კარლოს კასტანედა, შამანური პრაქტიკები Options

[Merlin]

ქრისტეს მოსვლის შემდეგ ძველმა რელიგიებმა თავისი აქტუალობა დაკარგეს და ნელ-ნელა ჩაქრობისკენ წავიდა ძველი სულიერების ყველა ფორმა. ქრისტეანობა შეიცავს თავის თავში ყველა იმ სულიერ ძალებს, რომლებიც იყო ძველ რელიგიებში განბნეული. ბუდას, მოსესა თუ ზარატუსტრას რელიგიამ შეასრულა თავისი მისია, ახლა იმ სულიერი ძალების ადამიანში განხორციელების დროა, რომელი სულიერი ძალებიც სამების სიმაღლიდან ჩამოუტანა კაცობრიობას ქრისტემ. ღმერთი ადამიანად განსხეულდა, რათა ადამიანისთვის ღმერთად გახდომის შესაძლებლობა მიენიჭებინა. იმ ფაქტს, რომ ქრისტეანობა შეიცავს თავის თავში ყველა სულიერ ძალას, ეხმიანება ერთი ოკულტური ლეგენდა ადეპტის შესახებ, რომელიც შუა საუკუნეებში ევროპაში განსხეულდა, მას ყავდა თორმეტი დიადი მასწავლებელი, რომელთაგანაც თითოეული წარსულის ერთი კონკრეტული ეპოქის ცოდნისა და სიბრძნის მატარებელი იყო ისე, რომ თორმეტივე ერთიანობაში მთლიანად იტევდა კაცობრიობის სულიერ მემკვიდრეობას. თორმეტივემ მთელი თავისი ძალა, ცოდნა და სიბრძნე ამ ერთ მოსწავლეს გადასცა, რის შემდეგადაც ეს მოსწავლე გარდაიცვალა, ხოლო ერთი საუკუნის შემდეგ კაცობრიობას მოევლინა ქრისტეან როზენკროიცის სახელით, რომელმაც შექმნა ადეპტების საძმო და ქრისტეანობის ახალ ნაკადს ჩაუყარა საფუძველი, რომელიც მანამდე ეზოთერულად არსებული, მეოცე საუკუნის დასაწყისიდან რუდოლფ შტაინერის წყალობით ეგზოთერულად გამოვლინდა ანთროპოსოფიის სახით. რუდოლფ შტაინერის მიხედვით ქრისტეან როზენკროიცი არჩეულ იქნა ამ მისიისათვის, რადგან ერთ-ერთ წინა ინკარნაციაში ის იყო ქრისტეს საყვარელი მოსწავლე იოანე, ხოლო მეთვრამეტე საუკუნეში სენ-ჟერმენის სახელით მოღვაწეობდა. ამ ყველაფრით იმის თქმა მსურს, რომ როზენკროიცერული ქრისტეანობა თავის თავში ყველა კეთილისმყოფელ სულიერ ძალას შეიცავს რაც კი რამე არსებობს დედამიწაზე. ამიტომაცაა, რომ რუდოლფ შტაინერი, როგორც როზენრკოიცერული მისტერიების ხელდასხმული ყველა მიმართულებით ფლობს ცოდნას და შესაბამისად ანთროპოსოფიაც თავის თავში კაცობრიობის მოღვაწეობის ყველა სფეროს მოიცავს.

ამის საპირისპიროდ ელენა ბლავატსკაიას თეოსოფია წარსულის ერთ-ერთი კულტურისა და ეპოქის აწმყომდე მოტანილი ცოდნაა, მიუხედავად იმისა, რომ თავისი ცოდნის სფეროდან გამომდინარე ყველაფრის ახსნის მცელობაა (თუმცა წარუმატებელი). ბლავატსკაიაც, ოლკოტიცა და ჯაჯიც ბუდისტებაც მოინათლნენ, მაჰატმა მორია და მაჰატმა კუტჰუმიც ბუდისტებამ მიიჩნევენ საკუთარ თავებს. ანუ ისინი ძველი ბუდისტური სიბრძნის მატარებლები არიან და შესაბამისად ისინი განსაკუთრებით კომპეტენტურები და ადეკვატურები არიან შორეული აღმოსავლეთის სულიერების სფეროში, მაშინ როდესაც როგორც კი თავიანთი ძველი წესით ხელდასხმით მიღებული ნათელხილვით ან ლოგიკური აზროვნებით ცდილობენ, რომ ახსნან ის, რაც დასავლური ოკულტიზმის შემეცნების სფეროს განეკუთვნება, ძალიან უხეშ შეცდომებს უშვებენ, რომლის ერთ-ერთი მაგალითიც ზემოთაც მოგიყვანეთ, იაჰვესთან, ქრისტესთან და ლუციფერთან დაკავშირებით. ქრისტეს განსხეულებისა და გოლგოთას მისტერიის შეუმეცნებლობა კი არის ის მთავარი მიზეზი რაც აღმოსავლეთის ადეპტების (არამარტო მორიასი და კუტჰუმის) სწავლებას შედარებით უნაყოფოს ხდის. ერთადერთი გამოსავალი რაც მათ, ან ნებისმიერმა სულიერებით დაინტერესებულმა ადამიანმა შეიძლება გააკეთოს იმისათვის, რომ მისმა ევოლუციამ სწორი მიმართულებით აიღოს გეზი ქრისტეს შემეცნებაა.

[Merlin]

ვინც ინგლისური იცით გირჩევთ ვიდეოლექციათა ეს ციკლი ნახოთ, აქ რაცაა იმ თორმეტი ლექციის თავიდან ბოლომდე ყურადღებით მოსმენა საკმარისი იქნება, ქრისტეს განსხეულების კოსმიური მნიშვნელობა გაცნობიერებისთვის.

https://www.youtube.com/playlist?list=PL81362E07CA27CB52

[Merlin]

''''ხომ არიან ძველი ოკულტისტებიც, რომელთა სწავლებები და მეთოდები მართლაც ამართლებს მხოლოდ სხვადასხვა უნარების განვითარების კუთხით (ეს იქნება ექსტრასენსორიკა, ინტუიცია, სტიქიებთან მუშაობა და მრავალი სხვა). მე არ ვამბობ რომ მათი სულიერად განვითარების გზა ჭეშმარიტია, მაგრამ მათი სწავლებები ადამიანის გარკვეულ უნარებს მართლაც ანვითარებენ.''''

ამას რაც შეეხება, აქ უნდა ვთქვა, რომ ეზოთერულ სწავლებებზე რაც ვილაპარაკე ის ყველაფერი მეცხრამეტე საუკუნის ბოლომესამედიდან მეტადრე კი მეოცე საუკუნის დასაწყისიდან შემოსულ სწავლებებს ეხებოდა. ეს თარიღი ზოგადად გარდამტეხი პერიოდია, აქედან იწყება ახალი ეპოქა, რომელშიც დიდ სიკეთესთან ერთად დიდი ბოროტებაც შემოდის კაცორბიობის ევოლუციაში ახალ ნაკადებად. ამ ახალ ეპოქაში შესასვლელად აღმოსავლეთის ადეპტებმა ბლავატსკაიას გზით თავისი საიდუმლო დოქტრინა გადასცეს კაცობრიობას, რომელმაც, როგორც ვთქვით მთლად ისე ვერ შეასრულა და ვერ ასრულებს იმ მისიას, რომლისთვისაც იყო მოწოდებული, ხოლო დასავლეთში განვითარებული მისტერიალური ქრისტეანობა ანთროპოსოფიის სახით გადაეცა კაცობრიობას, როგორც მიქაელის სწავლება, მიქაელისა, იმიტომ რომ ახალი აპოქის დროის სული (არქე) სწორედ ისაა. ზოგადად თეოსოფიისა და ანთროპოსოფიის შესახებ კარგადაა ჩამოყალიბებული ამ მოკლე სტატიაში, სადაც ძირითადი ნიშნულებია გამოკვეთილი: https://southerncrossreview.org/57/tomberg.htm

ხოლო ამ ახალ ეპოქამდე არსებულ ოკულტურ სწავლებებს რაც შეეხება იქ საერთოდ სხვა სურათია. სიცრუის ასეთი სიჭარბეს არ აქვს ადგილი, როგორც ეს დღესაა. უამრავი ღირებული სულიერი მემკვიდრეობაა ჩვენამდე მოსული წინა საუკუნეებიდან. მარტო შუა საუკუნეებში იმდენი რამაა დაწერილი, რომ ერთი ცხოვრება არ ეყოფა წასაკითხად. რა თქმა უნდა ამ სწავლებების გაცნობაც ძალიან სასარგებლო იქნება. მაგრამ აქვე კიდევ ერთხელ უნდა გავუსვათ ხაზი იმას, რომ ამ სწავლებებიდან საუკეთესოსაც კი არ შესწევს უნარი თანამედროვე ეპოქის სირთულეებთან შესახვედრად მოამზადოს ადამიანი, და მით უმეტეს მომავლისკენ გაუძღვეს მას. ცენტრალური ადგილი იმას უნდა ეკავოს რაც თანამედროვეობაზეა გათვლილი.

ოკულტურ უნარებს რაც შეეხება, ასეთი უნარები თავისთავად არც კარგია და არც ცუდი. თუ ეს უნარები ჭეშმარიტების სამსახურშია ჩაყენებული კარგია, თუ არა და არა. ისე კი ასეთი უნარების გასავითარებლად დარწმუნებული ვარ თანამედროვეობაშიც მოინახება წიგნები, მარტო კასტანედაც კმარა სამაგალითოდ, მაგრამ სხვებიც იქნება. თუმცა მთავარი ჭეშმარიტებასთან რამდენად გვაქვს საქმე, თორემ მუშა პრაქტიკები იმდენია გაკეთებას ვერ მოასწრებს კაცი.

მაგრამ ასეთი უნარების დევნა ნაკლებად სასურველია ჩემი აზრით. მაგალითად არიმანის ინკარნაციასთან დაკავშირებით ნათქვამია, რომ ის როდესაც ადამიანად განსხეულდება ოკულტურ სწავლებებს ააღორძინებს, დაარსებს სპეციალურ სკოლებს სადაც ათასნაირ მაგიას და ოკულტიზმს ასწავლიან ადამიანებს, მაგრამ ეს ყველაფერი ძალიან ცუდი შედეგებისკენ წაიყვანს კაცობრიობას და მით უმეტეს იმ ადამიანებს ვინც უშუალოდ იმონაწილევებენ მასში. ოკულტური პრაქტიკა იმის ოკულტურია რომ უნდა იმუშავოს, თუ არ მუშაობს ესეიგი არც ყოფილა ოკულტური პრაქტიკა, საკითხავი ისაა, გრძელვადიან პერსპექტივაში დანახულს რამდენად სასარგებლო შედეგები მოაქვს ამა თუ იმ მეთოდს. თორემ ახლო მომავალში ეზოთერიკის ისეთი ბუმი დატრიალდება რომ შეიძლება ასავალ-დასავალმაც კი არიმანის ეგიდით ყოველ კვირა ახალ ახალი პრაქტიკები გამოსცეს, რომელიც იმუშავებს და მთელი უბედურებაც ეგ იქნება.

