ეს სწავლება გვეუბნება, რომ არსებობს სულიერად მაღალ საფეხურზე მდგომი ინდივიდებისგან შემდგარი ჯგუფი, რომელსაც ჰქვია თეთრი საძმო. ასეთი სულიერი ინდივიდები არიან იესო, გაუტამა ბუდა, სენ-ჟერმენი, მოსე, ლაო ძი, კონფუცი, კრიშნა, ზარატუსტრა, ელ მორია (აბრაამი), კუტ ჰუმი (პითაგორა), ილარიონი (პავლე მოციქული) და სხვანი (მათზე არის ბევრი ინფორმაცია შეგიძიათ მოიძიოთ). თეთრი საძმოს მიზანია დაეხმაროს დედამიწას და მის მოსახლეობას განვითარებაში. ასწავლოს ხალხს, რომ სიყვარული არის გზა, სიცოცხლე და ჭეშმარიტება. თეთრმა საძმომ, რომლის შესახებაც ინფორმაცია დიდი ხნის განმავლობაში დაფარული იყო მასისთვის, XIX საუკუნის მეორე ნახევარში გადაწყვიტა, რომ დრო მოვიდა, რათა მან გამოავლინოს საკუთარი თავი. ხალხის ცნობიერება მეტნაკლებად განვითარდა იქამდე, რომ ადამიანთა შედარებით დიდ რაოდენობას შესწევს უნარი გაიგოს და აღიქვას ჭეშმარიტება. ამიტომ ამაღლებულმა მეუფეებმა ელენა პეტროვნა ბლავატსკაიასთან თანამშრომლობით 1875 წელს დააარსეს თეოსოფიური საზოგადოება (Theosophical Society). ეს საზოგადეობა შეიქმნა იმისათვის, რომ გაევრცელებინა სულიერი იერარქიის სწავლება. ამ საზოგადეობაში შედიოდნენ ისეთი მნიშმელოვანი ოკულტისტები როგორებიც არიან თავად Helena Blavatsky, Henry Steel Olcott, William Quan Judge, Charles Webster Leadbeater, Annie Besant, Alice Bailey, Rudolf Steiner და სხვანი. მათ წიგნებში უდიდესი ცოდნაა გადმოცემული, რადგან ისინი თავად ამაღლებული მეუფეების მიერ სწავლობდნენ და იწვრთნებოდნენ. თვითოეულ მათგანს განსხვავებული სულიერი გამოცდილება აქვს, ამიტომ, იმისდა მიუხედავად, რომ ამ საზოგადეობის ცენტრალური ფიგურა მაინც ბლავატსკაია იყო, დანარჩენი წევრები არანაკლებ ცოდნას ფლობდნენ.

ამ საზოგადოებას გარკვეული მიზეზების გამო გამოეყო რუდოლფ შტაინერი (Rudolf Steiner) და 1913 წელს ჩამოაყალიბა საკუთარი ოკულტური დისციპლინა, რომელსაც ანთროპოსოფია უწოდა. ამას მოჰყვა ნიკალაი და ელენა რერიხების (Nicholas & Helena Roerich) მიერ 1920 წელს დაარსებული აგნი იოგას საზოგადოება (Agni Yoga Society). რერიხების ოჯახი ისევე, როგორც ელენა ბლავატსკაია ახლო კავშირში იყო ამაღლებულ მეუფე ელ მორიასთან (რომელიც ერთ დროს აბრაამად იყო განსხეულებული) და რაღა თქმა უნდა, თეთრ საძმოს ემსახურებოდა. 1930 წელს ამერიკელი ოკულტისტების გაი და ედნა ბალარდების (Guy & Edna Ballard) ოჯახმა მეუფე სენ-ჟერმენის შეწევნით დააარსა ‘მე ვარ’ მოძრაობა ("I AM" Activity). ამას მოჰყვა ჯერალდინ ინოსენტის (Geraldine Innocente) The Bridge to Freedom (1951) და მარკ ფროფეთის (Mark Prophet) The Summit Lighthouse (1958), შემდეგში მისი ცოლის ელიზაბეტ კლერ ფროფეთის (Elizabeth Clare Prophet) მიერი 1975 წელს რეორგანიზებული, როგორც Church Universal and Triumphant (1975). ეს ოკულტისტები შრომობდნენ იმისათვის, რომ იერარქიის სწავლება მიეტანათ ადამიანებამდე. ზემოთ ჩამოთვლილთა გარდა სხვა ავტორები და საზოგადოებებიც არსებობს, რომელებიც იმავე საქმეს ემსახურებიან, მაგალითად ჩვენი თანამედროვე ბენჟამინ კრემი (Benjamin Creme).

რაც შეეხება თავად ამ ოკულტისტებს და მათ რაობას. ისინი იერარქიის სწავლებასთან და მის პრინციპებთან არიან ნაზიარები, იმის და მიუხედავად, რომ ძირითადი კონცეფციები მათ საერთო აქვთ, ისინი პირადი გამოცდილებიდან ლაპარაკობენ, ამიტომ თითოეული მათგანის ცოდნა და გამოცდილება განუმეორებელია.

ელიზაბედ კლერ ფროფეთის ამ ლექციაში გადმოცემულია დედამიწის სულიერი იერარქიის 7 სხივის მეუფის შესახებ.

https://www.youtube.com/watch?v=RidAKDDM81c

აუ მე ვსწავლობ ეხლა გერმანიაში თეოსოფიას უკვე 10 თვეა და ორ თვეში ვამთავრებ მაგარი საინტერესო ლექციები აქვთ აქ. სადაც მე ვსწავლობ აქ შტუტგარტში მარკო ბინდელი კითხულობს ლექციებს.

თეოსოფია ძაან მაგარი სწავლებაა და საქართველოსთვის ძაან კარგი იქნებოდა. მაგრამ აი მღვდლებს რას უზამ თორე მართლა კარგი იქნებოდა..........

მოხარული ვარ.. ერთი რამეა გასათვალისწინებელი. ის სწავლება, რომელის გავრცელებაც თეოსოფიურმა საზოგადოებამ დაიწყო, მარტო თეოსოფიარ საზოგადოებასთან არაა დაკავშირებული. ბევრი გამგრძელებლი ყავს მაგ სქმეს. ეგ სწავლება იგივე თეთრი იერარქიის სწავლებაა (ამაღლებულ მეუფეთა სწავლება), რომელიც სხვა და სხვა გზით გადაეცემა ხალხს, თეოსოფიური საზოგადოება მხოლოდ ერთ-ერთია სხვა მრავალთა შორის, რერიხებმა აგნი იოგა დაარქვეს მაგალითად, ამერიკაში ascended master teachings ეძახიან და ასე შემდეგ. მაგრამ იგივე სწავლებაა. იგივე საფუძველი, იგივე წყარო. თუ მოგწონთ ეს სწავლება ეს საიტი დაგაინტერესებთ olmek.ru - ქართულენოვანია.

თუმცა კი არც ისე იდეალურად არაა საქმე, ბევრი შეცდომები, გაუგებრობები, უთანხმოებები და პრობლემები ამ მიმართულების ოკულტისტებს შორისაც...

მერლინ, როგორ ხარ მეგობარო?

სალამი ატმან როგორც ყოველთვის ენთუზიაზმით აღსავსე თავად?

Merlin

ჩატარდა თუ არა ოლმეკის ფასიანი ლექცია ? და არიან ადამიანები ვისაც პრაქტიკა აინტერესებთ ?

ოლმეკის ლექციები ტარდება. 5 აპრილს იქნება ლექცია მაგიურ პასებზე.

სიყვარულის პრაქტიკას მიყვება ხალხი, დანარჩენისა რა გითხრა... პრაქტიკით დაინტერესება ძალიან დაბალია ზოგადად.

უფრო კონკრეტულად... მაგიური პასები ანუ მესმერიზმი???

სავარაუდოდ კასტანედას მაგიური პასები იგულისხმება..

აი აქ ნახე

http://www.esoteric.ge/forum/index.php?showtopic=2190

კი, კასტანედას რაც უწერია მაგ მაგიურ პასებზეა ლაპარაკი

პირველ რიგში მინდა დავწერო რომ სულიერი იერარქია და მასწავლებლები (მეუფეები ) არ ეკუთვნის არც ერთ სკოლას თუ მიმდინარეობას როგორიცაა თეოსოფები ან ანტროფოსოფები და ასე შემდეგ.....

უბრალოდ ამ ეზოთერულ გარეთიანებებს ქონდათ მეტ ნაკლები კონტაქტი იმ დიდ სულებთან რომლებიც როგორც მთლიანი პლანეტის ასევე თითოეული ადამიანის სულიერ ევოლუციაში ძალიან დიდი როლს თამაშობენ

აქ მოვიყვან ნაწყვეტებს ამაღლებული მეუფეების სწავლებებიდან, ალბათ ძირითადად მეუფე ჯუალ კჰულის რომლის სწავლებაც მეოცე საუკუნის დასაწყისში განსაკუთერებული უნარების მეშვეობით მიიღო ბევრისთვის ცნობილმა ალისა ბეილიმ

რაც ყველაზე მნიშვნელოვანია ჩემი ამ თემაში აქტიურობა არ ისახავს მიზანს უბრალოდ წიგნებიდან რაღაცეების კოპირებას, ყველაზე მთავარი და მამოტივერებელი ჩემთვის აღმოჩნდა ის რომ ამ მასწავლებლებთან კონტაქტი ყველა ადამიანს შეუძლია ვისაც მკაფიოდ აქვს განზრახული სულიერ გზაზე სიარული და აქვს ნებისყოფა დაემორჩილოს იმ დისციპლინას რის გარეშეც შინაგანი ტრანსფორმაციის მოლოდნი თავის მოტყუებაა ,, ჩვეულებრივი მეთოდებით არაჩვეულებრივი შედგები არ მიიღწევა''

ვისავ სურს საკუთარი უშუალო გამოცდილებით შეეხოს მასწავლებლებს, დანარჩენს გაიგებს ფეისბუქის ამ ჯგუფებიდან და იმ ადამიანთან შეხვედრისას რომელსაც ჩემს მასწავლებალად მივიჩნევ.

