 ამაღლებულ მეუფეთა სწავლება, Ascended Master Teachings |
  |
| ამაღლებულ მეუფეთა სწავლება, Ascended Master Teachings |
 Oct 21 2017, 10:40 AM
Post
#81
|
|
 YELLOW soul  Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა  |
რა არის არასწორი გეტვყით. იმ პოსტს განვიხილავ რითაც დავიწყე ეს თემა. პირველ რიგში იმას ვიტყვი, რომ ჯერ არ მაქვს წაკითხული ყველაფერი სათანადოდ რისი წაკითხვაც მინდა და რისი წაკითხვაც საჭიროა საბოლოვო დასკვნების გასაკეთებლად (თუმცა ზოგადად მეეჭვება მხოლოდ წიგნებიდან მივიდეს ადამიანი საბოლოვო დასკვნებამდე, მაგრამ ბევრი რამის გამორკვევა წიგნებიდანაც შეიძლება).
ის შეცდომა დავუშვი, რომელ შეცდომასაც ძალიან ბევრი უშვებს, ვინც ეზოთერიკის ამ მიმართულებითაა დაკავებული, თავად ის ავტორებიც კი უშვებენ ამ შეცდომას თავისდაგაუცნობიერებლად, თუ რატომ და როგორ ამასაც ვიტყვით. შეცდომა კი იმაში მდგომარეობს, რომ ძირითადი იმ ავტორებისა და პირებისა, რომლებიც აცხადებენ, რომ თეთრ საძმოს და სულიერ იერარქიას ემსახურებიან და მისი წარმომადგენელები არიან, ნაჩქარევად მივიჩნიე ნამდივლად ასეთებად. ეს შეცდომა იმითაა განპირობებული, რომ ყველა ეს ავტორი საუბრობს ერთსა და იმავე მასწავლბელებზე, ყოველ შემთხვევაში ერთი და იმავე მასწავლებლების სახელებს ასახელებენ, მოიხსენიებენ და ლაპარკაობენ სულიერად განვითარებული და განთავისუფლებული ადეპტების საძმოზე, სულიერ იერარქიაზე, ასევე რაც ყველა მათგანს ერთად კრავს არის ის, რომ ასე თუ ისე ყველა ეს ავტორი და სწავლება გარკვეულწილად მაინც არის ან პრეტენზიას აცხადებს რომ არის დაკავშირებული ბლავატსკაიასთან და იმ მოძრაობასთან რომელიც მანც 1975 წელს დააფუძნა. მაგრამ როგორც კი შევნიშნე, რომ უამრავი წინააღდეგობები და ურთიერთგამომრიცხავი განცხადებები კეთდება ამ ავტორთა მიერ, მაშინვე დავიწყე გამოკვლევა, იმის გასაგებად თუ მართლაც და რაშია საქმე. წავიკითხე მეცხრამედე მეოცე საუკუნის ოკულტური მიმდინარეობების შედარებითი კრიტიკული ანალიზისადმი მიძღვნილი წიგნები და სტატიები იმის უკეთ გასარკვევად თუ რა და რა წინააღდეგობები არსებობს ამ ავტორებს შორის. შედეგად მივხვდი, რომ ყველაფერი ისე არ არის, როგორც ზედაპირზე ჩანდა. მოკლედ რომ მოვჭრა სათითაოდ დავახასიათებ თითოეულ ავტორს რაზე აქვს პრეტენზია და სინამდვილეში რას წარმოადგენს, ჩემი იმ აზრით, რომელიც აწ ჩემს ხელთ არსებულ ინფორმაციაზე დაყრდნობით გამოვიტანე. ელენა ბლავატსკაია - ეს ადამიანი კავშირში იყო აღმოსავლელ ადეპტებთან, კერძოდ კი ტრანსჰიმალაიური ოკულტური ბუდისტების საძმოს ორ მასწავლებელთან მორიასთან და კუტჰუმისთან. როდესაც ბლავატსკაია საუბრობს დიდ საძმოზე, ან თეთრ საძმოზე, მხედველობაში აქვს აღმოსავლელი ადეპტების, ბუდისტების ოკულტური საძმო, რომლის სათავეშიც მას ეგულება სამი დიადი ადამიანი: მანუ, ბუდა, მაჰაჩოჰანი. აქვე უნდა ითქვას რომ ბლავატსკაიაც და მისი მასწავლებლებიც არ აღიარებენ ქრისტეს დამოუკიდებელ სულიერ არსებად, არამედ ამბობენ რომ ქრისტე არის უპიროვნო ღვთაებრივი პრინციპი, რომელიც იესომ გამოავლინა თავის თავში. ანუ ქრისტეს აიგივებენ იმასთან რასაც ქრისტეს ბუნებას ეძახიან ხოლმე, ან ბუდას ბუნებას ბუდისტები. რაც შეეხება ამაღლებას, ანუ ფიზიკური სხეულის უკვდავყოფას, მის განსულიერებას და სულიერ სამყაროებში მისი წაღების შესაძლებლობას და იმ უნარს რომ სურვილისამებრ უკან დაბრუნდე მატერიალიზდე ნებისმიერ დროსა და ადგილას, ასეთი სწავლება ბლავატსკაიასთან არ არის. ის ამბობს რომ დიდ ადეპტები ისევე იბადებიან და კვდებიან როგორც ჩვენ, და საბოლოვოდ მათაც მოეწევათ სიკვდილი. თუმცა ასევე არის ისიც ნათქვამი რომ მორია და კუტჰუმი 300 წელზე მეტისები იყვნენ იმ დროს (100 წელზე მეტი ხნის წინ) და რომ 40 წლის ასაკისასაც არ გავს არცერთი. ასევე იესოს მოიხსენიებს როგორც მოკვდავს, ხოლო მისი ამაღლება კუტჰუმის წერილში დასახელებულია, როგორც საეჭვო წარმომავლობის გადმოცემა (პირველი წერილის ბოლოშია ამაზე საუბარი). ბლავატსკაიამ კაცობრიობას მისცა ძველი აღმოსავლური სიბრძნე, რომლის შენახვაზე და დაცვაზე ზრუნავს ტრანსჰიმალაიური ბუდისტების საძმო. მათი გადაწყვეტილებით და ბლავატსკიას შუამდგომლობით, დასავლური ცივილიზაციის მატერიალიზმთან საბრძოლველად და ინდური სიბრძნის ხელახლა აღსაზევებლად 1975 წელს დაარსდა თეოსოფისტური საზოგადოება, და როგორც მრავალგზის არის ნათქვამი 1900 წელს გარკვეული კანონზომიერებებიდან გამომდინარე ამ საძმოს მასწავლებლებს აქტიური ურთიერთობის გაგრძელება აღარ შეეძლოთ მომავალი საუკუნის ბოლო მესამედამდე ანუ 1975 წლამდე. ანუ აღმოსავლური თეოსოფისტური ნაკადი დაიხურა 1900 წელს. კუტჰუმის ბოლო წერილი ანი ბეზანტისადმი იყო ბოლო ღია კონტაქტი, წერილი შეიცავდა გაფრთხილებებს იმასთან დაკავშირებით, რომ ანი ბეზანტმა საქმე მრუდედ წაიყვანა, მაგრამ ჯერ კიდევ იყო გამოსწორების შესაძლებლობა და ასე შემდეგ. ამის შემდეგ იწყება სრული ვაგხანალია თეოსოფისტურ საზოგადოებაში. ბეზანტი კისერზე მოაჯდა საზოგადოებას და ისე წაიყვანა ყველაფერი, როგორც თვითონ უნდოდა. ამ დროს აქტიურ ასპარეზზე გამოდის ჩარლზ ვებსტერ ლედბიტერი, რომელიც ბავშვების მიმართ უზნეო საქციელების გამო თეოსოფისტური საოზგადოებიდან გააგდეს, მაგრამ ანი ბეზანტმა უკან დააბრუნებინა... შედეგად ლედბიტერმა ფრთები გაშალა... ანი ბეზანტი იყო ღია ლიდერი და მას ებყრა ძალაუფლების სადავეები, ხოლო ის კი თავისმხრივ ლედბიტერის ზეგავლენის ქვეშ იყო. ლედბიტერს რაც შეეხება ესაა ადამიანი, რომლის მთელ ცხოვრებასაც თან გასდევს მატყუარობაში, უზნეობაში, გარყვნილებასა და პედოფილიაში ბრალდებები, სადაც კი ჩავიდოდა ყველგან პედოფილიაში ზდებდნენ ბრალს (და უამრავი მოწმის ჩვენება ამას ადასტურებს). შედეგად ლედბიტერმა მალევე განაგრძო თავისი ბნელი საქმიანობა საზოგადოებაში, ააგორა რა პროპაგანდა, რომ ახლა მესიის მოსვლას ველოდებით და ეს ახალი მესია კრიშნამურტის სხეულს გამოიყენებს თავისი მოღვაწეობისათვის... მოკლედ ეს ამბავი როგორც იქნა ჩაიფარცხა კრიშნამურტის წყალობით, რომელიც დროულად მოეგო გონს როგორც ჩანს. ზოგადად ლედბიტერმა თეოსოფისტური საზოგადოება გადაიყვანა ცრუ-თეოსოფისტურ ცრუ-ქრისტეანულ რელსებზე და ისეთი სულიერი კუნაპეტი დაატრიალა, რომ დღემდე ვერ გამოვედით მისი მიერ ნამოქმედარის ზემოქმედებისგან. როგორც ერთმა ძველმა თეოსოფისტმა თქვა, ლედბიტერმა მარტოკამ შეძლო მთელი თეოსოფისტური საზოგადოების განადგურებაო. საბედნიეროდ ისეთი ადმაიანებიც იყვნენ და ახლაც არიან ვინც თავის თავზე აიღო პირველი ორიგინალი თეოსოფიის შენახვა და მის დაკონსერვებაზე ზრუნვა. დასკვნის სახით შეიძლება ითქვას, რომ თეოსოფიაში გამოიყოფა ორი დიდი ნაკადი: ორიგინალი თეოსოფია, რომელიც 1900 წლამდე იყო აქტიურ მდგომარეობაში, გამოვლენის პერიოდში, და ეგრედ წოდებული ნეო თეოსოფია, რომელსაც პრეტენზია აქვს, რომ ბლავატსკაიას მიერ შემოტანილ სწავლებას აგრძელებს თუმცა მისი სრული საწინააღმდეგოა. -------------------- |
 |
 
|
|
Oct 21 2017, 11:03 AM
Post
#82
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
ანი ბეზანტზე და ლედბიტერზე ვთქვით, დაახლოებით იგივე შეიძლება ითქვას ალისა ბეილიზეც, ალისა ბეილი თეოსოფისტური საზოგადოების წევრი იყო, რომელთან კავშირზეც გავიდა ვითომ კუტჰუმის მოსწავლე ჯუალ კჰული, და დაიწყო კარნახის, ეგრედ წოდებული ჩენელინგის გზით ინფორმაციის გადაცემა, 1919 წელს რომელიც ძალიან გავს ლედბიტერი-ბეზანტისას და იმეორებს ამ უკანასკნელს და წარმოადგენს ერთგვარად მის განვრცობას. საერთოდ სცდება ბლავატსკაიას თეოსოფიას თუმცა მის გამგრძელებლად აცხადებს თავს.
