BEST ROCK BAND EVER !!!

http://www.aisiforce.org/forum/index.php

in the army now

http://www.youtube.com/watch?v=drCPJy9s4_s...layer_embedded#!

თეო რა თქმა უნდა არ მეწყინება,
თქვენ არ გეწყინოთ პირიქით გთხოვთ

:*

.

რაფეთიანებივით შემოვარდებით ხოლმე პოსტი რომ გამოჩნდება
დადარაჯებულები ხართ თუ რა?

მოგესალმებით ფორუმის მკითხველებო და ადმინისტრაციავ.
მე ვარ პოლიტიკური გაერთიანება "მომავალი საქართველოს" წარმომადგენელი და მინდა გაგაცნოთ ჩვენი პარტიის პროგრამა.
ფორუმის ადმინისტრაციას მინდა მივმართო თხოვნით არ დახუროს ან წაშალოს ეს თემა. ან მაინცდამაინც თუ გადაწყვეტს დახურვას ან წაშლას, ერთხელ მაინც წაიკითხოს , წინასწარ გიხდით მადლობას მხარდაჭერისა და თანამშრომლობისათვის.



მაშ ასე, დავიწყოთ.


პრეამბულა


პარტია "მომავალი საქართველო" წარმოადგენს ცენტრისტული მიმართულების პარტიას და დაფუძნებულია როგორც ეროვნულ, ისე საერთაშორისო გამოცდილებაზე. ამ გამოცდილებიდან ჩვენთვის განსაკუთრებული მნიშვნელობა აქვს ჰუმანიზმს, სოციალურ სამართლიანობას და ლიბერალურ-დემოკრატიულ პრინციპებს, რომლებმაც ასახვა ჰპოვეს ილია ჭავჭავაძის და მისი თანამოაზრეების, აკაკი წერეთელის, ვაჟა-ფშაველას, ნიკო ნიკოლაძის, იაკობ გოგებაშვილის, არჩილ ჯორჯაძის, ვარლამ ჩერქეზიშვილის, სპირიდონ კედიას, გაბრიელ ეპისკოპოსის და ივანე ჯავახიშვილის მიერ ჩამოყალიბებულ "საერთო ნიადაგის" თეორიაში, რომელიც წარმოადგენს ჩვენი პარტიის იდეოლოგიურ საფუძველს.

"საერთო ნიადაგის" თეორია თავის თავში აერთიანებს სახელმწიფოს მოწყობის ინგლისის კონსტიტუციური მონარქიის მსგავს კონსერვატიულ ფორმას, ადამიანს უფლებების და თავისუფლების ლიბერალურ ფორმას, ევროპულის მსგავს სოციალურ-დემოკრატიულ, და სამართლის სისტემას და ასევე ორ ათეულზე მეტ სამართლებრივ, პოლიტიკურ და სოციალურ-ეკონომიკურ პრინციპს, რომლებიც ასახვას ჰპოვებს ჩვენი პროგრამის ცალკეულ თავებში.

ამ პრინციპების დანერგვისას გათვალისწინებულ იქნება საქართველოს და ქართველი ხალხის ტრადიციები და თავისებურებები, გამოყენებული იქნება ქვეყნის გეოპოლიტიკურად მომგებიანი მდებარეობა, ერის ფიზიკური და ინტელექტუალური რესურსი, რათა ქვეყანა და ხალხი ერთხელ და სამუდამოდ გახდეს თავისი თავის პატრონი და თავისი ბედის წარმმართველი.

რადგანაც ჩვენი პარტიის იდეოლოგიურ საფუძველს წარმოადგენს ილიას და მისი თანამოაზრეების მიერ ჩამოყალიბებული "საერთო ნიადაგის" თეორია, ამიტომ ჩვენი პარტიის სამოქმედო დევიზია:

"ილიას გზა --- საქართველოს მომავლის გზაა"





წარმოგიდგენთ ჩვენი პარტიის სამოქმედო პროგრამას (შემოკლებული სახით)