FB ჯგუფები: ზეადამიანები

https://www.facebook.com/groups/zeadamianebi/

სიყვარულის პრაქტიკა და პირადი გამოცდილება

https://www.facebook.com/groups/sikvarulisp...adigamocdileba/

აღმდგენი ვარჯიშები

https://www.facebook.com/groups/Agmdgenivarjishebi/
--------------------

მეუფე ჯუალ კჰული (ჩანახატი)

როგორც ვიცი ქალბატონა ბლავატსკაიამ თანამოაზრეებთან ერთად ნახა ძმები კრიშნამურტები ინდოეთში და ჯიდუ კრიშნამურტიზე თქვეს რომ არის შემდეგი მესია, ჯიდუმ უარყო ყოველგვარი სისტემა და ცალკე დადგა, ასე ვთქვათ დაანგრია მთელი თეოსოფიური სკოლა. რას ფიქრობთ თემის ავტორო ამ ფაქტზე? ჯიდუ კრიშნამურტის რამდენად იცნობთ?

ბლავატსკაიას არ უნახავს. მისი საქმის გამგრძელებლებმა leadbeater-მა და annie besant-მა ნახეს. თეოსოფიური სწავლების მიხედვით (და არა მარტო) იესო და ქრისტე არის სხვა და სხვა ინდივიდუალობა. კრიშნამურტის გასაგებად ამის გაგებაა საჭირო. იესო იყო განდობილი, რომელსაც ასხივოსნებდა მსოფლიო მასწავლებელი ქრისტე. ასხივოსნებდა ნიშნავს რომ იესო იყო ქრისტეს გამტარი, მისი ინსტრუმენტი. აი შეხედეთ http://olmek.ru/sulieri_ierarqia.htm ქრისტე სად არის და იესო სად? უფრო ზუსტად რომ გითხრათ ქრისტე არის სულიერი საფეხური (და ამავე დროს სულიერი თანამდებობა იერარქიაში) რომელიც უკავია ამ გრანდიოზულ სულიერ სიმაღლეზე მყოფ ინდივიდუალობას - უფალ მაიტრეას. ანუ სხვა სიტყვებით: მაიტრეა ქრისტეს ცნობიერება შესული იყო იესოში და მისით მოქმედებდა - იესო იყო მისი გამტარი, ინსტრუმენტი. თუ გახსოვთ იესოს ფრაზა გარდაცვალების წინ: უფალო, უფალო რატომ მიმატოვე? ეს ყოველთვის არალოგიკურად მეჩვენებოდა სანამ არაფერი არ ვიცოდი. რატომ უნდა მიეტოვებინა ღმერთს იესო, ან იესოს რატომ უნდა ჰგონებოდა რომ ღმერთმა მიატოვა. ეკლესიაში ამას ასე ხსნიან: რომ აქ იესოს მიწიერი ბუნება ჩანსო, ანუ ის რომ ნახევრად მაინც ადამიანიაო. ხოლო იქიდან გამომდინარე რაც მე ვთქვი მაიტრეა ქრისტეზე გასაგებია, რომ ღმერთმა კი არ მიატოვა, უბრალოდ გარდაცვალებიდან რამოდენიმე წამით ადრე ქრისტემ (მაიტრეამ) დატოვა იესო, ანუ გავიდა მისგან.

მეოცე საუკუნეში კი იესოს ფუნქცია კრიშნამურტის უნდა შეესრულებინა, ანუ ის უნდა გამხდარიყო ქრისტეს (მესიას) ინსტრუმენტი. მაგრამ კრიშნამურიმ ამაზე თავისი თავისუფალი ნებით უარი თქვა. ამის შემდეგ გადაწყდა რომ მაიტრეა აღარ გამოიყენებს განდობილს როგორც გამტარს, ხალხთან საურთიერთოდ. არამედ როცა დრო მოვა თავად გამოჩნდება თავისი ფიზიკური სხეულით. თეოსოფიურ საზოგადოებაში კრიშნამურტის წასვლის შემდეგ სხვა უამრავი სახელოვანი ადამიანი მოღვაწეობდა. ეს საზოგადოება დღესაც არსებობს, უბრალოდ კრიშნამურტის გადაწყვეტილება დიდი დარტყმა იყო მათთვის.

http://olmek.ru/Meored%20mosvla.htm აი ეს სტატია მაგ თემას ეხება.

https://www.youtube.com/watch?v=JpXEvA_bu8k...UQDc_KI5TDRNBgh
აი ბენჟამნინნ კრემიც ზუსტად ამ საკითხებზე ლაპარაკობს. ბენჟამინ კრემი (როგორც თვითონ ამბობს) არის მედიუმი, რომელიც დაკავშირებულია მაიტრეასთან. ისევე როგორც ალისა ბეილი იყო ჯუალ კჰულთან.

ვინ რამდენად სანდოა ეს თავად უნდა გადაწვიტოს ადამიანმა. აი მოსმენით კი გირჩევთ რომ მოუსმინოთ.

Merlin
მადლობელი.
როგორ ფიქრობთ, ჭეშმარიტებამდე მისასვლელად რამე სისტემაა საჭირო? არსებობს გზა ჭეშმარიტებისკენ, თუ ინდივიდმა თვითონ უნდა "გაკვალოს", ესეიგი საკუთარ თავში იპოვოს ის რასაც სიტყვა ვერ აღწერს? ორგანიზებულ რელიგიებზე რას ფიქრობთ? რწმენა რა ფენომენია თქვენთვის, მწამს იმის რასაც ვერ ვხედავ ფაქტებით, ასეა თU არა?

ichi

მერლინმა ისე ამომწურავად გიპასუხად კრიშნამურტიზე მხოლოდ იმას დავამატებ რომ მისი პირველი წიგნი У ног учителя არის მზგავსი ,,გამტარობით'' დაწერილი წიგნი და თუ წაიკითხავთ ნახავთ რომ მისი სტილისგან მართლაც განსხვავებულია

Считается, что книга отражает учение, преподанное Кришнамурти его Учителем во время подготовки к Посвящению.

http://www.koob.ru/krishnamurti/u_nog_uchitelya

კრიშნამურტის ერთ-ერთი ძირითადი იდეა დგას იმაზე რომ ავტორიტეტი დამუპველია და გზას ჭეშმარიტებისკენ ვერანაირი სისტემა ვერ გასწავლის, ამაზე მაქვს მთავარი კითხვა, ბიოგრაფიულად ვფიქრობ საკმარისად ვიცნობ. რატომ განუდგა გადაწყვეტ მომენტში, მე ვფიქრობ დაინახა ის რაზეც მთელი თავისი ცნობიერი ცხოვრება ამბობდა, თავად ნახავ ან ვერ ნახავ, აი ეს.

ichi

მასწავლებელი ჭირდება ყველას ძლიან იშვიათი გამონაკლისების გარდა, უდუდესი უმრავლესობისათვის იმის მტკიცება რო მასწავლებლის გარეშე რამეს გააკეთებს ან მას ეს არ ჭირდება და ასე შემდეგ არის მხოლოდ თავის მოტყუება, სულიერი გზაზე ევოლუცია ხდება ინიციაციის და განდობის გზით ეს კანონია.

მეუფე ჯუალ კჰული - საუბრობს მიზნისკენ მიმავალ გზაზე არსებულ დაბრკოლებებზე


დიდი განდობების დროს მოქმედებს პრინციპი რაც გამოიხატება იმაში, რომ მოსწავლის შესაძლებლობა გაიაროს დიდი გამოცდები პირდაპირ დაკავშირებულია იმასთან თუ როგორ გადის ის ყოველდღიურ ცხოვრებაში პატრა პატარა დაბრკოლებებს და გამოცდებს.

,,მცირედში ერთგული ბევრშიც ერთგულია’’ - ეს არის ოკულტური გამონათქვამი რომლითაც უნდა იხელმძღვანელოს ყველა რეალურმა მაძიებელმა . ,, დიდი ‘’ გადაილახება და დაიძლევა რადგან ეს მხოლოდ ინტენსიფიკაციაა ნორმის . არც ერთ განდობილს არ გადაულახია დიდი გამოცდები განდობის წინ თუ ის არ წვრთნიდა საკუთარ თავს პატრა დაბრკოლებების დროს ყოველდღიურ ცხოვრებაში.

როდესაც გამოცდები იქცევა ნორმად და მასთან შეხვედრები მაძიებლისთვის აღიქმება როგორც ცხოვრების შემადგენელი ნაწილი , როდესაც მიღწეულია და დამკვიდრებული ასეთი მძლავრი განზრახვა, არ არსებობს მოულოდნელობები და დამარცხება გაზე .

მეუფე ჯუალ კჰული - ურთიერთდამოკიდებულების კანონზე


ეთერული სხეულის პრანის ემანაციები ფიზიკურ სხეულზე ახდენენ ზუსტად იგივე ზეგავლენას როგორსაც მზის პრანის ემანაციები ახდენენ თავად ეთერულ სხეულზე . ეს ყველაფერი ერთი - დიდი მექანიზმია სისტემაში ენერგიის გადაცემისა და ურთიერთადამოკიდებულების.

ამ მთავარი პრინციპის გათავლისწინებით - ,,ყველა იღებს რათა გასცეს '' , გადასცეს მას ვინც უფრო ნაკლებად არის განვითარებული. ამ პროცესის დაკვირვება შესაძლებელია ყველა დონეზე.