თითქმის იგივე პერიოდში, ელენა რერიხთან კონტაქტზე გადის ვინმე, ვინც საკუთარ თავს მასწავლებელ მორიად აცხადებს და იწყებს ასევე კარნახის, ჩენელინგების გზით ინფორმაციის გადაცემას. (ერთგან ნათქვამია რომ ელენა რერიხი სპირიტუალურ სეანსებსაც მიმართავდა მასწავლებლებთან კავშირის დასამყარებლად). ელენა რერიხი ისევე როგორც მთელი მისი ოჯახი, მას შემდეგ რაც ვითომ მორიას შეხვდნენ, გახდნენ ლენინის თავგამოდებული მიმდევრები... ზოგადად არ გამიჭირდება მთელი მათი სწავლება მარაზმად გამოვაცხადო... მარტო ის რად ღირს რომ მათივე სიტყვებით აგნი იოგა გაუტამა ბუდასა და მაჰატმა ლენინის სწავლებებს შორის დამაკავშირებელი ხიდია. სხვატაშორის ლენინის საფლავისთვის ნაკურთხი ჰიმალაური მიწა ჩამოუტანეს კომუნისტებს. უამრავი მარაზმის ნახვა შეიძლება მათ სწავლებაში, მაგალითად ის რომ მორია მაიტრეა და მიქაელი ერთი და იგივეა. ან ის რომ ქრისტე არ იყო ის მესმია რომელსაც ებრაელები ელოდნენ, ან ის რომ ქრისტე წინა ინკარნაციაში იყო ბერძენი ფილოსოფოსი (ანაქსაგორა თუ ანაქსიმანდრე, აღარ მახსოვს რომელზე ამბობენ) ანუ სადღაც საშუალო დონის ფილოსოფოსი გამორჩეულ ფილოსოფოსებს შორის. ასევე ბერძენი მოქანდაკე ფიდიასი და ლეონარდო დავინჩი რომ ნიკოლაი რერიხის წინა ინკარნაცია იყო და ასე შემდეგ. მოკლედ მარაზმი. ასევე მარაზმია ის რომ ნამდვილი მესია ქრისტე კი არა მაიტრეაა, და ის რომ მაირეას მეორედ მოსვლა მისი სწავლების გავრცელებას ნიშნავს (აბა თუ გამოიცნობთ მაიტრეას სწავლებას ვინ ავრცელებს? რაღა თქმა უნდა ელენა რერიხი, ანუ ფაქტიურად მეორედ მოსვლა ელენა რერიხის წიგნების დაბეჭდვას გულისხმობს თავის თავში მათი აზრით). რა თქმა უნდა ასევე სცდება 1900-1975 წლის ციკლის საზღვრებს, რომლითაც წესით და რიგით შეზღუდული უნდ აყოფილიყო მორია და შესაბამისად ამ პერიოდში ცოდნის გადმოცემას არ დაიწყებდა. ამის და მიუხედავად რათქმა უნდა ელენა რერიხსაც აქვს პრეტენზია, რომ ბლავატსკაიას სწავლებას აგრძელებს, თავი რომ დავანებოთ იმას, რომ ძალიან სცდება მის სწავლებას მრავალ საკითხში, თუმდაც იმაში, რომ ბუდას, მაიტრეას და ქრისტეს აცხადებს აღმოსავლეთის ადეპტების წარმმართველებად. ეს კიდე ასევე სცდება ორიგინალ თეოსოფისტურ სწავლებას... რაც შეეხება ამაღლებს, იმის და მიუხედავად რომ მორია ელენა რერიხსაც ასწლეულობით მცხოვრებად წარმოუდგენია, ამაღლება არც მათი სწავლების ნაწილს არ წარმოადგენს. -------------------- |
|
|
|
|
Oct 21 2017, 11:29 AM
Post
#83
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
რაც შეეხება ამაღლებულ მასწავლებლებს. პირველად ეს საკითხი ფართო საზოგადოებას გააცნო Baird T. Spalding-მა 1920-იან წლებში. რომელიც აღმოსავლეთში მოგზაურობისას კონტაქტში შევიდა უცნობ მასწავლებლებთან, რომლებიც ფლობდნენ სიყვარულის საიდმულოს, რომლის ძალითაც აღწევდნენ ადამიანის შესაძლებლობების უმაღლეს განვიტარებას, როგორიცაა ფიზიკური სხეულის უკვდავყოფა და მისი განსულიერება. ამ ავტორის ექვსტომეული: Life and Teaching of the Masters of the Far East წარმოადგენს მისი მოგზაურობის, მასწავლებლებთან შეხვედრისა და მათი სწავლების აღწერას. ანუ ისაა მოთხრობილი რაც თავად ავტორს გადახდა თავს, პირადი გამოცდილება და არ არის დაწერილი კარნახით, რაც ძალიან მნიშვნელოვანი ფაქტია. (რუსულად ნათარგმნია ეს ექვსტომეული და ოთხ ტომშია მოქცეული, დევს ინტერნეტში Djvu ფაილებად)
შემდგომში ამაღლებული მასწავლებლების შესახებ სწავლება განაგრძო 1930-იან წლებში Guy Ballard-მა, იგივე Godfry Ray King-მა. რომელთანაც ფიზიკურ კონტაქტზე გავიდა მასწავლებელი Saint-Germain. მისი წიგნები პირდაპირ შეხვედრითა და სწავლების გადმოცემით იწყება. პირველი ორი ტომი წარმოადგენს პირად გამოცდილებას, შემდეგომში უკვე იწყება კარნახის გზით დაწერილი წიგნები (სულ 20 ტომია, რუსულად ნათარგმნია და დევს ინტერნეტში პირველი სამი ტომი). ეს ორი ავტორი, მე რამდენადაც ვიცი, არ აცხადებს პრეტენზიას იმაზე რომ იგივე მასწავლბელების სწავლბაა ვინც ბლავატსკაიას ასწავლიდან (მორიას და კუტჰუმის ანუ). შედეგად არ დგას აუცილებლობა რომ ბლავატსკაიას სწავლებას ემთხვეოდეს, ან ტრანსჰიმალაური საძმოს ციკლებში ჯდებოდეს. თანაც მნიშვნელოვანია ის ფაქტი რომ პირადი გამოცდილებები(-ც ბალარდის შემთხვევაში) წერია. ამდენად ეს ორი ავტორი არის, რომელსაც შეიძლება დაერქვას ამაღლებულ მეუფეთა სწავლება. თვითონ ამაღლების ფენომენს რაც შეეხება, კაცმა არ უნდა იფიქროს, რომ მეოცე საუკუნემდე ამგვარ რამეზე არავის უსაუბრია. გარდა იესოს ფიზიკური სხეულით ამაღლებისა (ასევე არსებობს გადმოცემა მარიამის ამაღლებაზეც) ძველ აღთქმაში ვხვდებით ელიას და ენოქის ფიზიკური სხეულით აყვანას ზეცად. ასევე ძოგჩენში არის სწავლება ცისარტყელას სხეულის შესახებ, ანუ ფიზიკური სხეულის თან წაღების შესახებ http://www.rigpawiki.org/index.php?title=Rainbow_body. ასევე გვაქვს ბოლო პერიოდის კონკრეტული მაგალითი რაც ცნობილია ჩვენთვის, მეცხრამეტე საუკუნეში რამალინგას სახით: https://en.wikipedia.org/wiki/Ramalinga_Swa..._transformation. გარდა ამისა კარლოს კასტანედას წიგნებშიც არის აღწერილი ფიზიკური სხეულით სხვა სამყაროებში გადასვლისა და ასევე ფიზიკური სხეულის ტრანსფორმაციის შესახებ. ძველ ტექსტებს თუ ჩაუყვება ადამიანი დარწმუნებული ვარ კიდევ სხვა ბევრ მაგალითს აღმოაჩენს. -------------------- |
|
|
|
|
Oct 21 2017, 12:06 PM
Post
#84
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
ამის შემდგომ ვითომ გაი ბალარდის საქმე გამგრძელებლებად წარმოგვიდგნენ ჯერ Geraldine Innocent-ი და შემდეგ უკვე Mark და Elizabeth Clare Prophet-ი. ერთიც და მეორეც ჩანელენგებია მთლიანად. ლაპარაკია როგორც სენ-ჟერმენზე და იესოზე, ასევე მორიაზე და კუტჰუმიზე, გვხვდება მრავალი თემა რაც ლედბიტერის შემოტანილია ფართო მიმოქცევაში. ელიზაბედ ფროფეთი ისევე ისიც ვინც მას კარნახობს ელენა რერიხს ნამდვილად მორიას მოსწავლედ მიიჩნევს, და ვითომ თავად მორია ამბობს რომ ელენა რერიხი მათი წარგზავნილი იყო რუსეთში ლენინის კომუნიზმთან საბრძოლველად (მაშინ როდესაც რერიხები თავგამოდებული ლენინისტები იყვნენ სიცოცხლის ბოლომდე). რერიხიც და თავისი თავიც ბლავატსკაიას მიერ დაწყებული საქმის გამგრძელებლებად მიაჩნიათ, რაც ტოტალური აბსურდია, იქიდან გამომდინარე რომ საერთოდ აცდენილია იმ სწავლებას რაც ბლავატსკაიასთან და მაჰატმას წერილებშია გადმოცემული იგივე მასწავლებლების მიერ ვისი სახელითაც აპელირებენ. Benjamin Creme-ს რაც შეეხება, ერთ-ერთი რიგითი ჩანელერია, რომლისნაირებიც უხვად არიან გამოსულები სულიერ ასპარეზზე და სადაცაა წალეკავენ ყველაფერს. ეს პიროვნება ძირითადად Alice Bailey-ის წიგნებით ''ხელმძღვანელობს'' ანუ იგივე სწავლებას აგრძელებს, ისევე როგორც Birgit Lomborg-ი. გვაქვს ასევე Lucille Cedercrans, Earlyne Chaney, Benjamin T. Cullen, Kim Michaels, David Joshua Stone, MONROE JULIUS SHEARER & CAROLYN LOUISE SHEARER, ალექსანდრ ნაუმკინი თავისი ''კალაგიით'' და ასე შემდეგ. სრული საგიჟეთია. ყველა მათგანი ჩანელინგებით ხელმძღვანელობს, ყველა მათგანს იესო, სენ-ჟერმენი მორია, კუტჰუმი, მაიტრეა და სანატ კუმარა ასწავლის რომ კითხო, და საბოლოვოდ ერთი ერთს ამბობს, მეორე მეორეს, მესამე მესამეს და ასე შემდეგ. ერთმანეთში ვერ გარკვეულად, ერთი ერთზე ამბობს არ არისო ეგ ნამდვილი მოსწავლეო, მეორე მეორეზე, ელენა რერიხს ალისა ბეილი არ მოსწონს, ალისა ბეილის რერიხი მოსწონს, ელიზაბედ ფროფეთს რერიხი მოსწონს ალისა ბეილი არ მოსწონს და ასე შემდეგ. ყველას თავისი პერსონალური იესო, სენ-ჟერმენი, მორია და კუტჰუმი ყავს... და ეს ყველაფერი ჩანელინგების დამსახურებით. ამ ავტორთა სრულ უმრავლესობას ან საერთოდ არ გააჩნია არანაირი პირადი სულიერი გამოცდილება, ან გააჩნია მიზერულად ცოტა, შედეგად არაფერი აქვთ ისეთი თავისი რომ თქვან, ამიტომ ვისაც თავში ხმა ესმის, უჯერებენ ეგრევე და ყველა საკუთარ თავს კომპეტენტურად მიიჩნევს რომ დიახაც ნამდვილად თეთრი საძმოს მოსწავლედ და მათ საყვირად. იმაზეც კი არ იწუხებენ თავს რომ გამოიკვლიონ საფუძვლები იმ სწავლებისა, რომელი სწავლების გამგრძელებლებადაც თავის თავს თვლიან და მილიონობით ადამიანს ეუბნებიან რომ მათი ეკლესია მორიას დაასრებულია, მაშინ როდესაც ეს უკანასკნელი თავის წერილებში წერს რომ ეკლესიები და ზოგადად ორგანიზებული რელიგია კაცობრიობის თავზე დატეხილი ტანჯვის უდიდეს წილზეა პასუხისმგებელი. ჯერ კიდევ ბლავატსკაიას დროს გამოჩნდნენ მედიუმები, რომლებიც ვითომ იგივე მასწავლებლების კარნახებს იწერდნენ ვითომ, რომელი მასწავლებლებიც ბლავატსკაიას ყავდა. მაშინ როდესაც ეს მასწავლებლები კატეგორიულად ეწინააღეგებოდნენ მსგავს პრაქტიკას.