[Merlin]

old man

ვფიქრობ, ნაწილობრივ მართალი ხარ, თუმცა ერთი რამ გრჩება მხედველობიდან, კასტანედა უბრალოდ დაბალი რანგის გზა არ არის, რომელიც შეიძლება დაბალი რანგისვე საკითხებთან დაკავშირებით გამოიყენო და შემდეგ გააგრძელო გზა დიდი სიმაღლეებისკენ. კასტანედას პრაქტიკები პირდაპირი გეგბით ხელის შეშლა და დაბრკოლებაა ქრისტეს გზაზე გავლის მსურველი ადამიანისთვის. ორივე ერთად არ გამოვა. გარდა ამისა საქმე იმაშია, რომ რაც კასტანედასთან უმაღლეს მიზნადაა დასახული სრული კატასტროფა და ტრაგედიაა ქრისტეანული თვალსაზრისით, ესეც იმ შემთხვევაში თუ ამ გზაზე ადამიანი არ ჩავარდა იმ აუარებელ უფსკრულებიდან რომელიმეში, რომელიც მას ამ გზაზე მოელის, ხოლო ჩავარდნის შეთხვევაში ასეთი ფინალის აღსაწერად კატასტროფაზე და ტრაგედიაზე კიდევ უფრო მძიმე სიტყვების მოძებნა დაგვჭირდება.

jajala - იმედია დაახლოებით მაინც აცნობიერებ რა მოხდება, თუ შენს გარშემო მყოფი რომელიმე ადამიანთაგანი უბრალოდ დილით აღარ გაიღვიძებს ან დაიძინებს და მეორე დღეს ვეღარავინ იპოვის. დაახლოებით მაინც თუ აცნობიერებ რამხელა ბოროტებით შეიძლება დასრულდეს თქვენი ეს ჭირვეულობა სახელად ''საჩემო ოკულტიზმი''? თუ წარმოგიდგენია რა დაგემართება თუ რომელიმე სულს სამუდამოდ დაღუპავ? არასდროს გიფიქრია იმაზე შენს რუკაში ლილიტი მორიელის ნიშანში რატომაა? ან იმას მაინც თუ ამჩნევ, რომ შენს გარშემო ჯანმრთელი ადამიანები თითქმის არ არიან? ფსიქიკურ ჯანმრთელობას ვგულისხმობ პირველ რიგში...

[brevalo]

Merlin

ქრისტეანობაა ერთადერთი რელიგია, რომელიც მომავლისკენ მიუძღვება კაცობრიობას.

ხშირად ახსენებ ქრისტეს გზას, რომელიც ძალიან სწორი და ჭეშმარიტი გზაა. მაგრამ ხომ არსებობს სხვა რელიგიებიც? მაგალითად, ბუდა, მუჰამედი, კრიშნა და სხვა. რა ქნან იმ ადამიანებმა, რომლებიც ინდუისტები ან ბუდისტებია? ასეთ ადამიანებს მომავალი არ აქვთ?

[brevalo]

Merlin

ლუციფერი მეორე რადიკალურობაა - ის ცდილობს ადამიანს დაუკარგოს ინტერესი ყოველგვარი მატერიალურის მიმართ, მისი ყურადღება მთლიანად მიმართოს შინაგანი სამყაროსკენ და ინდიფერენტული გახადოს გარე რეალობისადმი. რადიკალურად აიტაცოს ზევით, სულიერებისკენ, მოუტანოს სულიერება, რომელიც ადამიანს იმ გზას ააცდენს, რომელზეც ადამიანმა წესით და რიგით უნდა გაიაროს. ლუციფერის საბოლოვო მიზანი ადამიანის მიმართ მისი სრულიად მოწყვეტაა მატერიალური სამყაროსგან და დედამიწიდან მისი წაყვანა საკუთარ სამყაროებში.

რა მაინტერესებს, სამადჰის მდგომარეობაც ხომ გულისხმობს ყოველგვარი მატერიალურის ოლუზორულად აღქმას, ანუ მატერიალური სამყაროდან მოწყვეტას.
ესეიგი შეიძლება დაიბადოს ეჭვი რომ სამადჰისაც რაიმე საერთო აქვს ლუციფერულთან?

[Merlin]

'''' მაგრამ ხომ არსებობს სხვა რელიგიებიც? მაგალითად, ბუდა, მუჰამედი, კრიშნა და სხვა. რა ქნან იმ ადამიანებმა, რომლებიც ინდუისტები ან ბუდისტებია? ასეთ ადამიანებს მომავალი არ აქვთ?''''

ამ საკითხთან დაკავშირებით ერთი რამ უნდა გავითავისოთ, მანამდე არსებული რელიგიები ან ადეპტების მიერ იყო დაარსებული ან კონკრეტული იერარქიული არსებების მიერ (ანგელოზთა იერარქიას ვგულისხმობ). ადეპტი ადამიანია, რომელმაც სულიერი სამყაროების შემეცნებას მიაღწია, მაგრამ ის რაც არ უნდა განვითარებული იყო მაინც ადამიანია. მაგალითად მოსე, მოსემ კაცობრიობას იაჰვე ელოჰიმის რელიგია გადასცა, ელოჰიმი კი არ არის ღმერთი ამ სიტყვის აბსოლუტური გაგებით, არამედ არის ფორმის სული, ანგელოზთა იერარქიის ერთ–ერთ საფეხურზე მყოფი არსება. იგივე ითქმის ინდურ, სპარსულ, ეგვიპტურ, ბაბილონურ ან ბერძნულ რელიგიებზეც.

https://anthropopper.files.wordpress.com/20...at-20-37-50.png

აი სულიერი იერარქია, აქაა მოცემული სიცოცხლისა და ევოლუციის ათი საფეხური, ადამიანიდან დაწყებული გაგრძელებული სულიერ არსებათა ცხრა იერარქიით. ამ ცხრა იერარქიის შემდეგ მოდის სამება. თითოეულ საფეხურზე მყოფი არსება წინას ერთი პლანეტარული ინკარნაციის ევოლუციით უსწრებს. ანუ ეს იმას ნიშნავს, რომ ადამიანი, რომ დაამთავრებს დედამიწის ევოლუციას ანგელოზის სიმაღლეზე ავა, ანგელოზი კი მთავარანგელოზისაზე. ეხლა ვინც ანგელოზია დედამიწის წინარეინკარნაციაში, რომელსაც ძველი მთვარის ეპოქა ეწოდება, მაშინ ადამიანის ევოლუციას გადიოდა, ხოლო ადამიანი ცხოველის მსგავს მდგომარეობაში იმყოფებოდა და ასე შემდეგ. აქ ისიც უნდა ითქვას, რომ განსხვავება ანგელოზსა და მთავარანგელოზს, ან მთავარანგელოზსა და არქეს შორის იმდენადვე დიდია, რამდენადაც განსხვავება ადამიანსა და ცხოველს ან ადამიანსა და თვალითუხილავ ადამიანს შორის.

აქედან იმის თქმა, მინდა, რომ მაგალითად ბუდა ადეპტია, გასხივოსნებული ადამიანი, რომელიც მიუხედავად იმისა თუ რამდენად გასხივოსნებული იყო, მაინც ადამიანის დონეს მიეკუთვნება და ძალიან შორსაა თავისი ევოლუციური განვითარებით ერთით მაღალი იერარქიული საფეხურის არსებებთან – ანგელოზებთან. ხოლო თუ ბუდა ანგელოზს ერთი პლანეტარული ევოლუციით ჩამორჩება, წარმოიდგინეთ რამდენად უფრო დიადი არსება უნდა იყოს ის ვინც ცხრავე იერარქიაზე მაღლა დგას.

ქრისტე სამყაროს შემოქმედი სამების მეორე წევრია, რომელიც განსაზღვრულ დროს და განსაზღვრულ ადგილას დაეშვა დედამიწაზე და ადამიანში განსხეულდა და სამი წლის განმავლობაში აღასრულა ის მისტერიები, რომელთა გამეორებაც ადამიანის კოსმიური მიზანია.

[brevalo]

Merlin

სრულიად გასაგებია რასაც ამბობ. ამ თეორიიდან ჩანს, რომ ქრისტეს გარდა სხვა სულიერი გზა ვერ მიგვიყვანს მეცხრე იერარქიამდე (ანგელოზთა იერარქიამდე). ანუ გამოდის, რომ ყველა სხვა გზა ადამიანურია ქრისტეს გზის გარდა? ესეიგი ვინც ქრისტეს გზას მიჰყვება ის რჩეული ხალხია? არ გაიგო ისე, რომ მე სხვა რელიგიის წარმომადგენელი ვარ. მეც ქრისტიანი ვარ, მაგრამ მაინც მიმაჩნია რომ ყველა სულიერი გზა ჭეშმარიტია. ხოლო ჭეშმარიტება შიგნიდან მოდის.


P.S. მეორე კითხვაზეც მაინტერესებს პასუხი, რა თქმა უნდა, თუ არ დაიზადებ. მადლობა წინასწარ

[Merlin]

(ვაგრძელებ პასუხს, ვერ მოვასწარი წეღან დაწერა...)

ამდენად როგორც იქიდან ჩანს, რაც ზემოთ ითქვა, ქრისტეანობა თავის თავში უსასრულოდ უფრო დიადი სიკეთის ძალების მატარებელია ვიდრე სხვა ყველა რელიგია ერთად აღებული იმიტომ, რომ აქამდე არსებული რელიგიები ხელდასხმულების მიერ იყო დაარსებული (იერარქიულ არსებებთან კონტაქტის საფუძველზე), ნებისმიერი ხელდასხმული კი, რაც არ უნდა განვითარებული იყო ის, მაინც ადამიანთა სამეფოს მიეკუთვნება, ანგელოზიც კი კოლოსალური მასშტაბებით უფრო დიადი არსებაა ვიდრე ადამიანი განვითარების ამ საფეხურზე (თუმცა ადამიანს აქვს რაღაც ისეთი რაც ცხრა იერარქიიდან არცერთ არსებას არ გააჩნია, და ამდენად ადამიანის სულიერი პოტენციალი აღემატება ანგელოზთა იერარქიების პოტენციალს, რადგან მათ მატერიალური ევოლუცია არ გაუვლიათ), ხოდა წარმოიდგინე რამდენად უფრო დიად ჭეშმარიტებას შეიცავს სამების სიმაღლეზე მყოფი არსების მიერ დედამიწაზე უშუალოდ მისმიერვე შემოტანილი რელიგია, ვიდრე რომელიმე ადეპტის წვდომის შედეგად დაფუძნებული სწავლება. იოანეს სახარება ამბობს: ყოველივე მის მიერ შეიქმენა, და ვის მიერაც შეიქმნა ყოველივე თავად ის განსხეულდა ადამიანად და ის იყო ადამიანთა შორის...

სხვა რელიგიებს რაც შეეხება, ყველა რელიგიას თავისი მისია ჰქონდა, აქამდე ყველაფერი რაც ხდებოდა ქრისტეს მოსვლისთვის მზადება იყო. იუდაიზმი იქნება ეს, ზოროასტრიზმი, ინდუიზმი თუ ბუდიზმი, ეს დიდი რელიგიები დიად ჭეშმარიტებებს შეიცავს, მათში ის სულიერი ძალებია, რომლებიც კაცობრიობას მიეცემოდა სულიერი არსებების მიერ. მაგრამ თითოეული ამ რელიგიათაგანი რელევანტური და ადეკვატური იყო იმ დროსა და კულტურულ გარემოში, რომელშიც ის დაიბადა და არსებობდა. ანუ მაგალითად იუდაიზმი მხოლოდ ებრაელებისთვის იყო განკუთვნილი, მათი სულიერი მისიის შესასრულებლად, ინდუიზმი მხოლოდ ინდოელმა ხალხმა იგუა, მიუხედავად ინდური კულტურის ფართოდ გავრცელებისა შორეულ აღმოსავლეთში, ინდური რელიგია ინდოელის საკუთრებად დარჩა, ზოროასტრიზმი სპარსელებისა, ხოლო ბუდიზმი მხოლოდ და მხოლოდ მონგოლოიდური რასის ხალხმა მიიღო თავისად. ეს ყველაფერი იმითაა განპირობებული, რომ ეს რელიგიები იმ ჭეშმარტებებს და ძალებს შეიცავენ, რომლებიც კონკრეტული ხალხის ან ხალხებისთვის არის გამიზნული, და ისიც კონკრეტული დროისთვის აუცილებელი მისიის შესასრულებლად. თუმცა ინერციით თავისი მისიის ამოწურვის შემდეგაც აგრძელებენ არსებობას. ეს ყველაფერი იმიტომ ვილაპარაკე, რომ წარმომეჩინა ქრისტეანობამდელი რელიგიების არაუნივერსალურობა. თანამედროვე ევროპელ ადამიანს ძალიან გაუჭირდება ბუდიზმიდან იგივე სარგებელი მიიღოს რა სარგებელსაც ძველ აღმოსავლეთში მცხოვრები ადამიანი ღებულობდა და ასე შემდეგ...

