ამ თემაში დავწეროთ ყველაფერი, რაც სამზარეულოს შეეხება. მაგ: რეცეპტები, სხვადასხვა ქვეყნის ჩვეულებანი, რა ვქნათ ხახვის გაფცქვნის დროს თვალები რომ არ დაგვეწვეს, დავდოთ ფოტოები და ბოლოს ფორუმის თემას რომ არ გადავუხვიოთ მივუნიშნოთ ამა თუ იმ საჭმელის სიკარგეზე.

ხო, ნამცხვარი არ არის კარგი, რადგან საქაროზა(შაქარი) ძალიან ცუდად მოქმედებს ადამიანის ორგანიზმზე. შაქარს მეორენაირად თეთრ სიკვდილს უწოდებენ, ასე რომ როცა ნამცხვარი გვინდება, ვჭამოთ ცოტა.


ხახვი და ნიორი თუ წყალში ჩავყარეთ უფრო ადვილად გაიფცქვნება და ხელზეც არ მიგვეწებება ნიორი.

კაკრაზ ტკბილეული არ მიყვარს მაინც და მაინც(ეს ცალკ-ცალკე იწერება?)

მგონი ამ შემთხვევაში ერთად იწერება, მაგრამ თუ ტკბილეული არ გიყვარს რა გიყვარს?

თეთრი ლობიო ბერძნულად.




ავიღოთ ნახევარი კგ თეთრი ლობიო და დავადგათ მოსახარშად. სანამ წამოდუღდება კარგია პირველი წყალი გადევღვაროთ და მერე ისევ დავამატოთ წყალი. დავაყაროთ მრგვლებად დაჭრილი (5 ან 6) სტაფილო, დავამატოთ დაჭრილი ოხრახუში, დავასხათ ზეთი და მოვხარშოთ. როცა მოიხარშება დავამატოთ ტომატი დაახლოებით ორი სუფრის კოვზი და ბოლოს მარილი.


რომელიმე მწნილთან ერთად მივირთვათ. ძალიან კაგია ახლაც და ზამთრის ცივ დღეებშიც.

( მხოლოდ თუ სადმე აპირებთ წასვლას შეკრებაზე არ გირჩევთ მის ჭამას... გაზები ფრთხილად)

აი კიდევ ერთი სურათი:

აუუუუუ, რატომ მომაშიეთ???

უსიტყვოდ:

მართლა ნერწყვების მოსადენი თემაა კარგი გაგებით! ყოჩაღ ირმა ძალიან გემრიელი თემა გაგიხსნიაააა!!

მე ძალიან მიყვარს ტკბილეულობა (შოკოლადი, თაფლი...)
მიყვარს ინდური / ვედური სამზარეულო და ერთადერთი მასეთი კაფე იყო თბილისში და დამიხურეეეს!!! ეჰჰ

თაფლი და შოკოლადი ვის არ უყვარს მე მიყვარს თაფლი და კარაქი არეული პურზე წასმული.

მე მიყვარს თურქული სამზარეულო. აღმაშენელებზეა. კარგად ამზადებენ. ტამბოლი მომაგონდა იმ დღეს.
ასევე მოხიბლული ვარ ჩინური კერძებით. ამ ზაფხულში დავაგემოვნე პირველად. თბილისში არ ვყოფილვარ ჯერ ჩინურში , ვეხვეწები ეზოთერიკებს წავიდეთ-მეთქი, მაგრამ ამაოდ...

გაროხი კამით.


(მხედველობაში მაქვს ნედლი გაროხი, ან ახალი, ან გაყინული და ან კონსერვი)




ავიღოთ ერთი მოზრდილი ხახვი, დავჭრათ წვრილად. ჩავასხათ ქვაბში ზეთი და მოვხრაკოთ ხახვი, ისე რომ მიიღოს მოწითალო ფერი. ჩავაყაროთ გაროხი (და თუ გვაქვს ნედლი სიმინდიც, ერთ კილოზე ნახევარი კგ. ძალიან უხდება.) და დავასხათ წყალი ოდნავ რომ დაიფაროს. ვხარშოთ ნელ ცეცხლზე, როცა მოიხარშება დავაყაროთ შავი პილპილი, მარილი და (ბევრი) კამა.
ეს შეგვიძლია სუფრაზე მივიტანოთ კატლეტთან ერთად ან ასევე ტომატში შენელებულ ძროხის ხორცთან. ვინც ხორცს არ ჭამს შეუძლია მიირთვას ესეც. ასევე შეიძლება ხარშვის დროს დავუმატოთ კართოპილი, წითელი თუ მწვანე ბულგარული წიწაკა წვრილად დაჭრილი.