I. ეროვნული იდეოლოგია და ეროვნული სახელმწიფო

ეროვნული იდეოლოგია და ეროვნული სახელმწიფო გულისხმობს ქართული სახელმწიფოს ჩამოყალიბებისათვის ქართველი ერის ფიზიკური და ინტელექტუალური რესურსის სრულად გამოყენებას და ასევე ყველა ეროვნული ღირებულების დაცვას და მათი განვითარების ხელშეწყობას. ჩვენ პატივს ვცემთ ყველა ეროვნებას და რელიგიას, მაგრამ მიგვაჩნია რომ, ქართული ენისა და მარლმადიდებლობის დაცვა ჩვენი უპირველესი ისტორიული ვალია, ამიტომ ჩვენ ვაპირებთ ქართული მართლმადიდებლური ეკლესიისათვის მისი ისტორიული პრივილეგიებისა და ფუნქციების დაბრუნებას, რათა მან უფრო მეტის გაკეთება შეძლოს ქართველის ერისა და ქართული სახელმწიფოსათვის.




II. სოციალური სახელმწიფო

ჩვენი პარტიის პოლიტიკური სტრატეგიის არსი და უმთავრესი მიზანი ისაა, რომ შევქმნათ სოციალური ჰარმონიისა და სამართლიანობის ქართული სახელმწიფო. ამ მიზნის მისაღწევად პარტია აყენებს შემდეგ ტაქტიკურ ამოცანებს:
ა) სახელმწიფოს, როგორც რეგურატორის აქტიური ჩართვა საბაზრო ეკონომიკაში. საბანკო და საფინანსო-საგადასახადო რეფორმა.
ბ) სოციალური დაცვის ერთიანი ეროვნული სისტემის შექმნა და განვითარება.
გ) დასაქმების ეფექტური პოლიტიკის ჩამოყალიბება და პრაქტიკაში გატარება.
დ) სახელმწიფოს განვითარებაში ეროვნული ტრადიციების და თავისებურებების აღდგენა-გათანამედროვეობა და გამოყენება.
ე) ეფექტური საპენსიო სისტემის შექმნა.




III. სახელმწიფო წყობა

ქართული სახელმწიფოს განვითარების ამ ეტაპზე ჩვენ მომხრენი ვართ ძლიერი საპრეზიდენტო მმართველობისა, რათა ადეკვატურად ვუპასუხოთ ყველა საფრთხეს, რომელიც შეიძლება დაემუქროს ქართულ სახელმწიფოს. მაგრამ ქართული სახელმწიფოს შემდგომი სრულყოფისა და განვითარებისათვის აუცილებლად მიგვაჩნია ინგლისის ტიპის კონსტიტუციური მონარქიის ჩამოყალიბება.

ძლიერ ცენტრალიზებულ მმართველობასთან ერთად ჩვენ ვაპირებთ ასევე რეგიონული თვითმმართველობის განვითარებასაც და ამ ორს შორის სახელმწიფოს მართვის თანაბარ და კანონზომიერ გადანაწილებას.

უმთავრესი კი ისაა რომ, სახელმწიფო სისტემის ჩამოყალიბებაში განსაკუთრებული როლი მიენიჭება ქართულ ტრადიციების და ეროვნული თავისებურებების გათვალისწინებას.




IV. ეროვნული ეკონომიკა

ჩვენ გაცნობიერებული გვაქვს რომ, შეუძლებელია ააშენო ძლიერი სახელმწიფო ძლიერი ეკონომიკის გარეშე.

ჩვენი პარტიის პროგრამა აყენებს საქართველოს აგრარულ-ინდუსტრიული განვითარების სტრატეგიას, რაც გულისხმობს სოფლის მეურნეობისა და მსუბუქი მრეწველობის განვითარებისათვის განსაკუთრებულ ხელშეწყობას. გათვალისწინებული იქნება მთისა და ბარის, დასავლეთისა და აღმოსავლეთის რეგიონების ბუნებრივ-კლიმატური და ტრადიციების თავისებურებები.

ჩვენ ვაპირებთ საბაზრო ეკონომიკის პრინციპების მორგებას ქართულ სახელმწიფოსა და ტრადიციებზე, შიდა ეკონომიკის დაცვასა და განვითარებას და მისთვის გარე ბაზარზების მოძიებაში ხელშეწყობას და იქ დამკვიდრებაში დახმარებას.