ზოგადად მე ვფიქრობ რომ ნებისმიერმა ადმაიანმა ვინც ოკულტიზმის სფეროში იწყებს რაიმე ინფორმაციის გადმოცემას უნდა წარმოადგინოს ამ სამიდან ერთ-ერთი მაინც თუ ყველა ერთდროულად არა. 1) ლოგიკური დასაბუთება იმ ყველაფრისა რაც გადმოიცემა. 2) ფაქტობრივი დასაბუთება, ანუ ფაქტების მოყვანა იმის დასასაბუთებლად რომ რაც აქხლა გადმოიცემა ეს ნამდვილად ასე არის. ეს მეორე თავის მხრივ შეიცავს პირველს. 3) შეიძლება იყოს გადმოცემული პრაქტიკა, რომელზეც ნათქვამი იქნება რომ აი ამ მეთოდების გამოყენებით მკითხველს შეუძლია თავად დარწმუნდეს აქ გადმოცემულის ჭეშმარიტებაში. როგორც წესი ჩანეილნგების გზით დაწერილი წიგნები არ შეიცავს ამ სამიდან არცერთს. არამედ არის ხმა მღაღადებლისა უდაბნოსა შინა, რომელიც რაღაცას ამბობს, ან შხირად საერთოდაც არ ამბობს არაფერს და უბრალოდ არაფრის მთქმელი სიტყვების ტრიალია წაღმა უკუღმა, და არაფერი არ არის შემოთავაზებული იმის გასაგებად არის თუ არა ეს ყველაფერი მართლაც ასე. არც მსჯელობა, არც ფაქტები, არც პრაქტიკული გზა. შედეგად მკითხველი რჩება შიშველი რწმენის ან არ რწმენის ანაბარა, რომელიც ისევ და ისევ ეწინააღდეგება პირველადი თეოსოფიის პრინციპებს, რომ ცოდნისკენ უნდა ესწრაფვოდეს ადამიანი და არარწმენისკენ და ასე შემდეგ... -------------------- |
|
|
|
|
Oct 21 2017, 12:53 PM
Post
#85
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
მოკლედ ამ ეტაპზე იმ დასკვნისკენ ვიხრები, რომ ყველა ის წიგნი რომელიც ეგრედ წოდებული ჩანელინგის გზით არის დაწერილი წყალშია გადასაყრელი, თუმცა ჯერ კიდევ რამოდენიმე საკითხი მაქვს გამოსარკვევი სანამ ამ დასკვნას ბეჭედს დავუსვამ... რუდოლფ შტაინერს აქვს ნათქვამი, ნებისმიერი ოკულტური ავტორი იმდენად ნაკლებადაა სანდო რამდენად მეტადაც ამჟღავნებს მედიუმურ თვისებებსო. ასე გადავიდეთ რუდოლფ შტაინერზე და მის ადგილზე ამ ყველაფერში.
შტაინერიც ასევე საუბრობს თეთრ საძმოზე და სულიერ იერარქიაზე, მაგრამ ამ სიტყვებში ის სხვა მნიშვნელობას დებს, როდესაც თეთრ საძმოზე აქვს ლაპარაკი ის ამაში გულისხმობს ქრისტეს მსახურთა ჯგუფს, მეთოთხმეტე საუკუნიდან უკვე როზენკროიცერების საძმოდ ფორმირებულ ადეპტების ერთობლიობას. ხოლო სულიერ იერარქიაში გულისხმობს ელემენტალებს, ანგელოზთა ცხრა იერარქიას დასრულებული სამებით. ვინაიდან და რადგანაც რუდოლფ შტაინერი ქრისტეანული ოკულტიზმის წარმომადგენელია ის არ მიიჩნევს თავის თავს ბლავატსკაიას თეოსოფიის გამგრძელებლად, იმის და მიუხედავად რომ რაღაც პერიოდი თეოსოფისუტირ საზოადგეობის წევრიც იყო და დასავლური ეზოთერული სექციის ხელმძღვანელიც. ის ამბობდა რომ ბლავატსკაიას მასწავლებლები არიან ძველი აღმოსავლური სიბრძნის მფლობელი ადეპტები, სიბრძინისა რომელიც ქრისტეანობამდელ ეპოქას განეკუთვნება, რადგანაც აღმოსავლური თეოსოფია არის დაკონსერვებული ძველი სიბრძნე, რომელიც აღარ იცვლება და აღარ ვიტარდება, არამედ არის შემონახული პირველადი სახით (ამ ყველაფერს თავად თეოსოფისტებიც განსაკუთრებულ ყურადღებას უთმობენ რათა დაიცვან ის შემდეგომი ცვლილებებისაგან), ამდენად მან არაფერი იცის იმ გრანდიოზული მოვლენის შესახებ რაც პირველ საუკუნეში მოხდა, როდესაც სამების მეორე ჰიპოსტასი ქრისტე დაეშვა იესოს სხეულში, სამი წლით დედამიწაზე იმყოფებოდა და აღასრულა კოსმიური მასშტაბის მისტერიები. ამდენად შტაინერი ამბობდა, რომ თეოსოფიას, რომელსაც არ შეუძლია ჩასწვდეს გოლგოთას მისტერიას, არაფრის მიცემა არ შეუძლია თანამედროვე კაცობრიობისთვის. ამდენად მან კაცობრიობას შესთავაზა ახალი სულიერი გზა, ანთროპოსოფია, რომელიც მისი აზრით მიქაელის ახალი სიტყვა იყო კაცობრიობსადმი მიმართული. ერთ-ერთი ლექციის შემდეგ, რომელიც შტაინერმა წაიკითხა თეოსოფისტურ ეზოთერულ სექციაში, ერთმა მსმენელმა ჰკითხა შტაინერს: ....კი მაგრამ რასაც თქვენ ამბობთ, ეგ არ ემთხვევა იმას რასაც ბლავატსკაია ამბობდა..? შტაინერის პასუხი იყო: - როგორც ჩანს ეს ასეც არის!!! ანუ სხვა სიტყვებით, რომ ვთქვა მას არ ჰქონია პრეტენზია, რომ რამენაირად მისი სწავლება ბლავატსკაიასას აგრძელებს. სხვა უამრავ განსხვავებას შორის ისიც უნდა აღინიშნოს, რომ ბლავატსკაიას თეოსოფია კაცობრიობას ინდოეთისკენ მიბრუნებას სთავაზობს, როგორც სულიერი ცოდნის კერისაკენ. ხოლო შტაინერის აზრით, ეს უკან გატრიალების ტოლფასი იქნება, რადგან კაცობრიობამ ინდური ეპოქა დიდი ხნის წინ გაიარა, ამდენად ჩვენ მომავალ კულტურულ ეპოქაში გადასვლის გზები უნდა ვეძებოთ და არა უკან გასაბრუნებლები, ამდენად ჩვენ მარადგანახლებადი სულიერი ნაკადი გვესაჭიროება და არა დაკონსერვებული ათასწლეულების დროინდელი სობრძნე. მისი აზრით ქრისტეან როზენკროიცერმა და შესაბამისად როზენკროიცერულმა სულიერმა ნაკადმა მთლიანად შეითვისა მთელი დედამიწის სულიერი ცოდნა და სიბრძნე, ისე რომ მისგან ერთი ნამცეციც კი არ დაუკარგავს, და მთელი ეს ცოდნა და სიბრძნე გააშუქა და გააჯერა და გარდაქმნა ქრისტეს იმპულსითა და ძალით. ამ როზენკროიცერული სულიერი ნაკადის წარმომადგენლად მიიჩნევდა ის თავის თავს, ხოლო თავად ქრისტეან როზენრკოიცსა და იესოს ყველაზე დიად მასწავლებლებად ქრისტეანული ოკულტიზმისა. -------------------- |
|
|
|
|
Oct 21 2017, 01:34 PM
Post
#86
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
აქვე ისიც უნდა დავამატოთ, რომ შტაინერთან, ისევე როგორც ბლავატსკაიასთან არ გვხვდება ფიზიკური უკდავებისა და ამაღლების შესახებ სწავლება. ბლავატსკაია იესოს მოკვდავად მოიხსენიებს და უარყოფს ამაღლების ფენომენს, რაც შეეხება შტაინერს, მისი აზრითაც იესო ფიზიკურად დაიღუპა პირველ საუკუნეში, აღდგომა და ამაღლება მას ფიზიკური მნიშვნელობით არ ესმის. მასზეც და ქრისტეან როზენკროიცერზეც ნათქვამია, რომ ყოველ საუკუნეში შემოდიან განსხეულებაში. ანუ უკვდავებაზე არაა ლაპარკაი... მე პირადად ეს ცნობად ნაკლებად სარწმუნოდ მეჩვენება, ჩემი აზრით ამ დონის ადეპტებისთვის ფიზიკური სხეულის შენარჩუნება არ უნდა წარმოადგენდეს გადაულახავ პრობლემას, ამ ცნობის საწინააღეგოდ ბევრი არგუმენტის მოყვანა შეიძლება, მაგრამ ეს იქით იყოს. ახლა ჩვენი მიზანი მართალ მტყუანის გამორკვევა ნაკლებადაა, სად რა არის და ვინ რას ამბობს იმისი მონახაზის გაკეთება გვაინტერესებს უფრო.
