ძველინდური(ან აზიური ტრადიციები) და ანთროპოსოფია Options

[brevalo]

ამ თემაზე ბევრთან მქონია საუბარი და ზოგი ძველინდურისკენ იხრება, ზოგი კი ძველინდურს მოძველებულად და არაეფექტურად თვლის სულიერი ან ცნობიერების განვითარების კუთხით და შტაინერის ანთროპოსოფიას ანიჭებს უპირატესობას. ამ საუბარში და კამათში გიჩნდება ბევრი კითხვა და რაც უფრო ეძიები საკითხს კითხვების რაოდენობაც მატულობს, ხოლო ჭეშმარიტება და შენი ნამდვილი გზა გვერდზე გრჩება. ვფიქრობ, რომ სწორედ ეგ არის ადამიანების ერთერთი ყველაზე მნიშვნელოვანი შეცდომა: ჩამოუყალიბლებლობა. ცდილობ რომ სიღრმისეულად მოიძიო სხვადსხვა გზები და ამ მოძიების პროცესში უფრო და უფრო ჩიხში შედიხარ. ამ ჩიხს კი დასასრული არ აქვს. სწორედ ამ დაუსრილებელი ჩიხებით არიან დაკავებულები ფილოსოფოსები. ერთი გასხივოსნებული ფილოსოფოსი მითხარით. ვერ მეტყვით. ამიტომ საჭიროა ისეთი გადაწყვეტილების მიღება, რომლისკენაც გული მიგდის, იმპუსები და შენი გრძნობები მიდის. ჩემი აზრით, მიუხედავად იმისა რომ ძველინდური ან აზიური ტრადიციები მოძველებულია, მათგან შეიძლება ძალიან დიდი მარცვალი სიბრძნის მიღება და ამ ცოდნის თანამედროვეობასთან შერწყმა ისე, როგორც შენ მოირგებ.
რაც შეეხება ანთროპოსოფიას, მცირედი შეხება რაც მქონია ძალიან ჯანსაღი და კარგი გზაა.

თქვენ რას ფიქრობთ ამასთან დაკავშირებით?



P.S. ეს მულტფილმი გამახსენდა, ყველა თავის გზას რომ ტენის

[Merlin]

პასუხი starscream-ს

'''უბრალოდ რას ვერ ვხვდები რა ლინკი აქვს მის მედიტაციებს ქრისტესთან??'''

ამ მედიტაციებს ქრისტესთან ის კავშირი აქვს, რომ ამ გზით ხდება იმ ნათელმხილველური უნარების გამომუშავება, რომლითაც შემდეგ შესაძლებელია სულიერი სმყაროების სწორად აღქმა, ისე აღქმა, რომ შესაძლებელი გახდეს ქრისტემდე მისვლა.

'''ქრისტეს სახელით აპელირებს ყველა ვისაც არ ეზარება.'''

სრული ჭეშმარიტებაა ეს აზრი, ნამდვილად მართალი ხართ. ამ ქაოსში უპირველესი მეთოდი, რომლითაც შეუძლია ადამიანს გაიგოს, აქვს თუ არა ამა თუ ადამიანს ქრისტეს სახელით ლაპარაკის უფლება, არის ამა თუ იმ სწავლების შედარება ქრისტიანობის პირველწყაროსთან, ანუ ახალ აღთქმასთან. ამ მოთხოვნილებას კი ძალიან მცირედნი აკმაყოფილებენ, განსაკუთრებით კი ჩვენს ეპოქაში (ჩვენს ეპოქაში ვგულისხმობ 1870-იანი წლებიდან დაწყებულ პერიოდს). ყველა ქრისტეთი აპელირებს, მაგრამ ამ სწვლებების სრული უმრავლესობა საერთოდ არის აცდენილი სახარების სწავლებიდან, რაც იმისი უმთავრესი დასტურია, რომ ეს სწავლებები არ არის ჭეშმარიტად ქრისტიანული. თუმცა გარჩევის სხვა გზებიც არსებობს.