Existence

გაიხარე ამ სიტყვებისთვის
. მე უკვე მაღიზიანებს, ყოვლისმცოდნეების მიერ ირონიული ფრაზები - ინფორმაციებს რომ მალავენ და სათქმელს ნახევარზე ტოვებენ, თითქოს რაღაც თემებზე მხოლოდ რჩეულებს უნდა ესაუბრო. ვინც არ იცის, იმას უნდა მოუყვე, თორემ ვინც იცის რაში სჭირდებით, თქვე ყოვლისმცოდნეებო, თქვენა ჰა? :დ

გააჩნია მასწავლებელს რას ეძახი, რაღაც რომ გითხრას შენთვის სრულიად გაუგებარი და გამომყევი ამ გზაზეო, გაყვები? რას ნიშნავს მასწავლებელი? ეს მათემატიკა და გეოგრაფია არ არის რომ ბევრჯერ ამიხსნას და გავიგო, გაცილებით რთულია, არ არის ეს სტატიკური ცოდნა, ხოდა შეიძლება მეგობარი იყოს და ერთად "იმუშაოთ' თორემ ავტორიტეტი ამ საქმეში ჩემი აზრით დამღუპველია. არავინ არ არის ვინმეზე ნაკლები ან მეტი, შეიძლება წამში სხვაზე მეტი გააცნობიერო. ჩემი აზრით რასაც ვერ ხვდები იქ არ უნდა გაყვე არავის, შეიძლება საკუთარ თავს გაყვე მაგრამ არა სხვას.

tikoroma

არსებობს ინფორმაცია რომელსაც მხოლოდ შესაბამის განდობაზე მიიღებ , მაგრამ ჩემი ოლმეკით დაინტერესება და ეხლა ამ გზაზე სიარული გამოწვეული იყო იმით რო ერთადერთი ადამიანი აღმოვაჩინე ვისაც ამხელა გამოცდილებაზე დამყარებული ცოდნა აქვს და თან არანაირი ეგ შენ რასაც იძახი ვითომ გასაიდუმლოებული და გაბარილი ეგო

ichi

სრულიად გაუგებარი თუ მითხრეს ნამდივილად არ გავყვები, არაერთი მასწავლებელი შემხვედრია რომელიც უბრალოდ ეგეთ მინდობას მთხოვდა რაც ჩემთვის სრულიად მიუღებელია

თუ სურვილი გექნება სულ პირველი ლექცია თუ ჩატარდა გაგაგებინებ და მოდი , ჩემთვის ძალიან რთული იქნება ამ კონტექსტში უფრო ღრმად გავშალო თემა.

კარგი. ოლმეკია მასწავლებელი ანუ ვინც "ასწავლის"? მაინტერესებს კი.

ოლმეკის მეშვეობით დავიწყე პრაქტიკა, შეიძლება მასწავლებლად ჩათვალო შეიძლება ინსტრუქტორად , მისი გამოცდილება მეხმარება და ვისაც დააინტერსებს იმასაც ძალიან გამოადგება , ამაღლებულ მეფეებთან კონტაქტი ყველას შეუძლია გარკვეული დისციპლინის და ძალისხმევის შედეგად, ამაში მხოლოდ პარქტიკით დარწმუნდები.

რა რელიგიას მიყვება ოლმეკი? ვისი სჯერა? ვისი სწამს? რა არის მთავარი მისი ორენტირი?

ichi
შენ რისი გწამს იჩი?

tty_
თავისუფლების და სიყვარულის. ეს არი ჩემი ღმერთიც გურუც და ა.შ. თავისუფლება ყოველგვარი მიჯაჭვულობებისგან, შიშისგან, სიამოვნებებისგან.... და თვითონ არსებობის სიყვარული. არ არსებობს არანაირი სისტემა რომელიც სიყვარულს და თავისუფლებას "გასწავლის". ვერც ორგანიზებული რელიგია იზავს ამას და ვერც ვერანაირი გურუ, შეიძლება ერთად სიარულით გააკეთონ ადამიანებმა ოღონდ აქ არანაირი ავტორიტეტი არ უნდა ფიგურირებდეს. შენ ხარ შენი მასწავლებელიც გურუც და ყველაფერი, ეს ნიშნავს აცობიერებდე საკუთარ თავს ყოველ წამს, აცნობიერებდე ფიქრს და ყველაფერს, ჩემი აზრით მერე თავად ნახავს ადამიანი იმას რასაც ფიქრი ვერასდროს მიხვდება.
შენ რისი გწამს>

დაიწყო სიზმართხილვის პრაქტიკით კასტანედას წიგნებიდან, როდესაც ამას აპრაქტიკებ ინტენსიურად გამოდიან მასწავლებლები სხვა და სხვა მიმართულების ნელ ნელა გამოვიდნენ კონტაქტზე იერარქია რომელიც პასუხს აგებს ამ სისტემაში სულიერ ევოლუციაზე და არა მარტო, რაც მთავარია ეს ყველაფერი პრქტიკით დასტურდება და სევე ცოდნით რომელიც ძალიან კონკრეტლია , დანარჩენს შეხვედრაზე გაიგებ აუცილებლად მოგწერ როცა იქნება

თუ წაიკითხავ მანმდე ალისა ბეილის ამ წიგნს გაიგებ ზუსტად როგორ ხდება განდობა და რა საფეხურებია http://www.koob.ru/bailey/posvyashenie_chel_i_sol მარტივი წიგნია არაა და თუ პრაქტიკოსი არ ხარ შეიძლება გადააგდო კიდეც

Но мы должны верить в писание, доктрину или
утверждение, если наш собственный разум, наше сознание, их
подтверждает. "Поэтому, - говорит Он в заключение, - я учил
вас верить не тому, что вы просто слышали, а тому, что
подтверждается вашим сознанием, чтобы затем действовать
соответственно и сверх того
მაგ წგნშივე წავიკითხე, აბსოლუტურად ვეთანხმები.

ichi

)

წესები კანდიდატთათვის


ვისაც ძნელად მოეჩვენება -- > ,,ჩვეულებრივი მეთოდებით არაჩვეულებრივი შედეგები არ მიიღწევა''


1.

"დაე მოსწავლემ გამოიკვლიოს თავისი გულის ღრმა გამოქვაბული. თუ ცეცხლი მასში მკაფიოდ კაშკაშებს, თავის მოძმეს ათბობს და თავად მას არ ათბობს, ეს ნიშნავს, რომ დადგა საათი თხოვნისთვის და კარიბჭის წინ წარდგენისთვის".


როცა სიყვარული ყველა არსებისადმი, როგორებიც არ უნდა იყვნენ ისინი, შეიგრძნობა მოსწავლის გულში, და ამასთან საკუთარი თავისადმი სიყვარული არაა, ეს მიანიშნებს იმაზე, რომ იგი უახლოვდება განდობის პორტალს და შეუძლია დადოს აუცილებელი წინასწარი აღქმები. ეს უნდა მოხდეს მანამ, სანამ მისი მასწავლებელი მის სახელს შეიტანს განდობის კანდიდატად განსახილველად.

თუკი ადამიანისთვის სულერთია დაბალი „მე“-ს ტანჯვები და ტკივილები, თუკი მისთვის არ აქვს მნიშვნელობა, მოვა თუ არა მასთან ბედნიერება, თუკი მისი ცხოვრების ერთადერთ მიზანს წარმოადგენს სამყაროს მსახურება და სამყაროს გადარჩენა, და თუ მოძმის საჭიროება მისთვის უფრო მნიშვნელოვანია, ვიდრე საკუთარ საჭიროება, ეს ნიშნავს, რომ სიყვარულის ცეცხლი ანათებს მისი არსებიდან, და სამყაროს შეუძლია გათბეს მის ფეხებთან.

ეს სიყვარული ქმედითი უნდა იყოს, პრაქტიკული გამოვლინება, და არა უბრალოდ თეორია, არაპრაქტიკული იდეალი ან სასიამოვნო გრძნობა. ესაა ის, რაც ცხოვრებისეული გამოცდებითა და შემოწმებებით გაიზარდა და სიცოცხლის პირველად იმპულსს თვითშეწირვისკენ და დაბალი ბუნების მსხვერპლად შეწირვისკენ მიმართავს.

თარგმნა : მამუკა გურული
Atm@n

წესი 2

"წარადგენს რა თხოვნის განაცხადს სამმაგ ფორმაში, დაე მოსწავლემ უკან წაიღოს იგი, და დაივიწყოს, რომ იგი წარდგენილ იქნა".

ამაში მდგომარეობს ერთ-ერთი საწყისი გამოცდა. მოსწავლის გონებრივი პოზიცია ისეთი უნდა იყოს, რომ მისთვის სულერთია, მიიღებს თუ არა განდობას. ეგოისტური მოტივი დაუშვებელია. მხოლოდ ის თხოვნები, რომლებიც მასწავლებლამდე მიდიან სუფთა ალტრუისტული განზრახვის წყალობით, გადაეცემა მის მიერ იერარქიული არქივის მსახურ ანგელოზს; მხოლოდ ის მოსწავლეები, რომლებიც ისწრაფვიან განდობისკენ, რათა გააძლიერონ იმ დახმარებისა და კურთხევის უნარი, რომლებსაც გასცემენ, იპოვნიან გამოხმაურებას თავიანთ თხოვნაზე.

ისინი, ვინც არასერიოზულად უდგებიან განდობას, არ დაიშვებიან ოკულტური განდობის რიტუალზე, ხოლო ისინი, ვისაც სწყურია, რომ მონაწილეობა მიიღონ მისტერიებში ეგოიზმიდან ან ცნობისმოყვარეობიდან გამომდინარე, ვერ გადალახავენ ზღურბლს და გარეთ დარჩებიან.

ისინი, ვისაც მსახურება სწყურია, ვისაც მოუხმობს სამყაროსადმი საჭიროების გრძნობა და ამ გრძნობით გაღვიძებული პირადი პასუხისმგებლობა, და ვინც კანონს იცავს, აკაკუნებენ - და პასუხსაც იღებენ, თხოვნას წარადგენენ - და აღიარებას ჰპოვებენ. ესენი არიან ისინი, ვინც ღაღადებს, რათა გაზარდონ სხვებისადმი დახმარების თავიანთი შესაძლებლობა, და ეს ღაღადი აუცილებლად აღწევს მათ სმენამდე, ვინც მდუმარედ ელოდება.


წესი 3

"სამმაგი უნდა იყოს ვედრება, და ბევრი დროა საჭირო, რომ მან გაიჟღეროს. დაე მოსწავლის ვედრება გაისმას უდაბნოს, ზღვებისა და ცეცხლის გავლით, რომლებიც აშორებენ მას დაფარული და უჩინარი კარისგან".


