და ანტიკური ფილოსოფიის შინაარსების გაერთიანებისთვის იღწვოდა. მაგრამ მის ფილოსოფიაში გაჩნდა ძე ღმერთის გაგება. მას ასევე უწოდებს მეორე ღმერთს, მსგავსაც ქრისტეანული სამების მეორე ჰიპოსტასისა. ძე ღმერთი, რომელიც ყველა იდეის, ყველა ანგელოზის მთლიანობას წარმოადგენს, ''მამისგან'' განსხვავებით უშუალოდაა დაკავშირებული მატერიალურ სამყაროსთან. ფილონი მას უწოდებს სიტყვას (ბერძ. ლოგოსი), ასევე იწოდება ის იოანეს სახარებაში, რომელიც ამბობს:

იოანეს სახარება - თავი პირველი

1 დასაბამიდან იყო სიტყვა, და სიტყვა იყო ღმერთთან და სიტყვა იყო ღმერთი.
2 ის იყო დასაბამიდან ღმერთთან.
3 ყველაფერი მის მიერ შეიქმნა, და უმისოდ არაფერი შექმნილა, რაც კი შეიქმნა.
4 მასში იყო სიცოცხლე, და სიცოცხლე იყო ნათელი კაცთა.
5 ნათელი ბნელში ნათობს და ბნელმა იგი ვერ მოიცვა.
6 იყო კაცი, მოვლინებული ღმერთის მიერ, და სახელი მისი იოანე.
7 ის მოვიდა სამოწმებლად, რათა ემოწმებინა ნათლისათვის და, ამრიგად, ყველას ერწმუნა მისგან.
8 არ იყო ის ნათელი, არამედ რათა ემოწმებინა ნათლისათვის.
9 იყო ნათელი ჭეშმარიტი, რომელიც უნათებს ყველა კაცს, მომავალს ქვეყნად.
10 ამ ქვეყნად იყო და ქვეყანა მის მიერ შეიქმნა, და ქვეყანამ ვერ იცნო იგი.
11 თავისიანებთან მოვიდა და თავისიანებმა არ შეიწყნარეს.
12 ხოლო ყველას, ვინც შეიწყნარა იგი, მისცა ხელმწიფება ღმრთის შვილებად წოდებულიყვნენ; ყველას, ვისაც სწამს მისი სახელი;
13 და ვინც არა სისხლისაგან, არა ხორცის ნებისაგან, არა მამაკაცის ნებისაგან, არამედ ღმრთისაგან იშვნენ.
14 სიტყვა ხორცად იქცა და დაემკვიდრა ჩვენს შორის, მადლითა და ჭეშმარიტებით სავსე. და ვიხილეთ დიდება მისი, დიდება მხოლოდშობილისა მამის მიერ.
15 იოანე მოწმობს მისთვის და ღაღადით ამბობს: ეს არის იგი, ვისთვისაც ვთქვი: ჩემს შემდეგ მომავალი ჩემი წინამორბედია, ვინაიდან ჩემზე უწინარეს იყო.
16 და მისი სავსებისგან ყველამ მივიღეთ მადლი მადლისა წილ.
17 რადგან რჯული მოსეს მიერ მოგვეცა, ხოლო მადლი და ჭეშმარიტება იესო ქრისტეს მიერ იქმნა.
18 ღმერთი არავის არასოდეს უხილავს: მხოლოდშობილმა ძემ, რომელიც იყო მამის წიაღში, მან გაგვიცხადა.

Posted by: Merlin Dec 10 2018, 04:45 PM

ანთროპოსოფიის შესავალი, ნაწილი I

სიტყვა ანთოპოსოფია წარმოშობილია ორი ბერძნული სიტყვის შეერთების შედეგად: ἄνθρωπος (anthropos = "ადამიანი") და σοφία (sophia = "სიბრძნე"). ეს ტერმინი მეოცე საუკუნემდეც არსებობდა, მაგრამ ჩვენთვის ის იმის წყალობითაა ცნობილი, რომ სწორედ ეს სიტყვა უწოდა რუდოლფ შტაინერმა იმ სწავლებას, რომლის გადაცემაც მან მეოცე საუკუნის დასაწყისში დაიწყო. ანთროპოსოფია არის სწავლება, რომელიც დაფუძნებულია ნათელხილვის გზით მიღმიური, და ასევე მატერიალური, სამყაროების უშუალო შემეცნებაზე და რომელიც თავის თავში მოიცავს და აერთიანებს კაცობრიობის მოღვაწეობის ყველა ძირითად სფეროს. შესაბამისად ანთროპოსოფია პირველ რიგში ეზოთერული მეცნიერებაა, ეზოთერული არა იმ გაგებით, რომ ის დაფარულია და საიდუმლო, არამედ იმ გაგებით, რომ ის არის მეცნიერება დაფარულის შესახებ, და ამ იდუმალის შესახებ მოპოვებულ ცოდნას ეფუძნება შემდეგ უკვე ანთროპოსოფიის ყველა სხვა ცალკეული მიმართულება, იქნება ეს მედიცინა თუ სხვა.

სიტყვა ''ეზოთერული'' ბერძნული წარმომავლობისაა, და განიმარტება როგორც ''შინაგანი'': esoteric - From Ancient Greek ἐσωτερικός (esōterikós, “belonging to an inner circle”), from ἐσωτέρω (esōtérō, “further inside”), comparative of ἔσω (ésō, “within”), from ἐς (es), εἰς (eis, “into”) (esoteric originally referred to the secret teachings of Greek philosophers, versus public or exoteric ones). განსხვავებული ეტიმოლოგიური მნიშვნელობის მიუხედავად, შინაარსობრივად ამ ცნების იდენტურია ტერმინი ''ოკულტური'', რომელიც ლათინური წარმოშობისაა და ნიშნავს ''დაფარულს'': occult - From Latin occultō (“hide, keep secret”).

ორივე ეს ტერმინი მიუთითებს ისეთი ტიპის ცოდნაზე, რომელიც მიიღწევა ადამიანში დამატებითი აღქმის ორგანოების გამოღვიძების მეთოდით, რომლითაც შესაძლებელი ხდება მატერიალური სამყაროს საზღვრების გადალახვა. ანუ ეს ორი სიტყვა მიუთითებს ისეთი რამის ცოდნაზე, რაც ჩვეულებრივ შემთხვევაში დაფარულია ჩვენი გრძნობის ორგანოებისათვის, და ასეთი პირველ რიგში არის ის რეალობები, რომლებშიც ადამიანი იმყოფება ფიზიკურ დაბადებამდე და გარდაცვალების შემდეგ, ანუ ის რეალობები, რომელთაც ვუწოდებთ სულიერ სამყაროებს. (თუმცა სიმართლეა ისიც, რომ ასეთი ტიპის ცოდნა წარსულში და განსაკუტრებით დასავლეთში, იყო არა მხოლოდ ცოდნა დაფარულის შესახებ, არამედ თავად ეს ცოდნაც იყო გარკვეულწილად დაფარული და საიდუმლო, თუმცა ეს ვითარება მნიშვნელოვნად შეიცვალა XIX საუკუნის ბოლო მესამედიდან, რაც ეპოქალური ცვლილებებით არის განპირობებული...).

ახლა ვთქვათ ის, თუ რითი განსხვავდება ანთროპოსოფია სულიერებასთან დაკავშირებული სხვა სწავლებებისგან. დოგმატური რელიგიისგან მას უპირველეს ყოვლისა განასხვავებს ის, რომ მას საფუძვლად უდევს სულიერი სამყაროების უშუალო აღქმა და შემეცნება და არა წმინდა წერილების ინტერპრეტაცია ლოგიკური თუ ტრადიციული შეხედულებებიდან გამომდინარე. ანუ ანთროპოსოფიული (ისევე როგორც ზოგადად ეზოთერული) მსოფლმხედველობა, რელიგიური ინსტიტუტების მიერ შემოთავაზებული მსოფლხმედველობისგან განსხვავებით, უპირველეს ყოვლისა, ეფუძნება ცოდნას და არა რწმენას.

მიუხედავად იმისა, რომ ანთროპოსოფიაში ფილოსოფიას ძალიან დიდი ადგილი უკავია, ანთროპოსოფია არ არის ფილოსოფია. ფილოსოფია მთლიანად ემყარება ადამიანის ლოგიკური აზროვნების შესაძლებლობებს და წარმოადგენს ამ აზროვნების მოქმედების შედეგად მიებული დასკვნების ერთობლიობას. ხოლო ანთროპოსოფია, როგორც ეზოთერული სწავლება, მიუხედავად იმისა, რომ აზროვნება ძალიან მნიშვნელოვანი როლს ასრულებს მასში, არ არის მხოლოდ ლოგიკური განსჯის შედეგად მოპოვებული ცოდნა, არამედ ის, პირველ რიგში გულისხმობს საკვლევი ობიექტის უშუალო შემოტანას აღქმაში. ანუ მაგალითად თუ ფილოსოფოსი მსჯელობს იმის შესახებ, თუ რა ხდება მატერიალური სამყაროს მიღმა, ნათელმხილველი უშუალოდ აღიქვავს მიღმიერ რეალობებს და მისთვის ეს სამყაროები ისეთივე შემეცნების ობიექტი ხდება, როგორიც მატერიალური ობიექტებია საბუნებისმეტყველო მეცნიერებებისათვის.

ალბათ ამის თქმა აღარ არის საჭირო, მაგრამ მაინც შეიძლება ხაზი გავუსვათ, რომ ანთროპოსოფია არც აკადემიური მეცნიერება არ არის. ის პირველ რიგში სულიერი სამყაროების შესწავლიითაა დაინტერესებული, და მატერიაზე ცოდნასაც სულიერების გავლით ღებულობს. ასევე განსხვავებულია მეთოდიც, რომელიც კვლევის იარაღად აღქმის განსხვავებული ფორმების განვითარებას გულისხმობს, რომელიც საშუალებას იძლევა ადამიანმა თავის აღქმაში შემოიტანოს ის რაც ჩვეულებრივად მიუწვდომელია ადამიანის ხუთი გრძნობის ორგანოსათვის. თუმცა მეცნიერებასთან მას კვლევის პრინციპები ანათესავებს და კვლევის შედეგების გაცნობიერება ცხადლივი და კრიტიკული აზროვნების გზით. ამიტომაც ეწოდება მას სულის მეცნიერება.

აქვე ისიც უნდა ითქვას, რომ სულის მეცინერებაში სულიერი სამყაროს კვლევები იმგვარი ფორმით არის გადმოცემული, რომ ამ კვლევების გზით მოპოვებული ცოდნა გასაგებია და გამოსაყენებელი იმ ადამიანების მიერ ვინც ჯერ არ ფლობს ნათელხილვის უნარს, და შესაბამისად უნარს ცდისეულად გადაამოწმოს მიღებული ცნობები. არამარტო გასაგებია, არამედ იმის წყალობით, რომ თითოეული ფაქტი სულიერი სამყაროების შესახებ ახსნილია უამრავი განსხვავებული კუთხით, მისადაგებულია იმ ფაქტებთან, რომლებიც ჩვენ მოგვეპოვება მატერიალური ცოდნის სფეროშიც, და რაც მთავარია იმდენადაა ლოგიკურად გამართული ყველაფერი, რომ გაგებასა და დაჯერებას შორის ზღვარი მინიმუმამდეა დაყვანილი. თითქმის ყველა მეტაფიზიკურ ცნობას მისადაგებული აქვს ის ფიზიკურიც, რომელშიც ეს მეტაფიზიკური არის ასახული, რითაც უწყვეტი და მტკიცე კავშირები ებმება მატერიალურ და სულიერ სამყაროებს შორის და გასაგები ხდება ერთის მხრივ ის თუ რა უხილავი პროცესები უდევს საფუძვლად ხილულ, მაგრამ ნაკლებად გაგებულ მოვლენებს, მეორეს მხრივ კი ვიგებთ იმას, თუ სად და როგორ ავლენენ საკუთარ თავს სულიერი ძალები ჩვენთვის ხილულ რეალობაში. ხოლო რაც შეეხება, ნათელმხილველის მიერ სულიერებასთან დაკავშირებული ფაქტების უშუალო ცდისეულ გადამოწმებას და იმ გზაზე გავლას, რომელიც ოდესღაც თავად რუდოლფ შტაინერმა თუ სხვა რომელიმე ხელდასხმულმა გაიარა, ამისათვის დატოვებული არის მთელი რიგი პრაქტიკები და მეთოდიკა, რომლითაც საკმარისად მომზადებულ ადამიანს შეუძლია გამოიმუშავოს ის უნარები, რომელი უნარების გამოყენებითაც შეიძლება მატერიალურსა და სულიერს შორის ზღვარის გადალახვა და მიღმიურის უშუალო აღქმა და შემეცნება.

როგორც ვთქვით, ანთროპოსოფია არის ეზოთერული/ოკულტური სწავლება, შესაბამისად ისიც უნდა გავიგოთ, რა განასხვავებს მას სხვა ეზოთერული სწავლებებისგან, მაგალითად ბლავატსკაიას თეოსოფიისგან. ამ განსხვავების გასაგებად პირველ რიგში იმის თქმა არის საჭირო, რომ ანთროპოსოფია არის არამარტო ეზოთერიკა, არამედ ქრისტიანული ეზოთერიკა, და მისი უმთავრესი მისია სწორედ ის არის, რომ ადამიანს ქრისტეს და მისი დედამიწაზე აღსრულებული ქმედებების შემეცნება და ქრისტესთან დაახლოების შესაძლებლობა მოუტანოს. ამდენად ეზოთერიკა/ოკულტიზმის მრავალი სახის მიმდინარეობებისგან ის პირველ რიგში განსხვავდება იმით, რომ ანთროპოსოფია, ისევე როგორც სახარება და ორიათასწლოვანი ქრისტეანული ტრადიცია, ქრისტეს განსხეულებულ ღმერთად მიიჩნევს და არა განღმრთობილ ადამიანად (როგორც ამას მიიჩნევენ სხვა არაქრისტიანული რელიგიური თუ ეზოთერული მიმდინარეობების წარმომადგენლები, მათ შორის და განსაკუთრებით ინდური სწავლებებისა). ანთროპოსოფიული შემეცნება ქრისტეს ხედავს, როგორც ძე ღმერთს, სამყაროს შემოქმედსა და მის ცენტრს, რომელიც პირველ საუკუნეში მზიდან დაეშვა დედამიწაზე, აღასრულა კოსმიური მასშტაბის მისტერიები და ამ მისტერიების აღსრულების გზით, უშუალოდ დაუკავშირა თავისი თავი დედამიწასა და ადამიანებს, და მისი შემეცნება, მასთან დაახლოება და იმ დიადი მიზნების განხორციელება რასაც ის უსახავს კაცობრიობას, ადამიანის უმთავრეს მისიადაა მიჩნეული.

ამგვარი გაგებით ის სწავლება, რომელიც რუდოლფ შტაინერმა სულიერი სამყაროებიდან მოუტანა კაცობრიობას, ქრისტეანი ხელდასხმულების სწავლებისა და საქმის გაგრძელებაა, ხელდასხმულებისა, რომლებიც მის მსგავსად ასევე საკუთარი პირადი გამოცდილებით იმეცნებდნენ სულიერ სამყაროებს, და უშუალოდ არაა დაკავშირებული არცერთი ქრისტეანული ეკლესიისა თუ კონფესიის სწავლებასთან, ისევე როგორც არაა უშუალოდ დაკავშირებული აღმოსავლურ რელიგიებთან, იქნება ეს ინდუიზმი თუ ბუდიზმი.

Posted by: Merlin Dec 10 2018, 04:50 PM

ანთროპოსოფიის შესავალი, ნაწილი II

რამოდენიმე ფაქტი რუდოლფ შტაინერის შესახებ, რომელიც ნაწილობრივ მაინც გასცემს პასუხს კითხვაზე, თუ რატომ ღირს, რომ ადამიანი დაინტერესდეს მისი მემკვიდრეობის შესწავლით.

