კარლოს კასტანედა, შამანური პრაქტიკები Options

[Merlin]

''უკეთესად რომ იცნობ ოკულტურ სწავლებებს'' ამიტომ გაჩერდი, მაგ სწავლებებმა გაგაჩერეს.....''''

მივხვდი რომელიც ხარ... ამაზე პასუხი თუ აქ გინდა დაგიწერო დაგიწერ, მაგრამ ნაწილობრივ პირად ლაპარაკში გადავალთ... თუ გინდა ფეისბუქზე მოგჰწერ... ამაზე პასუხის გაცემა ძალიან ადვილია...

''''საერთო ჯამში მივხვდი შენ როგორც უყურებ სამყაროს''''

მე ძალიან მარტივად უყურებ სამყაროს - გაიგე ჭეშმარიტება რა არის, შემდეგ შენი თავისუფალი ნებითი აირჩიე, რომ გააკეთო ყველაფერი რასაც ეს ჭეშმარიტება მოითხოვს შენგან. აი მე ასე ვუყურებ ყველაფერს. ძალიან მარტივია...

'''''იმედია მაიც დაწერ აქ არაარიმანულ პრაქტიკებს თორემ ისე მარტო კრიტიკა გამოგივა ......''''

სამწუხაროდ ჯერ ვერ ვერკვევი სათანადოდ იმ პრაქტიკებში რაც ანთროპსოფიაშია მოცემული, ამ ეტაპზე არ მჭირდება და მაგიტომ. ისე კი შეიმიძლია გითხრა რას გულისხმობს სწორი გზით სულიერ სამყაროში შესვლა.

[Merlin]

მოდი შევადაროთ ერთამენთს სიზმართხილვა და ნათელხილვა. როდესაც ადამიანი იძინებს მისი ასტრალური სხეული და ''მე'' ამოდის ფიზიკური და ეთერული სხეულებიდან. ჩაძინებიდან ჯერ ფიზიკური სხეულიდან ამოდის ასტრალური სხეული და ''მე'', შემდეგ კი ეთერულიდანაც. ამის მიხედვით ადამიანის ძილში ორი მნიშვნელოვანი ფაზა გამოიყოფა - ძილი, როდესაც ადამიანი სიზმრებს ხედავს და შემდეგ უსიზმრო ძილი. იმ დროს როდესაც ასტრალური სხეული და ''მე'' ფიზიკური სხეულიდან ამოდის მაგრამ ჯერ კიდევ ეთერულთანაა დაკავშირებული ადამიანი ხედავს სიზმრებს, შემდეგ კი ეთერული სხეულიდანაც რომ ამოდის, ადამიანს მკვდარი ძილით სძინავს და საერთოდ ვეღარ აღიქვავს ვერაფერს.

თუ ცნობიერება შეგვაქვს სიზმრის რეალობაში, ეს იმას ნიშნავს, რომ ასტრალურ სხეულსა და ''მე''-ს ვაყოვნებთ ეთერულ სხეულში და შესაბამისად ეთერულ რეალობაში ვხვდებით ცნობიერად, მაგრამ იმის გამო, რომ რეალურად ადამიანს არ მიუღწევია ეთერული ხედვისთვის, არამედ უბრალოდ მექანიკური გზით მოახერხა ცნობიერების ეთერულ სხეულში გადატანა, ამის შედეგად ეს რეალობაც ისეთივე ინტერპრეტირებული აღიქმება როგორიც ფიზიკური რეალობა. ანუ სიზმრის გაცნობიერების შემდეგ ადამიანი ისევ მატერიალური სამყაროს მსგავს რეალობაში ხვდება. ანუ უბრალოდ გაცნობიერებული სიზმრით ეთერულ რეალობასაც ვერ აღიქვავს ადამიანი. მაგრამ ჩვენ გვაქვს ცოდნა იმის შესახებ, რომ თუ ადამიანი შინაგან დიალოგს გამორთავს მაშინ მას შეუძლია დაინახოს ენერგიები და ამის მიღწევა შეიძლება, როგორც ფიზიკურ სხეულში ასევე ეთერულ სხეულში ცნობიერების გადატანისას. მაგრამ შინაგანი დიალოგის გამორთვით ერთადერთი რაც მიიღწევა არის ეთერული რეალობის პირდაპირი ხედვა (არ აქვს მნიშვნე,ლობა ფიზიკურ სხეულშია ადამიანი თუ ეთერულ სხეულში, აღქმაში პრინციპული განსხვავება აქ არაა). აი ეს ორი რეალობა არის ხელმისაწვდომი ნებისმიერი სიზმართმხილველისთვის - რეალობა ინტერპრეტირებული (მატერიალური საგნების რეალობა) და რეალობა არაინტერპრეტირებული (ენერგეტიკული ანუ ეთერული რეალობა). სადაც არ უნდა წასულიყვნენ და აღქმის წერტილი სადაც არ უნდა გადაეტანათ დონ ხუანის ტრადიციის შამანებს სამყაროს აღქმის ეს ორი გზა ჰქონდათ მხოლოდ.

ეთერული სამყარო სულიერი სამყარო ჯერ კიდევ არაა. სულიერი სამყარო იწყება ასტრალური სამყაროდან, ამ სამყაროს აღსაქმელად კი საჭიროა ცნობიერების შეტანა არა სიზმრის რეალობაში, არამედ იმ რეალობაში, რომელ რეალობაშიც ადამიანი მკვდარი ძილის დროს იმყოფება.

იმის ნათელსაყოფათ თუ რამდენად დიდია განსხვავება ცნობიერების სიზმრის რეალობაში შეტანასა და ცნობიერების უსიზმრო ძილის რეალობაში შეტანას შორის დავწერ ამ უკანასკნელის - ანუ ნათელმხილველური გამოცდილების ერთ-ერთ მაგალითს:

ტექსტი აღებულია ფეისბუქის ჯგუფიდან ''''ანთროპოსოფია, ქრისტოლოგია, სულისმეცნიერება.''''

----------------------------------------------------------------

ანთროპოსოფია და რუსთაველი!

