პოეტ Cinaethon-ის ცნობით, ტალოსი იყო კრეტელთა მზის ღმერთი, კრეზას და მჭედლობის ღმერთის, ჰეფესტოს ძე. შესაძლოა ის ყოფილიყო ასევე კრეტის მეფის მინოსის ცოლის, მთვარის ქალღმერთის - პასიფაეს მამა. "ტალოს" ძველბერძნულად "მზეს" ნიშნავს, კრეტულ დიალექტზე კი "მოჭრას", "გათლას" ან "დაჩეხვას".
სხვა ცნობებით, ტალოსი ხელოვნურად იყო შექმნილი. იგი შექმნა ჰეფესტომ ან ცნობილმა ინჟინერმა დედალოსმა, ვინც ასევე შექმნა კრეტის ლაბირინთი. ასევე მან შექმნა ადამიანის ზომის ოქროს მოძრავი ქანდაკებები, რომლებიც ვერცხლისწყლის გამოყენებით მოძრაობდნენ.
ტალოსი დღეში სამჯერ გარს უვლიდა კრეტას - გაივლიდა დღეში 2940 კმ-ს. მისი საშუალო სიჩქარე გამოდის 250 კმ / სთ. გამოთვლებით, ის დაახ. 8 სართულიანი შენობის სიმაღლის უნდა ყოფილიყო.
ტალოსი ან მართლაც გიგანტური არსება იყო, ან ჰქონდა რაიმე სატრანსპორტო საშუალება - მაგ. სპილენძის ფრთები. მას ზოგჯერ ფრთებითაც გამოსახავდნენ. ტალოსის მოვალეობა მხოლოდ კუნძულის დაცვა არ იყო, იგი ასევე ამოწმებდა სრულდებოდა თუ არა სრულყოფილად საღმრთო კანონები კუნძულზე. წელიწადში სამჯერ შემოივლიდა ყველა სოფელს და თან დაატარებდა მეტალის ფირფიტებს, სადაც საღმრთო კანონები ეწერა.
შეიძლება თუ არა იგი რეალური არსება ყოფილიყო? რა/ვინ იყო ტალოსი - მექანიკური მოწყობილობა თუ არამიწიერი არსება? შესაძლოა, სხეულზე დატანილი ერთადერთი ძარღვით იგი საწვავით მარაგდებოდა. მითების მიხედვით მას სისხლის ნაცვლად თხევადი ლითონი ესხა ე.წ. იხორი - ღმერთების სისხლი. ამ ძარღვის გახსნამ და "სისხლისგან დაცლამ" გამოიწვია მისი სიკვდილი.