კაცობრიობის ისტორიაში იყვნენ ნიჭიერი ადამიანები, იყვნენ გენიოსებიც, რომელთაც კაცობრიობის განვითარებაში მნიშვნელოვანი დადებითი როლი შეასრულეს, და იყვნენ ზეგენიოსებიც, რომელთაც დაუჯერებელ სიმაღლეზე აიყვანეს ადამიანის შესაძლებლობები, და შეიძლება ისიც ითქვას, რომ მათი შემოქმედება საკმარისი მტკიცებულებაა ადამიანის ღვთაებრივი წარმომავლობისა. ეს ის ადამიანები არიან, რომელთა მრავალმხრივობა თუ შემოქმედების ზეადამიანური უნარი ამოუხსნელ ფენომენთა კატეგორიას შეიძლება განვაკუთვნოთ. ასეთი სიმაღლის შემოქმედებს განეკუთვნებიან მაგალითად რუსთაველი, ბეთჰოვენი და ლეონარდო. პირველი ორი თუ თავისი შემოქმედების სრულყოფილებით შეგვიძლია ზეგენიოსების კატეგორიას მივაკუთვნოთ, ლეონარდო შემოქმედების სრულყოფილებასთან ერთად თავისი გასაოცარი მრავალმხრივობის გამოც იმსახურებს კაცობრიობის ყველაზე დიად წარმომადგენელთა ნუსხაში ყოფნას.

სწორედ ამ შესავლის ფონზე შეგვიძლია ჩვენ მიმოვიხილოთ რუდოლფ შტაინერის მემკვიდრეობის მასშტაბები და ჩამოვიყალიბოთ აზრი იმის შესახებ, თუ რა როლს შეიძლება ასრულებდეს კაცობრიობის ისტორიაში მსგავსი შესაძლებლობების ადამიანი.

წინა ტექსტში ნათქვამი, იყო რომ ანთროპოსოფია თავის თავში მოიცავს კაცობრიობი მოღვაწეობის ყველა ძირითად სფეროს. მოდით ცოტა უფრო დაწვრილებით განვიხილოთ, თუ რა იგულისხმება ამაში. შეიძლება ითქვას, რომ რუდოლფ შტაინერიმა არამარტო იცოდა და ერკვეოდა კაცობრიობის მოღვაწეობის ყველა სფეროში, არამედ თითოეული მათგანის სამომავლო განვითარების პერსპექტივები დაგვიტოვა, რომელიც დატეულია დაახლოებით სამას სამოცი ტომისგან შემდგარ ლიტერატურულ მემკვიდრეობაში.

ჩამოვთვალოთ რა სფეროებზეა ლაპარაკი: რელიგია, ეზოთერიკა, მისტიციზმი, ოკულტიზმი, მითოლოგია, ფილოსოფია, მეცნიერება – ფიზიკა, მათემატიკა, ქიმია, ბიოლოგია, მინერალოგია, გეოლოგია, ასტროლომია, ისტორია, ფილოლოგია, ლინგვისტიკა, ფსიქოლოგია, სოციოლოგია, პოლიტიკა, ეკონომიკა, ხელოვნებაში – მუსიკა, ლიტერატურა, მხატვრობა, ქანდაკება, არქიტექტურა, შემდეგ – მედიცინა, აგრონომია, პედაგოგიკა, საფინანსო და საბანკო საქმე, და არ არის გამორიცხული კიდევ მრავალი სხვა, რაც ჯერ არ შემხვედრია.

მან დაწყერა შემეცნების ახალი თეორია, ახალი სიტყვა თქვა ფილოსოფიაში, გადაჭრა კანტიანური პრობლემები, დაწერა მხატვრული ლიტერატურული ნაწარმოებები, იყო არქიტექტორი და შექმნა არქიტექტურის ახალი სტილი, მისი აგებული ორივე გოეთეანუმი თანამედროვე არქიტექტურის შედევრებად ითვლება, მისი ხელმძღვანელობით მოიხატა პირველი გოეთეანუმი და მისივე მონაწილეობით შეიქმნა კაცობრიობის წარმომადგენლის ქანდაკება, დღესაც არის მხატვრებისა და არქიტექტორების ინსპირატორი, შექმნა მედიცინის ახალი სისტემა - ანთროპოსოფიული მედიცინა, აგრონომიის ახალი მეთოდიკა - ბიოდინამიური აგრონომია, დასახა სოციალური განვითარებისა და სახელმწიფო მოწყობის, ასევე ახალი საბანკო და საფინანსო სისტემის შექმნის გზები, შექმნა ხელოვნების საერთოდ ახალი დარგი – ევრითმია, რომელსაც ესთეტიკურთან ერთად სხვა დანიშნულებაც გააჩნია, შექმნა ახალი მეთოდები ბავშვის აღზრდასა და პედაგოგიკაში – ვალდორფის სკოლა, მისი ასტროლოგიური მემკვიდრეობის საფუძველზე შეიქმნა ასტროლოგიის ახალი დარგი – ასტროსოფია, ანთროპოსოფიის საფუძველზევე შეიქმნა კვლევის ახალი დარგი, რომელიც ბგერით ზემოქმედებას იკვლევს მატერიაზე - სიმატიკა, და რაც ხაზგასმითაა აღსანიშნავია, ეს ყველაფერი მუშაობს, ყველა ეს სიახლე ფართოდ არის დანერგილი მსოფლიოს მრავალ ქვეყანაში, მათ შორის საქართველოში, და აღიარებულია მოქმედ და პრაქტიკულ მეთოდებად.

მის ეზოთერულ სწავლებაში შეხვდებით, გარდა ყველაფერი ზემოთ ჩამოთვლილისა, დედამიწისა და კაცობრიობის წარსულისა და მომავლის აღწერას პლანეტარული ინკარნაციების მასშტაბებით, ადამიანის, ცხოველების, მცენარეებისა და მინერალების წარმოშობისა და განვითარების ისტორიასა და მომავალს, სულიერი სამყაროებისა და მასში მყოფი არსებების შესახებ ცოდნას - ანგელოლოგიას, დეტალურ აღწერას ადამიანის გზისა გარდაცვალებიდან ხელახლა დაბადებამდე, ადამიანის არსების ღრმა და დეტალურ ცოდნას, კაცობრიობის ისტორიაში მომხდარი მოვლენებისა და ძვრების სულიერ საფუძვლებს, დიდი ადამიანების წარსული ინკარნაციების აღწერას და ინკრნაციებს შორის მომხდარ მოვლენებს, რაც იძლევა იმის გაგების საშუალებას, თუ რით იყო განპირობებული ამა თუ იმ ადამიანის შინაგანი სამყაროს წყობა და მისი ცხოვრების მსვლელობა. ასევე მოცემულია ხელდასხმის გზაზე დადგომისა და ნათელხილვაში შესვლის მეთოდიკა, რაც მოსწავლეს აყენებს იმ შესაძლებლობის წინაშე, რომ ადრე თუ გვიან პირადი გამოცდილების დონეზე დარწმუნდეს გადმოცემული ცოდნის ჭეშმარიტებაში თავისი ზეგრძნობადი უნარების განვითარების წყალობით. გარდა ამისა, აღსანიშნავია წინასწარმეტყველებები, რომლებიც ზუსტად ახდა მრავალი წლის შემდგომ, რისი კონკრეტული მაგალითების დასახელებაც შეიძლება. ყველაზე მნიშვნელოვანი კი ისაა, რომ ყველა ზემოთ ჩამოთვლილი დაფუძნებულია, ერთმანეთთან დაკავშირებულია და გაერთიანებულია ქრისტეანობის შემეცნების გარშემო, რომელმა შემეცნებამაც მისცა რუდოლფ შტაინერს შესაძლებლობა ეს ყველაფერი შემოეკრიბა ერთ ახალ სულიერ სწავლებაში, რომელსაც მან უწოდა ანთროპოსოფია.

Posted by: Merlin Mar 11 2019, 11:13 AM

ესაა ბმულები იმ ტექსტებისა, რომელ ტექსტებშიც კარგად არის ნაჩვენები ის, თუ რა ხდება ეზოთერულ სწავლებებში მეცხრამეტე საუკუნის ბოლო მესამედიდან მოყოლებული. ამ წიგნებისა და სტატების გაცნობა ძალიან სასარგებლო იქნება ნებისმიერი ადამიანისთვის ვისაც სურს ფართო წარმოდგენა ჰქონდეს, თუ რა სულიერი ძალები მოქმედებენ ამა თუ იმ ეზოთერული სწავლების უკან და რა მიზნით. აქედან გამომდინარე შეძლებთ გარკვეული დასკვნები გააკეთოთ, გასაგები გახდება, რომ ეზოთერული სწავლებების ძალიან დიდი ნაწილი ბოროტებას ემსახურება, და ის, რომ ისეთი სიტყვების უკან, როგორიცაა სიყვარული, მსახურება, ალტრუიზმი, ქრისტეს ცნობიერება, გასხივოსნება, სულიერება, იერარქია, ამაღლება და სხვა, ნეგატიური ძალების მიერ კარგად დაგეგმილი მზაკვრული ჩანაფიქრი შეიძლება იდგეს.

1) Сергей Олегович Прокофьев - Восток в свете Запада

• Часть 1. Учение Агни Йоги в свете христианского эзотеризма;
• Часть 2. Учение Алисы Бейли в свете христианского эзотеризма;
• Часть 3. Зарождение Христианского Эзотеризма в 21 веке и противостоящие оккультные силы.

https://rutracker.org/forum/viewtopic.php?t=3591911

2) Blavatskytheosophy.com – Articles
https://blavatskytheosophy.com/articles/

განსაკუთრებით მნიშვნელოვანია სტატიები განყოფილებიდან:
PSEUDO-THEOSOPHY REVEALED.

ასევე შემდეგი სტატიები:
https://blavatskytheosophy.com/the-danger-and-deception-of-channelling/
https://blavatskytheosophy.com/the-psychic-is-not-the-spiritual/
https://blavatskytheosophy.com/beware-of-the-star-rishis/
https://blavatskytheosophy.com/the-whitewashing-of-black-magic/
https://blavatskytheosophy.com/a-comparison-between-new-thought-and-theosophy/
https://blavatskytheosophy.com/the-third-volume-of-the-secret-doctrine/

3) Gerald Barbee Bryan - Psychic Dictatorship in America
http://www.orgonelab.org/PsychDict.pdf

4) Об источниках Учения Вознесённых Владык и Живой Этики
http://theprophets.narod.ru/Ob_istochnikah_AY_i_UVV.pdf

5) Valentin Tomberg - H.P. Blavatsky’s "Secret Doctrine" and Rudolf Steiner’s "Outline of Esoteric Science"
https://southerncrossreview.org/57/tomberg.htm

Posted by: Merlin Mar 11 2019, 11:42 AM

1) ამ ტექსტებიდან პროკოფიევის ეს სამტომეული ყველაზე მნიშვნელოვანია და შეიძლება ითქვას, რომ სხვა ტექსტები რაც დავდე ამ სამტომეულში გადმოცემულზე დამატებით ინფორმაციებს წარმოადგენს. პროკოფიევი ანთროპოსოფიის მოსწავლე იყო და ამ პოზიციიდანაა დაწერილი მისი წიგნები.

2) ეს არის სტატიები იმ ადამიანებისა, ვინც ბლვატსკაიას თეოსოფიის ერთგული მოსწავლეები არიან და ამ საიტზე აქვთ განთავსებული ყველა საჭირო სტატია იმისათვის, რომ ადამიანს სწორი წარმოდგენა ჩამოუყალიბდეს ბლავატსკაიას თეოსოფიაზე. ამის სამსახურად ძალიან დიდი ადგილი ეთმობა იმ სტატიებს, რომლებიც ცრუ თეოსოფიის გამოაშკარავების მიზნითაა დაწერილი. აქვე მინდა ავღნიშნო, რომ ბლავატსკაიას თეოსოფია და ანთროპოსოფია ბევრ ფუნდამენტურ საკითხში იდენტური შეხედულებების და მიუხედავად, მნიშვნელოვანწილად განსხვავდებიან ერთმანეთისგან, რადგან პირველი ქრისტიანობამდელ სიბრძნეს, განსაკუთრებით კი აღმოსავლურ სიბრძნეს წარმოადგენს, მეორე კი ეზოთერულ ქრისტიანულს, და ამდენად მათ შორის არის მრავალი სხვაობა, თუმცა კი ეს ორი სწავლება, იმის წყალობით, რომ ორივე რეალურ სულიერ გამოცდილებაზეა დაფუძნებული, ადვილად ერთიანდება იმ ცრუ სწავლებებთან დაპირისპირებაში, რომელთა სიცრუის გამოაშკარავებას ემსახურება ეს წიგნებისა და სტატიების კრებული.

3) ეს წიგნი ეძღვნება ეგრედ წოდებულ ამაღლებული მეუფეების სწავლების (ascended master teachings) ორიდან ერთ-ერთ დამაარსებელს, გაი ბალარდს Guy Ballard, მისი ცხოვრების მსვლელობასა და ''დიად ღვაწლს''.

ამ სწავლების მეორე დამაარსებელი გახლავთ Baird T. Spalding, მასზე ინფორმაცია შეგიძლიათ იხილოთ საიტზე: http://www.bairdtspalding.org/frequently-asked-questions-about-baird-t-spalding/

ეს სტატია ასევე ამ ორ ავტორთანაცაა დაკავშირებული, რადგან მათ თავიანთ სწავლებას მნიშვნელოვანწილად სწორედ New Thought movement-ის იდეები დაუდეს საფუძვლად. https://blavatskytheosophy.com/a-comparison-between-new-thought-and-theosophy/

4) ეს წიგნი დაწერილია რერიხების მიმდევართა მიერ, წიგნი ეძღვნება ელენა რერიხისა და ელიზაბედ კლერ ფროფეთის (ascended master teachings-ის ერთ-ერთი მნიშვნელოვანი წარმომადგენელი) სწავლებებს შორის მნიშვნელოვან შეუსაბამობებს.

5) ამ სტატიიდან მოკლედ შეძლებთ გაიგოთ თუ რა მიმართებაა ბლავატსკაიას სწავლებასა და ანთროპოსოფიას შორის.

Posted by: Merlin Jun 28 2019, 09:27 AM

''ჩვენი დროის დასავლურ კულტურაში გამოჩნდა ორი მრავლისმომცველი ნაშრომი, რომელიც მოიცავს მთელ ეზოთერულ მსოფლმხედველობას: ელენა ბლავატსკაიას ''საიდუმლო დოქტრინა'' და რუდოლფ შტაინერის ''იდუმალთმეტყველების ნარკვევი''.

ეს ორი ნაშრომი, შეიცავს მსოფლმხედველობის მეტნაკლებად სრულ სურათებს, რომელიც სრულიად უცნობია ფართო საზოგადოებისთვის. სიმართლე, რომელიც უნდა ვაღიაროთ, იმაში მდგომარეობს, რომ ვერცერთი კარგად ცნობილი თეოსოფისტური თუ კაბალისტური ნაშრომი მათ ვერ შეედრება ობიექტური ღირებულებით, რადგან ოკულტური ლიტერატურის არცერთი ნაშრომი არ სთავაზობს მკითხველს იმდენს, რამდენსაც - ისინი.''

ვალენტინ ტომბერგი

https://southerncrossreview.org/57/tomberg.htm

Posted by: old_man Apr 21 2020, 12:20 PM

რუდოლფ შტაინერი დაავადებების შესახებ:

"თუ გვსურს, ინფორმირებული ვიყოთ ჯანმრთელობასა და ავადმყოფობაზე, უნდა დავფიქრდეთ, რამდენი რამ მოქმედებს აქ ერთდროულად, ავადმყოფობა არ არის მხოლოდ ინდივიდუალური კარმა, ავადმყოფობასთან მიმართებით არსებობს ასევე ხალხის კარმა.

