დაოსური სწავლება, გაცნობა და პრაქტიკები Options

[tikoroma]

ძალიან საინტერესო, დოგმებისგან დაცლილი სწავლებაა დაოსიზმი. ჩემთვის აღმოჩენა იყო სხვადასხვა პრაქტიკები, რომლებიც ძალიან მარტივია, სასიამოვნოდ შესასრულებელი და მცირე დროში იძლევა შედეგს. მე არ ვთვლი, რომ ვარჯიშების შესწავლას ათწლეულები სჭირდება. მთავარია რეგულარულად ვაკეთოთ, ის თვითონ გაიხსნება და ბუნებრივად გაგრძელდება, თქვენ კი იმას მოიმოქმედებთ, რასაც ინტუიცია გიკარნახებთ და ეს სწორი იქნება ასე რომ, ნუ გაიხსენებთ რამდენ წელს ატარებდნენ შეგირდები თავიანთი გურუს თვალებში ყურებაში. იმოქმედეთ და შედეგიც მალე იქნება.

პრაქტიკების დადებამდე ცოტას ვილაპარაკებ დაოსურ სწავლებაზე. ახალი იქნებ ვერაფერი ვთქვა, მაგრამ მაინც საჭიროა. როცა ვარჯიშებს დავდებ, უფრო მარტივი გასაგები იქნება, რატომ უნდა შევასრულოთ ესა თუ ის მოქმედება.

ტექსტი დაწერილია ძირითადად ვინმე Juan Li-ის სწავლების მიხედვით, მაგრამ სხვადასხვა სტატიებიდანაც დავამატე რაღაცეები, ზოგი რამე გამოვტოვე. ასე რომ წყაროდ არ ჩაითვლება ეგ უფრო ნახევარწყაროდ.


დაოსური სიზმრის პრაქტიკების საფუძვლები

ჩინეთის წმინდა მთებში, მიუვალ ადგილებში ცხოვრობდნენ ადამიანები, რომლებიც სიზმრების უსასროლო შესაძლებლობებს იკვლევდნენ. ისინი იყვნენ პრაქტიკოსები, რომლებმაც საზოგადოებისგან შორს, ბუნებაში უბრალო ცხოვრება აირჩიეს. მათ დაოსებს უწოდებდნენ. დაო ნიშნავს გზას - ცხოვრების ბუნებრივ გზას. დაოსური ცოდნა მკაცრად იყო გასაიდუმლოებული, იმიტომ არა, რომ მათი პრაქტიკები საშიში იყო. უბრალოდ, მათი სულიერი განვითარების მთავარი ასპექტი იყო საზოგადოებისგან გარიდება, რადგან ამუშავებდნენ გავრცელებული შეხედულებებისგან ძალიან განსხვავებულ იდეებს.
საუკუნეების განმავლობაში მათ ძალიან ეფექტური და ერთიანი სისტემა განავითარეს, რაც მინზად ისახავს გამოიყენოს ადამიანის შესაძლებლობათა სრული პოტენციალი. დასოები არ კმაყოფილდებოდნენ მხოლოდ ჯანმრთელობის შენარჩუნებით და მშვიდი ცხოვრებით. მათი პრაქტიკები მხოლოდ ფიზიკური სხეულის სიჯანსაღეს არ ეხებოდა, არამედ უფრო დახვეწილი და უხილავი -ენერგეტიკული სხეულების პოტენციალის ამოქმედებასაც ითვალისწინებდა.


დაოსური პრაქტიკების ძირითადი ასპექტია ენერგიასთან - სასიცოცხლო ძალასთან მუშაობა. მთელი სამყაროს, ფიზიკური თუ დახვეწილი პლანების, არსებობის საფუძველია ჩი (QI) ენერგია, რომელიც ფართო სპექტრით გამოვლინდება სხვადასხვა დონედ და სიხშირედ - ყველაზე ნატიფიდან, რაც თვალით უხილავია და მხოლოდ გაწმენდილი, მშვიდი გონებითა და ამაღლებული ცნობიერებით აღიქმება; შედარებით მკვრივი პლანი, რომელსაც ემოციურ დონეზე აღვიქვამთ და ყველაზე მყარი ჩვენი ფიზიკური სამყარო. შედარებისთვის, ეს გავს რადიაციას, რომელსაც ვერ შევიგრძნობთ, შემდეგ ელექტროენერგიას - რომელთან შეხებითაც შოკს ვიღებთ, და ქვა, რომლის აღქმაც გაცილებით იოლია. დაოსები თვლიდნენ, რომ ეს განცალკევებული სამყაროები კი არაა, არამედ ერთი, რომელიც სხვადასხვა სიხშირედ გამოვლინდება.

