ელინური, ინდური და საერთოდ მითოლოგიური წყაროების თანახმად, როდესაც დედამიწაზე იდგა ოქროს საუკუნე, არ იყო არც ომი, არც ავადმყოფობა, არც შიმშილი, არც კერძო საკუთრება და არც ათეიზმი ან რელიგიური უთანხმოება. ადამიანები და ღმერთები ერთად ცხოვრობდნენ და ერთად მხიარულობდნენ. ადამიანები მეგობრობდნენ ღმერთებთან და ღმერთები ეხმარებოდნენ ადამიანებს. არ იყო სიძულვილი და "კრიტიკული აზროვნება". ყველამ იცოდა ჭეშმარიტება. ადამიანებს ჰქონდათ განათებული ცნობიერება. ღმერთები იყვნენ ადამიანთა მასწავლებლები. მისტიკური სასწაულები იყო ყოველდღიური ცხოვრების ნაწილი.