ეზოთერული პარკი ლატვიაში Options

[giorgi.milani]

ლატვიურ გაზეთ Diena-ზე დაყრდნობით DELFI იუწყება, რომ ლატვიის სიგულდში (ქალაქი, რომელიც განთავსებულია ქვეყნის ცენტრალურ ნაწილში) ევროკავშირმა დააფინანსა ეზოთერული პარკის მშენებლობა "საკუთარი თავის შეცნობისა და ჰარმონიისთვის". დახმარების საერთო ზომა, რომელიც ევროპის სხვადასხვა ფონდებიდან გამოიყო 40 000 ლატია (57,4 ათასი ევრო).

პარკის შექმნის ინიციატივით გამოვიდა სოკრატეს სკოლის ხელმძღვანელი ელვიტა რუდზატე. სტატიაში ნათქვამია, რომ 2003 წელს მას ჰქონდა ხილვა, თითქოსდა "მისი სახლის გვერდით, რომელიც სიგულდთან მდებარეობს, მინდორში სულიერი მოძღვრები სეირნობდნენ", რის შემდეგაც მან გადაწყვიტა თავისი ჩანაფიქრი და ხილვა სიცოცხლეში განეხორციელებინა. პროექტის თანახმად, სპეციალურად გამოყოფილ ტერიტორიაზე, რომელიც ქალაქიდან ხუთი კილომეტრით იქნება დაშორებული დაითესება სამკურნალო ბალახები, დაიდგმება საკურთხევლები და აშენდება "ღვთაებრივი ოთახი" ლოცვებისთვის.

როგორც გამოცემა წერს, თვით სიგულდის მცხოვრებნი ეზოთერული პარკით სულაც არ არიან დაინტერესებულნი. მაგრამ რუდზატე ამტკიცებს, რომ მრავალი ადამიანი მიისწრაფვის მის სანახავად დედამიწის სხვადასხვა კუთხიდან. მან ასევე განაცხადა, რომ ადგილი, სადაც პარკია განთავსებული, მაგიური თვისებებისაა და მის სტუმრებს "საკვირველი განკურნება" არაერთხელ განუცდიათ.

რამდენი დაჯდა პარკის მშენებლობა რუდზატე არ იუწყება. თუმცა, მან მიუთუთა, რომ დანახარჯების მნიშვნელოვანი ნაწილი ევროკავშირის სასოფლო-სამეურნეო და მეთევზობის მეურნეობათა ფონდებიდან დაიფარა. სოფლის მხარდაჭერის სამსახურში განმარტეს, რომ ევროპული ფონდები ფინანსურ დახმარებას უწევენ სოფლის მცხოვრებლებს, რათა გააუმჯობესონ მათი ცხოვრების პირობები და აძლევენ იმის მოტივაციას, რომ სოფლიდან არ გადაბარგდნენ ქალაქში. თუმცა არავინ განმარტავს რითია სასარგებლო ეზოთერული პარკი.

[Untitled_13]

იმიტომ რომ ვიღაცის ოცნება იყო და აიხდინა. და თან ეზოთერიკის პოპულარიზაციას უწყობს ხელს. თან საერთო ინტერესების ადმიანები შეხვდებიან ერთმანეთს და აზრებს გაუზიარებენ. იქნება საინტერესო სანახავი და დადებითი.

უკვე მიყვარხარ