td......... ბოროტი იმიტომ ვარ რომ ამას გაჩვენებთ
)) ხო, პროტესტი მაქვსხოლმე სულ რომ ყველას რაღაც უხარია და ბრწყინავს. აი ეს ავატრების კონკურსი არ მომწონს.. იყენებენ ადამიანები ლამაზ სურათებს და ერთმანეთს კომპლიმენტებს ეუბნებიან, ვითომ ყველაფერი კარგად იყოს და ამაზე მეტი სადარდებელი არ ქონდეს ადამიანს
შარშან ახალ წელს კურდღლის დაკვლის და გატყვების პორცესის სურათი მექნა და დიანა არბუსის საშინელი ტექსტით მივულოცე მეგობრებს... რადგან ბევრს ვაოფებ ისედაც და დღეს უნდა დაგეშVიდობოთ, დავდებ და მოგილოცავთ ახალ წელს წინასწარ
QUOTE
Diane Arbus
“მე იმ ძალის ნაწილი ვარ, მუდამ ბოროტის ქმნას რომ ესწრაფვის, კეთილს კი სჩადის.” (გოეთე, “ფაუსტი”)
“ღმერთო, ულხინე ტერორისტს” (ქვესათაური წიგნისა “პოლიტიკური რომანი”, რომელსაც არავინ წაიკითხავს)
ახალ წელს ვულოცავ გასუქებულ პრასტიტუტკას, საახალწლო ინდაურის ფულის საშოვნელად რომ გამოსულა ქუჩაში და დგას ჩაფიქრებული, გაყინული, უსაშველოდ სევდიანი... კლიენტს ელოდება, ამ მარხვაში რომ გაბედავს, მოტყნავს და ცოტა ფულს მისცემს. ის კი იყიდის ინდაურს, ცოტა ნიგოზს და წაუღებს ბებერ მშობლებთან დატოვებულ შვილს.
ახალ წელს ვულოცავ ლტოლვილებს, გაოხრებული სასტუმროს, ცივ ოთახებში, იქიდანაც დღე-დღეზე ხომ გამოყრიან. ლარიან სიგარეტს-სიგარეტზე ეწევიან და წყევლიან გამჩენს, მთავრობას, საკუთარ თავებს კი ყველაზე მეტად.
ახალ წელს ვულოცავ ყველა პატარა გოგოს და ბიჭს, წელს რომ გააუპატიურეს და ახლა ყველა სანტა-კლაუსის სახის დანახვისას ის მოძალადე ახსენდებათ.
ახალ წელს ვულოცავ სანტა-კლაუსებს, სულ რაღაც 10-20 ლარად რომ მუშაობენ და უნდა უხაროდეთ, უნდა სწამდეთ, რომ მომავალი წელი მოიტანს ბედნიერებას, სითბოს, სინათლეს, მაგრამ იციან არაფერი მსგავსი არ მოხდება.
ახალ წელს ვულოცავ ყველა რწმენადაკარგულ ნარკომანს. (მახსენდება ჩემი მეგობარი, ბოევიკების განსაცდელში მყოფი გმირის გამომეტყველებით. ჯვარი ჩამოიგლიჯა, სულ რომ ატარებდა, ბავშვობიდან. მერე უზომოდ მხიარულობდა. ცდილობდა დაემალა თუ როგორი დათრგუნული იყო. ცდილობდა არ შეემჩნია თუ როგორი დათრგუნული იყო ყველა ჩვენგანი.)
ახალ წელს ვულოცავ მარტოხელა მასწავლებელს, რომელმაც ვერ იპოვნა სიყვარული და ჰგონია, მალე მოკვდება.
ახალ წელს ვულოცავ ყველა გარეუბნის მკვიდრს, სასეირნოდ რომ გადის განათებულ რუსთაველზე. მთვრალი, აპათიური და აგრესიული ბრუნდება სახლში, რადგან კიდევ ვერ მოკლა ვერავინ, კიდევ ვერ ჩაუმტვრია ნეკნები და თავის ქალა ვინმე პიდარასტს, პანკს ან თუნდაც თავისნაირ, ქალაქის მეორე ბოლოდან გამოყიალებულ სოფლელს.
ახალ წელს ვულოცავ ყველა მანიაკს თოვლიან ქალაქში, მე მესმის მათი, თუ რაოდენ ძნელია მსხვერპლის შერჩევა.
ახალ წელს ვულოცავ ყველა პატიმარს და მაწანწალა ძაღლებსაც ვულოცავ.
ახალ წელს ვულოცავ მეტროს მატარებლის მემანქანეს, ახალ წელს რომ გვირაბში ხვდება.
ახალ წელს ვულოცავ ყველას ვინც მინისტრების, დეპუტატების, მღვდლების ყინულზე მოსრიალებულმა ჯიპებმა გაიტანა და ყველას ვისი ოცნებაც მოიპარეს.
ახალ წელს ვულოცავ მას, ვისაც თავის აფეთქება უნდოდა. გადადო ცოტა ხნით, ასე თქვა: მომავალ წელს, მომავალ წელს, ცოტაც მოვიცადოთ...
ახალ წელს ვულოცავ ყველა ბომჟს, ყინვაში რომ ჩაეძინება და გამთენიისას უკვე ისეთი მშვიდი სახე ექნება, ისეთი მშვიდი... როგორიც უკვე რა ხანია აღარ მქონია.
ახალ წელს ვულოცავ ისეთ ადამიანებს, ვისაც ჩემს მეტი არავინ არ მიულოცავს და ვინც გამომრჩა.
ახალ წელს ვულოცავ ყველა ანგელოზს ფსიქიატრიულში.
ახალ წელს ვულოცავ საკუთარ თავს, იმედია მომავალ წელს მაინც მოვკვდები.