რაც შეეხება იმ კითხვას თუ ბუდისტებსა და ინდუისტებს რა ეშველებათ, ან თუმდაც მუსულმანებს. ჯერ აქვე ვიტყვი, რომ ისლამზე საერთოდ ცალკეა სალაპარაკო და არ შეიძლება მუჰამედის დაყენება მოსეს და მით უმეტეს ბუდას გვერდით. რაც შეეხება შველას: მეცხრამეტე საუკუნის ბოლო მესამედამდე კაცობრიობა ჯერ კიდევ ატარებდა წარსულიდან მოყოლებულ სულიერ ძალებს, ანუ ამ დრომდე ისეთი აუცილებლობა არ იდგა ადამიანის წინაშე, რომ ქრისტეს დაახლოებოდა, აქამდე ჯერ კიდევ ჰქონდა ადამიანს შემორჩენილი რაღაც იმ სულიერი ძალებისა, რომლებიც ძველმა ხელმდასხმულებდა გადასცეს კაცობრიობას. ხოლო ეს დრო და ამ დროის შემდეგი პერიოდი უკვე ემთხვევა გლობალიზაციის დაწყებას, რამაც კულტურათაშორისი დაახლოება განაპირობა და გაუჩინა შესაძლებლობა ევროპლეს გასცნობოდა აღმოსავლურ რელიგიებს და აზრიელს -გასცნობოდა დასავლეთში გავრცელებულ რელიგიებს. ეს შესაძლებლობა რა თქმა უნდა ახლა კიდევ უფრო გაიზარდა და როგორც ჩვენ არაფერი არ გვიშლის ხელს აღმოსავლეთის სულიერების გაცნობაში, ისევე არ უშლის ხელს არაფერი ინდოელსა და ჩინელს გაეცნოს ქრისტეანობას. აქედან გამომდინარე ახლა უკვე ყველაფერი არჩევანზეა დამოკიდებული. გარდა ამისა იმ ადამიანებს ვინც ახლა აზიაში იმყოფებიან სამომავლოდ ექნებათ შესაძლებლობა რომ დასავლეთში განსხეულდნენ და შესაბამისად ქრისტეანობის შემეცნების უფრო მეტი შანსი ჰქონდეთ. სულები უამრავ სხვა და სხვა ადგილას შემოდიან განსხეულებაში განსხვავებული გამოცდილებების მისაღებად...

[Merlin]

''''რა მაინტერესებს, სამადჰის მდგომარეობაც ხომ გულისხმობს ყოველგვარი მატერიალურის ოლუზორულად აღქმას, ანუ მატერიალური სამყაროდან მოწყვეტას.
ესეიგი შეიძლება დაიბადოს ეჭვი რომ სამადჰისაც რაიმე საერთო აქვს ლუციფერულთან?''''

ამ კითხვას რაც შეეხება, აქ თუ სამადგჰიში ადამიანის იმ მდგომარეობას გულისხმობ, როდესაც ის სულიერი სამყაროების აღქმაში შედის, რა თქმა უნდა ამ შემთხვევაში ასეთი აღქმაში თავისთავად არაფერი ცუდი არ არის. მაგრამ სავარაუდოდ შენ სამადჰიში გასხივოსნებას გულისხმობ, ანუ იმ მდგომარეობას, როდესაც ადამიანისთვის შესაძლებელი ხდება მატერიალური განსხეულებებიდან თავის დაღწევა.

ზოგადად ლემურიის დროიდან მოყოლებული რომის ეპოქამდე დედამიწაზე განსაკუთრებით ძლიერი იყო ლუციფერის გავლენა, მისმა ინსპირაციამ კულმინაციას ქრისტეშობამდე მესამე ათასწლეულს მიაღწია, როდესაც ლუციფერი ჩინეთის იმპერატორის სახით იყო განსხეულებული. (რომის დროიდან მოყოლებული კი არიმანის გავლენა ძლიერდება, რომელის კულმინაცია ოცდამეერთე საუკუნეში მისი ფიზიკური განსხეულება იქნება). ლუციფერის განსხეულებამ სიბრძნის ძლიერი იმპულსით განმსჭვალა კაცობრიობა, განსაკუთრებით კი აღმოსავლეთი, თუმცა ეს ზეგავლენა აღმოსავლეთით არ შემოიფარგლება. ეს არ ნიშნავს, რომ ამგვარი სიბრძნე ცრუ სიბრძნეა ან რამე ასეთი, ლუციფერისგან სიბრძნის გარდა სხვა მრავალ დადებითს იღებს კაცობრიობა. ესაა ერთ-ერთი მიზეზი, რატომაცაა აღმოსავლურ სწავლებებში ინკარნაციებიდან გასვლის შესახებ სწავლება გაბატონებული.

იმის და მიუხედავად, რომ პირდაპირ ასე რომ ეწეროს არ წამიკითხავს, მაგრამ ბუდაც კი, რომელიც შტაინერის თქმით, ქრისტეს და იმ სულის ინსპირაციის ქვეშ იყო, რომელსაც სკანდინავიელები ოდინის სახელით იცნობენ, სავარაუდოდ ლუციფერის ძლიერ გავლენას განიცდიდა და სავარაუდებელია, რომ ესაა ის მიზეზი, რატომაც ბუდიზმში იმ იდეებს, რომლებიც ლუციფერთანაა დაკავშირებული ერთ-ერთი წამყვანი ადგილი უკავია.

ეხლა იგივე საკითხთან დაკავშირებით ქრისტეანული თვალსაზრისზეც რომ ვთქვათ ორიოდე სიტყვა. სახარებაში ასეთი რამ წერია, ქრისტე ამბობს:
იოანე 17.18. როგორც შენ მომავლინე ამ ქვეყნად, ისე მე მივავლინე ისინი ქვეყნად.
მათე 28.20. ....მე თქვენთანა ვარ დღემუდამ ვიდრე ქვეყნის დასასრულამდე. ამინ.
ამ სიტყვებში მჟღავნდება ორი რამ: ქრისტე ამბობს, რომ კაცობრიობა მან წარმოგზავნა მატერიალურ სამყაროში და რომ ადამიანმა მატერიალური ევოლუცია ბოლომდე უნდა გაიაროს. ეს ევოლუცია კი სამუდამოდ არ გაგრძელდება, ფიზიკური განსხეულება ლემურიის ეპოქაში დაიწყო კაცობრიობამ, ხოლო თუ სწორად მახსოვს მეექვსე ცივილიზაციაში ფიზიკური სხეულები უკვე აღარ ექნებათ ადამიანებს. ანუ იმის თქმა მინდა, რომ ინკარნაციათა წრებრუნვა დასრულდება ისედაც თავისით, დაწყებით კიდევ სამყაროში არსებული აუცილებლობიდან გამომდინარე დაიწყო და ეს ყველაფერი რომ სიკეთის მიზანს ემსახურება იქიდან ჩანს, რომ თავად ქრისტე ამბობს, რომ მან მიავლინა ადამიანები მატერიალურ სამყაროში.

[starscream]

მეც ჩავაკვეხებ სიტყვას შტაინერზე და კასტანედაზე შტაინერის მიხედვით სულიერი სამყაროს აღქმის ორგანოების განვითარება უფრო უასფრთხოა და კასტანედასი მაღალი რისკების შემცველია კასტანედა გვთავაზობს ენერგეტიკული სხეულის პირდაპირ განვიტარებას შტაინერი კიდე დღის განმალობაში მედიტაციების შესრულებას და გარკვეული ეთიკის ნორმების დაცვას და მიყოლას ცხოვრების განმალობაში.

[Existence]

.

[Existence]

Merlin გამარჯობა )

გადავავლე შენი პოსტებს თვალი თვალი და ერთი რამის დაწერა მომინდა მხოლოდ, მე ადრეც გეუბნებოდი შენ და ჯგუფშიც ვიძახდი რო ბევრი რამ ჩემთვის მიუღებელი იყო , გადამატებული ჩაციკვლა რისი ჭამა შეიძლება და რისი არა (ასკეზაზე) და ხშირ შემთხვევაში ასკეზის პირველ პლანზე დაყენება როცა ის უბრალოდ სიყვარულის სამსახურში ანუ მის გაღრმავებაში ხელშესაწყობად უნდა იყოს გამოყენებული და არა თავად თვითმიზანი, რაც ცნობიერად თუ არაცნობიერად ასე ხდებოდა და ბევრი თავს იტანჯავდა შენი ჩათვლით (არ გეწყინოს) ეს რომ ასე იყო ჯგუფის მასწავლებლის პასუხისმგებლობაც არის მან ვერ განსაზღვრა რო ყველას მისავით არ შეეძლო ყველაფრის გადაყრა და არ აქცევდა ყურადღებას არა მარტო ასკეზასთან დაკავშირებით მოსწავლეებისთვის სწორი გეომეტრიით აზროვნების დანერგვას არამედ ზოგადად ჯგუფში არსებულ ერთმანეთისადმი ირონიულ და არაეთიკურ დამოკიდებულებასაც, ასე ვთქვათ მიშვებული ყავდა არ ერეოდა და უბრალოდ სწავლებას გადაცემდა

ეხლა ვითარებ შეცვლილია თითონ მასწავლებელიც შეიცვალა ჯგუფთან ერთად და მისი მიდგომები გაცილებით ნატიფია და დახვეწილი ითვალისწინებს რა თითოეული მოსწავლის ინდივიდუალურ მდგომარეობას

თუმცა ამის დასაწრეად არ შემოვსულვარ მხოლოდ, მე მინდა ვთქვა რომ ჩემი სამწლიანი ჯგუფთან ყოფნის ბოლოს (ამ ეტაპზებ არც ერთი ჯგუფის წევრად არ აღვიქვავ თავს ) შემიძლია შევაჯამო ჩემი სულიერი მდგომარეობა და ვთქვა რომ ამ ჯგუფში არსებული პრაქტიკებით და იდეოლოგიის გათვალისწინებით გაცილებით გაიზარდა ჩემში სხვა დამიანების მიღება პატიება სიყვარული და ეთიკურად ურთიერთობის ფორმა, გაცილებით გაიზარდა კრიტიკულ სიტუაციებში სიყვარულის პირველ ადგილზე დატოვება

ეხლა რასაც ვუყურებ არც შტაინერთან მყოფი ხალხი და არც ოშოს არც გურჯიევის არც სხვა ნებისმიერი ჯგუფების მყოფ ჩემ ნაცნობ ხალხში არ იგრძნობა ის სულიერი პროგრესი რაც ამ კონკრეტულ ჯგუფში მომუშავე ხალხთან ვხედავ ყველა ლამაზად საუბრობს მარა მეტ ნაკლებად ისევ ისეთი წყენიები და საკუთარი ეგოს თუ ტერიტორიის დაცვაზე ორიენტირებული დარჩნენ მე რა ვიძახი რომ მათში არ არის პროგრესი მარა ეს პროგრესი ძალიან ნელია და ძალიან ზოგადი , ,,სიყვარულის პრაქტიკაზე '' ვინც მუშაობს სწორი გეომეტრიის აზროვნებით რომელიც ენერგეტიკულ კვერცხს ეხევბა (ხვდები შენ რასაც ვგულისხმობ ) ცა და დედამიწაა იმ ხალხთან შეარებით პროგრესი ვინც ეს არი იცის , აქ ჩემ თავზე არ ვლაპარაკობ ვინმემ არასწორად არ გაიგოს რო თავს ვიქებ მე ჯგუფის იმწევრებზე ვიძახი ვისთან ერთადაც დავყავი 3 წელი

ასე რომ ,,ხე ნაყოფით შეიცნობა'' ნათქვამია და მე ვხედავ რომ თუ ამ სწავლებაში ადამიანი მთავარ ამსავალ წერტილს იმას აიღებს რასაც მასწავლებელი იძახის რო უმნიშვნელოვანესია, პროგრესი არის აბსოლიუტურად თვალნათელი და არ არის ეს თეორიები რომელ პლანეტაზე და სად ხვდება სული სიკვდილის მერე მარსზე თუ იუპიტერზე აქ ლაპარაკია ცხოვრებაში ყველა ადმიანთან ერთიანობის განცდაზე და კრიტიკულ სიტუაციებში რეალურ ცვლილების მოწმობაზე საკუთარ თავში.