სულიერ ცხოვრებაში თავისებური კავშირების საინტერესო მაგალითია ჰუნებისა და მონღოლური ტომების შემოსევა. აზიიდან დასავლეთისკენ მომთაბარე ეს მონღოლები ატლანტიდელთა შთამომავლები იყვნენ. იმ დროს, როცა ინდოელები, გერმანელები და სხვები ვითარდებოდნენ, მათი ძმები მონღოლები ერთ-ერთ საფეხურზე ჩამორჩნენ. ზუსტად ისე, როგორც ადამიანის განვითარების გზაზე მას გამოეყო ცხოველები, ასევე გამოეყოფიან დაბალგანვითარებული ხალხები და რასები მაღალგანვითარებულთ. ეს ხალხები, მონღოლები, იყვნენ ჩამორჩენილი ატლანტიდელები, რომლებმაც ფიზიკური დეგრადაცია განიცადეს. ასე დეგრადირებულ ადამიანთა ასტრალურ სხეულში ჩანს დიდი რაოდენობით ხრწნადი ასტრალური მატერია. მონღოლები დაეჯახნენ გერმანელებსა და სხვა შუა ევროპელ ხალხებს, რომელთაც შიში და ძრწოლა დაეუფლათ. შიში და ძრწოლა კი ასტრალური სხეულის თვისებებია. ამ თვისებებში ყვავის ასტრალური ხრწნადი ნივთიერებები. ასე დაინფიცირდა ევროპული ასტრალური სხეულები და ეს ინფექცია შემდგომ თაობებში გადავიდა ფიზიკურ სხეულზე, მაგრამ არა ინდივიდებზე, არამედ ხალხებზე. ეს იყო კეთრი, საშინელი დაავადება, რომელმაც შუა საუკუნეებში წარმოუდგენელი გაპარტახება გამოიწვია. ეს ავადმყოფობა არის ასტრალურ სხეულზე ზემოქმედების ფიზიკური შედეგი.

ამდენად, ხალხთა ავადმყოფობებს თავისი საფუძვლები აქვთ. ძველ დროებში ეს ჯერ კიდევ იცოდნენ და ბიბლიამ ის ასახა, როგორც ჭეშმარიტება, რომელსაც ხშირად მცდარად განმარტავენ: "მამების ცოდვები მესამე და მეოთხე თაობამდე გადადის". ვინაიდან ამაში იგულისხმება არა ერთმანეთის მომდევნო ინდივიდუალური ინკარნაციები, არამედ თაობები, გარკვეული სახის ხალხის კარმა. როგორც მრავალი ბიბლიური გამონათქვამები ესეც სიტყვასიტყვით უნდა გავიგოთ.

ზემოთქმულიდან ჩანს, თუ როგორ ვლინდება ფიზიკურ ცხოვრებაში ის, რაც ადრე სულიერ ცხოვრებაში გრძნობებსა და ჩვევებში იყო. აქედან შესაძლებელია მივიღოთ ძალზე მნიშვნელოვანი პრაქტიკული დებულება: თუ ადამიანთა ჩვევებზე კეთილად ზრუნავენ, მაშინ აუმჯობესებენ არა მხოლოდ ზნეობრივ, არამედ მთელი თაობების, მთელი ხალხის ჯანმრთელ ცხოვრებას და პირიქით. სწორედ ეს იქცევა ხალხის კარმად".

Posted by: ano Apr 22 2020, 02:10 PM

ძალიან საინტერესოა რომელი წიგნიდანაა,

Posted by: old_man Apr 22 2020, 02:42 PM

ano
"იდუმალთმეტყველების კარიბჭესთან"

Posted by: old_man Apr 23 2020, 02:31 PM

ვაგრძელებ რუდოლფ შტაინერის ლექციებიდან ამონარიდებს ავადმყოფობების შესახებ:

"... გუშინდელ საუბარს თუ გავიხსენებთ, ახლა თქვენ ალბათ გაწუხებთ კითხვა: მაინც რა მოსდის იმას, რასაც ფიზიკური სხეული თავად აღწევს? - მისი ქმედებები გახდება მისივე მომავალი ბედისწერა. მაგრამ ამ ცხოვრებაში მის მიერ გადატანილი ავადმყოფობებისგან რა იქმნება?

მართალია, ამ კითხვაზე პასუხი უცნაურად ჟღერს, მაგრამ სპეკულაციას არ წარმოადგენს, არც რაიმე თეორიას, არამედ ეფუძნება იდუმალთმეტყველების გამოცდილებას და გავასწავლის ავადმყოფობის მისიას. ბრწყინვალე ხატი მოჰყავს ფაარე დოლივეტის, რომელიც ბიბლიის საწყის თავებს იკვლევდა. იგი ადამიანის მიერ გამომუშავებულ ბედისწერას ადარებს ბუნების რომელიღაც პროცესს. ის ამბობს: ძვირფასი მარგალიტი წარმოიქმნება ავადმყოფობის შედეგად, ეს არის მარგალიტის ნიჟარის დაავადება, ასე რომ, რაიმე ძვირფასის წარმოსაქმნელად სიცოცხლე უნდა დაავადდეს. ასევე, ერთ ცხოვრებაში ფიზიკური სხეულის ავადმყოფობები მომდევნო ცხოვრებაში გამოვლინდება როგორც ესთეტიკური მშვენიერება. ამდენად, ფიზიკური სხეული, გადატანილი ავადმყოფობის შედეგად, აღწევს იმას, რომ მომდევნო ცხოვრებაში ხდება მშვენიერი. ან ავადმყოფობის გამო, რომელიც მან თავის გარემოცვასთან ერთად ინფექციის მეშვეობით გადაიტანა, იგი დაჯილოვდება საკუთარი გარემოცვის მშვენიერებით. ამდენად, მშვენიერება კარმულად ვითარდება ტანჯვის, ტკივილის, გაჭირვებისა და ავადმყოფობისგან. ეს შოკისმომგვრელია, მაგრამ ეს ასეა. მშვენიერების გრძნობაც ასე იქმნება. ტანჯვის, ტკივილისა და ავადმყოფობის გარეშე სამყაროში არანაირი მშვენიერება არ იქმნება. ზუსტად მსგავსი ისტორია გვხვდება კაცობრიობის განვითარების მთელი ისტორიის განმავლობაში. ეს აჩვენებს, რამდენად მშვენიერია კარმული კავშირები ცხოვრებაში, რომ ძნელია ბოროტებაზე, ავადმყოფობასა და ტკივილზე საკითხების გადაწყვეტა, თუ არ ვიცნობთ კაცობრიობის განვითარების დიად შინაგან კავშირებს".

Posted by: ano Apr 23 2020, 05:02 PM

ვეძებე ინტერნეტში და აუდიოწიგნი არაა, რუსულის ელ ვერსია ვიპოვე. ქართული თარგმანი წიგნი იყიდება ასე რომ აქ წავიკითხავ რაცაა

Posted by: ano Apr 23 2020, 05:09 PM

ციტატა(old_man @ Apr 23 2020, 03:31 PM)

Posted by: earth Apr 23 2020, 08:53 PM

ეს ადგილი არ წამიკითხია... old_man

QUOTE(old_man @ 23rd April 2020 - 03:31 PM)

Posted by: old_man Apr 23 2020, 09:10 PM

earth
შტუტგარტში, 1906 წ. 29 აგვისტოს წაკითხული ლექცია
შედის წიგნში "იდუმალთმეტყველების კარიბჭესთან".

Posted by: earth Apr 23 2020, 09:23 PM

old_man
მართლა კარგია შტაინერის კითხვა განსაკუთრებით ახლა. კარგია, რომ დებ.
მადლობა.

Posted by: elli Apr 24 2020, 12:56 PM

დღეს ვკითხულობდი ზუსტად ,,ქრისტე ეთერულ სამყაროში" ძალიან საინტერესია, თან ამ საზოგადოებას ძალიან სჭირდება ბევრი რამის გასააზრებლად და გამოსაფხიზლებლად... ბევრ საინტერესო კითხვას სცემს პასუხს

Posted by: old_man Apr 24 2020, 03:03 PM

მიხარია რომ კითხულობთ, ეს არის სულიერი საგანძური.

Posted by: earth Apr 24 2020, 11:36 PM

პირველად 1992 წელში ჩამივარდა შტაინერის წიგნი, მაშინ და იმ წლებში მაქვს წაკითხული ბევრი მისი წიგნი.

როდისმე ალბათ მოვიცლი ისევ ჩავუჯდე. მართლაც ცოდნის წყაროა.

Posted by: old_man Apr 26 2020, 01:06 PM

ტყუილის, ჭეშმარიტების, აზროფორმების შესახებ

"....ოკულტიზმში არსებობს დებულება, რომელიც ახლა შეიძლება გაცხადდეს: ნებისმიერი ტყუილი ასტრალურ სამყაროში არის მკვლელობა! ეს არის ძალზედ საყურადღებო დებულება, რომლის მნიშვნელობას ხედავს მხოლოდ ის, ვინც ზენა სამყაროთა შემეცნებას არის დაუფლებული. რა მარტივად ამბობენ ადამიანები: ეს არის მხოლოდ აზრი, გრძნობა, რომელიც სამშვინველში რჩება; მე არ მაქვს სულის გაწვრთნის უფლება, ხოლო უკეთური აზრები არაფერს ნიშნავს. არ არსებობს უფრო მცდარი, ვიდრე ეს: აზრები გადასახადებისგან თავისუფალია, რადგან ყოველი აზრი, ყოველი გრძნობა რეალობაა და როცა მე ვფიქრობ, რომ ეს ადამიანი ცუდია ან მე იგი არ მიყვარს, ამას ასტრალურ სამყაროში ხედავენ როგორც ისარს, როგორც ელვას, რომელიც ტყვიასავით მიფრინავს ამ ადამიანის ასტრალური სხეულისაგან და მასვე ვნებს. ყოველი აზრი, ყოველი გრძნობა არის არსება, ფორმა ასტრალურ სამყაროში და მათთვის, ვინც ზენა სამყაროში ჭვრეტის უნარს ფლობს, ცნობილია, რომ გაცილებით არასასურველია, როცა მავანს აქვს ცუდი აზრი მოყვასზე, ვიდრე მისთვის ფიზიკური ტკივილის მიყენება. სწორედ ამ ჭეშმარიტების გაცხადებააა მორალის დამკვიდრება და არა ქადაგება. როცა ადამიანის შესახებ ჭეშმარიტებას ამბობენ, იქმნება ასეთი აზრობრივი ფორმა, რომელსაც ნათელმხილველი ფერისა და ფორმის მიხედვით ცნობს და რაც მოყვასის ცხოვრებას აძლიერებს. აზრი, რომელიც ჭეშმარიტებას შეიცავს გადადის არსებაზე, რომლისკენაც ეს აზრია მიმართული და მას იცავს, გამოაცოცხლებს. ამდენად, როცა მე მოყვასზე ჭეშმარიტს ვფიქრობ, მაშინ მის ცხოვრებას განვამტკიცებ. როცა მასზე სიცრუეს ვამბობ, მაშინ მასზე გადავღვრი მტრულ ძალას, რომელიც დამანგრევლად, ზოგჯერ მომაკვდინებლად მოქმედებს. აქედან გამომდინარე, ნებისმიერი ტყუილი არის მკვლელობა. ყოველივე ჭეშმარიტი ქმნის სიცოცხლის დამცავ ელემენტს. ამის მცოდნე გაცილებით ფგრთხილია ჭეშმარიტებისა და სიცრუის მიმართ, ვიდრე ის, ვინც მხოლოდ ქადაგებს იმას, რომ საჭიროა ჭეშმარიტების გამუდმებით ლამაზად გამოხატვა."

"იდუმალთმეტყველების კარიბჭესთან" გვ. 19-20

Posted by: tikoroma May 1 2020, 05:28 PM

გარემომცველ სამყაროში არსებული მიწის, წყლის, ჰაერისა და ცეცხლის ელემენტები ცხოვრობენ თავად ადამიანის შიგნითაც, რის გამოც ის წარმოადგენს მიკროკოსმოსს.
ადამიანური არსების ძვლებში ცხოვრობს მიწის ელემენტი, ხოლო წყლის ელემენტი - სისხლის ცირკულაციაში, ასევე მის ყველას სითხესა და წვენში. ჰაერის ელემენტი ვლინდება ყველაფერში, რაც დაკავშირებულია სუნთქვასა და სუნთქვის მოძრაობასთან - მეტყველებასთან, ხოლო ცეცხლის ელემენტი ცხოვრობს ადამიანის აზრებში.

რ. შტაინერი

Posted by: ano May 9 2020, 03:25 PM

მე ანტროპოდოფიაში ვერ ვერკვევი, როგორც ვიცი ბლავაცკაია შტაინერი, ბეზანტი, ვინც იყო ამის დამფუძნებელ გამავრცელებელი ვიცი რომ ეძებდნენ სულიერ ლიდერს რომელიც იქნებოდა მესია მაშინ მათ შერჩეული ჰყავდათ კრიშნამურტი მაგრამ მან უარი განაცხადა.
თუ იცით მათი ამ გეგმის შესახებ სავარაუდოდ ისინი ისევ ეძებენ ან უკვე იპოვეს შესაფერისი კანდიდატი,
რა მიზანი და გეგმები აქვთ და რა კავშირი ახალ მსოფლიო წესრიგთან ისინი რომელ მესიას ეძებენ

Posted by: Merlin Jun 2 2020, 05:44 PM

ბეზანტი ცრუ მასწავლებელი იყო და მთელი მისი გარემოცვაც მასთან ერთად. კრიშნამურტის პროექტი კაცობრიობის სულიერების დასამახინჯებლად წამოწყებული მოძრაობა იყო, რომელიც კარგია რომ არ შედგა.

ერთი რამის ცოდნაა საჭირო, ანთროპოსოფიის მიხედვით მესიას ფიზიკურ სამყაროში კაცობრიობა ვეღარ იხილავს. ქრისტეს მეორედ მოსვლა ფიზიკური სამყაროს მოვლენა არ არის.

Posted by: ano Jun 3 2020, 08:31 PM

ციტატა(Merlin @ Jun 2 2020, 06:44 PM)

Posted by: Merlin Jun 3 2020, 10:25 PM

"ესეიგი ასტანაში ლუციფერის მოსვლას ელოდებიან"

ლუციფერი იყო უკვე მოსული, ლუციფერი კიდევ სხვა არსებაა. ახლა სატანა იგივე არიმანი მოდის. ეს ყველაფერი უნდა მოხდეს, გარდაუვალია. საკითხავი ისაა, ადამიანები რამდენად მზად შევხვდებით ასეთ მოვლენებს.

Posted by: ano Jun 4 2020, 05:39 PM

აი ამ ვიდეოში არის ყველაფერი თან ქართულია
https://m.facebook.com/story.php?story_fbid=2596735757246598&id=100007305978616

Posted by: chemikerin Jun 20 2020, 10:14 PM

ჩავუჯექი შტაინერს და საკმაოდ კარგი აღმოჩნდა, გამიხარდა რომ არის ცალკე თემა. რაღაც კითხვები გამიჩნდა.

Posted by: chemikerin Jun 20 2020, 10:21 PM

კითხვისას ის ცოდნა რაც თითქოს ვიცოდი სხვანაირად აღიქმება. თითქოს უფრო ღრმად. საინტერესოა ძალიან.

Posted by: old_man Jun 20 2020, 10:39 PM

chemikerin

QUOTE(chemikerin101 @ 20th June 2020 - 10:14 PM)

Posted by: chemikerin Jun 20 2020, 10:49 PM

მადლობა, უბრალოდ ისე შორს მომეჩვენა 1000 წელი. თან ერთგან უწერია, რომ ქრისტეს მოსვლის შემდეგ მოსწავლისთვის ახალი გზები გაიხსნა, კერძოდ აღარ არის გურუს მუდმივი ფიზიკური თანმყოფობა საჭირო, როგორც ეს ქრისტემდე იყო. ანუ გამოდის რომ ქრისტეს მოსვლის შემდეგ ძალიან ცოტაჯერ დავიბადეთ, 2-3 ჯერ და გამოცდილებისთვის ცოტა მომეჩვენა

Posted by: Merlin Jun 21 2020, 09:14 AM

""""1000 წელი ძალიან ბევრი არ არის? როგორც ვიცით, ინკარნაციებს შორის სული საერთოდ არ ვითრდება და არ ჯობია მალევე განსხეულდეს?""""

ეს ზუსტად არ არის განსაზღვრული, შეიძლება სული ძალიან მალე მოვიდეს, ან შეიძლება ათასი წელი არ ჩამოვიდეს დედამიწაზე. ჩვენს დროში განსხეულებაში შემოსვლის პროცესები დაჩქარებულია, რამდენადაც მე ვიცი, ანუ უფრო მალ-მალე შემოდიან სულები დედამიწაზე.