დაოსებმა შეძლეს ეგრძნოთ როგორ მოძრაობდა ენერგია სხეულში და მასზე დაკვირვებით, შექმნეს სასიცოცხლო ძალის ნაკადების სქემა, რასაც ჰქვია ენერგო მერიდიანები. მერიდიანებში ენერგიის მოძრაობაზეა დამოკიდებული ადამიანის ჯანმრთელობის მდგომარეობა. სასიცოცხლო ნაკადის გადაკეტვა სხეულში ორგანოს დაავადებად გამოვლინდება. მათ მოიფიქრეს ვარჯიშები, დიეტები და მედიტაციები ენერგიის დინების დასარეგულირებლად. თუმცა ჯანმრთელობის შესანარჩუნებლად ეს საკმარისი არ აღმოჩნდა. მათ შენიშნეს, რომ ემოციური მდგომარეობა დიდ გავლენას ახდენდა ენერგიის მოძრაობის ხარისხზე. მაგ, სიბრაზის დროს გულისცემა და სუნთქვა ხშირდება, სისხლის მიმოქცევა ჩქარდება. ამ დროს დაძინება რთულდება, გონება მომართულია და ადამიანი საათებს ატარებს საკუთარ თავთან დიალოგში, განსჯაში. ბოლოს და ბოლოს, როცა დაღლილი სხეული დაძინებას მოახერხებს, ის სიზმარშიც სტრესულ სიტუაციაში აღმოჩნდება.

ემოციების სამართავად დაოსებმა მრავალი ვარჯიში მოიფიქრეს. მათ შორის „შიდა ღიმილის“ პრაქტიკა, რომლის დროსაც პრაქტიკოსი შინაგან ორგანოებს უზგავნის ღიმილს და მადლიერების გრძნობას, მისკენ მიმართავს დადებითი ემოციების ტალღას. ასევე იყენებენ სამკურნალო ბგერებს, რომლებიც ასტიმულირებს სასიცოცხლო ორგანოების ვიბრაციას, რაც ხსნის დაძაბულობას და ბლოკირებას.

[tikoroma]

ტდ-სგან:
დაოსური სხეულის სტრუქტურა

სტატიის ავტორი: ოლეგ ჩერნე
თარგმნილი td………-ის მიერ
დაოსური სხეული _ ტერმნია, რომელიც აღნიშნავს ადამიანის სხეულს, პრაქტიკაში გამომუშავებული სხეულის უნარით დაეყრდნოს ცზინ (ძინ )ენერგიას და ასევე შექმნა პირობები შენ (Shen) სულის ფორმირებისთვის:

ცი (qi)-ხაზოვანი ენერგია (მოკვდავი);
ცზინ (ძინ, jing) -ფორმის ენერგია (გეომეტრიული ფორმა);
შენ (shen) -კრისტალური ენერგია (ფორმის შემანარჩუნებელი ენერგია, უკვდავი ენერგია)
დაოსური სხეულის სტრუქტურა
დაოსური სხეულის სტრუქტურა ესაა მაკროკოსმოსისა და მიკროკოსმოსის ურთიერთმოქმედების გაგების პროცესი,რომელიც მოქმედებს << ზეცა-დედამიწა-ადამიანი>>სქემის მიხედვით,ან/და ძალისხმევის სქემით, რომლითაც ჩამოყალიბდა ადამიანის ბუნება.
ამ სქემაში არის:
დედამიწა-ეს არის ფორმა
ადამიანი-საზომი (ზომა)
ზეცა-შესაბამისობა,სადაც საფუძვლად აღებულია 13 სტრუქტურიზაციათაგან ერთ-ერთი, მათ ქმნის ჩვენი სივრცე, რომელიც იყოფა სიხშირეების მახასიათებლებად.
თვით სხეულის შესწავლის საფუძვლად აღებულია საზომი, ზომიერება , რომლითაც გაჯერებულია სწავლება დაოსური სხეულის შესახებ.

ერთარსის სწავლება, ანუ სწავლება ენერგიის შესახებ (tai yi)
ერთარსის სწავლება, ანუ სწავლება ენერგიის შესახებ- ეს არის ენერგიების სხვადასხვა სიხშირეების რეზონანსული მახასიათებლების გაგება, რომლებშიც შეიძლება იმყოფებოდეს და ვითარდებოდეს ადამიანის სხეული.