თუ შენც ამჩნევ შენ თავში რო რაც შტაინერს დაუახლოვდი უფრო მეტის პატიება შეგიძლია, უფრო მეტი მიმღებლობა გაქვს და უფრო ნაკლებად ფეთქებადი ხარ ვიდრე აქამდე იყავი მე ძალიან გამიხარდება და ესეიგი შტაინერიც ასრულებას ადამიანების გაკეთილშობილების მისიას და დანარჩენი ჩემთვის აფსოლუტურად მეორე და მესამე ხარისხოვანია. ამცხოვრებაში ყველანი სიყვარულის დასაგროვებლად მოვედით და ყველა ის გზა რაც სიყვარულს გაგროვებინებს ჭეშმარიტია ხოლო ყველა სხვა დანარჩენი, ეს შამანიზმი იქნება თუ იერარქიანიზმი რაც მეორე ადამიანთან ერთობაზე წინ რაღაც თეორიებში ხლართვას აყენებს არის დროის ფუჭად კარგვა და ტვინის არა მშვიდ ვითარებაში დამკვიდრება არამედ მისი ჰიპერაქტიურ მდგომარეობაში გადაყვანა რაც სგიიჟის პირველი სიპტომია და არა სულიერება

პატივისცემით და ბოდიში არასწორი გრამატიკული ფრმებისთვის ღამის 2 საათია ამ ტექსტს რო ვკრეფ ))

[Merlin]

გამარჯობა Existence. საბოდიშო არაფერია. მით უმეტეს გრამატიკული შეცდომები.

კარგი დავიწყოთ თანმიმდევრულად და გავყვეთ თითოეულ საკითხს.
‘’’’მე მინდა ვთქვა, რომ ჩემი სამწლიანი ჯგუფთან ყოფნის ბოლოს (ამ ეტაპზებ არც ერთი ჯგუფის წევრად არ აღვიქვავ თავს) შემიძლია შევაჯამო ჩემი სულიერი მდგომარეობა და ვთქვა, რომ ამ ჯგუფში არსებული პრაქტიკებით და იდეოლოგიის გათვალისწინებით გაცილებით გაიზარდა ჩემში სხვა დამიანების მიღება პატიება სიყვარული და ეთიკურად ურთიერთობის ფორმა, გაცილებით გაიზარდა კრიტიკულ სიტუაციებში სიყვარულის პირველ ადგილზე დატოვება’’’
გასაგებია, მაგრამ ყველაზე მნიშვნელოვანი რაზეც ჩვენ გვილაპარაკია ის გავიწყდება. იმ ყველაფრიდან რასაც ოლმეკი ასწავლის არაფერია ისეთი, ლუციფერის ინტერესებში რომ არ შედიოდეს. ლუციფერიც სინათლეა, ქრისტეც სინათლეა, ლუციფერსაც სიბრძნე მოაქვს, ქრისტესაც სიბრძნე მოაქვს, და რაც ყველაზე მნიშვნელოვანია, ისევე როგორც ქრისტეს - ლუციფერსაც მოსწონს, როდესაც ადამიანი ზნეობრივი სრულყოფილებისკენ მიიწევს. ლუციფერს თავის რიგებში მაღალმორალური, ზეიდეალისტი, ბრძენი, სინათლის მფენი და მშვენიერების უდიდესი კატეგორიების თაყვანისმცემელი არსებები სურს, რომ იხილოს. განსხვავება მხოლოდ ერთ რამეშია: ლუციფერს სურს, რომ ამ ყველაფერს ადამიანმა ჭეშმარიტი თავისუფლების გვერდის ავლით მიაღწიოს, და ვინაიდან და რადგანაც ჭეშმარიტი თავისუფლება, მხოლოდ და მხოლოდ ჭეშმარიტების შემეცნებას მოაქვს, ამიტომ ლუციფერი მზადაა ყველაფერი მისცეს ადამიანს რაც კი რამ კარგთანაა დაკავშირებული. რეალურად მისგან უფრო მეტის აღება შეიძლება ვიდრე ეს იმ პრაქტიკებითაა გათვალისწინებული რასაც ოლმეკი ასწავლის, იმიტომ, რომ ეს პრაქტიკები სულიერი სამყაროების შემეცნებამდე არ მიდის, მშვენიერებასთან საერთოდ არა აქვს თანკვეთა და სიბრძნესთანაც საკმაოდ დაბალი ხარისხით აქვს შეხება. ანუ იმის თქმა მინდა, რომ ლუციფერს იმაზე გაცილებით უფრო დიდი სულიერი სიმაღლეებისკენაც შეუძლია წაიყვანოს ადამიანი ვიდრე თქვენ წარმოგიდგენიათ. სიზმართხილვის ნაცვლად, რომელიც შემეცნების საკმაოდ დაბალ საფეხურს განეკუთვნება, შეუძლია მაძიებელს გადასცეს ნათელხილვის შესაძლებლობაც, რომლითაც უდიდესი სიბრძნის, ძალისა და მშვენიერების მქონე არსებებთან გახდება შესაძლებელი ურთიერთობაში შესვლა და მათგან კიდევ უფრო მაღალმორალური სწავლების მიღება. მაგრამ ლუციფერი ყველაფერს იღონებს, რომ ადამიანი ქრისტემდე არ მივიდეს, ის მზადაა თუ კი რამ სიკეთე არსებობს ყველაფერი მისცეს ადამიანს გარდა იმ ჭეშმარიტებისა, რომელიც ქრისტესთან და შესაბამისად არა მოჩვენებით, არამედ ჭეშმარიტ თავისუფლებამდე მიიყვანს ადამიანს. ესაა ის მიზეზი, რატომაც მაქსიმალური ყურადღების გამახვილებაა საჭირო ჭეშმარიტების შემეცნებაზე. მხოლოდ აქედან შეიძლება ლუციფერს დაუძვრეს ის ადამიანი, რომელიც ეზოთერული სწავლებებითაა დაინტერესებული. სხვა ყველა შემთხვევაში მისთვის თავის არიდება შეუძლებელია (მით უმეტეს, რომ ოკულტიზმით დაინტერესებისკენ პირველ რიგში თავად ლუციფერი უბიძგებს ადამიანს). ჭეშმარიტების შემეცნების კუთხით კი ოლმეკის მსოფლხმედველობაში, ისევე როგორც იმ სწავლებებში, რომელთა გავლენითაც მან ჩამოიყალიბა თავისი მსოფლხმედველობა არის ტოტალური გაუგებრობა და ქაოსი. ამის იმდენი მაგალითი შემიძლია მოვიყვანო, რომ თვეები მეყოფა საწერად თუ სალაპარაკოდ. ქრისტე ამბობს: ‘’შეიმეცნებთ ჭეშმარიტებას და ჭეშმარიტება გაგანთავისუფლებთ თქვენ’’. ჭეშმარიტება კიდე აზროვნების სფეროს განეკუთვნება პირველ რიგში, ამიტომ თუ აზროვნებაში ჭეშმარიტება არ არის დამკვიდრებული ვერ იქნება ლაპარაკი თავისუფლებაზე, თავისუფლების გარეშე სულიერება კი სწორად ისაა რისკენაც უბიძგებს ადამიანს ლუციფერი.


‘’’’ ეხლა რასაც ვუყურებ … შტაინერთან მყოფი ხალხი … და არც სხვა ნებისმიერი ჯგუფების მყოფ ჩემ ნაცნობ ხალხში არ იგრძნობა ის სულიერი პროგრესი რაც ამ კონკრეტულ ჯგუფში მომუშავე ხალხთან ვხედავ. ყველა ლამაზად საუბრობს მარა მეტ ნაკლებად ისევ ისეთი წყენიები და საკუთარი ეგოს თუ ტერიტორიის დაცვაზე ორიენტირებული დარჩნენ მე რა ვიძახი რომ მათში არ არის პროგრესი მარა ეს პროგრესი ძალიან ნელია და ძალიან ზოგადი ‘’’
სწორი ევოლუცია ყოველთვის ნელი პროცესია, იმისათვის რომ სამომავლოდ ადამიანი სულიერი სამყაროების უშუალო შემეცნებამდე, ანუ ხელდასხმამდე მივიდეს, მას ესაჭიროება მრავალმხირივი მუშაობა. პირველ რიგში ეს ეხება ჭეშმარიტების პოვნას და მის გულმოდგინედ შემეცნებას, აზროვნების დახვეწას, გარკვეული სიბრძნის დაგროვებას, მარტო ეს ასპექტი რომ ავიღოთ, ამას ესაჭიროება საკმაოდ დიდი დრო, მაგრამ ამ მიმართულებით ძალისხმევა უნაყოფოდ არ ჩაივლის. სულიერ სამყაროებში უშუალოდ შებიჯება სულ მინიმუმ ჭეშმარიტების შემეცნების გარეშ, არის დამღუპველი. სწორად ლუციფერულ და არიმანულ არსებებს სურთ, რომ ადამიანი არ გაერკვეს სწორსა და არასწორში და პირდაპირ პრაქტიკების კეთება დაიწყოს, და რაღათქმა უნდა თუ სიმართლე არ იცი, ის როგორღა გეცოდინება სწორი პრაქტიკა რომელია და რომელი არა. ასეთ შემთხვევაში კი პრაქტიკოსი დაუყოვნებლივ ხდება ამ ორი არსების მიერ შექმნილი ილუზიების მსხვერპლი და მათი იარაღი.

რაც უფრო მეტს ვსწავლობ მით უფრო ნათლად და მკაფიოდ ვხედავ რამდენად არაადეკვატურია თუ ის არ იცი ჯერ რაც წიგნებში წერია და პირდაპირ პრაქტიკებზე გადადიხარ. ამისგან კარგი არაფერი გამოვა. პრაქტიკული ოკულტიზმის საწინააღდეგო, შენ კი იცი, რომ ვის ვის და მე არ მაქვს არაფერი, მაგრამ ობიექტურობისთვის ისიც უნდა დავსძინოთ, რომ ადამიანს შეუძლია განვითარების საკმაოდ მაღალ საფეხურს ისე მიაღწიოს, რომ საერთოდ არ გაეკაროს არცერთი ოკულტურ პრაქტიკას. თუმცა ამის გაგებას სამშვინველის რაობის გაგება ესაჭიროება, რაც არანაირად არ მოხერხდება ოლმეკის სწავლებიდან, და ამიტომაც ოლმეკს დაახლოებითაც ვერ წარმოუდგენია როგორ შეიძლება ადამიანი განვითარდეს ოკულტური პრაქტიკების გარეშე. თუმცა თუ პრაქტიკებზე მიდგა საქმე ანთროპოსოფია ნამდვილად არ განიცდის ასეთი მეთოდების ნაკლებობას, უბრალოდ ნათლად და მკაფიოდაა ყველაფერი ნათქვამი იმის შესახებ თუ ჯერ რას უნდა მიაღწიოს ადამიანმა, რა მოთხოვნილებებს უნდა აკმაყოფილებდეს, რომ მისმა პრაქტიკულმა წამოწყებებმა მძიმე შედეგებამდე არ მიგვიყვანოს. და ამ მოთხოვნილებებში პირველ ადგილზეა საფუძვლიანი თეორიული შემეცნება (და მარტო ეს რომ ავიღოთ, როგორც არ უნდა ძნელად დასაჯერებელი იყოს, ძალიან ცვლის ადამიანს).