ამ სიმბოლოთი მოსწავლეს ეძლევა შეტყობინება, რომ აიძულოს ფიზიკური პლანის უდაბნოს - აყვავდეს, როგორც ვარდი, რათა მდაბალი ცხოვრების ბაღიდან აღიმართონ ის ბგერები და არომატები, და ის საკმარისად ძლიერი ვიბრაცია, რომლებსაც ძალუძთ გადალახონ შუალედური სივრცე მასსა და პორტალს შორის; დააწყნაროს ემოციური ცხოვრების მჩქეფარე წყლები, რათა მათმა გამჭვირვალე და მშვიდმა ზედაპირმა აირეკლოს პორტალი და მდაბალი ცხოვრება შინაგანი ღვთაების სულიერ ცხოვრებას ასახავდეს; გამოსცადოს ცეცხლოვან ღუმელში ის მოტივები, სიტყვები და აზრები, რომლებიც მთავარ მამოძრავებელ ძალას წარმოადგენენ მის საქმიანობაში და მენტალურ პლანზე იბადებიან.

როცა გამოვლენადი ეგოს, შინაგანი ღმერთის ეს სამი ასპექტი კონტროლის ქვეშაა აყვანილი. კოორდინირებულია და გამოიყენება, მაშინ, მოსწავლისთვის გაუცნობიერებლადაც კი, მისი ხმა - დაჟინებული თხოვნა კარის გაღებისა - შესმენილ იქნება.

როცა მდაბალი ცხოვრება ფიზიკურ დონეზე განაყოფიერებულია, ემოციური - სტაბილიზირებული, ხოლო მენტალური - გარდაქმნილი, ვერაფერი შეუშლის ხელს ციხე-სიმაგრეს - გაიღოს, ხოლო მოსწავლეს - კარი გაიაროს. მხოლოდ ვიბრაცია, სინქრონული იმასთან, რაც კარის მეორე მხარესაა, იწვევს მის გაღებას, და როცა მოსწავლის ცხოვრების ტონალობა თანაჟღერადია იერარქიული ჟღერადობის ტონალობისა, კარიბჭეები ერთი-მეორეს მიყოლებით იღება და ვერაფერი შეუშლის ხელს მათ გახსნას.

თარგმნა : მამუკა გურული
Atm@n

წესი 4

"დაე, მოსწავლემ იზრუნოს ცეცხლის გაძლიერებაზე, გამოკვებოს პატარა სიცოცხლეები და ასე შეინარჩუნოს ბორბალი მოძრაობაში".

ესაა მოწოდება მოსწავლისადმი, რომ ახსოვდეს თავისი პასუხისმგებლობა იმ მრავალრიცხოვან მცირე სიცოცხლეებთან მიმართებაში, რომლებიც მთლიანობაში შეადგენენ მისი სხეულის სამმაგ გამოვლინებას. ამის წყალობით შესაძლებელია ევოლუცია, და ასე ნებისმიერი ცხოვრება ბუნების სხვადასხვა საუფლოებში, ცნობიერად თუ არაცნობიერად, ასრულებს სწორი ენერგეტიზაციის თავის ფუნქციას, რაც მასთან მიმართებაში იმას წარმოადგენს, რასაც პლანეტა დედამიწა მზესთან მიმართებაში. ამგვარად, ლოგოსური გეგმის გახსნა უფრო ზუსტად მოხდება. ცათა სასუფეველი შიგნითაა, და შინაგანი, დაფარული მმართველის მოვალეობა ორმაგია: პირველ რიგში იმ სიცოცხლეებთან მიმართებაში, რომლებიც მის სხეულებს (ფიზიკურს, ასტრალურს და მენტალურს) შეადგენენ, შემდეგ - მაკროკოსმოსთან მიმართებაში, სამყაროსთან, რომლის უსასრულოდ მცირე ნაწილაკსაც შეადგენს მიკროკოსმოსი.

წესი 5

"დაე, კანდიდატმა იზრუნოს იმაზე, რომ მზის ანგელოზმა დაჩრდილოს მთვარის ანგელოზთა შუქი და ერთადერთ სინათლედ დარჩეს მიკროკოსმოსის ცაზე".

ამ წესის შესასრულებლად, ყოველმა კანდიდატმა ორი რამ უნდა შეასრულოს. პირველ რიგში, უნდა შეისწავლოს თავისი წარმომავლობა, გააცნობიეროს თავისი ნამდვილი ფსიქოლოგია, ამის ოკულტური გაგებით, მეცნიერულად შეიცნოს ეგოს, ანუ უმაღლესი „მე“-ს რეალური ბუნება, რომელიც კაუზალურ სხეულში მოქმედებს. შემდეგ მან უნდა განამტკიცოს ფიზიკურ პლანზე სამი მდაბალი სხეულის მეშვეობით თავისი შინაგანი ღვთაებრიობა და მზარდად მოახდინოს თავისი არსობრივი ღირებულების დემონსტრირება. მეორე რიგში, მან უნდა შეისწავლო ადამიანის შემადგენლობა, გაიგოს მდაბალი ბუნების ფუნქციონირების მეთოდი, გააცნობიეროს მთელი ცოცხალის ურთიერთ-დამოკიდებულება და ურთიერთ-კავშირი, და ამგვრად ისწავლოს იმ მცირე სიცოცხლეების კონტროლი, რომლებიც მისი გამოვლინების სამ სხეულს შეადგენენ. ასე ხდება მზიური მეუფე, შინაგანი რეალობა, მამის ძე, მოაზროვნე თავის საკუთარ პლანზე, შუამავალი მას შორის, რაც დედამიწისაა, და მას შორის, ვისი სამყოფელიც მზეზე იმყოფება. ბიბლიის ორ ლექსში დაფარულია მსგავსი იდეა, და დასავლეთელი მოსწავლეებისთვის სასარგებლოა მათზე მედიტირება: „ქვეყნის სამეფო ჩვენი უფლისა და მისი ქრისტეს სამეფო გახდა, და იმეფებს უკუნითი უკუნისამდე“ (იოანეს გამოცხადება, 11:15). „უფალო, ღმერთო ჩვენო! შენს გარდა სხვა მეუფენი გვბატონობდნენ, მაგრამ მხოლოდ შენში ვახსენებთ შენს სახელს“ (ესაია, 26:13). უკანასკნელი ლექსი განსაკუთრებით საინტერესოა, რადგანაც იგი აჩვენებს დაბალი ბგერისა და შემოქმედებითი ძალის ჩახშობას იმით, რაც წარმომავლობით უფრო მაღლა დგას.

თარგმნა : მამუკა გურული
Atm@n

წინასწარ ვიტყვი, რომ ტექსტის დასაწყისში ნახსენები "მეორე", "მესამე" და "მეოთხე" აღნიშნავს შესაბამისად მცენარეთა სამეფოს, ცხოველთა სამეფოს და ადამიანთა სამეფოს (პირველი - მინერალთა სამეფოა).

წესი 6

"განმწმენდი ცეცხლი მბჟუტავი, სუსტი ალით ანთია, როცა მესამე მიაქვთ მეოთხეს სამსხვერპლოზე. ამიტომ, დაე, მოსწავლემ თავი შეიკავოს სიცოცხლის ხელჰყოფისგან, და დაე, მან მდაბალი მეორეს ნაყოფებით გამოჰკვებოს".

ეს კანონი შეიძლება გამოხატულ იქნეს ბანალური წესით ყოველი მოსწავლისათვის, რომ იყოს მკაცრი ვეგეტარიანელი. თუ დიეტაში ხორცი შედის, მაშინ მდაბალი ბუნება ბინძურდება და მძიმდება, და შინაგან ცეცხლს არ შეუძლია, რომ კაშკაშად ანათოს. ეს უმკაცრესი წესია კანდიდატისთვის, რომელიც არ შეიძლება დარღვეულ იქნეს. მაძიებლებს შეუძლიათ ჭამონ ხორცი, ან არ ჭამონ, თავისი სურვილის მიხედვით, მაგრამ გზის გარკვეულ სტადიაზე აუცილებელია ყოველგვარ ხორცზე უარის თქმა და დიეტისთვის ყველაზე მკაცრი ყურადღების დათმობა. მოსწავლე უნდა შემოიფარგლოს მხოლოდ ბოსტნეულით, მარცვლეულით, ხილით და კაკლებით.

მხოლოდ ასე შეუძლია მას ისეთი ფიზიკური სხეულის აწყობა, რომელსაც შეეძლება გაუძლოს რეალური ადამიანის მოსვლას, რომელიც თავის ნატიფ სხეულებში განმდობელის წინ იდგება. მან რომ ეს არ გააკეთოს, და შესაძლებელი რომ იყოს განდობის მიღება ასეთი წინასწარი დამოუკიდებელი მომზადების გარეშე, მისი ფიზიკური სხეული დაიშლებოდა ენერგიით ცენტრების სტიმულაციის შედეგად, და უზარმაზარი საფრთხე დაემუქრებოდა ტვინს, ხერხემალს და გულს.

რა თქმა უნდა, აქ უნდა ვაღიაროთ, რომ არასოდეს არ შეიძლება მკაცრი, ურყევი კანონების დადგენა, გარდა მთავარისა, რომ ყველა კანდიდატს აბსოლუტურად ეკრძალება ხორცი, თევზი, ნებისმიერი დადუღებულის შედეგად მიღებული და სპირტიანი სასმელი, ასევე თამბაქო.

