QUOTE(mata @ Sep 1 2011, 02:02 PM)
ანანდა დადე მეტი ინფორმაცია
საინტერესოდ ჟღერს
ერთი კითხვა მაქვს:
პიერ ტეიარ დე შარდენის მსოფლმხედველობაც ამას ამბობდა: მეცნიერება+სულიერება
შენ თუ იცი, რამდენად ეთანხმებიან ტეიარისეულ სამყაროს გაგებას?
ტეიარ დე შარდენი უშაულოდ დაკავშირებულია ნოოსფეროს იდეასთან,
(მათთვის ვისაც სურს გაიგოს რაზეა საუბარი)
. . სად მიგვიყვანს პროგრესი, შეიძლება თუ არა რომ კაცობრიობამ გაანადგუროს როგორც საკუთარი თავი ისე დედამიწა, სად იბადება აზრები, სადამდე მიგვიყვანს მეცნიერება ? --- ამ კითხვებზე მეტად საინტერესო პასუხები შეიძლება ნოოსფეროს შესახებ თეორიამ გაგვცეს. ტერმინი ნოოსფერო შემოიღო ფრანგმა მათემატიკოსმა ედუარდ ლერუამ, 1927 წელს, ( ბერძნულიდან ითარგმნება როგორც გონების სფერო ) ლერუა აღნიშნავდა რომ ნოოსფეროს იდეამდე ის მივიდა თავის მეგობართან პიერ ტაიერ დე შარდენთან ერთად ( პიერ ტაიერ დე შარდენი იყო იმ დროისთვის საკმაოდ ცნობილი გეოლოგი, პალეონტოლოგი, ევოლუციონისტი და კათოლიკე ფილოსოფოსი ) მათი თეორია ნოოსფეროს შესახებ დაფუძნებული იყო ცნობილი უკრაინელი მეცნიერის ვლადიმერ ივანეს–ძე ვერნადსკის ლექციებზე, გეოლოგიის თემაზე.
ვერნადსკის თეორიის თანახმად ბიოსფეროს განვითარების უმაღლესი სტადია არის გონების სფერო, რომლის ჩამოყალიბება უშუალო კავშირშია კაცობრიობის განვითარებასთან. მისი სიტყვებით “ ბიოსფეროში არსებობს უდიდესი გეოლოგიური, შესაძლოა, კოსმიური ძალა, რომელსაც ყურადღებას არ ვაქცევთ კოსმოსზე წარმოდგენის ჩამოყალიბებისას . . . ეს ძალა არის ადამიანის გონება, მიზანი და ორგანიზაციული ნება მისი როგრც საზოგადოებრივი არსებისა”
. . ნოოსფერო, როგორც ბიოსფეროს განვითარების უფრო მაღალი სტადია, ასევე უნდა ემორჩილებოდეს სამყაროსეულ უფრო მაღალ კანონებს და მისი განვითარება უფრო მაღალ საფეხურზე გადასვლას გამოიწვევს. შესაბამისად მოსალოდნელია ამან რაღაც ახალი სფეროს აღმოჩენამდე მიგვიყვანოს.
. .ნოოსფერო კაცობრიობის საერთო გონის მიერ შექმნილი სფერო, როგორც ბიოსფეროს განვითარების შედეგი ვერ მოვა წინააღმდეგობაში კოსმიურ კანონებთან და ამ კანონების დედამიწაზე უფრო მაღალ საფეხურზე გამოვლენისათვის არის მოწოდებული. ამ ლოგიკას თუ გავყვებით, აუცილებლად მივალთ შემდეგ მოსაზრებამდე, თუ საიდან ჩნდება იდეები, სად იბადება ჩვენი აზრები, როგორც ჩანს ეს არ არის მხოლოდ ჩვენი ტვინის პროდუქტი არამედ სათავეს კანონზომიერად უფრო ფაქიზი სფეროებიდან იღებს, ეზოთერიკაში ამ სფეროს საერთო ინფორმაციული ველი ეწოდება.
. . ნებისმიერი მოსაზრება ან იდეა, რომელიც თითქოსდა იბადება ჩვენს გონებაში, სინამდვილეში არის მხოლოდ ჩვენთვის განკუთვნილი გზავნილი ასტრალური სამყაროდან, რომლის განხორციელების პოტენციალი მხოლოდ ჩვენ გაგვაჩნია და არა ვინმე სხვა ადამიანს, ამიტომ როდესაც უყურადღებოდ ვტოვებთ რაიმე ახალ მოსაზრებას და იდეებს შეიძლება ამით უარს ვამბობთ ჩვენი პირადი მისიის შესრულებაზე, ან თვითრეალიზაციაზე."