ეგოს რაც შეეხება, თავად შტაინერს აქვს ნათქვამი, რომ ანთროპოსოფიას ძალიან დიდ ეგოისტად შეუძლია ადამიანი ჩამოაყალიბოს, თუ ქრისტესმიერი სიყვარულის დამკვიდრებაზე არ იზრუნებს თავის თავში. ეს ეგოიზმში და ამპარტავნებაში გადასვლის საფრთხე განპირობებულია იმ რადიკალურად დიადი მასშტაბების ცოდნის მოპოვების შესაძლებლობით, რომელსაც ანთროპოსოფია იძლევა. თუმცა ეს გადაულახავი სირთულე ნამდვილად არ არის.


’’’ პროგრესი არის აბსოლიუტურად თვალნათელი და არ არის ეს თეორიები’’’
ამაზე ის უნდა ითქვას, რომ ოკულტური პრაქტიკები რომ მუშაობს ამაში გასაკვირი არაფერია, მა რის ოკულტური პრაქტიკებია თუ არც იმუშავა. მე იმაზე ვამახვილებ ყურადღებას, რომ ეს არ არის სწორი პრაქტიკები, და გასაკვირი ის იქნებოდა, არასწორ თეორიასთან სწორი პრაქტიკა ყოფილიყო დაკავშირებული. არც ერთი პრაქტიკა რასაც ოლმეკი ასწავლის სწორი არაა. და ასე მივადექით ერთ-ერთ ყველაზე მნიშვნელოვანს:

‘’’ ,,სიყვარულის პრაქტიკაზე '' ვინც მუშაობს სწორი გეომეტრიის აზროვნებით რომელიც ენერგეტიკულ კვერცხს ეხევბა (ხვდები შენ რასაც ვგულისხმობ ) ცა და დედამიწაა იმ ხალხთან შეარებით პროგრესი ვინც ეს არ იცის’’’
სიზმართხილვაზე და მაგირ პასებზე მეტნაკლებად ვილაპარაკე ამ თემაში. იმ პრაქტიკებიდან, რომელსაც თქვენ მიყვებით დარჩა ყველაზე მნიშვნელოვანი - სიყვარულის პრაქტიკა. ესაა პრაქტიკა, რომელიც ყველაზე მეტად გაფიქრებინებთ, რომ სწორ გზას ადგახართ და ფიქრობთ, რომ რაც არ უნდა ილაპარაკოს ადამიანმა, ამაზე ხომ ვერაფერს იტყვის ცუდს, სიყვარულზე რაღას იტყვის? ჩვენ ხომ სიყვარულის პრაქტიკა გვაქვს, ქრისტემ კი დაგვიბარა ერთმანეთი გიყვარდეთო, ამიტომაც ჩვენ ყველაზე მეტად ვართ ქრისტეანები მათ შორის ვისაც კი ჩვენ ვიცნობთ.
მოდი გეტყვი იმას თუ რისი თქმა შეიძლება თეოსოფიიდან და ანთროპოსოფიიდან გამომდინარე ამ საკითხთან დაკავშირებით.
ბლავატსკაია შავ მაგიას ასე განმარტავს:
This is the true definition of what black magic actually is: the definite use and application of spiritual force with a selfish or material aim.
https://blavatskytheosophy.com/the-whitewas...of-black-magic/
(Это истинное определение того, что на самом деле черная магия: определенное использование и применение духовной силы с эгоистичной или материальной целью)
თუ ეს განმარტება სწორია, სიყვარულის პრაქტიკა პირდაპირ ჯდება შავი მაგიის ამ განსაზღვრებაში, იმიტომ რომ ოლმეკის საიტზე რაც წერია და რასაც ამდენი ხნის განმავლობაში ასწავლის არის ის თუ, როგორ მიიღოს ადამიანმა სასურველი სიყვარულის გზით. ანუ სიყვარულით, რომელიც არის სულიერი ძალა, როგორ მოვიპოვოთ ფული, მატერიალური კეთილდღეობა, ჯანმრთელობა, სასურველი ურთერთობები და ასე შემდეგ. ეს ყველაფერი კი ზუსტად ჯდება ზემოთმოცემულ განმარტებაში. კონტრასტისთვის კი ბლავატსკაია, როგორც ბუდისტი, უამრავჯერ უსვამს ხაზს სრული უანგარობისა და ეგოისტური სურვილების დაკმაყოფილებაზე უარის თქმის აუცილებლობას იმ სულიერ გზაზე, რომელსაც თვითონ წარმოადგენდა. (და არ დაგავიწყდეს, რომ ოლმეკის მიერ სანდოდ მიჩნეულ ავტორთა სრული უმრავლესობა ბლავატსკაიას ნომერ პირველ ავტორიტეტად მიიჩნევს, იმ გაგებით, რომ ის იყო იმ სწავლების პირველი წარმომადგენელი, რომელსაც მათი აზრით ისინი ავრცელებნ, თუმცა ეს სულაც არ უშლით მათ ხელს, რომ პირვანდელი თეოსოფიის სრული საპირისპირო სწავლება გაავრცელონ მისივე სახელით).

რაც შეეხება ანთროპოსოფიას - ერთგან ასეთი რამეა ნათქვამი სიყვარულთან დაკავშირებით:
სიყვარული, რომელიც მთლიანად დაცლილია პირადი სარგებლის მიღების მოტივებისგან არის ის სიყვარული, რომელსაც ლუციფერი ვერ შეეხება.
ექედან კი ლოგიკურად გამომდინარეობს საპირისპირო დებულება: სიყვარული, რომელიც არ არის მთლიანად დაცლილი პირადი სარგებლის მიღების მოტივებისგან არის ის სიყვარული, რომელსაც ლუციფერი შეეხება, ანუ რომელზეც მისი გავლენის სფერო ვრცელდება).

მგონი ის, რასაც ბლავატსკაია და შტაინერი ამბობენ სრულიად საკმარისია, იმისათვის რომ მინიმუმ დაგაეჭვოს მაინც სიყვარულის პრაქტიკის მართებულობაში.

‘’’,,ხე ნაყოფით შეიცნობა''
მართალია, და რა ნაყოფსაც მე ვხედავ ოლმეკის სწავლებიდან ძალიან, ძალიან არ მომწონს. ჯერ იქიდან დავიწყოთ, რომ ოლმეკმა მთელი თავისი დრო მოახმარა შემეცნების ისეთ მეთოდს, რომელიც იმ კითხვაზე ვერ სცემს პასუხს, თუ რა იცი რომ ვისაც ხედავ ნამდვილად ის გელაპარაკება, ეს ხომ სიზმრის რეალობაა, რომელშიც ძალიან ადვილი იქნება რომელიმე არსებისთვის ის გარეგნობა მიიღოს, რომელიც მას სურს. მან მთელი ძალისხმევა დახარჯა ისეთი განდობის მიღებაზე, რომელიც არც კი ახსოვს ის პროცესი საერთოდ რასაც განდობას ეძახის. ოლმეკს ახლა ჰგონია, რომ ქრისტეს მიერაა ხელდასხმული, მაშინ როდესაც ქრისტეანობაზე ყველაზე უფრო დამახინჯებული წარმოდგენა აქვს რაც კი რამ დედამიწაზე არსებობს, ალბათ იეჰოვას მოწმეების მსოფლმხედველობის შემდეგ. ეს არის მსოფლმხედველობა, შექმნილი იმ ადამიანის მიერ, რომელიც მზის ლოგისზე მასტურბირების თანხლებით მედიტირებას ასწავლიდა თავის მოსწავლეებს [ანთროპოსოფიიდან კი ცნობილია, რომ ქრისტეა მზის ლოგოსი], იმ ადამიანის მიერ, ვინც სადაც კი ჩადიოდა ყველგან პედოფილიაში და ბავშვების გარყვნაში ადანაშაულებდნენ, იმ ადამიანის მიერ ვინც შექმნა მოძრაობა, რომელიც ერთდროულად სრული საწინააღდეგო და საპირისპიროა, როგორც თეოსოფიისა ასევე ანთროპოსოფიისა, როგორც ბუდიზმისა ასევე ქრისტეანობისა. ამგვარი ცრუ-თეოსოფიის წყალობით მან ცნობიერად და მიზანმიმართულად ჩაუყარა საფუძველი იმ ფსევდო სულიერ მოძრაობებს, რომლებიც არიმანის განსხეულებისთვის ამზადებენ ნიადაგს, და რომელიც ასე ძალიან მოსწონს ოლმეკს.
ოლმეკის სწავლების ნაყოფი არის მისივე სრული დაბნეულობა, ისე რომ თვითონაც ვეღარ გაუგია სად რა არის და რა თქვას, რომ თავისი მსოფლხმედველობა და ოცდახუთწლიანი ძალისხმევის შედეგად მოპოვებული როგორმე გაამართლოს. ანდა როგორ გაიგებს, როცა ერთადერთი რისი გაგებაც ამ სწავლებებიდანაა შესაძლებელია, არის ის, რომ კარგად მოფიქრებული სიცრუეა. ახლა კი ადამიანი ვინც ალბათ უკვე ოც წელზე მეტია ვითომ იესოს, სენ-ჟერმენს, მოსეს, ლაო ძის და მსგავსი დონის მასწავლებლებს ხვდებოდა, მასზე ოცი წლით უმცროს ბიჭს ვერცერთ პუნქტში ვერ უგებს კამათს, და სათქმელი რომ აღარაფერი არ აქვს ისღა დარჩენია ათასგვარი სისულელე მოიგონოს, რომლებიც დარწმუნებული ვარ თვითონაც კარგად ესმის რამდენად არაადეკვატურია.
ასევე ნაყოფი არის ის, რომ საერთოდ არავის არ აწუხებს, ის ფაქტი (და მსგავსი კიდევ ათასი), რომ ერთის მხრივ მიყვებით მსოფლხმედველობას, რომელიც ვრცელდება იმ კომპანიის მიერ რომელსაც ‘’ლუციფერის ნდობა ჰქვია’’, მეორეს მხირვ კი იწერება სტატია ‘’’მაგიური პასები დევები და პიტრები’’ სადაც წერია ისეთი რამეები, რაც ყველაფერს ერთიანად ეწინააღდეგება რაც აქამდე თქმულა, მაგალითად:
’’მაძიებლებისა და მოსწავლეების შემთხვევაში აუცილებელია მარსის(ლუციფერული გონის წყარო) ზემოქმედების, მარსიდან მთვარის გამაძლიერებელი მოქმედებით ადამინში შემომავალი უცხო (ლუციფერული) გონების სრული ნეირალიზაცია’’
ჯერ ერთი, რომ უცბათ თვალსა და ხელს შუა კარგი ლუციფერისგან უცბათ ცუდი ლუციფერი მივიღეთ, აქამდე თუ ‘’ჩვენ გვჯერა ლუციფერის’’ სწავლება მოგვწონდა და მთელი განყოფილებაც კი მივუძღვენით ამ სწავლების თარგმნასა და გავრცელებას ჩვენსავე საიტზე, და ახლა უცბათ კაცობრიობის მთავარი დამაქცევარი გახდა? აქამდე თუ ვენერასთან იყო დაკავშირებული ეხლა მარსთან დაკავშირდა და ახლა უცხო გონის მომტანად იქცა. და აქ კიდევ ერთი წინაარდეგობა მივიღეთ: ბოლოს და ბოლოს ლუციფერისგან მოდის ეს უცხო გონი, რომელსაც მაგიური პაასებით ვებრძვით, რეპტილიებისგან თუ იმ არსებებისგან, რომლებიც კასტანედას ორ წიგნშია აღწერილი?
იმის და მიუხედავად, რომ ამ სტატიაშია ბევრი რამეა ისეთი რაც ახლოსაა სიმართლესთან, ეს სტატია საერთო მსოფლმხედველობითი ქაოსის ტორტს ბისკვიტივით დაედო თავზე.