" ჩვეულებრივ, ფიზიკური და ეთერული სხეულებისაგან თავისუფალი ადამიანი დაძინებიდან გამოღვიძებამდე ცხოვრობს წყვდიადში, რადგანაც სულიერი სამყარო, რომელიც მას ამ დროს გარემოიცავს, მისი მზერისაგან დაფარულია. ეს წყვდიადი თანდათან ღრმავდება, აღწევს გარკვეულ ზღვარს და გათენებისკენ ასევე თანდათან ინქვრევა; ამ დროს ადამიანიც იღვიძებს. გარკვეულ მომენტში ის, ასე ვთქვათ, თავის უკიდურეს, ერთგვარ უმაღლეს საფეხურს აღწევს. სულიერი წყვდიადის ეს უმაღლესი საფეხური შეიძლება შევადაროთ იმას, რასაც მიწიერ სამყაროში შ უ ა ღ ა მ ე ს უწოდებენ. როგორც ფიზიკური სიბნელე, სავსებით ბუნებრივად, თავის უკიდურეს ზღვარს შუაღამისას აღწევს, შემდეგ კი ნელ-ნელა კლებულობს, ასევე სულიერ წყვდიადსაც გააჩნია თავისი უმაღლესი საფეხური _ შ უ ა ღ ა მ ე. ნ ა თ ე ლ ხ ი ლ ვ ი ს გარკვეულ ს ა ფ ე ხ უ რ ზ ე, სწორედ იმ დროს, როდესაც დანარჩენი ადამიანებისათვის წყვდიადი ღრმავდება, მ ო წ ა ფ ე ე ბ ი სტიქიის ს უ ლ ე ბ ს ხედავენ;
იგივე ხდება წყვდიადის განქრობის დროსაც. იუფლებს რა ნ ა თ ე ლ ხ ი ლ ვ ი ს ყველაზე დ ა ბ ა ლ საფეხურს, ადამიანი ჯერ ს ტ ი ქ ი ა თ ა ღმერთების განცდას ეძლევა; შემდეგ, როდესაც მას სურს განიცადოს უმაღლესი სულიერი მომენტი _ “შ უ ა ღ ა მ ე”, იგი ჯერ ისევ წყვდიადშია, და მხოლოდ რაღაც დროის შემდეგ ჩნდება სინათლე. მაგრამ თუ იგი აღწევს ნათელხილვის გარკვეულ საფეხურს, ეს შ უ ა ღ ა მ ე უფრო და უფრო მეტად ნათდება, მეტი სინათლე შემოდის მასში, და მაშინ, სწორედ შ უ ა ღ ა მ ი ს ჟამს, ადამიანი აღწევს უმაღლეს წერტილს (ეს ის დროა, რომელიც ნორმალურ ცხოვრებაში ყველაზე მკვეთრად მიჯნავს ადამიანს ღვთაებრივ-სულიერი სამყაროსაგან, ყველაზე ღრმად ძირავს ილუზიაში _ მაიაში). ამ დროს ადამიანი ღვთაებრივ-სულიერ არსებათა ჭვრეტის განცდას ეძლევა, ... სტიქიათა არსებების მიღმა ხედავს მაღალ სულიერ სამყაროს, ს უ ლ ი ე რ მზეს, მსგავსად იმისა, როგორც ფიზიკური თვალი აღიქვამს ფიზიკურ მზეს; ადამიანი მიისწრაფვის სულიერი მ ზ ი ს კ ე ნ, ე.ი. უმაღლეს ღვთაებრივ-სულიერ არსებებისკენ. ნათელმხილველი ამ არსებებამდე აღწევს იმ დროს, როდესაც სხვა ადამიანებისათვის სულიერი სამყარო უშორეს სიღრმეებშია დანთქმული. ... ეს არსებები კი ისეთივე მიმართებაში არიან სტიქიის ღმერთებთან, როგორც მზე - ფიზიკურ დედამიწასთან. ადამიანი მ ზ ი ს უმაღლეს შემოქმედ ღ მ ე რ თ ე ბ ს განიცდის. ტექნიკურად ამას შ უ ა ღ ა მ ი ს მზის ხილვის მომენტი ჰქვია.
რ. შ ტ ა ი ნ ე რ ი - "აღმოსავლეთი დასავლეთის შუქჭრილში" - 2 ლექცია

" ღმერთსა შემვედრე, ნუთუ კვლა დამხსნას სოფლისა შრომასა,
ც ე ც ხ ლ ს ა, წ ყ ა ლ ს ა და მ ი წ ა ს ა, ჰ ა ე რ თ ა თანა ძრომასა,
მომცნეს ფრთენი და ავფრინდე, მივხვდე მას ჩემსა ნდომასა,
დღისით და ღ ა მ ი თ ვხედვიდე მ ზ ი ს ა ელვათა კრთომასა.
რ უ ს თ ა ვ ე ლ ი

---------------------------------------------------------------------

[Merlin]

ერთ კომენტარსაც გადმოვიტან კიდევ უფრო კარგად გასაგები, რომ გახდეს:

'''' Guram Shara - რუსთაველის და რუდოლფ შტაინერის აზროვნების საოცარი თანხვედრა. როგორი მისტერიული სიბრძნე აქვს რუსთაველს გადმოცემული მარტო ამ ერთ სტროფში, რომლის გაგებაც ანთროპოსოფიის გარეშე შეუძლებელია. მხოლოდ ამ სტროფით ამტკიცებს რუსთაველი იმას, რომ მისტერიების ხელდასხმულია.
შტაინერი ამბობს, ხელდასხმული ნათელხილვის დაბალ საფეხურზე სტიქიათა მიღმა მდგარ სულიერ არსებებს წვდება და მერე მაღლდება "შ უ ა ღ ა მ ი ს მზის" - ანუ მზის უმაღლესი სულიერი არსებების ხილვამდე. რუსთაველიც - ჯერ ოთხ სტიქიას, ცეცხლს, წყალს, მიწას და ჰაერს ასახელებს, შემდეგ ნათელხილვის ამაღლებას ხატოვნად იმით გადმოსცემს, ღმერთს ასაფრენად ფრთებს შესთხოვს, და ამ ყველაფერს აგვირგვინებს მიწიერი თვალსაზრისით სრულიად გაუგებარი სიტყვებით: დღისით გასაგებია, მაგრამ ღ ა მ ი თ მზის ხილვა რანაირად შეიძლება? "...ღ ა მ ი თ ვხედვიდე მ ზ ი ს ა ელვათა კრთომასა" - შ უ ა ღ ა მ ი ს მ ზის განცდის მისტერიაა! ''''

[Merlin]

შეადარეთ ის რაც აქ წერია სიზმართხილვას და მიხვდებით, რამდენად არაფრით არ გავს ეს ყველაფერი ეთერულ სხეულში ცნობიერების გადატანის პრაქტიკას, როდესაც არაფერი მსგავსი არ აღიქმება, სულიერი სამყაროებისა და მათში მოქმედი ელემენტალებისა და ანგელოზთა იერარქიების ნაცვლად გადიხარ რეალობაში, რომელიც ფიზიკის კანონებ მორყეული მატერიალური რეალობაა სადაც მარტოობისგან შეიძლება სული ამოგძვრეს, და თუ ვინმე რეალური ნახე, რომელსაც ენერგია აღმოაჩნდა, ეს იმის მომასწავებელია, რომ სხვა სამყაროდან მოსული არსების წინაშე დგახარ, რომელთან ურთიერთობაც შენთვის სამუდამო მონობით შეიძლება დასრულდეს, ყველაფერს, რომ თავი დავანებოთ, თვითონ სიზმართხილვის პრაქტიკაც კი იმათმა ასწავლეს ძველი მექსიკის მაგებს, იმ მიზნით, რომ შემდეგ მათზე ეთევზავათ და თავიანთ სამყაროში სამუდამოდ გამოემწყვდიათ. იმ მაგებმა სიზმართხილვაში ათასჯერ მეტი იცოდნენ ვიდრე ჩვენ, მაგრამ ამის და მიუხედავად მათი უმრავლესობა არაორგანული არსებების სამყაროში ტყვეობით ასრულებდა თავის არსებობას. თავად დონ ხუანიც ამბობდა, რომ სიზმართხილვა ძალიან ცუდი პრაქტიკა იყო, იმიტომ, რომ ყოველი ფეხის ნაბიჯზე ჩასავარდნი უფსკრული იყო, მაგრამ მათ უბრალოდ სხვა ალტერნატივა არ გააჩნდათ, ათასწლოვან გამოცდილებასა და რამოდენიმე მასწავლებლის მოსწავლეობას არც კასტანედასთვის შეუძლია ხელი არაორგანული არსებების მიერ დაგებულ მახეში გაბმულიყო. გარდა ამისა აუარებელი შემთხვევაა მოყვანილი თითოეულ პრაქტიკასთან დაკავშირებით კასტანედას წიგნებში, დაშვებულ შეცდომებს რა კატასროფული შედეგები მოყვებოდა, და ისტორიები იმის შესახებ თუ ვინ რა ცუდად დაამთავრა თავისი არსებობა. ამის შემდეგ იმის თქმა, რომ სიზმართხილვა საშიში პრაქტიკა არ არის უბრალოდ ტყუილია, და ისეთი ტყუილი, რომელიც ადამიანს შეიძლება სამარადისო ტყვეობად დაუჯდეს და რის ფასად? იმის ფასად, რომ არაცნობიერ სიზმარში ნახო შემდეგ მასწავლებლები, და არანაირი საშუალება არ გქონდეს იმის გასაგებად, რომ ნამდვილად ის მასწავლებლები არიან ვისი სახითაც გამოგეცხადნენ, თუ სხვა რომელიმე არსებაა, რომელიც რაღაც მიზეზის გამო გატყუებს.