განვითარებას რაც შეეხება: იმ მშვინვიერ ძალებს ამუშავებს ადამიანი სულიერ სამყაროში რაც დედამიწაზე მიიღო. მთელი კოსმოსიდან ახალი ძალებით იმსჭვალება. არჩევს განსხეულებისთვის შესაფერის დროს და შესაფერის პირობებს... როგორც წესი თუ ადამიანმა სრულად გაიარა ინკარნაცია სანამ დედამიწაზე პირობები არ შეიცვლება იმისათვის, რომ სულმა ახალი გამოცდილება მიიღოს, ის არ შემოდის დედამიწაზე. ანუ აქ მთავარი ისაა, რომ სულიერ სამყაროში უამრავი რამე ხდება, უბრალოდ არ ჩერდება სული იქ და არ იცდის.

წინასწარგანსზღვრულობას რაც შეეხება: ადამიანის ცხოვრების გარკვეული ნაწილი წინასწარაა განსაზღვრული კარმიდან გამომდინარე. მაგრამ არსებობს ადამიანის ცხოვრების ნაწილი, რომელიც მისზეა დამოკიდებული. ანუ არც ბოლომდე განსაზღვრულები არ ვართ და არც ბოლომდე თავისუფლები. ჩვენი მიზანი კი საბოლოვოდ ისაა, რომ სრულ თავისუფლებას მივაღწიოთ.

ისე კი ინკარნაციიდან ინკარნაციამდე დრო, როგორც ჩანს იმაზე უფრო შორია, ვიდრე ჩვენ მოველოდებით ხოლმე, ამიტომ ცხოვრებას ძალიან დიდი პასუხისმგებლობით უნდა მოვეკიდოთ.

Posted by: Merlin Jun 21 2020, 09:16 AM

ასაკსაც დიდი მნიშვნელობა აქვს - რომელ ასაკში გარდაიცვლება ადამიანი. თუ ცოტა ხანს იცოცხლა ადამიანმა მალევე მოდის უკან.

Posted by: chemikerin Jun 22 2020, 02:54 PM

ვინც კარგად იცნობთ შტაინერს და აგრეთვე სერგეი ლაზარევი ვისაც წაკითხული გაქვთ, შეგიძლიათ პარალელი გაავლოთ? ლაზარევი ხედავს ე.წ. "ტონკი პლანს", ადამიანს ბიოველს და ხედავს სულში რა პროგრამებია რომლებიც უნდა გადალახოს ადამიანმა, წინა ცხოვრებას უკავშირდება თუ არა პრობლემები მაგასაც ხედავს.
ანუ აქ დაახლოებით "ერთნაირი ტიპის" ხედვაზეა ლაპარაკი? ანუ ერთნაირ სიღრმეზე ხედავენ თუ არა მაინტერესებს.

Posted by: old_man Jun 23 2020, 10:51 AM

ჩემი აზრით სხვადასხვა წონითი კატეგორიებია,
იგივე კარმული კავშირების აღქმის მხრივ.
ღრმა ანალიზს ვერ გავაკეთებ, არ ვარ სათანადოდ კომპეტენტური, მაგრამ რა მაგალითიც ახლა გამახსენდა იმას დავწერ.
მაგ. ლაზარევი საუბრობს იმაზე, რომ ე.წ. ცოდვები, ანუ ნეგატიური პროგრამები, რასაც მშობლები ატარებენ გადადის შვილებზე, რაც შეიძლება გამოვლინდეს მძიმე დაავადებებით დაბადებიდანვე/ პატარა ასაკში. ამბობს, რომ გინდ უსამართლობად თვლიდეთ ამას გინდ არაო, მშობლების "ცოდვები" გადადის შვილებზეო. ამაზე ღრმად არ ჩადის, ყოველ შემთხვევაში მე არ შემხვედრია. თუ ვცდები, მიმითითეთ სად ამბობს სხვანაირად.
ხოლო შტაინერთან ასეთი რამ ამოვიკითხე, ზუსტად არ მახსოვს რომელ წიგნში. პერიფრაზი: ის ამბობს, რომ სული, რომელიც დამძიმებულია კარმით თავისი წინა ცხოვრებებით, რაც უნდა გამოვლინდეს მძიმე ავადმყოფობის სახით მის შემდეგ ცხოვრებაში, მიიზიდება ისეთ ოჯახში დაბადებისკენ, საიდანაც მას უნდა გადაეცეს რომელიმე დაავადება. ანუ მისი ნეგატიური პროგრამა რეზონანსულია მისი მშობლების ნეგატიურ პროგრამებთან.

Posted by: chemikerin Jun 23 2020, 11:14 AM

QUOTE(old_man @ 23rd June 2020 - 10:51 AM)

Posted by: chemikerin Jun 23 2020, 11:46 AM

ერთს დავამატებ ლაზარევზე. სწორად ხედავს ყველაფერს, მაგრამ მეჩვენება რომ გადაჭარბებული ყურადღება ეთმობა მატერიალური კეთილდღეობის ასპექტებს. თუ როგორ უნდა მოიქცეს ცოლი რომ ქმარმა არ უღალატოს, რატომ არ აქვს ქმარს ფული და ა.შ. ჩემი აზრით, როცა ადამიანს ამხელა ძალისხმევა აქვს კვლევაში ჩადებული ცოტა ნაკლებად უნდა ილაპარაკო მატერიალურ რაღაცეებზე, იმიტომ რომ ადამიანის ქვეცნობიერში იდება ინფორმაცია რომ ე.წ. საღმთო კანონებით შეიძლება მატერიალური კეთილდღეობის მიღწევა.

შტაინერი იმით მომწონს რომ დაცლილია ამგვარი მატერიალურ კეთილდღობაზე ლაპარაკებისგან. ჯერჯერობით რაც წავიკითხე ასეა და მერე ვნახოთ

Posted by: old_man Jun 23 2020, 11:51 AM

QUOTE(chemikerin101 @ 23rd June 2020 - 11:14 AM)

Posted by: Merlin Jun 23 2020, 08:01 PM

"ანუ აქ დაახლოებით "ერთნაირი ტიპის" ხედვაზეა ლაპარაკი? ანუ ერთნაირ სიღრმეზე ხედავენ თუ არა მაინტერესებს."

ჩემთვის ჯერ-ჯერობით არაა ცნობილი ლაზარევი საერთოდ საიდან ლაპარაკობს. აღწერილი აქვს მისი ხედვა რა სახისაა?

თუმცა ამ გაუგებრობის და მიუხედავად შემიძლიათ დაბეჯითებით გითხრათ, რომ მათ შორის განვითარების კუთხით კოლოსალური სხვაობაა. შედარებაც კი ძნელია იმდენად ერთმანეთისგან განსხვავებულ ადამიანებზეა ლაპარაკი.

ლაზარევი რაც მომისმენია, შეიძლება ცუდი არ იყოს როგორც ასეთი (ბევრი არ მომისმენია, თორემ შეიძლება სხვა შთაბეჭდილება დამრჩენოდა), მაგრამ სერიოზული ეზოთერული შემეცნებისგან საკმაოდ შორს უნდა იყოს.

Posted by: Merlin Jun 23 2020, 08:10 PM

ლაზარევი ექსტრასენსს უფრო გავს ვიდრე ნათელმხილველს. რამეს ლაპარაკობს სულიერ სამყაროზე ან სულიერ არსებებზე საერთოდ?

Posted by: chemikerin Jun 23 2020, 09:15 PM

Posted by: Merlin Jun 23 2020, 10:09 PM

"ძალიან იშვიათად ლაპარაკობს ხოლმე არსებებზე"

დიდი ალბათობით იმიტომ, რომ ექსტრასენსულ კატეგორიას განეკუთვნება მისი უნარება და არა სულიერს.

Posted by: chemikerin Jun 24 2020, 11:00 AM

შტაინერი ესე ყოფს სხეულებს: ფიზიკური, ეთერული, ასტრალური და მე.
მენტალური ესე ცალკე რო გამოეყოს არ შემხვედრია. და მე-ში მოიაზრებს მენტალურს?

Posted by: Merlin Jun 24 2020, 05:01 PM

მაგ ოთხი სხეულის გარდა ადამიანს აქვს სამშვინველის სამი წევრი და სულის სამი წევრი. სამშვინველის სამ წევრს ჰქვია გრძნობითი, განსჯითი და ცნობიერი სამშვინველი. მენტალურ სხეულს რასაც ეძახიან მაგის შესაბამისი განსჯითი სამშვინველია ანთროპოსოფიაში. თუმცა ამ ტერმინებში ყველა ავტორი როგორც წესი სხვა და სხვა შინაარსს მოიაზრებს, ამიტომ თითოეულ ტერმინს რომელი სწავლების გაგებით ვხმარობთ, მაგის მითითებაც ხშირად ხდება ხოლმე საჭირო.

Posted by: ano Jun 26 2020, 01:01 AM

ციტატა(Merlin @ Jun 23 2020, 11:42 PM)

Posted by: ano Jun 26 2020, 01:21 AM

ქართულად რამდენი წიგნი ყოფილა

საქართველოში რომ ჩავალ ვიყიდი

https://akti.ge/ka/category/7

http://laterna.ge/?cat=54&show=16993#.XvUSSWVn2Nw

http://laterna.ge/?cat=54&show=16986#.XvUThmVn2Nw

https://www.lit.ge/book/1207-zogadi-adamiantmcodneoba-rogorc-pedagogikis-safudzveli-rudolf-shtaineri/

http://laterna.ge/?cat=54&show=16997#.XvUUn2Vn2Nw

Posted by: Merlin Jun 26 2020, 02:11 AM

"აქ მე შეიძლება ისეთ შთაბეჭდილებას ვტოვებ თითქოს გეკამათები მაგრამ ეს ასე არაა"

კი მესმის, მაგრამ რომც გვეკამათა არც ეს იქნებოდა პრობლემა.

"დამიანები დიდ ინფორმაციულ ნაკადში არიან და აქედან ღირებული მცირეა."

სრულიად გეთანხმებით.

ქართულ წიგნებს რაც შეეხება სამწუხაროდ მეტი წილი ერთი მთარგმნელის მიერ არის შესრულებული და იმის და მიუხედავად, რომ ვაფასებ მის შრომას, ძალიან ცუდად აქვს ქართულად გადმოტანილი. ქართულად რომ კითხულობ ერთი რომ საშინლად ძნელად იკითხება, აზრები ვერ გამოიტანება ზუსტად, და განწყობილებაც თითქმის არ გადმოდის, და შედეგად ცუდ შთაბეჭდილებას უფრო ახდენს ვიდრე კარგს.

კი ვიცი ადამიანები ვისაც უწევთ ქართულად კითხვა და მაინც ახერხებენ გაგებას. მაგრამ თუ სხვა ენაზე კითხვის შესაძლებლობა გაქვთ, გერმანული, ინგლისური, რუსული, ჯობია ამ ენებზე წაიკითხოთ. მე პირადად რუსულს ინგლისური მირჩევნია.

Posted by: old_man Jun 26 2020, 10:55 AM

Merlin
ერთ პოსტში ახსენე, რომ შტაინერმა იწინასწარმეტყველა დედამიწაზე მზის დემონის მმართველობის დადგომა 12 წლის განმავლობაში, რაც ახდა ადოლფ ჰიტლერის მოსვლის სახით 1933-1945 წლებში.
შეგიძლია მიმითითო ეს რომელ ლექციაში აქვს ნათქვამი? სად ამოიკითხე? ფრაგმენტულად აქვს ნათქვამი თუ გავრცობილია?
მე ახლა რაღაც საინტერესო წიგნს წავაწყდი ინტერნეტში და ამასთან დაკავშირებით გამახსენდა ის პოსტი
ბერნარდ ნესვილდ კუქსონი: "მიქაელი და ორრქიანი ცხოველი" (Michael and the two-horned Beast)
აქ შტაინერის ლექციების მიხედვით სხვა საკითხებთან ერთად განიხილავს ბოროტების ფენომენს.
ცალკე თავია ზორატზე, მზის დემონზე,
როგორც სატანური ძალის უკიდურეს გამოვლინებაზე.
იმდენად დამაინტერესა, რომ მინდა იქიდან რაღაც თავები ვთარგმნო.

Posted by: Merlin Jun 26 2020, 01:15 PM

https://www.amazon.com/Book-Revelation-Work-Priest-346/dp/1855840529

აქ არის თუ სწორად მახსოვს. მე ეს ციკლი არ წამიკითხავს. ამონარიდების სახით იყო მოტანილი სხვაგან. უბრალოდ ვნახე რომელი ციკლიდან იყო და წესით ესაა.

Posted by: chemikerin Jun 27 2020, 10:59 AM

ლუციფერული და არიმანული არსებების გავლენაზე ამბობს შტაინერი რომ ასტრალურ დონეზე მოქმედებენო, იმის იქით ვეღარო. ანუ მე-ს ვერ ეხებიან. ესე იგი, ნებისმიერი ტიპის არსებების გავლენის თავიდან ასაცილებლად როგორც მივხვდი საჭიროა მე-ს "წამოწევა", მე-ზე გავლენის მოხდენა. ანუ "მე" არ უნდა იყოს დაჩრდილული ე.წ. ადამიანურით..

Posted by: old_man Jun 27 2020, 11:16 AM

Merlin
აი, ამ წიგნშივე ვიპოვნე, რომელსაც ვკითხულობ:

"სანამ კაცობრიობას შეეძლება ქრისტე შეიცნოს ეთერულ სამყაროში ჭეშმარიტად, უნდა შეეგუოს იმას, რომ მოუწევს შეხვედრა ცხოველთან, რომელიც გამოჩნდება 1933 წელს".

Posted by: chemikerin Jun 27 2020, 11:20 AM

კიდევ ერთი ესეთი საკითხია, წერს რომ ადამიანი უანგარო, არაეგოისტი უნდა იყოს როცა განვითარება უნდა და თავის თავზე მუშაობს... მაგრამ თვითონ განვითარების იდეა გულისხმობს, რომ "აი ეხლა ისეთ დონეზე არ ვარ, ამიტომ საჭიროა რომ ვიმუშავო ჩემს თავზე რომ მომავალში უფრო განვითარებული ვიყო" და აქ უკვე ეგოისტია ადამიანი.. ანუ ვისაც განვითარება უნდა რაღაც მხრივ ეგოისიტია.....
ერთი გამოსავალი არის მგონი ის რომ მატერიალური სამყაროს ილუზორულობა ძვალ-რბილში უნდა გაუჯდეს ადამიანს.
ანუ განვითარება არ უნდა გულისხმობდეს საკუთარი თავის მატერიალური და გრძნობითი სფერეობის წინ წამოწევას... ანუ ყველაფერი იმის რაც მე-ზე დაბლაა, ამაზე არ უნდა იყოს სწორება... თვითონ მე-ს შეგრძნებაზე უნდა იყოს სწორება...

Posted by: chemikerin Jun 27 2020, 11:30 AM

ყველაფერი რაც "მე"-ზე დაბლაა შეიცავს რაღაც დოზით ილუზიას....

Posted by: chemikerin Jun 27 2020, 01:30 PM

კიდევ ერთს დავამატებ.. ჩემი აზრით ნებისმიერი პრაქტიკა რომელიც მიმართულია "აქ და ახლა" ყოფნისკენ, ემსახურება მე-ში ცნობიერების გადატანას... ანუ ქვედა სხეულების შთაბეჭდილებების ჩამორეცხვას...

Posted by: Merlin Jun 27 2020, 01:36 PM

"ლუციფერული და არიმანული არსებების გავლენაზე ამბობს შტაინერი რომ ასტრალურ დონეზე მოქმედებენო, იმის იქით ვეღარო. ანუ მე-ს ვერ ეხებიან. ესე იგი, ნებისმიერი ტიპის არსებების გავლენის თავიდან ასაცილებლად როგორც მივხვდი საჭიროა მე-ს "წამოწევა", მე-ზე გავლენის მოხდენა. ანუ "მე" არ უნდა იყოს დაჩრდილული ე.წ. ადამიანურით.."