ნაყოფების ჩამოთვლა, რომ გავაგრძელოთ: არ შემიძლია არ ავღნიშნო, ის ფაქტი, რომ ბოლო პერიოდში, როდესაც დარბაზში მოვდიოდი, ისეთი შეგრძნება მქონდა რომ საგიჟეთის რომელიღაც პალატის კარები შევაღე, სადაც ერთი შეხედვით ნორმალურად კი გამოიყურება ხალხი, მაგრამ ვინ როდის გაგიჟდება და რა სისულელეს გააკეთებს ან იტყვის ვერ გაიგებ. ეს არაჯანსაღი განყობა და ატმოსფერო უკვე ძვლებს მტკენდა, განსაკუთრებით მაშინ, როდესაც იმ სწავლებაზე ლაპარაკზე ამბობდით უარს, რომელსაც მიყვებოდით და ამ სწავლებაში არსებულ პრობლემებზე ლაპარაკს ჭირის დღესავით გაურბოდით. და ისე იჭერდით თავს თითქმოს ეს ყველაფერი ჩემი პირადი პრობლემები იყო მხოლოდ და მხოლოდ. (დაახლოებით ასეთ რეაქციას აძლევდით: არაუშავს მეგობრებო, პრობლემები აქვს და გაგებით უნდა მოვეკიდოთ). ოლმეკმაც იქიდან თუ ვიმსჯელებთ, რომ არცერთი იმ პრობლმების მოგვარებაზე და არცერთი გაურკვეველი და წინააღდეგობრივი საკითხის გადაჭრაზე არ შეუწუხებია თავი, უნდა ვიფიქროთ, რომ პასუხისმგებლობა სრულად ჩაიხსნა იმ შედეგებზე, რა შედეგებიც მის სწავლებას შეიძლება მოყვეს. მით უმეტეს ასწავლის პრაქტიკას, რომლის წყალობითაც ყოველი დაძინება ევოლუციის სამუდამო დასრულებითა და მარადიული სულიერი ტყვეობით შეიძლება დამთავრდეს. -მერე რა თუ რომელიმე სულს სამუდამოდ გამოკეტავენ უცხო სამყაროში. ეს მისი პასუხისმგებლობაა და არა ჩემი! მე ხომ გაფრთხილებული მყავდა ამ საფრთხის შესახებ! ალბათ ასეთი პასუხს აძლევს ის საკუთარ თავს და არხეინად განაგრძნობს ხალხის ცნობიერების მოწამვლას ათასნაირი მახინჯი იდეებითა და აზრებით, მით უმეტეს ეს ყველაფერი შეზავებულია იმ პროდუქციის ეფექტებით, რომლითაც გვიმასპინძლდებოდა (დარწმუნებული ვარ არა ცუდი განზრახვით), და რომლითაც ვინ იცის ზოგიერთის ფსიქიკას გამოუსწორებელი ზიანიც კი მიაყენა, შედეგად ეს ყველაფერი ისეთ კოქტეილს იძლევა ცნობიერებაში, რომელი ცნობიერებიდანაც აღარანაირად აღარაა გასაკვირი მთელი ის ტოტალური არაადეკვატურობა რაც ასე ცხადლივ ჩანს თქვენს ჯგუფში და რასაც საბედნიეროდ ჩემს გარდა სხვა ჯანსაღად მოაზროვნე ადამიანებიც ხედავენ, ვინც მეტნაკლებად ჩახედულია ოლმეკის სწავლებაში და აქტივობებში.
ამ ყველაფერს დავამატოთ ერთმანეთის შეხედულებებისამდი სრული დაუინტერესებლობა და გულგრილობა. არავის არ აინტერესებს ვის ოშო მოსწონს, ვის გურჯიევი, ვის კასტანედა და ვის კასტანედას ცოლი. ხელფეხს თუ იქნევ ესეიგი ყველაფერი კარგადაა, რა მნიშვნელობა აქვს რა ასტრონომიული კოლაფსი ექნება ადამიანს თავში და რა მნიშვნელობა აქვს თუ ხუთკაციან ჯგუფში არავინ არავის არ ეთანხმება. არასწორი აზრები, რომ ანგრევენ და აბნელებენ სულიერ სამყაროს, სწორი კიდევ ანათებენ და აშენებენ, ეს რა თქმა უნდა არ ვიცით, და არც ის ვიცით, რომ ტყუილებსაც მსგავსი ეფექტი აქვს, ტყუილებთან კი მთლად მწყრალად არაა ზოგიერთი.
ამას დამატებული ის პრობლემებიც, რაც შენც აღნიშნე, და რაც ქრისტეს იმპულსის არ არსებობაზე მეტყველებს. კიდევ ის, რომ ამდენი კოლოსალური მნიშვნელობის საკითხის მიუხედავად სექსზე აღტაცებულ და აღტკინებულ ლაპარაკს გაცილებით მეტი დრო ერთმობოდა ვიდრე სხვა ყველაფერ დანარჩენს, და ეს დანარჩენი რაზეც იყო ლაპარაკი და როგორც იყო მაგას ალბათ ისევ არ ლაპარაკი ჯობია.
ამ ყველაფრის ნაყოფი კი საბოლოვო ჯამში არის სავალალო ფსიქოლოგიური ჯანმრთელობა, რომელიც სულ უფრო და უფრო უარესდებოდა რაც მე მახსოვს და ძალიან მეეჭვება აქ რამე შეცვლილიყო.
სიზმართხილვაზე კარგი რამ გამახსენდა: ძალიან საინტერესო რამეა ნათქვამი ანთროპოსოფიაში ცნობიერ სიზმართან დაკავშირებით: ნათქვამია, რომ ლუციფერული არსებები ადამიანის ნერვულ და სუნთქვით სისტემაში იჭრებიან, ურევენ სუნთქვის რიტმს და ცდილობენ ადამიანს ცნობიერება სუნთქვაში შეატანინონ, რის შედეგადაც იმ ადამიანებს ვინც ასეთი ზემოქმედების ქვეშ მოექცევა ემართებათ სუნთქვის არითმულობა, ჰაერის უკმარისობა და გაგუდვის შეგრძნება, და ასევე [და რაც ყველაზე მნიშვნელოვანია] ნერვულ და სუნთქვით სისტემაში ასეთი ჩარევის შედეგად ლუციფერული არსებები ადამიანში სიზმრების სპონტანურ გაცნობიერებას იწვევენ. (ეს ყველაფერი ზუსტად ასახავს რეალობას, შემიძლია დაბეჯითებით გითხრა...)
ანუ, როგორც ხედავ კიდევ უფრო ერთი კავშირი გაიბა ოლმეკის სწავლებასა და ლუციფერს შორის. თუ ლუციფერული არსებები შესაძლებლობის შემთხვევაში აიძულებენ ადამიანის ცნობიერებას სიზმრის რეალობაში გადაინაცვლოს, წარმოიდგინე იმ შედეგების მნიშვნელობა, რა შედეგებსაც ის ადამიანი იღებს, ვინც ცხოვრებას უძღვნის სიზმრებში ცნობიერების შეტანას. (სიზმრის რეალობა რომ სულიერი სამყარო არ არის, ამ საკითხზე ამავე თემაში ვრცლად მიწერია უკან თუ აუყვები).
და კიდევ ერთი: ოლმეკიც და მისი პრაქტიკებიც მთლიანად ნებაზეა ორიენტირებული, ოლმეკი ნების ენერგიითაა გაჟღენთილი, და ნებასვე ასხივებს და ნებითვე ზემოქმედებს სხვა ადამიანებზე, იმის და მიუხედავად აცნობიერებს თუ არა ამას. ოლმეკი მუდამ აწარმოებს თავისი ნების გადაცემას სხვა ადამიანებზე, არ აქვს მნიშვენლობა ვერბალურად ლაპარაკობს თუ წერს რამე. (ეს ყველაფერი ძახილის ნიშნების სიუხვეში ნათლად მჟღავნდება). ამასვე აკეთებდა დონ ხუანიც და ყველა ვინც ნებაზე ორიენტირებულ გზას მიყვება, კასტანედას წიგნებში იმდენად მძიმე და ძლიერი ნებელობითი ძალებია, რომ მომენტალურად გაკარგვინებს სიმშვიდეს და სასწრაფო მოქმედებისკენ გიბიძგებს. ეხლა შეიძლება თქვა, ნებას რა ჯობიაო მაგრამ აქ ერთი ძალიან მნიშვნელოვანი მომენტია: თავისუფალი ნება მხოლოდ და მხოლოდ მაშინ აქვს ადამიანს თუ ცნობიერებიდან, ჭეშმარიტების შემეცნებიდან იბადება თავად ამ ადამიანის მიერვე. ანუ ადამიანი როდესაც ჭეშმარიტებას იმეცნებს მისი სწორი აზრებს აღწევენ გრძნობების გამჭოლ ნების სფეროში და აღვიძებენ თავისუფალ და სუფთა ნებას. სახარების სიტყვები: შეიმეცნეთ ჭეშმარიტება და ჭეშმარიტება გაგანთავისუფლებთ სწორად ამას გულისხმობს, შემდეგ კი ქრისტე ამბობს: მე ვარ ჭეშმარიტება! აქედან ის დასკვნა გამომდინარეობს, რომ თავისუფალი და სწორი ნება მხოლოდ და მხოლოდ მაშინ შეიძლება ჰქონდეს ადამიანს თუ ის მას ქრისტეს შემეცნებიდან დაბადებს თავის თავში. ამიტომაცაა, ოლმეკი, რომ ამბობს ანთროპოსოფია ძალის წიგნები არ არისო, სწორად ამას გულისხმობს, მიუხედავად იმისა თვითონ ხვდება ამას თუ არა. ანთროპოსოფიაში ნებელობითი იმპუსლები არაა. არ შეიძლება ადამიანმა და მით უმეტეს ქრისტეანმა ხელდასხმულმა ნება გადასცეს სხვებს, როგორი სუფთაც არ უნდა იყოს ეს ნება იმიტომ, რომ იმავე დოზით აკარგვინებს თავისუფლებას ერთი მეორეს რა დოზითაც გადასცემს მას თავის ნებას. ნებელობითი ძალების გადაცემა, რომ კარგი იყოს მთელი იერარქიული არსებები უბრალოდ დაგვაფრქვევდნენ თავზე თავისსავე ძალებს და ერთ საათში ყველა განღმრთოვდებოდა. მაგრამ ადამიანის ევოლუციის არსებრივი სირთულე სწორად თავისუფლებისა და დამოუკდიებლობის მიღწევაა, ესაა სამყაროში ბოროტების არსებობის და შესაბამისად აუარებელი ტანჯვის მიზეზი. ამ ორი ღირებულებისთვისაა, რომ კაცობრიობა ისეთი ევოლუციის გზას ადგას, რომელიც საზარელ ტანჯვაზე გადის. და ეს რომ ანომალია არაა, ამასვე მოწმობს ქრისტეს სიტყვები:
18 როგორც შენ მომავლინე ამ ქვეყნად, ისე მე მივავლინე ისინი ქვეყნად.
33 ეს გითხარით, რათა მშვიდობა გქონდეთ ჩემში. ჭირი არ დაგელევათ ამ ქვეყნად, მაგრამ გამხნევდით: მე ვძლიე ქვეყანას.