მმ..... ძალიან ძალიან გემრიელია და სასარგებლო.

წარმატებას გისურვებთ მზარეულობაში და შემდეგ კარგ ჭამასა და მონელებას.

ხახვმა რომ თვალები არ დაგწვათ, გაფცქვნის დროს წყალში ჩააწყეთ ხუთი წუთით.

აი ზევით რომ კერძები გაქ ჩამოთვლილი ეგენი უფრო მომწონს, ვიდრე ტკბილეული
თაფლიც არ მიყვარს :S

არც მე მიყვარს ტკბილეული . დამჟავებული მწვანე პომიდორი მირჩევნია გემრიელი ტორტის ნაჭერს

ბავშვობიდან ვგიჟდები კარაქზე და თაფლზე – "აბაჟაიუ"!!!!!!!!!!!


სოფო სხვებს ნუ ვუყურებთ და მე და შენ წავიდეთ ჩინურში
და კიდევ ძალიან მაინტერესებს თურქული სამზარეულო და იქნებ შენ გამიწიო მანდ ექსკურსი?

გავიგე ერთი რამ,– ჩვენი ფორუმის წევრებს ძალიან უყვართ შემწვარი კარტოფილი, ხოდა:

შემწვარი კარტოფილი ყველით.




გავფცქვნათ და დავჭრათ კარტოფილი ჩვეულებრივი წესით(თუ გვინდა რგოლებადაც, როგორც სურათზეა), მოვაყაროთ მარილი და აურიოთ. ჩავასხათ ბევრი ზეთი ქვაბში, გავაცხელოთ ზეთი კარგად და შევწვათ ცოტ-ცოტა კარტოფილი(დაახლოებით ერთი თეფში). როგორც შეიწვება ქაფქირით ამოვიღოთ, რომ რაც შეიძლება ცოტა ზეთი შეჰყვეს.
ცხელ-ცხელს მოვაყაროთ დაფშვნილი ყველი. ალბათ ჩვენში გახეხილი სულგუნი ყველას აჯობებდა.

ბონ აპეტიტ

იმედია შენც გიყვარს კარტოფილი?

კარტოფილი მე მიყვააარს , მაგრამ ზოგი საერთოდ აბოდებს...
ერთი მეგობარი მყავს, სტუმრად რომ მოდის ჩემთან გზად სულ ცოტა 4 კილო კარტოფილს ყიდულობს და შემოსული არ არის ეს შემიწვიო მეუბნება ისე კარგა ხანია არ მოსულა და ერთი უნდა დავურეკო, კარტოფილი მომაკლდა-მეთქი ვუთხრა.

რა ჰქვია ამ მცენარეს ვინ იცის და ასევე როგორ ხდება მისი მომზადება?

ყვავილოვანი კომბოსტოა!
მე ძალიან მიყვარს
მოსამზადებლად ადვილია - დაიჭრას საშუალო ნაჭრებად და შეიწვას (ზეთით ან ცხიმზე) და შემდეგ მოთავსდეს მაიონეზში, რომელსაც გემოვნებით საკმაზს დაუმატებთ...

ყვავილოვანი კომბოსტო მეც ძალიან მიყვარს. კარგია რომ დაწერე თეო

ახლა მე დავწერ მის მომზადებას სხვანაირად:

ყვავილოვანი კომბოსტოს სალათა.