სწავლება აღვსების შესახებ
სხეულის ,მისი სისტემების, სხეულის „ჭურჭლების“ და სადინრების აღვსების ხედვა, შედის დაოსური სხეულის შემეცნებაში შევსების პოზიციიდან. აქვე განიხილება შევსების პირველადი, საწყისი სისტემები: სისხლ-ძარღვოვანი და კუნთოვანი სისტემები.
ვიდრე სხეულს გავაცნობიერებთ ღერძის ან პროპორციების კუთხით, უნდა შევიმეცნოთ ის ავსების პოზიციიდან, ანუ მისი მყოფადობის მდგომარეობიდან. სხეულის აღვსება განისაზღვრება ადამიანის პრენატალური (დაბადებამდელი, თანდაყოლილი) ბუნებით, მისი სასიცოცხლო რიტმებით (პოსტნატალური ბუნება). ეს ის მომენტია რომელიც განსაზღვრავს ადამიანის ქცევას მისი დაბადების ბუნებიდან და მისი მყოფადობის, არსებობის ბუნებიდან გამომდინარე.
აქ დიდი მნიშვნელობა ენიჭება დაბადების დაძაბულობას-ის თუ სხეულის რომელი სისტემა დაიძაბა პირველად, ანუ რომელი სისტემა შეივსო დაბადებისას. იგი აყალიბებს ადამიანის სუნთქვას, სუნთქვა კი აყალიბებს კვებას. ყოველივე ეს იქვემდებარებს ადამიანის ყველა ქცევას და განსაზღვრავს მის სისავსეს, არსებობის განცდებსა და როგორც შედეგი დამოკიდებულებებს(მიჯაჭვულობ�
��ს).

სწავლება პროპორციების შესახებ
აქ განიხილება სხეულის სისტემები-კუნთოვანი და ძვლოვანი.
დაოსური სხეული პირველ რიგში ეს არის სტრუქტურა, რომელიც განსაზღვრავს ადამიანის ენერგიის ცირკულაციას, ბრუნვას. პროპორციის გაგება, შემეცნება ეს არამხოლოდ ამა თუ იმ ადამიანის თვისების გამოვლენაა, არამედ სიცოცხლის ძალების გარდაქმნისა და ზრდის უნარია.
პროპორცია-ეს არის სხეულის მოცემულობა, რომელიც გამოიმუშვებს 8-დან ერთ ძალისხმევას (კომბინაციურ პარამეტრებს),რომელსაც შესწევს უნარი გარდაქმნას, ტრანსფორმაცია გაუკეთოს ჩვენს სხეულს. როგორიც არ უნდა იყოს ადამიანი, ის დამოკიდებულია სქემაზე, მის საიდენტიფიკაციო კოდის მატრიცაზე , რომელიც უკავშირდება პროპორციულ ფორმას. მისი ზომები შეიძლება იყოს დიდი ან მომცრო, მაგრამ ეს არის ის მთლიანობა, რომელიც განსაზღვრავს ადამიანის ცხოვრებისეულ მოვლენათა მიმდინარეობას. რაც უფრო სუსტია პროპორცია, მით უფრო ნაკლები სიცოცხლიანობაა (სასიცოცხლო ძალაა) ადამიანში.

სწავლება ღერძის შესახებ
აქაც განიხილება სხეულის სისტემები-კანისა და მყესების.
ეს არის ყველა სახის ენერგიების ბრუნვის კუთხის გაცნობიერება, სადაც ჩვენ გვაქვს ენერგია ცი-ს (qi )ბრუნვის სამი კუთხე, ენერგია ცზინ (ძინ, jing) ბრუნვის 3 კუთხე და ასევე, ენერგია შენ (shen)ბრუნვის 3 კუთხე. ეს გვაძლევს საშუალებას გავიგოთ ენერგიის გარდატეხის კუთხე და შედეგად შეგვიძლია ფიზიკური სხეულის ენერგეტიკულად გარდაქმნა, რაც თავისმხრივ არის უკვდავების საიდუმლოს გახსნა. ყოველივე ამან განაპირობა დაოსური მედიცინის შექმნა, რაც ვისმხრივ განსხვავდება ჩინურისგან იმით, რომ უკანასკნელი მუშაობს, მხოლოდ დროებით, მოკვდავ სხეულთან და აღადგენს მოლოდ მას.

http://www.blog.esoteric.ge/%E1%83%93%E1%8...%E1%83%A0/#more