[Merlin]

სიზმართხილვის პრაქტიკა ასეთია - ცნობიერ სიზმარში მარტოობა უკაცრიელ უსიცოცხლო ილუზიების გროვაში ან უდიდესი საფრთხის წინაშე დგომა თუ მართლაც და ვინმე გამოჩნდა. არაცნობიერ სიზმარში კი - ბუნდოვანი და ფრაგმენტული სიზმრის ნაგლეჯები საიდანაც უნდა აკოწიწო რაღაც ინფორმაციები, და რეალურად ისიც კი არ იცოდე ვინაა რეალურად ის ვინც ამ ინფორმაციის ნაგლეჯებს გაწვდის. რეალურად ისე ხომ არაა საქმე, როგორც არაორგანულების შემთხვევაში, რომ ისეთ ცოდნას გაძლევენ, რომელიც ისევ და ისევ იმათ წისქვილზე ასხავს წყალს?! ყოველ შემთხვევაში ის მსოფლხმედველობა, რაც არაცნობიერ სიზმარში მიღებულმა გაკვეთილებმა ჩამოუყალიბა ხალხს რადიკალურადაა აცდენილი ჭეშმარიტებას და ჭეშმარიტების მტრების წისქვილზე ასხავს წყალს, რომლებიც მზად არიან ყველანაირი ეზოთერული ცოდნა გაავრცელონ, ოღონდ კი ქრისტეანობას არ გააკარონ კაცობრიობა.

[Merlin]

და რაც შეეხება იმას, თუ როგორ უნდა მოახერხოს ადამიანმა ასტრალური სხეულისა და მეს გამოთავისუფლება ფიზიკურთან ერთად ეთერული სხეულიდანაც ცნობიერად, და ამდენად უსიზმრო ძილის მდგომარეობაში გაცნობიერებულად არსებობა. ამის მისაღწევად ანთროპოსოფიაში არის მოცემული შესაბამისი პრაქტიკები, რომლებიც ძირითადად სხვა და სხვა სახის მედიტაციებისგან შედგება. მე იმას არ ვამბობ, რომ ამის მიღწევა მხოლოდ და მხოლოდ რუდოლფ შტაინერმა რაც დაწერა იმ პრაქტიკებით შეიძლება, თუმცა როგორც ჩემთვის ცნობილი ყველაზე თანამედროვე ქრისტეანი ხელდასხმული, მის მოცემულობაში ყველაზე უფრო მეტად იქნება გათვალისწინებული თანამედროვე ცხოვრების სირთულეები, თანამედროვე ადამიანის ცნობიერების მდგომარეობა და ახალი ეპოქისა გამოწვევები და მოთხოვნილებები და ის ფაქტი, რომ ყველა ეპოქაში განსხვავებული ტიპის ცნობიერების ადამიანებს განსხვავებული სწავლება და განსხვავებული მიდგომები ესაჭიროებათ. რაჯა იოგას ადეპტები ასევე ახერხებენ სულიერი სამყაროების შემეცნებას, მაგალითად მაჰატმა მორია და მაჰატმა კუტჰუმი, მაგრამ ისინი იმ გზას, სწავლებას და მეთოდებს მიყვებიან, რომელიც ქრისტეშობამდელი ადამიანის ცნობიერებისთვის იყო შესაფერისი, და შესაბამისად რაც დრო გავა ხელდასხმის ძველი მეთოდები სულ უფრო და უფრო შეუსაბამო გახდება თანამედროვე ადამიანის ცნობიერებისთვის.

კონკრეტული პრაქტიკების დაწერას რაც შეეხება, როგორც გითხარი, ჯერ ერთი რომ მე ჯერ არ მაქვს შესწავლილი, და მეორეც თეორიული ძლიერი შემეცნების გარეშე პრაქტიკების კეთება არანაირი მიზეზით არ შეიძლება. თავად შტაინერის გზის პირველ საფეხურად თეორიის კარგად სწავლის აუცილებლობა უწერია თავისი ერთ-ერთი წიგნის დასაწყისშივე.

[brevalo]

Merlin

ეთერული სხეულეის გამყარებას ისწავლიან

რას გულისხმობს ეთერული სხეულის გამყარება? შეგიძლია რომ უფრო დაწვრილებით ამიხსნა? მადლობა წინასწარ

[Merlin]

ეთერული სხეულის გამყარებაში იგულისხმება მისი გამკვრივება და მატერიალურთან დაახლოვება, კასტანედას ტრადიციაში, ზოგ შემთხვევაში იმდენადაც კი, რომ არა თუ თვალით აღქმადს ხდიდნენ, არამედ ფიზიკური სხეულის ფუნქციითაც კი იყენებდნენ.

[Merlin]

აქ კიდევ ერთი რამეა სათქმელი, ფიზიკური სხეულის სიკვდილის შემდეგ, მასთან ერთად იშლება ჯერ ეთერული სხეული და შემდეგ ასტრალური. სხეულებრივი კონსტიტუციის დაშლა არახელდასხმული ადამიანის შემთხვევაში აუცილებელი წინაპირობაა იმისათვის, რომ ადამიანმა სულიერ სამყაროში გადაინაცვლოს, გაიაროს ის გზა რაც უნდა გაიაროს და შემდეგ უკან დაბრუნდეს ახალ ინკარნაციაში. და აქ უნდა ვიკითხოთ, და რა მოხდება, მაშინ თუ სხეულებრივი კონსტიტუცია გამკვრივებულია ისეთ დონეზე, რომ გარდაცვალების შემდეგ არ იშლება? (სწორედ ეს იყო კასტანედას ტრადიციის მიზანი, და ის პრაქტიკები, რომლებიც კასტანედამ გააცნო კაცობრიობას და რომელსაც საქართველოშიც ასწავლიან, სწორედ ამას ემსახურება) პასუხი ისაა, რომ თუ სხეულებრივი კონსტიტუცია (ეთერული და ასტრალური სხეულები) გარდაცვალების შემდეგ არ დაიშლება, ეს იმას ნიშნავს, რომ ადამიანი მოხვდება ფიზიკურ და სულიერ სამყაროებს შორის არსებულ რეალობაში განუსაზღვრელი დროით, იმ რეალობაში რომელშიც ადამიანი სიზმრის განცობიერებისას შედის, იმ რეალობაში რომელშიც ადამიანი არ უნდა ხვდებოდეს იმაზე მეტ ხანს ვიდრე საჭიროა. ასეთი ადამიანი წარმოუდგენლად დიდხანს იხეტიალებს უცხო რეალობაში, იქამდე სანამ მისი მინიმუმ ეთერული სხეული დაშლას არ დაიწყებს. და კაცმა არ იცის რა ელის მას ამ რეალობაში და ის არსებები რაც მას იქ დახვდება, საერთოდ მისცემენ თუ არა საშუალებას მას ოდესმე, რომ ინკარნაციათა ციკლი გააგრძელოს. ასეთი ტიპის არსებები უხვადაა აღწერილი კარლოს კასტანედას წიგნებში, განსაკუთრებით კი ''სიზმართხილვის ხელოვნებაში''. ამ უცხო რეალობაში (იქ სადაც დონ ხუანის ტრადიციის მაგები გადიოდნენ და მოქმედებდნენ) ყველაზე ნაკლებად სავარაუდებელია, რომ ვინმე კეთილისმსურველს შეხვდეს ადამიანი, რადგან იერარქიული არსებები (ანგელოზები) ეგეთ დაბალ რეალობაში არ ეშვებიან და ის ადამიანები კიდევ, ვინც სწორად გაიარა ცხოვრება ამ განზომილებაში მინიმალური დროით მოხვდება, იმ მცირედი დროით სანამ მისი ეთერული სხეული დაიშლება. ამიტომ იყო დონ ხუანი, რომ სულ იმას გაიძახოდა – მტაცებლურ სამყაროში ვცოვრობთო, ამას იმიტომ ამბობდა, რომ ის ორი რეალობა, რომელსაც ის იცნობდა ორივე მტაცებლურია: მატერიალური სამყარო არიმანის სამბრძანებლოა, ამიტომ ეწოდება მას ამა ქვეყნის ბატონი სახარებაში, ის რეალობა კი სადაც სიზმრების გაცნობიერებით შედის ადამიანი არის შუალედური სივრცე ფიზიკურ და სულიერ სამყაროებს შორის, რომელშიც ის უცხო და მტაცებლურად განწყობილი არსებები არიან რომლებიც მეცხრე წიგნშია აღწერილი.

