http://www.youtube.com/watch?v=pJoBfceR5_0უჩაზოღას დალღა ტრუხუნ დო ნაჭკაფენ ქვას
სერიშ გვერდის თუთა ჲულუნ გეწვაკიდენ ცას
იხიქ სთვინუფს დო ქვა დო ნჯა გეშოქთაფს
მაჩხომექთი მუშ ჶელუკა გელონჭაფს
კოჩის გურის დერდი უღუნ დო მსქვა გულუთქვას
ზოღა ჲულუნ დალღა გჲულუნ კოჩიქ ნოწკერს ცას
ბედი გორუფს დო ვარ უჩქინს დოწინას
ნამ გზათენ დო ნამ ჲერიშა სო იდას
კურბეთის მის უძირუნ ბედი, მცუდიში მოთ გორუფტა ჩქვა
კურბეთის ჩქარ გონდუნუნ მეტი, სქიდალა ვაშა იყვენ მსქვა
დობადონა ნა ვარ უღუნ კოჩი მუჭო ტა
დო ინჯუბალსთეფექ ულუნ ნამ სვაფე მექჩას
იხიქ სთვინუფს ქვა დო ნჯა გეშოქთაფს
დო ამ კოჩიქ ჶელუკა სო გელონჭაფს
ქოგვაშინენ ოხორმუში ოკრებულეშ ქვა
რაკანეფეს დიდი თუსი გოლადვერი მსქვა
ბედი მუში აწი უჩქინს დო წინას
ჶელუკათე დობადონას ჩაი გზას
კურბეთის მის უძირუნ ბედი, მცუდიში მოთ გორუფტა ჩქვა
კურბეთის ჩქარ გონდუნუნ მეტი, სქიდალა ვაშა იყვენ მსქვა