როგორც ტეიარ დე შარდენი თვლიდა, ევოლუცია არ დამთავრებულა ადამიანზე როგორც ინდივიდუმზე, ეს ევოლუცია გრძელდება, კაცობრიობა ერთიანდება საზოგადოებებში ინდივიდუალური ფუნქციის უფრო მეტად მზარდი დიფერენციაციის ფონზე, შესაბამისად იზრდება ურთიერთკავშირის ხარისხი. კაცობრიობა უფრო მეტად ახერხებს დედამიწის სივრცის ათვისებას, ჩნდება ურთიერთკავშირის ახალი საშუალებები, გონების სფერო გადადის მთელი პლანეტის მომცველ ნოოსფეროში . . ეს “სუპერკომბინაცია” მიგვიყვანს ძლიერი ნახტომისაკენ ევოლუციაში ( ასე თვლიდა დე შარდენი ) იმიტომ რომ უფრო მაღალ ხარისხში აყვანილი სიძნელეები მოითხოვს უფრო მაღალ საფეხურზე აზროვნებას. აზროვნების კონცენტრირება საკაცობრიო მასშტაბით გამოიწვევს ადამიანების სულების გაერთიანებას, რომელიც შემდგომი ევლუციის პროცესში მოგვცემს საერთო დედამიწის სულის ფორმირებას — ევოლუცია გადავა სულიერ დონეზე, მგარამ არც ეს არის საბოლოო პროცესი ბიოსფეროს ევოლუციისა, შემდეგი ნაბიჯი ნოოსფეროს განვითარებისა იქნება მისი გაერთიანება ახალი აზროვნების სფეროსთან, ზეინტელექტუალურ სფეროსთან, რომლის განვითარებასაც უკვე აღარ დასჭირდება ადამიანის მატერიალური სხეული და მთლიანად სულიერი სფეროში გადავა, . . ეს ჩამოაყალიბებს დედამიწის ერთიან სულს ( კაცობრიობის განვითარების შედეგს ) . მომდევნო ევოლუციური ნაბიჯი იქნება ის, რომ მოხდება კონცენტრირება და ერთიანობა დედამიწის სულის ყველა ელემენტისა ( მათ შორის კაცობირობისა ) რაც სათავეს დაუდებს "პარუსიას" --- ( დე შარდენი ამ სიტყვით ქრისტეს მეორედ მოსვლას აღნიშნავს ) ეს შესაბამისად გამოიწვევს ღვთიური გარემოს ჩამოყალიბებას დედამიწაზე.
. . ევოლუციის უმაღლესი პოლუსი, წერტილი საბოლოო გაერთიანებისა, არის “ ომეგა ” კაცობრიობის მისია დედამიწაზე ამ თეორიის თანახმად არის მატერიალური სფეროს სულიერ სფეროდ გარდაქმნა. წერტილი “ ომეგა ” დე შარდენის მიხედვით არის ღმერთი, რომელიც თავისი მიზიდულობის წყალობით აძლევს მიმართულებას და მიზანს დედამიწაზე მიმდინარე ნებისმიერ პროცესს. ევოლუციის პროცესი კი თავის მხრივ არის ბუნებრივი მზადება ზებუნებრივი წესრიგისადმი. ამიტომ რა მიმართულებითაც არ უნდა განვითარდეს კაცობრიობა, ევოლუცია აუცილებლად მიიყვანს მას ღმერთამდე და გადაიყვანს სულიერების სფეროში, ეს პროგრესი არავითარ შემთხვევაში არ ეწინააღმდეგება ღვთიურ ჩანაფიქრს, არამედ ემსახურება მის განხორციელებას.
ეს რაც შეეხება შარდენს
(ჩემი აზრით იგი ერთ–ერთი ყველაზე პროგრესულად მოაზროვნე პიროვნებაა)
მისი ერთ–ერთი საინტერესო წიგნია "ადამიანის ფენომენი" –ეს წიგნი წაიკითხე
მატა– შენ დამასწარი და ამ მოძრაობის ფილოსოფიური საფუძვლები მოიკითხე. სწორედ მიხვდი რომ ეს ჯგუფი თითქმის მსგავს ფილოსოფიას ეყრდნობა რასაც იზიარებდა ტეიარ დე შარდენი. მათაც შემოღებული, ანუ აღებული აქვთ ე.წ. "ომეგა" ათვლის წერტილი და ამასთან იზიარებენ ფრიდრიხ ნიცშესა და გოეთეს ფილოსოფიურ შეხედულებებს
"Thus Spake Zarathustra" by Friedrich Nietzsche
" The AntiChrist" by Friedrich Nietzsche
" Twilight of the Idols" by Friedrich Nietzsche
" On the Prejudices of Philosophers" by Friedrich Nietzsche
"The Unexpected Uselessness of Philosophy" by Steve Sailer