ვინ ვართ და საიდან მოვდივართ?! |
ვინ ვართ და საიდან მოვდივართ?! |
Sep 16 2011, 12:27 AM
Post
#1
|
|
BLUE soul Group: Members Posts: 1,626 Joined: 11-January 11 Member No.: 6,353 ნიკის ჩასმა პოსტში მონიშნულის ციტატაში ჩასმა |
ამ ახალ თემაში მინდა მოგაწოდოთ, და თქვენგანაც მოვისმინო კოსმოლოგიური სურათი იმისა, თუ ვინ ვართ, საიდან მოვდივართ, როგორ აღმოვჩნდით ამ დუალისტურ ბოროტება-სიკეთის სამყაროში, რა არის საერთოდ ბოროტება და სიკეთე, ან ჩვენ რას ვაკეთებთ აქ ან სად მივდივართ..... არ იფიქროთ ამ დროის დასაწყისიდან არსებული კითხვების ზუსტი პასუხების შემოთავაზებას ვაპირებდე, ნამდვილად არ მაქვს ასეთი პრეტენზია .
ზუსტად ამ სახის სურათს ალბათ ვერსად შეხვდებით, ბევრი რამე გაუგებრად და აბდაუბდად მოგეჩვენებათ, არც ზუსტად რომელიმე რელიგიასა თუ რწმენაში ჩაჯდება. და ვისშიც წინააღმდეგობას გამოიწვევს, უბრალოდ დაივიწყოს რასაც წაიკითხავს. და რაღა თქმა უნდა არ ჩათვალოთ სრულ ჭეშმარიტებად ყველაფერი . ჭეშმარიტებას, ნამდვილ პასუხებს ყველა ჩვენთაგანი ატარებს, მის მისაგნებად კი, უფრო სწორად გასახსენებლად, უამრავი გზა არსებობს. ის რასაც ჩვენი თვალსაწიერი წვდება, თუნდაც უახლესი ტელესკოპებით, მხოლოდ უმნიშვნელო ერთი ციდა ნაწილია იმ ფიზიკური სამყაროსი, რომელშიც ვცხოვრობთ, თვითონ ეს ფიზიკური სამყარო კი, მთლიანი, რეალური სამყაროს მხოლოდ ერთი განზომილება, მხოლოდ ერთი მცირე ნაწილია. და თუ შეძლებთ წარმოიდგინოთ ეს უსაბამო და დაუმთავრებელი უსასრულობა, მასში გამუდმებით, შეუჩერებლად მიმდინარე პროცესებით, როგორც ერთი ცოცხალი ორგანიზმი - თქვენ შეძლებთ ღმერთის წარმოდგენას. ამ სამყაროში, რომელიც ერთი შეხედვით ქაოტურია, ყველაფერი კანონზომიერებით მიმდინარეობს. და ერთი ძალით, ერთი ენერგიით იმართება, ერთი ენერგია მართავს როგორც უმაღლესს ასევე უმდაბლეს განზომილებებს, განსხვავება ამ ენერგიის ინტენსიურობაში, მის ვიბრაციაშია. ეს არის სამყაროში ერთადერთი რეალურად არსებული შემოქმედი ენერგია - სინათლის და სიყვარულის ღვთიური ენერგია.(ტერმინოლოგია პირობითია ) და თუ რეალური მხოლოდ ნათელი ენერგიაა, საიდან ვხვდებით ამდენ ბოროტებას, ამდენ სიბნელეს?! თავის დროზე, ამ კითხვაზეც ვუპასუხებ..... ჩვენ უსასრულოდ დიდი ხანია ვარსებობთ, და ერთი საერთო საწყისიდან მოვდივართ, საწყისიდან პირველ სამყარომდე სულის მოგზაურობა ძალიან ძნელი აღსაქმელია და ადექვატური სიტყვები არ არსებობს (დანარჩენიც ასევე ძნელია , ოღონდ უკვე ანალოგიების გაკეთება შეიძლება), აქ სხვადასხვა თემაში ეწერა სულის ფრაგმენტაციაზე, მის დაყოფაზე, სული მის ინდივიდუალობას, მხოლოდ მონადის ბოლო ეტაპზე, ფრაგმენტაციის შემდგომ ახერხებს, ამ დროს ის ჯერ კიდევ სრული მონადაა, გაწონასწორებული ქალური და მამაკაცური ენერგიებით, მაგრამ აქედან თავისი სრულყოფილების გამო, ვერ შეძლებს დაბლა დაშვებას და შესაბამისად ვერანაირ გამოცდილებას ვერ მიიღებს გარდა სრულყოფილებისა. ამიტომ იგი ყოფს მის დაბალანსებულ ენერგიას ქალურ და მამაკაცურ საწყისად და იწყებს პირველ და ერთადერთ რეალურ დაბადებას სამყაროში, მის მენტალურ პლანზე. იშენებს მენტალურ სხეულს. სულის ცნობიერება ერთდროულად იბადება ქალის და მამაკაცის სხეულში, სხვადსხვა ადგილას (მინუს-პლიუსის პრინციპით ერთმანეთი რომ არ მიიზიდონ), მაგრამ ეს ხდება არა ჩვენთან, არამედ გაცილებით ზედა განზომილებაში........ |