მდუღარე მარილწყალში ჩავყაროთ დაჭრილი ყვავილოვანი კომბოსტო და მოვხარშოთ. ძალიან მალე იხარშება, ალბათ15 წუთში...
ქაფქირით ამოვიღოთ თეფშებზე და მოვასხათ ზეთი და ლიმონის წვენი გემოვნებით(ლიმონი ჯობია სუფრაზე დავდოთ და ყველამ მოასხას თავის თეფშს, როგორც მოეწონება). ეს სალათა კარგია შემწვარ კარტოფილთან ერთად. საუკეთესო სადილი გექნებათ.

იცის ვინმემ აქ მჭადის გამოცხობა? ერთი გაფიცხინებული მჭადი და სულგუნი ვის უყვარს? ან ვინმეს თუ აქვს სურათი შესაბამის თემაზე?

აუ ყვავილოვანი კომბოსტო რომ 15 წუთი მოხარშო გადაიქცევა ფაფად
მე არ ვხარშავ. ორთქლზე მიყვარს სულ რაღაც 5-7 წუთი.
ყველანაირი ბოსტნეული ორქლზე, ან უმად

მართალი ხარ blanca, ორთქლზე მოხარშვით არაფრის ვიტამინიც არ იკარგება. როგორც ჩანს კარგი მზარეული უნდა იყო, დაგვიწერე რამე გემრიელ-გემრიელი, ისეთი ნერწყვებს რომ გადაგვაყლაპებს.

არა არ ვარ კარგი მზარეული ბევრი ჩალიჩი რომ მეზარება იმიტომ გეახლებით უმეტესობას უმად

ერთი სალათა მიყვარს და დაგიწერთ
სალათის ფურცლები
მწვანე, წითელი ყვითელი ბულგარული წიწაკა (ნუ რამდენი ფერიც გაქვს. რაც მეტი ფერია უფრო ლამაზია )
პატარა მოცარელა ყველუკები
პაწაწუნა პამიდვრები მოცარელას ხელა თითქმის
ცოტა მწვანე ხახვი
სოიოს მოხალული მარცვლები
ცოტა შავი ქიშმიში. რამე თხილიც შეგიზლიათ
ზეითუნის ზეთი
ეს ყველაფერი არეულ დარეული.თუ გინდათ ცოტა მარილი
ოგონდ ისე აურიეთ რომ სილამაზე არ დაკარგოს. მთავარი ფერებია აქ და არა გემო

ეს არის ბერძნული „სუვლაკი“ ანუ „პიტა“, ძალიან გემრიელია, სახში ამის დამზადება ცოტა ძნელია.

ირმა, მარტლა კარგი იქნება თუ ბერძნული სამზარეულოს კერძებს გაგვიზიარებ.
აქ ხმელთაშუაზღვის სამზარეულოს ყველაზე ჯანმრთელად თვლიან რადგან ძირითადად ზეითუნს, ხილს და ბოსტნეულს იყენებენ და ვინოს ზომიერად. მართლაც განსხვავებულია როცა ბერძნულს საჭმელს ჭამ საოცრად სიამოვნებს კუჭს მისი სიჯანსაღე. ნაკლებ ცხიმიანია.

ერთი რამ მაინტერესებს : ზეითუნის ზეთი ვიცი რომ მოტკბო უნდა იყოს, ანუ არ უნდა იყოს მწარე. რანაირად ავარჩიო?
virgin ვიცი რომ ყველაზე კარგია. ესეთი ვიყიდე მაგრამ მომწარო გემო აქვს

