საინტერესოა კარგია მომეწონა
რა თმა უნდა შეიყვარეთ საკუთარი თავი, შენ თუ არ გიყვარს საკუთარი თავი ვერც იმას დაიჯერებ სხვამ რომ შეგიყვაროს, და საკუთარი თავი თუ არ გიყვარს სხვას როგორ შეიყვარებ? (ოშოს სიტყვებია და ვეთანხმები)
კიდევ ერთი რაღაც ჩანაწერი ვნახე "ყველაფრის პატიება ყველაფრის გაგება ნიშნავს, არ გავაკრიტიკოთ ადამიანები ეს ადამიანს მიიყვანს თვითგამართლებამდე და არანაირი შედეგი არ გვექნება.
მნიშვნელოვანია რომ ადამიანები გულწრფელად შევაქოთ" (ეს მგონი დეილ კარნეგის არის)
ჩემი აზრებს ახლა არ დავწერ კარნეგის დავწერ ძალიან მიყვარს
მას ხშირად მოყავს თავის წიგნში გამონათქვამები საინტერესო კონტექსტებში, პროგრამა დაწერა სიბილა პატრიჯმა და ეწოდება "ცხოვრების სიხარული", ეს არის შიშის და სასოწარკვეთილების ტრანსფორმაცია, დავიწყოთ ბრძოლა ჩვენი ბედნიერებისათვის, ოპტიმისტური კონსტრუქციული აზროვნების საფუძველზე. მას ეწოდება:
"
სწორედ დღეს (ნაწყვეტი კარნეგის წიგნიდან)
1. სწორედ დღეს მე ვიქნები ბედნიერი, "ადამიანთა უმრავლესობა დაახლოებით იმდენადაა ბედნიერი, რამდენადაც მყარად გადაწყვიტეს ყოფილიყვნენ ბედნიერნი."_ ლინკოლნი.
2. სწორედ დღეს ვეცდები იმ ცხოვრებას მივესადაგო რაც გარს მახვევია _ და არ შევეცდები ყველაფრის ჩემს სურვილებთან მისადაგებას, მივიღებ გარემოს ისეთს როგორიც არის და შევეცდები შევეწყო მათ.
3. სწორედ დღეს მე ვიზრუნებ საკუთარ ორგანიზმზე. მე გავაკეთებ ვარჯიშებს, მოვუვლი სხეულს, სწორად ვიკვებები, ვეცდები არ მივაყენო ზიანი ჩემს ჯანმრთელობას, არ უგულებელვყო იგი, რათა ჩემი ორგანიზმი გახდეს იდეალური მანქანა ჩემი მოთხოვნების შესასრულებლად.
4. სწორედ დღეს მე ვეცდები ყურადღება დავუთმო ჩემი გონების განვითარებას, მე რაიმე სასარგებლოს შევისწავლი. მე არ ვიზარმაცებ. მე წავიკითხავ იმას რაც მოითხოვს ძალისხმევას, გააზრებას და კონცეტრირებას.
5. სწორედ დღეს მე შევუდგები ზნეობრივ თვითსრულყოფას. ამისთვის მე განზრახული მაქვს 3 საქმე განვახორციელო: ვინმეს რაიმე სასარგებლოს გავუკეთებ, ისე რომ მან ამის შესახებ არ იცოდეს: მე სულ ცოტა ორ საქმეს გავაკეთებ, რომელთა გაკეთებაც არ მინდა _ უბრალოდ ვარჯიშისთვის.
6. სწორედ დღეს მე ყველას მიმართ კეთილგანწყობილი ვიქნები. მე ვეცდები რომ რაც შეიძლება უკეთესად გამოვიყურებოდე, შეძლებისდაგვარად ჩავიცვამ იმას რაც ყველაზე მეტად მიხდება წყნარი ხმით ვისაუბრებ, თავაზიანად მოვიქცევი, გულუხვი ვიქნები შექებაში, ვეცდები არავინ გავაკრიტიკო, შარი არავის მოვდო და არ შევეცდები ვინმეს ხელმძღვანელობას და ვიღაცის გამოსწორებას.
7. სწორედ დღეს მე ვეცდები ვიცხოვრო დღევანდელი დღით, არ შევეცდები უცბად გადავწყვიტო მთელი ჩემი ცხოვრების პრობლემა. 12 საათის განმავლობაში მე ისეთ რამეებს გავაკეთებ, რომელნიც შოკში ჩამაგდებდნენ, თუ მთელი ცხოვრება მათი გაკეთება მომიწევდა.
8. სწორედ დღეს მე მოვხაზავ ჩემი საქმეების პროგრამას. მე ჩავიწერ, თუ ყოველ საათს რის გაკეთებას ვაპირებ, შესაძლოა ზუსტად ის ვერ შევასრულო მაგრამ მე მას შევადგენ. ეს ამარიდებს 2 ბოროტებას ნაუცბათეობას და გაუბედავობას.
9. სწორედ დღეს ნახევარ საათს სიმშვიდეში და მარტოობაში გავატარებ და მოდუნებას შევეცდები.
10. სწორედ დღეს მე არ შემეშინდება ბედნიერად ყოფნის, სილამაზით ტკბობის, სიყვარულის და იმაში დაჯერების, რომ იმათ რომელნიც მე მიყვარს, მეც ვუყვარვარ.
თუ თქვენ გინდათ საკუთარ თავში გამოიმუშაოთ გონება-განწყობილება, რომელიც მოგიტანთ სიმშვიდეს და ბედნიერებას, შეასრულეთ წესი პირველი:
იფიქრეთ და მოიქეცით გულმხიარულად და თქვენ სიცოცხლის სიხარულს შეიგრძნობთ."
რა ვიცი მგონი საკმაოდ კონკრეტული რჩევები არის ემოციების ტრანსფორმაციასთან დაკავშირებით