მათ, ვისაც შეუძლია უარი თქვას კვერცხისგან და ყველისგან, ზოგჯერ უმჯობესია, რომ გამორიცხოს ისნი დიეტიდან, მაგრამ ეს აუცილებელი არაა. მათთვის, ვისაც ესა თუ ის ფსიქიკური უნარები უნვითარდება, რეკომენდებულია კვერცხზე უარის თქმა და რაც შეიძლება ნაკლები ყველის ჭამა. რძე და კარაქი სხვა კატეგორიას მიეკუთვნება, და განდობილებისა და კანდიდატების უმეტესობა მათ საკვებად გამოყენებას აუცილებლად მიიჩნევს. ძალიან ცოტას შეუძლია იცხოვროს და შეინარჩუნოს ყველა თავისი ფიზიკური ენერგია ისეთ დიეტზე ყოფნით, რომელიც წინა აბზაცშია აღწერილი, მაგრამ მასში მოცემული იდეალი, და როგორც ჩვენ ვიცით იდეალის მიღწევა იშვიათადაა შესაძლებელი დღევანდელ გარდამავალ პერიოდში.

ამასთან დაკავშირებით ხაზი უნდა გავუსვათ ორ მომენტს. პირველ რიგში, ყველა კანდიდატმა უნდა შეინარჩუნოს ჯანსაღი აზრი; ეს ფაქტორი ძალიან ხშირად აკლიათ ხოლმე, და მოსწავლეებს უნდა ახსოვდეთ, რომ გაუწონასწორებელი ფანატიკოსები არ წარმოადგენენ სასურველ წევრებს იერარქიისთვის. გაწონასწორებულობა, პროპორციის სწორი გრძნობა, სათანადო ყურადღება გარშემომყოფი ვითარებებისადმი და ჯანსაღი აზრი - აი, ჭეშმარიტი ოკულტისტის ნიშნები.

და თუ არის ნამდვილი იუმორის გრძნობაც, მაშინ მრავალი საფრთხის თავიდან აცილებაა შესაძლებელი. მეორეა - დროის ფაქტორის აღიარება, ნელა წინსვლის უნარი იმაში, რაც შეეხება ცვლილბებს დიეტაშ და ცხოვრებისეულ ჩვევებში. ბუნებაში ყველაფერი ნელა განიცდის პროგრესს, და კანდიდატებმა უნდა გაითავისონ ოკულტური ჭეშმარიტება სიტყვებისა: „იჩქარე ნელა“. თანდათანობითი გამორიცხვის პროცესი - როგორც წესი სიბრძნის გზაა, და გამორიცხვების ასეთი პერიოდი იდეალურ პირობებში (რომელიც ასე იშვიათადაა) უნდა მოიცავდეს სტადიას, რომელსაც ვუწოდებთ მაძიებლის სტადიას, ისე, რომ ადამიანმა, რომელიც განდობის კანდიდატი ხდება, უკვე დაასრულოს თავისი დიეტის აუცილებელი მოსამზადებელი რეგულაციები.

თარგმნა : მამუკა გურული
Atm@n

წესი 7


"დაე, მოსწავლემ ყურადღება მიაქციოს იმ ბგერების წარმოთქმას, რომლებიც გამოხმაურებას ჰპოვებენ დარბაზში, სადაც მასწავლებელი მოძრაობს. მან არ უნდა წარმოთქვას ის ნოტები, რომლებიც მაიას დარბაზებში აღვიძებენ ვიბრაციას".

მოსწავლე, რომელსაც განდობის პორტალის გავლა უნდა, ვერ გააკეთებს ამას მანამ, სანამ არ შეიცნობს სიტყვის ძალას და დუმილის ძალას. ამას უფრო ღრმა და ფართო მნიშვნელობა აქვს, ვიდრე ერთი შეხედვით შეიძლება ჩანდეს, რადგანაც სწორად გაგების შემთხვევაში იძლევა გასაღებს დიდი ციკლების ამოხსნისთვის და იმ მიზნის გამოვლენისთვის, რომელიც საფუძვლად უდევს პრალაიას. სანამ ადამიანი არ გაიგებს წარმოთქმული სიტყვის მნიშვნელობას, და სანამ არ გამოიყენებს მაღალი ადგილების მდუმარებას სასურველი შედეგების მისაღებად ამა თუ იმ პლანზე, მას არ დაუშვებენ იმ სფეროში, სადაც ყოველი ბგერა, ყოველი წარმოთქმული სიტყვა დიდ ზეგავლენას ახდენს რომელიმე მატერიაზე, რადგანაც ენერგიზირებულნი არიან ორი დომინანტური ფაქტორით: (ა) მძლავრი, ცოდნით გამოყენებული ნებით და (ბ) სწორი, ცეცხლით განწმენდილი მოტივით.

ადეპტი წარმოადგენს შემოქმედს მენტალურ მატერიაში, იმპულსების შემქმნელს მენტალურ პლანზე, და ამით შესაბამისად იწვევს შედეგებს ასტრალურ ან ფიზიკურ გამოვლინებებში. ასეთი შედეგები მძლავრი და ეფექტურია, და აქედან მოდის აუცილებლობა მათი შემქმნელისთვის, რომ ჰქონდეს სუფთა აზრები, აწონ-დაწონილი სიტყვები და დახვეწილი მოქმედებები. როცა კანდიდატი აცნობიერებს ამ იდეებს, შედეგად დაუყოვნებლივ მოდის მნიშვნელოვანი ცვლილებები მის ყოველდღიურ ცხოვრებაში. სასარგებლო იქნება, თუ ჩამოვთვლით ამ ცვლილებებს, რათა ხელი შევუწყოთ მათ პრაქტიკაში განხორციელებას:

1. მოტივები გულდასმით უნდა იქმნეს გამოკვლეული და პირველ-საწყისი იმპულსები მკაცრად შემოწმებული. ამიტომ პირველი წლის განმავლობაში, როცა კანდიდატი განდობისთვის ემზადება, იგი დღეში სამჯერ ადგენს წერილობით ნუსხას თავის მოტივებზე დაკვირვების შესახებ, ანუ იმ მამოძრავებელი ძალების შესახებ, რომლებიც მოქმედებისკენ უბიძგებენ.

2. ხდება მეტყველებაზე ყურადღებით დაკვირვება, და კეთდება ძალისხმევა, რომ ხმარებიდან იქნეს ამოღებული ყველა უკეთური, უსარგებლო და ზედმეტი სიტყვა. წარმოთქმული სიტყვის შედეგი შეისწავლება და ხდება უკან, ნაბიჯ-ნაბიჯ გამოკვლევა, პირველსაწყისი იმპულსების მიმართულებით, რომლებიც ნებისმიერ შემთხვევაში იწვევენ მოქმედებას ფიზიკურ პლანზე.

3. ხდება დუმილის კულტივირება; კანდიდატები მკაცრად დუმან საკუთარი თავის, თავისი ოკულტური სამუშაოს ან ცოდნის შესახებ, მათ საქმეთა შესახებ, ვისთანაც დაკავშირებულნი არიან, და თავისი ოკულტური ჯგუფის მუშაობის შესახებ. მეტყველების გონივრული თავისუფლება დაშვებულია მხოლოდ ჯგუფის წევრების წრეში ან მათთან ურთიერთობისას, ვინც მათზე მაღლა დგას. არის მომენტები, როცა ლაპარაკია საჭირო. ისინი მაშინ დგება, როცა ჯგუფს ბრძნული სიტყვები დაეხმარება, და ფრთხილი გამონათქვამები კარგი ან ცუდი ვითარებების შესახებ, და იშვიათი, მაგრამ საჭირო სიტყვით შინაგანი ცხოვრების შესახებ, რომელიც ითქმება ცალკეულ ძმასთან ან მაღლა მდგომ პირთან, ან ოფიციალურ პირთა ჯგუფთან, თუ ერთ-ერთი ძმა ხელს უშლის ჯგუფს თავისი რაიმე შეცდომით ან შეუძლია დაეხმაროს მას, იყოს რა სხვა სამუშაოზე დანიშნული.

4. შეისწავლება წმინდა სიტყვის ეფექტი და ხდება პირობების ორგანიზება მისი ბრძნული გამოყენებისთვის. ხდება დაკვირვება სიტყვის ჟღერადობაზე და მის ზემოქმედებაზე გარკვეულ ეზოთერულ ცენტრზე (არავითარ შემთხვევაში რომელიმე ფიზიკურ ცენტრზე), რისი მეშვეობითაც ხდება ცხოვრების რეგულირება.
კანდიდატები აქტიურად უნდა შეუდგნენ ბგერისა და სიტყვების ზემოქმედების შესწავლას, იქნება ეს წმინდა, თუ სხვა სახის სიტყვები. ესაა ის, რასთანაც ყველაზე მეტად უნდა ჰქონდეთ საქმე ახალგაჩენილ ოკულტურ ჯგუფებს.

თარგმნა : მამუკა გურული
Atm@n

წესი 8

"როცა მოსწავლე პორტალს უახლოვდება, დიდმა შვიდმა უნდა გამოიღვიძოს და გამოიწვიოს პატარა შვიდის გამოხმაურება ორმაგ წრეზე".

ეს ძალიან რთული წესია, რომელიც თავის თავში მოიცავს საფრთხის ელემენტებს ადამიანისთვის, რომელიც ძალიან ადრე წყვეტს გადამწყვეტი გზის გავლას. სიტყვასიტყვით ამის ინტერპრეტაცია ასე შეგვიძლია: განდობის პრეტენდენტმა რაღაც დონეზე უნდა შეძლოს თავის შვიდი ცენტრის ვიბრაციის გამოღვიძება და ამით გააძლიეროს სხეულის შვიდი ცენტრის ვიბრაციული აქტიურობის გაძლიერება ეთერულ პლანზე. ამით ასევე ურთიერთზიარი ვიბრაციის მეშვეობით იმოქმედოს შვიდ ფიზიკურ ცენტრზე, რომლებიც გარდაუვალად სტიმულირდებიან, როცა ეთერული ცენტრები თავიანთ მაქსიმალურ ვიბრაციას აღწევენ. არ არის აუცილებელი ამის დაწვრილებით მოყოლა, საკმარისია იმის თქმაც, რომ როცა შვიდი თავის ცენტრი ეხმიანება ეგოს, შემდეგი შვიდი ცენტრი:

1. თავის, როგორც ერთიანი ცენტრი;
2. გულის ცენტრი;
3. ყელის ცენტრი;
4. მზის წნული;
5. ხერხემლის ფუძე;
6. ელენთა;
7. გამრავლების ორგანოები

- ასევე განიცდიან ზემოქმედებას, მაგრამ მიმართულს განწმენდისკენ და კონტროლისკენ. ეს იწვევს შედეგებს ფიზიკურ ორგანოებში. რომელთა მეშვეობითაც ადამიანი ფიზიკურ პლანზე ფუნქციონირებს. მაგალითად, ამ დროს ადამიანს შეუძლია ცნობიერად გადაიტანოს შემოქმედებითი ცეცხლი და ენერგია გამრავლების ორგანოებიდან ყელში, ან გულის ცნობიერი მართვით შეაჩეროს ფიზიკური სხეულის ცხოველქმედება. ეს მიიღწევა არა იმით, რასაც ჰათჰა-იოგას პრაქტიკას უწოდებენ, ანუ ყურადღების კონცენტრაციას ფიზიკურ ორგანოებზე, არამედ შინაგანი ღმერთის ძალაუფლების გაძლიერებით, რომელიც ყელის ცენტრიდან მოქმედებს და ყველაფერზე უფლობს.