V. დემოგრაფიული პოლიტიკა

ჩვენ გაცნობიერებული გვაქვს ამ პრობლემის სიმძიმე და დასახული გვაქვს მისი გადაჭრის კონკრეტული გზები. პირველ რიგში აუცილებელია მოსახლეობის დასაქმება ადგილობრივ წარმოებაში და არა ვაჭრობაში, როგორც ეს დღესაა, ამისათვის ჩვენ ვაპირებთ საქართველოში სწორი ეკონომიკური პოლიტიკის გატარებას. ამასთან ჩვენს პარტიას შემუშავებული აქვს ეგრეთ წოდებული "დემოგრაფიული კონცეფცია", რომელიც გულისხმობს შემდეგ ნაბიჯებს:
ა) პირველ რიგში სამუშაო ადგილების შექმნას, რათა ყველა ოჯახს გაუჩნდეს თავის შენახვის საშუალება.
ბ) ნარკომანიასა და ნარკობიზნესთან ბრძოლა, რომელიც ძალინ დიდ საფრთხეს უქმნის ისედაც მცირერიცხოვან ქართველ ერს.
გ) მრავალშვილიანობის წახალისება და ხელშეწყობა და ამისათვის შესაბამისი საკანონმდებლო ბაზის შექმნა და ამოქმედება.
დ) ყველა პირობის შექმნა იმისათვის რომ, არ მოხდეს მოსახლეობის მასიური მიგრაცია საზღვარგარეთ და უკვე მიგრირებული მოსახლეობის უკან დასაბრუნებლად.





VI. დედაქალაქის განვითარება

დედაქალაქის განვითარებას უდიდესი მნიშვნელობა აქვს ქვეყნის განვითარებისათვის, ამიტომ ჩვენი პარტია ამ მიზნით აპირებს პირველ რიგში დედაქალაქის ბიუჯეტის სწორად დაგეგმვას, დამატებითი სამუშაო ადგილების შექმნას და მცირე და საშუალო ბიზნესის ხელშეწყობას. ასევე მუნიციპალური ტრანსპორტი გახდება ხელმისაწვდომი და შემცირდება კომუნალური გადასახდები, შემცირდება ფასები მედიკამენტებზეც.

საკუთრებისა და ადამიანის უფლებათა დაცვა ჩვენთვის პრიორიტეტია.

ასევე ჩვენ მოვახდენთ დედაქალაქში თავმოყრილი დევნილების საცხოვრებელი ფართებით უზრუნველყოფას დედაქალაქსა და მის შემოგარენში.





VII. ადგილობრივი თვითმმართველობა

ადგილობრივი თვითმმართველობის განვითარება ჩვენი ერთ-ერთი მიზანია, ამისათვის აუცილებელია საკანონმდებლო და ეკონომიკური ბაზა. პირველ რიგში აუცილებელია ორი ფუნდამენტური პრინციპის კონსტიტუციური დაკანონება, ესენია:
ა) ყველა ადგილობრივი საქმე, დაწყებული სამართალდაცვით და დამთავრებული კულტურულ-საგანმანათლებლო საკითხებით უნდა წყდებოდეს აგილზე.
ბ) აუცილებელია ადგილობრივი ბიუჯეტების ჩამოყალიბება და განვითარება.
გ) ადგილობრივი სასამართლოების განვითარება და მათთვის მეტი უფლებების მინიჭება.
დ) ნაფიც მსაჯულთა ინსტიტუტის შემოღება.
ე) ახალ ადმინისტრაციულ-ტერიტორიული მოწყობის პრინციპზე გადასვლა, რაშიც მაქსიმალურად იქნება გამოყენებული ქართული ისტორიული გამოცდილება და ტრადიციები.





VIII. ეკოლოგიური და ენერგეტიკული პოლიტიკა

ჩვენი ქვეყნის ბუნება მდიდარი და მრავალფეროვანია, რასაც მოფრთხილება სჭირდება, ამ მხრივ ჩვენი პარტია აპირებს ქმედითი ნაბიჯების გადადგმას და მის დაცვას და ზომიერ გამოყენებას, რაშიც აქტიურად იქნება ჩართული ქვეყნის თითოეული რეგიონი და კანონმდებლობა.