და რაც ყველაზე მნიშვნელოვანია. უბრალოდ ჩამოვწერ ვინ რას ამბობს ყველაზე მნიშვნელოვანზე, ქრისტესთან დაკავშირებით: ბლავატსკაია - არ აღიარებს ქრისტეს როგორც დამოუკიდებელ სულიერ არსებად, არამედ ამბობს, რომ ქრისტე არის ღვთაებრივი პრინციპი რომელიც ადეპტმა იესომ გამოავლინა თავის თავში. ლედბიტერი, ბეზანტი, ბეილი, ელიზაბედ კლერ ფროფეთი და კიდევ მრავალი სხვა. ''ჩანელერების'' უმრავლესობა ამ იდეას მიჰყვება.. - აიგივებს ბუდას მიერ ნაწინასწარმეტყველებ მომავალ მაიტრეას ქრისტესთან, შედეგად ქრისტე ჩამოყავს განვითარებული ადამიანის სტატუსში, რომელიც უბრალოდ ასხივოსნებდა ადეპტ იესოს. ანუ ერთი უფრო განვითარებული ადეპტი - ადამიანი ეხმარებოდა მეორეს... (თუმცა ეს მოდელი იმასაც აღიარებს, რომ ქრისტე ღვთაებრივი პრინციპია, რომელიც შეიძლება გამოავლინოს ადამიანმა და იქცეს ერთ-ერთ ქრისტედ სხვა მრავალს შორის, ანუ ეს მოდელი ბლავატსკაიასას არ გამორიცხავს ამ მხრივ). ქრისტეს ეს გაგება, მისი გაიგივება მაიტრეასთან ლედბიტერის შემოტანილია და ეწინააღმდეგება იმას რასაც ბლავატსკაია ამბობს მაიტრეაზეა და რასაც ბლავატსკაია ამბობს ქრისტეზე. ასევე ეწინააღდეგება სახარებას, ეწინააღდეგება ყველანაირ ქრისტეანულ ტრადიციას, როგორც ეგზოთერულს ასევე ეზოთერულს, აქვს უამრავი ლოგიკური და თუ ფაქტობრივი ხარვეზი. ქრისტეს ამ გაგებას უნდა ვუმადლოდეთ კრიშნამურტის გარშმო დატრიალებულ ვაქხანალიას და მარაზმს. თავად ლედბიტერის საქმენი საგმირონიზე რომ აღარ გავამახვილოთ აქ ყურადღება... (ლინკებს დავდებ მათთვისაც ვისაც მოუნდება ცოტა უფრო მეტად ჩაეძიოს ამ საკითხებს). ელენა რერიხი - რამდენადაც ვიცი ქრისტესა და იესოს შორის გამიჯვნას არ აკეთებს, მაგრამ არც მაიტრეასთან აიგივებს მას. მისთვის ქრისტე არის ერთ-ერთი ადეპტი, ადამიანი, ბუდასა და მაიტრეას გვერდით მდგომი, წინა ინკარნაციაში რიგითი ბერძენი ფილოსოფოსი... (სამაგიეროდ მაიტრეას აიგივეს მორიასთან, მიქაელთან, ჰერმესთან, ზარატურსტრასთან, კრიშნასთან და მგონი ბუდას და ქრისტეს გარდა თუკი ვინმე სულიერი მასწავლებელი ყოფილა ყველა მაინტრეა-მორიას ინკარნაციები ჰქონიათ). ალექსანდრე ნაუმკინი - იესო-ქრისტე-მაიტრეასგან იწერს თავისი ჭკუით კარნახებს. ანუ მისი აზრით იესო-ქრისტე (აქ არაა გამიჯნული) არის ადეპტი (ადამიანი ანუ), რომელიც აღმოსავლეთში ცნობილია, როგორც ბოდჰისატვა მაიტრეა... ეს გაგება კიდე საერთოდ სცდება ყველას და ყველაფერს რაც აქამდე ყოფილა ნათქვამი... გაი ბალარდი და ბერდ სპალდინგი - ჯერ-ჯერობით ზუსტად არ ვიცი რას ამბობენ ქრისტეთან დაკავშირებით. რუდოლფ შტაინერი - აგრძელებს ქრისტეანულ ტრადიციას და ქრისტეს მიიჩნევს ღმერთად, სამყაროს შემოქმედად, სამების მეორე ჰიპოსტასად, ანუ სხვა სიტყვებით, რომ ვთქვათ ადამიანზე და ნებისმიერ ადეპტზე, მათ შორის ბუდაზე ან მაიტრეაზე ან იესოზე უსასრულოდ უფრო მაღლა მდგომ არსებად, რადგან ყველაზე მაღალი ხარისხის განდობილსაც კი სამებამდე ანგელოზთა ცხრა იერარქიული საფეხური აშორებს. შტაინერის მიხედვით ქრისტე უძველეს დროში ჯერ მზეზე დაეშვა უმაღლესი სამყაროებიდან, ხოლო შემდეგ პირველ საუკუნეში დაეშვა დედამიწაზე მზიდან, შევიდა იესოს მიერ მისთვის მომზადებულ სხეულში და სამი წელი იმყოფებოდა დედამიწაზე ფიზიკური სხეულით. შტაინერის მიხედვით მისი დედამიწაზე დაშვების მომზადებაში მონაწილეობას იღებდა ყველა დიდი ადეპტი, მათ შორის გაუტამა ბუდა, და ახლა ეს უკანასკნელი სულიერ პლანზე მოღვაწე ქრისტეანული ოკულტიზმის ერთ-ერთი ყველაზე დიდი მასწავლებელია. ანთროპოსოფია დედამიწის ისწორიას ყოფს ორ დიდ ნაწილად, მზადებად ქრისტეს მოსასვლელად, და იმ ძალების რეალიზაციის პერიოდად, რომელიც გოლგოთას მისტერიის შედეგად შთაინერგა დედამიწაზე. შტანერის აზრით პირველი საუკუნიდან ქრისტე უშუალოდაა დედამიწასთან დაკავშირებული და მის სულიერ სფეროებში მკვიდრობს. ხოლო მეორედ მოსვლა მისი აზრით არ არის ერთჯერადი ფაქტი, არამედ არის განმეორებადი მოვლენა, რომელიც გულისხმობს იმას, რომ პირველი საუკუნის ფიზიკური მოვლინების შემდეგ ქრისტე სულიერი სამყაროების სხვა და სხვა დონეზე ევლინება კაცობრიობას, და რომ ეს მოვლინებები ადამიანმა უახლოეს ათასწლეულებში განვითარებული ნათელხილვის წყალობით უნდა აღიქვას. -------------------- |
|
|
|
|
Oct 21 2017, 01:53 PM
Post
#87
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
რაც დავწერე თითოეულ საკითხზე შეგიძლიათ მკითხოთ, თუ რა ინფორმაცია საიდან მაქვს და გეტყვით. თუ ვინმეს ამ საკითხებში ჩაძიება დააინტერესებს ვურჩევ შემდეგ წყაროებს:
Сергей Олегович Прокофьев 1997: Восток в свете Запада, Издательство имени Н. И. Новикова, 1998. Часть 1. Учение Агни Йоги в свете христианского эзотеризма; Часть 2. Учение Алисы Бейли в свете христианского эзотеризма; Часть 3. Зарождение Христианского Эзотеризма в 21 веке и противостоящие оккультные силы. სამივე ტომი დევს რუსულად ინტერნეტში djvu ფორმატში. ასევე https://blavatskytheosophy.com/articles/ აი ამ საიტზე სტატიებს ციკლს PSEUDO-THEOSOPHY REVEALED. აქვე დავსძენ, რომ პირველი, პროკოფიევი ანთროპოსოფოსია, ხოლო ამ სტატიების ავტორი ბლავატსკაიას მიმდევარია და ცდილობს თეოსოფიის ნამდვილი, პირველადი სახე გააცნოს ადამიანებს. ამდენად მათი კვლევები შესაბამის ჭრილში იქნება წარმოჩნეილი. აქვე იმასაც დავამატებ, რომ არც ერთ ამათგანს არ აქვს შესწავლილი არც ბარდ სპალდინგის და არც გაი ბალარდის წიგნები, ანუ ის ორი ავტორი, რომელსაც ჩემი კრიტიკა არ შეხებია. დანარჩენი ავტორები უხვადაა განხილული... მოკლედ, შეძლებისდაგვარად შევეცადე ერთგვარი მონახაზის გაკეთება, თუ რა ხდება ეზოთერიკის ამ მიმართულებით, და ამდენად შევეცადე ის შეცდომები გამესწორებინა, რითაც დავიწყე ეს თემა. წაშლა, არ წაშლა, საკითხავი აი ეს უკვე აღარაა! -------------------- |
|
|
|
|
Oct 22 2017, 08:01 PM
Post
#88
|
|
 VIOLET soul  Group: Moderator Posts: 4,136 Joined: 10-September 11 Member No.: 6,562 ნიკის ჩასმა პოსტში მონიშნულის ციტატაში ჩასმა |
Merlin
QUOTE(Merlin @ 21st October 2017 - 02:53 PM)  მოკლედ, შეძლებისდაგვარად შევეცადე ერთგვარი მონახაზის გაკეთება, თუ რა ხდება ეზოთერიკის ამ მიმართულებით, და ამდენად შევეცადე ის შეცდომები გამესწორებინა, რითაც დავიწყე ეს თემა. წაშლა, არ წაშლა, საკითხავი აი ეს უკვე აღარაა!  ასე უკეთესია... |
|
|
|
|
Oct 22 2017, 08:58 PM
Post
#89
|
|
 ORANGE soul  Group: Members Posts: 476 Joined: 28-May 15 Member No.: 7,414 ნიკის ჩასმა პოსტში მონიშნულის ციტატაში ჩასმა |
წავიკითხე ყველა პოსტი......
Merlin მადლობა ბევრი რამე გავიგე რაც არ ვიცოდი, თქვენი აზრი მაინტერესებს სად უნდა წავიდეს თუ რას უნდა მიმართოს მაძიებელმა? რაიმე პრაქტიკას? მედიტაციას? სად დევს ჭეშმარიტება? ადამიანს აინტერესებს ვინ არის საიდან არის და რისთვის არის....... |
|
|
|
|
Oct 22 2017, 10:54 PM
Post
#90
|
|
 MASTER  Group: Moderator Posts: 5,348 Joined: 25-April 09 From: italia Member No.: 5,947 ნიკის ჩასმა პოსტში მონიშნულის ციტატაში ჩასმა |
Merlin
სერიოზული პოსტები დადე  პირადად ჩემგან დიდი მადლობა. არც შევეცდებოდი ამ სიგიჟეში გარკვევას  დიდი სამუშაო გაგიწევია.-------------------- FORZA ROMA
|
|
|
|
|
Oct 24 2017, 09:36 PM
Post
#91
|
|
 VIOLET soul Group: Moderator Posts: 3,964 Joined: 25-April 07 From: tbilisi Member No.: 28 ნიკის ჩასმა პოსტში მონიშნულის ციტატაში ჩასმა |
სიღრმისეული პოსტები იყო
მე თეოსოფიას დღემდე ვეცნობი (ბლავატსკაია, ბეზანტი, ლედბიტერი, რერიხი) და ზოგადად ვთვლი, რომ მძებნელს ზოგადად ამ მიმდინარეობის გაცნობით ბევრ რამეზე აეხილება თვალი, ან გზაზე დააყენებს, მაგრამ თეოსოფების ასეთი დონის ანალიზამდე არ ჩავსულვარ ეს შემდეგი საფეხურია ალბათ -------------------- know yourself and you will know the universe
It's choice--not chance--that determines your destiny |
|
|
|
|
Oct 25 2017, 11:51 AM
Post
#92
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
''''სად უნდა წავიდეს თუ რას უნდა მიმართოს მაძიებელმა?