მაგიური პასები რომ არასწორი პრაქტიკაა გარდა იმისა, რომ ენერგეტიკულ სხეულს ამყარებს, იმაშიც მჭღავნდება რომ ნების ძალები ამოაქვს და ზრდის ცნობიერების გვერდის ავლით. ასეთი ნება შეუძლებელია თავისუფალი და სწორი იყოს. და თუ ასეთი ნება არც თავისუფალია და არც სწორი ეს იმას ნიშნავს, რომ მასში ნეგატიური არსებები იქნებიან ჩართულები. თუ ანგარებიან სიყვარულში ლუციფერული არსებები მონაწილეობენ, წარმოიდგინე რამდენად მძიმედ შემოიჭრებიან ნეგატიური არსებები ადამიანში, როდესაც წარსულის მძიმე ენერგიებს ცნობიერების გვერდის ავლით ტენის ფსიქიკურ ცენტრებში.
აზროვნებაში პასიურობა და ნებაში აქტიურობა ნიშნავს, რომ გექნება ნება, რომელსაც სხვა არსებები მართავენ. ერთი ამ ნებას სხვას გადასცემს და ასე იქმნება არასწორი ნების მთელი ჯაჭვი. ნებელობითი ზემოქმედების ასეთ ჯაჭვზე საკმაოდ ბევრი რამეა ნათქვამი კასტანედას წიგნებში. მათ ხომ სჯეროდათ, რომ უპიროვნო ძალები მართავდნენ ადამიანს და რეალურად ერთადერთი თავისუფლება რაც მებრძოლს გააჩნია, დონ ხუანისავე სიტყვებით, ისაა, რომ მიიღოს ის რასაც ადამიანისგან ეს ძალები მოითხოვენო. ის რაც მათთვის შეუცნობელი და უპიროვნო ძალები იყო, ნათხელმხილველი, რომელსაც მაღალ რეალობებზე აქვს წვდომა იმას თავისუფლად აღიქვავდა, როგორც კონკრეტული არსებების ზემოქმედებას. გარდა ამისა, კასტანედა ამბობს, რომ ძველი ჯადოქრების ნება იმდენად ძლიერი იყო, რომ როგორც კი ვინმე მათ ტრადიციას ეხებოდა მაშინვე ჩაჭერილი ხდებოდა და თავის დაღწევის შანსი აღარ ჰქონდა, და მათი ეს ნება იმდენად ძლიერად მოქმედებდა მასზე, რომ სულ უფრო და უფრო ემსგავსებოდა მათ.
ხვდები რა სურათია? კონკრეტული მისტერიალური ტრადიცია, რომლის უკანაც კონკრეტული არსებები დგანან, რომლებიც ქმნიან ერთგვარ ნებელობით ნაკადს, ეს ნაკადი ოლმეკს ძვალში და რბილში აქვს გამჯდარი, და ამავე ნებას გადასცემს ყველას ვინც მის გარშემოა. ამდენი რამე რაც დავუწერე და ველაპარაკე იმიტომ კი ვერ ცვლის ვერაფერს რომ ვერ იგებს, იმიტომ არ აქვს ჩემს ლაპარაკს შედეგი, რომ ნებიდან უწევს წინააღდეგობას იმასაც კი რაც ცხადლივი ჭეშმარიტებაა, ანუ ვერ იგებს კი არა, არ იგებს, არ უნდა, რომ გაიგოს. (ეს ეხება მის გარშემო მყოფ სხვა ადამიანებსაც, იმდენად არ უნდათ, რომ ოლმეკის გზა არასწორი აღმოჩნდეს, რომ მზად არიან ბოლომდე დაიხშონ ჯანსაღი აზროვნების უნარი და მაქსიმალურად შორს დაიჭირონ თავი ყველაფრისგან რასაც კი ოლმეკის სწავლების მხილება შეუძლია. აქაც ვერ გაგებასთან კი არა არ გაგებასთან გვაქვს საქმე.)

ოლმეკს და მისი ჯგუფის მიზნებს რაც შეეხება, საერთოდ ყველაფერია გარდა იმ მიზნებისა, რა მიზნებიც სულიერმა წარმმართველობამ დაუსახა ადამიანს. დედამიწიდან წასვლაც და ფიზიკური სხეულით უკვდავებაც ორივე რადიკალურად ანტიქრისტეანული მიზნებია, პირველი წმინდად ლუციფერული, მეორე - არიმანული.

ტვინის დაძაბულობას რაც შეეხება, ჩემი ტვინი არანაირად აღარაა დაძაბული, ყველაფერი რისი გარკვევაც მინდოდა გარკვეულია. მაშინ როდესაც, ჩემი აზრით თუ ურთიერთგამომრიცხავი დებულებების ქაოსი აქვს ადამიანს თავში სიმშვიდის მოპოვება ნამდვილად გაუჭირდება და ასეც უნდა იყოს. ჯობია მძიმე მაგრამ სწორი ძალისხმევის შედეგად ადამიანი ჭეშმარიტებამდე მივიდეს, ვიდრე მოდუნდეს, დასჯერდეს იმას რაც აქვს, არ იზრუნოს სიმართლის გარკვევაზე და მთელი ცხოვრება ეჭვი ტანჯავდეს საკუთარი არჩევანის მართებულობასთან დაკავშირებით.
დასკვნის სახით კი ეს სიტყვები ყველაზე შესაფერისად მეჩვენება:
https://i.pinimg.com/originals/99/01/8e/990...722e3514684.jpg

[Existence]

Merlin

გასაგებია შენი დამოკიდებულება

ნუ მოექცევი ნურავის იდეოლოგიურ ჩარჩოში ნურც ოლმეკის და ნურც შტაინერის აიღე ყველასგან ის რაც შენ სულთან რეზონირებს და უხარია, ავტორიტეტების ენერგეტიკული თუ ინფორმაციული დაწოლის გარეშე.

მე შტიანერის ბევრი ლექცია მოვისმინე და დიდ პატივს ვცემ ამ პიროვნებას ნამდვილად გენიოსი იყო, თუმცა ბევრ საკითხში ჩემი სული არ იღებს მის ხედვას და იმიტომ რომ ავტორიტეტია ან ლოგიკურად კარგად მისაბუთებს ამ გრძნობაზე თვალს არ დავხუჭავ მიუხედავად იმ დამაჯერებელი ახსნისა რომ ეს შეიძლება ან არიმანის ან ლუციფერის ზეგავლენა იყოს როგორც შენ ამბობ ხოლმე (შენ რა, შტაინერი )

კარგი ადამიანი ხარ შენ ეთიკური და გაბედული და ყველაფერს კარგს გისურვებ ))

[jajala]

ეს რამე სექტაა თუ რა ხდება. რას ქვია "იმედია დაახლოებით მაინც აცნობიერებ რა მოხდება, თუ შენს გარშემო მყოფი რომელიმე ადამიანთაგანი უბრალოდ დილით აღარ გაიღვიძებს ან დაიძინებს და მეორე დღეს ვეღარავინ იპოვის. დაახლოებით მაინც თუ აცნობიერებ რამხელა ბოროტებით შეიძლება დასრულდეს თქვენი ეს ჭირვეულობა სახელად ''საჩემო ოკულტიზმი''? თუ წარმოგიდგენია რა დაგემართება თუ რომელიმე სულს სამუდამოდ დაღუპავ? არასდროს გიფიქრია იმაზე შენს რუკაში ლილიტი მორიელის ნიშანში რატომაა? ან იმას მაინც თუ ამჩნევ, რომ შენს გარშემო ჯანმრთელი ადამიანები თითქმის არ არიან? ფსიქიკურ ჯანმრთელობას ვგულისხმობ პირველ რიგში..."
ვინ ჩემს გარშემო მყოფი ადამიანი? ან რატომ არ უნდა გაიღვიძოს, რაებს წერ მერლინ? რა ფსიქიურად არაჯანსაღი ადამიანები? საერთოდ რაზე ლაპარაკობ ....... ვინ სული უნდა დავღუპო ან რატო? კაროჩე წავედი ამ თემიდან, რაებს წერ ვერ გავიგე ვერც თავი და ვერც ბოლო....

[starscream]

ისე მეც ვიტყვი რაღაცას მე ეჭვი მაქვს რომ დონ ხუანი და მისი მაგები საერთოდ არ არსებობდა ფიზიკურ პლანზე და ეს კასტანედას გამონაგონია პრაქტიკების გარდა დიდი ეჭვი მაქვს რომ ეს არსებები კასტანედას ასწავლიდნენ ყველაფერს ისე როგორც ოლმეკს ანუ სხეულს გარეთ და შემდეგ წიგნებში რომ არ დაეწერა რომ ინფორმაციას სხეულ გარედან იღებდა მოფიქრა დონ ხუანი და მისი მაგები ვითომ იქ დადიოდა მექსიკაში ხოდა რეალურად რა არსებები და რატო ასწავლიდნენ კასტანედას კიდე კაციშვილმა არ იცის მითუმეტეს რომ მისი ჩანაწერები რვეულში იწერდა ხოლმე დონ ხუანთან ლაპარაკს აღარ არსებობს დაიწვა თუ დაიტბორაო თვითონ ასე ამბობდა არადა მეორე მხრივ რომ დავფიქრდეთ მისი სავარჯიშოები მუშაობს ხოლო მისი მოსწავლეები ორივე გოგოები მისი სიკვდილის შემდეგ მათი სკილეტები იპოვეს და თავი მოუკლიათ ასე დაასკვნა ექსპერტიზამ . კაციშვილმა არ იცის რა არსებებთან ქონდა კონტაკტი ამ ადამიანს მე მგონია რომ არაორგანულ არსებებთან და წიგნში დაწერა თვითონ როგორც უნდოდა რომ მოვლენები განვითარებულიყო მაგრამ რეალურად მოვლენები სხვანაირად იყო განვითარებული და არაორგანულის კლანჭებში იყო და ვერც გამოდიოდა იქიდან მე ესე ვფიქრობ რომ მან ყველა შეცდომა დაუშვა რეალურად პრაქტიკაში და გახდა არაორგანული არსებების კონტროლის ქვეშ და ამიტომ წიგნში გამოიგონა დონ ხუანი რომელიც ასწავლის და იხსნის საფრთხისგან რომ სხვა ადამიანებიც ვინც წაიკითხავს თავი აარიდოს საფრთხეს ესაა ჩემი აზრი.

[Merlin]

Existence

'''გასაგებია შენი დამოკიდებულება''''

ეს ჩემი დამოკიდებულება არ არის, ეს სიმართლეა! ნუ ცდილობთ ყველაფერი ჩემს სუბიექტურ შეხედულებებად გაასაღოთ.

'''ნუ მოექცევი ნურავის იდეოლოგიურ ჩარჩოში ნურც ოლმეკის და ნურც შტაინერის აიღე ყველასგან ის რაც შენ სულთან რეზონირებს და უხარია, ავტორიტეტების ენერგეტიკული თუ ინფორმაციული დაწოლის გარეშე.'''

მე რომ ვინმეს გავლენის ქვეშ მოქცევისკენ და ავტორიტეტული აზროვნებისკენ მქონოდა მიდრეკილება ეხლაც ოლმეკთან ვიქნებოდი! ვის ვის და მე ვერავინ დამწამებს იდეოლოგიურ ჩარჩოებში მოქცევას! მით უმეტეს რასაც მე ვლაპარაკობ იქიდან უმრავლესობას შტაინერი არ ჭირდება იმის გასაგებად, რომ სიცრუეა.