[brevalo]

Merlin


ძალიან საინტერესოა.

ეთერული სხეულის გამკვრივება ნიშნავს თუ არა იმას, რომ ადამიანის ფიზიკური სხეული ჯანმრთელი იქნება? ეს აზრი იმიტომ გამიჩნდა, რომ როდესაც ეთერული სხეული, რომელიც ფიზიკურ სხეულს გარს აკრავს, იცავს მას სხვადასხვა დაზიანებებისგან. ხოლო როდესაც ეთერული სხეული მკვრივია ანუ ეთერულს სხეულში დიდი ენერგიაა კონცენტრირებული, შესაბამისად ფიზიკური სხეულის სასიცოცხლო ენერგიაც საკმაოდ დიდი უნდა იყოს.

და მეორე კითხვა: ის ადამიანები, რომლებსაც გამკვრივებული ეთერული სხეული აქვთ (ე.წ. კასტანედას მიმდევრები) და რომლებიც გარდაცვალების შემდეგ მატერიალურსა და სულიერ სამყაროებს შორის მოხვდებიან, მათ შეეძლებათ მატერიალურ სამყაროში მოქმედება და ზეგავლენა? ანუ ხალხი რომ ამბობს ხოლმე მიცვალებულის სული დარჩაო. ეგ იგივე მდგომარეობაა?

[Merlin]

სწორად მიხვდით, ეთერული სხეული, როდესაც ფიზიკურ სხეულს დაუახლოვდება ამ დროს ადამიანი ფიზიკურად იმაზე უფრო ჯანმრთელი იქნება და კოლოსალურად მეტი ენერგია ექნება ვიდრე ჩვეულებრივ შემთხვევაში (თუ რა თქმა უნდა ენერგიის კარგვას გააჩერებს). ესაა ძირითადი მიზეზი იმისა, რატომაც ცდილობენ რომ ენერგეტიკული სხეული მაქსიმალურად დაუახლოვონ ფიზიკურს. მით უმეტეს ისეთი გამყარების შემთხვევაში, როდესაც ფიზიკური სხეულის ფუნქციითაც შეგიძლია გამოიყენო ასეთი სხეული საკმაოდ ძლიერი იარაღი ხდება მატერიალურ და ეთერულ რეალობაში სამოქმედოთ. მაგალითად მეხუთე წიგნში წერია, კასტანედას რომ თავს დაესხმებიან, როგორ გადაარჩინა საკუთარმა ენერგეტიკულმა სხეულმა ორჯერ ისე, რომ თვითონაც არ იცოდა როგორ გამოუვიდა.

[Merlin]

მეორე კითხვას რაც შეეხება, ზუსტად ვერ გიპასუხებ. მანდ უამრავი განსხვავებული ვარიანტი შეიძლება იყოს, იმის მიხედვით თუ რას აკეთებდა ადამიანი და სადამდე მივიდა.

[brevalo]

Merlin


გასაგებია.

თუმცა ჯანმრთელობის გამაგრება ხომ სხვა გზებითაც შეიძლება. მაგალითად, სტიქიებით და მათთან მედიტატიური მდგომარეობით.



პ.ს. ალბათ ყველაზე ჯანსაღი განვითარების გზა მაინც შტაინერის გზაა.

[Merlin]

''''პ.ს. ალბათ ყველაზე ჯანსაღი განვითარების გზა მაინც შტაინერის გზაა.'''

მეც ასე ვფიქრობ. თუმცა ცოტა სხვა ფორმულირებას მივცემდი. ქრისტეანობაა ერთადერთი რელიგია, რომელიც მომავლისკენ მიუძღვება კაცობრიობას. სხვა ყველა რელიგია წარსულია, რომელიც უკან აღარ დაბრუნდება და რაც მეტი დრო გავა სულ უფრო და უფრო ნაკლებად აქტუალური და თანამედროვე ადამიანის ცნობიერებისთვის უცხო და შეუსაბამო გახდება მაშინ, როდესაც მომავალში ქრისტეანობის სულ უფრო და უფრო დიდი სიმაღლეები გამომჟავნება. ანთროპოსოფია ერთ-ერთი ასეთი საფეხურია მხოლოდ და მხოლოდ, ის საფეხური, რომელზეც ადამიანმა უნდა დააბიჯოს საიმისოდ, რომ მომავლისკენ გადადგას ნაბიჯები, იმ მომავლისკენ, რომელ მომავალშიც ანთროპოსოფიას ქრისტეანობის სხვა უფრო დიადი გამოვლინება შეცვლის. ადამიანის ცნობიერება ვითარდება და კაცობრიობას ყოველ ეპოქაში ახალი სწავლება ესაჭიროება. ის სწავლება, რომელიც ჩვენი ეპოქის ადამიანისთვისაა მოცემული სულიერი წარმართველობის მიერ არის ანთროპოსოფია, რომელიც ქრისტეანობის უახლეს და უმაღლეს გამოვლინებას წარმოადგენს რაც კი აქამდე ყოფილა. მე ასე ვფიქრობ, საკმარისი საფუძველიც მაქვს იმისათვის, რომ ასე ვიფიქრო.