რაიმე პრაქტიკას? მედიტაციას? სად დევს ჭეშმარიტება? ადამიანს აინტერესებს ვინ არის საიდან არის და რისთვის არის.......'''' ჩემი აზრით, ადამიანმა პირველ რიგში უნდა მიმართოს მიუკერძოებელ ძიებას ჭეშმარიტებისას, რაც გულისხმობს პირველ რიგში იმას, რომ ჯანსაღად კრიტიკულად განეწყოს ყველა სულიერი მიმდინარეობის და სულიერი მასწავლებლის მიმართ, ჯანსაღ კრიტიკულ მიდგომაში ვგულისხმობ იმას, რომ ადამიანს უნდა შეეძლოს ყოველთვის დაუშვას, რომ შეიძლება ყველაფერი ისე არ იყოს როგორც მას ეგონა, ან როგორ ეს ან ის სულიერი მასწავლებელი ლაპარაკობს, ეს ერთის მხრივ, ხოლო მეორეს მხრივ არც იმდენად კრიტიკული რომ არაჯანღ ყველაფრისუარმყოფელობაში გადაიზარდოს და ხანგძლივი ძიების შედეგად ჩვენ რომ მართლაც და მივადგეთ ჭეშმარიტებას, ისე არ მოხდეს რომ ამ გადაჭარბებული კრიტიკულობის გამო ვერ დავაფიქსიროთ ეს ფაქტი, ავუქციოთ გვერდი კრიტიკ–კრიტიკით და გავაგრძელოთ ჩვენი ძიება. ასევე დგას ღიაობის და გახსნილობის აუცილებლობა, იმ ფაქტმა რომ ჩვენ უკვე რაიმე მიმდინარეობას და მეთოდთა სისტემას მივყვებით გონება არ უნდა დაგვიბნელოს და ინტერესი არ უნდა დაგვაკარგვინოს იმ მიმდინარეობებისა და მეთოდების მიმართ, რომლებსაც ჩვენ არ მივყვებით. ეს პრობლემა ფქტიურად სულ ყველგან დგას რასთანაც კი შეხება მქონია. ყველა ბოლომდე უნდა გადაეშვას ხოლმე რაიმეში, იმდენად რომ განსხვავებულთან რაიმენაირი გაკარების სურვილი არ უჩნდებათ კი არა, ყველაფერ განსხვავებულს საფრთხობელასავით ერიდებიან. და ბოლოს, რასაც ნაწილობრივ უკვე შევეხე: უნარი იმისა, რომ დაუშვა, რომ ცდებოდი, რომ შენი მიმდინარეობა შეიძლება სწორი არ იყოს მინიმუმ რიგ საკითხებთან მიმართებაში ან მთლიანად გადასაგდები იყოს თავიდან ბოლომდე. უნარი იმისა რომ აღიარო რომ ცდებოდი ერთი, და მეორე გეყოს იმის ძალა, რომ თუ დაინახე, რომ ათეულობით წლების განმავლობაში არასწორი მიმართულებით დებდი შენს ძალისხმევას, შეძლო აღიარო, რომ არასწორი იყო და ამ აღიარებამ არ გაგტეხოს და ბოლოს და ბოლოს შენს თავს ის მაინც უთხრა, რომ შეცდომებზე ვსწავლობთ და რომ ახლა ის გამოცდილება მიიღე რაც მომავალში გამოგადგება, და რომც უკვე ოთხმოცდაათი წლის იყო, იმას იტყვი, რომ ჭეშმარიტების ღმერთი საყვადურს ვერ გეტყვის როცა შეხვდები, რომ მას ზურგი აქციე, და სულ რომ არაფერი იმით მაინც შეძლებ თავი გაიმხნევო, რომ ჯერ კიდევ მკვდარი არ ხარ და იმ მცირე დროს რაც დაგრჩენია მაინც გამოიყენებ სასარგებლოდ და შემდეგ ინკარნაციაში კიდევ გექნება ახალი მცდელობის შესაძლებლობა. გარდა ჭეშმარიტების ძიების ამ პრინციპისა, საჭიროა რომ დაფიქრდეს ადამიანი, თვითონ რა უნდა, რისკენ მიუწევს გული, სად ხედავს თავს ბედნიერად. ეს მას იმისთვის სჭირდება, რომ იცოდეს სად ეძებოს, როგორ ეძებოს და თუ სულიერ პრაქტიკასაც უნდა რომ გაყვეს – როგორ იცხოვროს, საზოგადოებასთან მიმართებაში რა პოზიცია დაიკავოს, კვების რა ფორმა შეარჩიოს და ასე შემდეგ. მაგრამ აქვე უნდა აღინიშნოს, რომ არამც და არამც არ შეიძლება ჭეშმარიტება პირადი ინტერესებისა და მიდრეკილებების საკურთხეველზე მივიტანოთ მსხვერპლად, რაც ძალიან აქტუალური პრობლემაა, მაგალითისთვის მოვიშველიოთ ყველაზე გავრცელებული შემთხვევა: არიან ადამიანები ვისაც უნდათ რომ რაიმე კონკრეტულს და ხელშესახებს მიაღწიონ სულიერებაში, და ვინაიდან და რადგანაც ეს სულიერი მიღწევა მოითხოვს ადამიანისგან ხორციელ სიამოვნებებზე ნაწილობრივ ან სრულ უარის თქვას, იმის და მიხედვით თუ რამდენად შორს უნდა ადმაიანს წავიდეს თავის მიღწევებში. მაგრამ ამ მსხვერპლზე წასვლა ადამიანთა ძალიან დიდ ნაწილს არ უნდა, ან არ შეუძლია, ამიტომ მიმართავენ თავის მოტყუების სხვა და სხვა გზებს (თუმცა ხშირ შემთხვევებში საერთოდაც არ იციან და არ აქვთ გაცნობიერებული ეს აუცილებლობა). თავის მოტყუების ეს ფორმებია მაგალითად ის, რომ ''არაფერს არ დავიკლებ და მაინც მექნება სულიერი მიღწევები, რადგან სულიერი ზრდისათვის საჭიროა, რომ ყველა სურვილი დავიკმაყოფილოთ'', ''ყოველ კვირა სექსი მექნება და პრაქტიკა მაინც წარმატებული იქნება''... ''სექსი ენერგიის კარგვა კი არა ენერგიების გაცვლაა''... ''კვებას დიდი მნიშვნელობა არა აქვს, მთავარია ცნობიერება''... ან მეორე უკიდურესობა ''კვებაა ყველაფერი და თუ სწორად იკვებები საკმარისია'' და ვინაიდან და რადგანაც ''სწორად'' ბევრი იკვებები, უფრო მეტი შედეგისთვის გადადიან შიმშილობაზე და ამით აპირებენ ხოლმე სულიერი სამყაროს კარიბჭის შეღებას. კიდევ ერთი თავის მოტყუების ძალიან გავრცელებული ფორმაა ეგრედ წოდებული ''სულიერი სექსი'', ვგულისხმობ ტანტრისტულ პრაქტიკებს, რაც საფუძველშივე განწირულია კრახისთვის, არა იმიტომ რომ არ მუშაობს, მუშაობს, მაგრამ ჯობდა არ ემუშავა... მოკლედ კარგს არაფერს არ უნდა გამოელოდეს აქედან ადამიანი. ან თავის მოტუყების ის ფორმა, რომ ''მთავარია მანტრები იმეორო და ეს უკვე საკმარისია, ჰარე კრიშნა! და ასე შემდეგ.'' ნუ ამის პასუხი ისაა, გარკვეული ასკეზა საფუძველია, მაგრამ იმაზე თუ რამე პრაქტიკა არ დააშენე, შორს ნამდვილად ვერ წაიყვანს ადამიანს, მხოლოდ ჰარე კრიშნას ძახილი კიდევ არ გამოდგება საშენ მასალად. მოკლედ დასკვნის სახით, რომ ვთქვათ სულიერების გზაზე თავის მოტყუება იკრძალება. მაძიებელმა უნდა იცოდეს, რომ განსაკუთრებული შედეგები განსაკუთრებული მეთოდებით მიიღწევა, და რომ ძალისხმევის გაწევისა და რიგი სიამოვნებების მსხვერპლად გაღების გარეშე ვერანაირ მიღწევაზე ვერ იქნება ლაპარაკი. აი ეს არის ის საფუძვლები რაზეც, ჩემი აზრით, ყველა მაძიებელმა უნდა დააშენოს თავისი ძიება, რადგან ბევრი სწორედ ამ მიზეზების გამო ბრკოლდება ჭეშმარიტებისადმი მიმავალ გზაზე. ყოველ შემთხვევაში მე ამ პრინციპებით ვხელმძღვანელობ... -------------------- |
|
|
|
|
Oct 25 2017, 12:35 PM
Post
#93
|
|
|
ORANGE soul Group: Members Posts: 476 Joined: 28-May 15 Member No.: 7,414 ნიკის ჩასმა პოსტში მონიშნულის ციტატაში ჩასმა |
Merlin
დიდი მადლობა მეგობარო, ვიზიარებ რაც დაწერე. უნარი რომ საკუთარი შეცდომა აღიარო აუცილებელია, მაგრამ ეს უნარი მარტო მაშინ ექნება ადამიანს თუ საკუთარ თავზე მაღლა დააყენებს ჭეშმარიტებას.... ჩემი აზრით ძალიან რთულია, დღევანდელი ადამიანი ადიდებს კომფორტს და მატერიას, ესეიგი დადის ეკლესიაში მაგრამ როცა სჭირდება სხვას ლანძღავს მაშინაც კი როცა არ იცის სიმართლე. ფაქტიურად მე რასაც ვხედავ, ადამიანი ლანძღავს სხვას იმიტომ რომ წარმოაჩინოს საკუთარი უპირატესობა, მაგ: ნიკა ამბობს რომ მამუკა არის დებილი, ეს ნიშნავს რომ ნიკა არის ამ დებილ მამუკაზე მაღლა და ამიტომ ამბობს ამას. გინდ ჭOრაობის მხრივ, ვიღაცას გაჭორავენ და ამით იმტკიცებენ საკუთარ უპირატესობას(ბევრჯერ დამიჭერია ჩემი თავი). ცოტა წინ რომ წავიჭიოთ, რა არის მექანიზმები რითაც განპირობებული ადამიანი უახლოვდება ჭეშმარიტებას? კვება და სექსუალური სიამოვნების კონტროლი აშკარად მეტ ენერგიას აძლევს ადამიანს, ესეიგი გაცილებით ძLიერი ხდება, მაგრამ ეს ენერგია თუ არ გამოვიყენე, რა აზრი აქვს? ესეიგი ეს ენერგია მაქსიმალურად უნდა წავიდეს გაცნობიერების პროცესზე. ანუ როგორ ვეძიოთ? ამაზე რა პასუხი გაქვთ? როგორ დავინახო მოვლენა(მაქსიმალურად) ისეთI როგორიც არის და არა ისეთი როგორც დამაპროგრამეს? ერთ მაგალითს დავწერ, როდესაც პირობნება მოქცეულია 10 სხვა პიროვნებას შორის რომელთა ყოველდღიურობაში ჩხუბი, ერთმანეთზე ჭOრაობა და სიძUლვილი ჩვეულებრივი ამბავია, ისიც ასეთი ხდება, როგორ გამოვიდეს ამ ილუზიიდან და დაინახოს რომ ამ დაპირისპირებით ბევრს კარგავს? ჯიდუ კრიშნამურტის აქვს ნათქვამი-არ ენდო არანაირ ავტორიტეტს, დადექი მარტო, იყავი სინათლე საკუთარი თავისთვის, მხოლოდ ამ პოზიციიდან გაქვს შესაძლებლობა დაინახო ჭეშმარიტება. რას ფიქრობთ ამაზე? Merlin |