ამიტომ კანდიდატი ყველა თავის ენერგიას სულიერი ცხოვრების განვითარებისკენ მიმართავს, ამასთან ეს განვითარება წარმოადგენს სწორი აზროვნების, მედიტაციის და მსახურების შედეგს. შეისწავლის რა ღრმად ყველაფერს, რისი ცოდნაცაა საჭირო ენერგიისა და მისი ფოკუსების შესახებ, იგი თავისი ცხოვრების კოორდინირებას ისე ახდენს, რომ სული მისი მეშეობით ვლინდებოდეს. დღეისათვის ეს კვლევები შესაძლოა უსაფრთხო იყოს მხოლოდ ჯგუფურ მუშაობაში და მასწავლებლის ხელმძღვანელობით; მოსწავლეები ვალდებულებას იღებენ, რომ თავი შეიკავონ ცხოვრებაში ყოველგვარი ექსპერიმენტებისგან და ასევე ვალდებულებას იღებენ, რომ ქარაფშუტულად არ ეთამაშებიან თავიანთი სხეულის ცეცხლებს. ისინი უბრალოდ ისწრაფვიან თეორიული გაგებისკენ და მსახურებისკენ.

ცენტრები ბუნებრივად ვითარდებიან, როცა კანდიდატი ცდილობს ჭეშმარიტად და საქმით უყვარდეს თავისი ძმა, იმსახუროს მთელი გულით, ჯანსაღად იაზროვნოს და თვალ-ყური ადევნოს საკუთარ თავს. იგი ასევე იწერს ყველაფერს, რაც როგორც თავის შინაგან ცხოვრებაში ხედავს, დაკავშირებულია ცენტრების ევოლუციასთან. ეს ჩანაწერები შეუძლია ნახოს მასწავლებელმა, კომენტარები და დასკვნები გააკეთოს, და ასე დაგროვებული ინფორმაციის ნაწილი შესაძლოა გამოყენებულ იქნეს ჯგუფური მოხმარებისთვის. ასე შეიძლება სასარგებლო ცოდნის დაგროვება.

კანდიდატი, რომელიც ბოროტად იყენებს თავის ცოდნას და საკუთარ თავს უფლებას აძლევს, რომ მიეცეს ისეთ პრაქტიკას, როგორიცაა „სუნთქვა განვითარებისთვის“ ან ცენტრებზე კონცენტრირება, უცილობლად მარცხს განიცდის თავის მცდელობებში - მიაღწიოს პორტალს და ამის საფასური ფსიქიური შეშლილობა, ნევრასთენიული მდგომარეობები და სხვადასხვა ფიზიკური ავადმყოფობები იქნება.

თარგმნა : მამუკა გურული
Atm@n

წესი 9

"დაე მოსწავლე შეერწყას სხვა „მე“-ების წრეს. დაე მხოლოდ ერთმა ფერმა გააერთიანოს ისინი, და დაე გამოვლინდეს მათი ერთიანობა. მხოლოდ მაშინ, როცა ჯგუფი ცნობადია და შეგრძნებადია, შესაძლებელია ენერგიის ბრძნული გამოსხივება".


ყველაფერი, რაც მოსწავლეებმა და კანდიდატებმა უნდა გააკეთონ, ესაა ის, რომ იპოვნონ მსახურთა ის კონკრეტული ჯგუფი, რომელსაც ისინი ეკუთვნიან შინაგან პლანზე, ამოიცნონ ისინი ფიზიკურ პლანზე და გაერთიანდნენ მათთან რასისადმი მსახურებაში. ასეთი ამოცნობა დაფუძნებულია შემდეგ ნიშნებზე:

1. მიზნის ერთობა;
2. ვიბრაციების იდენტურობა;
3. ერთნაირი დამოკიდებულება ჯგუფისადმი;
4. ძველი კარმიული კავშირები;
5. ჰარმონიულ თანამშრომლობაში მუშაობის უნარი.

ერთი შეხედვით ეს წესი შესაძლოა ერთ-ერთ ყველაზე იოლად მოგვეჩვენოს, მაგრამ პრაქტიკაში ეს ასე არაა. შეცდომების დაშვება ადვილია, და ჯგუფში ჰარმონიული თანამშრომლობის ამოცანის გადაწყვეტა ისეთი ადვილი არაა, როგორც ერთი შეხედვით ჩანს. ეგოისტური ვიბრაცია და კავშირი შესაძლოა არსებობდეს, მაგრამ გარეგნული პიროვნებები არ ჰარმონირებდნენ. ასეთ შემთხვევაშჳ კანდიდატის ამოცანას წარმოადგენს თავისი ეგოს ძალაუფლების გაძლიერება თავის პიროვნებაზე იმისთვის, რომ ეზოთერული ჯგუფური კავშირი შესაძლებელი გახდეს ფიზიკურ პლანზე. იგი აღწევს ამას თავისი საკუთარი პიროვნების დისციპლინირებით და არა თავისი ძმების გამოსწორებით.

თარგმნა : მამუკა გურული
Atm@n

წესი 10

"ხმათა მხედრობა, ანგელოსები (დევები) დაწყობილ რიგებად განუწყვეტლივ მუშაობს. დაე, მოსწავლემ მიუძღვნას თავი მისი მეთოდების შესწავლას, დაე, გაითავიოს წესები, რომლითაც ეს მხედრობა მიას ფარდის მიღმა მოქმედებს".

ეს წესი ეხება ოკულტური კვლევების სფეროში მუშაობას, რომელიც ადრე თუ გვიან ყველამ უნდა შეასრულოს, ვინც განდობისკენ ისწრაფვის. თუმცა მკვლევარისთვის სახიფათოა ანგელოსების დევების პარალელურ ევოლუციაში ჩარევა, მაგრამ აუცილებელია და საფრთხეს არ წარმოადგენს მშენებლების მოქმედების მეთოდის კვლევა, არქეტიპის წარმოშობის მათი მეთოდი - ეთერული პლანის მეშეობით - იმის სახით, რასაც ჩვენ ფიზიკურ გამოვლინებას ვუწოდებთ; მათი ჯგუფები რაღაც დონეზე თეორიულად უნდა იქნეს შეცნობილი და გაანალიზებულ უნდა იქნეს ბგერები, რომლებიც აქტივობაში რთავენ მათ. შესაბამისად, ეს გულისხმობს, რომ ყველა კანდიდატმა

სისტემატიურად უნდა შეისწავლოს:

1. ბგერის დანიშნულება.
2. სიტყვების, გრმატიკისა და სინტაქსის ეზოთერული დანიშნულება.
3. ვიბრაციისა და ელექტროობის კანონები, და ასევე კვლევის სხვა დამატებითი საგნები, რომლებიც ეხება ღვთაებრიობისა და ცნობიერების გამოვლენას დევა სუბსტანციის მეშვეობით და დევა-მეუფეების აქტიურობი წყალობით. შეისწავლება მიკროკოსმოსის კანონები, და ამოიცნობა შესაბამისობა მიკროკოსმოსის აქტიურობასა და მაკროკოსმოსის აქტიურ გამოვლინებას შორის.

თარგმნა : მამუკა გურული
Atm@n

წესი 11

"დაე, მოსწავლემ გადაიტანოს ცეცხლი ქვედა სამკუთხედიდან ზედაში და შეინარჩუნოს ის, რაც ცეცხლის მიერ შუა წერტილში იქმნება".

სიტყვასიტყვით ეს ნიშნავს განდობილის ძალაუფლებას სექსუალურ იმპულსზე, როგორც იგი ჩვეულებრივ აღიქმება, და ენერგიზებული გამრავლების ორგანოებიდან ცეცხლის გადატანას ყელის ცენტრში, რაც განაპირობებს შემოქმედებითობას მენტალურ პლანზე გონების მეშვეობით. ის, რაც უნდა შეიქმნას, შემდეგ უნდა გამოიკვებოს და შენარჩუნდეს სიყვარულის ენერგიით, რომელიც გულის ცენტრიდან გამოდის.

ხსენებული ქვედა სამკუთხედი, ესაა:

1. მზის წნული.
2. ხერხემლის ფუძე.
3. გამრავლების ორგანოები.

ზედა სამკუთხედია:

1. თავი.
2. ყელი.
3. გული.

ეს წესი ზედაპირული მკითხველის მიერ შესაძლო აღქმულ იქნას, როგორც უქორწინობის აღქმა და კანდიდატის ვალდებულება - თავი შეიკავოს სექსუალური იმპულსის ყოველგვარი ფიზიკური გამოვლინებისგან. მაგრამ ეს ასე არაა. მრავალმა განდობილმა მიაღწია მიზანს იმით, რომ ბუნებრივად და კეთილგონივრულად ინარჩუნებდნენ ცოლ-ქმრულ ურთიერთობებს. განდობილი ახდენს განსაკუთრებული გონებრივი განწყობის კულტივირებას, რომლის დროსაც გაცნობიერებული ხდება, რომ გამოვლინების ყვლა ფორმა ღვთაებრივია, და რომ ფიზიკური პლანი - ეს ასევე ღვთაებრივი გამოვლინების ფორმაა, ისევე, როგორც ნებისმიერი მაღალი პლანი.