რაც შენს სულთან რეზონირებს და უხარია ის შეიძლება ძალიან ცუდი აღმოჩნდეს, მე ვიცი და ვიცნობ ისეთ ადმაიანებს, რომლების სულთანაც სხვა ადამიანებზე ძალაუფლების მოპოვება, სხვებით ნამიპულირება, სიბნელე და წყვდიადი რეზონირებს, და რას ურჩევ მათ, რომ იმას გაყვნენ რაც მათ სულთან რეზონირებს? ეს ჯობია, თუ იმის თქმა, რომ რაც სწორია ის უნდა იპოვოს ადამიანმა და იმას დაუჭიროს მხარი და არა იმას რაც თვითონ მოსწონს და რაც მის სულთან რეზონირებს?
სად არის აქ ქრისტეანობა, სად არის აქ ჭეშმარიტებაზე ლაპარაკი თუ ჩვენ სიმართლის ნაცვლად იმას ვირჩევთ რაც მოგვწონს. მაშინ ოლმეკმა თავის საიტზე: ''''არსებობს ჭეშმარიტება, არსებობს იერარქია, არსებობს პირობები რომელთა დაკმაყოფილება აუცილებელია''' აი ეს სიტყვები ასე უნდა გადაასწოროს თუ საკუთარ თავთან სურს, მართალი იყოს: '''არსებობს წარსული, არსებობს წარსულის მიდრეკილებები, და თუ შენც მსგავსი ტიპის მიდრეკილებები გაქვს, როგორიც ჩვენ შემოგვიერთდი!''' თქვენი რიტორიკიდან გამომდინარე მხოლოდ ეს იქნებოდა გამართლებული. ხალხს აღარ მოატყუებდით, რომ ჭეშმარიტებასთან რამე გაქვთ საერთო. დარბაზის შესასვლელში კი შეგიძლიათ ტრაფარეტი გამოაკრათ წარწერით: '''ეზოთერული კლუბი ''ის რაც ჩვენ მოგვწონს'' ან ''საჩვენო სულიერება''''. ამით მაქსიმალურად მკაფიოდ და გარკვევით დაუპირისპირდებოდით და ლაფს დაასხამდით პლატონის სიტყვებსა და მოწოდებას: ''არაგეომეტრი აქ ნუ შემოვა''. და კიდევ უფრო მეტად იქნებოდით საკუთარ თავთანაც და სხვა ადამიანებთანაც პატიოსნები. თქვენთვისაც და სხვებისთვისაც გასაგები იქნებოდა, რომ აქ უბრალოდ იმას აკეთებენ რაც უსწორდებათ და მორჩა, განსახილველი არაფერია.

'''მე შტიანერის ბევრი ლექცია მოვისმინე და დიდ პატივს ვცემ ამ პიროვნებას ნამდვილად გენიოსი იყო, თუმცა ბევრ საკითხში ჩემი სული არ იღებს მის ხედვას და იმიტომ რომ ავტორიტეტია ან ლოგიკურად კარგად მისაბუთებს ამ გრძნობაზე თვალს არ დავხუჭავ მიუხედავად იმ დამაჯერებელი ახსნისა რომ ეს შეიძლება ან არიმანის ან ლუციფერის ზეგავლენა იყოს როგორც შენ ამბობ ხოლმე (შენ რა, შტაინერი )'''

სიმართლე გითხრა არანაირი იმპერატიული მოთხოვნილება არ არსებობს, რომ მაინც და მაინც ანთროპოსოფიის სწავლა დაიწყოს ადამიანმა. მე რაღაც კონფესიას არ ვქადაგებ, რაც გინდა ის წაიკითხე და რაც გინდა იმას გაყევი. ეს მთლიანად შენი გადასაწყვეტია და შენი უპირველესი უფლებაა, შენს გარდა ეს არავის ეხება და ვერანაირად ვერ მივცემ თავს უფლებას და ვერც სხვა რამენაირად შევეხო შენს ან სხვის თავისუფლებას. უბრალოდ ჩემი მიზანია, რომ თუ ვინმესთვის რაიმე სამსახურის გაწევა შემიძლია, გავუწიო ეს სამსახური და მეორეს მხრივ თუ ვინმეს ჩემთვის შეუძლია ასეთის შემოთავაზება დიდი მოწადინებით მივიღო. და გამომდინარე იქიდან, რომ ვფიქრობ ის რაც მე ვიცი შეიძლება ვინმე დააინტერესოს შემოვედი და ვწერ აქ. ესაა და ეს. და მე უფლება მაქვს ვილაპარაკო იმაზე თუ რა მიმაჩნია სწორად და რა არასწორად.

გულთან ახლოს არ მისვლას რაც შეეხება, შენ არც პირველი ხარ და არც უკანასკნელი, ვისაც ასეთი განწყობა და ასეთი დამოკიდებულება აქვს. მაგრამ აქ ისევ ისევ ის უნდა ითქვას რაც წეღან: გულთან ახლოს მისვლა არ მისვლით რაიმეს შეფასება არის სუბიექტური შეფასება და ემოციებიდან გამომდინარე ადამიანი ვერასდროს ვერ გაარკვევს ჭეშმარიტებას და სიცრუეს. ემოციებისთვის ობიექტურობის სიმაღლემდე აყვანა პრიოვნული განვითარების ძალიან, ძალიან მაღალ საფეხურს გულისხმობს და სრულიად შეუძლებელია ამის მიღწევა თუ ჯერ აზროვნებამ არ მიაღწია ამ სიმაღლეს. ანუ თუ რაიმეს შეფასებაზეა ლაპარაკი, პირველ რიგში აზროვნებიდან უნდა მოხდეს შეფასება, წინააღდეგ შემთხვევაში ჭეშმარიტების პოვნა თითქმის შეუძლებელია, და რომც ვიპოვოთ შემთხვევით ეს ჭეშმარიტება, არასდროს გვექნება იმ კითხვაზე დამაჯერებელი პასუხი, თუ რატომ ავირჩიეთ ეს და არა ის... ანუ ბოლომდე დარწმუნებულები და შესაბამისად მშვიდები ვერასდროს ვიქნებით თუ აზროვნებაში არ გვაქვს ზუსტი პასუხი თუ რატომ ვაკეთებთ ამ არჩევანს. თუ პასუხი მხოლოდ ემოციებშია, უბრალოდ ერთ დღეს შეიძლება გავიღვიძოთ და აღმოვაჩინოთ, რომ რა ემოციებიც გვიბიძგებდა კონკრეტული გზისკენ, ეს ემოციები უბრალოდ გაილია და აღარ არის, მისი ადგილი კი სულ სხვა ემოციებმა დაიკავეს, რომელიც უკვე სულ სხვა რამეს გვკარნახობენ...

'''კარგი ადამიანი ხარ შენ ეთიკური და გაბედული და ყველაფერს კარგს გისურვებ ))'''
მადლობა, მეც რომ ყველაფერს კარგს გისურვებთ. ამიტომაცაა, რომ ამდენს ვლაპარაკობ, მიუხედავად იმისა, რომ ახლა მტრად შეიძლება ვჩანდე...

[Merlin]

jajala:
'''ეს რამე სექტაა თუ რა ხდება. რას ქვია ..... ვინ ჩემს გარშემო მყოფი ადამიანი? ან რატომ არ უნდა გაიღვიძოს, რაებს წერ მერლინ? რა ფსიქიურად არაჯანსაღი ადამიანები? საერთოდ რაზე ლაპარაკობ ....... ვინ სული უნდა დავღუპო ან რატო? კაროჩე წავედი ამ თემიდან, რაებს წერ ვერ გავიგე ვერც თავი და ვერც ბოლო....'''

ძალიან კარგად იცი რაზეც ვლაპარაკობ, დაძინებასა და არ გაღვიძებაში იმ რეალურ და ყოველდღიურ საშიშროებებს ვგულისხმობ, რა საშიშროებებიც სიზმართხილვას ახლავს თან, და რა საშიშროებების გამოც თვითონ dონ ხუანიც კი პირდაპირ ამბობდა, რომ სიზმართხილვა ძალიან ნაკლოვანი და არასდრულყოფილი პრაქტიკაა, ამ საშიშროებების გამო და კიდევ იმის, რომ ეს პრაქტიკა ძველი ჯადოქრების განწყობილებებს ატარებს და ადამიანს არასიჯანსაღისკენ უბიძგებს (გინდა გიპოვო ზუსტი ციტატა?). ხოდა ამ ნაკლულოვან და კატასტროფული საფრთხეების შემცველ პრაქტიკას, რომლის კეთების დროსაც ნებისმიერი დაძინება უკანასკნელი შეიძლება იყოს დედამიწაზე, არამარტო ამ ინკარნაციაში არამედ მთლიანი ევოლუციის მასშტაბით, რაც თავისუფლად შეიძლება შეფასდეს სამუდამო დაღუპვად, ასწავლი შენ, როგორც ოქროს გზას სულიერებისკენ (მაშინ, როდესაც რეალურად საერთოდ არ იძლევა სულიერ სამყაროებთან კონტაქტის შესაძლებლობას). შენ რომ საფრთხის შეგრძნების ფუნქცია უბრალოდ არ გაქვს ამას კარგა ხნის წინ მივხვდი, მაგრამ თუ სინდისის შეგრძნებაც აზროვნების უნართან ერთად სტალკინგით არ ჩაგიხშვია, ის მაინც უნდა აღიარო, რომ შენს მიერ ნასწავლი ცენტრალურ პრაქტიკა - სიზმართხილვა კატასტროფული შედეგებით შეიძლება დამთავრდეს!!! ამას შენი აღიარება არ სჭირდება, ეს წერია იმ წიგნებში უამრავჯერ, რომელი წიგნებიდანაც შენ ისწავლე ეს პრაქტიკა, და რომელ წიგნებსაც აქტიურ რეკომენდაციას უწევ. '''ვინ ჩემს გარშემო მყოფი ადამიანი?''' მე ვთქვი ადამიანები და არა ადამიანი. რა, გინდა ჩამოგითვალო, ვის როგორ და რა ფორმით აქვს პრუჟინები გაყრილი?

ხო, წადი. სიმართლის მოსმენა ადვილი არ არის, შენთვისაც კი. ჯობია გამეცალო და როგორმე შეეცადო დაივიწყო ყველაფერი რაც ჩემგან გაიგე, გააგრძელე ისე, როგორც აქამდე აგრძელებდი, აბა ამდენი წლის ძალისხმევას წყალში ხომ არ ჩაყრი? მერე რა, რომ ვინმეს ეს ოცწლიანი ძალისხმევა და მასზე ჩაბღაუჭება შენივე წყალობით მილიარდობით წლების ევოლუციად შეიძლება დაუჯდეს.

[tikoroma]

old_man

შტაინერი კი არის კოსმიური მასშტაბები, უმაღლესი შემოქმედების, სამყაროების შექმნის მასშტაბების, უმაღლესი მეს შეცნობის, განღრმთობის გზა.
კასტანედა გვეუბნება რომ არის თუ მომზადებული არ ხარ, მარტო ცნობისმოყვარეობის იმედად, შეიძლება ჩარჩე რომელიმე დამალ სამყაროში და იქაური არსებების საკბილო გახდე, მაგრამ ამავე დროს იმის საშიშროება უფროა, რომ თავად კასტანედას დონეზე ჩარჩე სამუდამოდ. იქნები ძლიერი მაგი, ძლიერი ენერგეტიკული სხეულებებით და იბრძოლებ სხვადასხვ არსებებთან და ფიზკურ სამყაროშიც ძლიერი იქნები. სადაა აქ მერე სულის განვითარება და დიადი ევოლუციის მიზნები? )

აი ეგრე..
ოლდ გვაზიარე შტაინერს