მოიცა პიტას პურები იყიდება აქ და იმაში ჩავდებ

ზეითუნის ზეთი მართლა საუკეთესო ზეთია ზეთთა შორის. საბერძნეთში, საჭმელებში ყველა ამ ზეთს ხმარობს. მას მართლა აქვს მომწარო გემო, რომელსაც ეჩვევი და მერე ვერ გრძნობ. ის ძალიან კარგი წამალია კუჭ-ნაწლავისათვის. გამიგია დილით უზმოზე ერთი კოვზი ზეითუნის ზეთი კაგად მოქმედებს ორგანიზმზე. მთავარია იყიდო ნამდვილი ზეთისხილის ზეთი და არა კურკებისგან, იმიტომ რომ ამზადებენ კურკებისაგანაც და ეს შედარებით იაფია, უმეტეს შემთხვევაში აწერია გარედან. არსებობს პატარა ქარხნები, სადაც ხალხს ზეთისხილი მიაქვთ(როგორც ჩვენთან მზესუმზირას შემთხვევაში) და ხდიან, ასეთი ზეთი მომწვანო ფერისაა ხოლმე და კიდევ უფრო მძაფრად აქვს მომწარო გემო, მაგრამ საჭმელში გადასარევია. როცა ლობიოს ვხარშავ მაგალითად, თავიდანვე უშვრები ზეთს და ზეთი იცვლის ფორმას და ერწყმება წვენს ისე, რომ თითქოს საჭმელი უზეთო ყოფილიყოს.



ხო პიტა თუ იყიდება, მაშინ დებ შიგნით: შემწვარი ხორცის ნაჭრებს(კატლეტიც შეიძლება, ქათმის შემწვარსაც აკეთებენ დასხვ.), საძიკს(ამის მომზადება ძალიან ადვილია და შეგიძლია მაცივარში იქონიო თვემდე, როგორც სალათა), პამიდორი დაჭრილი თხლად 2 ან 3 ნაჭერი, ხახვი და თუ გინდა ცოტა შემწვარი კარტოფილი და წითელი წიწაკა(დაფქვილი).
მარტო ვერ ვიტყვი რომ სუვლაკი ჯანმრთელ კერძად ითვლება, მაგრამ ძალიან გემრიელია. აი ვინმეს თუ უყვარს სვანური კუბდარი, შეუძლია უარის თქმა?

საძიკი

ავიღოთ ერთი კგ იაურტი(მაგარი), მაწონიც შეიძლება,მაგრამ ცოტა წყალ-წყალა გამოგვივა. დავუმატოთ 3 ან 4 კბილი გახეხილი ნიორი,დავამატოთ მსხვილად გახეხილი(ოდნავ გაწურული) კიტრი, ცოტა მარილი, ცოტა ზეთი აურიოთ და მივირთვათ სხვადასხვა საჭმელებთან ერთად. (კიტრს უმჯობესია ნუ გავფცქვნით )

ჰმმ, მე ძირითადად ზეითუნს ვხმარობ. მაგრამ ესეთი მომწარო გემო არ ქონია არცერთს, მაგრამ საქმე ის არის რომ ადრე $15-17იან ზეთს ვყიდულობდი. ეხლა ამ ზეთში $6 მივეცი ფინანსური კრიზისის გამო
ესე იგი ფასი განსაზღვრავს ხარისხს (აღმოჩენა )
ძალიან სასარგებლოა კი. ერთადერთი ზეთია რომელიც დაწვის შემთხვევაში (ანუ როცა რამეს წვავ მასში) კანცეროგენულ ნივთიერებებს არ გამოყოფს. მზესუმზირის ზეთი იწვება, ეს არა.

საძიკი მომეწონა

ბერძნული სალათის რეცეპტი მინდა რა. არ იცით?
ირმას ეცოდინება უეჭველი ...

ხახვმა რომ სიმწარე დაკარგოს კარგი იქნება წინასწარ გაფრცქვნათ და მაცივარში შეინახოთ 1-2 დღე. ჩემი ერთი ახლობელი მთელ ხახვს რასაც ყიდულობს ეგრევე ფრცქვნის და ისე ინახავს მაცივარში

ხშირად ვაკეთებ ხახვის სალათს, პიურეს და შემწვარ-მოხრაკულებს უხდება ხახვს ვყოფ ორად და ვჭრი თხლად. შემდეგ ვაყრი შაქარს და ვასხავ ძმარს ან ლიმონის წვენს. შემდგომ ვწურავ, ვაყრი პილპილს და ვასხავ ზეთს (ზეითუნის ზეთს რა თქმა უნდა).