ბლავატსკაიას რაც შეეხება, იმის და მიუხედავად, რომ ძალიან მაღალი დონის ცოდნაა გადმოცემული მის სწავლებაში, და სხვა პოსტებში მისი თეოსოფია ანთროპოსოფიის გვერდით მოვიხსენია არაერთხელ, როგორც ერთ-ერთი ღირებული ოკულტური ცოდნის წყარო, აქვე უნდა ითქვას, რომ მისი თეოსოფია ქრისტეანობამდელი სიბრძნეა, უფრო მეტად კი ძველ ინდური. ამასთან დაკავშირებით, ორი რამ უნდა ითქვას, ერთი ის, რომ როგორც ზემოთ ითქვა, ყველა ეპოქაში ადამიანს თანადროული სწავლება ესაჭიროება, და შესაბამისად ის ცოდნა და სწავლება რაც რამოდენიმე ათასი წლის წინანდელი აღმოსავლეთის ადამიანისთვის იყო განკუთვნილი და მისი ცნობიერების შესატყვისი, ვერანაირად ვეღარ ექნება ისეთივე ღირებულება თანამედროვე, მით უმეტეს, დასავლეთის ცნობიერების ადამიანისთვის. და უფრო მნიშვნელოვანი: ბლავატსკაიას ყველაზე მნიშვნელოვან საკითხთან დაკავშირებით სრულიად ცდომილი შეხედულებები აქვს, კერძოდ კი საერთოდ არის აცდენილი ჭეშმარიტებას ქრისტესთან, იაჰვესთან და ლუციფერთან დაკავშირებით, რაც მისი ან მისი მასწავლებლების არასრულყოფილი ნათელხილვითაა განპირობებული. კერძოდ კი ბლავატსკაია კატეგორიულად უარყოფდა ქრისტეს, როგორც დამოუკიდებელი სულიერი არსების არსებობის შესაძლებლობას, ასევე იაჰვე მიაჩნდა ომის, გამრავლებისა და შესაბამისად ადამიანის ქვენა ბუნებისთან დაკავშირებულ ღმერთად, ხოლო ამის საპირისპიროდ ლუციფერს, ვინაიდან და რადგანაც მან მოუტანა კაცობრიობას შემეცნება (გველის მიერ ადამისა და ევას ცდუნება) ადამიანთა მოდგმის მხსნელად და კეთილისმყოფელად თვლიდა. ამდენად ელენა პეტროვნას საკმაოდ ცუდი დამოკიდებულება ჰქონდა იუდეო-ქრისტეანულ სულიერებასთან, მაშინ როდესაც სწორად ქრისტეანობაშია კაცობრიობის მომავალი განვითარების ერთადერთი შესაძლებლობა. ეს რომ სიმართლეა იქიდანაც ჩანს, რომ ბლავატსკაიას თეოსოფია თავდაპირველი ორიგინალის სახით თითქმის დაიკარგა იმ მხრივ, რომ ძალიან ძნელად თუ ნახავთ ისეთ ადამიანს ვინც მას სწავლობს. საქართველოში მე პირადად ასეთი არავინ ვიცი. ეს ყველაფერი მეტნაკლებად მის უნაყოფობაზე მეტყველებს. თავდაპირველი თეოსოფია ბლავატსკაიას სიკვდილიდან მალევე, დაახლოებით ათ წელიწადში, ზუსტად მეოცე საუკუნის დასაწყისშივე ჩაანაცვლეს ცრუ-თეოსოფიით, და თავდაპირველი სწავლების ნაცვლად ასეთი ცრუ თეოსოფია ის რაც დღეს ეზოთერიკით დაინტერესებულ ადამიანებამდე მიდის. ამ ცრუ თეოსოფიამ, რომელიც მომავლ წლებში გამრავალფეროვნდა და ათას განსხვავებულ სწავლებად იქცა, რომლებსაც ხშირად კრებითად ნიუ ეიჯს ეძახიან, სრულიად გადაფარა და დატბორა არა თუ თავად ბლავატსკაიას სწავლება, არამედ მთლიანად ეზოთერული სივრცე და საბოლოვო ჯამში სრული სიგიჟე მივიღეთ: სანატ კუმარები, აშტარ შერანები, ამაღლებული მეუფეები, მომავალი მესია მაიტრეები, ჩენელინგები, უცხოპლანეტელებთან კონტაქტიორები, პლეადელები, სირიუსელები და ორიონელები, მეთერთმეტე განზომილებები (მეოთხე მოღალეს უკვე), ჩაკრების წმენდა, კარმის დიაგნოსტიკა და კაცმა არ იცის კიდევ რა, ვიღას ახსოვს ბლავატსკაია, რომლის სწავლების ათასნაირმა დამახინჯებამაც მოგვცა მეტწილად ეს კოშმარი და ისეთი სულიერი კუნაპეტი, რომ თვალთან თითს ვერ მიიტან))

ამით იმის თქმა მინდა, რომ ის ძველი სიბრძნე, რომელიც ბლავატსკაიამ გადასცა კაცობრიობას არ იყო საკმარისად სიცოცხლისუნარიანი. გარდა ამისა თავად ბლავატსკაიაც ამბობს, რომ ის თეოსოფია, რომლის გამოტანაც მას დაეკისრა მისიად არ არის პროგრესული სწავლება, იმ გაგებით, რომ არ არის რაღაც ისეთ რაც შეიძლება, რომ განვითარდეს. არამედ არის წარსულის ცოდნა და სიბრძნე, რომელიც დაკონსერვებული სახით ინახება, როგორც უტყუარი (მათი აზრით) და დროში უცვლელი ჭეშმარიტება, აღმოსავლეთის ადეპტების მიერ.

[Merlin]

ანთროპოსოფიის გარდა, პირადად მე, ვერ ვნახე ვერცერთი სწავლება, რომელიც ადეკვატური იქნებოდა თანამედროვე ადამიანის ცნობიერებისა და მოთხოვნილებებისთვის. თანამედროვეობაში ეზოთერული წიგნების სრული უმრავლესობა უბრალოდ გადასაყრელია. დანარჩენი რაცაა, ან არასწორი ოკულტიზმია, როგორც მაგალითად კასტანედა, რომელიც იმის და მიუხედავად, რომ რეალურ ცოდნას შეიცავს, იმდენად არასწორია, რომ წაკითხვასაც კი არავის ვურჩევდი (იმიტომ, რომ კითხვითაც კი ძალიან მძიმე ზეგავლენას ახდეს ადამიანზე), ან არადა არის ძველი სწავლებების გაცოცხლებისა და ახსნის მცდელობები, ეს სწავლებები კიდევ, იქნება ეს ინდური ცოდნა, კაბალა თუ სხვა რამ, იმის და მიუხედავად, რომ მრავალმხირვ სასარგებლო შეიძლება იყოს თუ სათანადოდ მივუდგებით, ქრისტეანობის მიღმაა დარჩენილი და შესაბამისად არ შეიცავს იმ სულიერ ძალებს, რომელი ძალებიც ასეოდენ აუცილებელი იმ სულიერ კრიზისში, რომელშიც ვიმყოფებით.

[brevalo]

Merlin


რა არის მიზეზი იმისა, რომ ბლავატსკაიას თეოსოფია გამოუსადეგარი და დაკონსერვებულია? რატომ არ აქვს მომავალი?

კი ბატონო, ბევრი ოკულტისტის, ეზოთერიკოსის და მაგის სწავლება შეიძლება ბევრ ცრუ ან არასწორ ინფორმაციას ატარებს, მაგრამ ხომ არიან ძველი ოკულტისტებიც, რომელთა სწავლებები და მეთოდები მართლაც ამართლებს მხოლოდ სხვადასხვა უნარების განვითარების კუთხით (ეს იქნება ექსტრასენსორიკა, ინტუიცია, სტიქიებთან მუშაობა და მრავალი სხვა). მე არ ვამბობ რომ მათი სულიერად განვითარების გზა ჭეშმარიტია, მაგრამ მათი სწავლებები ადამიანის გარკვეულ უნარებს მართლაც ანვითარებენ.