'''მაგრამ თან დართული აქვს რომ ჩვეულებრივი მედიტაციით ვერ გახსნი ჩაკრებს რომ იოგა და ჩვეულებრივი მედიტაცია ლუციფერულია ან არიმანული და მხოლოდ მისი მედიტაციებით გახსნი ჩაკრებს'''

არამგონია ასეთი რამ ეწეროს სადმე. არამგონია ვინმეს იმისი ილუზია ჰქონდეს, რომ მხოლოდ ერთი ოკულტური სახის პრაქტიკებით შეიძლება მიღმიურთან კავშირის დამყარება, მით უმეტეს შტაინერს. უამრავგან შემხვედრია, რომ შტაინერი საუბრობს იოგაზე, როგორც ხელდასხმის ერთ-ერთ გზაზე, შემიძლია გიპოვოთ კონკრეტულად სად უწერია. ასევე ამისი ნათელი მაგალითია, რომ ის პატივს სცემდა ბლავატსკაიას და მის მასწავლებლებს, თუმცა შტაინერი აქ ხაზგასმით აღნიშნავს, რომ ყოველ ეპოქას ახალი სწავლება სჭირდება, და სულიერი სმყაროს მიღწევის ახალი გზები, ამის გარეშე ნათელხილვა არ იქნება სრულყოფილი და მოხდება უამრავი შეცდომის დაშვება, რომელი შეცდომების ნათელი მაგალითიცაა ის ცდომილებები, რომლებიც ბლავატსკაიას და მისი მასწავლებლების, მაჰატმა მორიას თუ კუტჰუმის სწავლებაშია (ან სხვა რომელიმე აღმოსავლური გზით მავალი ადეპტის სწავლებაში). ანუ მაჰატმა მორია და მაჰატმა კუტჰუმი ნამდვილად ხელდასხმუები იყვნენ, მაგრამ ძველი წესით, ასე ვთქვათ, რამაც განაპირობა ის, რომ მათი ნათელხილვა დასაზღვრულია, რამაც არ მისცა მათ იაჰვე ელოჰიმისა და ქრისტეს შემეცნების შესაძლებლობა, ასევე ის შეცდომა, რომ ლუციფერი, რადგან ის ნათელი არსებაა, სიკეთის მომტანი და კაცობრიობის მხსნელი ეგონათ. (ამ საკითხზე უფრო დაწვრილებითაც შეგვიძლია ვილაპარაკოთ). ანუ ანთროპოსოფიული აზრით უამრავი განსხვავებული გზა არსებობს, რომელსაც შეუძლია ადამიანის მიღმიურთან დაკავშირება, მაგრამ ეს რომ სწორად მოხდეს, ამისათვის საჭიროა, რომ ადამიანმა ეპოქის შესატყვისი მეთოდები გამოიყენოს. ძველის გადმოტანა აწმყოში უკვე თავისთავად ნიშნავს, ლუციფერის გავლენის ქვეშ მოქცევას, რომელიც არასწორ სულიერებას სთავაზობს კაცობრიობას.

'''ასევე აქვს შემოტანილი და გართულებული ხილვების თემა ანუ ადამიანი ჩვეულებრივად თუ გადის ასტრალში ეს არ არის ხილვა ჩაკრებით არამედ ეს საშიშია და ის გადის დაბალ ასტრალში ხოლო მაღალი სამყაროები რომ აღიქვას საჭიროა მისი მედიტაციები და ჩაკრების განვითარება მაგრამ არის რაღაც რაც შტაინერს გამორჩა ეს არის ის რომ სხვადსხვა რელიგიებში იქნება ეს ბუდიზმი,ქრისტიანობა თუ იოგა ბერები მარტო კი არ მედიტირებენ არამედ ასევე ლოცულობენ კიდევაც ან მანტრებს იმეორებენ ასევე აკეთებენ კონცენტრაციის სავარჯიშოებს სხვადსხვა საგნებზე'''