კი ნამდვილად სწორი დასკვნაა, "მე" ცნობიერების წინ წამოწევა აუცილებლობაა ცნობიერი სამშვინველის ეპოქაში. ეს ყველა სხვა სიკეთესთან ერთად ბოროტების დაძლევის გზაც არის: „გამხნევდით, მე ვარ, ნუ გეშინიათ!“

Posted by: chemikerin Jun 27 2020, 01:37 PM

ისე ეხლა ვფიქრობდი, რომ ადამიანისთვის რამხელა პასუხისმგებლობაა რომ სწორად განვითარდეს.. და ამ ლუციფერულ და არიმანულ არსებებს რას "დააჯლიგინებს" ღმერთი? ანუ ვგულისხმობ რომ ძაან "აშვებული" აქვთ... ანუ უფრო "ტონკი" არსებები არიან და რაც უფრო ნატიფ ლეველზე არიან უფრო მეტი პასუხისმგებლობა უნდა ქონდეს ნებისმიერ არსებას..

Posted by: Merlin Jun 27 2020, 01:37 PM

ისიც უნდა ითქვას, რომ არიმანულზე კიდევ უფრო ბნელი არსებებიც არიან, რომლებსაც შეუძლიათ "მე"- ცნობიერების დაზიანება.

Posted by: chemikerin Jun 27 2020, 01:38 PM

Posted by: Merlin Jun 27 2020, 01:41 PM

old_man

გამეხარდა, რომ იპოვე. თორმეტი წელიც უნდა ეწეროს წესით, და წინასწარმატყველება დადასტურებული იქნება.

Posted by: Merlin Jun 27 2020, 01:46 PM

არაეგოისტად გახდომა ლუციფერისგან განთავისუფლებას გულისხმობს, რაც ეტაპობრივად უნდა მოხდეს. ერთი ხელის მოსმით ეს არ შეუძლია ადამიანს. პიროვნული განვითარების ამბიციები სრულიად ბუნებრივია (მთავარია ადეკვატური იყოს, ერთის მხრივ არაჯანსაღ ენთუზიაზმში არ გადავიდეს, და მეორეს მხრივ შესაძლებლობები სწორედ იქნეს გააზრებული). მით უმეტეს ახალგაზრდობაში სწორედ ასეთი ამბიციების დროა. ეს შეჯიბრს არ გულისხმობს რა თქმა უნდა, შეჯიბრის ადგილი სულიერებაში არ არის. მაგრამ სანამ ადამიანი გარკვეულ სიმაღლეს არ მიაღწევს მისი მოტივატორი მეტწილად მაინც პირადი განვითარების სურვილია ხოლმე. ამის დროზე ადრე ამოგდება, ჩემი აზრით, განვითარებას უფრო შეაფერხებს ვიდრე პირიქით.

Posted by: Merlin Jun 27 2020, 01:51 PM

"ამ ლუციფერულ და არიმანულ არსებებს რას "დააჯლიგინებს" ღმერთი?"

აუცილებლობაა მათი არსებობა სამყაროს განვითარებისთვის. ეს ფაქტი არ მომწონს ნამდვილად, მაგრამ ღმერთმა უკეთ უნდა იცოდეს.

Posted by: chemikerin Jun 27 2020, 01:57 PM

ერთი სისუსტე მაქვს როცა მათზე ვფიქრობ.. ხანდახან შიშს ავყვები ხომლე, რაც ალბათ ძალიან არასწორია.. ეს ისევ მათ წისქვილზე ასხავს წყალს..

Posted by: Merlin Jun 27 2020, 02:03 PM

"აუ კარგით რაააა... საიდან გაჩნდნენ რა უნდათ.."

უშორეს წარსულში ჩამორჩენილი არსებები არიან, არიმანულ არსებებზე ერთი რანგით უფრო მაღლა დგანან. მათი ნეგატიური გავლენა მეოცე საუკუნიდან დაიწყო. ეს არსებები ზღვარსგადასულ სქესობრივ გარყვნილებაში ვლინდებიან, ამისკენ უბიძგებენ ადამიანებს და ამ გზით ახერხებენ მასზე ზეგავლენის მოხდენას. ასევე ატომურ ენერგიებთან არიან დაკავშირებულები, რაც მავარაუდებინებს, რომ ის სქესობრივი გადაგვარება, რომლისკენაც მიექანება კაცობრიობის დიდი ნაწილი, ატომურ კატასტროფებს გამოიწვევს უკუეფექტის სახით (თუმცა ეს მხოლოდ ჩემი ვარაუდია).

Posted by: Merlin Jun 27 2020, 02:16 PM

კი, შიში ჩამოსაცილებელია. აქ ის უნდა ვიცოდეთ, რომ ნებისმიერ ნეგატიურ ძალაზე გაცილებით მაღალი რანგის არსებები გვადგანან თავზე, და ყველა ეს ბოროტება მათი დაშვებით არსებობს. ამიტომაც ის ადამიანები ვისაც ცნობიერად სიკეთისკენ გვსურს სვლა, დარწმუნებულები უნდა ვიყოთ, რომ სიკეთის გამარჯვება ბოროტებაზე ცალსახა და ერთმნიშვნელოვანი იქნება, და რომ ბოროტებას მხოლოდ იმდენი ადგილი აქვს დათმობილი, რამდენიც ღმერთმა დაუშვა და არა უმეტესი, ამიტომ იმ ადამიანებისთვის ვინც სიკეთეს ირჩევს საშიში არაფერია.

როგორც იოანეს გამოცხადებაშია: 4 შეაშრობს ღმერთი მათ თვალზე ცრემლს, და აღარ იქნება სიკვდილი: აღარც გლოვა, აღარც ტირილი და ტანჯვა იქნება, რადგანაც გადაეგო ყოველივე უწინდელი.

Posted by: old_man Jun 27 2020, 02:16 PM

QUOTE(chemikerin101 @ 27th June 2020 - 01:38 PM)

Posted by: Merlin Jun 27 2020, 02:19 PM

"ისინი განსაკუთრებით ინტერესდებიან ისეთი ადამიანებით, ვინც გამოღვიძებას ცდილობს
და ხაფანგებს უგებენ.
ცხოვრებაში ისეთ სიტუაციებს აწყობენ და ისეთ აზრებს შთაგაგონებენ, რომ შეიძლება ადამიანი გადაჩეხონ"

ეს კონკრეტულად ამ არსებებზე წერია სადმე? მე არ შემხვედრია.

Posted by: old_man Jun 27 2020, 02:23 PM

QUOTE(Merlin @ 27th June 2020 - 02:19 PM)

Posted by: chemikerin Jun 27 2020, 02:28 PM

QUOTE(Merlin @ 27th June 2020 - 02:16 PM)

Posted by: chemikerin Jun 27 2020, 02:29 PM

QUOTE(old_man @ 27th June 2020 - 02:16 PM)

Posted by: chemikerin Jun 29 2020, 07:33 PM

Merlin
ესეთი კითხვა დამებადა.
თქვენ თქვით რომ შტაინერის გარდა სხვა მასწავლებელი მე-20 საუკუნის მერე არ შეგხვედრიათ. ანუ რეალურად მხოლოდ მისგან შეიძლება რამის სწავლა.. ასევე წინა გვერდზე ისიც დაიწერა რომ "მე" ცნობიერების წამოწევაა მნიშვნელოვანი, რადგან ცნობიერი სამშვინველის განვითარების ეპოქაა.. აქედან დასკვნა გამომაქვს რომ ყველა ის მასწავლებელი თუ გურუ ვისი პრაქტიკებიც მიმართულია "მე"-ს წამოწევისკენ ეხმარება კაცობრიობის განვითარებას.. ანუ რეალური ამოცანა მაინც "მე"-ს წამოწევაა და არ აქვს მნიშვნელობა ვინ გააკეთებს ამას..
შტაინერი იმით არის განსხვავებული რომ რეალურ ცოდნას იძლევა.. მაგრამ ცოდნაზე უფრო ღირებული არის "მე"-ს წამოწევა, რომელსაც სხვებიც აკეთებენ..

აგრეთვე მინდა სიყვარულის პრაქტიკაზე დაწეროთ თქვენი აზრი. ადრე თქვით ოლმეკის შეცდომა ის არის რომ "ადამიანებმა უნდა ისწავლონ მიიღონ სასურველი სიყვარულით", რაშიც აბსოლუტურად გეთანხმებით, იმიტომ რომ ეს არის ღმერთის გამოყენება მატერიალური მიზნებისთვის.. მაგრამ მოდი მოვაკლოთ "ამ სასურველის მიღება" და განვიხილოთ სიყვარულის პრაქტიკა სიყვარულისთვის მხოლოდ (და არანაირი მატერიალური სასურველისთვის). რას ფიქრობთ ამაზე?

Posted by: Merlin Jun 30 2020, 08:30 PM

" აქედან დასკვნა გამომაქვს რომ ყველა ის მასწავლებელი თუ გურუ ვისი პრაქტიკებიც მიმართულია "მე"-ს წამოწევისკენ ეხმარება კაცობრიობის განვითარებას.. ანუ რეალური ამოცანა მაინც "მე"-ს წამოწევაა და არ აქვს მნიშვნელობა ვინ გააკეთებს ამას..
შტაინერი იმით არის განსხვავებული რომ რეალურ ცოდნას იძლევა.. მაგრამ ცოდნაზე უფრო ღირებული არის "მე"-ს წამოწევა, რომელსაც სხვებიც აკეთებენ.."

შეიძლება არსებობს პრაქტიკები, სხვაგან რომელიც მე ცნობიერებას წინ წევს - ეს შეიძლება იყოს მანტრა, ლოცვა და ასე შემდეგ. მაგრამ ეს ყველაფერი სხვაგან რაც ისწავლება არ არის ცნობიერი სამშვინველის სიმაღლის შესაბამისი. ცნობიერი სამშვინველის სიმაღლის სწავლება ანთროპოსოფიის გარდა სხვაგან არსად არ შემხვედრია. ამის მარტო თეორიული ცოდნა კი არა, შეგრძნებაც შესაძლებელია. ასეთ სისავსე სხვაგან არ არის, ბეთჰოვენის მეცხრე სიმფონიაშიც კი.

Posted by: Merlin Jun 30 2020, 08:58 PM

სულიკო ავჟანდაძემ, რომელიც საქართველოში ანთროპოსოფიის ყველაზე უფრო ღრმად მცოდნე ადამიანია, ამა წლის ერთ-ერთ ბოლო ლექციაში ასეთი რამ თქვა: "იდუმალთმეტყველების ნარკვევი" მთავრდება იმ აზრით, რომ სიყვარული უნდა დაიბადოს სიბრძნიდან. ხოლო შემდეგ მოაყოლა: სიყვარულის სწავლება არა სიბრძნიდან, არამედ პირდაპირ ქადაგება არისო ლუციფერისგანო. (მან საერთოდაც არ იცის ოლმეკისა და მისი სიყვარულის პრაქტიკის არსებობის შესახებ, ამ შემთხვევაში პეტერ დუნოვი ყავდა მხედველობაში).

უყურეთ: შტაინერი ამბობს: სულიერი ჭეშმარიტებების შემეცნება ბადებს სიყვარულს. ლეონარდო წერდა: დიდი სიყვარული დიდი შემეცნების შედეგია!

შეადარეთ ეს ორი აზრი და მიხვდებით, რომ ერთსა და იმავეს ამბობენ. როგორ დაემთხვა? იმიტომ დაემთხვა, რომ ორივე დიადი ქრისტიანი ხელდასხმულია, და ასეთი სიმაღლის ხელდასხმულთა სიბრძნე ყოველთვის თანხვედრაშია ერთმანეთთან.

ეხლა შეადარეთ ეს იმას, რასაც ოლმეკი ასწავლის... ლეონარდოს არ უთქვამს დიდი სიყვარული კრიალოსნის პრაქტიკის დამსახურებააო. (ასე რომ ეთქვა ისე (:

მოკლედ აი ჩემი არგუმენტები:

1) ანთროპოსოფიული თვალსაზრისით ეს პრაქტიკა ლუციფერულია.
2) თეოსოფიური თვალსაზრისით ეს პრაქტიკა შავი მაგიაა.
3) ასე მარტივად რომ საკუთარი თავის შველა და დახმარება შეიძლებოდეს და ყველა პრობლემის მოგვარება, როგორც ამას ოლმეკი ასწავლის - ანუ სიყვარული გამოიწვიე ხელოვნურად და ყველაფერი კარგად იქნება - მაშინ ეს უამრავ რელიგიურ წიგნებში იქნებოდა დაწერილი. ამხელა ბიბლიას გაავსებდნენ იმ ცოდნით რაც ოლმეკის საიტზე წერია. და იგივე შეიძლება ითქვას სხვა რელიგიურ წიგნებზეც. სავსე იქნებოდა მსგავსი ტიპის ხელოვნურად სიყვარულის გამოწვევის მეთოდებით და ამდენ ჰაე ჰუის და მაღალფარდოვნებას თავიდან ავიცილებდით (რაღად გვინდა ბრძნული მჭერმეტყველება თუ ასე მარტივია ყველაფერი?).
4) რადგან ავღნიშნეთ, რომ სიყვარულზე ასეთი რამეები ჩვენთვის ცნობილ ძველ სულიერ ლიტერატურაში არ შეგვხვედრია. მოდი ისიც ვთქვათ თუ საიდან მოდის სიყვარულზე ასეთი ინფორმაცია?
თავდაპირველად ეს მოდის მეტწილად ორი ავტორისგან:
https://en.wikipedia.org/wiki/Guy_Ballard
https://en.wikipedia.org/wiki/Baird_T._Spalding

ეს ორი ავტორი ერთის მხრივ ერთმანეთს იცნობდნენ, და მეორეს მხრივ ორივენი ერთი და იგივე ნიუ ეიჯ ეკლესიისგან იღებენ თავიანთ საფუძვლებს: https://en.wikipedia.org/wiki/Unity_Church რომელიც თავის მხრივ ნიუ თოთ მუვმენტის განშტოებას წარმოადგენს.

სწორედ ამ ავტორებთან გვხვდება პირველად (მე რაც გამოვიკვლიე) სიყვარულთან დაკავშირებული მსგავსი ტიპის ინფორმაციები. ოლმეკმა ეს ორი ავტორი ერთის მხრივ იცის, მაგრამ რაც აქედან წაიკითხა სიზმრებიდანაც დაამატა ბევრი რამე თავისი ძვირფასი მასწავლებლებისგან, რომლებიც თავის მხრივ იგივე კატეგორიის არსებები უნდა იყვნენ, როგორიც ამ ზემოთაღნიშნული ავტორების ინსპირატორები არიან.

გაი ბალარდს გავეცანი თავის დროზე და შემიძლია დადასტურებულად გითხრა, რომ ცრუმასწავლებელია. შემიძლია წიგნიც გამოგიგზავნო იმასთან დაკავშირებით, თუ რეები აქვთ ნაკეთები და რეებს ასწავლიდნენ ეგა და მისი ცოლი და როგორ აუბედურებდნენ ხალხს.

სპალდინგს რაც შეეხება, ეგეც მატყუარა იყო, რომელიც ამ ზემოთაღნიშნული ეკლესიის იდეოლოგიას წერდა და ვითომ ეს ყველაფერი ძველ ინდოეთში სითჰებისგან ისწავლა (რაც კვლევებითაც არის დადასტურებული, რომ საერთოდაც არ ყოფილა ინდოეთში, როცა ამ წიგნებს წერდა).

ორივე ავტორის შეხედულებები სრულიად ლუციფერული ბუნებისაა და მრავალმხრივ წინააღდეგობაშია ქრისტიანობასთან. გაი ბალარდი, თაღლითთან და მატყუარასთან ერთად პლაგიატიც იყო, და თუ კი რაიმე კარგი შეიძლება ადამიანმა მის წიგნებში იპოვოს, სხვების წიგნებიდან არის გადაწერილი (ეს ფაქტი ერთმანეთისგან სრულიად განსხვავებული წყაროებიდან მაქვს გაგებული და ნანახიც მაქვს ამ პლაგიატობის მაგალითები).

ანუ ამ სიყვარულის პრაქტიკას მივყავართ ცრუ მასწავლებლებთან. და იმათ რომ თავი დავანებოთ, თუ ადამიანი, მაგალითად ოლმეკი თეორიაში ასწავლის სიცრუეს, პრაქტიკაში რომ სწორი ასწავლის ამისი რა შანსი შეიძლება იყოს?