არ მიყვარს შემწვარი კარტოფილი. როცა ვწვავ, ძირითადად ჯერ ვხარშავ. ანუ ვყოფ ორად ან სამად, ეს კარტოფილის სიდიდეზეა დამოკიდებული, მერე ორთქლზე ვხარშავ. ჩემი ორთქლსახარში ორსართულიანია და ზედა სართულზე ვდებ მწვანილეულს და ბოსტნეულს, რაც კი მაბადია ხოლმე სახლში ოხრახუში, ნიახური, კამა, ბულგარული წიწაკა, სტაფილო
კარტოფილს ვაყრი სვანურ მარილს ან თვითონ ვამზადებ რაიმე საკმაზს და შემდგომ ბევრ ზეთში ვწვავ ”ფრის” მსგავსად (ვიცი არ არის სასარგებლო, მაგრამ შემწვარ კარტოფილს ბევრი მოყვარული ყავს). ძალიან უხდება არაჟნით გაკეთებული სოუსი.

ვა რა საინტერესო ფსიქოლოგიური ტიპია შენი ახლობელი
ურჩევნია ერთხელ მაგრად იტიროს პატარ პატარა ტირილებს
რა აფცქვნევინებს ამდენ ხახვს ერთდროულად

რად უნდა ამდენი ამბავი ხახვის დაჭრას. რომ გაფცქვნი მაშინვე წყალი გადაავლე ხახვსაც და დანასაც და არასდროს იტირებ
ნუ დატოვებ დიდხანს დაჭრილს რომ არ ატირდე.
ასე მარტივია ეს

ბერძნული სალათა, რაიმე უცნაური და ძნელი არ გეგონოთ, ძალიან ადვილია,– რათქმაუნდა თუ გაქვს ბერძნული ყველი „ფეტა“, რომელიც ძალიან განთქმულია ევროპაში.
დაჭრი პამიდორს ჩვეულებრივად სასალათედ, ხახვს ფეტებად, მწვანე ბულგარული წიწაკა, კიტრი თუ გინდა, ზეთისხილი, დაადებ ფეტას (ერთ თეფშზე დაახლოებით80-100 გრ.), მარილი გემოვნებით და დაასხავ ზეთისხილის ზეთს. ხო ზემოდან აყრი რიგანს, რომელსაც არ ვიცი ქართულად რა ჰქვია (შეიძლება თეთრი რეჰანი იყოს, არ ვიცი)



სურათზე მხოლოდ არ ჩანს ხახვი და ზეთი

რომ არ იტიროს მაგიტომ კი არ დებს ხახვს მაცივარში. უბრალოდ ასე ხახვი ტკბილი ხდება და სალათებისათვის უფრო გემრიელია ტკბილი ხახვი.

ააააა, მეც მაცივარში მიდევს ხახვი. აბა სად უნდა იდოს? გარეთ მალე დალპება.
მე მეგონა გაფცქვნილ ხახვებს ალაგებდა

მიყვარს ხახვი სალათაში. ახლა დაგიწერთ ჩემს საყვარელ სალათას:


ახ მაპატიეთ არ მახსოვს რა ქვია ქართულად ამას

სალათის ფურცლებს ვეძახი. აქ romane lettuce-ს უძახიან

დაფლეთილი სალათის ფურცლები, ხახვი, წითელი, მწვანე და ყვითელი ბულგარული დაჭრილი, პატარა პამიდვრები, პატარა მოცარელები, ხრამუნა კუბიკებად დაჭრილი პური, მარილი გემოვნებით და ზეითუნი, ჩემი საყვარელი სალათაა

შეგიძლიათ გამოაკლოთ პამიდვრები და მოცარელა. მაინც გემრიელი გამოდის

კი, გაფრცქვნილს ალაგებს. ასე უფრო ტკბილია

blanca–„სალათის ფურცლებს ვეძახი. აქ romane lettuce-ს უძახიან“

სალათის ფურცლები და სალათის ფურცლები იყოს, აი როგორ მიყვარს მე:

დაჭრი წვრილად სალათის ფურცლებს, დააჭრი ზემოდან 2 ან 3 ცალ ახალ ხახვს, დააჭრი ბლომად კამას, მარილი, ძმარი, ზეთი.