|
|
|
|
Oct 25 2017, 01:22 PM
Post
#94
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
ეს ზოგადი პასუხი იყო, რისი განვრცობაც კიდევ შეიძლებოდა და მრავალი მაგალითის მოყვანა იმის საჩვენებლად, თუ რატომ გავამახვილე კონკრეტულად მაგ საკითხებზე ყურადღება. რაც შეეხება ცოტა უფრო კონკრეტულ პასუხს: თუ რომელიმე ერთი ავტორის, ერთი მიმდინარეობის გამორჩევაზე მიდგა საქმე, რომელსაც კაცობრიობის ყველაზე დიდი ნაწილისათვის შეუძლია სარგებლის მოტანა, ასეთად ნამდვილად დავასახელებდი რუდოლფ შტაინერსა და ანთროპოსოფიას. თუ რატომ, ამას აქვს უამრავი მიზეზი და ჩემი მცირედი ცოდნიდანაც კი რაც მე ანთროპოსოფიასთან დაკავშირებით მაქვს, შეიძლებოდა საკმაოდ ვრცელი სტატია დაწერილიყო. დავასახელებ მხოლოდ იმ ძირითადს, რასაც მე განსაკუთრებულ მნიშვნელობას ვანიჭებ. ანთროპოსოფია არის ერთადერთი სულიერი მიმდინარეობა, რაც გარემატერიალურ პლანზე გამოვლინდა, რომელიც თავის თავში აერთიანებს კაცობრიობის მოღვაწეობის ყველა სფეროს. რუდოლფ შტაინერმა თავისი ზეგენიალურობის წყალობით არამარტო იცოდა და ერკვეოდა კაცობრიობის მოღვაწეობის ყველა სფეროში, არამედ თითოეული მათგანის სამომავლო განვითარების პერსპექტივები დაგვიტოვა, რომელიც დატეულია სამას ორმოცდათოთხმეტი ტომისგან შემდგარ ლიტერატურულ მემკვიდრეობაში. რომ ჩამოვთვალოთ რა სფეროებზე მაქვს ლაპარაკი: ეზოთერიკა–ოკულტიზმი, მითოლოგია, ფილოსოფია, მეცნიერება – ჰუმანიტარული, საბუნებისმეტყველო, სოციალურ პოლიტიკური, დაწყებული ფიზიკა, მათემატიკა, ქიმია, ბიოლოგია, მინერალოგია, გეოლოგია, ასტროლომია, ლინგვისტიკა, ფსიქოლოგია, ფილოლოგია, ისტორია, გეოგრაფია, სოციოლოგია, პოლიტიკა, ეკონომიკა, საფინანსო და საბანკო საქმე, შემდეგ ხელოვნებაში – მუსიკა, ლიტერატურა, მხატვრობა, ქანდაკება, არქიტექტურა, ამ ყველაფერს დამატებული – მედიცინა, აგრონომია, პედაგოგიკა. დაწყერა ახალი შემეცნების თეორია, სიახლე შეიტანა ფილოსოფიაში, ერთ–ერთმა პირველმა ფილოსოფოსთაგანმა გადაჭრა კანტიანური პრობლემები, დაწერა მხავრულ ლიტერატურული ნაწარმოებები, იყო არქიტექტორი და შექმნა არქიტექტურის ახალი სტილი, მისი აგებული ორივე გოეთეანუმი თანამედროვე არქიტექტურის შედევრებად ითვლება, არის მხატვრებისა და სკულპტროების ინსპირატორი, შექმნა მედიცინის ახალი სისტემა, აგრონომიის ახალი მეთოდიკა – ბიოდინამიური აგრონომია, დასახა სოციალური განვითარებისა და სახელმწიფო მოწყობის ახალი გზები, ახალი საბანკო სისტემა, შექმნა ხელოვნების ახალი დარგი საერთოდ – ევრითმია, ახალი გზები ბავშვის აღზრდაში და პედაგოგიკაში – ვალდორფის სკოლა, მისი ასტროლოგიური მემკვიდრეობის საფუძველზე შეიქმნა ასტროლოგიის ახალი დარგი – ასტროსოფია, ანთროპოსოფიის საფუძველზევე შეიქმნა მეცნიერების ახალი დარგი, რომელიც ბგერით ზემოქმედებას იკვლევს მატერიაზე - სიმატიკა, და რაც აღსანიშნავია, ყველა ეს სიახლე ფართოდ არის დანერგილი მსოფლიოს მრავალ ქვეყანაში, მათ შორის საქართველოში, და აღიარებულია მოქმედ და პრაქტიკულ გზებად. მის ეზოთერულ სწავლებაში შეხვდებით, გარდა ყველაფერი ზემოთ ჩამოთვლილისა, დედამიწისა და კაცობრიობის წარსულისა და მომავლის აღწერას პლანეტარული ინკარნაციების მასშტაბებით, სულიერი სამყაროების და მასში მობინადრე არსებების შესახებ ცოდნას - ანგელოლოგიას, დეტალურ აღწერას ადამიანის გზისა გარდაცვალებიდან ხელახლა დაბადებამდე, ადამიანის არსების წარმოდგენლად ღრმა და დეტალურ ცოდნას, კაცობრიობის ისტორიაში მომხდარი მოვლენების და ძვრების სულიერ საფუძვლებს, დიდი ინდივიდუალობების წარსული ინკარნაციების აღწერას და ინკრნაციებს შორის მომხდარ მოვლენებს, და იმის ახსნას თუ რა და რა მიზეზით არის განპირობებული, რომ ეს ადამიანი ასეთად და ასეთად ჩამოყალიბდა. ასევე გვხვდება ნათელხილვაში შესვლის მეთოდოლოგია და პერსპექტივა იმისა, რომ მოსწავლე ადრე თუ გვიან თავადაც შეძლებს გადმოცემული ცოდნის ჭეშმარიტებაში თავად დარწმუნდეს თავისი მზარდად განვითარებული უნარებით. გარდა ამისა აღსანიშნავია წინასწარმეტყველებები, რომლებიც ზუსტად ახდა მრავალი წლის შემდგომ, რისი მაგალითების კონკრეტულად დასახელებაც შეიძლება. და რაც ყველაზე მნიშვნელოვანია, ეს ყველაფერი დაფუძნებულია ქრისტეანობის სრულიად ახალ, წარმოუდგენლად მაღალ შემეცნებაზე და სწორედ ქრისტეანობის ამ შემეცნებამ მისცა რუდოლფ შტაინერს შესაძლებლობა ეს ყველაფერი შემოეკრიბა ერთ ახალ სულიერ მოძრაობაში, რომელსაც მან უწოდა ანთროპოსოფია.
-------------------- |
|
|
|
|
Oct 25 2017, 01:37 PM
Post
#95
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
მეორე ნაწერი წაიკითხეთ... პირველი ზედმეტია.
აქვე დავსძენ იმას, რომ ანთროპოსოფიასთან დაკავშირებით ეგ ყველაფერი იმიტომ დავწერე, რომ ჩემთვის ძალიან მნიშვნელოვანი იქნებოდა მაგ ყველაფრის ცოდნა, რადგან მეცოდინებოდა რომ ეს ნამდვილად არის ის რაზეც ღირს ყურადღების შეჩერება და გამოკვლევა, იქნებადა აქ არის ჭეშმარიტება? თუმცა იმასაც დავაყოლებ რომ არ ვფრთხილობ შტაინერის ზეგენიალურობაზე ვილაპარაკო, იმ მარტივი მიზეზის გამო, რომ არ ვარ მიმდევარი, როგორც ასეთი, არამედ ბევრი სხვა რამითაც ვარ დაკავებული. შესაბამისად არ მეშინია იმისა რომ ვინმე გადაჭარბებაში ან ქადაგებაში დამადანაშაულებს, იმ მარტივი მიზეზის გამო ვიცი და შემიძლია დავასაბუთო კიდევაც ამგვარი დადანაშაულების უსაფუძვლობა. ეს უბრალოდ ობიექტურობაა, და ობიექტურობა მოითხოვს ზეგენიოსს ზეგენიოსი ეწეოდოს. თუმცა მისი მიმდევრების სრული უმრავლესობისგან განსხვავებით მე მას არანაირად არ ვთვლი არც ყოვლისმოცდნენ და არც შეუმცდარად. მაგრამ გამორჩეული ადგილი ნამდვილად ეკუთვნის ანთროპოსოფიას სხვა ყველა დანარჩენ ჩვენს ხელთ არსებულ მიმდინარეობებს შორის. -------------------- |
|
|
|
|
Oct 25 2017, 02:02 PM
Post
#96
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