[jajala]

ერთადერთი რასაც მერლინის შემთხვევაში ვხედავ ეს არის შტაინერის თეორიების შესწავლაში ევოლუცია. ოღონდ აქ არ უნდა დაგვავიწყდეს, რომ თეორიაში ევოლუცია არ არის სულიერი ზრდა. სულიერი ზრდა მოაქვს პრაქტიკას. შტაინერი კი არა რაც არ უნდა შეისწავლო თეორიულად, თუ პრაქტიკას არ მიჰყვა ადამიანი ის ვერ შეიცვლება. საუკეთესო შემთხვევაში, თუ "სწორი" თეორია იპოვა, ეცოდინება როგორია "სწორი" პრაქტიკა, მაგრამ სანამ პრაქტიკას არ გაჰყვება არაფერი გამოუვა.
რაც შეეხება იმას რომ ნათელხილვა სხვაა და სიზმარხილვით ის არ მიიღწევა ამაში ვერ დაგეთანხმები. რაც შეეხება შტაინერს, ის იმიტომ წაცვიდა ამ გზით და იმიტომ დაწერა ის და ისე როგორც დაწერა, რომ მას შესაბამისი წარსული ჰქონდა. მაგრამ ეს სულაც არ ნიშნავს იმას, რომ სხვა სწავლებები ცდებიან. ნათელხილვა ერთია და დანახულის სწორი ინტერპრეტაცია მეორე. ნათელხილვა უფრო ადვილად მიიღწევა ვიდრე ხილვის სწორი ინტერპრეტაცია.
აქ აუცილებლად უნდა ითქვას სამყაროს არაერთგვაროვნებისა და ცვალებადი ბუნების შესახებ, აგრეთვე იმის შესახებ, რომ რაც არ უნდა დაინახო, ყველაფერი მხოლოდ სიზმარია(მაია). ამიტომ როდესაც ნათელხილვის პრიორიტეტულ მდგომარეობაზეა საუბარი, უნდა გავიხსენოთ, რომ გარშემო მაიაა მხოლოდ, და რაც არ უნდა დაინახო ნათლად - მაინც მაიას ხედავ.
გემოვნებაზე არ დაობენ, ვისაც შტაინერი მოსწონს შტაინერს გაყვეს, ვისაც სხვა რომელიმე სწავლება მისი ნებაა..... მაგრამ თუ ყველაფერი მაიაა, ისაუბრო იმის შესახებ, რომ ეს სწავლებაა მოწინავე ან ის, არასწორია და ფუჭი. გახედეთ გამოიხედეთ გარშემო რა მრავალფეროვანი და მშვენიერია სამყარო, როგორ შეიძლება მას მხოლოდ შტაინერის ან ვინმე სხვის თვალით უყუროთ?
მიიღო შტაინერის ხედვა და სწავლება ნიშნავს მხოლოდ მის "მაია"-ში იცხოვრო. ეს გემოვნების ამბავია ..

[old_man]

მე არ ვიტყოდი რომ კასტანედას გზა მცდარია, სწორია ან არასწორია... ხოლო შტაინერთან შედარება კი სასაცილოა. უბრალოდ მასშტაბებია იმდენად სხვადასხვა, სულ სხვა წონითი კატეგორიები, ასევე საბოლოო მიზნები. ავხსნი რას ვგულისხმობ. მაგ. იცი, რომ უნდა წახვიდე უდაბურ ტყეში, სადაც არიან მტაცებელი ცხოველები, სიცივე, შიმშილი და მძიმე პირობები გელოდება იქ. კასტანედა მოგამზადებს, აგიხსნის იქ რა შეიძლება შეგხვდეს, რა უნდა წაიღო თან, როგორ უნდა მოიპოვო საჭმელი, როგორ გაუმკლავდე მტაცებლებს და საბოლოოდ შენ გემოზე მოირგო ის ტყე.
შტაინერი კი არის კოსმიური მასშტაბები, უმაღლესი შემოქმედების, სამყაროების შექმნის მასშტაბების, უმაღლესი მეს შეცნობის, განღრმთობის გზა.
კასტანედა გვეუბნება რომ არის თუ მომზადებული არ ხარ, მარტო ცნობისმოყვარეობის იმედად, შეიძლება ჩარჩე რომელიმე დამალ სამყაროში და იქაური არსებების საკბილო გახდე, მაგრამ ამავე დროს იმის საშიშროება უფროა, რომ თავად კასტანედას დონეზე ჩარჩე სამუდამოდ. იქნები ძლიერი მაგი, ძლიერი ენერგეტიკული სხეულებებით და იბრძოლებ სხვადასხვ არსებებთან და ფიზკურ სამყაროშიც ძლიერი იქნები. სადაა აქ მერე სულის განვითარება და დიადი ევოლუციის მიზნები? )

[Merlin]

-პასუხი jajala-ს

''''ერთადერთი რასაც მერლინის შემთხვევაში ვხედავ ეს არის შტაინერის თეორიების შესწავლაში ევოლუცია. ოღონდ აქ არ უნდა დაგვავიწყდეს, რომ თეორიაში ევოლუცია არ არის სულიერი ზრდა.''''

მე კიდე რასაც ამ წინადადებაში ერთადერთი რასაც ვხედავ ესაა მთელი მონდომება და ძალისხმევა ჩადებული იმაში, რომ რაც მე დავწერე სწორად არ გაგეგო. ჯერ ერთი, რომ მე არსად არ დამიწერია პრაქტიკული ოკულტიზმი რამენაირად მიუღებელია მეთქი. პირიქით, გითხარით, რომ შტაინერს უწერია მეთქი პრაქტიკული გზის შესახებ და იმდენი უწერია თანამედროვე ავტორთაგან ბევრი ვერ შეეჯიბრება თუმდაც სუფთად პრაქტიკების რაოდენობის თვალსაზრისით. მე უბრალოდ ის ვთქვი, მე ჯერ არ შემისწავლია მეთქი ეს პრაქტიკები, იმიტომ რომ თვითონ ანთროპოსოფიის გაცნობა ჯერ არც ისე დიდი ხანია რაც დავიწყე. შტაინერმა კიდევ რახან დატოვა მთელი ეს პრაქტიკები, ეს იმას ნიშნავს, რომ საჭირო ყოფილა ანთროპოსოფიული თვალსაზრისით ოკულტური მეთოდები მათთვის, ვისაც უნდა, რომ თავად შევიდეს სულიერი სამყაროების აღქმაში.

წინადადების მეორე ნაწილს რაც შეეხება - ის, რომ '''თეორიაში ევოლუცია არ არის სულიერი ზრდა'''. ჯერ ერთი, რომ ფორმულირება ''თეორიაში ევოლუცია'' უკვე შინაარსობრივად ბუნდოვანი სიტყვათშეთანხმებაა, რომელშიც ისევ და ისევ ჩემი ნათქვამის არასწორად გაგების და დამახინჯებულად წარმოჩენის მოტივი იგრძნობა. მაგრამ ალბათ შენ გულისხმობდი იმას, რომ მე ადამიანებს მხოლოდ და მხოლოდ თეორიული შემეცნებით ევოლუციას ვთავაზობ, და ამასთან დაკავშირებით, ამბობ, რომ მხოლოდ და მხოლოდ თეორიული შემეცნებით ევოლუცია შეუძლებელია.

ჯერ ერთი, რომ, როგორც ზემოთ დავწერე, არსად არასდროს მე ის არ მითქვამს, რომ ადამიანი მხოლოდ და მხოლოდ თეორიული შემეცნებას უნდა დასჯერდეს მეთქი, გითხარით და კვლავ გავიმეორებ, რომ ანთროპოსოფიაში პრაქტიკულ ოკულტიზმს აქვს თავისი ადგილი დათმობილი (და რომც არ ჰქონდეს ამ შემთხვევაშიც კი არ დამცდებოდა ის აზრი, რომ ეს საჭირო არ არის). ხოლო ის აზრი, რომ ოკულტური პრაქტიკების გარეშე ადამიანი ვერანაირად ვერ შეიცვლება, ვერ ვერანაირად განვითარდება და რომ განვითარების ერთადერთი გზა ოკულტურ პრაქტიკებზე გადის, ეს აზრი არის უბრალოდ მცდარი წარმოდგენების შედეგი სულიერ სამყაროზე, ადამიანის სულიერებაზე და მის ევოლუციაზე. ადამიანი ვითარდება უამრავი გზით და უამრავი მიმართულებით, მაშინაც კი თუ ამის შესახებ თვითონ არაფერი იცის. კაცობრიობის მხოლოდ მინიმალურ ნაწილს აქვს შეხება ჯერ ოკულტიზმთან, მით უმეტეს პრაქტიკულ ოკულტიზმთან და მითუმეტეს სწორ პრაქტიკულ ოკულტიზმთან, და რა, თქვენ გინდათ თქვათ, რომ დანარჩენი კაცობრიობა არ ევოლუციონირებს? ამაზე გამეცით პასუხი, და მერე მე განვავრცობ და შევეცდები მაქსიმალურად წარმოვაჩინო ყველა ის გზები, რომლითაც ადამიანები ვითარდებიან, მიუხედავად იმისა საერთოდ იციან თუ არა რამე ოკულტიზე ან თუმდაც რელიგიაზე.