მმმ... ამ სალათას არაფერი მირჩევია.

სხვადროს დაგიწერთ ერთ კარგ „შეფის სალატას“, რომელიც ასევე ამ სალათის ფურცლებით ხდება.

კამა საინტერესო მწვანილია. ანუ ისეთი არომატი აქვს რომ ბევრი რაღაცეების შერევა არ ჭირდება გემოს მისაცემად. კამაა საჭირო და მეტი არაფერი

აი მაგალითად კარტოფილს მოხარშავ, კუბიკებად დაჭრი, ცოტა კამას დააჭრი, ზალიან ცოტა ხახვს წვრილად დაჭრილს და ზეითუნის ზეთს დაამატებ. ხახვი შეგიძლიათ გამოტოვოთ კიდეც. ძალიან სასიამოვნო რაღაცა გამოდის

შენს მარტივ სალათასაც კამა აგემრიელებს

და ამიტომ ღირს სულ რამდენიმე პაწია ღერი $3-$4

ხო blanca კამა ძალიან გემრიელია და ძალიან მიყვარს. ამ სალათას აუცილებლად გავაკეთებ, კარგი ჩანს.
... და კიდევ რა ძვირი ყოფილა მანდ კამა
აქ ერთი დიდი კონა 50, ანუ ორი კონა ერთი ევრო.

ისე შენმა სალათამ ერთი მსგავსი სალათა გამახსენა: კარტოფილი მოხარშული დაჭერი კუბიკებად, + პამიდორი დაჭრილი, + ხახვი, + ზეთისხილი, +კაპარი, +მარილი,+პილპილი, +ძმარი, +ზეითუნის ზეთი

საბერძნეთი სალათების ქვეყანაა. მე ჩიზბურგერების ქვეყანაში ვარ. რა იციან ამათ მწვანილის გემო
კონა ოხრახუში ან ქინძი ღირს $2. დანარჩენი ეგზოტიკურ მწვანილებში გადის და პაწია რამდენიმე ღერი ძვირად იყიდება

თUმცა ყველა მწვანილს არც ვიცი რა ქვია და როგორ გამოიყენება

....უნდა დავაკვირდე ერთი კიდევ კამას

აუ ეგ ვჭამე საბერძნეთში რომ ვიყავი...უუუუუუუუუუჰ, რა გემრიელი იყოოოოო... შევედი სადაც მაგას აკეთებდნენ და რადგანაც ბერძნული არ ვიცი, იმ კაცს მუნჯურად ვუხსენი რაები დაემატებინა. ჰაჰაააა . ცოტა ინგლისური ცოდნია თურმე და მერე გამომკითხა საიდან ვიყავი

უცხო ქვეყანაში პირველი ნაბიჯები მართლა კურიოზებით არის სავსე
ხოლო რაც შეეხება ბერძნულ სუვლაკს, ის ძალიან გემრიელია და იაფიც სხვა რაღაცეებთან შედარებით. ასე რომ მაკდონალდი საბერძნეთში მთლად კარგად ვერ არის

გამახსენდა რომ მაგას კიდევ diro-ს ვეძახდით

ამ დღეებში საშობაო სამზადისი დაიწყება საბერძნეთში. ბევრი ბევრი გემრიელი რამეების გაკეთება მომიწევს სახლში. ეს საჭმელები მარტო შობას მზადდება სახლში, ამიტომაც მოელი,–როდის შეჭამ იმ გემრიელს.
დღეს ორი ნამცხვარი გამოვაცხე, რომლებიც ერთ თვეზე მეტხანს ინახება და ამ დღეებში სტუმართან ამ ორიდან ერთ-ერთს გამოიტან, ჩვენც არ ვაკლებთ ძალიან გვიყარს დაგიწერთ მერე როგორ კეთდება.

მელომაკარონა და კურაბიედეს არის ტრადიციული ნამცხვრები,რომლებიც მხოლოდ შობასა და ახალ წელიწადს ცხვება.



ამ ნამცხვარს ჰქვია მელომაკარონა




ამას კი კურაბიე