საქართველოს ეკოლოგია მჭიდრო კავშირშია ენერგეტიკულ პოლიტიკასთან, ამიტომ ჩვენი პარტიის ერთ-ერთი მიზანია ათვისებულ იქნეს ქვეყნის ბუნებრივი რესურსები და გამოყენებულ იქნეს ყველა მეთოდი, რათა მოხდეს ეკოლოგიურად სუფთა ენერგეტიკის მაქსიმალურად განვითარება, ჩვენს ქვეყანას ამის უზარმაზარი რესურსი აქვს და მის გამოყენებას მაქსიმალურად ვაპირებთ.

ამასთან უფრო უკეთესი შედეგის მისაღწევად ჩვენ ვაპირებთ ამ სფეროში უცხო ქვეყნების მიერ უკვე მიღწეული წარმატებების გამოყენებას და მჭიდრო თანამშრომლობას ჩვენს უშუალო მეზობლებთან.





IX. საგარეო პოლიტიკა

პირველ რიგში მინდა აღვნიშნო რომ, ჩვენი პარტიის საგარეო პოლიტიკა ორიენტირებული იქნება საქართველოს უსაფრთხოებისა და ინტერესების მაქსიმალურ დაცვაზე.

პრიორიტეტად კვლავაც რჩება დასავლურ სტრუქტურებში ინტეგრაცია, მაგრამ ეს არ მოხდება ქართული სახელმწიფოებრიობისათვის საფრთხის შექმნით. ამასთან ჩვენ არ უნდა დაგვავიწყდეს რომ, დასავლეთის გარდა არსებობს აღმოსავლეთიც, ჩრდილოეთიც და სამხრეთიც, ანუ მთელი ის ევრაზიული არეალი რომლის ნაწილი და ცენტრიცაა საქართველო, ამიტომ მართალია ჩვენ ორიენტირებული ვართ დასავლეთზე, მაგრამ ჩვენი პოლიტიკა ამ გზაზე იქნება უფრო დაბალანსებული, საქართველოსთვის ნაკლები საფრთხის შემცველი და უფრო მომგებიანი მისი ეროვნული ინტერესებისათვის.





X. გლობალიზმი და ნაციონალიზმი

საბჭოთა კავშირის დაშლის შემდეგ ევრაზიის პოლიტიკურ სივრცეზე შეიქმნა სამხედრო-პოლიტიკური ვაკუუმი, რამაც მნიშვნელოვანი პრობლემები შეუქმნა მსოფლიოს. სწორედ აქ გადის ანტიტერორისტული ომის ძირითადი ფრონტი. ერაყი-პალესტინა, ირანი-ავღანეთი ისეთი "ცხელი წერტილებია" მსოფლიოში III მსოფლიო ომის რეალურ საფრთხეს რომ წარმოადგენენ.

საქართველო და კავკასია ამ სივრცის სტრატეგიული ელემენტებია. მსოფლიოს წამყვან პოლიტოლოგიურ ცენტრებში აღიარებენ რომ, ამ რეგიონში შექმნილი ისეთი ორგანიზაციები, როგორიცაა "სუამი", ასევე ბალტიის და კასპიისპირა რეგინების ქვეყნები შეიძლება გახდნენ ახალი მსოფლიო წესრიგის წარრმართველი ძალა, ხოლო ჩვენს ქვეყანას, მის უშუალო კავკასიელ მეზობლებთან ერთად შეუძლია დაიკავოს წამყვანი პოზიციები ამ რეგიონში და მოიპოვოს დიდი პოლიტიკურ-ეკონომიკური გავლენა, მითუმეტეს რომ, ამის ისტორიული გამოცდილება ჩვენ უკვე გვაქვს, უბრალოდ საჭიროა ერის რესურსების რაციონალური გამოყენება.

ნეიტრალიტეტი არის საკითხი, რომელზეც ქართული პოლიტიკური ძალები ხშირად საუბრობენ, მაგრამ გასათვალისწინებელია ერთი ფაქტორი, იმისათვის რომ, ქვეყანა გახდეს ნეიტრალური, მას სერიოზული გარანტიები უნდა მისცეს საერტაშორისო თანამეგობრობამ, პირველ რიგში კი მისმა უშუალო მეზობლებმა, არსებულ სიტუაციაში კი საქართველოსთვის ნეიტრალიტეტი მიუღებელი და შეუძლებელიც კია.