Posted by: Merlin Jun 30 2020, 09:15 PM

ისე სხვა მასწავლებლებს რაც შეეხება, მეც დავეძებდი ბევრს და ვქექავდი და ვეძებდი, რომ კიდევ მეპოვა ვინმე. მაგრამ რეალობა ისაა, რომ მარტო შტაინერის წიგნები არის სამას ორმაცდაათზე მეტი ტომი. ერთი ცხოვრება შეიძლება არ ეყოს ადამიანს ამ ყველაფრის ასათვისებლად. ამას რომ დაუმატო მისი უშუალო მოსწავლეებისა და სხვა ღრმად გარკვეული ადამიანების კვლევები, ხომ საერთოდ. თუ ესეც ცოტაა, არსებობს მეოცე საუკუნემდელი უამრავი ავტორი და წიგნი, რომლებიც ეზოთერული ცოდნის ფუნდამენტურ წყაროებადაა მიჩნეული. თუ ესეც ცოტაა, ამას დაუმატეთ ფილოსოფიის უმნიშვნელოვანესი ნაწარმოებები, კიდევ მხატვრული ლიტერატურის შედევრები, რელიგიური და მითოლოგიური ტექსტებიც ვთქვათ და ეს ყველაფერი მეტნაკლებად შეგვიქმნის წარმოდგენას თუ რამდენი რამ გვიდევს უკვე წინ... კიდევ თუ არის დრო ამ ყველაფრის ფონზე საეჭვრო ღირებულების ნიუ ეიჯ ეზოთერიკისთვის ეს თავად განსაჯეთ.

Posted by: chemikerin Jun 30 2020, 10:09 PM

რაღაც მაინც ისეთი შთაბეჭდილება მრჩება რომ "ერთი კაცია მართალი" და სხვა არავინ.. რაც ცოტა რთული მისაღებია... მაშინ გამოდის რომ შტაინერის წიგნები არის ბიბლიის დონე, რომელიც უნდა იყოს ყველა სახლში მაგრამ ეს ასე არ არის...

Posted by: Merlin Jun 30 2020, 10:16 PM

ან იქნებ არის? რა სიმაღლეზე და მასშტაბებზეა ლაპარაკი ძნელია ადამიანმა ადვილად წარმოიდგინოს სანამ სრულად არ გააცნობიერებს რასთან აქვს საქმე.

რთულად მისაღები ნამდვილად არის. ამიტომაც გითხარით კიდევაც, ეს ჩემთვისაც სრულიად მიუღებელი იყო მეთქი. რა თქმა უნდა, მე არ უნდა დამიჯეროთ, თავად თქვენ უნდა გააკეთოთ ამ საკითხთან დაკავშირებით დასკვნა კვლევიდან გამომდინარე.

Posted by: chemikerin Jul 2 2020, 08:31 AM

QUOTE(Merlin @ 30th June 2020 - 10:16 PM)

Posted by: chemikerin Jul 2 2020, 08:42 AM

ასევე არსებების გავლენაზე ძალიან ზუსტად ლაპარაკობს........

Posted by: Merlin Jul 2 2020, 10:27 AM

ერთ რამესაც მიაქციეთ ყურადღება. ცრუ-სწავლებებში ბოროტებაზე ან ძალიან იშვიათად არის ლაპარაკი, ან კიდევ ბუნდოვანი წარმოდგენებია მათზე შექმნილი. ანუ ცხადლივად ვერ წარმოიდგენ ამ სწავლებებიდან რა არის ბოროტება, რატომ არის, რომელი სულები ემსახურებიან მას, როგორ მოქმედებენ ისინი, რა მიზნები აქვთ, მათი საწყისები სადაა, რატომ არიან ბოროტები და როგორ მოაქვთ ჩვენამდე ეს ბოროტება, როდის გამოსწორდებიან, როგორ დავძლიოთ მათგან მოსული წინააღდეგობა და ასე შემდეგ... ეს კითხვები თითქმის არასდროს არაა ხოლმე პასუხგაცემული. არის მხოლოდ ბუნდოვანი წარმოდგენები, რომ შავი საძმო გვებრძვის ან რაღაც ამის მსგავსი. მაგრამ რეალურად და კონკრეტულად ვინ არიან და რას აკეთებენ და როგორ აკეთებენ, სად მჟღავნდებიან და ასე შემდეგ ეს სრულიად ბუნდოვანია ხოლმე.

ანთროპოსოფიაში ყველა ზემოთ აღნიშნულ კითხვას აქვს პასუხი გაცემული ერთის მხრივ, მეორეს მხრივ კი დედამიწაზე შავი ადეპტები როგორ მოქმედებენ ისიც არის გარკვეულად დაწერილი, სად მჟავნდებიან, რა და როგორ გამოაქვთ სოციალურ ცხოვრებაში და რა მიზნით... მოკლედ სულიერ სამყაროებში არსებულ ბოროტებაზეც არის ლაპარაკი და იმათზეც ვინც ამ ბოროტებას ემსახურება დედამიწაზე. ხოდა ბედის ირონია ისაა, რომ რაც ანთროპოსოფიაში წერია ბოროტი ძალები ამას და ამას აკეთებენ და მომავალშიც ამას და ამას გააკეთებენო სწორედ ამ ცრუ-სწავლებებშია განხორციელებული (ამ ეტაპზე სწავლების სახით მხოლოდ, ხოლო მომავალში ცხოვრებაშიც გადავა საუბედუროდ).

Posted by: tikoroma Jul 2 2020, 12:01 PM

Merlin

ციტატა(Merlin @ 30th June 2020 - 08:58 PM)

Posted by: Merlin Jul 2 2020, 12:40 PM

ნუ, სულიკოს უყვარს გაზვიადებებით ლაპარაკი, უნდა იცნობდეს მას ადამიანი, რომ სიტყვა სიტყვით არ ჩამოართვას კაცმა რასაც ამბობს. მანდ ძალიან ძალიან კარგად ცოდნას გულისხმობდა და არა მართლა ზეპირად. მე ნამდვილად ვერ ვიტყვი, რომ სახარების ტექსტი და ზოგადად ბიბლიის ტექსტი კარგად ვიცი. მაგრამ რაც დრო გავა უფრო და უფრო უკეთ მეცოდინება. სახარებასთან დაახლოვება ერთჯერადი პროცესი არ არის, რომ დაჯდე დაიზუთხო და ამიერიდან იცი. არამედ მთელი ცხოვრება უნდა იკითხოს ადამიანმა. ანთროპოსოფისტების გარკვეული ნაწილი ყოველ წელს კითხულობენ სახარებას აღდგომის წინა თვეს. მაგალითად სულიკო ყოველ წელს რამოდენიმეჯერ კითხულობს აღდგომის დღეებში. ოთხი კვირის შესაბამისად.

Posted by: chemikerin Jul 2 2020, 12:54 PM

ყველაზე რთული გადასალახი ადამიანში მგონია, წინა ცხოვრებიდან გამოყოლილი შეცდომების მარცვლები, რომლებიც დაბადებიდანვეა ჩანერგილი ადამიანში, და გამოუვლენელი სახით ფარულად არიან..

Posted by: chemikerin Jul 2 2020, 12:58 PM

მაგრამ ალბათ ყველა ადამიანშია ეს შეცდომის მარცვლები... ყველაფერი რო გადალახოს ადამიანმა ახალი დაბადებაც აღარ იქნებოდა საჭირო... შტაინერი რასაც ამბობს და ძალიან საინტერესოა, კარმის აღმოფხვრა/გაქრობა როგორც ეს ბევრს უნდა, შეუძლებელია და არც არის საჭირო... უნდა ვისწავლოთ ჩვენი კარმული კონსტრუქციით არსებობა, მასთან განზე გადგომა..... და კიდევ ძალიან საინტერესო იყო "ორეულზე" რო ილაპარაკა.... ალბათ ეს "ორეული" სულ იქნება ჩრდილში მიმალული...

Posted by: chemikerin Jul 2 2020, 01:02 PM

რასაც ამბობს ზოგი მასწავლებელი რომ ეგოს გაქრობა და ა.შ. არის სისულელე....
ეგოს გაქრობაზე რო ჩალიჩობს ადამიანი, ისევ პიროვნული/დაბალი "მე"-ს ჭრა-კერვაა ეს...

Posted by: tikoroma Jul 2 2020, 01:24 PM

Merlin
ხო ძალიან მაქსიმუმებს საუბრობს

Posted by: Merlin Jul 2 2020, 01:54 PM

""ეს "ორეული" სულ იქნება ჩრდილში მიმალული...""

არა სულ არა, რაღაც სიმაღლეზე გადაილახება. ყველა პრობლემა გადაილახება გარკვეულ სულიერ სიმაღლეზე.

""რასაც ამბობს ზოგი მასწავლებელი რომ ეგოს გაქრობა და ა.შ. არის სისულელე....""

ეგოიზმი თუ იგულისხმე ამ ეგოში შეიძლება თეორიულად მაგრამ, როგორც წესი ეგო და ეგოიზმი გამიჯნული არ არის ხოლმე ერთმანეთისგან და ეგოს გაქრობაზე ლაპარაკობენ, რაც არის სრული კატასტროფა. ყველაზე ძვირფასის დაკარგვას გისახავენ მიზნად ფაქტიურად.

Posted by: chemikerin Jul 2 2020, 01:59 PM

QUOTE(Merlin @ 2nd July 2020 - 01:54 PM)

Posted by: Merlin Jul 2 2020, 01:59 PM

""ხო ძალიან მაქსიმუმებს საუბრობს""

კი და ზოგადადაც დრო ჭირდება სულიკოს ლექციების გაგებას. ძალიან მდიდარი შინაარსის ლექციები აქვს, როგორც აზრობრივი ასევე გრძნობისმიერ თვალსაზრისით, სავსეს გიშვებს ლექციიდან ყოველთვის. და რაც მთავარია თითქმის შეუძლებელია, რომ ნეგატიურ ნოტაზე დაამთავრო მასთან არამარტო ლექციის მოსმენა, არამედ რაიმე საუბარი ზოგადად. ყოველთვის იმედითა და რწმენით აღსავსეს მიშვებს ხოლმე.

Posted by: Merlin Jul 2 2020, 02:00 PM

"თუ მთლიანად შეიძლება გადალახვა?"

მთლიანად შეიძლება.

Posted by: chemikerin Jul 2 2020, 10:23 PM

დამწყებისთვის შტაინერის რომელი პრაქტიკები/მედიტაციებია კარგი?

ეხლა რასაც ვკითხულობ აღწერილია ძირითადად თვითდაკვირვება, ფხიზლად ყოფნა გავლენების მიმართ..

და ბარემ დამწყებისთვის ლიტერატურაც რო დაწეროთ.. რაც მომხვდა პირველი ის დავიწყე და არის მოსწავლეების ჩანაწერები შტაინერის ნალაპარაკებიდან... ამას რომ დავამთავრებ მერე მინდა კარგი ქრონოლოგიით მივყვე...

Posted by: Merlin Jul 3 2020, 08:24 AM

https://www.rudolfsteinerweb.com/Rudolf_Steiner_Complete_Works_Listing.php

http://bdn-steiner.ru/modules.php?name=Ga_Rus


Volume 9
Volume 13
Volume 10
Volume 12

Posted by: Merlin Jul 3 2020, 08:28 AM

პირველი 28 ტომი არის შტაინერის მიერ დაწერილი წიგნები. აქაა თავმოყრილი ანთროპოსოფიის ფუნდამენტები. თუმცა ზემოთ რა ოთხი ტომიც დაგიწერეთ მაგას თუ წაიკითხავთ მერე წესით და რიგით ყველაფრის წაკითხვა შეიძლება. ანუ ძირითადი ტერმინები საკითხები ეზოთერული ნაწილისა მაგ ოთხ ტომში არის თავმოყრილი.

Posted by: Merlin Jul 3 2020, 08:29 AM

რომელი უცხო ენები იცით ისე?

Posted by: chemikerin Jul 3 2020, 09:08 AM

QUOTE(Merlin @ 3rd July 2020 - 08:24 AM)

QUOTE(Merlin @ 3rd July 2020 - 08:29 AM)

Posted by: chemikerin Jul 3 2020, 09:30 AM

https://anthrowiki.at/index.php?title=GA_9&redirect=no

ეს კარგი საიტია ვინც გერმანული იცის.. აი მაგალითად მე-9 ტომია ეს და წიგნის pdf ვერსია დევს

Posted by: Merlin Jul 3 2020, 11:24 AM

http://bdn-steiner.ru/modules.php?name=Ga

გერმანულად აქ არის ყველაფერი რაც დაბეჭდილია.

Posted by: Merlin Jul 3 2020, 11:28 AM

https://www.youtube.com/user/THEKARMAPOLICEBUREAU/playlists?view=50&sort=dd&shelf_id=12


აი ეს ვიდეოლექციები ძალიან კარგია. განსაკუთრებით ეგვიპტური მითები და მისტერიები. ვინც ინგლისური იცის ყველას ვურჩევ. სხვა უამრავ მნიშვნელოვან საკითხთან ერთად ქრისტეს დედამიწაზე განსხეულების მნიშვნელობა არის ახსნილი ისეთ დონეზე, რომ არამგონია ამ ლექციების გაგების შემდეგ ვინმეს კიდევ შეეპაროს ეჭვის იმაში, რომ ქრისტე უბრალოდ გასხივოსნებული მასწავლებელი არ არის.

Posted by: chemikerin Jul 3 2020, 04:06 PM

QUOTE(Merlin @ 3rd July 2020 - 11:24 AM)

Posted by: Merlin Jul 4 2020, 09:54 AM

1916 წლის 4 აპრილს ბერლინში წაკითხული ლექციისას „ ნიშანი, ჟესტი და სიტყვა“ რუდოლფ შტაინერმა დღევანდელობა შემდეგნაირად იწინაწარმეტყველა:

„დღეს ჯერ კიდევ იდელისტურ, სპირიტუალურ ხანაში ვცხოვრობთ იმასთან შედარებით, რაც წინ მოგველის. უკვე 2000 წლისათვის კაცობრიობა უცნაური მოვლენების მომსწრე გახდება, ისეთი მოვლენების, რომლებიც დღეს უკვე მზადდება. { ...}

კაცობრიობის უდიდეს ნაწილზე ზეგავლენა ამერიკიდან, დასავლეთიდან მოხდება, ამერიკიდან, რომელიც განსხვავებულ განვითარების გზას ადგას. ეს განვითარება ისეთია, რომ მისი იდეალისტური კვალი დღეს ჯერ კიდევ სიმპათიურ დასაწყისად ჩანს. მომავალში კი ეს შეიცვლება ისე, რომ ჩვენი აწმყო მართლაც კეთილ ხანად გამოჩნდება იმ მომავალთან შედარებით, რომლის დროსაც ეს განვითარება ყვავილებს გამოიღებს. ამას დიდი დრო არ დასჭირდება: უკვე 2000 წლისათვის ამერიკიდან წამოვა გარკვეული სახის აკრძალვა, აზროვნების აკრძალვა, არა პირდაპირი, მაგრამ მაინც დაკანონებული სახით, და მისი მიზანი იქნება ინდივიდუალური აზროვნების დათრგუნვა.

ერთის მხრივ, ამას ფუძე ეყრება მატერიალისტური მედიცინის მეშვეობით, რომელიც გარეგან ექსპერიმენტებზე დაყრდნობით მუშაობს და ადამიანს განიხილავს როგორც მანქანას. {...} დღეს ჩვენ ვამბობთ: -ან ასე, ან ისე, -მაგრამ საქმე ამაში არაა, ადამიანებმა უნდა შეიმეცნონ, რომ ყველაფერ მატერიალისტურში სულიერიც ცოცხლობს და რომ მხოლოდ სულის შემეცნებით შეიძლება მატერიალურის განკურნება. მაგრამ სწორედ ამის აღმოსაფხვრელადაა მიმართული ეს განვითარება.