|
|
Oct 12 2011, 06:14 PM
Post
#2
|
|
BLUE soul Group: Members Posts: 1,626 Joined: 11-January 11 Member No.: 6,353 ნიკის ჩასმა პოსტში მონიშნულის ციტატაში ჩასმა |
.......ახლა იმის შესახებ თუ როგორ ვართ "მოწყობილი" და ვინ უფრო მეტი ვართ სული თუ ფიზიკური სხეული. სხეულს ხშირად ადარებენ ჭურჭელს, ან ტანსაცმელს, რომელსაც სული ადვილად იცვლის, უბრალო მატერიალურ ფორმას, რომელსაც სული მხოლოდ გარკვეულ მომენტში იყენებს, თორემ ის რასაც ჩვენ წარმოვადგენთ სინამდვილეში არანაირი კავშირი არა აქვს ჩვენთან. ეს გარკვეულწილად ასეა, მაგრამ მხოლოდ გარკვეულწილად, რადგან ყველაფერი გაცილებით რთულადაა. რასაც ჩვენ წარმოვადგენთ ახლა, ეს არის არა ცალკე სული და ცალკე სხეული, არა მანქანა და მძღოლი, არამედ ადამიანი წარმოადგენს სულისა და სხეულის ერთმანეთში " შეზრდილ" ერთ ძალიან რთულ ორგანიზმს, რომლიდანაც ერთერთის გამოყოფა, სანამ ადამიანი ცოცხალია, თითქმის შეუძლებელია.
ფიზიკური სხეულის აგებულებასა და მის ფუნქციების შესახებ, ანატომია და ფიზიოლოგია თითქმის ამომწურავ პასუხს იძლევა, მის მეორე ასპექტზე - აზროვნება, ფიქრები, ემოციები, - ფსიქოლოგია იძლევა არც თუ ისე ცუდ წარმოდგენას. ასე რომ, სკეპტიკოსებისთვის, რომლებიც თვლიან რომ არანაირი სული არსებობს, ჩვენ, ჩვენი სხეულისა და ფსიქიკის ერთიანობა ვართ, მორწმუნეთა უმეტესობა თვლის, რომ სხეული არაფერია, ჩვენი სული კი ის არის ვინც ფიქრობს, აზროვნებს და გარდაცვალებისას კვდება სხეული, ის კი რასაც და როგორ ვაზროვნებთ უცვლელი რჩება და ის არის ჩვენი სული. მითუმეტეს მათ, ვისაც სხეულიდან გასვლის ფენომენი გამოუცდიათ, კარგად იციან რომ "თან მიყვებათ", ყველაფერი ის რასაც ფიქრობენ, "თან მიყვებათ" აზროვნება, მართალია ცოტა სხვანაირი - ერთდროულად უფრო მკვეთრიც და უფრო შენელებულიც, მაგრამ საკუთარი აზროვნება. ან ვინც გაცნობიერებული სიზმრის პრაქტიკას ეწევა, აქაც იგივე სიტუაცაა, აქედან გამომდინარე დასკვნაც ლოგიკური გამოაქვთ - რასაც შეიგრძნობენ და აღიქვმაენ სხეულის გარეთ, ვინც შეიგრძნობს და აღიქვამს - ასტრალური მოგზაურობის თუ გაცნობიერებული სიზმრის დროს, რაც პრაქტიკულად ერთი და იგივეა - არის წმინდა სულიერი გამოცდილება და არის მხოლოდ სული. ასევე ისინი, ვისაც კლინიკური სიკვდილი გამოუცდიათ და გარკვეულწილად უნახავთ იქეთა მხარე, უკვე "იციან", რა არის და რას გრძნობს სული. საქმე ისაა, რომ ყველაფერი ასე მარტივი არ არის. არც ერთ ზემოთ აღწერილ შემთხვევაში ენერგეტიკული კავშირი სხეულთან ბოლომდე გაწყვეტილი არ არის, და ამდენად, ასეთი გასვლების დროს მიღებული ყველა შთაბეჭდილება, წარმოადგენს არა წმინდა სულიერ შთაბეჭდილებას, არამედ იმას, რასაც ჩვენი ადამიანური გონება გვთავაზობს, რისი და რამდენად "შემოტანაც" შეუძლია ასტრალურ სხეულს ფიზიკურ პლანზე. რჩება მცდარი შთაბეჭდილება, რომ ჩვენი პიროვნება და ჩვენი სული ერთი და იგივეა, ოღონდ ფიზიკური სხეულის და ზოგი უარყოფითი აზრის გარეშე, როდესაც რეალურად ასტრალური შთაბეჭდილება ფიზიკურთან უფრო ახლოსაა, ვიდრე სულიერთან........ |
|
|
Lo-Fi Version | Time is now: 2nd June 2024 - 04:42 PM |