ჩვენი პარტიის ერთ-ერთი პრიორიტეტია მრავალსაუკონოვანი ურთიერთობის აღდგენა ჩვენს მეზობელ კავკასიელ ხალხებთან. მიგვაჩნია რომ, საქართველოს პოლიტიკურმა ხელმძღვანელობამ თავისი შესაძლებლობების მაქსიმუმი უნდა გააკეთოს ამ მიზნის მისაღწევად. უფრო გრძელვადიან გეგმაში კი შესაძლებლად მიგვაჩნია კავკასიელი ერების ერთ სახელწიფოებრივ საზღვრებში მოქცევა, რათა მათ ერთად მართონ საკუთარი განვითარების კურსი და ბედი. ეს იდეა რომ უტოპიური არაა, ეს ჩვენი ისტორიითაც მტკიცდება, ჩვენ ამის საკმარისი ისტორიული გამოცდილებაც და საკმარისი ეროვნული რესურსიც გაგვაჩნია. ეს ასევე წარმოადგენს შანსს სხვა კავკასიელი ერებისთვისაც უვნებლად გადაურჩნენ დრევანდელ მსოფლიოში მიმდინარე ნეგატიურ პროცესებს.





ბოლოთქმა

ჩვენი პარტია ყველაფერს გააკეთებს იმისათვის, რომ პროგრამაში მოცემული ყველა საკითხი შესრულდეს, მაგრამ ამისათვის საჭიროა თქვენი თანადგომა, მხარდაჭერა და ქართული საზოგადოების ერთიანობა. ჩვენ გვაქვს თქვენი მხარდაჭერის იმედი, ვინაიდან ქართული საზოგადოება ბრძენია და ღირსეულ არჩევანს გააკეთებს.

ღრმა პატივისცემით და საუკეთესო სურვილებით
პარტია "მომავალი საქართველოს"
თავმჯდომარე: გიორგი ლაღიძე
მისამართი: თბილისი, ა. ხორავას ქ. N9.




ეს იყო პროგრამის შემოკლებული ვერსია, იმისათვის რომ, სრულყოფილად გაეცნოთ მას ძალიან გთხოვთ ჩამოტვირთოთ მისი სრული ვერსია
====> პოლიტიკური გაერთიანება "მომავალი საქართველოს" პროგრამა <====


ასევე შეგიძლიათ ეწვიოთ ჩვენს ====> ვებ გვერდს <====

წინასწარ გიხდით მადლობას ყურადღებისათვის, ჩვენი პარტიის თბილისის მერობის კანდიდატია გიორგი ლაღიძე, აუცილებლად მობრძანდით არჩევნებზე და შემოხაზეთ ნომერი 14.

ფორუმის ადმინისტრაციას კიდევ ერთხელ ვუხდი მადლობას თანამშრომლობისათვის.

რაშუაშია ამ ფორუმთან საერთოდ ამიხნის ვინმე? :|

ეს თემა წაიშლება

მე მე მივალ არჩევნებზე და შემოვხაზავ N5-ს. აი ეგრე! გიგი და სასტავი ფორევაააა

ბატონო პატრიოტო, რადგან ამ ფორუმს პოლიტიკური (თანაც ამ სახის პოლიტიკური) თემები საერთოდ არ შეესაბამება, ამ თემას თავისუფალ თემას ვუერთებ

როდისაა არჩევნები?

30 ში ..

აუ რა კაია.. ცხოვრებაში არავის მივცემ ხმას!! ჩემი ხმა ჩემთან

გმადლობ!

აუ დღეს გონი ბოლო ზარი უნდა მქონოდა




სასტიკად არ მეხალისებოდა თეთრი საროჩკით სირბილი ქუჩებში .... არც გამიხედია სკოლისკენ ...


მგონი დავბერდი ....

Место встречи изменить нельзя

http://www.youtube.com/watch?v=Di7wOikp9o8...feature=related

Таганка

http://www.youtube.com/watch?v=srwXN2NoO9g

გვეეეეეეეეეეეეეეშველა ალილუია :D

http://translate.google.com/#en|ka|

ქართული ენა დაემატა, ინფორმაცია ქართულად!!!!!!!!!!!!!!! ხოდა ჯერ კიდე დახვეწენ და ნელნელა უშეცდომოდ გადათარგმნის :>