ამ განვითარების მეორე საფუძველი კი შემდეგშია: დღეს ჩვენ გვაქვს მანქანები, რომლებსაც შეუძლიათ გამრავლება და გაყოფა, და ხომ მართალია, რომ ეს მოხერხებული რამაა, დაკრავ და მორჩა: ანგარიში აღარ გჭირდება. და ეს ასე იქნება ყველაფერში. ორიოდ საუკუნეც არ გავა და ყველაფერი მზად იქნება ამისთვის. საჭირო აღარ იქნება აზროვნება და დიდხანს ფიქრი, უბრალოდ დაკრავ და მორჩა. მაგალითად, დღეს თუ ვკითხულობთ „ 330 თოფი ბამბის ქსოვილი Liverpool“ -ი, ამაზე რაღაც აზრები გვიჩნდება, ხომ? მომავალში კი უბრალოდ დაჰკრავ ხელს და მორჩა. და იმისათვის რომ მომავლის სოციალური სისტემის მყარი წყობა არ დაირღვეს, შეიქმნება კანონები, სადაც პირდაპირ კი არ ეწერება: „აზროვნება აკრძალულია“, არამედ მათ ირიბად ექნებათ ისეთი გავლენა, რომ ყველანაირი ინდივიდუალური აზროვნება გათიშონ. ეს არის მეორე პოლუსი, რომლის საწინაღმდეგოდ უნდა ვიმუშაოთ. დღევანდელი ჩვენი ყოფა სულაც არაა უსიამოვნო. რადგან თუ გარკვეულ საზღვრებს არ გადავცდებით, აზროვნების უფლება ჯერ კიდევ გვაქვს, ხომ მართლია? მაგრამ რაც ახლა აღვწერე, ეს დასავლეთის განვითარებაში არსებული მოცემულობაა, განვითარების სწორედ ამ გზით წავა დასავლეთი. აუცილებელია, რომ მთელს ამ განვითარებას სულისმეცნიერული განვითარებაც თანსდევდეს. მან ეს ყველაფერი ნათლად და ობიექტურად უნდა განჭვრიტოს. მისთვის ცხადი უნდა იყოს, რაც დღეს პარადოქსად გვეჩვენება: დაახლოებით 2000 წლისთვის დიდი მასშტაბით დაიწყება აზროვნების დათრგუნვა, რომელსაც ყოვლისმომცველი ხასიათი ექნება. ამ პერსპექტივის გათვალისწინებით უნდა იმუშაოს სულისმეცნიერებამ. ძალიან ბევრი რამაა სულისმეცნიერების საშუალებით მოსაძებნი, - და ის მოიძებნება კიდეც,- რათა ამ ტენდენციის გაწონასწორება მოხდეს მსოფლიოს განვითარებისას." GA 167

Posted by: chemikerin Jul 4 2020, 10:20 AM

იცი რას ვერ ვხვდები? ადამიანი ზოგადად ჩამოშორებულია სულიერ ხედვას. და წარმოიდგინე ეგ ყველაფერი თუ სიმართლეა, ევოლუციას რამდენი სული გაყვება მოცემული დროის ფარგლებში? ანუ გამოდის რომ კატასტროფულად რთულ სურათთან გვაქვს საქმე... ზოგი მაგ აზროვნების შეზღუდვას არც შეეწინააღმდეგება.. ზოგი კი არა მგონი უმრავლესობა... და ვინც შეეწინააღმდეგება, ლუციფერია ჩასაფრებული.... ლუციფერის გავლენებზე რო ვკითხულობ შტაინერიდან, დავინახე რომ ბევრ სწავლებებში ისეთი იდეებია მოცემული რომ ძალიან შეუმჩნევლად შეიძლება შემოგეპაროს.. ბაქი-ბუქით კი არა... და ამას მიხვდე გარკვეული დროის მერე...... ეგოს გაქრობაზე რაც დავწერეთ ეს მთლიანად ლუციფერული მოწოდებააა.......

Posted by: chemikerin Jul 4 2020, 10:34 AM

ანუ გამოდის რომ აბსოლუტური უმრავლესობისთვის ევოლუციისთვის მოცემულ ვადებში განვითერება თითქმის შეუძლებელია....

Posted by: Merlin Jul 4 2020, 10:48 AM

""გამოდის რომ კატასტროფულად რთულ სურათთან გვაქვს საქმე...""

კი სამწუხაროდ ასეა. დედამიწის ევოლუციას თანადროულად ყველა ვერ გაყვება. ბოროტება ძალიან ძლიერდება და უმძიმესი ბრძოლები გველის წინ.

"'" ეგოს გაქრობაზე რაც დავწერეთ ეს მთლიანად ლუციფერული მოწოდებააა......."""

სადაც წარსულის შებრუნებისკენ არის მოწოდება და ეგოსა და ეგოიზმს შორის გარჩევა არ არის და ამ გზით ეგოიზმს ეგოსაც აყოლებენ იქ ლუციფერი მოქმედებს მეტწილად. ასევე ზოგადადაც ლუციფერი რადგან სხეულებრივი ცხოვრებიდან არასწორად წყვიტავს ადამიანს ამდენად "მე"-ბასაც ასუსტებს, რადგან "მე"-ს ფიზიკური დასაყრდენი ჭირდება.

აი მაგალითისათვის ისევ და ისევ ოლმეკის საკითხი, რომ მოვიშველიოთ (სადღაც იმედიც მაქვს, რომ შეიძლება ის და მისი რომელიმე მოსწავლე კითხულობდეს ამ ნაწერებს და იქნებ სანამ ძალიან გვიანი არ არის გონს მოეგონ): ავიღოთ მაგიური პასები. ამ ვარჯიშების გზით ადამიანში შედის სითბოს ელემენტი, რომელიც უცხო მაგიური წარმოშობისაა... ალკოჰოლის მაგალითზე შტაინერი წერს, რომ ზოგადად სითბურ პროცესებს "მე" განაგებს ადამიანში, მაგრამ როდესაც ადამიანში შედის რაიმე ისეთი რაც ასევე სითბურ პროცესებში ერევა, მაშინ ეს "მე"-ს მოქმედებას ხელს უშლის. ამიტომაცაა, რომ ვინც ალკოჰოლი "მე" ცნობიერებას აცილებს ადამიანს. აქ შტაინერი დასძენს, რომ "მე"-ს სწორად ფუნქციონირებისათვის ადამიანმა უარი უნდა თქვას ყოველგვარ სტიმულანტებზე (ალკოჰოლი, ნიკოტინი, კოფეინი, მარიხუანა და ზოგადად ნებისმიერი ნარკოტიკული ზემოქმედების პროდუქტი).

მაგრამ აქ მთავარი ისაა, რომ ჩემი არაერთგზის დაკვირვების შედეგად მაგიურ პასებსაც ამ კუთხით იგივე მოქმედება აქვს: უცხო გზით შემოდის ადამიანში სითბო და ეს "მე" ცნობიერებას ბლოკავს (მიუხედავად იმისა თავად პრაქტიკოსი ამას აფიქსირებს თუ ვერა). ანუ ამ ვარჯიშებს, გარდა სხვა უამრავი ნეგატივისა, ყველაზე მნიშვნელოვანი - "მე" ცნობიერება გაყავს ადამიანისგან, რადგან სითბურ პროცესებში ენაცვლება მას (ალბათ სხვა მიზეზების გამოც).

ასევე ისიც უნდა ითქვას, რომ ანტიქრისტეს ძალები სწორედ "მე"-ს მტრობენ პირველ რიგში. ამიტომაც მომავალში ყველაზე დიდი ბრძოლის ადგილი სწორედ "მე" ცნობიერება იქნება. ადამიანებმა უნდა შეძლონ, რომ თავიანთი "მე" ქრისტეს ძალებით განმსჭვალონ. მხოლოდ ამას შეუძლია ანტიქრისტეს შემოტევებს გაუძლოს.

Posted by: Merlin Jul 4 2020, 10:52 AM

""ანუ გამოდის რომ აბსოლუტური უმრავლესობისთვის ევოლუციისთვის მოცემულ ვადებში განვითერება თითქმის შეუძლებელია...."""

ყველაზე გარდამტეხი პერიოდი მეხუთე და მეექვსე პოსტატლანტიკური კულტურები იქნება. ანუ სადღაც მომავალი 3500 წელი. ამ დროის მანძილზე ადამიანებმა უნდა გაიკვალონ გზა ეთერულ სამყაროში მყოფ ქრისტესთან აზოვნების განსულიერების შედეგად. შტაინერი წერს, რომ მეშვიდე პოსტ-ატლანტიკური კულტურიდან უვე უკიდურესად რთული იქნება წინა ეპოქებში გამოტოვებულის ანაზღაურება და ევოლუციის დაწევა.

Posted by: chemikerin Jul 4 2020, 10:57 AM

QUOTE(Merlin @ 4th July 2020 - 10:48 AM)

Posted by: Merlin Jul 4 2020, 11:01 AM

კი ეგრეა. ამიტომაც არის ქრისტეს და მიქაელის მისია, რომ წონასწორობა და ბალანსი მოუტანოს კაცობრიობას ლუციფერსა და არიმანს შორის. ქრისტიანობისთვის ფიზიკური სხეული უმნიშვნელოვანესია. სწორედ ფიზიკური სხეულის გარდაქმნის შედეგად იქმნება ეგრედ წოდებული უკვდავი ფიზიკური სხეული, ანუ აღდგომილი ფიზიკური სხეული (რომლითაც გამოეცხადა ქრისტე მოსწავლეებს აღდგომის შემდეგ, ამიტომაც ვერ იცნეს). ფიზიკური სხეულის მეტამორფოზისგან უნდა შეიქმნას ეს ხელთუქმნელი სხეული, რომელიც იქნება ადამიანის უმაღლესი წევრი - ანუ ატმა.

Posted by: chemikerin Jul 4 2020, 11:51 AM

ჩემი აზრით, ზომიერად არის საჭირო უარყოფით გავლენებზე ფიქრი... ამისგან ადამიანმა არ უნდა გამოიყვანოს ძალიან მნიშვნელოვანი თემა...

Posted by: Merlin Jul 4 2020, 01:06 PM

ნუ მნიშვნელოვანი თემა არის, მაგრამ მართალი ხართ, ზომიერად არის საჭირო ამაზე ფიქრი. მე ნამეტანი აქცენტს ვაკეთებ ამაზე. ზედმეტად. და ეს შესაცვლელია. სიკეთეზე კონცენტრაციას არ უნდა გადაუსწროს ნეგატივზე ფიქრმა.

Posted by: chemikerin Jul 4 2020, 02:53 PM

ხო თორე მერე გაზვიადებაში გადადის ადამიანი რაც არ არის სწორი ცხოვრებისეულ სიტუაციებზე გაზვიადებულად რომ ვღელავდი არასდროს არ ყოფილა რეალურად ამისი საფუძველი

Posted by: Merlin Jul 5 2020, 03:56 PM

" სულიერ სამყაროში არ არის, მაგალითად, სიკვდილის შეცნობის არანაირი შესაძლებლობა, და ღმერთი უნდა გარდამოსულიყო ფიზიკურ სამყაროში, რათა შესძლებოდა სიკვდილი. და სწორედ ის, თუ რას წარმოადგენს გოლგოთას მისტერია, ამის შეცნობა ფიზიკურ ის გარდა ნებისმიერ სხვა სამყაროში შეუძლებელია."

რ. შტაინერი - " ქრისტეს გამოცხადება ეთერულ სამყაროში"GA 118 - I ლექცია

Posted by: Merlin Jul 5 2020, 03:57 PM

"ჩვენ ჩამოსულები ვართ ფიზიკურ სამყაროში იმისათვის, რათა მოვიპოვოთ ის, რისი მოპოვებაც მხოლოდ აქ არის შესაძლებელი. და ქრისტე გარდამოვიდა ადამიანებთან, რადგანაც მხოლოდ აქ, ფიზიკურ სამყაროში შეეძლო ადამიანებისთვის ეჩვენებინა, შეეძლო მათთვის მიეცა შესაძლებლობა გოლგოთას მისტერიაში განეცადათ რაღაც ისეთი, რაც ნაყოფს საშუალებას მისცემს მომწიფდეს სულიერ სამყაროში და გზა გააგრძელოს, მაგრამ თესლი აქ, ფიზიკურ სამყაროში უნდა იქნეს ჩადებული და დათესილი."

რ. შტაინერი - " ქრისტეს გამოცხადება ეთერულ სამყაროში"GA 118 - I ლექცია

Posted by: Merlin Jul 5 2020, 03:57 PM

"ყველა სამშვინველს, როგორ ღრმადაც არ უნდა დაეშვას იგი სულიერი სიმაღლეების ყოფიერებიდან მატერიაში, მაინც შესწევს უნარი კვლავ დაუბრუნდეს სულიერ ყოფიერებას."

რ. შტაინერი - "ანთროპოსოფიული მორალი" GA155 - II ლექცია

Posted by: Merlin Jul 5 2020, 07:00 PM

მუსიკის თემაში რამოდენიმე რამ დავწერე და დავდე ხელოვნების ამ სფეროზე ანთროპოსოფიული თვალსაზრისიდან გამომდინარე. შეიძლება დაგაინტერესოთ.

Posted by: old_man Aug 22 2020, 02:39 PM

ჯგუფური და ინდივიდუალური სამშვინველის შესახებ

"... რატომ ცხოვრობს ცხოველების ერთი ჯიში თავის გარკვეულ საზღვრებს მიჯაჭვული? სწორედ იმის გამო, მათი ჯგუფური სამშვინველი მათივე გვარის სამშვინველში არის განსაზღვრული. ცხოველებისთვის ეს თანდაყოლილია, მათ არ შეუძლიათ მათი გადალახვა, ისინი ამ ფარგლებში დარჩებიან. ადამიანმა კი ეს უნდა გადალახოს. ყოველმა ცალკეულმა ადამიანმა საკუთარი თავი ინდივიდუალურად უნდა ჩამოაყალიბოს, განსაკუთრებით დღევანდელი ცნობიერი სამშვინველის პერიოდში, ერთ-ერთი უმთვარესი საქმეა - ინდივიდუალური თვითაღზრდა. ბერძნულ და რომაულ კულტურას ჯერ კიდევ დაჰკრავს კოლექტიური სამშვინველის ელფერი. აქ ვხედავთ ადამიანებს, რომლებიც ჯერ კიდევ სოციალურ წესრიგში იმყოფებიან, რომელსაც მორალური ძალების მეშვეობით გააჩნდა თავისი სტრუქტურა, თავისი ფორმაცია და დიახაც მტკიცე ფორმაცია. ეს ფორმაციები ატლანტიდისშემდგომ მეხუთე პერიოდში სულ უფრო დაიშლება. ჯგუფური სამშვინველის ელფერს, რომელიც ატლანტიდისშემდგომ მეოთხე პერიოდში ჯერ კიდევ არსებობდა, აღარავითარი აზრი აღარ აქვს ატლანტიდისშემდგომ მეხუთე პერიოდში"...

Posted by: chemikerin Aug 22 2020, 03:56 PM

საინტერესოა. ეს რომელი ტომიდან არის? ქართულად არის? კარგი თარგმანია..

Posted by: old_man Aug 22 2020, 06:35 PM

chemikerin
"როგორ გადავლახოთ დღევანდელი მშვინვიერი გასაჭირი"
კი არის ქართული თარგმანი აქ: https://www.facebook.com/Antroposopia/

Posted by: chemikerin Aug 23 2020, 11:45 AM

Posted by: old_man Dec 4 2020, 11:56 PM

საინტერესო ლექციების ციკლია ამ ჩენელზე რუსულად:

https://www.youtube.com/watch?v=-oAEuAUCCe0&t=209s

Posted by: chemikerin Dec 5 2020, 07:03 PM

QUOTE(old_man @ 4th December 2020 - 11:56 PM)

Posted by: old_man Dec 5 2020, 08:05 PM

chemikerin
კი, ძალიან კარგად ხსნის.
ყველას ვურჩევ,

ეს ლექციების კურსი გაგარკვევთ ბევრ რამეში
მოუსმინეთ პირველ რიგში ლექციებს ლუციფერსა და არიმანზე. რამდენიმე ნაწილადაა

Posted by: old_man Feb 9 2021, 10:59 AM

..."კაცობრიობამ უნდა განავითაროს ისეთი ცნობიერება, რომ ის თავისი არსით დედამიწას არ ეკუთვნის და ეს ცნობიერება სულ უფრო და უფრო უნდა გაძლიერდეს. მომავალში ადამიანები უნდა დადიოდნენ ამ დედამიწაზე და საკუთარ თავს ეუბნებოდნენ: "კი, დაბადების მომენტიდან მე შემოვედი ამ ფიზიკურ სხეულში, მაგრამ ეს არის მხოლოდ გარდამავალი ეტაპი. სინამდვილეში მე ვრჩები სულიერ სამყაროში. მე გაცნობიერებული მაქვს, რომ ჩემი ნამდვილი არსის მხოლოდ ნაწილია გაერთიანებული დედამიწასთან და რომ მე არ ვტოვებ იმ სამყაროს, სადაც ვიმყოფები სიკვდილის შემდგომ და ხელახალ დაბადებამდე პერიოდში მთელი ჩემი არსებით".
ჩვენში უნდა განვითარდეს სულიერ სამყაროსთან მიკუთვნებულობის გრძნობა".