''''რაც შეეხება იმას რომ ნათელხილვა სხვაა და სიზმარხილვით ის არ მიიღწევა ამაში ვერ დაგეთანხმები.'''

მე უამრავი რამ დაგიწერეთ იმის საილუსტრაციოდ, რომ სიზმრებში ცნობიერების შეტანა სულიერ სამყაროში შესვლას არ გულისხმობს, და იმ ყველაფრის პასუხად უბრალოდ არ დათანხმება არ იკმარებს.


'''რაც შეეხება შტაინერს, ის იმიტომ წაცვიდა ამ გზით და იმიტომ დაწერა ის და ისე როგორც დაწერა, რომ მას შესაბამისი წარსული ჰქონდა.'''

შენ ცდილობ ყველაფრის სუბიექტურ დონემდე დაყვანით გაიმარტივო საქმე და ყველაფერი შტაინერის პიროვნებით სპეციფიკით ახსნა, რომ ეს ადამიანი ასეთი იყო და ასე ამიტომ წერდა, (ასეთი წარსული აქვს, ასეთი ასტროლოგიური რუკა ჰქონდა, ასეთ სხივზეა დაბადებული და ასეთი ტოტემი ჰყავს ან რამე მსგავსი) ხოლო სხვა სხვანაირი პიროვნებაა და ამიტომაც წერს სხვანაირად. მერე რა, რომ პირველი მათგანი სრულიად აჯამებს მთელი კაცობრიობის გამოცდილებას და თანხმობაში იმყოფება მასთაბ და დატოვა ისეთი მემკვიდრეობა როგორიც აქამდე არავის არ დაუტოვებია კაცობრიობის ისტორიაში, მაშინ როდესაც მეორე ჰაერიდან მოტანილ სისულელეებს წერს, რომელიც არსაიდან არ დასტურდება და არაფერთან არ აქვს თანკვეთა და თავისთავშივე შეიცავს უამრავ ურთიერთგამომრიცხავ დებულებას და ასე შემდეგ და ასე შემდეგ... კონკრეტული მაგალითები ხომ არ გაინტერესებს?

გარდა იმისა, რომ ანთროპოსოფია ქრისტეანობის პირველწყაროსთან - სახარებასთან იმყოფება თანხმობაში (განსხვავებით, ყველა იმ სწავლებებისგან, რომლებსაც მეცხრამეტე საუკუნის ბოლოდან დაედო საფუძველი), მე დაგიწერეთ მაგალითად, როგორ თანხვედრაშია რუდოლფ შტაინერი იმასთან რაც ვეფხისტყაოსანში წერია ელემენტარული არსებების სტიქიიდან სულიერი მზის ხილვამდე ამაღლების მისტერიასთან დაკავშირებით, რითაც ცხადლივ დასტურდება რუსთაველის ხელდასხმულობა. ასეთი მაგალითები სხვებიც შემიძლია მოვიყვანო, რითაც კიდევ ერთხელ გაესმევა ხაზი იმას, რომ, როდესაც ხელდასხმაზეა საუბარი აქ ობიექტურ შემეცნებასთან გვაქვს საქმე და არა ცალკეული ადამიანის პიროვნებასთან და მისი ხასიათის სპეციფიკასთან.



''''მაგრამ ეს სულაც არ ნიშნავს იმას, რომ სხვა სწავლებები ცდებიან.'''

რა სწავლებებზეც მე ვლაპარაკობ, როგორც მცდარ გზებზე ან ცრუ სწავლებებზე, მათი სიმცდარე და სიცრუე ანთროპოსოფიისგან სრულიად დამოუკიდებლადაც შემიძლია დავასაბუთო. შეგვიძლია ვცადოთ. დაასახელეთ, რომელიმე სწავლება, რომელიც მე გავაკრიტიკე, და იმ ყველაფრის სიმცდარეს ანთროპოსოფიისგან სრულიად დამოუკიდებლად დაგისაბუთებთ იმის ნათელსაყოფად, რომ მხოლოდ და მხოლოდ შტაინერთან შესაბამისობაში მოსვლა არ მოსვლა არ არის ჩემთვის ამოსავალი წერტილი.



''''ნათელხილვა ერთია და დანახულის სწორი ინტერპრეტაცია მეორე. ნათელხილვა უფრო ადვილად მიიღწევა ვიდრე ხილვის სწორი ინტერპრეტაცია.'''

ნამდვილად შეიძლება მართალი იყო, მაგრამ ერთის მხრივ, მეეჭვება ნათელხილვის უნარს ფლობდე (ენერგიების ხედვას არ ვგულისხმობ) და შესაბამისად რა უფრო ადვილია ამაზე საიდან ლაპარაკობ არ ვიცი, მეორე კიდე ის, რომ თუ სწორია ის დებულება, რომ ნათელხილვა უფრო ადვილია ვიდრე მისი ინტერპრეტაცია, ეს აბსოლიტურად არაფერს არ ცვლის ჩვენს საუბარში. თუ რა თქმა უნდა იმას არ გულისხმობ, რომ შტაინერი ხედავდა მაგრამ ინტერპრეტაციაში ცდებოდა.



''''აქ აუცილებლად უნდა ითქვას სამყაროს არაერთგვაროვნებისა და ცვალებადი ბუნების შესახებ, აგრეთვე იმის შესახებ, რომ რაც არ უნდა დაინახო, ყველაფერი მხოლოდ სიზმარია(მაია). ამიტომ როდესაც ნათელხილვის პრიორიტეტულ მდგომარეობაზეა საუბარი, უნდა გავიხსენოთ, რომ გარშემო მაიაა მხოლოდ, და რაც არ უნდა დაინახო ნათლად - მაინც მაიას ხედავ.''''

ამ ყველაფრის ლაპარაკის უფლება არ გაქვს მაშინ, როდესაც ყველა რეალობას არ იცნობ. შენ შენი პრაქტიკით (სიზმართხილვით) მხოლოდ ორ რეალობას იცნობ, ენერგიების რეალობას (ეთერულს) და ინტერპრეტირებულ რეალობას (მატერიას), დანარჩენ რეალობაზე წვდომა მეეჭვება გქონდეს, ამდენად იმის თქმის უფლება, რომ რასაც არ უნდა აღიქვავდეს ადამიანი ყველაფერი მაიაა არა გაქვს, თუ რა თქმა უნდა რაიმე დამაჯერებელ არგუმენტს არ მოიყვან. გარდა ამისა ის, რომ ენერგიების სამყარო ილუზიაა ეს არსად არ წერია იმ წიგნებში, რომელი წიგნებიდანაც თავად ამ ენერგიების დანახვა გაქვს ნასწავლი. არ მახსოვს დონ ხუანს სადმე ეთქვას, რომ ენერგიები რეალურად არ არსებობს. და ის, რომ მატერიალური სამყარო აღქმაშია მოცემული და საგნებს დამოუკიდებელი ბუნება არ გააჩნია, ეს აზრი არ ახალია.