old man - https://blavatskytheosophy.com ეს საიტი ნამდვილად გამოგადგებათ. ვისიცაა ეს საიტი, როგორც ეტყობა გადატრიალებული აქვს მთელი თეოსოფიური ლიტერატურა და კარგად იცის რა ხდება ამ მიმართულებით. მე ძალიან გამომადა. ხორციელ სიამოვნებებზე უარის თქმა წარმოუდგენლად რთულია და ეს მიზნად მხოლოდ იმ ადმაიანმა უნდა დაისახოს ვისაც გული დიდი სულიერი სიმაღლეებისკენ მიუწევს, ან არა და თავისი საქმე ისე უყვარს რომ მზადაა მთელი ენერგია მასში ჩადოს, იქნება ეს მეცნიერება თუ ხელოვნება. მაგალითად ნიკოლა ტესლამ შეგნებულად თქვა ცოლის ყოლაზე უარი იმისათვის რომ იმ დონის გამომგონებელი ყოფილიყო როგორც გახდა. ანუ სექსდუალურ დაკმაყოფილებაზე უარის თქმა ეს ის არ არის რაც ფართო საზოგადოებას უნდა შევთავაზოთ, მაგრამ უნდა ითქვას, რომ რამდენადაც მეტად დაძლევს ადამიანი სხეულებრივ მოთხოვნილებებს მით მეტი სულიერი წინსვლის საშუალება ექნება მას. ასკეტიზმი ენერგიას ნამდვილად აგროვებს, ენერგია ძალაა და ძალა კიდე არასაჭირო მიმართულებით წარმართული – დესტრუქციაა. ამიტომ პირველ რიგში საჭიროა სიყვარულის მნიშვნელობის შესწავლა და მის დანერგვაზე ზრუნვა ჩვენს ცხოვრებაში, თუ როგორ უნდა განხორციელდეს ეს, წერია ოლმეკის საიტზე და სხვა რამოდენიმე ავტორთან კიდევ. სიყვარული არის ის ძალა, რაც ადმაიანს აძლევს საშუალებას მის ხელთ არსებული ენერგია აითვისოს და სწორად წარმართოს და არ მისცეს ამ ენერგიას დამანგრეველი მიმართულება, რაც გარდაუვალია თუ ადამიანი მხოლოდ აგროვებს ენერგიას და არაფერში არ დებს. ფართო მასის საშველად მატივი ფორმულა ალბათ არ არსებობს, დრო და ხანგძლივი ევოლუციაა საჭირო. ავტორიტეტი და მასწავლებელი სხვა და სხვა რამეა. ის ყველაფერი რაც მე დავწერე გამორიცხავს იმას, რომ ვინმე ავტორიტეტს ბოლომდე ენდო და ყველაფერში დაუჯერო, როგორც დავწერე ყოველთვის უნდა გქონდეს შესაძლებლობა დაუშვა რომ შეიძლება ყველაფერი ისე არ იყოს როგორც გასწავლიან ან როგორც შენ გგონია ეხლა. ეს დებულება უკვე გამორიცხავს ავტორიტეტს. მაგრამ მასწავლებელზე უარის თქმაში სხვა ვერაფერს ვხედავ თუ არა ეგოიზმიდან ამოზრდილ უგუნურებას. მასწავლებლებზე უარის თქმის ლოგიკით სხვა ადამიანებისგან ყოველგვარ შემოთავაზებზე უნდა უარი თქვას ადამიანმა და ყველა ახალმა დაბადებულმა ნოლიდან, ქვის ხანიდან უნდა დაიწყოს განვითარება, რაც იმას ნიშნავს რომ კაცობრიობა ვერასდროს ვერ განვითარდება. აბა რა აზრი აქვს ადამიანების ერთად არსებობას თუ ერთმა მეორეს არ არსწავლა და იმან კიდე სხვას? ჯანსაღი აზროვნება საკმარისია, ვინც სულიერი მასწავლებლის შესაძლებლობას გამორიცხავს ის სულიერი ცოდნის და შესაბამისად ჭეშმარიტების შემეცნების შესაძლებლობასაც გამორიცხავს ერთდროულად, იმიტომ რომ თუ შეიძლება ადამიანმა რომ შეიმეცნოს სულიერი საგნები, მაშინ მას ისიც შეეძლება რომ ეს ცოდნა და/ან შემეცნების გზები (მაინც) სხვას გადასცეს, და ბუნებრივია სულელია ის ადამიანი ვინც გაკვალულ გზაზე ამბობს უარს მხოლოდ იმიტომ, რომ თავად გაიკვალოს ახლიდან გზა სხვების დაუხმარებლად, და როგორც გითხარი ამ მიდგომით ეხლა ქვებს უნდა ვთლიდეთ. და თუ არ არის სულიერი შემეცნება შესაძლებელი აბა საერთოდ რა ჭეშმარიტებაზე ვლაპარაკობთ მაშინ? მოკლედ ძალიან ალოგიკურია კრიშნამურტის იდეები, თანაც მასწავლებლის უარყოფას გასწავლის... და ვინაა ის ვინც რამეს გასწავლის? –მასწავლებელი! ზუსტად იგივე ვარიანტია, როდესაც ფილოსოფიის არასაჭიროების დასაბუთებას ცდილობენ ხოლმე. და ფილოსოფია კიდე არაფერია თუ არა დასაბუთებული მსოფლმხედველობის აგების ცდა. ანუ როდესაც ცდილობ ფილოსოფიის არასაჭიროება დაასაბუთო უკვე ფილოსოფიას მიმართავ. ან იგივეა, რომ ქუჩაში იარო და ხალხს ეუბნებოდე ლაპარაკი არ არის საჭირო... -------------------- |
|
|
|
|
Oct 25 2017, 02:10 PM
Post
#97
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
და რომც დავუშვათ, რომ სწორი მიდგომაა ასე ვთქვათ ცალკე დგომა და შეძლოს ვინმემ თავისი თავის სინათლე გახდეს (რაც ჩემი აზრით სრული უტოპიაა ჩვენს ქაოტურ რეალობაში, იმიტომ რომ აქ ყველა იმ მეთოდების გამოყენებით რაც მოგვეპოვება უკიდურესად რთულია თავის გატანა და მით უმეტეს საერთოდ რომ უარი თქვა ყველაფერზე და ჩემი თავის სინათლე მე ვარო ხო საერთოდ არაფერი არ გამოვა, უბრალოდ იცხოვრებ, რომ როგორც ყველა და ბოლოს მოკვდები) და სხვებისგან ყოველგარ სწავლაზე უარის თქვას და ბარონი მიუნჰაუზენივით თავისი თავი თვითონვე აწიოს (ზუსტად ამდენადვე უტოპიურია) ამას შეძლებს მსოფლიოს მოსახლეობის 0.00000001% ისიც ალბათ მხოლოდ ის ადმაიანები ვინც წინაინარნაციაში იმდენი გამოცდილება დააგროვა, რომ ახლა ან ახსოვს ძველი გამოცდილება, ან აღარ ახსოვს მაგრამ ინერციის წყალობით ახლაც სწორად აგრძელებს მოქნედებას... მაგრამ ეგ ინერციაც ამოიწურება ბოლოს და დავრჩებით ოდენ არაფრის ანაბარა.
-------------------- |
|
|
|
|
Oct 25 2017, 03:34 PM
Post
#98
|
|
|
ORANGE soul Group: Members Posts: 476 Joined: 28-May 15 Member No.: 7,414 ნიკის ჩასმა პოსტში მონიშნულის ციტატაში ჩასმა |
QUOTE(Merlin @ 25th October 2017 - 02:02 PM) ჯანსაღი აზროვნება საკმარისია, ვინც სულიერი მასწავლებლის შესაძლებლობას გამორიცხავს ის სულიერი ცოდნის და შესაბამისად ჭეშმარიტების შემეცნების შესაძლებლობასაც გამორიცხავს ერთდროულად, იმიტომ რომ თუ შეიძლება ადამიანმა რომ შეიმეცნოს სულიერი საგნები, მაშინ მას ისიც შეეძლება რომ ეს ცოდნა და/ან შემეცნების გზები (მაინც) სხვას გადასცეს, და ბუნებრივია სულელია ის ადამიანი ვინც გაკვალულ გზაზე ამბობს უარს მხოლოდ იმიტომ, რომ თავად გაიკვალოს ახლიდან გზა სხვების დაუხმარებლად, და როგორც გითხარი ამ მიდგომით ეხლა ქვებს უნდა ვთლიდეთ. და თუ არ არის სულიერი შემეცნება შესაძლებელი აბა საერთოდ რა ჭეშმარიტებაზე ვლაპარაკობთ მაშინ? მოკლედ ძალიან ალოგიკურია კრიშნამურტის იდეები, თანაც მასწავლებლის უარყოფას გასწავლის... და ვინაა ის ვინც რამეს გასწავლის? –მასწავლებელი! კრიშნამურტი სულიერ(ფსიქოლოგიურ) ფაქტორზე საუბრობს ამ შემთხვევაში და არა დაუშვა მედიცინაზე, ემცნიერებაზე და ა.შ. ავტორიტეტი გყავს სამსახურში, იმიტომ რომ ტექნიკური საგანია და მანდ ყველაფერი გასაგებია, მაგრამ როცა ჩნდება ვინმე გურუ-მღვდელი და გეუბნება რომ სწორია ესე მოიქცე და არა ისე ამაზეა საუბარი. ქვის ხანაზე არ დაგეთანხმები, იმიტომ რომ იმ მანქანას და მობილურს მშვენივრად ვიყენებ და ვიცი ადამიანის აგებულება(ანატომია), მივფრინავთ მთვარეზე, მედიცინა მიდის წინ და ა.შ. მაგრამ როცა ადამიანი მეუბნება, რომ თუ მინდა ჭეშმარიტების დანახვა დღეში სამჯერ გააკეთე მედიტაცია ან მზის ამოსვლისას თვალები დახუჭე და პირი გააღე, მე ვამბობ რომ არ მჯერა ამის, შენ როგორ ფიქრობ? რა სულიერი მექანიზმი-სტრუქტურები არსებობს რასაც ერთი ადამანი გადასცემს მეორეს და უეჭველად ჭეშმარიტია? მეორე საკითხია ის რომ რეალურად ჩემი აზრით ვერავინ ვერავის ვერ ასწავლის, რატომაა რომ ერთიდა იმავე საკითხს ერთი აცნობიერებს და მეორე ვერა? ესეიგი მასწავლებელში კიარაა საქმე არამედ ინფორმაციის მიმღებში(მოსწავლეში). QUOTE(Merlin @ 25th October 2017 - 02:10 PM) დმაიანები ვინც წინაინარნაციაში იმდენი გამოცდილება დააგროვა, რომ ახლა ან ახსოვს ძველი გამოცდილება, ან აღარ ახსოვს მაგრამ ინერციის წყალობით ახლაც სწორად აგრძელებს მოქნედებას.. საერთოდ რა იცი რეინკარნაცია არსებობს თUარა, აიი კონკრეტულად ნებისმიერი მასწავლებელი გინდ რუდოლფ შტაინერმა რომ მითხრას გ წინადადება, რანაირად უნდა ვენდო ან დავუჯერო? რასაც ვხედავ იმას ვხედავ, რატომ უნდა დავიჯერო რაღაც რისი გადამოწმებაც არ შეიძლება? |
|
|
|
|
Oct 25 2017, 05:13 PM
Post
#99
|
|
|
YELLOW soul Group: Members Posts: 836 Joined: 11-January 15 Member No.: 7,360 ნიკის ჩასმა პოსტში მონიშნულის ციტატაში ჩასმა |
''''კრიშნამურტი სულიერ(ფსიქოლოგიურ) ფაქტორზე საუბრობს ამ შემთხვევაში და არა დაუშვა მედიცინაზე, ემცნიერებაზე და ა.შ.