ლექცია GA 177

Posted by: old_man Feb 13 2021, 12:59 PM

ნაწყვეტი ლექციიდან არიმანის შესახებ...

"ჩვენს გარშემო არსებობს ე.წ. მატერიალური სამყარო და ე.წ. სულიერი სამყარო. გამოღვიძებული ცნობიერება ამ ორივე სამყაროს აღიქვამს როგორც მაიას ანუ ილუზიას. გრძნობითი სამყარო გვევლინება როგორც მაია, რადგან ადამიანები ვერ აცნობიერებენ, რომ როდესაც გარეგანი ობიექტები და არსებები ასტიმულირებენ გრძნობად სიამოვნებას, ამ დროს იქ არიმანია ჩასაფრებული და სწორედ არიმანია ის, ვინც გამოიწვევს სურვილებს ჩვენს სამშვინველში.
ის ფაქტი, რომ მატერია ყველგან გაჯერებულია სულით - რასაც მატერიალისტები უარყოფენ - წარმოქმნის შიშს. და როდესაც მატერიალისტები აღიქვამენ იმას, რომ შიში იბადება შიგნიდან, ასტრალური სამეფოდან, ისინი აჩლუნგებენ საკუთარ თავს, თხზავენ რა მატერიალისტურ თეორიებს. და პოეტის სიტყვები მართლაც რომ ჭეშმარიტად ჟღერს: „გულუბრყვილო ვერასოდეს ამჩნევს ეშმაკს, რომელიც არის არიმანი, მაშინაც კი, როცა ის მათზე კონტროლს ამყარებს“.
რა არის მიზანი მონისტური (მატერიალისტური) შეკრებების? - წარმოსახვაში ეშმაკის მოხმობის. ეს სიმართლეა გაზვიადების გარეშე, მაგრამ ხალხმა არ იცის. დღესდღეობით, როდესაც მატერიალისტი მონისტების შეკრებები იმართება, სადაც კარგად შეფუთულ თეორიებს წარმოადგენენ, რომელთა მიხედვითაც მხოლოდ მატერია არსებობს, სწორედ იქ, მათ არიმანი იმონებს. დღეს ეშმაკის შემეცნების საუკეთესო შესაძლებლობაა დაესწროთ მატერიალისტების/მონისტების შეკრებებს. ამიტომ, როდესაც ადამიანებს გარკვეულწილად უვითარდებათ ასტრალური სხეული და მე, არიმანი მათ დასდევს ყოველი ფეხის ნაბიჯზე. როდესაც ჩვენ ვიწყებთ მის დანახვას, მაშინ შეგვიძლია დავიცვათ თავი, რადგან გვეცოდინება, რომ გრძნობითი ტკბობის საცდურის და შიშის ემოციების უკან იმალება არიმანი... როდესაც ვოცნებობთ მატერიასთან დაკავშირებით, იქ სინამდვილეში არიმანია. ხოლო ფიზიკის ატომური თეორია შეცდომაში შემყვანია დიდად, რადგან მატერიალური ატომები მარტივად რომ ვთქვათ, წარმოადგენს არიმანის ძალებს".

ლექცია GA 145

Posted by: old_man Feb 15 2021, 11:08 AM

"ჩვენ უნდა გავაცნობიეროთ, რომ როგორც ტრადიციული მეცნიერება გადაიქცევა არიმანულად, ასევე შეიძლება ლუციფერული ხასიათი მიეცეს ადამიანის შინაგანი ბუნების უმაღლეს განვითარებას და ეს ხდება მაშინ, როდესაც ადამიანი მისტიკური გამოცდილებების ტალღებში გადაეშვება. ლუციფერული ტენდენციები იღვიძებს და განსაკუთრებით მძლავრი ხდება იმ ადამიანებში, ვინც თვითწრთვნის გარეშე, რომელიც აღწერილია წიგნში "როგორ შევიმეცნოთ ზენა სამყაროები", შეუდგება ნებისმიერ მისტიკურ პრაქტიკას, რომელთა მიმართ სწრაფვაც თანდაყოლილი აქვს".

GA 191

Posted by: tata1234 Jul 18 2021, 03:04 PM

მაინტერესებს, რომელიმე ადამიანი თუ არის ანგელოზოს სიმაღლეზე ასული? ანდ ანგელოზებს რომელი ევოლუცია აქვთ გავლილი მათაც ადამიანობიდან მიაღწიეს? და როგორ დამთავრდა მათი ადამიანის და პლანეტის ევოლუცია? ასევე Qროსტეს იქით თუ არიან ღმერთები და რა რომელ ევოლუციებს მართავენ და რა ხდება ქრისტეს ოქით? რომელიმე Mტავარანგელოზი თუ ასულა ან ვინმე ოდესმე ქრისტეს სიმაღლეზე და ქრისტე როგორ ავიდა მაგ სიმაღლეზე რა ევოლუცია გაიარა ქრისტემდე ან თუ გაიარა

Posted by: old_man Jul 19 2021, 02:49 PM

აქედან ყველა კითხვაზე ვერ ვუპასუხებ, ხოლო რაც ვიცი ანთროპოსოფიიდან არის ის, რომ ანგელოზებმა ადამიანურ ფორმაში ევოლუცია გაიარეს ძველ მთვარეზე. დედამიწაზე შესაძლებელია ადამიანი იყოს ანგელოზის დონეზე თუკი ეს მისთვის ბოლო ინკარნაციაა და შემდეგ არსებობას უკვე ანგელოზის ფორმაში გააგრძელებს. ქრისტეს არ გაუვლია ევოლუცია, ის იყო მზის ლოგოსი, ღმერთი, რომელიც იესოს უკვე მომზადებულ სხეულში შევიდა 3 წლით.

Posted by: old_man Aug 12 2021, 08:59 PM

"ბაქტერიები განსაკუთრებით ინტენსიურად მრავლდება, როცა ვიძინებთ მხოლოდ მატერიალისტური აზრებით. არ არსებობს მათ გასამრავლებლად იმაზე უკეთესი გზა, ვიდრე ძილში მატერიალისტური აზრების თან წაღება... ასევე, ამისთვის სხვა ყველაზე ხელსაყრელი მეთოდია იცხოვრო ეპიდემიის ან ენდემური დაავადების აფეთქების ცენტრში და ფიქრობდე მხოლოდ ამ დაავადებაზე შენ გარშემო და გქონდეს ავად გახდომის შიში..." (GA 154)

Posted by: old_man Mar 18 2022, 12:51 PM

წარსულის ათასწლეულებიდან ჩვენამდე მოაღწია ასეთმა აღმოსავლურმა გამონათქვამმა - ჩვენ მიერ გრძნობის ორგანოებით აღქმული სამყარო არის მაია. გრძნობის ორგანოებით აღქმული სამყარო არის დიადი ილუზია და სიტყვა „მაია“ ნიშნავს დიად ილუზიას. ხოლო თუ ეს სამყარო არის დიადი ილუზია, ჩვენი წინაპრები კი ამას გრძნობდნენ საკაცობრიო განვითარების პროცესში, მაშინ ადამიანმა მისი გავლით უნდა შეაღწიოს ნამდვილ რეალობაში. სამყარო, რომელსაც ადამიანი ხედავს თვალებით, რაც ესმის ყურებით, ასევე რასაც აღიქვამს გრძნობის სხვა ორგანოთი, რატომ წარმოჩნდება მის წინაშე, როგორც დიადი ილუზია? სწორედ უძველეს დროებში, როცა ადამიანი ახლანდელ თან შედარებით უფრო ახლოს იყო სულთან, რატომ ქმნიდნენ ადამიანები მისტერიალურ ცენტრებს, რომლებიც ემსახურებოდნენ მეცნიერებას, რელიგიას, ხელოვნებასა და პრაქტიკულ ცხოვრებას? ასეთი ცენტრები მიუთითებდნენ იმ რეალობის არსებობაზე, რომელიც განსხვავდებოდა იმ დიადი ილუზიისაგან, რომელშიც ადამიანს დასაბამიდანვე უწევდა ცხოვრება და რომელსაც ის იმეცნებდა. რა მიზნისკენ ისწრაფოდნენ უძველესი ბრძენნი, როცა თავიანთ მოწაფეებს წარმართავდნენ ილუზიიდან ჭეშმარიტებისკენ? ამ კითხვაზე პასუხი შეიძლება მხოლოდ მაშინ, თუ უფრო უშუალოდ, მიუკერძოებლად შევხედავთ თავად ადამიანს. „შეიცან თავი შენი“*, ასე ჟღერს ჩვენამდე მოღწეული უძველესი ბერძნული გამონათქვამი, და, შეიძლება ითქვას, ამ ორი გამონათქვამის, - „სამყარო არის მაია“, რომელიც დამკვიდრდა აღმოსავლეთიდან და „შეიცან თავი შენი“, რომელიც დამკვიდრდა ძველი საბერძნეთიდან, - შეერთებით წარმოიქმნა კაცობრიობის მთელი თანამედროვე მისწრაფება სულიერი შემეცნებისკენ. ამასთან, ყველა უძველეს მისტერიაში ჭეშმარიტებისკენ სწრაფვა მომდინარეობდა შეგრძნებიდან, რომ სამყარო არის ილუზია და რომ ადამიანმა უნდა შეიმეცნოს თავისი თავი.

წიგნიდან "ხელთდასხმულთა ცნობიერება"

Posted by: old_man Mar 18 2022, 01:20 PM

გაგრძელება იმავე წიგნიდან:

"საკმარისია ჩვენი მზერა მივაპყროთ უძველეს საბერძნეთზე.
ჩვენ თუ შევხედავთ თანამედროვე მოქანდაკეს, ან მხატვარს,
ვნახავთ, რომ ის საჭიროებს მოდელს, ყოველ შემთხვევაში,
არც თუ დიდი ხნის წინ ეს ასე იყო, თუმცა დღეს ეს უკვე
აღარაა ისე აქტუალური. მხატვარი ესწრაფვის რაიმეს კოპირებას, იმიტაციას. ბერძნები ამას არ აკეთებდნენ. უბრალოდ,
ჰგონიათ, რომ ისინი ასე მუშაობდნენ. ბერძნები სულიერ ადამიანს თავის თავში შეიგრძნობდნენ; როცა მოქანდაკე ცდილობდა გადმოეცა, მაგ., ხელის მოძრაობა, მან იცოდა: სულიერი იმყოფება იმის შიგნით, რაც მას, როგორც მოდელი, გარეგნული სახით წარმოუდგება. მან იცოდა, რომ ყველანაირი მატერიალური შექმნილია სულიერის საფუძველზე და მოქანდაკის მიზანს წარმოადგენდა ამ სულიერის შექმნა.
ჯერ კიდევ რენესანსის პერიოდში მხატვარი აღარ უყურებდა მოდელს; ის მხოლოდ იმპულსს აძლევდა მას. ხელის მოძრაობაში იგი აღბეჭდავდა იმას, რაც შინაგანად ცხოვრობდა
თავად ხელში, როცა გამოხატავდა ადამიანის განმსჭვალავ
სულს. მარტოოდენ გარეგნულის ჭვრეტა, ეს არის დიდი ილუზია, მაია, ხოლო მოდელის მარტივი იმიტაცია არ გვაძლევს
შესაძლებლობას, ჩავწვდეთ სულიერს, - ჩვენ არ ვიჭრებით
ადამიანში, არამედ ვრჩებით მის გარეთ. მხატვრულ დონეზე ეს
ნიშნავს, რომ ილუზიის სფეროში დარჩენით არ შეგვიძლია,
ადამიანური არსების უდიდეს კითხვებს ვუპასუხოთ.
უძველესი მისტერიების კარიბჭესთან მოწაფეს, რომელიც
ხელდასხმისკენ ისწრაფოდა, კვლავ და კვლავ მკაფიოდ უხსნიდნენ: შეუძლებელია როგორც ადამიანის არსების, ისე ბუნების სხვა სამეფოთა არსებების წვდომა, თუ მას სურს ილუზორულ გარეგნულ სამყაროში დარჩენა. შენ არ შეგიძლია,
გახდე მხატვარი. მაშასადამე, ამ გზაზე ხელოვნისთვისაც აუცილებელი იყო განეხორცილებინა ადამიანისთვის მკაფიო
პრინციპი „შეიცან თავი შენი“. აქ სულიერის შემეცნება აუცილებელი იყო."

Posted by: chemikerin Apr 1 2022, 10:24 PM

მეათე ტომი ქართულად:

https://docs.google.com/document/d/1G2BjjXLw-bLsEe_IEffrT3km6XjNbdqfWuOSxkY-ths/edit?fbclid=IwAR1R0-TMstigBfu_HUPtSnZXnsZp48xGIm2ixVYXGWogd3MHdHO9zaRR_Zw


ბევრი ისეთი რაღაც წავიკითხე ამ წიგნში, რაც ადრეც ვიცოდი, მაგრამ სხვანაირად დამანახა ბევრი რამე მაინც..... ყველას ვურჩევ წაკითხვას..

Posted by: chemikerin Jul 7 2022, 01:08 PM

Posted by: old_man Jul 22 2022, 11:56 AM

ლუციფერის ზემოქმედება სისხლზე - ციებ-ცხელება!
არიმანის ზემოქმედება ძვალზე - სკლეროზი!
"ძვლები გამუდმებით ცდილობენ "გააძვალონ", სრული გამკვრივების მდგომარეობამდე მიიყვანოს ადამიანი. სხვაგვარად რომ ვთქვათ, ძვლების ტენდენციაა ადამიანის სხეულის "არიმანიზება" - გახევება; ხოლო სისხლი გამუდმებით ისწრაფვის გამოგვაძევოს ჩვენივე არსებიდან. პათოლოგიის თვალსაზრისით ეს ნიშნავს, რომ სისხლი შესაძლოა ციებ-ცხელებამ აიტანოს და მაშინ ადამიანი, ორგანულად, ფანტაზიებში გადაეშვება. ძვლებსაც ასევე შეუძლიათ ადამიანის დანარჩენ ორგანიზმზე განავრცონ თავისი ორგანული თვისებრიობა, რაც იმით გამოიხატება, რომ ადამიანი ხევდება, სკლეროტულად ნადგურდება. ეს, მეტნაკლებად, ყველა ხანდაზმულ ადამიანში შეინიშნება. ამ დროს ადამიანის ორგანიზმში მომაკვდინებელი, ანუ არიმანული ელემენტი ისადგურებს. ამრიგად, ჩვენ შეგვიძლია ვთქვათ, რომ ის, რაც სისხლში ცხოვრობს, ლუციფერულისკენ მიიზიდება, ხოლო რაც ძვლებში ცხოვრობს, არიმანულისკენაა მიდრეკილი. ადამიანმა უნდა დაიცვას წინასწორობა ამ ორ ტენდენციას შორის, და ასევე, მანვე უნდა შეაწონასწოროს თავი სამშვინველში ეგზალტირებული მეოცნებე და უსულგულო ფილისტერი."
რ. შტაინერი - "მიქაელის მისია" - თავი I

Posted by: chemikerin Sep 17 2023, 08:18 PM

თვითშემეცნებისკენ სწრაფვა, თუ იგი არასწორად წარიმართება, ხშირად ეგოიზმის განსაკუთრებულ ფორმას წარმოშობს. შეიძლება ადამიანმა საკუთარ თავს გადაჭარბებული მნიშვნელობა მიანიჭოს და ამან გარე სამყაროს მიმართ ყოველგვარი ინტერესი დააკარგვინოს. ცალმხრივობისკენ გადახრილ ნებისმიერ სწორ მისწრაფებას შეუძლია ჭეშმარიტების გზას აგვაცდინოს.

ნაწყვეტი წიგნიდან ,,წერილები საზოგადეობის წევრებს"