'''''გემოვნებაზე არ დაობენ, ვისაც შტაინერი მოსწონს შტაინერს გაყვეს'''

ისევ ყველაფრის გემოვნებამდე დაყვანას ცდილობ. ანუ გამოდის რომ რასაც შენ მიყვები, ეგ ჭეშმარიტება კი არ არის, არამედ შენი გემოვნების შესაფერისი გზაა ხომ? არ იქნებოდა ურიგო, შენს გარშემო მყოფი ადამიანებისთვისაც ასე გეთქვა, რომ საშენო ოკულტიზმია ის ყველაფერი რასაც ასწავლი, ის რაც შენ მოგწონს და რომ არანაირი პრეტენზია არ გაქვს ჭეშმარიტებაზე და ობიექტურობაზე. იქნებ მაშინ მაინც შეეხედათ სხვანაირად იმ ყველაფრისთვის რასაც შენ სთავაზობ მათ.



'''მაგრამ თუ ყველაფერი მაიაა, ისაუბრო იმის შესახებ, რომ ეს სწავლებაა მოწინავე ან ის, არასწორია და ფუჭი. გახედეთ გამოიხედეთ გარშემო რა მრავალფეროვანი და მშვენიერია სამყარო, როგორ შეიძლება მას მხოლოდ შტაინერის ან ვინმე სხვის თვალით უყუროთ? მიიღო შტაინერის ხედვა და სწავლება ნიშნავს მხოლოდ მის "მაია"-ში იცხოვრო. ეს გემოვნების ამბავია'''

თუ....


მიუხედავად იმისა, რომ დარწმუნებული არა ვარ, რომ ქრისტეანობასა და ქრისტეს სიტყვებს შენთვის რაიმე მნიშვნელობა და ღირებულება აქვს, მაგრამ მაინც გეტყვი იმას რაც სახარებაში წერია: ‘''24. მაშინ უთხრა იესომ თავის მოწაფეებს: ვისაც სურს მე მომდიოს, განუდგეს თავის თავს, აიღოს თავისი ჯვარი, და გამომყვეს მე.''' ხედავ რას ამბობს ქრისტე? ვისაც ქრისტესთან სურს, პირველი რაც უნდა გააკეთოს საკუთარი თავისგან განდოგმაა. რას ნიშნავს საკუთარი თავისგან განდგომა? პირველ რიგში იმას ნიშნავს, რომ ადამიანმა პირადი სიმპათია-ანტიპათიები გვერძე უნდა გადადოს, უნდა დათმოს ის რაც მოსწონს, რისკენაც აქვს მიდრეკილება, რისი გაკეთებაც უნდა და, თუ საჭიროა, გააკეთოს ის რისი გაკეთებაც არ უნდა, არ მოსწონს და არ სიამოვნებს. სულიერ გზაზე მავალმა საკუთარი პიროვნული სურვილები უნდა დათმოს, და რის სანაცვლოდ უნდა დათმოს ესეც წერია: '''32 შეიცნობთ ჭეშმარიტებას და ჭეშმარიტება გაგათავისუფლებთ თქვენ.''' ობიექტური ჭეშმარიტებაა ის რის სამსხვერპლოზეც ადამიანმა თავისი პირადული მიდრეკილება და ნება უნდა მიიტანოს, ამასვე ეხმიანება პავლეს სიტყვები: '''20 ქრისტესთან ერთად ვეცვი ჯვარს, და მე კი აღარა ვცოცხლობ, არამედ ქრისტე ცოცხლობს ჩემში,'''. ამდენად უნდა გვესმოდეს, რომ ისეთი ფრაზები, როგორიცაა: შენ თუ ეგ მოგწონს მაშინ მაგას გაყევი, ესაა საჩემო და ამას მივყვები, მე ასე მსურს და ასე შემდეგ არაა ის სიტყვები, რომელსაც ქრისტეანი ადამიანი უნდა ამბობდეს. და კიდევ ერთი ილუსტრაცია იმისა, რამდენად ჰარმონიულადაა ვეფხისტყაოსანი სახარებასთან დაკავშირებული: '''რაც არა გსურდეს იგი ჰქმენ, ნუ სდევ წადილთა ნებასა"'. და ასევე კიდევ ერთი ხელდასხმულის, პლატონის სიტყვები, რომელიც მისსავე აკადემიას ეწერა შესასვლელში: ''არაგეომეტრი აქ ნუ შემოვა!!!''' აი ამ სიტყვებით უნდოდა მას იმის თქმა, რომ ადამიანი ობიექტურ ჭეშმარიტებას უნდა ემორჩილებოდეს, იმ ჭეშმარიტებას, რომლის შემეცნებაც, ქრისტეს სიტყვების მიხედვით, არის ადამიანის თავისუფლების წინაპირობა.

[Merlin]

პასუხი brevalo-ს

''''რა არის მიზეზი იმისა, რომ ბლავატსკაიას თეოსოფია გამოუსადეგარი და დაკონსერვებულია? რატომ არ აქვს მომავალი?''''


მრავალნაირად შეიძლება ამ კითხვაზე პასუხის გაცემა. მოდი ჯერ თავად ქრისტეს სიტყვებით შევეცადოთ პასუხის გაცემას.

იოანეს სახარება, თავი მეთხუთმეტე;

1 მე ვარ ვაზი ჭეშმარიტი, და მამაჩემი მევენახეა.
2 ჩემს ყველა ლერწს, რომელსაც არ გამოაქვს ნაყოფი, მოჭრის, და ყველას, რომელსაც გამოაქვს ნაყოფი, გაწმენდს, რათა მეტი მოისხას.
3 თქვენ კი უკვე გაწმენდილნი ხართ სიტყვით, რომელიც გითხარით.
4 დარჩით ჩემში და მე დავრჩები თქვენში. როგორც ლერწი თავისთავად ვერ გამოიღებს ნაყოფს, თუკი არ შერჩა ვაზს, ასევე თქვენც, თუკი არ დარჩებით ჩემში.
5 მე ვარ ვაზი, ხოლო თქვენ ლერწები ხართ, ვინც ჩემში რჩება, ხოლო მე მასში, დიდძალი ნაყოფი გამოაქვს; ვინაიდან უჩემოდ არაფრის ქმნა არ შეგიძლიათ.
6 ვინც არ დარჩება ჩემში, ლერწამივით გადაიგდება და გახმება; შემდეგ კი აგროვებენ, ცეცხლში ყრიან და იწვის.
7 თუ დარჩებით ჩემში და ჩემი სიტყვები დარჩება თქვენში, ყველაფერი, რასაც ისურვებთ, ითხოვეთ და გექნებათ.
8 ამით იდიდება მამაჩემი, თუ გამოიღებთ უხვ ნაყოფს და იქნებით ჩემი მოწაფენი.

იოანეს სახარება, თავი მეათე;

1 ჭეშმარიტად, ჭეშმარიტად გეუბნებით თქვენ: ვინც კარით არ შედის ფარეხში, არამედ სხვა გზით მიძვრება, ქურდია და ყაჩაღი.
7 კვლავ უთხრა მათ იესომ: ჭეშმარიტად, ჭეშმარიტად გეუბნებით თქვენ: მე ვარ კარი ცხვართა.

მათეს სახარება, თავი მეთორმეტე;

30 ვინც ჩემთან არაა, ჩემს წინააღმდეგაა; და ვინც ჩემთან არა კრებს, - ფანტავს.