ავტორიტეტი გყავს სამსახურში, იმიტომ რომ ტექნიკური საგანია და მანდ ყველაფერი გასაგებია, მაგრამ როცა ჩნდება ვინმე გურუ-მღვდელი და გეუბნება რომ სწორია ესე მოიქცე და არა ისე ამაზეა საუბარი.'''' სულიერზე საუბრობ თუ ფიზიკურზე ამ შემთხვევაში არ აქვს მნიშვნელობა. განსხვავება ამ ორს შორის ისაა, რომ სულიერის საკვლევად საწყის ეტაპზე იმ უნარების განვითარება გჭირდება, რომლითაც საერთოდ აღიქვავ კვლევის ობიექტს. მიკრობიოლოგს კვლევისთვის მიკროსკოპი სჭირდება, ისე ვერაფერს ვერ გამოიკვლევს, და სულიერ მკვლევარსაც სჭირდება შესაბამისი აღქმის ორგანოები, ოღონდ ნაცვლად გარე მოწყობილობისა მისთვის საჭიროა რომ მისსავე თავში განავითაროს ეს უნარები. რაც შეეხება მატერიალური მეცნიერების შედეგებს. მე სულიერი მეცნიერების შედეგებს ისევე ნათლად ვხედავ, როგორც ფიზიკური მეცნიერებისას, და სიმართლე რომ გითხრა არჩევანის საშუალება რომ მომცენ ნამდვილად პირველს ავირჩევდი. ასე რომ ესეც არ გამოდგება პრინციპულად გასამიჯნად ამ ორისა. '''მანქანას და მობილურს მშვენივრად ვიყენებ''' - მე კიდე სულიერ პრაქტიკებს ვიყენებ მშვენივრად და ისევ გეტყვი რომ არჩევანზე თუ დადგა საქმე ერთი წამითაც კი არ დაფიქრდები ისე გავაკეთებ არჩევანს ამ მეორის სასარგებლოდ. ''''მაგრამ როცა ადამიანი მეუბნება, რომ თუ მინდა ჭეშმარიტების დანახვა დღეში სამჯერ გააკეთე მედიტაცია ან მზის ამოსვლისას თვალები დახუჭე და პირი გააღე, მე ვამბობ რომ არ მჯერა ამის, შენ როგორ ფიქრობ?''' მერე და ვინ გეუბნება დაიჯერეო? ის ადმაიანი ვისაც სულიერი ცოდნა აქვს და გამოცდილება, უზიარებს თავის ცოდნას სხვა ადამიანებს იმ მიზნით, რომ იცის, რომ მათ ეს გამოადგებათ და ასეც არის. შედეგად იმ კითხვებზე, თუ საიდან იცი შენ ეს, ან ჩვენ როგორ შეგვიძლია იგივე ვიცოდეთ? სულისმეცნიერი დებს იმ მეთოდთა სისტემას, რომელიც შესაძლებლობას იძლევა გადმოცემული ცოდნა გადამოწმდეს ანუ თავად მოსწავლემაც შეძლოს იგივე ცოდნის აწ უკვე პირადი გამოცდილებით მიღება. ეს არ ნიშნავს იმას, რომ თუ სულისმეცნიერის დაწერილ წიგნს კითხულობ ისე არაფერში არ გამოგადგება თუ შენთვითონაც პრაქტიკოსი არ გახდი, არამედ საქმე იმაშია, რომ რეალურად ძალიან ცოტა ადამიანს უჩნდება ხოლმე იგივე გზის გავლა და პირადი გამოცდილებით შემოწმება გადმოცემულისა, იმიტომ რომ როგორც წესი ეს ადვილი არ არის მოითხოვს მნიშვნელოვან ძალისხმევას, რასაც ადამიანი მხოლოდ იმ შემთხვევაში გასწევს თუ ამის სურვილი მასში ძალიან ძლიერია. შესაბამისად არავინ არ გეუბნება, რომ როდესაც მაგალითად შტაინერი გადმოსცემს ნათელხილვის განვითარებისათვის საჭირო მეთოდებს, შენ მაინც და მაინც უნდა დაიჯერო და დანერგო ეს მეთოდები და გახდე ნათელმხილველი, ამას არავინ არ ითხოვს. პრინციპი ასეთია: გიღირს ეს ყველაფერი იმად რომ სცადო? საკმარისად ძლიერად გინდა რომ ნათელმხილველი გახდე მაგალითად, ან სიზმართხილველი და დანამდვილებით იცოდე რა და როგორ არის სინამდვილეში, და ამისათვის მზად ხარ შენი ცხოვრება გადააწყო ამ მიზნის მისაღწევად თუ არ გინდა საკმარისად? თუ გინდა ხო აგერ შენ და აგერ პრაქტიკები, იქნება და მართლაც ისეა ყველაფერი როგორც გეუბნებიან ვთქვათ, ხომ არის ესეც დასაშვები? თუ არ გინდა პრაქტიკები მაშინ ორი გზა რჩება, გამოიყენო ის ცოდნა რომელიც სულისმეცნიერმა გადმოსცა, შეისწავლო, გაიაზრო, გამოიყენო და ნახო ჭკუასთან არის თუ არა ახლოს ყველაფერი, ან გაძლევს თუ არა რაიმეს, ან არ გამოიყენო და თქვა რომ სისულელეებია ეგ ყველაფერი, ან თქვა რომ საკმარისად არ გაინტერესებს იმსათვის, რომ ტვინი აიტკიო მაგ ყველაფერზე. ესაა და ეს, დაჯერების ადგილი დარჩა აქ სადმე? (ისიც გაითვალისწინე, რომ ცოდნის გარეშე უარყოფაც რწმენაა, და თუ რამე არ იცის ადამიანმა და ამბობ რომ ეს ასე არ არის, ანალოგიური რწმენა გამოდის. მატერიალისტები სინამდვილეში ხშირად მართლმადიდებლებზე უფრო მაგარი მორწმუნეები არიან ხოლმე რეალურად, იმიტომ რომ იმას ამტკიცებენ რაც მათ არ იციან და არაც შეიძლება იცოდნენ). '''მეორე საკითხია ის რომ რეალურად ჩემი აზრით ვერავინ ვერავის ვერ ასწავლის'''' რატო? მე თუ ვიცი მართკუთხა სამკუთხედის ფართობი როგორ გამოითვლება ვერ ვასწავლი ამას ვინმეს? ან თუ ვიცი ცნობიერად როგორ შეიძლება სიზმარში შევიდეს ადმაიანი, ამას ვერ ვასწავლი ადამიანს? ან ნათელმხილველი რომ ხედავს რომ ანგელოზთა ცხრა იერარქია არსებობს ვერ გააგებინებს ვინმეს? ანგელოზის ცნებაც გვაქვს, იერარქიისაც და ცხრისაც, და თუ რამე ტერმინი არ გვაქვს შეიძლება მოიფიქროს ადმაიანმა და მიუწეროს განმარტება, რომ ეს ტერმინი ამას გულისხმობს. მე იმას არ ვამტკიცებ რომ ყველაფრის გადაცემა შეიძLება ვერბალურად, მაგრამ არაფერსა და ყველაფერს შორის ძალიან ბევრი რამეა მოქცეული. '''რატომაა რომ ერთიდა იმავე საკითხს ერთი აცნობიერებს და მეორე ვერა?''' იმიტომ რომ ერთი უფრო განვითარებულია რაღაც კუთხით ვიდრე მეორე. ''''ესეიგი მასწავლებელში კიარაა საქმე არამედ ინფორმაციის მიმღებში(მოსწავლეში).'''' საქმე ორივეშია, კარგ მოსწავლეს კარგი მასწავლებელი ჭირდება და პირიქით. პლიუს თახვედრა მასწავლებლის გადაცემის უნარსა და მოსწავლის გაგების უნარებს შორის. მაგრამ ეს არც ისე დიდი პრობლემაა. მთავარია აინტერესებს თუ არა მოსწავლეს ის რასაც მეორე გადმოსცემს და გადმოცემის ფორმას მოერგება როგორმე. ''''საერთოდ რა იცი რეინკარნაცია არსებობს თUარა''' მე რაც ვიცი საკმარისია იმისათვის, რომ რეინკარნაციის არსებობაში ეჭვი აღარ შევიტანო. რეინკარნაცია არსებობს თუ არა ამაზე კამათს ვერ დავიწყებთ ეხლა... '''კონკრეტულად ნებისმიერი მასწავლებელი გინდ რუდოლფ შტაინერმა რომ მითხრას გ წინადადება, რანაირად უნდა ვენდო ან დავუჯერო?'''' არც არავის უთქვამს დაუჯერეო, ეგ შენზეა, თუ საკმარისად გეჩვენება რეინკარნაციის არსებობის დასადასტრურებლად მოყვანილი არგუმენტები დაიჯერე, არ გეჩვენება არ დაიჯერო. '''რასაც ვხედავ იმას ვხედავ, რატომ უნდა დავიჯერო რაღაც რისი გადამოწმებაც არ შეიძლება?''' რადიოტალღებს ან ულტრაიისფერ გამოსხივებასაც ხომ ვერ ვხედავთ? მარა გვჯერა ხო? ანუ დანახვა არ დანახვაში არაა საქმე, მეეჭვება სატურნი და იუპიტერი ნანახი გქონდეს ცისფერ ეკრანს მიღმა... გადამოწმება არ შეიძლებაო ეს არავის უთქვამს, ალბათ არცერთ ოკულტისტს არ უთქვამს ის, რასაც მე ვამბობ მაგის გადამოწმება არ შეიძლებაო. პრაქტიკაც იმისთვისაა რომ გადაამოწმო. უბრალოდ სამწუხაროდ საკმარისი სურვილი და ინტერესი არ აქვთ ადამიანებს. მატერიალისტური მეცნიერების აღმოჩენათა მნიშვნელოვანი წილი მებრძოლი და შეუპოვარი ადმაიანების გაკეთებულია, იმ ადამიანებისა ვინც მცირედი ცოდნის მოსაპოვებლად მატერიალურ სამყაროზე დედამიწას უვლიდნენ გარშემო, გაუვალ ჯუნგლებში დახეტიალობდნენ, ინკვიზიციას ეწირებოდნენ, შხმაბით იწამლებოდნენ, უფეთქდებოდათ ლაბორატორიები და იხოცებოდნენ და მათი მოსწავლეები მაინც აგრძელებდნენ გზას. ასე მოვიპოვეთ ჩვენ ეს ჩვენი საამაყო მეცნიერული ცოდნა, მაგრამ როდესაც სამყაროს ყველაზე დიდი გამოცანების ამოსახსნელად, ყველაზე მნიშვნელოვან კითხვებზე პასუხის გასაცემად და ადამიანის ამოუწურავი შესაძლებლობების გამოსაკვლევად ძალისხმევის გაღებაა საჭირო სად იკარგება ენთუზიაზმი, გამბედაობა, შეუპოვრობა და ბრძოლისუნარიანობა? მეცნიერული ცოდნა კაცობრიობისათვის იმ ადამიანებს არ მიუციათ, რომლებიც ჰამაკში წამოწოლილი განცხრომას იყვნენ მიცემულები, მაგრამ რატომღაც ადამიანი მაინც იმას ელოდება, რომ იმ ჭეშმარიტებას, რომელიც ადამიანის აღქმის საზღვრებს მიღმა იმალება ჩვეულებრივი გასართობი და სახალისო მეთოდებით მოიპოვებს, და გასხივოსნდება! თან კიდე უკვირს რატომ არ აქვს ის, რის მოსაპოვებლადაც იმაზე მეტი ძალისხმევა არ დაუხარჯავს ვიდრე მაღაზიიდან პურის ამოტანას სჭირდება. -------------------- |
|
|
|
|
Oct 30 2017, 10:10 AM
Post
#100
|
|
|
ORANGE soul Group: Members Posts: 476 Joined: 28-May 15 Member No.: 7,414 ნიკის ჩასმა პოსტში მონიშნულის ციტატაში ჩასმა |
როგორ გადავამოწმო როცა გურჯიევი ამბობს რომ მთვარე იკვებება ცოცხალი არსებებით?
როგორ გადავამოწმო როცა კასტანედა ამბობს რომ უცებ არწივად გადაიქცა? მე იმას ვამბობ რომ რასაც ვერ გადავამოწმებ არ დავიჯერებ. პლანეტები ნანახი მაქვს აბასთუმანში : ) არცერთ რელიგიურ კონფესიასთან არ ვაიგივებ თავს, თავდაპირველი მათი წყარო არ ვიცი მაგრამ ახლა ვერ გაიგებ რა მოიგონეს და რა არის ჭეშმარიტი. ჩემი აზრით ადამიანში დევს ჭეშმარიტების და ცრუს გარჩევის მექანიზმები, როცა მეუბნებიან რომ ქრისტე აღსდგა ან მკვდარი აღადგინა, ან როცა მღვდელი მეუბნება ეჭვი არ შეიტანო (ეშმაკი გებრძვისო) და ამ დროს რაღაც ზღაპარს მიყვება, მე ამ ყველაფრის არ მჯერა, შეიძლება აღსდგა კიდეც ან აღადგინა მკვდრეთით სხვა, ან წყალზე გაიარა, მაგრამ არ მესმის როგორ ჯერათ ასე ბრმად, ეგ მგონია აბსოლუტურად მცდარი. ჩემი პოზიცია არის ის რომ აღსდგა თუ არ აღსდგა მე არ ვიცი და ვერც გადავამოწმებ, ამიტომ მივყვები ჩემს ცნობიერებას და არა გარე ზღაპრებს რომლითაც გადავსებულია დედამიწა |
|
|
|
|
| Lo-Fi Version | Time is now: 6th June 2024 - 01:37 AM |