ვფიქრობ, ამაში ცდებით. გართულებული არაფერი არ არის, მარტო იმაზე თუ დაფიქრდებით მატერიალური სამყარო რამდენად რთულია, მაშინვე გასგები გახდება, რომ სულიერი სამყაროების კვლევა ასმაგად უფრო მეტ სირთულესთან არის დაკავშირებული. ლოცვას რაც შეეხება, დამიჯერეთ ადამიანს, რომელმაც მოასწრო და სულიერების გარდა სხვა ყველა დანარჩენ სფეროში სამომავლო განვითარების გზები დატოვა, ადამიანს, რომელმაც სწორი აგრონომისაა, ეკონომიკისა და სხელმწიფო მოწყობისათვისაც მოიცალა, ისეთი ფართოდ გავრცელებული და მნიშვნელოვანი პრაქტიკა, როგორიც ლოცვაა, ყურადღებიდან არ გამორჩებოდა, და არც გამორჩენია. მახსოვს ოლმეკი მეუბნებოდა, შტაინერი, რატომ არაფერს არ წერს, რომ სამყარო ილუზიააო? გამორჩენაზე ან რამის არ დაწერაზე ასე მარტივად ვერ ვილაპარაკებთ, უბრალოდ იმიტომ, რომ მისი მემკივდრეობა სამას ორმოცდაათზე მეტი ტომისაგან შედგება და მანამ არ გვექნება რამის გამორჩენაზე ლაპარაკის უფლება, სანამ ყველა ტომი არ გვექნება წაკითხული, ეს კი მარტივი საქმე არ არის. და დამერწმუნეთ, უკვე იქიდან რაც მე ვიცი, შემიძლია გითხრათ, რომ მას არც ლოცვა დარჩენია ყურადღების მიღმა და არც გარე რეალობის აღქმის ილუზორულობის საკითხი.

ამის დასტურად მარტო აი ამ ციკლისა და მისი პირველი ლექციის სათაურებიც კმარა:
https://wn.rsarchive.org/Lectures/GA243/Eng...9240811p01.html

ლექციათა ციკლის სახელია ''სულიერი სამყაროს სწორი და არასწორი გზები'', პირველი ლექცია დასათაურებულია ასე: ''ბუნება დიდი ილუზიაა, შეიმეცე შენი თავი''.



'''ისიც უნდა გავითვალისწინოთ ეს ნაშრომი როდის არის დაწერილი 1900 იანი წლები და მაგარი რთული ენით არის დანაწერი'''

სულიერი სმყაროების შინაარსის ადეკვატურად გადმოცემა მარტივი ენით შეუძლებელია. მე არ ვიცი არცერთი რეალური ოკულტური სწავლება სირთულესთან რომ არ იყოს დაკავშირებული. აქაც იგივე აზრს გეტყვით, თუკი ფიზიკა ასეთი რთულია, რატომ გვაქვს მოლოდინი, რომ სულიერისმეცნიერება, რომელიც მატერიალურზე უფრო რთულ სამყაროებს სწავლობს რამენაირად მარტივი უნდა იყოს? მომავალში რა ჭეშმარიტი სწავლებებიც შემოვა ის კიდევ უფრო რთული იქნება, და თუ დღეს ანთროპოსოფიის სიმაღლეს ვერ აიღებს ადამიანი, სამომავლოდ როდესაც სულიერი წარმართველობა ანთროპოსოფიას სხვა წარმმართველი სულიერი სწავლებით შეცვლის, იმ სიმაღლის აღება კიდევ უფრო მეტად გართულდება. ისევე როგორც დღესაა ადამიანების უმრავლესობისათვის, ანთროპოსოფიამდე მისვლა რთული, იმ მარტივი მიზეზის გამო, რომ წარსულის ეპოქებისთვის რაც იყო მოცემული ის არ აითვისეს სათანადოდ.

''რა კავშირი აქვს ქრისტეს მცენარეზე ან ძაღლზე მედიტაციას ვერ ვხვდები''

სამედიტაციო ობიექტს დიდი მნიშვნელობა არ აქვს, აქ უბრალოდ იმ პრაქტიკებზეა ლაპარაკი, რომლითაც ადამიანმა ნათელხილვის უნარი შეიძლება. რომ გამოიმუშავოს, სამედიტაციო ობიექტი რიგ შემთხვევებში ფანქრი ან ღილიც შეიძლება იყოს... ანუ აქ ხედვის უნარია მნიშვნელოვანი, და შემდეგ ამ ხედვის უნარით რას შეიმეცნებს ადამიანი, ეს უკვე სხვა საკითხია. ისე კი ქრისტეს ძაღთანაც აქვს კავშირი და მცენარესთანაც, რადგან სახარების სიტყვებით რომ გითხრათ:

''3. ყველაფერი მის მიერ შეიქმნა, და უმისოდ არაფერი შექმნილა, რაც კი შეიქმნა.''