განდობილს ესმის, რომ ღვთაების დაბალი გამოვლინება ამ შინაგანი ღვთაების ცნობიერი მმართველობის ქვეშ უნდა იმყოფებოდეს, და რომ ნებისმიერი სახის მოქმედება უნდა რეგულირდებოდეს მისწრაფებით - შესრულდეს ყოველი ვალდებულება, მოხდეს ყოველი საკუთარი ქმედების კონტროლი და გამოყენებულ იქნეს ფიზიკური გამტარი ისე, რომ ეს ჯგუფის კეთილდღეობას,

მის სულიერ პროგრესს და კანონის სრულყოფილ აღსრულებას ემსახურებოდეს.
არ შეიძლება იმის უარყოფა, რომ ზოგიერთ სტადიაზე ადამიანისთვის შესაძლოა სასარგებლო იყოს საკუთარი კონტროლის გამყარება რაიმე სფეროში, დროებითი თავშეკავების მეშეობით, მაგრამ ეს მხოლოდ შუალედური საშუალებაა მიზნისკენ მიმავალ გზაზე, რის შემდეგაც მოდის სტადია, როდესაც კონტროლის დამყარების შემდეგ ადამიანი სრულყოფილად ახდენს ღვთაების ატრიბუტების დემონსტრირებას ფიზიკური სხეულის მეშვეობით და ყოველი ცენტრი გამოიყენება ბუნებრივად და გონივრულად, რაც რასის მიზნების განხორციელებას ემსახურება.

ხშირ შემთხვევაში განდობილები და მასწავლებლები ცოლს ირთავენ და ქმრებისა და ოჯახის უფროსების ნორმალურ მოვალეობებს ასრულებენ, მაგრამ მთელი მათი ქცევა განისაზღვრება და რეგულირდება მიზნითა და განზრახვით, და არცერთი მათგანი არაა შეპყრობილი ვნებითა და სურვილით. სრულყოფილ ადამიანში ფიზიკურ პლანზე ყველა ცენტრი სრულადაა კონტროლირებული და მათი ენერგია კანონის შესაბამისად გამოიყენება; შინაგანი ღმერთის სულიერი ნება მთავარი ფაქტორია, და სახეზეა ძალისხმევათა ერთიანობა, დემონსტრირებული ყველა პლანზე, და ყველა პლანზე ყველა ცენტრის მეშვეობით დემონსტრირდება გაერთიანოებული სწრაფვა მეტი სიკეთისთვის რაც შეიძლება მეტი ადამიანის საკეთილდღეოდ.

საჭირო იყო ამ საკითხზე შეჩერება, რდგან მრავალი მოსწავლე ცდება და ან ახდენს ისეთი გონებრივი განწყობის კულტივირებას, რომელსაც ნორმალური ფიზიკური ბუნების სრულ ატროფიამდე მივყავართ. ან აღვირახსნილობას ეძლევიან საბაბით - „ცენტრების სტიმულაცია“ და ასტრალური განვითარება. ნამდვილი განდობილი თავისი ბრძნული, სუფთა ბუნებრიობით იცნობა, ურყევი მიყოლით იმ წესებისადმი, რაც უკეთესია ჯგუფისთვის და როგორც ამას განსაზღვრავენ ქვეყნის ჯგუფური კანონები საკუთარი თავის ფლობის, ნებისმიერი უკიდურესობისგან თავშეკავების მხრივ. ასევე იმით, თუ სულიერი ცხოვრების, მაღალი ეთიკისა და ცხოვრებისეული დისციპლინის როგორ მაგალითს აძლევს იგი გარშემომყოფებს.

თარგმნა : მამუკა გურული
Atm@n

წესი 12

"დაე, მოსწავლემ ისწავლოს ხელების მსახურებაშ გამოყენება; დაე, იპოვნოს მაცნეს ნიშნი თავის ფეხებზე, და დაე, ისწავლოს ხედვა თვალით, რომელიც ორს შორის იმზირება".

პირველი წაკითხვისას გეჩვენებათ, რომ ამ წესის ახსნა ადვილია: იქმნება შთაბეჭდილება, რომ იგი წარმოადგენს მითითებას კანდიდატისთვის, რომ გამოიყენოს ხელები მსახურებაში და ფეხები იერარქიული დავალებების შესასრულებლად, ასევე განივითაროს ნატელმხილველობა. მაგრამ მისი რეალური აზრი გაცილებით უფრო ეზოთერულია. ოკულტური გაგებით, „ხელების გამოყენება“ - ესაა ხელისგულებზე არსებული ჩაკრების (ანუ ცენტრების) გამოყენება:

1. სხეულებრივი ავადობების განსაკურნად;
2. კურთხევისთვის და ამგვარად ემოციური ავადობების განსაკურნად;
3. ლოცვის ან მედიტაციის დროს ხელების ცენტრთა გამოყენება მენტალური მატერიითა და ნაკადებით მანიპულაციისთვის.

საჭიროა ამ სამი პუნქტის გულდასმით გაანალიზება, და დასავლეთელ მოსწავლეებს შეუძლიათ ბევრი რამ ისწავლონ ქრისტეს ცხოვრების შესწავლოთ და მის მიერ ხელების გამოყენების მეთოდთა გააზრებით. აქ ამაზე მეტის მოყოლა შეუძლებელია, რადგანაც საკითხი ძალიან ფართოა ჩვენი მოკლე გადმოცემისთვის.

„მაცნეს ნიშანი“ ფეხებზე, ესაა კარგად ნაცნობი სიმბოლო - ფრთები მერკურის ქუსლებზე. ამ თემაზე მრავალი რამ გაეხსნებათ ოკულტური სკოლის მოსწავლეებს, რომლებიც მოაგროვებენ ყველაფერს, რისი პოვნაც შესაძლებელია ღმერთების მაცნეს შესახებ, და ისინი გულდასმით გაიაზრებენ ინფორმაციას, რომლებიც დაგროვილია მოსწავლე-ასტროლოგების მიერ პლანეტა მერკურის შესახებ და მოსწავლე-ოკულტისტების მიერ - შინაგანი წრის შესახებ.

თუ ზედაპირულად განვსჯით, ჩანს, რომ „თვალი, რომელიც ორს შორის იმზირება“ აღნიშნავს მესამე თვალს, რომელსაც ნათელმხილველები იყენებენ, მაგრამ ამის აზრი გაცილებით უფრო ღრმა და შემდეგ ფაქტებში მდგომარეობს:

1. შინაგანი ხედვა არის ის, რაც ყველა თვითცნობიერ არსებაში დაწყებული ლოგოსით, დამთავრებული ადამიანით, განვითარების პროცესში იმყოფება.

2. ეგო, ანუ უმაღლესი „მე“, მონადისთვის წარმოადგენს ზუსტად იმას, რასაც წარმოადგენს მესამე თვალი ადამიანისთვის, ამიტომ აღიწერება, როგორც ერთი მხრივ მონადის, ანუ სულიერ „მე“-ს და მეორე მხრივ პიროვნულ „მე“-ს შორის მომზირალი.

შესაბამისად, ყველაზე სრული ზრით, ეს წესი უბიძგებს კანდიდატს, რომ თვითცნობიერება განივითაროს და ამგვარად ისწავლო ფუნქციონირება კაუზალურ სხეულში, მენტალური პლანის მაღალ დონეებზე, იქიდან აკონტროლოს დაბალი გაამტარები და მკაფიოდ ადევნოს თვალყური ყველაფერს, რისი დანახვაცაა შესაძლებელი სამ სამყაროში, წარსულსა და მომავალში.

წესი 13

"ოთხი საკითხი უნდა შეისწავლოს და შეიმეცნოს მოსწავლემ მანამ, სანამ მას გაენდობა ყველაზე ღრმა საიდუმლო; პირველ რიგში, იმის კანონები, რასაც შეისწავლის; მეორე, მაგნეტიზირების ხუთი მნიშვნელობა; მესამე, ტრანსმუტაცია, ანუ ალქიმიის დაკარგული ცოდნა; და ბოლოს, გადმოცემული სიტყვის, ანუ ეგოური საიდუმლო სახელის პირველი ასო".

შეუძლებელია ამ წესის უფრო ფართოდ გაშლა. იგი ეხება იმ საიდუმლოებებს და საკითხებს, რომლებიც ძალიან მნიშვნელოვანია იმისთვის, რომ საყოველთაოდ განვიხილოთ აქ. იგი ჩართულია მოცემულ წესებში მხოლოდ იმისთვის, რომ წარმოგიდგინოთ საგანი მედიტაციისთვის, შესწავლისთვის და ჯგუფური განხილვისთვის.
დასკვნითი წესი ძალიან მოკლეა და ხუთი სიტყვისგან შედგება.

წესი 14

"უსმინე, შეეხე, უყურე, გამოიყენე, იცოდე".

ეს სიტყვები ასახავენ იმას, რასაც ქრისტიანი უწოდებს სამი მთავარი გრძნობის განწმენდას, რასაც მოსდევს მათი გამოყენება შინაგანი სულიერი ცხოვრების ევოლუციის პროცესში, შემდეგ კი იმის გამოყენება, რაც ათვისებული და გამოცდილია, და რეალიზებული ცოდნის ნაყოფების ცხოვრებაში განხორციელება.

თარგმნა : მამუკა გურული
Atm@n

მადლობა Existence, გავმდიდრდით . ძალიან საინტერესოა.

ichi ვპასუხობ შეკითხვებზე:

1) '''როგორ ფიქრობთ, ჭეშმარიტებამდე მისასვლელად რამე სისტემაა საჭირო? არსებობს გზა ჭეშმარიტებისკენ'''.
- ჭეშმარიტებამდე მისასვლელი მრავალი გზა არსებობს. მაგრამ ეს არ ნიშნავს რომ ყველა გზა რომელსაც სულიერებაზე აქვს პრეტენზია ჭეშმარიტია (პირიქით ნამდვილი ძალიან ცოტაა). სისტემა საჭიროა ყველგან სადაც რაიმეს დამორჩილებაზე არის ლაპარაკი. ევოლუცია კი გულისხმობს საკუთარი თავის დამორჩილებას (ფიზიკური სხეულის, ემოციებისა და აზროვნების სხეულების დამორჩილებას), ამიტომ იქ სადაც სულიერ განვიტარებაზეა ლაპარაკი ჩემი აზრით აუცილებელია ამა თუ იმ სისტემის - განსაზღვრული პრაქტიკის მიყოლა.

2) '''თუ ინდივიდმა თვითონ უნდა "გაკვალოს", ესეიგი საკუთარ თავში იპოვოს ის რასაც სიტყვა ვერ აღწერს?'''
- ვინც ასეთ რამეებს ლაპარაკობს ჩემი აზრით შორსაა რეალობისგან. იმდენი წინააღდეგობაა თითოეული იმ ადამიანისათვის გამზადებული, ვინც სულიერი ცხოვრებით ცხოვრებას ცდილობს, რომ წარმოუდგენელ ძალისხმევას საჭიროებს რეალურად მასწავლებლის დახმარებითაც კი. ამ გზის გავლა ასე ჰაერზე ნაკლებად რეალურია.

3) ''''ორგანიზებულ რელიგიებზე რას ფიქრობთ?''''
- ყველა რელიგიას აქვს ეგზოთერული და ეზოთერული მხარე. თუ რელიგიის ეზოთერულ სიღრეებამდე ჩააღწევს ადამიანი დაუახლოვდება იმას რასაც ამა თუ იმ რელიგიის ''დამფუძნებელი'' რეალურად ასწავლიდა და შესაბამისად მიეახლება ჭეშმარიტებას.
- რაც შეეხება რელიგიების გარეგან მხარეს, ჩემი აზრით ტვირთად აწევს კაცობრიობას.

4) '''რწმენა რა ფენომენია თქვენთვის, მწამს იმის რასაც ვერ ვხედავ ფაქტებით, ასეა თU არა?''''
- ჩემი აზრით რწმენა სრულიად ზედმეტი რამაა ადამიანის ცხოვრებაში. (თუმცა ამ საკითხზე ბევრს ვფიქრობ და ბოლომდე არ გადამიწყვეტია... ეს რთული თემაა)

კარგად აყალიბებ აზრს ) მომწონს

5) '''რა რელიგიას მიყვება ოლმეკი? ვისი სჯერა? ვისი სწამს? რა არის მთავარი მისი ორენტირი?'''

ოლმეკი არანაირ რელიგიას არ მიყვება.

ოლმეკს სწამს თავისი პირადი გამოცდილების შედეგად მიღებული ცოდნის. მისი მთავარი ორიენტირიც ესაა და ის სწავლება რასაც იერარქიის მასწავლებლები ასწავლიან ეთერულ აშრამებში. (ამ კითხვზე თვითონ სხავანირად გიპასუხებთან ალბათ, მე ჩემი გადმოსახედიდან დავწერე).

თუ ორიენტირში მიზანს გულისხმობთ: მიზანი არის ღვთაებრივი ბუნების მოპოვება და სხვების დახმარება, რომ მათაც მოიპოვონ. ამისკენაა მოწოდებული მთელი არსებობა.

6) '''კარგი. ოლმეკია მასწავლებელი ანუ ვინც "ასწავლის"? მაინტერესებს კი.''''

ოლმეკი მასწავლებელი არაა, თავად არის მოსწავლე. პირველ და მეორე დონის განდობილი იწოდება მოსწავლედ. მხოლოდ მეოთხე განდობილს აქვს მასწავლებლის სტატუსი. ამას თავისი მიზეზები აქვს. ოლმეკს უფრო ინსტრუქტორი შეიძლება ეწოდოს. მასწავლებელთან კონტაქტი მხოლოდ ეთერულ პლანზე ხდება.

და რა არის რეალობა და რა არის სულიერი ცხოვრება? რეალობა ის არის რომ ჩვენში არის წარმოუდგენელი ძალები, რეალობა ის არის რომ ბავშობიდან სუ უფრო და უფრო გვსვავენ ჩარჩოებში და გარემო გვაყალიბებს ოტ ი დო. მთავარია დაინახო ვინ ხარ რას დაგამსგავსეს და ეს ავადმყოფი საზოგადოება რას აკეთებს, მე ძალიან სკეპტიკურად ვუყურებ ავტორიტეტებს, ვფიქრობ წამშI შეიძლება გააცნობიერო სხვაზე მეტი, მაგის დადგენა კიდე ვინ რამდენი გააცნობიერა შეუძლებელია. თქვენ თავად სად "სწავლობდით" თუ საიდუმლო არაა? საიდან წამოვიდა ძIების იმპულსი?

მადლობა existence:)

''შორსაა რეალობისგან'' - ამ სიტყვებში ის ვიგულისხმე, რომ ასეთი მიდგომით შედეგის მიღწევა ნაკლებად მოსალოდნელია. იმ შედეგისა რასაც მე ვეძახი შედეგს.

იცხოვრო სულიერი ცხოვრებით ნიშნავს იყო მებრძოლი, რომელიც იბრძვის თავისუფლებისათვის, საკუთარი თავის ფლობისთვის, საკუთარი მდბალი ბუნების, მატერიალური ბორკილებისა და ყველა სხვა წინააღდეგობის დასაძლევად.


'''მთავარია დაინახო ვინ ხარ რას დაგამსგავსეს'''

რომ გაიგო ვინ ხარ ამისათვის დიდი ბრძოლაა საჭირო. ეს მარტივად არ მიიღწევა.
რაც შეეხება მეორე პუნქტს: რომც დაინახო რას დაგამსგავსეს თუ არ იბრძოლე არაფერი გამოვა. თუმცა ყველაფერი დანახვიდან იწყება.


''''ვფიქრობ წამშI შეიძლება გააცნობიერო სხვაზე მეტი, მაგის დადგენა კიდე ვინ რამდენი გააცნობიერა შეუძლებელია'''

ეს გაცნობიერება ძალიან ბუნდოვანი რამაა ჩემი აზრით. გურუები რომლებიც რაღაც აბსტრაქტულ გაცნობიერებაზე ლაპარაკობენ როგორც წესი არანაირი პირადი გამოცდილებ არ აქვთ ხოლმე.

აღარაა აბსტრაქტული ლაპარაკისა და სულიერებაზე ლამაზი ზღაპრების მოსმენის დრო. დღეს უკვე მეტია საჭირო, ზუსტი ცოდნა და ამ ცოდნის გასაგებად გადმოცემა. ზუსტი და კონკრეტული მეთოდიკა, რომელიც ხელშესახებ შედეგებს მოიტანს.

ავტორიტეტები, რომლებსაც უნდა დაუჯერო არაა საჭირო საერთოდ.

ძიების იმპულსი ყოველთვის მქონდა, სანამ რამე რეალურს ვიპოვიდი ბევრი რამის გამოვლა მომიხდა. ბოლოს სხეულიდან გასვლის მეთოდებს ვეძებდი. ამის ძებნაში შემხვდა ოლმეკის საიტი სადაც ეწერა ზუსტად და კონკრეტულად ამის შესახებ. მივყევი პრაქტიკას და მივიღე შედეგი ძალიან მალე. რომ ვნახე რომ მუშაობდა რასაც მეუბნებოდა, კარგად გავეცანი ყველაფერს რაც ეწერა, დავნერგე პრაქტიკაში და ამ ყველაფრის შედეგად 2 წელში სრულიად გადავატრიალე ჩემი ცხოვრება. სადღაც ასამდე ცნობიერი გასვლა მქონდა სხეულიდან. ახლაც აქტიურად მივყვები ისევ პრაქტიკას და ვიღებ კონკრეტულ და ხელშესახებ შედეგებს.

პ.ს. ოლმეკი ჩემთვის ავტორიტეტი არაა. ბევრ რამეში არ ვეთანხმები ხოლმე და ვკამათობთ კიდეც. მაგრამ მე პირადად მაქვს გამოდილი მის მიერ გადმოცემული პრაქტიკა და ვიცი, რომ რასაც ამბობს რეალურია. თუ არის ადამიანი რომელმაც ძალიან ბევრი იცის, მიზიარებს ცოდნას და ამ ცოდნის გამოყენებით ბევრი რამის მიღწევა შეიძლება - მაგრამ მე უარს ვამბობს ამ ყველაფერზე მიზეზით: მე ავტორიტეტები არ მჭირდება - მე უბრალოდ უგუნური ვიქნები, რომელიც საკუთარ თავს იტყუებს. ეს იგივეა ფიზიკის სწავლა რომ გინდოდეს და წიგნებზე უარს ამბობდე იმ მიზეზით, რომ გინდოდეს ახლიდან აღმოაჩინო ის რაც რამოდენიმე საუკუნის წინ აღმოაჩინეს.

ეს ადამიანის ეგოისტური ბუნების სრულიად ჩვეულებრივი გამოვლინებაა და არა დამოუკიდებლობისა და თავისუფლებისკენ მიმავალი ადამიანის ქმედება.

ამონარიდი ოლმეკის წიგნიდან "კატისებრთა მოძრაობები"

გრავიტაციის ჯირკვალი - ადამინებს ჰგონიათ რომ გრავიტაცია საგნების ფიზიკური მახასიათებელია და მათ მასაზეა დამოკიდებული, მაგრამ ეს მართალი არ არის. არსებობს კავშირი მასასა და გრავიტაციას შორის, მაგრამ დამოკიდებულება არა.

განდობილებს გაემხილებათ ამ ჯირკვალის რეალური და ოკულტური შესაძლებლობის შესახებ. წიგნებში ის მხოლოდ გულის ცენტრად მოიხსენიება, მაგრამ მისი შესაძლებლობები გრანდიოზულია...........

გაგრძელება და პრაქტიკა ლინკზე

http://agmdgenivarjishebi.ru/Gravitaciis%20jirkvali.htm